അഭിനയ രംഗത്തേക്ക് എങ്ങനെയാണ് എത്തിയതെന്ന് പറഞ്ഞിരിക്കുകയാണ് അനന്യ. അഭിനയിക്കണം എന്നാഗ്രഹിച്ച് വന്നതൊന്നുമായിരുന്നില്ല. അഭിനയിക്കാന് അവസരം കിട്ടി. എന്നാല് ചെയ്തു നോക്കാം എന്നുവച്ച് വന്നതാണ്. നല്ലൊരു ബാനറിനൊപ്പം ചെയ്യാനായതെന്നത് എന്റെ ഭാഗ്യമായി കാണുന്നു. ഒരു പുതുമുഖം എന്ന ഫീല് ഇല്ലാതെയാണ് ആദ്യമായി കാമറയ്ക്കു മുന്നില് നിന്നത്.
ഭയങ്കര ഫ്രീയാണ് വികെപി. ഫ്രണ്ട്ലിയുമായിരുന്നു. ഇപ്പോഴും മറക്കാനാവാത്ത ഒത്തിരി നിമിഷങ്ങളുണ്ട്. ആദ്യ ഷോട്ടിന് വിളിച്ചതൊക്കെ ഞാന് ഇപ്പോഴും ഓര്ത്തിരിക്കുന്നുണ്ട്. ആദ്യം സ്ക്രിപ്റ്റ് തന്ന് വായിച്ചുകൊണ്ടിരിക്കുമ്പോഴാണ് വികെപി വിളിച്ച് സീന് എന്താണെന്നു പറഞ്ഞുതന്നത്. അതു കഴിഞ്ഞപ്പോള് കൈയടിച്ചിരുന്നു.
ടെന്ഷനൊന്നും വരാതെയിരിക്കാന് വേണ്ടി എന്നെ നല്ല കംഫര്ട്ടാക്കിയിരുന്നു. അറിയാതെ വന്നു ചെയ്ത സംഭവമായിരുന്നു ആദ്യത്തേത്. കാമറയ്ക്കുമുന്നില് ആദ്യമായി കരഞ്ഞതും പോസിറ്റീവിലായിരുന്നു. ഭര്ത്താവ് മരിച്ച് വീട്ടിലേക്ക് കൊണ്ടുവന്നപ്പോള് അമ്മായിഅമ്മ എന്നെ ഭയങ്കരമായിട്ട് ചീത്ത പറയുന്നുണ്ടായിരുന്നു.
അന്ന് എന്നോട് ആരും മിണ്ടാതെ, ദേഷ്യത്തോടെയൊക്കെയായിരുന്നു നിന്നിരുന്നത്. ഒരുപാട് സംസാരിക്കുന്നയാളാണ് ഞാന്. മിണ്ടാന് ചെല്ലുമ്പോള് വികെപി വരെ മാറിപ്പോവുമായിരുന്നു. ഇതെന്താണ് എല്ലാവരും ഇങ്ങനെ എന്ന ടെന്ഷനിലായിരുന്നു ഞാന്. ഈയൊരു ഫീലിന് വേണ്ടിയാണ് നമ്മള് ഇങ്ങനെ മിണ്ടാതിരുന്നതെന്നായിരുന്നു ആ സീന് കഴിഞ്ഞപ്പോള് അവര് പറഞ്ഞത് എന്ന് അനന്യ പറഞ്ഞു.
