ചേർത്തല: ജോലിയിൽ നിന്നു വിരമിച്ച് ഒരുമാസത്തിനുള്ളിൽ മരിച്ച ഭിന്നശേഷിക്കാരന്റെ ആനുകൂല്യങ്ങൾ വായ്പ കുടിശികയുടെ പേരിൽ തടഞ്ഞുവച്ചതായ പരാതിയിൽ സാമൂഹ്യ സുരക്ഷ ഡയറക്ടറോടും ജില്ലാ സഹകരണ ബാങ്ക് ജനറൽ മാനേജരോടും വിശദീകരണം നൽകുവാൻ സംസ്ഥാന മനുഷ്യാവകാശ കമ്മീഷൻ അംഗം പി.മോഹൻദാസ് നിർദേശം നൽകി. ഇതുസംബന്ധിച്ച് കഞ്ഞിക്കുഴി ബ്ലോക്ക് പഞ്ചായത്ത് ഓഫിസിൽ ഐസിഡിഎസ് പ്രൊജക്ടിൽ യുഡി ക്ലാർക്കായിരുന്ന വി.എസ് കൃഷ്ണകുമാറിന്റെ ഭാര്യ രാധാമണി നൽകിയ ഹർജിയിലാണ് ഉത്തരവ്. ചേർത്തല നഗരത്തിലെ ട്രാഫിക് പരിഷ്കാരം സംബന്ധിച്ച് ഓൾ പാസഞ്ചേഴ്സ് അസോസിയേഷൻ ചെയർമാൻ വേളോർവട്ടം ശശികുമാർ നൽകിയ ഹർജിയിൽ സ്വീകരിച്ച് എതിർകക്ഷികൾക്ക് നോട്ടീസ് അയക്കുവാൻ ഉത്തരവായി. ഇന്നലെ ആകെ 52 പരാതികൾ പരിഗണിച്ചതിൽ 11 എണ്ണം തീർപ്പാക്കുകയും പുതിയതായി ഒൻപത് ഹർജികൾ സ്വീകരിക്കുകയും ചെയ്തു. അടുത്ത സിറ്റിങ് ഒക്ടോബർ 25ന് ചേർത്തല ഗെസ്റ്റ് ഹൗസിൽ നടക്കും.
Read MoreCategory: Alappuzha
നാൽപതുകാരിയായ അധ്യാപികയുടേയും പത്താംക്ലാസ് വിദ്യാർഥിയുടേയും ഒളിച്ചോട്ടം; തമിഴ്നാട്ടിലെ വിനോദസഞ്ചാര കേന്ദ്രങ്ങളിൽ പോലീസ് അന്വേഷണം വ്യാപിപ്പിച്ചു; ഇരുവരുടേയും മൊബൈയിൽ സ്വിച്ച് ഓഫ്
ചേർത്തല: സ്വകാര്യ സ്കൂളിലെ അധ്യാപികയെയും പത്താം ക്ലാസ് വിദ്യാർഥിയെയും കാണാതായ സംഭവത്തിൽ രണ്ട് സംഘങ്ങളായി പോലീസ് തമിഴ്നാട്ടിൽ തെരച്ചിൽ ആരംഭിച്ചു. ഇരുവരും സംസ്ഥാനം വിട്ടതായുള്ള വിവരത്തിന്റെ അടിസ്ഥാനത്തിലാണ് അന്വേഷണം തമിഴ്നാട്ടിലേക്ക് വ്യാപിപ്പിച്ചത്. വിനോദസഞ്ചാര കേന്ദ്രങ്ങളാണ് പോലീസ് നിരീക്ഷിക്കുന്നത്. കന്യാകുമാരി കേന്ദ്രീകരിച്ച് തെരച്ചിൽ നടത്തിയ മുഹമ്മ എസ്ഐ എം.അജയമോഹന്റെ നേതൃത്വത്തിലുള്ള സംഘം മധുരയിലേക്ക് തിരിച്ചു. ചേർത്തല എസ്ഐയുടെ നേതൃത്വത്തിലുള്ള സംഘം ഉൗട്ടി, കൊടൈക്കനാൽ എന്നിവിടങ്ങളിലേക്കാണ് പോയത്. വിദ്യാർഥിയുടെയും അധ്യാപികയുടെയും മൊബൈൽഫോണ് സ്വിച്ച്ഓഫ് ആണ്. ഇരുവരുടെയും ബന്ധുക്കളുടെ ഫോണുകൾ പോലീസ് നിരീക്ഷണത്തിലാണ്. തണ്ണീർമുക്കം സ്വദേശിയായ വിദ്യാർഥിയെയും ചേർത്തല സ്വദേശിനിയായ നാൽപതുകാരിയായ അധ്യാപികയെയും ഞായറാഴ്ചയാണ് കാണാതായത്.
Read Moreആലപ്പുഴ മെഡിക്കൽ കോളജ് ആശുപത്രിയിൽ ബിജെപി-സിപിഎം സംഘർഷം; അത്യാഹിത വിഭാഗത്തിലെ ഗ്രില്ലും രജിസ്റ്ററുകളും ഉപകരണങ്ങളും നശിപ്പിച്ചു; പ്രദേശത്ത് സംഘർഷാവസ്ഥ തുടരുന്നു
അന്പലപ്പുഴ: ആലപ്പുഴ മെഡി. കോളജ് ആശുപത്രിക്കുള്ളിൽ ബിജെപി- സിപിഎം സംഘർഷം. അത്യാഹിത വിഭാഗത്തിലെ ഗ്രില്ലും, രജിിസ്റ്ററുകളും, ഉപകരണങ്ങളും നശിപ്പിച്ചു. പ്രദേശത്ത് സംഘർഷാവസ്ഥ തുടരുകയാണ്. സംഭവവുമായി ബന്ധപ്പെട്ട് അഞ്ചുപേരെ പോലീസ് അറസ്റ്റ് ചെയ്തു. അന്പലപ്പുഴ പോലീസ് സ്റ്റേഷന് പടിഞ്ഞാറു ഭാഗത്തുവെച്ച് ഇന്നലെ വൈകുന്നേരത്തോടെ ബിജെപി പ്രവർത്തകരായ അന്പലപ്പുഴ കരുർ നടുവിലെ മീത്തിൽ വിഷ്ണു (24), റാണ എന്നിവർക്ക് മർദ്ദനമേറ്റിരുന്നു. പ രിക്കേറ്റ ഇരുവരും വണ്ടാനം മെഡിക്കൽ കോളജ് ആശുപത്രിയിൽ ചികിത്സ തേടാൻ എത്തിയപ്പോൾ സിപിഎം പ്രവർത്തകർ സംഘടിച്ചെത്തിയത് സംഘർഷത്തിനു കാരണമായത്. രാത്രി ഏഴോടെയായിരുന്നു സംഭവം. തുടർന്ന് ഇരുവിഭാഗം പ്രവർത്തകരും തമ്മിൽ നടന്ന സംഘർഷത്തിലാണ് ആശുപത്രി ഉപകരണങ്ങൾക്കും, ഗ്രില്ലുകൾക്കും കേടുപാട് സംഭവിച്ചത്. ആശുപത്രിയിലെ ഒ.പി. ടിക്കറ്റുകളും, രജിസ്റ്ററുകളും നശിപ്പിക്കപ്പെട്ടു. അത്യാഹിത വിഭാഗത്തിലുണ്ടായിരുന്ന ഹൗസ് സർജ·ാരും, ഡോക്ടർമാരും ഓടി രക്ഷപ്പെട്ടു. സംഭവമറിഞ്ഞ എയിഡ് പോസ്റ്റിലുണ്ടായിരുന്ന പോലീസുകാർ പുറത്തേക്കുള്ള ഷട്ടറുകൾ അടച്ചു. വിവരം…
Read Moreദുരിതാശ്വാസ ക്യാന്പിൽ കഴിഞ്ഞവരിൽ നിന്ന് പണപ്പിരിവ് നടത്തിയതിനെച്ചൊല്ലി വിവാദം കൊഴുക്കുന്നു; ആലപ്പുഴ ക്യാമ്പിൽ നടന്ന പണപ്പിരിവിലെ തർക്കം ഇങ്ങനെ
ആലപ്പുഴ: പ്രളയവുമായി ബന്ധപ്പെട്ട് ആരംഭിച്ച ദുരിതാശ്വാസ ക്യാന്പിലെ അന്തേവാസികളിൽ നിന്ന് കൗണ്സിലർമാരും കുടുംബശ്രീ ഭാരവാഹികളും ചേർന്ന് നടത്തിയ പണപ്പിരിവിനെച്ചൊല്ലി വിവാദം. ക്യാന്പിൽ കഴിഞ്ഞവർക്ക് സംസ്ഥാന സർക്കാരിന്റെ അടിയന്തിര ധനസഹായം ലഭിക്കാതെ വന്നതോടെ പണം നൽകിയവർ പരാതിയുമായി രംഗത്തെത്തിയതോടെയാണ് സംഭവം പുറത്തായത്. പ്രളയബാധിതർ ജില്ലാ ഭരണകൂടത്തിലും പൊതുമരാമത്ത് മന്ത്രി ജി. സുധാകരനും പരാതി നൽകിയതോടെ പണം തിരികെ നൽകുകയും ചെയ്തു. എന്നാൽ ചിലർ തിരികെ പണം വാങ്ങാൻ തയാറായില്ല. ക്യാന്പിലേക്ക് ആവശ്യമായ സാധനങ്ങൾ വാങ്ങാൻ പണമില്ലാതെ വന്ന സാഹചര്യത്തിലായിരുന്നു പിരിവ് നടത്തിയത്. ആലപ്പുഴ നഗരത്തിലെ രണ്ട് വാർഡുകളിലെ ദുരിത ബാധിതരായിരുന്നു ക്യാന്പിലുണ്ടായിരുന്നത്. അതേസമയം പണപ്പിരിവ് നടത്തിയതിനെച്ചൊല്ലി ഭരണ- പ്രതിപക്ഷ കൗണ്സിലർമാർ തമ്മിൽ ആരോപണമുന്നയിക്കുകയാണ്. ആരാണ് പണപ്പിരിവിന് നേതൃത്വം നൽകിയത് എന്നത് സംബന്ധിച്ച് പരിശോധന നടത്തണമെന്നുമാണ് ഇവരുടെ ആവശ്യം.
Read Moreസ്കൂൾ പരിസരത്ത് കഞ്ചാവ് വിൽപ്പന നടത്തുന്നതിനിടയിൽ നാലുപേർ അറസ്റ്റിൽ; പിടിയിലായ പല്ലൻ പ്രതീഷും സംഘവും നിരവധി ക്രിമിനൽ കേസിലെ പ്രതികൾ
ചങ്ങനാശേരി: സ്കൂൾ പരിസരത്ത് കഞ്ചാവ് വിൽപ്പന നടത്തുന്നതിനിടയിൽ വധശ്രമം ഉൾപ്പെടെ നിരവധി കേസുകളിലെ പ്രതികളായ യുവാക്കൾ പോലീസ് പിടിയിലായി. തൃക്കൊടിത്താനം മറ്റക്കാട്ട് പറന്പിൽ പ്രതീഷ് (പല്ലൻ പ്രതീഷ്-23), പാറയിൽ അജേഷ് (24), പുത്തൻവീട്ടിൽ അഭിജിത്ത് (23) എന്നിവരെയാണ് തൃക്കൊടിത്താനം പോലീസ് അറസ്റ്റ് ചെയ്തത്. ഇവരുടെ കൈയിൽനിന്ന് 70 ഗ്രാം കഞ്ചാവ് പിടിച്ചെടുത്തു. പായിപ്പാട് ഗവണ്മെന്റ് ഹയർസെക്കൻഡറി സ്കൂൾ പരിസരത്തുനിന്നുമാണ് ഇന്നലെ വൈകുന്നേരം ഇവരെ അറസ്റ്റ് ചെയ്തത്. കോട്ടയം എസ്പി ഹരിശങ്കറിന്റെ പ്രത്യേക നിർദേശപ്രകാരം സ്കൂൾ പരിസരങ്ങളിൽ കഞ്ചാവ് വിൽപ്പന നിരീക്ഷിക്കുന്നതിനിടയിലാണ് സംഘത്തെ പിടികൂടിയത്. ചങ്ങനാശേരി ഡിവൈഎസ്പി സുരേഷ്കുമാർ, തൃക്കൊടിത്താനം എസ്ഐ റിച്ചാർഡ് വർഗീസ്, പോലീസുകാരായ ഡെന്നി ചെറിയാൻ, ആന്റണി, പ്രദീഷ് എന്നിവരുടെ നേതൃത്വത്തിലുള്ള സംഘമാണ് പ്രതികളെ അറസ്റ്റ് ചെയ്തത്. പ്രതികളെ ഇന്നു കോടതിയിൽ ഹാജരാക്കും. ചങ്ങനാശേരി: ഫാത്തിമാപുരം കുന്നക്കാട്ട് ഭാഗത്ത് ചെറുറോഡുകളിൽ കഞ്ചാവ് വിൽപ്പന നടത്തിയിരുന്ന യുവാവിനെ…
Read Moreഅപകട ഭീഷണിയുയർത്തി റാന്നി ബസ് സ്റ്റാന്റ്; സ്റ്റാന്റിലെ കോൺക്രീറ്റ് തകർന്ന് കമ്പികൾ വെളിയിലേക്ക് ഉയർന്നു നിൽക്കുന്നു; ഭീതിയോടെ യാത്രക്കാർ
റാന്നി: ജലപ്രളയത്തിനു ശേഷം റാന്നി ഇട്ടിയപ്പാറ സ്വകാര്യ ബസ് സ്റ്റാൻഡ് തകർന്നു തരിപ്പണമായി. പഴവങ്ങാടി പഞ്ചായത്ത് വക ബസ് സ്റ്റാൻഡിന്റെ കോൺക്രീറ്റ് തകർന്ന് ഇരുമ്പു കമ്പികൾ ഉയർന്നു നിൽക്കുന്നത് യാത്രക്കാർക്ക് ഭീഷണിയായി. കമ്പിയിൽ തട്ടി യാത്രക്കാർക്ക് പരിക്കേൽക്കുന്നതും പതിവായി. പഴവങ്ങാടി മക്കപ്പുഴ സ്വദേശി ബൈജുവിനു കാലിന് പരിക്കേറ്റു. കഴിഞ്ഞ ദിവസം രാത്രി ബസിന്റെ പിന്നാലെ ഓടിയപ്പോൾ കമ്പിയിൽ തട്ടി വീഴുകയായിരുന്നു. സ്റ്റാൻഡിലെ യാർഡ് പൂര്ണമായും പൊളിഞ്ഞു കിടക്കുകയാണ്. കോൺക്രീറ്റ് തകർന്നപ്പോൾ കമ്പികൾ തെളിഞ്ഞു. പൂട്ടുകട്ട പാകിയ സ്ഥലമൊഴിച്ച് മറ്റു പല ഭാഗങ്ങളും തകർന്നു.വെള്ളപൊക്കത്തിനു മുമ്പ് തന്നെ സ്റ്റാൻഡ് തകർന്നിരുന്നു. ജലപ്രളയം കൂടി ആയപ്പോൾ തകർച്ച രൂക്ഷമായി.മഴക്കാലത്ത് വെള്ളകെട്ടും വേനൽ കാലത്ത് പൊടിയുമാണ്. വാഹനങ്ങളുടെ ടയർ തകര്ന്ന കമ്പി കൊണ്ട് പഞ്ചറാകുകയാണ്. സ്റ്റാൻഡ് തകർന്നത് വ്യാപാരികൾക്കും വിനയായിരിക്കുകയാണ്. മഴക്കാലത്ത് വെള്ളകെട്ടിൽ നിന്ന് ചെളിവെള്ളം തെറിക്കുന്നു. പഴവങ്ങാടി പഞ്ചായത്തിന്റെ ചുമതലയിലുള്ള…
Read Moreകുലുക്കമില്ലാതെ അധികൃതർ; കായംകുളം സംസ്ഥാന പാത നിറയെ കുഴികൾ; മണിപ്പുഴ പാലത്തിൽ കോൺക്രീറ്റ് അടർന്നു മാറി
തിരുവല്ല: കായംകുളം സംസ്ഥാന പാതയിൽ മണിപ്പുഴ പാലത്തിലെ കോൺക്രീറ്റ് അടർന്നു മാറി കമ്പികൾ തെളിഞ്ഞിട്ടും ഉദ്യോഗസ്ഥർക്ക് കുലുക്കമില്ല. ഇരു വശങ്ങളിലെയും അപ്രോച്ച് റോഡിനോടു ചേർന്ന ഭാഗമാണ് തകർന്നിരിക്കുന്നത്. അൽപം ശ്രദ്ധ മാറിയാൽ കാൽനടയാത്രക്കാരുടെ കാലിൽ ഇരുമ്പു പ്ലേറ്റുകൾ കൊണ്ടു കയറാനും സാധ്യത ഏറെയാണ്. പ്രളയത്തിനു മുമ്പാണ് പാലത്തിലെ കുഴികൾ രൂപപ്പെട്ടു തുടങ്ങിയത്. വാഹനങ്ങൾ കടന്നു പോകുമ്പോൾ കുഴിയിൽ ചാടി പാലത്തിനു കുലുക്കവും അനുഭവപ്പെടുന്നു. വലിയ കുഴികളിൽ വാഹനങ്ങൾ സാവധാനം ഇറങ്ങിപ്പോകുന്നതിനാൽ ഗതാഗത കുരുക്കും രൂക്ഷമാണ്. മണിപ്പുഴ ഉണ്ടപ്ലാവ് ജംഗ്ഷനു സമീപം റോഡിൽ കിടങ്ങു പോലെയാണ് കുഴികൾ രൂപപ്പെട്ടിരിക്കുന്നത്. കുഴിയിൽ ചാടാതെ മറുകര കടക്കാനായി വാഹനങ്ങൾ വെട്ടിക്കുന്നതു മൂലം നിത്യവും നിരവധി അപകടങ്ങൾക്കും നാട്ടുകാർ സാക്ഷികളാകുന്നു.പൊടിയാടി ജംഗ്ഷനു സമീപം കലുങ്കിന്റെ സംരക്ഷണ ഭിത്തിയും തകർന്ന നിലയിലാണ്. കായംകുളം സംസ്ഥാന പാത അഞ്ചു വർഷത്തെ ഗാരണ്ടിയോടെയാണ് നിർമിച്ചിട്ടുള്ളത്. കാലാവധി അവസാനിക്കുന്നത്…
Read Moreഅടിയന്തര ധനസഹായം; ജില്ലയിൽ 26,522 അപ്പീൽ അപേക്ഷകൾ; ഇതുവരെ നൽകിയത് 119.16 കോടി
ആലപ്പുഴ: പ്രളയ ബാധിതർക്ക് സംസ്ഥാന സർക്കാർ പ്രഖ്യാപിച്ച അടിയന്തര സാന്പത്തിക സഹായമായ 10,000 രൂപ ലഭിക്കാത്തതുമായി ബന്ധപ്പെട്ട് ജില്ലയിൽ ലഭിച്ചത് 26,522 അപ്പീലുകൾ. ധനസഹായവുമായി ബന്ധപ്പെട്ട അപ്പീലുകൾ സമർപ്പിക്കുന്നതിനുള്ള അവസാന തീയതിയായ ഇന്നലെ വില്ലേജ് ഓഫീസുകളിൽ വൻതിരക്കാണ് അനുഭവപ്പെട്ടത്. ദുരിതബാധിതർക്കുള്ള പട്ടികയിൽ അനർഹർ കടന്നുകൂടിയപ്പോൾ അർഹരായവർ പുറത്തായത് രാഷ്ട്രീയ- ഉദ്യോഗസ്ഥ കൂട്ടുകെട്ടുമൂലമാണെന്ന ആക്ഷേപവും ധനസഹായം ലഭിക്കാത്തവർ ഉയർത്തുന്നുണ്ട്. പല വില്ലേജ് ഓഫീസുകളിലും അപ്പീൽ നൽകാനെത്തിയവരും ഉദ്യോഗസ്ഥരും തമ്മിൽ തർക്കങ്ങളുമുണ്ടായി. ഇന്നലെവരെ ലഭിച്ച അപ്പീലുകളിൽ പരിശോധന നടത്തി അർഹരായവർക്ക് പണം നൽകുന്നതിനുള്ള നടപടികൾ സ്വീകരിക്കാണ് റവന്യു വകുപ്പ് നടപടികളാരംഭിച്ചിരിക്കുന്നത്. ദുരിത ബാധിതരിൽ അർഹരായവർക്ക് സംസ്ഥാന സർക്കാരിന്റെ സാന്പത്തിക സഹായം ലഭ്യമാക്കുമെന്ന് ധനസഹായവിതരണം ആരംഭിച്ച ഘട്ടത്തിൽ ധനമന്ത്രി ഉറപ്പുനൽകിയിരുന്നു. ഇതിന്റെ അടിസ്ഥാനത്തിലാണ് പ്രളയമുണ്ടായി ഒരുമാസം പിന്നിട്ടിടും അക്കൗണ്ടുകളിൽ പണം എത്താതിരുന്നത് കൂട്ടമായി റവന്യു വകുപ്പ് ഓഫീസുകളിലേക്ക് അപ്പീലുകളുമായെത്തിയത്. ആദ്യഘട്ടത്തിൽ താലുക്ക്…
Read Moreപ്രളയം കിടപ്പാടം കവർന്നു; ക്യാന്പുകളിൽ നിന്ന് വീടുകളിലേക്ക് മടങ്ങാൻ കഴിയാതെ 33 കുടുംബങ്ങൾ; പിരിച്ചുവിടാത്ത ക്യാന്പുകളേറെയും ചെങ്ങന്നൂരിൽ
ആലപ്പുഴ: പ്രളയത്തെത്തുടർന്ന് കിടപ്പാടം തകർന്നതുമൂലവും വാസയോഗ്യമല്ലാതായതിനാലും ദുരിതാശ്വാസ ക്യാന്പുകളിൽ നിന്ന് മടങ്ങാനാകാതെ ജില്ലയിൽ 33 കുടുംബങ്ങൾ. ചെങ്ങന്നൂർ താലൂക്കിലെ അഞ്ച് ക്യാന്പുകളിലായാണ് 33 കുടുംബങ്ങളിലെ 123 ആളുകൾ ഒരുമാസത്തിലേറെയായി കഴിയുന്നത്. തകർന്ന വീട് പുനർനിർമിക്കാനോ വാടക വീടുകളിലേക്ക് തത്ക്കാലം മാറുന്നതിനോ ഉള്ള സാന്പത്തിക ഭദ്രതയില്ലാത്ത ഇവർ എന്ത് ചെയ്യണമെന്നറിയാത്ത അവസ്ഥയിൽ ക്യാന്പുകളിൽ ദിവസങ്ങൾ തള്ളിനീക്കുകയാണ്. ചെങ്ങന്നൂർ വില്ലേജിൽ നഗരസഭ പരിധിയിലെ ക്യാന്പിൽ അഞ്ച് കുടുംബങ്ങളിലെ 19 പേരാണ് കഴിയുന്നത്. അഗതി മന്ദിരത്തിൽ തുറന്ന ക്യാന്പിൽ എട്ട് കുടുംബങ്ങളിലെ 30 പേരും പുലിയൂർ പഞ്ചായത്ത് കമ്യൂണിറ്റി ഹാളിലെ ക്യാന്പിൽ മൂന്നു കുടുംബങ്ങളിലെ 12 ആളുകളും കഴിയുന്നുണ്ട്. പാണ്ടനാട് വില്ലേജ് ഓഫീസ് പരിധിയിലെ ഇല്ലിമല ഹോമിയോ ഡിസ്പെൻസറിയിൽ 10 കുടുംബങ്ങളിലെ 45 ആളുകൾ കഴിയുന്നുണ്ട്. എണ്ണയ്ക്കാട് വില്ലേജ് ഓഫീസ് പരിധിയിലെ കെൽട്രോണ് സെന്ററിൽ പ്രവർത്തിക്കുന്ന ദുരിതാശ്വാസ ക്യാന്പിൽ ഏഴു കുടുംബങ്ങളിലെ…
Read Moreജോലിസ്ഥലത്തേക്ക് മടങ്ങാനൊരുങ്ങവേ പിതാവിനെ തേടിയെത്തിയത് മകന്റെ മരണവാർത്ത; നീന്തൽ പഠിക്കുന്നതിനിടെ ഷംനാദ് മുങ്ങിത്താഴുകയായിരുന്നു; പ്രളയകാലത്ത് രക്ഷാപ്രവർത്തനത്തിൽ സജീവമായിരുന്നു ഷംനാദിന്റെ വേർപാട് നാടിന്റെ നൊമ്പരമായി
പന്തളം: സൗദിയിൽ നിന്ന് അവധിക്ക് നാട്ടിലെത്തിയ മങ്ങാരം മുത്തുണിയിൽ തെക്കേക്കര വീട്ടിൽ ഷാജഹാൻ, ഇന്ന് പുലർച്ചെ ജോലി സ്ഥലത്തേക്ക് മടങ്ങാനിരുന്നതാണ്. ഇതിനുള്ള ഒരുക്കങ്ങളിലുമായിരുന്നു കുടുംബം. ഇതിനിടയിലാണ്, ഇന്നലെ വൈകുന്നേരം നാലോടെ മകൻ ഷംനാദിന്റെ മരണ വാർത്തയെത്തുന്നത്. കൂട്ടുകാരോടൊപ്പം അച്ചൻകോവിലാറ്റിലെ കൈപ്പുഴ കടവിൽ നീന്തൽ പരിശീലനത്തിനെത്തിയതായിരുന്നു. വെള്ളം കുറവായിരുന്നത് കൊണ്ടാണ് ഈ സമയം തെരഞ്ഞെടുത്തത്. ഇക്കരയിലെ കടവിലേക്ക് അടുക്കുന്നതിനിടയിൽ ഷംനാദ് മുങ്ങി താഴുകയായിരുന്നു. കൂട്ടുകാരും നിസഹായരായിരുന്നു. നാട്ടുകാർ വിവരമറിയിച്ചതനുസരിച്ച് അടൂരിൽ നിന്ന് ഫയർഫോഴ്സ് സംഘമെത്തി, ഷംനാദിനെ കണ്ടെടുത്ത് ആശുപത്രിയിലെത്തിച്ചെങ്കിലും മരിച്ചു. പ്രിയപ്പെട്ട മകന്റെ മരണം വിശ്വസിക്കാനാവാത്ത അവസ്ഥയിലായിരുന്നു മാതാപിതാക്കൾ. അയൽവാസികൾക്കും പ്രിയങ്കരനായിരുന്ന ഷംനാദിന്റെ വേർപാട് നാടിനും നൊന്പരമായി. ഇക്കഴിഞ്ഞ പ്രളയകാലത്ത് രക്ഷാപ്രവർത്തനത്തിലും സജീവമായിരുന്നു ഷംനാദ്. പന്തളം എൻഎസ്എസ് ഹയർ സെക്കൻഡറി സ്കൂളിലെ പ്ലസ്ടു വിദ്യാർത്ഥിയായിരുന്നു. ഖബറടക്കം ഇന്ന് 12ന് മുട്ടാർ മുസ്ലീംജമാഅത്ത് ഖബറിസ്ഥാനിൽ. ഫെമിനയാണ് മാതാവ്. സുൽത്താന സഹോദരിയും.
Read More