തിരുവനന്തപുരം: സിപിഎം നേതാവ് പൊലിസിനെ വിമർശിച്ച് ഫേസ്ബുക്കിൽ പോസ്റ്റിട്ടു. അതിനു ലൈക്ക് ചെയ്ത പൊലിസ് ഉദ്യോഗസ്ഥന് സസ്പെൻഷൻ. തിരുവല്ലം സ്റ്റേഷനിലെ ഗ്രേഡ് എസ്ഐ ആർ.പി. അരവിന്ദിനെ ആണ് സസ്പെൻഡ് ചെയ്തത്.
സിപിഎം നേതാവ് ഐപി ബിനുവിന്‍റെ പോസ്റ്റിനാണ് അരവിന്ദ് ലൈക്ക് ചെയ്തത്. പൊലിസിനെ വിമർശിക്കുന്ന പോസ്റ്റിൽ ലൈക്ക് ചെയ്തത് അച്ചടക്കലംഘനമാണെന്ന വിലയിരുത്തലിലാണ് നടപടി. ‘അരവിന്ദ് അഭയം’ എന്ന പ്രൊഫൈലിൽനിന്നാണ് ബിനുവിന്‍റെ പോസ്റ്റിന് ലൈക്ക് ചെയ്തത്.
