കുലുക്കമില്ലാതെ അധികൃതർ;  കാ​യം​കു​ളം സം​സ്ഥാ​ന പാ​ത നി​റ​യെ കു​ഴി​ക​ൾ; മ​ണി​പ്പു​ഴ പാ​ലത്തിൽ കോൺക്രീറ്റ് അടർന്നു മാറി

തി​രു​വ​ല്ല: കാ​യം​കു​ളം സം​സ്ഥാ​ന പാ​ത​യി​ൽ മ​ണി​പ്പു​ഴ പാ​ല​ത്തി​ലെ കോ​ൺ​ക്രീ​റ്റ് അ​ട​ർ​ന്നു മാ​റി ക​മ്പി​ക​ൾ തെ​ളി​ഞ്ഞി​ട്ടും ഉ​ദ്യോ​ഗ​സ്ഥ​ർ​ക്ക് കു​ലു​ക്ക​മി​ല്ല. ഇ​രു വ​ശ​ങ്ങ​ളി​ലെ​യും അ​പ്രോ​ച്ച് റോ​ഡി​നോ​ടു ചേ​ർ​ന്ന ഭാ​ഗ​മാ​ണ് ത​ക​ർ​ന്നി​രി​ക്കു​ന്ന​ത്. അ​ൽ​പം ശ്ര​ദ്ധ മാ​റി​യാ​ൽ കാ​ൽ​ന​ട​യാ​ത്ര​ക്കാ​രു​ടെ കാ​ലി​ൽ ഇ​രു​മ്പു പ്ലേ​റ്റു​ക​ൾ കൊ​ണ്ടു ക​യ​റാ​നും സാ​ധ്യ​ത ഏ​റെ​യാ​ണ്.

പ്ര​ള​യ​ത്തി​നു മു​മ്പാ​ണ് പാ​ല​ത്തി​ലെ കു​ഴി​ക​ൾ രൂ​പ​പ്പെ​ട്ടു തു​ട​ങ്ങി​യ​ത്. വാ​ഹ​ന​ങ്ങ​ൾ ക​ട​ന്നു പോ​കു​മ്പോ​ൾ കു​ഴി​യി​ൽ ചാ​ടി പാ​ല​ത്തി​നു കു​ലു​ക്ക​വും അ​നു​ഭ​വ​പ്പെ​ടു​ന്നു. വ​ലി​യ കു​ഴി​ക​ളി​ൽ വാ​ഹ​ന​ങ്ങ​ൾ സാ​വ​ധാ​നം ഇ​റ​ങ്ങി​പ്പോ​കു​ന്ന​തി​നാ​ൽ ഗ​താ​ഗ​ത കു​രു​ക്കും രൂ​ക്ഷ​മാ​ണ്.

മ​ണി​പ്പു​ഴ ഉ​ണ്ട​പ്ലാ​വ് ജം​ഗ്ഷ​നു സ​മീ​പം റോ​ഡി​ൽ കി​ട​ങ്ങു പോ​ലെ​യാ​ണ് കു​ഴി​ക​ൾ രൂ​പ​പ്പെ​ട്ടി​രി​ക്കു​ന്ന​ത്. കു​ഴി​യി​ൽ ചാ​ടാ​തെ മ​റു​ക​ര ക​ട​ക്കാ​നാ​യി വാ​ഹ​ന​ങ്ങ​ൾ വെ​ട്ടി​ക്കു​ന്ന​തു മൂ​ലം നി​ത്യ​വും നി​ര​വ​ധി അ​പ​ക​ട​ങ്ങ​ൾ​ക്കും നാ​ട്ടു​കാ​ർ സാ​ക്ഷി​ക​ളാ​കു​ന്നു.പൊ​ടി​യാ​ടി ജം​ഗ്ഷ​നു സ​മീ​പം ക​ലു​ങ്കി​ന്‍റെ സം​ര​ക്ഷ​ണ ഭി​ത്തി​യും ത​ക​ർ​ന്ന നി​ല​യി​ലാ​ണ്.

കാ​യം​കു​ളം സം​സ്ഥാ​ന പാ​ത അ​ഞ്ചു വ​ർ​ഷ​ത്തെ ഗാ​ര​ണ്ടി​യോ​ടെ​യാ​ണ് നി​ർ​മി​ച്ചി​ട്ടു​ള്ള​ത്. കാ​ലാ​വ​ധി അ​വ​സാ​നി​ക്കു​ന്ന​ത് ഈ ​വ​ർ​ഷാ​വ​സാ​ന​മാ​ണ്. എ​ന്നാ​ൽ പാ​ല​ത്തി​ലും റോ​ഡി​ലും മ​ഴ​ക്കാ​ല​ത്ത് രൂ​പ​പ്പെ​ട്ട കു​ഴി​ക​ൾ അ​ട​ക്കാ​ൻ ബ​ന്ധ​പ്പെ​ട്ട ക​രാ​റു​കാ​ർ ത​യാ​റാ​യി​ട്ടി​ല്ല.

അ​തേ​സ​മ​യം പു​തി​യ ടെ​ൻ​ഡ​ർ വി​ളി​ച്ച് റോ​ഡി​ന്‍റെ​യും പാ​ല​ത്തി​ന്‍റെ​യും അ​റ്റ​കു​റ്റ​പ്പ​ണി​ക​ൾ ന​ട​ത്താ​നാ​ണ് അ​ധി​കൃ​ത​രു​ടെ നീ​ക്കം. ഇ​തി​നാ​യി ലോ​ക​ബാ​ങ്ക് സം​ഘം ക​ഴി​ഞ്ഞ ദി​വ​സം റോ​ഡി​ന്‍റെ ത​ക​ർ​ച്ച വി​ല​യി​രു​ത്തി ട്ടു​ണ്ടെ​ന്നാ​ണ് അ​ധി​കൃ​ത​ർ പ​റ​യു​ന്ന​ത്.