തിരുവനന്തപുരം: ഇടുക്കിയിലെ ഭൂമി കൈയേറ്റത്തിൽ സിപിഎമ്മിനെതിരേ രൂക്ഷ വിമർശനവുമായി കോണ്ഗ്രസ് നേതാവ് വി.ഡി.സതീശൻ എംഎൽഎ രംഗത്ത്. മന്ത്രി എം.എം.മണിയും ജോയ്സ് ജോർജ് എംപിയും കൈയേറ്റ മാഫിയയുടെ പര്യായമാണെന്ന് സതീശൻ ആരോപിച്ചു.
ഇടുക്കിയിലെ ഭൂമി കൈയേറ്റ മാഫിയ സിപിഎമ്മിന്‍റെ പ്രധാന സാന്പത്തിക സ്രോതസുകളിൽ ഒന്നാണ്. ജോയ്സ് ജോർജ് എംപിയും മന്ത്രി എം.എം.മണിയും കൈയേറ്റ മാഫിയയുടെ പര്യായമായി പ്രവർത്തിക്കുന്നു. ഇതു മനസിലാക്കിയ ശേഷമാണ് സിപിഎം കുടിയേറ്റക്കാർക്കു വേണ്ടി മുതലക്കണ്ണീരൊഴുക്കുന്നത്- സതീശൻ ആരോപിച്ചു.
മുന്പ്, കുടിയേറ്റക്കാരെ ബൂർഷ്വാസികളായി മാത്രമാണ് സിപിഎം ചിത്രീകരിച്ചിരുന്നതെന്നും സതീശൻ കുറ്റപ്പെടുത്തുന്നു.
