പശുവിനെ ചിക്കൻ മോമോസ് കഴിപ്പിച്ച് വ്ലോഗർ. ഗുരുഗ്രാമിലാണ് സംഭവം. 28-കാരനായ ഋതിക് ചാന്ദ്നയെ പോലീസ് അറസ്റ്റ് ചെയ്തു. പശു സംരക്ഷകരുടെ പരാതിയിലാണ് കേസെടുത്തത്. പശുവിനെ മാംസാഹരം കഴിപ്പിച്ചതിലൂടെ മതവികാരം വ്രണപ്പെടുത്താന് യുവാവ് ശ്രമിച്ചുവെന്നാണ് കേസ്. തെരുവില് അലഞ്ഞ് നടന്ന പശുവിനാണ് യുവാവ് മോമോസ് നല്കിയത്.
പശുവിന് മോമോസ് കൊടുക്കുന്ന വീഡിയോ ഇയാൾ സമൂഹ മാധ്യമങ്ങളിൽ പങ്കുവച്ചിരുന്നു. ഡിലീറ്റ് ചെയ്യാൻ പറഞ്ഞിട്ടും യുവാവ് അതിനു തയാറായില്ല. ദിവസങ്ങള്ക്ക് മുന്പാണ് ഇയാള് വീഡിയോ സമൂഹമാധ്യമങ്ങളില് പങ്കുവച്ചതെന്ന് അന്വേഷണ ഉദ്യോഗസ്ഥന് പറഞ്ഞു. സെക്ടര് 56ലെ ഒരു മാര്ക്കറ്റില് നിന്ന് ചിക്കന് മോമോസ് വാങ്ങിയ ഋതിക് കുറച്ച് കഴിച്ച ശേഷം അവശേഷിച്ചത് പശുവിന് നല്കുകയായിരുന്നു.
