നാ​ലാം​ ദിവസവും കാ​ണാ​മ​റ​യ​ത്ത്… കൊ​ല്ല​ത്ത് കു​ട്ടി​യെ ത​ട്ടി​ക്കൊ​ണ്ടു​പോ​യ സം​ഭ​വം; പ്ര​തി​ക​ളെ​ക്കു​റി​ച്ച് ഒ​രു തു​മ്പും ഇ​ല്ല; സ്വി​ഫ്റ്റ് ഡി​സ​യ​ർ കാ​റു​ക​ളു​ടെ വി​വ​ര​ങ്ങ​ൾ ശേ​ഖ​രി​ക്കു​ന്നു

കൊ​ല്ലം: ഓ​യൂ​രി​ൽനി​ന്ന് ആ​റു വ​യ​സു​കാ​രി​യെ ത​ട്ടി​ക്കൊ​ണ്ടുപോ​യ സം​ഭ​വം ന​ട​ന്ന് നാ​ല് ദി​വ​സമാകുമ്പോ​ഴും പ്ര​തി​ക​ളെ ക്കുറി​ച്ച് ഒ​രു തു​മ്പും ല​ഭി​ക്കാ​തെ പോ​ലീ​സ്.

പ്ര​ത്യേ​ക സം​ഘ​ത്തെ രൂ​പീ​ക​രി​ച്ച് അ​ന്വേ​ഷ​ണം വി​പു​ല​പ്പെ​ടു​ത്തി​യി​ട്ടും പ്ര​തി​ക​ളി​ലേ​ക്ക് എ​ത്താ​ൻ ക​ഴി​യാ​തെ ഇ​രു​ട്ടി​ൽ ത​പ്പു​ക​യാ​ണ് പോ​ലീ​സ്.

തട്ടിക്കൊണ്ടുപോയ കുട്ടിയെ കണ്ടുകിട്ടിയിട്ടും പ്ര​തി​ക​ൾ സ​ഞ്ച​രി​ച്ച കാ​റും ഓ​ട്ടോ​റി​ക്ഷ​യും ഇ​തു​വ​രെ ക​ണ്ടെ​ത്താ​ൻ ക​ഴി​യാ​ത്ത​ത് അ​ന്വേ​ഷ​ണ സം​ഘ​ത്തെ സം​ബ​ന്ധി​ച്ചി​ട​ത്തോ​ളം വ​ലി​യ നാ​ണ​ക്കേ​ടാ​യിരിക്കുകയാണ്.

സം​ഘം കു​ട്ടി​യു​മാ​യി ത​ങ്ങി​യ വ​ലി​യ വീ​ട് എ​വി​ടെ​യാ​ണെന്നുപോ​ലും ക​ണ്ടെ​ത്താ​ൻ ക​ഴി​ഞ്ഞി​ട്ടി​ല്ല. അ​തേസ​മ​യം ഓ​ട്ടോ​റി​ക്ഷ​യു​ടെ മോ​ഡ​ൽ സം​ബ​ന്ധി​ച്ച് ചി​ല സൂ​ച​ന​ക​ൾ പോ​ലീ​സി​ന് ല​ഭി​ച്ച​താ​യി സൂചനയുണ്ട്.

വീ​ടു​ക​ൾ കേ​ന്ദ്രീ​ക​രി​ച്ച് തെ​ര​ച്ചി​ൽ
കു​ട്ടി​യെ ത​ട്ടി​യെ​ടു​ത്തശേ​ഷം ക​ല്ലു​വാ​തു​ക്ക​ലി​ൽ എ​ത്തി​യ സം​ഘം പി​ന്നീ​ട് പോ​യ​ത് ചി​റ​ക്ക​ര​യി​ലേ​ക്കാ​ണ്. അ​വി​ടെനിന്ന് സം​ഘ​ത്തി​ലെ സ്ത്രീ​യും പു​രു​ഷ​നും പാ​രി​പ്പ​ള്ളി കു​ള​മ​ട​യി​ലെ ക​ട​യി​ൽ എ​ത്തി​യ​ത് ഓ​ട്ടോ​റി​ക്ഷ​യി​ലാ​ണ്.

ഇ​വ​ർ അ​വി​ടെ ഏ​ഴ് മി​നി​റ്റ് ചെ​ല​വ​ഴി​ക്കു​ക​യും ചെ​യ്തു. സം​ഘം വ​രു​ന്ന​തും കാ​ത്ത് ചി​റ​ക്ക​ര​യി​ൽ ഓ​ട്ടോ​റി​ക്ഷ ത​യാ​റാ​ക്കി നി​ർ​ത്തി​യി​രു​ന്നു എ​ന്നാ​ണ് പോ​ലീ​സ് ക​രു​തു​ന്ന​ത്. ഇ​തി​ന് പ്രാ​ദേ​ശി​ക​മാ​യി ചി​ല​രു​ടെ പി​ന്തു​ണ ല​ഭി​ച്ച​താ​യും സൂ​ച​ന​യു​ണ്ട്.

മാ​ത്ര​മ​ല്ല വാ​ട​ക വീ​ടു​ക​ൾ തെര​ക്കി ചി​ല​ർ ചി​റ​ക്ക​ര​യി​ൽ എ​ത്തി​യ​താ​യി പ്ര​ദേ​ശവാ​സി​ക​ൾ പോ​ലീ​സി​ന് വി​വ​ര​വും കൈ​മാ​റി​യി​ട്ടു​ണ്ട്. ഇ​തി​ന്‍റെ അ​ടി​സ്ഥാ​ന​ത്തി​ൽ ചി​റ​ക്ക​ര​യി​ലെ എ​ല്ലാ വീ​ടു​ക​ളും കേ​ന്ദ്രീ​ക​രി​ച്ച് പോ​ലീ​സ് തെ​ര​ച്ചി​ൽ ന​ട​ത്തു​കയാണ്.

സ്ഥ​ല​ത്ത് ക്യാ​മ്പ് ചെ​യ്താ​ണ് തെ​ര​ച്ചി​ൽ. അ​മ്മാ​ര​ത്ത് മു​ക്ക്, പു​ത്ത​ൻ​കു​ളം, പൂ​ത​ക്കു​ളം മേ​ഖ​ല​ക​ളി​ലും തെ​ര​ച്ചി​ൽ വ്യാ​പ​ക​മാ​യി ന​ട​ക്കു​ന്നു.

കൂ​ടു​ത​ൽ സി​സി​ടി​വി ദൃ​ശ്യ​ങ്ങ​ൾ തേടുന്നു
പ്ര​തി​ക​ൾ സ​ഞ്ച​രി​ച്ച സ്ഥ​ല​ങ്ങ​ളി​ലെ കൂ​ടു​ത​ൽ സി​സി​ടി​വി ദൃ​ശ്യ​ങ്ങ​ൾ സൈ​ബ​ർ വി​ദ​ഗ്‌​ധ​രു​ടെ സ​ഹാ​യ​ത്തോ​ടെ അ​ന്വേ​ഷ​ണ സം​ഘം ശേ​ഖ​രി​ച്ച് വ​രു​ന്നു. ഇ​തി​നാ​യി 15 സം​ഘ​ങ്ങ​ളെ നി​യോ​ഗി​ച്ചി​ട്ടു​ണ്ട്.

പ്ര​തി​ക​ളെ വ്യ​ക്ത​മാ​യി കാ​ണാ​ൻ ക​ഴി​യു​ന്ന ദൃ​ശ്യ​ങ്ങ​ൾ പ​രി​ശോ​ധ​ന​യി​ൽ ല​ഭി​ക്കു​മെ​ന്നാ​ണ് പ്ര​തീ​ക്ഷ. ഇ​ങ്ങ​നെ ല​ഭി​ച്ച ചി​ല നി​ർ​ണാ​യ​ക ദൃ​ശ്യ​ങ്ങ​ൾ ഇ​ന്ന​ലെ കൊ​ട്ടാ​ര​ക്ക​ര റൂ​റ​ൽ പോ​ലീ​സ് ആ​സ്ഥാ​ന​ത്ത് ഡി​ഐ​ജി ആ​ർ.​ നി​ശാ​ന്തി​നി​യു​ടെ നേ​തൃ​ത്വ​ത്തി​ലു​ള​ള സം​ഘം പ​രി​ശോ​ധി​ക്കയു​ണ്ടാ​യി.

ക​ട​ക​ളി​ലും മ​റ്റ് സ്ഥാ​പ​ന​ങ്ങ​ളി​ലും വീ​ടു​ക​ളി​ലും ഉ​ള്ള സി​സി​ടി​വി ദൃ​ശ്യ​ങ്ങ​ൾ മാ​ധ്യ​മ​ങ്ങ​ൾ​ക്ക് കൈ​മാ​റ​രു​തെ​ന്ന ക​ർ​ശ​ന നി​ർ​ദേ​ശ​വും പോ​ലീ​സ് ന​ൽ​കി​യി​ട്ടു​ണ്ട്. അ​ട​ച്ചി​ട്ടി​രു​ന്ന ക​ട​ക​ളി​ൽ പോ​ലും ഉ​ട​മ​ക​ളെ വി​ളി​ച്ചുവ​രു​ത്തി കാ​മ​റ​ക​ൾ പ​രി​ശോ​ധി​ച്ച ശേ​ഷ​മാ​ണ് പോ​ലീ​സ് ഇ​ങ്ങ​നെ​യൊ​രു നി​ർ​ദേ​ശം ന​ൽ​കി​യ​ത്.

സ്വി​ഫ്റ്റ് ഡി​സ​യ​ർ കാ​റു​ക​ളു​ടെ വി​വ​ര​ങ്ങ​ൾ ശേഖരിക്കുന്നു
പ്ര​തി​ക​ൾ സ​ഞ്ച​രി​ച്ച കാ​റും ഓ​ട്ടോ​റി​ക്ഷ​യും സം​ബ​ന്ധി​ച്ച വി​വ​ര​ങ്ങ​ൾ ല​ഭി​ക്കു​ന്ന​തി​ന് പോ​ലീ​സ് മോ​ട്ടോ​ർ വാ​ഹ​ന വ​കു​പ്പി​ന്‍റെ സ​ഹാ​യം തേ​ടി. സം​സ്ഥാ​ന​ത്ത് ര​ജി​സ്റ്റ​ർ ചെ​യ്ത സ്വി​ഫ്റ്റ് ഡി​സ​യ​ർ കാ​റു​ക​ളു​ടെ വി​വ​ര​ങ്ങ​ൾ ഇ​ന്നുത​ന്നെ കൈ​മാ​റ​ണ​മെ​ന്നാ​ണ് അ​ന്വേ​ഷ​ണ സം​ഘം നി​ർ​ദേ​ശി​ച്ചി​ട്ടു​ള്ള​ത്. സ്വി​ഫ്റ്റ് ഡി​സ​യ​ർ കാറിലാണ് കുട്ടിയെ തട്ടിക്കൊണ്ടു പോയത്.

ഓ​ട്ടോ​റി​ക്ഷ​യു​ടെ കാ​ര്യ​ത്തി​ലും മോ​ട്ടോ​ർ വാ​ഹ​ന വ​കു​പ്പി​ന്‍റെ സ​ഹാ​യം ഉ​ണ്ടാ​കും. പു​തി​യ മോ​ഡ​ൽ ഡീ​സ​ൽ ഓ​ട്ടോ​റി​ക്ഷ​യാ​ണ് സം​ഘം ഉ​പ​യോ​ഗി​ച്ച​തെന്നാ​ണ് ഏ​റ്റ​വും ഒ​ടു​വി​ൽ ല​ഭി​ക്കു​ന്ന സൂ​ച​ന​ക​ൾ. ആ ​വ​ഴി​ക്കും പോ​ലീ​സ് അ​ന്വേ​ഷി​ക്കു​ന്നു​ണ്ട്. ര​ണ്ട് വാ​ഹ​ന​ങ്ങ​ളും അ​ജ്ഞാ​ത കേ​ന്ദ്ര​ത്തി​ൽ ഒ​ളി​പ്പി​ച്ചി​രിക്കുകയാണെന്ന്് പോ​ലീ​സ് അ​നു​മാ​നി​ക്കു​ന്നു.

റെ​യി​ൽ​വേ സ്റ്റേ​ഷ​നി​ലും പ​രി​ശോ​ധ​ന​ക​ൾ
വാ​ഹ​ന​ങ്ങ​ൾ സം​ബ​ന്ധി​ച്ച തു​മ്പു​ക​ൾ തേ​ടി പോ​ലീ​സ് കൊ​ല്ലം റെ​യി​ൽ​വേ സ്റ്റേ​ഷ​ൻ കേ​ന്ദ്രീ​ക​രി​ച്ചും പ​രി​ശോ​ധ​ന​ക​ളും അ​ന്വേ​ഷ​ണ​വും ന​ട​ത്തു​ന്നുണ്ട്. സ്റ്റേ​ഷ​നി​ലെ വാ​ഹ​ന പാ​ർ​ക്കിം​ഗ് ഏ​രി​യ​യി​ൽ പോ​ലീ​സ് ഇ​തി​ന​കം പ​രി​ശോ​ധ​ന​ക​ൾ ന​ട​ത്തി. ഇ​വി​ടെ കാ​ര്യ​മാ​യി സി​സി​ടി​വി കാ​മ​റ​ക​ൾ ഇ​ല്ല. സ്റ്റേ​ഷ​ന്‍റെ പ്ര​ധാ​ന ക​വാ​ട​ങ്ങ​ളി​ലെ എ​തി​ർ വ​ശ​ത്തെ ക​ട​ക​ളി​ൽ സ്ഥാ​പി​ച്ചി​ട്ടു​ള്ള കാ​മ​റ​ക​ളി​ലെ ദൃ​ശ്യ​ങ്ങ​ളും പ​രി​ശോ​ധി​ക്കു​ന്നു​ണ്ട്.

കു​ട്ടി​യെ ഉ​പേ​ക്ഷി​ച്ച് ആ​ശ്രാ​മം മൈ​താ​ന​ത്തുനി​ന്ന് ക​ട​ന്ന യു​വ​തി കൊ​ല്ലം റെ​യി​ൽ​വേ സ്റ്റേ​ഷ​നി​ൽ എ​ത്താ​ൻ സാ​ധ്യ​ത ഏ​റെ​യാ​ണ്. ആ​ശ്രാ​മ​ത്തുനി​ന്ന് ഏ​റ്റ​വും എ​ളു​പ്പം റെ​യി​ൽ​വേ സ്റ്റേ​ഷ​നി​ൽ എ​ത്താ​നും ക​ഴി​യും. അ​വി​ടന്ന് ട്രെ​യി​നി​ൽ ക​യ​റി ര​ക്ഷ​പ്പെ​ടാ​നും എ​ളു​പ്പ​മാ​ണ്.

ഇ​വ​രു​ടെ രേ​ഖാ​ചി​ത്രം ഇ​ന്ന​ലെ പു​റ​ത്തി​റ​ക്കാ​ൻ പോ​ലീ​സി​ന് സാ​ധി​ച്ചി​ല്ല. ആ​റ് വ​യ​സു​കാ​രി​യു​ടെ മൊ​ഴി​യു​ടെ അ​ടി​സ്ഥാ​ന​ത്തി​ലാ​യി​രി​ക്കും ചി​ത്ര​ത്തി​ന് അ​ന്തി​മ രൂ​പം ന​ൽ​കു​ക.

മെ​ഡി​ക്ക​ൽ ബോ​ർ​ഡി​ന്‍റെ തീ​രു​മാ​ന​ത്തി​ന് വി​ധേ​യ​മാ​യി കു​ട്ടി​യെ ഇ​ന്ന് കൊ​ല്ലം വി​ക്ടോ​റി​യ ആ​ശു​പ​ത്രി​യി​ൽനി​ന്നു ഡി​സ്ചാ​ർ​ജ് ചെ​യ്യും എ​ന്നാ​ണ് വി​വ​രം. കു​ട്ടി​ക്കും കു​ടും​ബാം​ഗ​ങ്ങ​ൾ​ക്കും കൗ​ൺ​സ​ലിം​ഗ് ന​ൽ​കിയിരുന്നു.

എ​സ്.​ആ​ർ.​ സു​ധീ​ർ കു​മാ​ർ