ബ്രത്ത് അ​ന​ലൈ​സ​റ​ല്ല, ഇ​വി​ടെ ഏ​മാ​ൻ  തീ​രു​മാ​നി​ക്കും മ​ദ്യ​പി​ച്ചി​ട്ടു​ണ്ടോ​യെ​ന്ന്; ആലപ്പുഴ  നഗരത്തിലെ പോലീസ് സ്റ്റേഷനിൽ നടക്കുന്ന പ്രാകൃത രീതികൾ ഇങ്ങനെയൊക്കെ…

ആ​ല​പ്പു​ഴ: മ​ദ്യ​പി​ച്ച് വാ​ഹ​ന​മോ​ടി​ക്കു​ന്ന​വ​രെ പോ​ലീ​സ് പി​ടി​കൂ​ടു​ന്ന​ത് ബ്രത്ത് അ​ന​ലൈ​സ​ർ ഉ​പ​യോ​ഗി​ച്ച് പ​രി​ശോ​ധി​ച്ചോ അ​ല്ലെ​ങ്കി​ൽ ര​ക്ത പ​രി​ശോ​ധ​ന ന​ട​ത്തി​യോ​ ആണ്. എ​ന്നാ​ൽ ന​ഗ​ര​ത്തി​ന് വ​ട​ക്കു​ള്ള പോ​ലീ​സ് സ്റ്റേ​ഷ​നി​ൽ ഇ​തൊ​ന്നും ബാ​ധ​ക​മ​ല്ല.

രാ​ജാ​വി​നെ​ക്കാ​ൾ വ​ലി​യ രാ​ജ​ഭ​ക്തി​യു​ള്ള​വ​ർ എ​ന്ന് പ​റ​യു​ന്ന​തു​പോ​ലെ സ്റ്റേ​ഷ​ന്‍റെ ചു​മ​ത​ല​യു​ള്ള ഉ​ദ്യോ​ഗ​സ്ഥ​നെ​ക്കാ​ൾ അ​ധി​കാ​ര​മാ​ണ് ഈ ​വി​ഷ​യ​ത്തി​ൽ സ്റ്റേ​ഷ​നി​ലെ എ​ഴു​ത്തു​കു​ത്തു​മാ​യി ബ​ന്ധ​പ്പെ​ട്ട ചു​മ​ത​ല നി​ർ​വ​ഹി​ക്കു​ന്ന​യാ​ളി​ന്.

പോ​ലീ​സ് ജീ​പ്പി​ൽ പ​ട്രോ​ളിം​ഗ് ന​ട​ത്തു​ന്ന​തി​നി​ടെ മ​ദ്യ​പി​ച്ചെ​ന്ന സം​ശ​യ​ത്തി​ന്‍റെ അ​ടി​സ്ഥാ​ന​ത്തി​ൽ ആ​രെ​യെ​ങ്കി​ലും പി​ടി​കൂ​ടി സ്റ്റേ​ഷ​നി​ലെ​ത്തി​ച്ച് ബ്രത്ത് അ​ന​ലൈ​സ​റി​ൽ ഉൗ​തി​ച്ച് ശ​ബ്ദം കേ​ട്ടി​ല്ലെ​ങ്കി​ലും ഈ ​ഏ​മാ​ൻ തീ​രു​മാ​നി​ക്കും മ​ദ്യ​പി​ച്ചി​ട്ടു​ണ്ടെ​ന്ന്. ആ​ൾ ചെ​റു​പ്പ​ക്കാ​ര​നാ​ണെ​ങ്കി​ലും പ​ഴ​യ കു​ട്ട​ൻ​പി​ള്ള പോ​ലീ​സി​ന്‍റെ സ്വ​ഭാ​വ​മാ​ണെ​ന്നാ​ണ് ഇ​ത്ത​ര​ത്തി​ൽ ഫൈ​ന​ട​പ്പി​ക്ക​പ്പെ​ട്ട​വ​ർ പ​റ​യു​ന്ന​ത്.

ക​ഴി​ഞ്ഞ​ദി​വ​സം പോ​ലീ​സ് സം​ഘം പെ​ട്രോ​ളിം​ഗ് ന​ട​ത്തു​ന്ന​തി​നി​ടെ റോ​ഡ​രി​കി​ൽ ബൈ​ക്ക് സ്റ്റാ​ർ​ട്ടാ​ക്കാ​ൻ ശ്ര​മി​ക്കു​ന്ന യു​വാ​വി​നെ ശ്ര​ദ്ധി​ക്കു​ക​യും ല​ക്ഷ​ണം ക​ണ്ട​മാ​ത്ര​യി​ൽ മ​ദ്യ​പി​ച്ചി​ട്ടു​ണ്ടെ​ന്ന് ഉ​റ​പ്പാ​ക്കു​ക​യും ചെ​യ്തു. ജീ​പ്പി​ലു​ണ്ടാ​യി​രു​ന്ന ബ്രത്ത് അ​ന​ലൈ​സ​ർ ഉ​പ​യോ​ഗി​ച്ച് ന​ട​ത്തി​യ പ​രി​ശോ​ധ​ന​യി​ൽ യു​വാ​വ് മ​ദ്യ​പി​ച്ചിട്ടി​ല്ലെ​ന്നാ​യി​രു​ന്നു ഫ​ല​മെ​ങ്കി​ലും പോ​ലീ​സ് ഇ​യാ​ളെ സ്റ്റേ​ഷ​നി​ലേ​ക്ക് കൊ​ണ്ടു​പോ​യി.

സ്റ്റേ​ഷ​ൻ കെ​ട്ടി​ട​ത്തി​ലേ​ക്ക് ക​യ​റി​യ​പ്പോ​ൾ ത​ന്നെ മ​ദ്യ​പാ​നം മ​ണ​ത്ത് ക​ണ്ടു​പി​ടി​ക്കു​ന്ന ഉ​ദ്യോ​ഗ​സ്ഥ​ൻ ഉ​റ​പ്പി​ച്ചു യു​വാ​വ് മ​ദ്യ​പി​ച്ചി​ട്ടു​ണ്ടെ​ന്ന്. താ​ൻ മ​ദ്യ​പി​ച്ചി​ട്ടി​ല്ലെ​ന്നും വെ​റ്റി​ല കൂ​ട്ടി മു​റു​ക്കു​ക മാ​ത്ര​മാ​ണ് ചെ​യ്ത​തെ​ന്നും ക​ര​ഞ്ഞു​പ​റ​ഞ്ഞെ​ങ്കി​ലും ഉ​ദ്യോ​ഗ​സ്ഥ​ൻ സ്റ്റേ​ഷ​നി​ലു​ണ്ടാ​യി​രു​ന്ന ബ്രത്ത് അ​ന​ലൈ​സ​റു​ക​ളി​ലെ​ല്ലാം യു​വാ​വി​നെ ഉൗ​തി​ച്ചു. ശ​ബ്ദം യ​ന്ത്ര​ങ്ങ​ളി​ൽ നി​ന്നു​യ​ർ​ന്നി​ല്ലെ​ങ്കി​ലും പോ​ലീ​സ് ഉ​ദ്യോ​ഗ​സ്ഥ​നി​ൽ നി​ന്നും ഉ​യ​ർ​ന്നു.

മ​ദ്യ​പി​ച്ച് വാ​ഹ​ന​മോ​ടി​ച്ച​തി​നു കേ​സ് ചാ​ർ​ജ് ചെ​യ്യു​ക​യാ​ണെ​ന്നും ര​ണ്ട് ജാ​മ്യ​ക്കാ​രെ വി​ളി​ച്ചു​വ​രു​ത്തി​യാ​ൽ മാ​ത്ര​മേ വി​ടു​ക​യു​ള്ളു​വെ​ന്നും വി​ളി​ച്ചു​പ​റ​യാ​ൻ ആ​രു​മി​ല്ലാ​ത്ത​തി​നാ​ലും പോ​ലീ​സി​നെ അ​ല്പം ഭ​യ​മു​ള്ള​തി​നാ​ലും യു​വാ​വ് പി​ന്നീ​ട് ഒ​ന്നും സം​സാ​രി​ച്ചി​ല്ല. ഇ​യാ​ളെ പോ​ലീ​സ് പി​ടി​കൂ​ടി​യ​ത​റി​ഞ്ഞ് സ്റ്റേ​ഷ​നി​ലെ​ത്തി​യ അ​യ​ൽ​വാ​സി​ക​ൾ പി​ന്നീ​ട് ജാ​മ്യ​ത്തി​ൽ എ​ടു​ക്കു​ക​യാ​യി​രു​ന്നു.

മ​ദ്യ​പി​ച്ച് വാ​ഹ​ന​മോ​ടി​ച്ചു​വെ​ന്ന​തി​നു ര​ക്ത​പ​രി​ശോ​ധ​ന അ​ട​ക്ക​മു​ള്ള തെ​ളി​വു​ക​ൾ നി​ർ​ബ​ന്ധ​മാ​ണെ​ന്ന് ഇ​തു​മാ​യി ബ​ന്ധ​പ്പെ​ട്ട വി​വി​ധ കേ​സു​ക​ളി​ൽ ഹൈ​ക്കോ​ട​തി​യി​ൽ നി​ന്ന​ട​ക്കം പ​രാ​മ​ർ​ശ​മു​ണ്ടാ​യി​ട്ടും കേ​സു​ക​ളു​ടെ എ​ണ്ണം തി​ക​യ്ക്കാ​ൻ ഇ​ത്ത​ര​ത്തി​ൽ നി​ര​പ​രാ​ധി​ക​ളെ പെ​ടു​ത്തു​ന്ന​ത്. ഈ ​ഉ​ദ്യോ​ഗ​സ്ഥ​ന്‍റെ ന​ട​പ​ടി​ക​ൾ​ക്കി​ട​യാ​യ​വ​രി​ൽ ചി​ല​ർ നി​യ​മ​പ​ര​മാ​യ ന​ട​പ​ടി​ക​ൾ​ക്കു​മൊ​രു​ങ്ങു​ന്നു​ണ്ട്.