ആലപ്പുഴ: കേന്ദ്രസർക്കാർ പദ്ധതി പ്രകാരം ആലപ്പുഴ നഗരത്തിൽ പുനർനിർമിച്ച റോഡും പാതയോരവും തമ്മിലുള്ള ഉയരവ്യതിയാനം യാത്രികർക്ക് അപകടക്കെണിയാകുന്നു. കേന്ദ്ര റോഡ് ഫണ്ട് പദ്ധതി പ്രകാരം നിർമിച്ച കൊമ്മാടി-കൈതവന റോഡിലാണ് പാതയോരവുമായുള്ള വ്യത്യാസം യാത്രക്കാർക്ക് ഭീഷണിയായിട്ടുള്ളത്. ബിഎംബിസി പ്രകാരം കഴിഞ്ഞ ദിവസമാണ് റോഡിന്റെ ടാറിംഗ് നടപടികൾ പൂർത്തീകരിച്ചത്. ആദ്യഘട്ട ടാറിംഗ് പൂർത്തിയായപ്പോൾ റോഡും പാതയോരവും തമ്മിലുള്ള ഉയര വ്യത്യാസം നേരത്തെയുള്ളതിൽ നിന്നു വർധിച്ചിരുന്നു. കല്ലുപാലം മുതൽ കൈതവന വരെയുള്ള ഭാഗത്ത് ഉയരവ്യത്യാസം നിരവധി അപകടങ്ങൾക്കും ഇടയാക്കി. ടാറിംഗ് പൂർത്തിയാക്കി ദിവസങ്ങൾക്കുള്ളിൽ തന്നെ നിരവധിപേർക്ക് അപകടങ്ങളിൽ പരിക്കേൽക്കുക കൂടി ചെയ്തതോടെ പരാതികൾ വ്യാപകമാകുകയും പ്രശ്ന പരിഹാരത്തിനുള്ള നടപടികൾ ബന്ധപ്പെട്ടവർ സ്വീകരിക്കുകയും ചെയ്തു. ഇതിനിടയിൽ കാലവർഷം ശക്തമായതോട നിർമാണ പ്രവർത്തനങ്ങൾ തടസപ്പെടുകയായിരുന്നു. രണ്ടാഴ്ച മുന്പാണ് നിർമാണ പ്രവർത്തനങ്ങൾ പുനരാരംഭിച്ചത്. രണ്ടുഘട്ടമായി നടത്തിയ ടാറിംഗിന്റെ അവസാനഘട്ട ജോലികൾ പകൽ ഗതാഗതത്തിനു തടസമുണ്ടാകാത്ത തരത്തിൽ…
Read MoreCategory: Alappuzha
പ്രളയത്തിൽ സർവതും നഷ്ടപ്പെട്ട് ഭിന്ന ശേഷിക്കാരായ രണ്ട് മക്കളുമായി കഴിഞ്ഞ കുടുംബത്തിന് സഹായവുമായി സാമൂഹിക സാംസ്കാരിക സന്നദ്ധ സംഘടനകൾ
കോഴഞ്ചേരി: പ്രളയത്തിൽ സർവതും നശിച്ച ഭിന്ന ശേഷിക്കാരായ രണ്ട് മക്കളുമായി കഴിയുന്ന സാധു കുടുംബത്തിന് സഹായവുമായി സാമൂഹ്യ സാംസ്കാരിക പ്രവർത്തകരും ജനപ്രതിനിധികളും സംഘടനകളും. പുല്ലാട് കിടങ്ങിൽ അഖിൽ നിവാസിൽ ബിനോജി, ഭാര്യ സോമവല്ലി, രോഗാതുരരായ അഖിൽ എന്നിവർക്ക് സഹായ ഹസ്തം നീളുന്നത്. വൈസ് മെൻസ് ക്ലബ്, തിരുവിതാംകൂർ വികസന സമതി ഭാരവാഹികൾ ഇന്നലെ ഇവരെ സന്ദർശിച്ചു അവശ്യ സാധനങ്ങൾ നൽകി. നിരവധി പേര് വിവരങ്ങൾ ആരായുകയും ചെയ്തിട്ടുണ്ട്. തിരുവിതാംകൂർ വികസന സമിതി ചെയർമാൻ പി.എസ്.നായർ, ജില്ലാ പഞ്ചായത്ത് വൈസ് പ്രസിഡന്റ് ജോർജ് മാമ്മൻ കൊണ്ടൂർ എന്നിവർ കുടുംബത്തെ സന്ദർശിച്ചു മരുന്നുകളും അവശ്യ സാധനങ്ങളും നൽകി. കോയിപ്രം ഗ്രാമ പഞ്ചായത് പ്രസിഡന്റ് മോൻസി കിഴക്കേടത്ത് കട്ടിൽ നൽകി. വീട്ടിലേക്ക് ആവശ്യമായ പാത്രങ്ങൾ അയിരൂർ, കൊറ്റനാട് വൈസ് മെൻസ് ക്ലബുകൾ സമ്മാനിച്ചു. കിടക്കകൾ, കിടക്ക വിരികൾ, വസ്ത്രങ്ങൾ എന്നിവയും നൽകി.…
Read Moreമഹാപ്രളയം; നഷ്ടം നികത്താനാകാതെ തോട്ടപ്പുഴശേരിയിലെ കാർഷിക മേഖല; നാശനഷ്ടങ്ങൾ വിലയിരുത്താൻ കേന്ദ്ര സംഘം
കോഴഞ്ചേരി: മഹാപ്രളയം തകർത്ത തോട്ടപ്പുഴശേരി ഗ്രാമപഞ്ചായത്തിലെ കാർഷികനഷ്ടം തിരികെ പിടിക്കാൻ നാളുകൾ വേണ്ടിവരും.പന്പാ നദിയുടെ തീരത്ത് സ്ഥിതി ചെയ്യുന്ന പഞ്ചായത്തിന്റെ ഭൂരിഭാഗം പ്രദേശത്തെയും പ്രളയം അപഹരിച്ചതോടെ കാർഷികമേഖല പൂർണമായി ഇല്ലാതായി. വെള്ളങ്ങൂർ, പാലയ്ക്കാട്ട് ചിറ, കുടുന്ത പാടശേഖരങ്ങളിലെ കൃഷികൾ പൂർണമായി നശിച്ചു. കുലയ്ക്കാറായ ഏത്തവാഴകൾ, ഞാലിപ്പൂവൻ, പാളന്തോടൻ വാഴകൾ എല്ലാം കൂട്ടത്തോടെ ഒടിഞ്ഞുവീണു. പച്ചക്കറി കൃഷികൾ നാമമാത്രമായിപ്പോലും അവശേഷിക്കുന്നില്ല. കുറിയന്നൂർ പ്രദേശത്താണ് ഏറ്റവും കൂടുതൽ കൃഷി നാശം സംഭവിച്ചത്. വാഴക്കൃഷി, പച്ചക്കറി, കിഴങ്ങുവർഗങ്ങൾ എന്നിവയ്ക്കുണ്ടായ നഷ്ടത്തോടൊപ്പം ജാതി , മംഗോസ്റ്റിൻ, ഡ്രാഗണ് ഫ്രൂട്ട് , റംപൂട്ടാൻ വിവിധതരം വാഴകൾ തുടങ്ങി ധാരാളം കൃഷികളും പന്പാ നദിയുടെ തീരത്തുള്ള കൃഷിയിടവും ഫലവൃക്ഷങ്ങളിലെ വിളവുകൾ സംസ്കരിച്ച് എടുക്കുന്നതിനുള്ള കെട്ടിടങ്ങളും അതിനുള്ളിലെ സംവിധാനങ്ങളും പൂർണമായും നഷ്ടപ്പെട്ടു. പ്രളയദുരിതത്തിൽ തോട്ടപ്പുഴശേരിക്കുണ്ടായ ഭീമമായ നഷ്ടം മനസ്സിലാക്കിയാണ് കേന്ദ്ര ആഭ്യന്തരമന്ത്രാലയം സ്പെഷൽ സെക്രട്ടറി വി.ആർ.ശർമയുടെ നേതൃത്വത്തിലുള്ള…
Read Moreകാര്ഷിക മേഖലയുടെ പുനരുജ്ജീവനത്തിന് സര്ക്കാര് പ്രതിജ്ഞാബദ്ധമെന്ന് മാത്യു ടി. തോമസ്
പുളിക്കീഴ്: പ്രളയത്തോടെ നാശംനേരിട്ട കാര്ഷിക മേഖലയുടെ പുനരുജ്ജീവനത്തിന് സര്ക്കാര് പ്രതിജ്ഞാബദ്ധമാണെന്ന് മന്ത്രി മാത്യു ടി. തോമസ്. പത്തനംതിട്ട ജില്ലാ ഐസിഎആര് – കൃഷി വിജ്ഞാന കേന്ദ്രം, സംസ്ഥാന കൃഷി വകുപ്പ്, ആത്മ, കേരള കാര്ഷിക സര്വകലാശാലയുടെ വിജ്ഞാന വ്യാപന വിഭാഗം എന്നിവയുടെ നേതൃത്തില് പുളിക്കീഴില് നടന്ന കര്ഷക ശാസ്ത്രജ്ഞ മുഖാമുഖം പരിപടി ഉദ്ഘാടനം ചെയ്തു പ്രസംഗിക്കുകയായിരുന്നു മന്ത്രി. പച്ചക്കറി, പാല് എന്നിവയുടെ ഉത്പാദനം സ്വയം പര്യാപ്തതയില് എത്തിക്കുന്നതിനുള്ള പദ്ധതികള് നടപ്പിലാക്കുമെന്നും, കര്ഷകര് നിരാശരാകതെ കൃഷി മുന്നോട്ടുകൊണ്ടുപോകണമെന്നും മന്ത്രി പറഞ്ഞു.പുളിക്കീഴ് ബ്ലോക്ക് പഞ്ചായത്ത് പ്രസിഡന്റ് ഈപ്പന് കുര്യന് അധ്യക്ഷത വഹിച്ചു. കൃഷി വിജ്ഞാന കേന്ദ്രം മേധാവി ഡോ. സി.പി. റോബര്ട്ട് മുഖ്യപ്രഭാഷണം നടത്തി. ജില്ലാ പഞ്ചായത്തംഗം സാം ഈപ്പന്, ബ്ലാക്ക് പഞ്ചായത്ത് വൈസ് പ്രസിഡന്റ് സുമ ചെറിയാന്, അംഗങ്ങളായ സാറാമ്മ പൗലോസ്, ബിനില് കുമാര്, എം.ബി. നൈനാന്, അംബികാ…
Read Moreപ്രളയക്കെടുതിയിൽ പത്തനംതിട്ടയുടെ നഷ്ടം 1810 കോടി; ദുരന്ത പ്രദേശങ്ങൾ കേന്ദ്രസംഘം സന്ദർശിച്ചു
പത്തനംതിട്ട: മഹാപ്രളയത്തിൽ ജില്ലയ്ക്ക് 1810 കോടി രൂപയുടെ നാശനഷ്ടമാണ് സർക്കാർ വകുപ്പുകൾക്കും ഏജൻസികൾക്കുമായി തിട്ടപ്പെടുത്തിയിട്ടുള്ളതെന്ന് കളക്ടറുടെ റിപ്പോർട്ട്. നഷ്ടം വിലയിരുത്താനെത്തിയ കേന്ദ്രസംഘത്തിനാണ് ഇത്തരത്തിലുള്ള വിശദമായ കണക്ക് കൈമാറിയത്. കൃഷി വകുപ്പ് 66.03 കോടി , മൃഗസംരക്ഷണം 16.89 കോടി, സപ്ലൈകോ 8.32 കോടി, പൊതുവിതരണ വകുപ്പ് ഒരു കോടി, പൊതുമരാമത്ത് നിരത്ത് 446 കോടി, പൊതുമരാമത്ത് കെട്ടിട വിഭാഗം 2.96 കോടി രൂപ, വൈദ്യുതി വകുപ്പ് 33 കോടി, ജലസേചന വകുപ്പ് 50 കോടി, ജല അഥോറിറ്റി 69 കോടി, ജലഅഥോറിറ്റി പിഎച്ച് ഡിവിഷൻ 70 കോടി, മൈനർ ഇറിഗേഷൻ 36.3 കോടി, പഞ്ചായത്തുകൾ 159 കോടി, മുനിസിപ്പാലിറ്റികൾ 65.3 കോടി, ഫിഷറീസ് 3.94 കോടി, കഐസ്ആർടിസി 1.65 കോടി, മറ്റ് ഏജൻസികൾ 781.59 കോടി രൂപ എന്നിങ്ങനെയാണ് നഷ്ടം സംഭവിച്ചിട്ടുള്ളത്. സ്വകാര്യ വ്യക്തികൾക്കുണ്ടായ നാശനഷ്ടം സംബന്ധിച്ച്…
Read Moreവിരണ്ടോടിയ പോത്ത് മണിക്കൂറുകൾ നഗരം വിറപ്പിച്ചു; തൊഴിലാളിയുടെ കൈ ഒടിഞ്ഞു, വീടുകൾക്ക് നേരേയും ആക്രമണം
ആലപ്പുഴ: ഇറച്ചി വില്പനശാലയിൽ നിന്നും വിരണ്ടോടിയ പോത്ത് മണിക്കൂറുകളോളം ആലപ്പുഴ നഗരത്തെ വിറപ്പിച്ചു. വിരണ്ട പോത്തിന്റെ കുത്തേറ്റ് ജല അഥോറിറ്റിയുടെ അറ്റകുറ്റപ്പണി ചെയ്തുകൊണ്ടിരുന്ന തൊഴിലാളിയുടെ കൈയും ഒടിഞ്ഞു. വീടുകളിലേക്കും പോത്ത് ഓടിയടുത്തതോടെ ജനം പരിഭ്രാന്തിയിലായി. ഇന്നലെ രാവിലെ ഏഴോടെയാണ് കല്ലുപാലത്തിന് സമീപമുള്ള ഇറച്ചി വില്പനശാലയിൽ നിന്നും പോത്ത് വിരണ്ടോടിയത്. സീറോ ജംഗ്ഷനിൽ പൈപ്പിന്റെ അറ്റകുറ്റപ്പണി നടത്തുകയായിരുന്ന പുറക്കാട് കൊച്ചുതറ വീട്ടിൽ അജീഷിനെ(31)യാണ് പോത്ത് ആദ്യം കുത്തിവീഴ്ത്തിയത്. പിന്നീട് ഇരുന്പുപാലം ഭാഗത്തെത്തിയ പോത്ത് ചാത്തനാട് ഭാഗത്തേക്കു ഓടി. ഈ ഭാഗങ്ങളിൽ ഒട്ടേറെ വീടുകളിലേക്കും ഓടിക്കയറി. ചില വീടുകളുടെ ഗേറ്റും കക്കൂസിന്റെ വാതിലുകളും തകർക്കാൻ ശ്രമിച്ചു.പോത്ത് വിരണ്ടോടിയ വിവരമറിഞ്ഞ് ആളുകളിൽ പലരും വീട്ടിൽ നിന്നും പുറത്തിറങ്ങിയില്ല. ഇതിനിടെ ചില വീടുകളുടെ വാതിലും തകർക്കാൻ ശ്രമിച്ചു. ഉച്ചയോടെ പോത്ത് മട്ടാഞ്ചേരി പാലത്തിനു സമീപമുള്ള കനാലിലിറങ്ങി. വിവരമറിയിച്ചതനുസരിച്ച് അഗ്നിരക്ഷാ സേനയെത്തി പോത്തിനെ കയർ…
Read Moreഡാം മാനേജ്മെന്റിലെ പരാജയം; ശക്തമായ മഴ ഉണ്ടാകുമെന്നറിഞ്ഞപ്പോൾ ഡാം തുറന്ന് വെള്ളം നിയന്ത്രിച്ചിരുന്നെങ്കിൽ വലിയ പ്രളയമുണ്ടാകില്ലായിരുന്നെന്ന് ഉമ്മൻചാണ്ടി
പത്തനംതിട്ട: നാട്ടിൽ ശക്തമായ മഴ ഉണ്ടാകുമെന്ന വിദഗ്ധരുടെ ഉപദേശം ലഭിച്ച ഉടൻ ഡാമുകളിൽ നിന്നു വെള്ളം തുറന്നുവിട്ട് നിയന്ത്രിച്ചിരുന്നുവെങ്കിൽ ഇത്രയും വലിയ പ്രളയം ഉണ്ടാകില്ലായിരുന്നുഎന്ന് കോണ്ഗ്രസ് പ്രവർത്തക സമതി അംഗവും എഐസിസി ജനറൽ സെക്രട്ടറിയുമായ ഉമ്മൻ ചാണ്ടി. യൂത്ത് കോണ്ഗ്രസ് പത്തനംതിട്ട പാർലമെന്റ് മണ്ഡലം കമ്മിറ്റിയുടെ നേത്യത്വത്തിൽ മഹാപ്രളയത്തെ സംബന്ധിച്ച ജുഡീഷൽ അന്വേഷണം ആവശ്യപ്പെട്ട് ആരംഭിച്ച 24 മണിക്കൂർ ഉപവാസസമരം ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. സംസ്ഥാനത്ത് ഉണ്ടായ പ്രളയം സർക്കാരിന്റെ ഉത്തരവാദിത്വരഹിതമായ ഡാം മാനേജ്മെന്റ് സൃഷ്ടിയാണെന്നും ഇതിൽ ജുഡീഷൽ അന്വേഷണം നടത്തണമെന്നും അദ്ദേഹം ആവശ്യപ്പെട്ടു. ഇത്രയും വിലപ്പെട്ട ജീവനുകൾ പൊലിയുകയും കോടാനുകോടി രൂപയുടെ നഷ്ടങ്ങൾ ഉണ്ടാവുകയും ചെയ്തതിനെക്കുറിച്ച് അന്വേഷണം ആവശ്യപ്പെടുന്നത് സർക്കാരിനെ മോശപ്പെടുത്താനല്ല മറിച്ച് ഇനിയും ഒരു ദുരന്തം ഉണ്ടാകാതിരിക്കുവാനുള്ള നടപടികൾ എടുക്കുന്നതിനുള്ള തയാറെടുപ്പുകൾ സ്വീകരിക്കുന്നതിനാണ്. ഈ കാര്യത്തിൽ സർക്കാർ ദുരഭിമാനം കളയണമെന്നും ഉമ്മൻ ചാണ്ടി…
Read Moreശബരിമല തീർഥാടനം; പന്തളത്ത് പുനർനിർമാണ പ്രവർത്തനങ്ങൾ പുരോഗമിക്കുന്നു; മുന്നൊരുക്കങ്ങൾ ഇക്കുറി ശ്രമകരമാകും
പന്തളം: ശബരിമല തീർഥാടനവുമായി ബന്ധപ്പെട്ട് പന്തളത്തെ മുന്നൊരുക്കങ്ങൾ ഇക്കുറി ശ്രമകരമാകും. ക്ഷേത്രത്തിലെ പ്രധാന കുളിക്കടവിന്റെ പുനർനിർമാണം തൊട്ടുള്ള നടപടികളാണ് ഇത്തവണ നടത്തേണ്ടത്. പ്രളയം കാരണമാണ് കടവ് പൊളിഞ്ഞത്. പടിക്കെട്ടുകളുടെ വശത്തെ ഭിത്തിയാണ് തകർന്നത്. ഇവിടെ എയ്ഡ് പോസ്റ്റ് പ്രവർത്തിച്ചിരുന്ന ഭാഗത്ത് കരിങ്കല്ലിൽ പണിതിരുന്ന അടിത്തറയും തകർന്നു. പുനർനിർമാണം തന്നെ നടത്തേണ്ടി വരുമെന്നാണ് വിലയിരുത്തൽ. അച്ചൻകോവിലാറിന്റെ തീരത്ത് തന്നെയാണ് ശൗചാലയങ്ങളും. കെട്ടിടത്തിന്റെ ശോച്യാവസ്ഥ കാരണം ഉപയോഗയോഗ്യമാണോയെന്നും സംശയമുയർന്നിട്ടുണ്ട്. പുതിയ അന്നദാന, വിശ്രമകേന്ദ്രത്തിന്റെ നിർമാണം നടക്കുന്നതേയുള്ളു. ഒന്നാം നിലയുടെ തൂണുകളുടെ നിർമാണം വരെയാണ് പൂർത്തിയായിട്ടുള്ളത്. കെട്ടിടത്തിന്റെ താഴെ പാർക്കിംഗിന് സൗകര്യമൊരുക്കാനാണ് പദ്ധതിയെങ്കിലും ഇത്തവണ സാധ്യമാകുമോയെന്ന് സംശയമാണ്. കഴിഞ്ഞ വർഷം ഈ സ്ഥലം കൂടി വിനിയോഗിച്ചിരുന്നെങ്കിലും പാർക്കിംഗ് ബുദ്ധിമുട്ടായിരുന്നു. മണികണ്ഠനാൽത്തറയ്ക്ക് എതിർവശമുള്ള 68 സെന്റ് സ്ഥലം വാങ്ങി പാർക്കിംഗ് കേന്ദ്രം നിർമിക്കാനുള്ള പദ്ധതി ദേവസ്വം ബോർഡ് ഉപേക്ഷിക്കുകയും ചെയ്തിരുന്നു. പന്തളത്തെ ക്രമീകരണങ്ങൾ…
Read Moreഭർത്താവ് വിവാഹതട്ടിപ്പുകാരനാണെന്ന പരാതിയുമായി ഭാര്യ; തന്നെ കൂടാതെ ഇയാൾ രണ്ട് വിവാഹം കഴിച്ചു; തിരുവല്ലക്കാരൻ ഭർത്താവിനെതിരേ യുവതിയുടെ പരാതിപ്രളയം
തിരുവല്ല: വിവാഹ തട്ടിപ്പ് നടത്തി സ്ത്രീകളുടെ സ്വത്തും പണവും അപഹരിക്കുന്ന യുവാവിനെതിരെ ഭാര്യ പോലീസിൽ പരാതി നൽകി. തിരുവല്ല മുത്തൂർ രാമൻചിറ വെട്ടുവേലിൽ വീട്ടിൽ നവാസിനെതിരെ ഭാര്യ ഹരിപ്പാട് കുമാരപുരം പൊത്തപ്പള്ളി മപാറയ്ക്കൽ വീട്ടിൽ ജസ്നയാണ് പോലീസ് സ്റ്റേഷനിൽ പരാതിപ്പെട്ടത്. 2013ലാണ് ഇവരുടെ വിവാഹം നടന്നത്. 1.30 ലക്ഷം രൂപയും 75 പവൻ സ്വർണവുമാണ് സ്ത്രീധനമായി വാങ്ങിയത്. വിവാഹത്തിന് ശേഷം ജസ്നയുടെ സ്വർണവും പണവും വിറ്റതായി പരാതിയിൽ പറയുന്നു. ഭാര്യയെ മാനസികവും ശാരീരികവുമായി പീഡിപ്പിക്കുകയും ചെയ്തു. ഇയാളുടെ ദുർനടപ്പിനെ തുടർന്ന് അകന്നു കഴിയുകയായിരുന്ന ജസ്നയ്ക്കും മകൾക്കും ഹരിപ്പാട് ജുഡീഷൽ കോടതിയിൽ നിന്ന് അനുകൂലമായ വിധി ഉണ്ടാകുകയും തനിക്കും 14വയസ് പ്രായമുള്ള മകൾക്കും ജീവിതചെലവിന് പ്രതിമാസം 5500 രൂപ നൽകണമെന്നും ഭർത്താവിന്റെ വീട്ടിൽ താമസിക്കുവാനും ഉത്തരവുണ്ടായി. എന്നാൽ കോടതിവിധി പ്രകാരം ചെലവിന് വിധിച്ച തുക നവാസ് നൽകുന്നില്ല. ജസ്നയുമായുള്ള…
Read Moreപ്രളയബാധിത മേഖലകളിൽ ആശ്വാസവുമായി മിസസ് ഇന്ത്യ; കുട്ടികളനുഭവിച്ച മാനസിക സംഘർഷത്തിൽ നിന്നും അവരെ മോചിപ്പിക്കുകയെന്ന ലക്ഷ്യത്തിനാണ് ഇവിടെ എത്തിയതെന്ന് ശശിലേഖ
പത്തനംതിട്ട: ജില്ലയിലെ പ്രളയബാധിത മേഖലകളിൽ കുട്ടികളിൽ മാനസിക കരുത്ത് വർധിപ്പിക്കുകയെന്ന ലക്ഷ്യത്തോടെ മിസസ് ഇന്ത്യ കേരള അംബാസഡർ ശശിലേഖ നായർ സന്ദർശനം നടത്തി.ആറന്മുള ബാലാശ്രമത്തിലെത്തിയ അവർ കുട്ടികളുമായി ഏറെ നേരം സംവദിക്കുകയും അവരോടൊപ്പം ഉച്ചഭക്ഷണത്തിൽ പങ്കാളിയാകുകയുമുണ്ടായി. ബാലാശ്രമത്തിന്റെ ഒരുനിലയും പരിസരങ്ങളും വെള്ളത്തിൽ മുങ്ങിയിരുന്നു. പ്രളയദിനത്തിൽ കുട്ടികൾ അനുഭവിച്ച മാനസികസംഘർഷത്തിൽ നിന്നും അവരെ മോചിതരാക്കുകയെന്ന ലക്ഷ്യത്തോടെയാണ് താനെത്തിയതെന്ന് ശശിലേഖ പറഞ്ഞു. ആറന്മുള, കാട്ടൂർ പ്രദേശങ്ങളിലെ വീടുകൾ, ലൈബ്രറികൾ എന്നിവിടങ്ങളിലും ശശിലേഖ സന്ദർശനം നടത്തി. ചെന്നൈയിൽ നടന്ന പേജന്റ്സ് പ്രൊഡക്ഷൻ പ്രൈവറ്റ് ലിമിറ്റഡ് ദീപാലി ഫട്നീസ് മിസസ് ഇന്ത്യ മത്സരത്തിൽ നിന്നു കേരള അംബാസഡറായി തെരഞ്ഞെടുക്കപ്പെട്ട ശശിലേഖ നായർ കാട്ടൂർ സ്വദേശി കൂടിയാണ്.
Read More