തൃശൂർ; വി.കെ. ശ്രീരാമന്റെ വിവാദ പോസ്റ്റിനു താഴെ അനുകൂലിച്ചും പ്രതികൂലിച്ചും നിരവധി കമന്റുകളാണു വരുന്നത്. പുലിക്കളി പലര്ക്കും ജീവിതമാര്ഗമാണെന്നും സിനിമയില് അശ്ലീലം പറഞ്ഞും ചെയ്തും ജീവിക്കുന്നവരെ കാണുമ്പോള് താങ്കള്ക്കു മനംപുരട്ടല് ഉണ്ടാകാറുണ്ടോയെന്നും ഫേസ്ബുക്കിലെ മറുപടി പോസ്റ്റിൽ ചോദ്യം ഉയർന്നു.
കഥാപാത്രത്തിനുവേണ്ടി തടി കൂട്ടുകയും കുറയ്ക്കുകയും ചെയ്യുന്ന താരങ്ങളെ കുറിച്ച് എന്താണ് അഭിപ്രായം? ഏറ്റവും മോശം ഡ്രസും ധരിച്ച് ഓട വൃത്തിയാക്കാന് ഇറങ്ങുന്നവരെ കാണുമ്പോള് താങ്കള്ക്ക് എന്താണു തോന്നുന്നത്, ആണിനും പെണ്ണിനും രൂപഭംഗി ഇല്ലാത്തതുതന്നെയാണ്, പിന്നെ കലയ്ക്കുവേണ്ടി ആഭാസം എന്നൊന്നും പറയരുത് കുറേ മനുഷ്യരുടെ ജീവിതമാണ്. കുറേ മനുഷ്യരുടെ കാത്തിരിപ്പാണെന്നും പലരും അഭിപ്രായപ്പെടുന്നു.
പലതരം വേഷങ്ങൾ കൈകാര്യംചെയ്തു പണംവാങ്ങി ജീവിതംകഴിച്ച താങ്കൾക്ക് ഇപ്പോഴാണു തിരിച്ചറിവുകൾ വരുന്നതെന്ന് ഒരു സിനിമയിൽ ബാലികയെ പീഡിപ്പിച്ചുകൊല്ലുന്ന കഥാപാത്രത്തെ വി.കെ. ശ്രീരാമൻ അവതരിപ്പിച്ചതു ചൂണ്ടിക്കാട്ടി ഒരാൾ മറുപടി പോസ്റ്റിൽ വിമർശിച്ചിട്ടുണ്ട്. താങ്കളുടെ ശരീരംവച്ച് അത്തരം വേഷങ്ങൾ ചെയ്യുന്പോൾ അന്നത്തിനുള്ള വകയ്ക്കാണെന്ന ലക്ഷ്യമുണ്ടായിരുന്നല്ലോ, അതുതന്നെയാണു പുലിവേഷം കെട്ടുന്നവർ ചെയ്യുന്നതെന്നും ഒാർമിപ്പിക്കുന്നു.
പുലിക്കളി വൃത്തികേടാണെന്നും പലപ്പോഴും ഫേസ്ബുക്കിൽ അതിനെക്കുറിച്ചു പറയണമെന്നു വിചാരിക്കുമെങ്കിലും കമന്റ് ബോക്സിൽ വരാൻ സാധ്യതയുള്ള തെറികൾ താങ്ങാൻ ശേഷിയില്ലാത്തതുകൊണ്ട് മൗനം പാലിക്കുകയായിരുന്നെന്ന് അനുകൂലപോസ്റ്റുമുണ്ട്. പോസ്റ്റിനുള്ള ലൈക്ക് ആയിരവും കടന്നുപോകുന്പോൾ അനുകൂലപ്രതികൂല പോസ്റ്റുകളും നിറയുകയാണ്.
