കോഴിക്കോട്: നടുറോട്ടില്‍ മധ്യവയസ്‌ക്കയെ ചവിട്ടി വീഴ്ത്തി യുവാവ്. തിരുവമ്പാടിയിലാണ് സംഭവം. തിരുവമ്പാടി ബീവറേജിന് സമീപത്തെ റോഡിലൂടെ നടന്നു പോയ സ്ത്രീയെയാണ് മദ്യലഹരിയില്‍ യുവാവ് ചവിട്ടി വീഴ്ത്തിയത്. തിരുവമ്പാടി പോലീസ് പ്രതിയെ അറസ്റ്റ് ചെയ്ത് ജാമ്യത്തില്‍ വിട്ടു.
റോഡിലൂടെ നടന്നു പോവുകയായിരുന്ന സ്ത്രീകളും പ്രതിയും തമ്മില്‍ വാക്കുതര്‍ക്കത്തിലേര്‍പ്പടുകയായിരുന്നു. പിരിവുമായി ബന്ധപ്പെട്ടാണ് ഇരു കൂട്ടരും തമ്മിൽ തർക്കം ഉണ്ടായത്. തര്‍ക്കിച്ച് നടന്ന് നീങ്ങുകയായിരുന്ന മധ്യവയസ്‌ക്കയെ പ്രതി ഓടി വന്ന് മുതുകിൽ ചവിട്ടി വീഴ്ത്തി. ചവിട്ടേറ്റ ഇവര്‍ റോഡിന് സമീപം വീണു.
മര്‍ദനത്തില്‍ മധ്യവയസ്‌ക പരാതി നല്‍കിയിട്ടില്ല. പൊതുസ്ഥലത്ത് മദ്യപിച്ച് ബഹളമുണ്ടാക്കിയതിന് പോലീസ് സ്വമേധയ കേസെടുത്ത് പ്രതിയെ ജാമ്യത്തില്‍ വിട്ടു.
