പത്തനംതിട്ട: നാലാം ക്ലാസുകാരിയെ ഉപദ്രേവിച്ച കേസിൽ അമ്മയെയും കാമുകനെയും പത്തനംതിട്ട സിഐ എ. സുനിൽ കുമാറിന്റെ നേതൃത്വത്തിലുള്ള പോലിസ് സംഘം അറസ്റ്റ് ചെയ്തു. ഒന്പത് വയസുകാരിയെ ഒരു വർഷമായി പീഡിപ്പിച്ച ചെന്നീർക്കര പ്രക്കാനം തോട്ടുപുറം കാന്തക്കുന്നിൽ വീട്ടിൽ ജിൻസ്(33), ഇയാൾക്ക് ഒത്താശ ചെയ്തുകൊടുത്ത കുട്ടിയുടെ മാതാവായ 29കാരിയുമാണ് അറസ്റ്റിലായത്. ഭർത്താവുമായി അകന്നുകഴിയുകയായിരുന്ന യുവതി ഒരു വർഷത്തിലധികമായി ജിൻസിനെ വീട്ടിൽ താമസിപ്പിച്ചിരിക്കുകയായിരുന്നുവെന്ന് പോലീസ് പറഞ്ഞു. പീഡനം വർധിച്ചതോടെ അമ്മയോടു വിവരം പറഞ്ഞിട്ടും പ്രതികരിച്ചില്ലെന്ന് കുട്ടി പോലിസിനു മൊഴി നൽകിയിട്ടുണ്ട്. അടുത്ത ബന്ധുവായ സ്ത്രീയെ കുട്ടി വിവരം അറിയിച്ചതോടെ അവർ അധ്യാപികയെ വിവരം ധരിപ്പിക്കുകയും പോലീസിന്റെ സഹായം തേടുകയുമായിരുന്നു. പിടിയിലായ ജിൻസ് വിവാഹിതനും ഒരു പെണ്കുട്ടിയുടെ അച്ഛനുമാണ്. രണ്ടുപേരെയും കോടതിയിൽ ഹാജരാക്കി റിമാൻഡു ചെയ്തു.
Read MoreCategory: Alappuzha
കാട്ടുപന്നി ആക്രമണത്തിൽ മരണമടഞ്ഞ മാത്തുക്കുട്ടിയുടെ ആശ്രിതനു ജോലി നൽകണമെന്ന് എംപി
പത്തനംതിട്ട: റാന്നി തെക്കേപ്പുറത്ത് കാട്ടുപന്നിയുടെ ആക്രമണത്തിനിരയായി മരണമടഞ്ഞ മേലേപ്പുരയിൽ മാത്തുക്കുട്ടിയുടെ കുടുംബത്തിന്റെ സംരക്ഷണം സർക്കാർ ഏറ്റെടുക്കണമെന്ന് ആന്റോ ആന്റണി എംപി ആവശ്യപ്പെട്ടു.മാത്തുക്കുട്ടിയുടെ മരണത്തോടെ നിരാലംബമായി മാറിയ മാത്തുക്കുട്ടിയുടെ കുടുംബത്തിന് 10 ലക്ഷം രൂപ നഷ്ടപരിഹാരം നൽകണമെന്നും കുടുംബത്തിലൊരാൾക്ക് സർക്കാർ ജോലി നൽകണമെന്നും വനംമന്ത്രിക്കു നൽകിയ കത്തിൽ എംപി ആവശ്യപ്പെട്ടു. ജില്ലയുടെ വിവിധ മേഖലകളിൽ വന്യമൃഗങ്ങൾ കൃഷിക്കാരുടെ ജീവനു ഭീഷണിയുണ്ടാക്കുകയും നാണ്യവിളകൾ നശിപ്പിക്കുകയും ചെയ്തിരുന്നു. വനമേഖലകളിൽ സോളാർ വേലി നിർമിച്ചാൽ കാട്ടുപന്നിയിൽ നിന്നും കർഷകർക്ക് മോചനം ലഭിക്കും. ഇക്കാര്യത്തിലുണ്ടായ വീഴ്ചയാണ് വന്യജീവി ആക്രമണങ്ങൾ തുടാരനിടയാക്കുന്നതെന്ന് എംപി പറഞ്ഞു.
Read Moreപ്രളയനഷ്ടം; വ്യാപാരികൾക്കു ബാങ്ക് വായ്പ എളുപ്പമാകില്ല ; സർക്കാർ ഗാരണ്ടിയിൽ വായ്പ നൽകാനാകില്ലെന്ന നിലപാടിൽ ബാങ്ക് അധികൃതർ
റാന്നി: പ്രളയക്കെടുതിയിലായ വ്യാപാരികൾക്ക് നഷ്ടപരിഹാരമില്ല. വായ്പയ്ക്കായുള്ള നടപടികളും പ്രതിസന്ധിയിൽ.പ്രളയത്തിൽ എല്ലാം നഷ്ടപ്പെട്ട വ്യാപാരികൾക്ക് രണ്ടാമത് വ്യാപാരം ആരംഭിക്കുന്നതിലേക്ക് സർക്കാർ ഗാരണ്ടിയോടെ പത്തുലക്ഷം രൂപ വരെ വായ്പ നൽകുമെന്നായിരുന്നു പ്രഖ്യാപനം. ഇക്കാര്യം സംസ്ഥാനതല ബാങ്കുസമിതിയിൽ സർക്കാർ തന്നെ നിർദേശിച്ചതാണ്. എന്നാൽ വായ്പകൾ നൽകുന്നതിൽ ഒരു ബാങ്കു നടപടിയെടുക്കുന്നില്ല. ബാങ്കുകളെ സമീപിച്ച വ്യാപാരികളോട് സർക്കാർ ഗാരണ്ടിയിൽ വായ്പ നൽകാനാകില്ലെന്ന നിലപാടാണ് ബാങ്ക് അധികൃതർ സ്വീകരിച്ചത്.റാന്നിയിലാകട്ടെ ബാങ്കുകളും പ്രളയക്കെടുതിയിലായതിനാൽ നടപടികൾ പൂർണമായി ആരംഭിച്ചിട്ടില്ല. നേരത്തെ അനുവദിച്ചിട്ടുള്ള വായ്പകൾ പോലും നൽകാനാകാത്ത സ്ഥിതിയുണ്ട്. റാന്നിക്കു പുറത്തേക്ക് ബന്ധപ്പെട്ടവരോടും പ്രതികരണം മോശമായിരുന്നു. ഓണക്കാല വ്യാപാരം ലക്ഷ്യമിട്ട് ഇറക്കിവച്ച സ്റ്റോക്കുൾപ്പെടെ കോടി കണക്കിനു രൂപയുടെ നഷ്ടമാണ് റാന്നിയിലെ വ്യാപാരികൾക്കുണ്ടായത്. ഓഗസ്റ്റഅ 14നു രാത്രിയിൽ കുതിച്ചെത്തിയ പ്രളയജലം അവരുടെ സകല പ്രതീക്ഷകളും തകർത്തു. 100 കോടി രൂപയുടെ നഷ്ടം വ്യാപാരികൾക്കുണ്ടെന്നാണ് ഒൗദ്യോഗിക കണക്ക്. എന്നാൽ വ്യാപാരസ്ഥാപനങ്ങളുടെ പുനർ…
Read Moreകോടീശ്വരിയായ ബിന്ദു പദ്മനാഭന്റെ തിരോധാനം; സെബാസ്റ്റ്യന് 24ന് ഹാജരാകാൻ നോട്ടീസ്
ചേർത്തല: കടക്കരപ്പള്ളി സ്വദേശിനിയുടെ തിരോധാനവുമായി ബന്ധപ്പെട്ട് പള്ളിപ്പുറം സ്വദേശി സെബാസ്റ്റ്യന് 24ന് ഹാജരാകാൻ കാണിച്ച് നോട്ടീസ്. കടക്കരപ്പള്ളി സ്വദേശിനി ബിന്ദു പത്മനാഭന്റെ തിരോധാനവുമായി ബന്ധപ്പെട്ട് ചോദ്യം ചെയ്യലിനു ഹാജരാകാൻ കാണിച്ചാണ് അന്വേഷണ ഉദ്യോഗസ്ഥൻ നോട്ടീസ് നൽകിയിട്ടുള്ളത്. വസ്തു തട്ടിപ്പ് കേസിൽ റിമാൻഡിലായിരുന്ന സെബാസ്റ്റ്യൻ ജാമ്യത്തിലിറങ്ങിയ ശേഷം തിരോധാനം അന്വേഷിക്കുന്ന സംഘം ചോദ്യം ചെയ്യാൻ നോട്ടീസ് നൽകിയിരുന്നു. എന്നാൽ ഹാജാരാകാതെ ജില്ലാകോടതിയിൽ മുൻകൂർ ജാമ്യത്തിന് അപേക്ഷിച്ചെങ്കിലും കഴിഞ്ഞദിവസം കോടതി നിരസിച്ചു. തുടർന്നാണ് 24ന് ചോദ്യംചെയ്യലിന് ഹാജരാകാൻ അന്വേഷണ ഉദ്യോഗസ്ഥനായ ആലപ്പുഴ നർക്കോട്ടിക് സെൽ ഡിവൈഎസ്പി നോട്ടീസ് നൽകിയിരിക്കുന്നത്. പ്രളയകാലത്ത് പോലീസ് സേനയെ രക്ഷാപ്രവർത്തനത്തിനും ദുരിതാശ്വാസത്തിനും നിയോഗിച്ചതിനാൽ അന്വേഷണം കാര്യമായി നടത്താനായിരുന്നില്ല. അന്വേഷണം ഉൗർജിതമാക്കുന്നതിന്റെ ഭാഗമായാണ് ചോദ്യം ചെയ്യൽ ഉൾപ്പെടെ തുടർ നടപടികൾ. ബിന്ദുവിന്റെ സഹോദരൻ നല്കിയ പരാതിയിലെ അന്വേഷണത്തിലാണ് ബിന്ദുവിന്റെ പേരിലുള്ള വസ്തു തട്ടിയെടുക്കൽ, വ്യാജരേഖ ചമയ്ക്കൽ ഉൾപ്പെടെ…
Read Moreപ്രളയം മൂലം ജനങ്ങൾ ബുദ്ധിമുട്ടുമ്പോൾ മന്ത്രിസഭാ യോഗത്തിൽ വിഷയ ദാരിദ്ര്യമെന്ന് രമേശ് ചെന്നിത്തല
പത്തനംതിട്ട: കേരളത്തിലെ ജനസംഖ്യയുടെ ആറിലൊന്ന് ജനങ്ങൾ ദുരിതമനുഭവിക്കുന്പോൾ മന്ത്രിസഭാ യോഗം അജണ്ടയില്ലാതെ മാറ്റിവെച്ച നടപടി പ്രതിഷേധാർഹവും ജനങ്ങളോടുള്ള വെല്ലുവിളിയുമാണെന്ന് പ്രതിപക്ഷ നേതാവ് രമേശ് ചെന്നിത്തല. ആന്റോ ആന്റണി എംപിയുടെ ഓഫീസിലെ പോലീസ് അക്രമണത്തിലും കെഎസ്യു, യൂത്ത് കോണ്ഗ്രസ് പ്രവർത്തകർക്കുനേരെയുള്ള സിപിഎം ആക്രമത്തിലും പ്രതിഷേധിച്ച് ജില്ലാ കോണ്ഗ്രസ് കമ്മിറ്റി പത്തനംതിട്ടയിൽ സംഘടിപ്പിച്ച പ്രതിഷേധ സമ്മേളനം ഉദ്ഘാടനം ചെയ്ത് പ്രസംഗിക്കുകയായിരുന്നു അദ്ദേഹം. പ്രളയ ദുരിതാശ്വാസ പ്രവർത്തനങ്ങൾ ഏകോപിപ്പിച്ച് ശക്തമായ നടപടികളുമായി മുന്നോട്ട് പോകേണ്ട അടിയന്തര സാഹചര്യത്തിൽ മന്ത്രി സഭാ യോഗം ചേർന്ന് ഗാന്ധിജയന്തി ദിനത്തിലെ ശുചീകരണ പ്രവർത്തനങ്ങളെ കുറിച്ച് മാത്രം ചർച്ചചെയ്ത് പിരിയുകയാണുണ്ടായതെന്ന് രമേശ് ചെന്നിത്തല കുറ്റപ്പെടുത്തി. പിണറായി ഭരണത്തിൽ പോലീസിനെ കയറൂരി വിട്ടിരിക്കുന്നതിന്റെ അവസാനത്തെ ഉദാഹരണമാണ് ആന്റോ ആന്റണി എംപിയുടെ ഓഫീസ് ആക്രമണമെന്ന് രമേശ് ചെന്നിത്തല കുറ്റപ്പെടുത്തി. കുറ്റക്കാരായ പോലീസ് ഉദ്യോഗസ്ഥർക്കെതിരെ മാതൃകപരമായ ശിക്ഷാ നടപടി സ്വീകരിച്ചില്ലെങ്കിൽ ശക്തമായ…
Read Moreസന്മനസുള്ളവർക്കേ സൽപ്രവൃത്തികൾ ചെയ്യാനാകൂ: ഡോ.തോമസ് മാർ കൂറിലോസ് മെത്രാപ്പോലീത്ത
തിരുവല്ല: സൻമനസുള്ളവർക്ക് മാത്രമേ സൽപ്രവൃത്തികൾ ചെയ്യാൻ കഴിയുകയുള്ളൂവെന്ന് തിരുവല്ല അതിരൂപതാധ്യക്ഷൻ ഡോ.തോമസ് മാർ കൂറിലോസ് മെത്രാപ്പോലീത്ത. കേരള സ്വതന്ത്ര മത്സ്യത്തൊഴിലാളി ഫെഡറേഷനും യുആർഐ പീസ് സെന്ററിന്റെയും സംയുക്താഭിമുഖ്യത്തിൽ ജലപ്രളയത്തിൽ ദുരിതത്തിൽ അകപ്പെട്ട ജനങ്ങളെ രക്ഷപ്പെടുത്തിയ മത്സ്യത്തൊഴിലാളികളെ ആദരിക്കാൻ ചേർന്ന സമ്മേളനം ഉദ്ഘാടനം ചെയ്തു പ്രസംഗിക്കുകയായിരുന്നു മെത്രാപ്പോലീത്ത. പ്രളയപ്രദേശത്തെ ജനങ്ങളെ രക്ഷപ്പെടുത്തിയ കടൽമാലാഖകളായ മത്സ്യത്തൊഴിലാളികളോട് കേരള സമൂഹം എന്നും കടപ്പെട്ടിരിക്കുകയാണ്. ഇവർ അവസരത്തിനൊത്ത് ഉണർന്ന് പ്രവർത്തിച്ചതുകൊണ്ടാണ് അനേകരുടെ ജീവൻ രക്ഷിക്കാനായതെന്നും മെത്രാപ്പോലീത്ത കൂട്ടിച്ചേർത്തു. ഫെഡറേഷൻ സംസ്ഥാന പ്രസിഡന്റ് പി.പി.ജോൺ അധ്യക്ഷത വഹിച്ച സമ്മേളനത്തിൽ പിറ്റർ ജാക്സൺ, സാം ഈപ്പൻ, ജോസഫ് ചാക്കോ, ഈപ്പൻ കുര്യൻ, സി. ഫ്രാൻസിസ്, റ്റി.എസ്. ആന്റണി, മാത്യു ചാണ്ടി എന്നിവർ പ്രസംഗിച്ചു.
Read Moreനിർബന്ധിത ശമ്പളപ്പിരിവിലൂടെ ജീവനക്കാരെ വേട്ടയാടുന്നു; ഒരു മാസത്തെ ശമ്പളം മുഴുവനായി നൽകാൻ കഴിയാത്തവരെ ഭരണാനുകൂല സംഘടനൾ ഭീഷണിപ്പെടുത്തുന്നതായി കേരള എൻജി ഒ സംഘ്
പത്തനംതിട്ട: ഒരു മാസത്തെ ശന്പളം മുഴുവനായി നൽകാൻ കഴിയാത്ത ജീവനക്കാർ എഴുതി നൽകുന്ന വിസമ്മതപ്രതം സ്വീകരിക്കാത്ത ചില ഓഫീസ് മേധാവികൾ നിർബന്ധിച്ച് ശന്പളം പിടിച്ചെടുക്കുകയാണെന്നും അല്ലാത്തവരെ ഭരണാനുകൂല സംഘടനാ നേതാക്കൾ സ്ഥലം മാറ്റുമെന്ന് ഭീഷണിപ്പെടുത്തിയും നിർബന്ധിത ശന്പളപ്പിരിവിലൂടെ ജീവനക്കാരെ വേട്ടയാടുകയാണെന്ന് കേരള എൻജിഒ സംഘ് സംസ്ഥാന വൈസ് പ്രസിഡന്റ് എം.കെ. അരവിന്ദൻ. എൻജിഒ സംഘ് ജില്ലാ കമ്മിറ്റി നടത്തിയ പ്രതിഷേധ പ്രകടനവും ധർണയും ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം. ദുരിതാശ്വാസ പ്രവർത്തനങ്ങളിൽ രാവും പകലും പങ്കാളികളാകുകയും വിവിധ ഫണ്ട് ശേഖരണങ്ങളിൽ കഴിയുന്നത്ര തുക നൽകുകയും ചെയ്ത ജീവനക്കാരെ പ്രളയത്തിന്റെ മറവിൽ കൊള്ളയടിക്കാനുള്ള ശ്രമം എന്തുവിലകൊടുത്തും തടയുമെന്നും അദ്ദേഹം പറഞ്ഞു. ജില്ലാ പ്രസിഡന്റ് പി. അനിൽകുമാർ അധ്യക്ഷത വഹിച്ചു. സംസ്ഥാന എക്സിക്യൂട്ടീവംഗം സി. സുരേഷ്കുമാർ, ജില്ലാ സെക്രട്ടറി എസ്. രാജേഷ്, ജില്ലാ ട്രഷറർ എസ്. ഗിരീഷ് എന്നിവർ പ്രസംഗിച്ചു.
Read Moreആലപ്പുഴയിൽ യുവാവ് ദുരൂഹ സാഹചര്യത്തിൽ മരിച്ച നിലയിൽ; കൈകൾ പിന്നിലേക്ക് കെട്ടിയിട്ട നിലയിലാണ് മൃതദേഹം
ആലപ്പുഴ: പറവൂരിൽ യുവാവ് ദുരൂഹ സാഹചര്യത്തിൽ മരിച്ച നിലയിൽ. പറവൂർ ഗലീലിയോ കടപ്പുറത്തോട് ചേർന്ന് തൂങ്ങി മരിച്ച നിലയിലാണ് യുവാവിന്റെ മൃതദേഹം കണ്ടെത്തിയത്. കൈകൾ പിന്നിലേക്ക് കെട്ടിയിട്ട നിലയിലാണ് മൃതദേഹം. ആളെ തിരിച്ചറിഞ്ഞിട്ടില്ല. വെള്ളിയാഴ്ച രാവിലെയാണ് മൃതദേഹം കണ്ടെത്തിയത്. പോലീസ് സ്ഥലത്തെത്തി അന്വേഷണം ആരംഭിച്ചു. യുവാവിന്റെ മരണം കൊലപാതകമാണോ എന്ന് ഇപ്പോൾ പറയാനാവില്ലെന്നും പോലീസ് വ്യത്തങ്ങൾ അറിയിച്ചു.
Read Moreകെ.സി. വേണുഗോപാലിനും എ.എ. ഷുക്കൂറിനുമെതിരെ രൂക്ഷവിമർശനവുമായി രാജിവച്ച കൗണ്സിലർ; ആലപ്പുഴയിലെ കോണ്ഗ്രസ് പാർട്ടിയിൽ നടക്കുന്നതിനെക്കുറിച്ച് മെഹബൂബിന്റെ വെളിപ്പെടുത്തൽ
ആലപ്പുഴ: കെ.സി. വേണുഗോപാലിനും എ.എ. ഷുക്കൂറിനുമെതിരെ രൂക്ഷവിമർശനവുമായി രാജിവച്ച കൗണ്സിലർ. ഇരുനേതാക്കളും ചേർന്ന് ആലപ്പുഴയിലെ കോണ്ഗ്രസ് പാർട്ടിയെ കുഴിച്ചു മൂടിയിരിക്കുകയാണെന്നും രാജിവച്ച കൗണ്സിലർ ബി. മെഹബൂബ് പത്രസമ്മേളനത്തിൽ ആരോപിച്ചു. ഭരണമാറ്റവുമായി ബന്ധപ്പെട്ട് കോണ്ഗ്രസ് പാർലമെൻററി പാർട്ടിയിൽ യാതൊരു ധാരണയുമുണ്ടായിരുന്നില്ല. ചിലയാളുകളുടെ ആഗ്രഹങ്ങളും സങ്കല്പങ്ങളുമാണ് ധാരണയെന്ന പേരിൽ പറയുന്നത്. തോമസ് ജോസഫിൻറെ നേതൃത്വത്തിലുള്ള നഗരസഭാ ഭരണത്തെ അട്ടിമറിക്കാനായി കോണ്ഗ്രസിലെ ചില നേതാക്കളും ലീഗ് നേതാക്കളും ചേർന്നു നടത്തിയ രാഷ്ട്രീയ ഗൂഢാലോചനയുടെ ഭാഗമായാണ് താൻ രാജിവച്ചത്. പാർട്ടിയിൽ നിന്ന് തന്നെ പുറത്തുചാടിക്കണമെന്ന ചില നേതാക്കളുടെ ആഗ്രഹത്തിൻറെ ഫലമായാണ് നിലവിലുണ്ടായ സംഭവ വികാസങ്ങൾ. ജില്ലാ കോണ്ഗ്രസ് കമ്മറ്റി പ്രസിഡൻറിനെ നോക്കി നിർത്തി കെ.സി. വേണുഗോപാലും ഷുക്കൂറുമാണ് പാർട്ടി നേതൃത്വം കൈയാളുന്നത്. ഇവരെ പ്രസാദിപ്പിച്ചാൽ മാത്രമേ കോണ്ഗ്രസിനുള്ളിലെന്തെങ്കിലും നേടാൻ കഴിയുവെന്നതാണ് അവസ്ഥ. ഇതുവരെ ഈ കാര്യങ്ങൾ പുറത്തുപറയാതിരുന്നത് അച്ചടക്കമുള്ള പാർട്ടി പ്രവർത്തകനായതിനാലാണ്. പാർട്ടി അംഗത്വം…
Read Moreദേശീയപാതയിലെ കൈവരിയുടെ പുനർനിർമാണം പ്രഹസനം; ജീർണാവസ്ഥയിലായ കൈവരി പൂർണമായും മാറ്റി നിർമിക്കണമെന്ന ആവശ്യം ശക്തമായി
കായംകുളം: ദേശീയപാതയിൽ കോണ്ക്രീറ്റുകൾ തകർന്ന് അപകടാവസ്ഥയിലായ കൈവരികൾ പുനർ നിർമ്മിക്കാനുള്ള പ്രവർത്തനങ്ങൾ പ്രഹസനമെന്ന ആക്ഷേപം ശക്തമായി. കായംകുളം കെഎസ്ആർടിസി ജംഗ്ഷൻ, കൃഷ്ണപുരം എന്നീവിടങ്ങളിലെ ദേശീയപാതയുടെ ഇരു ഭാഗത്തെയും കൈവരികളാണ് ഇപ്പോൾ പുനർനിർമിക്കുന്നത്. നിലവിലെ ജീർണിച്ച തൂണിൽ അറ്റകുറ്റപ്പണി നടത്തിയാണ് ഇപ്പോൾ നിർമാണംനടക്കുന്നത്. എന്നാൽ ഇത് കൈവരിക്ക് ബലക്ഷയം ഉണ്ടാകുമെന്നും ഏത് സമയവും കൈവരിയുടെ തകർച്ചയ്ക്ക് കാരണമാകുമെന്നും നാട്ടുകാർ പറയുന്നു. മാത്രമല്ല സ്ഥിരം അപകട മേഖലയായതിനാൽ വാഹനങ്ങൾ കൈവരികളിൽ ഇടിച്ചാൽ അത് കൂടുതൽ അപകടങ്ങൾക്ക് വഴിയൊരുക്കുകയും ചെയ്യും. അതിനാൽ നിലവിലെ പഴയ ജീർണാവസ്ഥയിലായ കൈവരി പൂർണമായി പൊളിച്ചു മാറ്റി ബലവത്തായ പുതിയ കൈവരി നിർമിക്കണമെന്ന ആവശ്യം ശക്തമായിരിക്കുകയാണ്. ദേശീയ പാത അഥോറിറ്റിയാണ് നിർമാണം നടത്തുന്നത്.
Read More