കോട്ടയം: ഓപ്പറേഷൻ തൂഫാന്റെ ഭാഗമായി രാമപുരം പൊലിസ് നടത്തിയ പരിശോധനയിൽ വൻ തോതിൽ നിരോധിത പുകയില ഉൽപ്പങ്ങൾ പിടിച്ചെടുത്തു. രാമപുരം പൂവക്കുളത്തുണ്ടായ സംഭവത്തിൽ വാചാലിൽ നിർമ്മല രവിയെ പൊലിസ് അറസ്റ്റ് ചെയ്തു.
വീടിനോട് ചേർന്നു പ്രവർത്തിക്കുന്ന കടയിലാണ് ഇവർ പുകയില ഉൽപ്പങ്ങൾ സൂക്ഷിച്ചിരുന്നത്. രഹസ്യവിവരത്തിന്റെ അടിസ്ഥാനത്തിൽ ദിവസങ്ങളായി ഇവർ നിരീക്ഷണത്തിലായിരുന്നു. പരിശോധനയിൽ 262 ഹാൻസ് പായ്ക്കറ്റുകൾ പിടിച്ചെടുത്തെന്ന് രാമപുരം സിഐ വ്യക്തമാക്കി.
ഇവർക്ക് ഇത്രയും അളവിൽ ലഹരിവസ്തുകൾ എവിടെ നിന്ന് കിട്ടിയെന്ന് അറിയാൻ പൊലിസ് അന്വേഷണം ഊർജിതമാക്കി. ലഹരി വസ്തുക്കളുടെ വിൽപ്പന തടയുന്നതിന്റെ ഭാഗമായി വരും ദിവസങ്ങളിലും പരിശോധന ശക്തമാക്കുമെന്ന് പൊലിസ് അറിയിച്ചു.
പരിശോധയ്ക്ക് എസ്ഐ സാബു ആന്റണി, സീനിയർ സിപിഒ രാജേഷ്, സിപിഒമാരായ ശരണ്യ, രഞ്ജിത്ത്, സിഎയുടെ സ്പെഷ്യൽ ഷാഡോ അംഗങ്ങളായ വിഷ്ണു, ഷിജു എന്നിവർ പങ്കെടുത്തു.
