തിരുവനന്തപുരം: തിരുവനന്തപുരം വിമാനത്താവളത്തില്‍ ലാൻഡിംഗിനിടെ വിമാനത്തില്‍ പക്ഷിയിടിച്ചെങ്കിലും വിമാനം സുരക്ഷിതമായി നിലത്തിറക്കി. ഇന്നലെ ഡൊമസ്റ്റിക് ടെര്‍മിനലിലായിരുന്നു സംഭവം.
ഡല്‍ഹി- തിരുവനന്തപുരം എയര്‍ ഇന്ത്യ വിമാനം ലാൻഡിംഗ് നടത്തുന്നതിനിടെയായിരുന്നു സംഭവം. വിമാനം താഴ്ന്ന് 200 അടി ഉയരത്തില്‍ എത്തിയപ്പോഴാണ് വിമാനത്തില്‍ പക്ഷിയിടിച്ചത്.
പൈലറ്റ് സുരക്ഷിതമായി വിമാനം നിലത്തിറക്കുകയായിരുന്നു. തിരുവനന്തപുരം വിമാനത്താവളത്തില്‍ പക്ഷി ശല്യം രൂക്ഷമാകുന്നത് വിമാന സര്‍വീസുകള്‍ക്ക് ഭീഷണിയായി മാറിയിട്ടുണ്ട്.
