ന്യൂഡൽഹി: ജമ്മു കാഷ്മീർ മുഖ്യമന്ത്രി ഒമർ അബ്ദുള്ളയും പ്രമുഖ മാധ്യമപ്രവർത്തക നിധി രാസ്ദാനും വിവാഹിതരായി. ഒക്ടോബർ 30-ന്ഡൽഹിയിലും ശ്രീനഗറിലുമായി നടന്ന സ്വകാര്യ ചടങ്ങിലായിരുന്നു വിവാഹം. “ഇന്നലെ ഒരു പുതിയ യാത്ര ആരംഭിച്ചു” എന്ന അടിക്കുറിപ്പോടെ തങ്ങളുടെ പുതിയ ജീവിതയാത്ര ആരംഭിച്ച വിവരം സോഷ്യൽ മീഡിയ പോസ്റ്റുകളിലൂടെയാണ് ഇരുവരും പങ്കുവച്ചത്. ‘എല്ലാം കഴിഞ്ഞിരിക്കുന്നു സുഹൃത്തേ’ (It’s done bro) എന്ന അടിക്കുപ്പിയോടെയാണ് നിധി ചിത്രങ്ങള്‍ പങ്കുവച്ചത്.
സ്‌പെഷ്യൽ മാര്യേജ് ആക്ട് പ്രകാരമായിരുന്നു വിവാഹച്ചടങ്ങുകൾ നടന്നത്. നാഷണൽ കോൺഫറൻസ് അധ്യക്ഷൻ ഫാറൂഖ് അബ്ദുള്ള, മോളി അബ്ദുള്ള, നിധി രാസ്ദാന്‍റെ മാതാപിതാക്കളായ എം.കെ. രാസ്ദാൻ, സർള രാസ്ദാൻ എന്നിവരുൾപ്പെടെ അടുത്ത ബന്ധുക്കൾ പങ്കെടുത്തു.
മുൻ ഭാര്യ പായൽ അബ്ദുള്ളയുമായുള്ള ഒമർ അബ്ദുള്ളയുടെ വിവാഹബന്ധം പരസ്പര സമ്മതത്തോടെയുള്ള ഒത്തുതീർപ്പിനെത്തുടർന്ന് സുപ്രീംകോടതി അടുത്തിടെയാണ് ഔദ്യോഗികമായി വേർപെടുത്തിയത്. ഇരുവരുടെയും രണ്ടാം വിവാഹമാണിത്.
