ഒ​രു ദ​ന്താ​ശു​പ​ത്രി, പ​ത്തു മെ​ഡി​ക്ക​ൽ ക്യാമ്പുകള്‍ , മ​രു​ന്നു​ക​ട, ലൈ​ബ്ര​റി, തീര്‍ന്നില്ല..! കർഷകസമരത്തിന്‍റെ അണിയറയിൽ അന്പരപ്പിക്കും സജ്ജീകരണങ്ങൾ

സ്വ​ന്തം ലേ​ഖ​ക​ൻ

ന്യൂ​ഡ​ൽ​ഹി: ഒ​രു ദ​ന്താ​ശു​പ​ത്രി, പ​ത്തു മെ​ഡി​ക്ക​ൽ ക്യാ​ന്പു​ക​ൾ, മ​രു​ന്നു​ക​ട, ലൈ​ബ്ര​റി, ദി​വ​സം അ​ഞ്ഞൂ​റി​ലേ​റെ തു​ണി​ക​ൾ അ​ല​ക്കു​ന്ന ര​ണ്ടു വാ​ഷിം​ഗ് മെ​ഷീ​നു​ക​ൾ, മ​ണി​ക്കൂ​റി​ൽ ആ​യി​ര​ത്തി​ലേ​റെ ച​പ്പാ​ത്തി പ​ര​ത്തി​യെ​ടു​ക്കു​ന്ന മെ​ഷീ​ൻ, പി​ന്നെ ഒ​ര​ന്പ​ല​വും…

സ​ജ്ജീ​ക​ര​ണ​ങ്ങ​ളു​ടെ പ​ട്ടി​ക എ​ടു​ത്താ​ൽ ഇ​നി​യും നീ​ണ്ടു​പോ​കും. ഡ​ൽ​ഹി-​ഹ​രി​യാ​ന അ​തി​ർ​ത്തി​യി​ൽ ആ​യി​ര​ക്ക​ണ​ക്കി​ന് ക​ർ​ഷ​ക​ർ സ​മ​രം ചെ​യ്യു​ന്ന സിം​ഗു​വി​ലെ സ​ന്നാ​ഹ​ങ്ങ​ളാ​ണ് ഇ​തെ​ല്ലാം.

കേ​ന്ദ്രന​യ​ങ്ങ​ളോ​ടും ക​ടു​ത്ത ശൈ​ത്യ​ത്തോ​ടും എ​തി​രി​ട്ട് ഇ​വി​ടെ ക​ഴി​യു​ന്ന ക​ർ​ഷ​ക​രു​ടെ പ്ര​തി​ഷേ​ധം ഇ​ന്ത്യ​യു​ടെ സ​മ​രച​രി​ത്ര​ത്തി​ൽ ഇ​തു​വ​രെ ഇ​ല്ലാ​തി​രു​ന്ന പു​തി​യൊ​രു അ​ധ്യാ​യ​മാ​ണ് എ​ഴു​തി​ച്ചേ​ർ​ക്കു​ന്ന​ത്.

സ​മ​ര​ത്തി​നി​രി​ക്കു​ന്ന മു​തി​ർ​ന്ന ക​ർ​ഷ​ക​രു​ടെ വ​സ്ത്ര​ങ്ങ​ൾ അ​ല​ക്കി​ക്കൊ​ടു​ക്കാ​നാ​ണ് ലു​ധി​യാ​ന​യി​ൽ നി​ന്നു​ള്ള യു​വ​ക​ർ​ഷ​ക​ൻ പ്രി​ൻ​സ് സ​ന്ധു ര​ണ്ടു വാ​ഷിം​ഗ് മെ​ഷീ​നു​ക​ളു​മാ​യി വ​ന്ന​ത്.

ര​ണ്ടാ​ഴ്ച​യാ​യി ഇ​വി​ടെ എ​ത്തി​യി​ട്ട്. വ​ഴി​യ​രു​കി​ലി​രു​ന്ന് വൃ​ദ്ധ​രാ​യ ക​ർ​ഷ​ക​ർ തു​ണി ക​ഴു​കു​ന്ന​തു ക​ണ്ടാ​ണ് പ്രി​ൻ​സ് ര​ണ്ടു​വാ​ഷിം​ഗ് മെ​ഷീ​നു​ക​ൾ എ​ത്തി​ച്ച​ത്.

എ​ല്ലാ​വ​ർ​ക്കും ഉ​പ​യോ​ഗി​ക്കാ​വു​ന്ന വി​ധ​ത്തി​ൽ വ​ഴി​യ​രു​കി​ൽ ത​ന്നെ സ്ഥാ​പി​ച്ചു. ഡ്ര​യ​റു​ക​ളും ഉ​ള്ള​തു​കൊ​ണ്ട് എ​ളു​പ്പ​ത്തി​ൽ തു​ണി​ക​ൾ ക​ഴു​കി ഉ​ണ​ക്കി എ​ടു​ക്കാ​വു​ന്ന ഈ ​ര​ണ്ടു മെ​ഷീ​നു​ക​ളി​ലു​മാ​യി പ്ര​തി​ദി​നം അ​ഞ്ഞൂ​റി​ലേ​റെ വ​സ്ത്ര​ങ്ങ​ളാ​ണ് ക​ഴു​കി​യു​ണ​ക്കി എ​ടു​ക്കു​ന്ന​ത്.

പ്രി​ൻ​സ് സ​ന്ധു​വും സു​ഹൃ​ത്ത് അ​മ​ൻ​പ്രീ​തും ത​ന്നെ​യാ​ണ് മെ​ഷീ​നു​ക​ളു​ടെ അ​രി​കി​ൽ നി​ന്ന് വ​സ്ത്ര​ങ്ങ​ൾ വൃ​ത്തി​യാ​ക്കി കൊ​ടു​ക്കു​ന്ന​ത്. ട്രാ​ക്ട​റു​ക​ളി​ലെ​യും ട്ര​ക്കു​ക​ളി​ലെ​യും ബാ​റ്റ​റി​ക​ളു​ടെ​യും ജ​ന​റേ​റ്റു​ക​ളു​ടെ​യും സ​ഹാ​യ​ത്താ​ലാ​ണു വാ​ഷിം​ഗ് മെ​ഷീ​നു​ക​ൾ പ്ര​വ​ർ​ത്തി​പ്പി​ക്കു​ന്ന​ത്.

മൊ​ബൈ​ൽ ഫോ​ണു​ക​ളും ലാ​പ്ടോ​പ്പു​ക​ളും ചാ​ർ​ജ് ചെ​യ്യാ​ൻ ട്രാ​ക്ട​റു​ക​ളു​ടെ മു​ക​ളി​ൽ സോ​ളാ​ർ പാ​ന​ലു​ക​ൾ സ്ഥാ​പി​ച്ചി​ട്ടു​ണ്ട്. ഭ​ക്ഷ​ണം ത​യാ​റാ​ക്കു​ന്ന ലം​ഗാ​റി​ൽ ഹ​രി​യാ​ന​യി​ൽ നി​ന്നു കൊ​ണ്ടു​വ​ന്ന റൊ​ട്ടി മേ​ക്ക​റു​ണ്ട്.

മ​ണി​ക്കൂ​റി​ൽ ആ​യി​ര​ത്തി​ലേ​റെ റൊ​ട്ടി​ക​ൾ ഇ​തി​ൽ ഉ​ണ്ടാ​ക്കി​യെ​ടു​ക്കാം. പ്ര​തി​ദി​നം പ​ന്ത്ര​ണ്ടു ല​ക്ഷ​ത്തോ​ളം റൊ​ട്ടി​യാ​ണ് ക​ർ​ഷ​ക​ർ​ക്ക് വി​ള​ന്പു​ന്ന​ത്. സോ​ളാ​ർ പ​വ​റി​ലും ബാ​റ്റ​റി​യു​ടെ സ​ഹാ​യ​ത്തി​ലു​മാ​ണ് ഇ​തും പ്ര​വ​ർ​ത്തി​ക്കു​ന്ന​ത്.

പ​ത്തു മെ​ഡി​ക്ക​ൽ ക്യാ​ന്പു​ക​ളാ​ണ് സ​മ​ര​സ്ഥ​ല​ത്തു​ള്ള​ത്. ഒ​രു ബ​സി​നു​ള്ളി​ൽ ഡെ​ന്‍റ​ൽ ക്യാ​ന്പും പ്ര​വ​ർ​ത്തി​ക്കു​ന്നു​ണ്ട്. എ​ക്സ് റേ ​മെ​ഷീ​ൻ ഉ​ൾ​പ്പ​ടെ​യു​ള്ള സ​ജ്ജീ​ക​ര​ണ​ങ്ങ​ൾ ഇ​തി​നു​ള്ളി​ലു​ണ്ട്.

മൊ​ഹാ​ലി​യി​ൽ നി​ന്നു​ള്ള ഡോ. ​സ​ണ്ണി അ​ലു​വാ​ലി​യ​യും അ​ദ്ദേ​ഹ​ത്തി​ന്‍റെ ര​ണ്ടു വി​ദ്യാ​ർ​ഥി​ക​ളു​മാ​ണ് ഇ​ത് ന​ട​ത്തു​ന്ന​ത്. ഓ​രോ ദി​വ​സ​വും നൂ​റു ക​ണ​ക്കി​ന് ക​ർ​ഷ​ക​രാ​ണ് പ​ല്ലു സം​ബ​ന്ധ​മാ​യ പ​രാ​തി​ക​ളു​മാ​യി ഈ ​ബ​സി​ൽ ക​യ​റി​യി​റ​ങ്ങു​ന്ന​ത്.

ജ​സ്വീ​ർ സിം​ഗ് എ​ന്ന യു​വാ​വ് അ​ഞ്ഞൂ​റി​ലേ​റെ പു​സ്ത​ക​ങ്ങ​ളു​മാ​യി സ​മ​ര​സ്ഥ​ല​ത്ത് ലൈ​ബ്ര​റി തു​ട​ങ്ങി. സാം​സ്കാ​രി​കം, ഫി​ക്ഷ​ൻ, ഇ​ന്ത്യ​ൻ നി​യ​മ​ങ്ങ​ൾ എ​ന്നി​വ സം​ബ​ന്ധി​ച്ച പു​സ്ത​ക​ങ്ങ​ൾ ഇ​വി​ടെ​യു​ണ്ട്.

ഓ​രോ ദി​വ​സ​വും നൂ​റി​ലേ​റെ ക​ർ​ഷ​കരാ​ണ് ഫ​ത്തേ​ഗ​ഡി​ൽ നി​ന്നു​ള്ള ഗ​വേ​ഷ​ക വി​ദ്യാ​ർ​ഥി​യാ​യ ജ​സ്വീ​റി​ന്‍റെ ലൈ​ബ്ര​റി​യി​ൽ നി​ന്നു പു​സ്തക ങ്ങ​ളെ​ടു​ത്തു വാ​യി​ക്കാ​ൻ വ​രു​ന്ന​ത്.

ക​ർ​ഷ​ക​ർ സ​മ​രം ഇ​രി​ക്കു​ന്ന തി​ക്രി അ​തി​ർ​ത്തി​യി​ലും സ​മ​ര​ക്കാ​ർ​ക്ക് തു​ണി ക​ഴു​ക​ൻ വാ​ഷിം​ഗ് മെ​ഷീ​നു​ക​ൾ എ​ത്തി​ച്ചു ന​ൽ​കി​യി​രി​ക്കു​ന്ന​ത്.

ഈ ​പ്ര​ദേ​ശ​ത്തെ ജ​ബ്താ ഖേ​ര ഗ്രാ​മ​ത്തി​ലെ ആ​ളു​ക​ൾ ക​ർ​ഷ​ക​ർ​ക്കു ടെ​ന്‍റ് ഉ​ണ്ടാ​ക്കു​ന്ന​തി​നും കി​ട​ക്ക​ക​ൾ​ക്കു​മാ​യി 80,000 രൂ​പ​യാ​ണ് പി​രി​വെ​ടു​ത്തു ന​ൽ​കി​യ​ത്.