തിരുവല്ല: മഹാപ്രളയത്തിനുശേഷം നദികളിലെയും തോടുകളിലെയും ജലാശയങ്ങളിലെയും ജലനിരപ്പ് ക്രമാതീതമായി താഴുന്നത് അപ്പർകുട്ടനാടൻ മേഖലയെ ആശങ്കയിലാഴ്ത്തുന്നു.ഒരു മാസം മുമ്പ് കരകവിഞ്ഞൊഴുകിയ പമ്പ, മണിമല നദികളും അനുബന്ധ തോടുകളും അനുദിനം വറ്റി വരളുകയാണ്. ജലാശയങൾ വരളുന്നതിനൊപ്പം പ്രദേശത്തെ കിണറുകളും വറ്റുന്നതാണ് ആശങ്കയ്ക്ക് പ്രധാന കാരണം. പൊതുവെ ഏപ്രിൽ മാസത്തോടെ മാത്രം വറ്റാറുള്ള കിണറുകൾ പലതും ജലനിരപ്പ് ഏറെ താഴ്ന്ന് വെള്ളം കലങ്ങിമറിഞ്ഞ നിലയിലായിട്ടുണ്ട്. കിണർജലത്തിനു ചുവപ്പുനിറവും കണ്ടുവരുന്നു. ഇരുന്പിന്റെ അംശം കൂടുതലായി കലർന്നതാണ് വെള്ളത്തിന്റെ നിറംമാറ്റത്തിനു കാരണമെന്നാണ് നിഗമനം.തുലാവർഷം ശക്തമായില്ലെങ്കിൽ ഡിസംബർ മാസത്തോടെ മേഖല കൊടും വരൾച്ചയാകും നേരിടേണ്ടി വരിക. ജില്ലയിലെ പ്രധാന നെല്ലറയായ അപ്പർകുട്ടനാട്ടിലെ നെൽപ്പാടങ്ങളും വരൾച്ചാ ഭീഷണിയിലാണ്. പാടശേഖരങ്ങളിലേക്ക് വെള്ളമെത്തേണ്ട ജലാശയങ്ങൾ വരളുന്നത് നവംബർ അവസാന വാരത്തോടെ കൃഷിയിറക്കേണ്ട നെൽകർഷകർക്ക് ഏറെ പ്രതിബന്ധങ്ങൾ സൃഷ്ടിക്കാനിടയുണ്ട്. ജലനിരപ്പ് ഇത്തരത്തിൽ താഴ്ന്നാൽ കൃഷി മുടങ്ങുമെന്ന ആശങ്കയും കർഷകർക്കിടയിൽ നിലനിൽക്കുന്നുണ്ട്. പ്രളയത്തിൽ…
Read MoreCategory: Alappuzha
പോകാൻ വേറെ ഇടമില്ല; പ്രളയത്തിൽ ബലക്ഷയം സംഭവിച്ച വീടുകളിൽ ഭീതിയോടെ ജനം
അടൂർ: മണ്ണടി ഇടയംപാലത്തിനു സമീപം പ്രളയത്തിൽ വെള്ളം കെട്ടിക്കിടന്നതിനെ തുടർന്ന് ഭിത്തി വിണ്ടു കീറിയ വീടുകളിൽ ഭീതിയൊടെ കുടുംബങ്ങൾ മണ്ണടി താഴം ഇടയൻ പാലത്ത് ഹരീഷ് ഭവനിൽ ഹരിദാസൻ പിള്ളയുടെ വീടിന്റെ ഭിത്തിയ്ക്കാണ് നാശം നേരിട്ടത്. കെട്ടിടത്തിന്റെ അടുക്കള ഭിത്തി വീണ്ടുകീറിയ നിലയിലാണ്. കല്ലടയാറ്റിൽ ജലനിരപ്പുയർന്നതോടെയാണ് ഈഭാഗത്ത് വെള്ളം കയറിയത്. അടുക്കളയും രണ്ട് ചെറിയ മുറികളും ചായ്പ്പുമാണുള്ളത്. സമീപത്ത് കൂടി കടന്നുപോകു ന്ന കടമ്പനാട്-ഏനാത്ത് – ഏഴംകുളം മിനി ഹൈവേയിലൂടെ വാഹനങ്ങൾ പോകുമ്പോൾ വീടിന് കുലു ക്കം അനുഭവപ്പെടുന്നതായി ഹരിദാസൻ പിള്ള പറഞ്ഞു. ഹരിദാസൻ പിള്ളയും ഭാര്യയും മക്കളും അമ്മയും ഉൾപ്പടെ ഏഴ് പേർ ഈ ചെറിയ വീട്ടിലാണ് അന്തിയുറങ്ങുന്നത്. സമീപത്തെ തോടിന്റെ സംരക്ഷണഭിത്തി ഉയർത്തി കെട്ടിയാൽ വെള്ളപ്പൊക്ക ഭീഷണിക്ക് ഒരു പരിധി വരെ പരിഹാരമാകും. സമീപത്തെ സരസ്വതിഭവനം മണികണ്ഠൻ, സരസ്വതി എന്നിവരുടെ വീടുകൾക്കും നാശം സംഭവിച്ചു.…
Read Moreമണ്ഡലം കമ്മിറ്റി വിഭജനത്തെച്ചൊല്ലി സിപിഐയിലെ കലാപം; സംസ്ഥാനനേതൃത്വം ഇടപെടുന്നു
ആലപ്പുഴ: മണ്ഡലം കമ്മിറ്റി വിഭജനത്തെച്ചൊല്ലി ആലപ്പുഴയിൽ സിപിഐയിലുണ്ടായ കലാപത്തിൽ സംസ്ഥാന നേതൃത്വം ഇടപെടുന്നു. സംസ്ഥാന സെക്രട്ടറി കാനം രാജേന്ദ്രൻ സംഭവത്തെക്കുറിച്ച് പാർട്ടി നേതൃത്വത്തോട് വിശദീകരണം തേടിയിട്ടുണ്ട്. വരുന്ന ആഴ്ച പാർട്ടി സംസ്ഥാന സെക്രട്ടറി ആലപ്പുഴയിലെത്തുന്പോൾ വിഷയം ചർ്ച്ച ചെയ്യാനും തീരുമാനിച്ചതായാണ് വിവരം. കഴിഞ്ഞദിവസമാണ് സിപിഐ ആലപ്പുഴമണ്ഡലം കമ്മിറ്റി നോർത്ത്, സൗത്ത് കമ്മിറ്റികളായി വിഭജിക്കാത്തതിൽ പ്രതിഷേധിച്ച് മണ്ഡലം സെക്രട്ടറിയേറ്റംഗങ്ങളും മണ്ഡലം കമ്മറ്റിയംഗങ്ങളും ലോക്കൽ കമ്മിറ്റി സെക്രട്ടറിമാരുമടക്കമുള്ളവർ കൂട്ടരാജിവച്ചത്. കഴിഞ്ഞ സമ്മേളന കാലം മുതൽ ആലപ്പുഴ, അന്പലപ്പുഴ നിയോജക മണ്ഡലങ്ങളിലായി പ്രവർത്തിക്കുന്ന സിപിഐ ആലപ്പുഴ മണ്ഡലം കമ്മറ്റി വിഭജിക്കണമെന്ന ആവശ്യം ഒരു വിഭാഗം ഉയർത്തിയിരുന്നു. എന്നാൽ പാർട്ടിയിലെ തലമുതിർന്ന നേതാക്കളും പ്രമുഖ യുവജന നേതാവും ഇതിന് എതിര് നിന്നതോടെ കമ്മിറ്റി വിഭജനം നീണ്ടുപോവുകയായിരുന്നു. ഇതിൽ പ്രതിഷേധിച്ചാണ് കഴിഞ്ഞദിവസം നേതാക്കളുടെ അപ്രതീക്ഷിത രാജിയുണ്ടായത്. പാർട്ടി ജില്ലാ സെന്ററിന്റെ പ്രവർത്തനങ്ങളിൽ നിർണായക പങ്ക്…
Read Moreസീരിയൽ സമയം മറയാക്കി മോഷണ പരമ്പര; ഒടുവിൽ കള്ളൻ പോലീസ് വലയിൽ; സീരിയൽ സമയം തിരഞ്ഞെടുത്ത് എന്തുകൊണ്ടെന്ന കളളന്റെ മറുപടി കേട്ട് പോലീസിന്റെ കൂട്ടച്ചിരി
ചങ്ങനാശേരി: ആളുകൾ ടിവി സീരിയലുകളിൽ മുഴുകിയിരിക്കുന്പോൾ സമീപത്തെ വീട് കുത്തി ത്തുറന്ന് കവർച്ച നടത്തുന്ന വിരുതൻ ഒടുവിൽ പോലീസിന്റെ വലയിലായി. ഐസ്ക്രീം കച്ചവടത്തിന്റെ മറവിൽ ആൾതാമസമില്ലാത്ത വീടുകളിൽ കവർച്ച നടത്തി വന്ന ഓട്ടോ ഡ്രൈവർ കടമാഞ്ചിറ പുതുപ്പറന്പിൽ ഇസ്മായിൽ(38) ആണ് പോലീസിന്റെ പിടിയിലായത്. സീരിയലുകളിൽ ശ്രദ്ധിച്ചിരിക്കുന്ന വീട്ടമ്മമാർ വീടിനു പുറത്തു ശബ്ദം കേട്ടാൽ പോലും ഇറങ്ങി വരാത്തത് മോഷണത്തിനു സഹായകമാകുന്നുണ്ടെന്ന് ഇയാൾ പോലീസിനോട് പറഞ്ഞു.വീടുകളിൽ നിന്നും സ്വർണാഭരണങ്ങൾ, പണം, വിദേശ കറൻസികൾ എൽഇഡി ടിവികൾ, പാചകവാതക സിലിണ്ടർ, ഇലക്ട്രോണിക്സ് സാധനങ്ങൾ എന്നിവ മോഷ്ടിച്ച കേസിലാണ് ഇയാൾ അറസ്റ്റിലായത്. കൃത്യത്തിനുപയോഗിച്ച ഐസ്ക്രീം വിൽക്കുന്ന എയ്സ് വണ്ടിയും ഓട്ടോറിക്ഷയും മോഷണ തൊണ്ടിമുതലുകളും പോലീസ് സംഘം കണ്ടെടുത്തിട്ടുണ്ട്. ചങ്ങനാശേരി സിഐ എസ്.സുരേഷ്കുമാറിന്റെ നേതൃത്വത്തിലുള്ള പോലീസ് ആണ് മോഷ്ടാവിനെ അറസ്റ്റു ചെയ്തത്. ഇയാളുടെപേരിൽ 17 ഓളം കേസുകളുണ്ട്. ഇതിൽ ഏഴ് കേസുകളിലെ തൊണ്ടി…
Read Moreബ്രത്ത് അനലൈസറല്ല, ഇവിടെ ഏമാൻ തീരുമാനിക്കും മദ്യപിച്ചിട്ടുണ്ടോയെന്ന്; ആലപ്പുഴ നഗരത്തിലെ പോലീസ് സ്റ്റേഷനിൽ നടക്കുന്ന പ്രാകൃത രീതികൾ ഇങ്ങനെയൊക്കെ…
ആലപ്പുഴ: മദ്യപിച്ച് വാഹനമോടിക്കുന്നവരെ പോലീസ് പിടികൂടുന്നത് ബ്രത്ത് അനലൈസർ ഉപയോഗിച്ച് പരിശോധിച്ചോ അല്ലെങ്കിൽ രക്ത പരിശോധന നടത്തിയോ ആണ്. എന്നാൽ നഗരത്തിന് വടക്കുള്ള പോലീസ് സ്റ്റേഷനിൽ ഇതൊന്നും ബാധകമല്ല. രാജാവിനെക്കാൾ വലിയ രാജഭക്തിയുള്ളവർ എന്ന് പറയുന്നതുപോലെ സ്റ്റേഷന്റെ ചുമതലയുള്ള ഉദ്യോഗസ്ഥനെക്കാൾ അധികാരമാണ് ഈ വിഷയത്തിൽ സ്റ്റേഷനിലെ എഴുത്തുകുത്തുമായി ബന്ധപ്പെട്ട ചുമതല നിർവഹിക്കുന്നയാളിന്. പോലീസ് ജീപ്പിൽ പട്രോളിംഗ് നടത്തുന്നതിനിടെ മദ്യപിച്ചെന്ന സംശയത്തിന്റെ അടിസ്ഥാനത്തിൽ ആരെയെങ്കിലും പിടികൂടി സ്റ്റേഷനിലെത്തിച്ച് ബ്രത്ത് അനലൈസറിൽ ഉൗതിച്ച് ശബ്ദം കേട്ടില്ലെങ്കിലും ഈ ഏമാൻ തീരുമാനിക്കും മദ്യപിച്ചിട്ടുണ്ടെന്ന്. ആൾ ചെറുപ്പക്കാരനാണെങ്കിലും പഴയ കുട്ടൻപിള്ള പോലീസിന്റെ സ്വഭാവമാണെന്നാണ് ഇത്തരത്തിൽ ഫൈനടപ്പിക്കപ്പെട്ടവർ പറയുന്നത്. കഴിഞ്ഞദിവസം പോലീസ് സംഘം പെട്രോളിംഗ് നടത്തുന്നതിനിടെ റോഡരികിൽ ബൈക്ക് സ്റ്റാർട്ടാക്കാൻ ശ്രമിക്കുന്ന യുവാവിനെ ശ്രദ്ധിക്കുകയും ലക്ഷണം കണ്ടമാത്രയിൽ മദ്യപിച്ചിട്ടുണ്ടെന്ന് ഉറപ്പാക്കുകയും ചെയ്തു. ജീപ്പിലുണ്ടായിരുന്ന ബ്രത്ത് അനലൈസർ ഉപയോഗിച്ച് നടത്തിയ പരിശോധനയിൽ യുവാവ് മദ്യപിച്ചിട്ടില്ലെന്നായിരുന്നു ഫലമെങ്കിലും…
Read Moreയന്ത്രവത്കരണവും സാങ്കേതികവത്കരണവും എത്രത്തോളം വളർന്നാലും ആലപ്പുഴ നഗരത്തിൽ ‘സിഗ്നൽ ലൈറ്റുകൾ’വാഴില്ല! ഗതാഗതം നിയന്ത്രിച്ച് ഇപ്പോഴും ട്രാഫിക് പോലീസ്
ആലപ്പുഴ: യന്ത്രവത്കരണവും സാങ്കേതികവത്കരണവും എത്രത്തോളം വളർന്നാലും ആലപ്പുഴ നഗരത്തിലെ ഗതാഗത നിയന്ത്രണത്തിൽ ഒരു പങ്കുമില്ല. നഗരത്തിലെ തിരക്കേറിയ ജംഗ്ഷനുകളിൽ ഇപ്പോഴും ഗതാഗതം നിയന്ത്രിക്കുന്നത് ട്രാഫിക് പോലീസ് ഉദ്യോഗസ്ഥരാണ്. ഒന്നര പതിറ്റാണ്ടുമുന്പ് ഗതാഗതം നിയന്ത്രിക്കുന്നതിനായി നഗരത്തിലെ ജനറൽ ആശുപത്രി ജംഗ്ഷനിൽ ഓട്ടോമാറ്റിക് സിഗ്്നൽ ലൈറ്റുകൾ സ്ഥാപിച്ചെങ്കിലും ഇന്നത് ഓർമയാണ്. നിലവിൽ ഇവിടെ സിഗ്നലുണ്ടെങ്കിലും പ്രവർത്തിപ്പിക്കണമെങ്കിൽ ട്രാഫിക് ഉദ്യോഗസ്ഥൻ വേണം. ആദ്യം സ്ഥാപിച്ച സിഗ്നൽ ലൈറ്റുകൾ വാഹനമിടിച്ചു തകർത്തതോടെ പിന്നീട് വർഷങ്ങളോളം ജനറൽ ആശുപത്രി ജംഗ്ഷനിൽ പൊരിവെയിലത്തും മഴയത്തും ട്രാഫിക് ഉദ്യോഗസ്ഥർ കിണഞ്ഞ് പരിശ്രമിച്ചാണ് ഗതാഗതക്കുരുക്ക് അഴിച്ചിരുന്നത്. ഏതാനും വർഷങ്ങൾക്ക് മുന്പ് വീണ്ടും ഇവിടെ മാനുവലായുള്ള ട്രാഫിക് സിഗ്്നൽ ലൈറ്റുകൾ വീണ്ടും സ്ഥാപിക്കുകയായിരുന്നു. മാസങ്ങൾക്ക് മുന്പ് വൈഎംസിഎ പാലത്തിലെ ഗതാഗതക്കുരുക്ക് ഒഴിവാക്കുന്നതിനായി ഇരുകരകളിലുമായി സിഗ്്നൽ ലൈറ്റുകൾ സ്ഥാപിച്ചിരുന്നു. ഇവ ഏകദേശം മൂന്നാഴ്ചയോളം പ്രവർത്തിച്ചെങ്കിലും പിന്നീട് കണ്ണടച്ചു. സിഗ്്നൽ ലൈറ്റുകളെ തമ്മിൽ…
Read Moreപണിപൂർത്തിയായിട്ട് ഒരു വർഷം; ഉദ്ഘാടനം നടക്കാതെ ജില്ലയിലെ ആദ്യ 3 ജി അങ്കണവാടി
പഴകുളം: ജില്ലയിലെ ആദ്യത്തെ 3 ജി അങ്കണവാടി കെട്ടിടത്തിന്റെ ഉദ്ഘാടനം വൈകുന്നു. ഇത് കാരണം സുരക്ഷിതത്വമില്ലാത്ത വാടക മുറിയിലിരുന്ന് പഠിക്കേണ്ട ഗതികേടിലാണ് കുട്ടികൾ. പള്ളിക്കൽ പഞ്ചായത്തിലെ എട്ടാം വാർഡിലാണ് ജില്ലയിലെ തന്നെ ആദ്യത്തെ 3 ജി അങ്കണവാടി കെട്ടിടം പണിപൂർത്തീകരിച്ചത്. 2017 സെപ്റ്റംബറിൽ തന്നെ ഉദ്ഘാടനം നടത്തുമെന്നറിയിച്ചിരുന്നെങ്കിലും ഒരുവർഷമായിട്ടും നടന്നില്ല . കെട്ടിടം നശിക്കാൻ തുടങ്ങിയത് മിച്ചം. ആറു വയസുവരെയുള്ള കുട്ടികൾക്ക് പഠന, കൗമാരക്കാരായകുട്ടികൾക്ക് കൗൺസിലിംഗ് സെന്റർ, വയോധികർക്ക് ആരോഗ്യപരിപാലനകേന്ദ്രം. ഇങ്ങനെ മൂന്ന് തലമുറകൾക്ക് ഒരു കുടക്കീഴിൽ പരിചരണമൊരുക്കുന്നതിനാലാണ് 3 ജി അങ്കണവാടി എന്ന് അറിയപ്പെടുന്നത്. ഒരു നിയോജകമണ്ഡലത്തിൽ ഒരെണ്ണം വീതം നിർമിക്കാനാണ് സർക്കാർ ആദ്യഘട്ടത്തിൽ ലക്ഷ്യമിട്ടത്. ജില്ലയിൽ മറ്റെങ്ങും പണി ആരംഭിച്ചിട്ടില്ല. തെങ്ങുംതാര വാർഡിലെ കടമാൻകുളം 96-ാം നന്പർ അങ്കണവാടിയാണ് ത്രീ ജി ആക്കിയത്. ഒരുമാസം മുതൽ മൂന്ന് വയസു വരെയുള്ള കുട്ടികൾക്ക് പ്രത്യേക പരിചരണവും…
Read Moreസ്കൂൾ വാഹനങ്ങളിൽ ജിപിഎസ് സംവിധാനം ഒന്നുമുതൽ നിർബന്ധമാക്കുന്നു; ജിപിഎസ് സംവിധാനമില്ലാത്ത വാഹനങ്ങൾക്കെതിരേ കർശന നടപടി
ചേർത്തല: സ്കൂൾ വാഹനങ്ങൾ നിരീക്ഷിക്കുന്നതിനായി ജിപിഎസ് സംവിധാനം നിർബന്ധമാക്കുന്നു. ഇതോടെ കുട്ടികളുമായിപോകുന്ന വാഹനങ്ങൾ ഏത് ദിശയിലൂടെയാണ് സഞ്ചരിക്കുന്നതെന്ന് മോട്ടോർവാഹനവകുപ്പിന് ആർടി ഓഫീസിലുള്ളവർക്ക് അറിയാൻ കഴിയും. സഞ്ചരിച്ചുകൊണ്ടിരിക്കുന്ന വാഹനങ്ങൾ നേരിട്ട് നിരീക്ഷിക്കാനാണ് ജിപിഎസ് സംവിധാനം നിർബന്ധമാക്കുന്നത്. ഓരോ വാഹനത്തിനും ഓരോ നന്പർ ഉണ്ടാവും. ഇത് ഉപയോഗിച്ചാണ് വാഹനം നിരീക്ഷണം നടത്തുന്നത്. സ്കൂൾ വാഹനങ്ങൾ അപകടത്തിൽപെട്ടാലും അന്യ സംസ്ഥാനങ്ങളിൽ നടക്കുന്നതുപോലെ സ്കൂൾ വാഹനങ്ങൾ തട്ടികൊണ്ടുപോയാലും ഉടനറിയാനാകും. ഒക്ടോബർ ഒന്നിനു മുൻപ് നിർബന്ധമായും ജിപിഎസ് ഘടിപ്പിക്കണമെന്നാണ് നിർദേശം. ജിപിഎസ് അംഗികാരമുള്ള കന്പനികളുടെ പ്രതിനിധികൾ 19 ന് രാവിലെ 10 ന് കണിച്ചുകുളങ്ങര വൊക്കേഷണൽ ഹയർ സെക്കൻഡറി സ്കൂളിൽ എത്തി ഇതിന്റെ പ്രാധാന്യത്തെകുറിച്ച് വിശദീകരിക്കും. താലൂക്കിലെ സ്കൂൾ അധിക്യതർ നിർബന്ധമായും പങ്കെടുക്കണമെന്ന് സബ്ബ് റീജണൽ ട്രാൻസ്പോർട്ട് ഓഫീസർ അറിയിച്ചു. ഒക്ടോബർ ഒന്നിനു ശേഷം ജിപിഎസ് സംവിധാനമില്ലാത്ത സ്കൂൾ വാഹനങ്ങൾ നിരത്തിലിറങ്ങിയാൽ പിഴയൊടുക്കെണ്ടിവരുമെന്നും അറിയിപ്പിൽ…
Read Moreഎല്ലാം പ്രഹസനം മാത്രം; പ്രളയബാധിതർക്കുള്ള സർക്കാരിന്റെ പലിശരഹിത വായ്പാസഹായം; നിബന്ധനകൾ കേട്ട് കണ്ണ് തള്ളി കുടുംബശ്രീ അംഗങ്ങൾ
ഹരിപ്പാട്: മഹാപ്രളയത്തെ അതിജീവിച്ച ജനതയ്ക്ക് വീണ്ടും പ്രഹരമേൽപ്പിച്ച് സർക്കാർ. മഹാപ്രളയത്തിൽ എല്ലാം നഷ്ടമായ ജനതയ്ക്ക് ഗൃഹോപകരണങ്ങൾ വാങ്ങുന്നതിന് പലിശ രഹിതമായി ഒരുലക്ഷം രൂപ കുടുംബശ്രീകളിൽ അംഗമായവർക്ക് ധനകാര്യ സ്ഥാപനങ്ങളിൽ നിന്നും ലഭ്യമാക്കുമെന്നായിരുന്നു സർക്കാർ പ്രഖ്യാപനം. ആഴ്ചകളോളം വെള്ളത്തിൽ കിടന്നു നശിച്ച വീട്ടുപകരണങ്ങൾക്ക് പകരം പുതിയവ വാങ്ങാമെന്ന പ്രതീക്ഷയിലായിരുന്നു പ്രളയബാധിതർ.പ്രളയത്തിൽ നഷ്ടമായ ഉപകരണങ്ങൾക്ക് കണക്കില്ല. വായ്പ തിരിച്ചടയ്ക്കണമെങ്കിലും പലിശ നൽകേണ്ടതില്ലല്ലോ എന്നായിരുന്നു ഓരോരുത്തരുടേയും ആശ്വാസം. പ്രഖ്യാപനമനുസരിച്ച് കുടുംബശ്രീകൾ വഴി വായ്പയ്ക്കാവശ്യമായ രേഖകൾ തയാറാക്കി. എന്നാൽ എഡിഎസ് വഴി കിട്ടിയ നിർദേശങ്ങൾ നിരാശാജനകമായിരുന്നു. വായ്പ തുകയ്ക്ക് ഒന്പതര ശതമാനം പലിശയടക്കണം. ഗൃഹോപകരണ ശാലയിലേക്ക് ചെക്കേ ലഭിക്കൂ. സഹകരണ ബാങ്കുകളിൽ നിന്ന് വായ്പയെടുത്തവർക്ക് ആ തുക പിടിച്ചതിന് ശേഷമുള്ള തുകയേ ലഭിക്കു. ഇതിന് പുറമെ വാങ്ങുന്ന വീട്ടുപകരണങ്ങൾക്ക് അഞ്ചുമുതൽ 28 ശതമാനം വരെ ജിഎസ്ടിയും അടയ്ക്കണം. കുടുംബശ്രീ അംഗങ്ങളിൽ അധിക പേർക്കും…
Read Moreപ്രളയത്തിന്റെ ബാക്കിപത്രമായ പ്രദേശത്തെ അവശേഷിച്ച പച്ചപ്പും കരിഞ്ഞുണങ്ങുന്നു; കർഷകർ ആശങ്കയിൽ
പത്തനംതിട്ട: പ്രളയത്തിന്റെ ബാക്കിപത്രമായി നാടെങ്ങും കരിഞ്ഞുണങ്ങുന്നു. മണലും ചെളിമണ്ണും കയറിക്കിടക്കുന്ന പാടശേഖരങ്ങളും കരഭൂമിയിലും നിൽക്കുന്ന മരങ്ങൾ അടക്കം ഉണങ്ങിത്തുടങ്ങി. ഏത്തവാഴകളും കുടിവാഴകളും നേരത്തെതന്നെ കരിഞ്ഞുണങ്ങിയിരുന്നു. മറ്റു കൃഷികളെല്ലാം പൂർണമായി നശിച്ചു. വെള്ളം എടുത്ത കൃഷികൾക്കു ശേഷം അവശേഷിച്ച പച്ചപ്പ് പൂർണമായി ഉണങ്ങിയ സ്ഥിതിയാണ്. പന്പാനദിയോടും തോടുകളോടും ചേർന്നു നട്ടിരുന്ന കാർഷികവിളകൾ നാലുദിവസംവരെയാണ് വെള്ളത്തിലാണ്ടു കിടന്നത്. വെള്ളമൊഴിഞ്ഞപ്പോൾ എക്കലും ചെളിയും അടിഞ്ഞ സ്ഥലത്തെ പച്ചപ്പാണ് പൂർണമായി കരിഞ്ഞത്. അപ്പർകുട്ടനാടൻ പാടശേഖരങ്ങളിൽ പോലും ഇതാണ് സ്ഥിതി. ഏറെനാൾ വെള്ളംകെട്ടിക്കിടന്ന പാടശേഖരം ഇനി കാർഷികവൃത്തിക്ക് ഉപയുക്തമാക്കാൻ ഏറെ പണിപ്പെടണം. തെങ്ങ്, മാവ്, തേക്ക്, ആഞ്ഞിലി എന്നിവയും വ്യാപകമായി ഉണങ്ങിത്തുടങ്ങി. റബർ മരങ്ങളും കരിഞ്ഞു തുടങ്ങി. തെങ്ങോലകൾ നേരത്തെതന്നെ പഴുത്ത് തുടങ്ങിയിരുന്നു. വെള്ളം കയറിക്കിടന്ന സ്ഥലങ്ങളിലെ മരങ്ങളുടെ വേര് അഴുകിയതാണ് കാരണമെന്നാണ ്പ്രാഥമിക നിഗമനം. ഇതോടൊപ്പം അടിഞ്ഞുകൂടിയ മണ്ണിന്റെ രാസപ്രവർത്തനവും കൃഷിയെ ബാധിച്ചിരിക്കാം.…
Read More