സ​മൂ​ഹ മ​നഃ​സാ​ക്ഷി​യെ ഞെ​ട്ടി​പ്പി​ച്ച  അ​ട്ട​പ്പാ​ടി മ​ധു കൊ​ല​ക്കേ​സ്; അ​പൂ​ർ​വ​ത​ക​ൾ നി​റ​ഞ്ഞ വി​ചാ​ര​ണ ന​ട​പ​ടി​ക​ൾ​ക്ക് ഒ​ടു​വിൽ വി​ധി നാ​ളെ

സ്വ​ന്തം ലേ​ഖ​ക​ൻ

പാ​ല​ക്കാ​ട്‌ : കേ​ര​ളം ആ​കാം​ക്ഷ​യോ​ടെ കാ​ത്തി​രി​ക്കു​ന്ന അ​ട്ട​പ്പാ​ടി മ​ധു കൊ​ല​ക്കേ​സി​ലെ വി​ധി നാ​ളെ. സ​മൂ​ഹ മ​നഃ​സാ​ക്ഷി​യെ ഞെ​ട്ടി​പ്പി​ച്ച അ​ട്ട​പ്പാ​ടി​യി​ലെ ആ​ദി​വാ​സി യു​വാ​വ് മ​ധു​വി​നെ ഭ​ക്ഷ​ണം മോ​ഷ്ടി​ച്ചു​വെ​ന്ന കു​റ്റ​ത്തി​ന് കൊ​ല​പ്പെ​ടു​ത്തി​യ കേ​സി​ലാ​ണ് മ​ണ്ണാ​ർ​ക്കാ​ട് എസ് സി-​എ​സ്ടി കോ​ട​തി നാ​ളെ വി​ധി പ​റ​യു​ക.

അ​പൂ​ർ​വ​ത​ക​ൾ നി​റ​ഞ്ഞ വി​ചാ​ര​ണ ന​ട​പ​ടി​ക​ൾ​ക്ക് ഒ​ടു​വി​ലാ​ണ് കേ​സി​ൽ വി​ധി പ​റ​യു​ന്ന​ത്. പ്ര​തി​ക​ൾ​ക്ക് ഹൈ​ക്കോ​ട​തി അ​നു​വ​ദി​ച്ച ജാ​മ്യം വി​ചാ​ര​ണ കോ​ട​തി റ​ദ്ദാ​ക്കി​യ അ​സാ​ധാ​ര​ണ ന​ട​പ​ടി​യും കേ​സി​ൽ ഉ​ണ്ടാ​യി .

പാ​ല​ക്കാ​ട് അ​ട്ട​പ്പാ​ടി​യി​ൽ ആ​ൾ​ക്കൂ​ട്ട ആ​ക്ര​മ​ണ​ത്തി​ൽ മ​ധു കൊ​ല്ല​പ്പെ​ട്ട സം​ഭ​വ​ത്തി​ൽ ഏ​റെ വൈ​കി​യാ​ണു വി​ചാ​ര​ണ ആ​രം​ഭി​ച്ച​ത്. കേ​ര​ളം ഇ​ന്നുവ​രെ കേ​ട്ടി​ട്ടി​ല്ലാ​ത്ത നി​യ​മ പ്ര​ശ്‌​ന​ങ്ങ​ളി​ലൂ​ടെ​യാ​ണ് മ​ധു വധക്കേ​സ് ക​ട​ന്നുപോ​യ​ത്.

ഹൈ​ക്കോ​ട​തി ജാ​മ്യം ന​ൽ​കി​യ പ്ര​തി​ക​ളു​ടെ ജാ​മ്യം മ​ണ്ണാ​ർ​ക്കാ​ട് എ​സ്എ​സ്ടി കോ​ട​തി റ​ദ്ദാ​ക്കി​യ അ​പൂ​ർ​വ​ത മ​ധു കേ​സി​ന് ഉ​ണ്ടാ​യി.

പ്ര​തി​ക​ൾ സാ​ക്ഷി​ക​ളെ സ്വാ​ധീ​നി​ക്ക​രു​തെ​ന്ന ഹൈ​ക്കോട​തി​യു​ടെ ജാ​മ്യ വ്യ​വ​സ്ഥ 12 പ്ര​തി​ക​ൾ ലം​ഘി​ച്ച​താ​യി പ്രോ​സി​ക്യൂ​ഷ​ന് ശാ​സ്ത്രീ​യ​മാ​യി തെ​ളി​യി​ക്കാ​നാ​യി.

വി​ചാ​ര​ണ കോ​ട​തി ജാ​മ്യം റ​ദ്ദാ​ക്കി​യ ഒ​രാ​ൾ​ക്ക് മാ​ത്ര​മാ​ണ് ഹൈക്കോ​ട​തി ജാ​മ്യം ന​ൽ​കി​യ​ത്. പോ​ലീ​സ് ക​സ്റ്റ​ഡി​യി​ലി​രി​ക്കെ ഒ​രാ​ൾ മ​രി​ച്ചാ​ൽ ന​ട​ത്തു​ന്ന മ​ജി​സ്റ്റീ​രി​യ​ൽ അ​ന്വേ​ഷ​ണ റി​പ്പോ​ർ​ട്ട് എ​ങ്ങ​നെ വി​ചാ​ര​ണ വേ​ള​യി​ൽ പ്ര​സ​ക്ത​മാ​കു​മെ​ന്ന​തി​നും മ​ധു​കേ​സ് സാ​ക്ഷി​യാ​യി.

പ്ര​തി​ഭാ​ഗ​ത്തി​ന്‍റെ അ​ഭി​ഭാ​ഷ​ക​ൻ ത​ന്നെ ഭീ​ഷ​ണി​പ്പെ​ടു​ത്തി​യ​താ​യി ജ​ഡ്ജി ത​ന്നെ പ്ര​തി​ക​ളു​ടെ ജാ​മ്യം റ​ദ്ദാ​ക്കി​യ ഉ​ത്ത​ര​വി​ൽ രേ​ഖ​പ്പെ​ടു​ത്തി.

കോ​ട​തി​യി​ൽ പ്ര​ദ​ർ​ശി​പ്പി​ച്ച ദൃ​ശ്യ​ങ്ങ​ൾ വ്യ​ക്ത​മാ​യി കാ​ണു​ന്നി​ല്ലെ​ന്നു പ​റ​ഞ്ഞ സാ​ക്ഷി​യാ​യ സു​നി​ൽ​കു​മാ​റി​നെ കോ​ട​തി കാ​ഴ്ച പ​രി​ശോ​ധ​നയ്​ക്ക് അ​യ​ച്ച സം​ഭ​വ​വും ഉ​ണ്ടാ​യി.

മെ​ഡി​ക്ക​ൽ തെ​ളി​വു​ക​ൾ​ക്കെ​പ്പം ഡി​ജി​റ്റ​ൽ തെ​ളി​വു​ക​ളും വി​ചാ​ര​ണ​ക്കി​ടെ വി​ശ​ദ​മാ​യി കോ​ട​തി പ​രി​ശോ​ധി​ച്ചി​രു​ന്നു. സാ​ക്ഷി​ക​ളു​ടെ കൂ​റു​മാ​റ്റ​വും മ​ധു​കൊ​ല​ക്കേ​സി​ൽ വ​ലി​യ ച​ർ​ച്ച​ക​ൾ​ക്കു വ​ഴി​വ​ച്ചു.