ഒടുവില്‍ അവര്‍ എല്ലാം തുറന്നുപറഞ്ഞു..! യു​വ​തി​യെ ത​ട്ടി​ക്കൊ​ണ്ടുപോ​യ സം​ഭ​വം; പ്ര​തി​കളുമായി തെ​ളി​വെ​ടു​പ്പ് ന​ട​ത്തി; പക്ഷേ…

മാ​ന്നാ​ർ:​ സ്വ​ർ​ണ്ണ​ക്ക​ട​ത്തു സം​ഘം യു​വ​തി​യെ ത​ട്ടി​ക്കൊ​ണ്ടുപോ​യ സം​ഭ​വത്തിൽ പ്ര​തി​ക​ളെ കൊ​ണ്ട് തെ​ളി​വെ​ടു​പ്പ് ന​ട​ത്തി.

പ്ര​തി​ക​ൾ ഉ​പ​യോ​ഗി​ച്ച ആ​യു​ധ​ങ്ങ​ൾ ആ​റ്റി​ൽ ഉ​പേ​ക്ഷി​ച്ചുവെ​ന്ന മൊ​ഴി​യെത്തുട​ർ​ന്നാ​ണ് തെ​ളി​വെ​ടു​പ്പി​നാ​യി കോ​ട്ട​യ്ക്ക​ൽ ക​ട​വി​ൽ എ​ത്തി​ച്ച​ത്.

ദു​ബാ​യി​ൽനി​ന്ന് ക​ഴി​ഞ്ഞ 19 ന് ​നാ​ട്ടി​ലെ​ത്തി​യ മാ​ന്നാ​ർ കു​ര​ട്ടി​ക്കാ​ട് വി​സ്മ​യ​ഭ​വ​ന​ത്തി​ൽ ബി​ന്ദു​വി​നെയാണ് സ്വ​ർ​ണ​ക്ക​ട​ത്ത് സം​ഘം വീ​ട്ടി​ൽനി​ന്നും ത​ട്ടി​ക്കൊണ്ടു​പോ​യ​ത്.

വീ​ട് ആ​ക്ര​മി​ച്ച് അ​ക​ത്തുക​യ​റാ​നും യു​വ​തി​യെ പു​റ​ത്തെത്തി​ച്ചു കൊ​ടു​ക്കാ​ൻ വേ​ണ്ട സ​ഹാ​യം ചെ​യ്തു കൊ​ടു​ക്കു​ക​യും വാ​ഹ​ന​ത്തി​ൽ ക​ട​ത്തിക്കൊണ്ടു പോ​കുകയും ചെ​യ്ത പൊ​ന്നാ​നി ആ​ന​പ്പ​ടി പാ​ല​യ്ക്ക​ൽ അ​ബ്ദു​ൾ ഫ​ഹ​ദ്,

പ​ര​വു​ർ മ​ന്നം കാ​ഞ്ഞി​ര​പ്പ​റ​ന്പി​ൽ അ​ൽഷാ​ദ് ഹ​മീ​ദ്, തി​രു​വ​ല്ല ശ​ങ്ക​ര​മം​ഗ​ലം വി​ട്ടി​ൽ ബി​നോ വ​ർ​ഗീ​സ്, പ​രു​മ​ല തി​ക്ക​പ്പു​ഴ മ​ല​യി​ൽ തെ​ക്കേ​തി​ൽ ശി​വ​പ്ര​സാ​ദ്, പ​രു​മ​ല കോ​ട്ട​യ്ക്കമാ​ലി സു​ബി​ൻ കൊ​ച്ചു​മോ​ൻ എ​ന്നീ പ്ര​തി​ക​ളെ കൊ​ണ്ടാ​ണ് പോ​ലീ​സ് തെ​ളി​വെ​ടു​പ്പ് ന​ട​ത്തി​യ​ത്.

ഇ​ന്ന​ലെ രാ​വി​ലെ 11ന് മാന്നാ​ർ എ​ച്ച്ഒ എ​സ്. നു​മാ​ന്‍റെ നേ​തൃ​ത്വ​ത്തിലു​ള്ള പോ​ലീ​സ് സം​ഘ​മാ​ണ് പ്ര​തി​ക​ളെ തെ​ളി​വെ​ടു​പ്പി​നാ​യി കൊ​ണ്ടുവ​ന്ന​ത്.

പ്ര​തി​ക​ൾ ഉ​പ​യോ​ഗി​ച്ച ആ​യു​ധ​ങ്ങ​ൾ മാ​ന്നാ​ർ കു​ര​ട്ടി​ക്കാ​ട് കോ​ട്ട​യ്ക്ക​ൽ ക​ട​വ് പാ​ല​ത്തി​ൽ നി​ന്ന് ആ​റ്റിലേ​ക്കാ​ണ് ക​ള​ഞ്ഞ​തെ​ന്നു പ്ര​തി​ക​ൾ പോ​ലീ​സി​നോ​ട് പ​റ​ഞ്ഞി​രു​ന്നു. ​പ്ര​തി​ക​ൾ ക​ള​ഞ്ഞ​ആ​യു​ധ​ങ്ങ​ൾ ആ​റ്റി​ൽ തി​ര​ച്ചി​ൽ ന​ട​ത്തി​യെ​ങ്കി​ലും ക​ണ്ടെ​ത്താ​നാ​യി​ല്ല.​

യു​വ​തി​യെ ത​ട്ടി​ക്കൊ​ണ്ടു​പോ​കാ​നുള്ള പ്രാ​ദേ​ശി​ക സ​ഹാ​യം ചെ​യ്യു​ന്ന​തി​നു വേ​ണ്ട ആ​ലോ​ച​ന​ക​ൾ മു​ഴു​വ​ൻ ന​ട​ന്ന​ത് കു​ര​ട്ടി​ക്കാ​ട് കോ​ട്ട​യ്ക്ക​ൽ ക​ട​വ് പാ​ല​ത്തി​നു സ​മീ​പമാണെ​ന്ന് പ്ര​തി​ക​ൾ പോ​ലീ​സി​നോ​ട് സ​മ്മ​തി​ച്ചു.​

കൃത്യം ക​ഴി​ഞ്ഞ് തി​രി​കെ വ​രു​ന്നവ​ഴി​യാ​ണ് പാ​ല​ത്തി​ൽനി​ന്നും വ​ടി​വാ​ൾ, ക​ന്പി​പ്പാ​ര തു​ട​ങ്ങി​യ ആ​യു​ധ​ങ്ങ​ൾ പാ​ല​ത്തി​ൽനി​ന്നും വെ​ള്ള​ത്തി​ലേ​ക്ക് ക​ള​ഞ്ഞ​തെ​ന്നും പ്ര​തി​ക​ൾ പോ​ലീ​സി​നോ​ട് പ​റ​ഞ്ഞു.

പ്ര​തി​ക​ൾ​ക്ക് സ​ഹാ​യ​ങ്ങ​ൾ ചെ​യ്തു ന​ൽ​കു​ക​യും ബി​ന്ദു​വി​ന്‍റെ വീ​ട് കാ​ണി​ച്ചു കൊ​ടു​ക്കു​ക​യും ചെ​യ്ത മാ​ന്നാ​ർ റാ​ന്നി പ​റ​ന്പി​ൽ പി​റ്റ​റി​നെ നേ​ര​ത്തേ പോ​ലീസ് അ​റ​സ്റ്റ് ചെ​യ്തി​രു​ന്നു. ഇ​തോ​ടെ മൊ​ത്തം ആ​റ് പ്ര​തി​ക​ളാ​ണ് പി​ടി​യി​ലാ​യ​ത്.

ഇ​തു​മാ​യി ബ​ന്ധ​പ്പെ​ട്ട എ​ല്ലാവ​രെ​യും തി​രി​ച്ച​റി​ഞ്ഞി​ട്ടു​ണ്ടെ​ന്നും അ​വ​രും ഉ​ട​ൻ പി​ടി​യി​ലാ​കു​മെ​ന്നും പോ​ലീ​സ് പ​റ​ഞ്ഞു.

തെ​ളി​വെ​ടുപ്പി​നും വൈ​ദ്യ പ​രി​ശോ​ധ​ന​യ്ക്കും ശേ​ഷം കോ​ട​തി​യി​ൽ ഹാ​ജ​രാ​ക്കി​യ പ്ര​തി​ക​ളെ കൂ​ടു​ത​ൽ തെ​ളി​വെ​ടു​പ്പി​നും ചോ​ദ്യം ചെ​യ്യാ​നു​മാ​യി ക​സ്റ്റ​ഡി​യി​ൽ വാ​ങ്ങും.