ന്യൂഡൽഹി: എസ്ഐആർ നടപടിക്രമങ്ങൾക്കും മുഖ്യ തെരഞ്ഞെടുപ്പ് കമ്മിഷണർക്കുമെതിരായി കോൺഗ്രസ് നേതൃത്വത്തിൽ ഇന്ത്യ സഖ്യം നടത്തുന്ന മഹാറാലി ഇന്ന് നടക്കും. ഡൽഹി രാംലീല മൈതാനിയിൽ 12 മണിക്ക് ആണ് റാലി.’
കൊണാട്ട് പ്ലേസിൽ നിന്ന് ആരംഭിക്കുന്ന റാലി രാംലീല മൈതാനിയിൽ പൊതുസമ്മേളനത്തോടെ സമാപിക്കും. രാജ്യത്തിന്‍റെ വിവിധ ഭാഗങ്ങളിൽ നിന്ന് നിരവധി നേതാക്കളും പ്രവർത്തകരും ശനിയാഴ്ച തന്നെ രാജ്യതലസ്ഥാനത്തെത്തിയിട്ടുണ്ട്.
റാലിയിൽ10 ലക്ഷം പങ്കെടുപ്പിക്കാനാണ് ഒരുക്കങ്ങളെന്ന് എഐസിസി ജനറൽ സെക്രട്ടറി കെ.സി. വേണുഗോപാൽ വ്യക്തമാക്കി. 18,000 പേരെ റാലിയിൽ പങ്കെടുപ്പിക്കുമെന്ന് സിപിഎം രാജ്യസഭാ എംപി ജോൺ ബ്രിട്ടാസ് അറിയിച്ചു.
അതേസമയം മഴയെ തുടർന്ന് രാംലീല മൈതാനിയിൽ വെള്ളക്കെട്ട് രൂപപ്പെട്ടിരുന്നു. നനഞ്ഞ മണ്ണിൽ തുണിവിരിക്കുന്നതടക്കമുള്ള പ്രവർത്തികൾ പുരോഗമിക്കുന്നുണ്ട്.
