യ​ന്ത്ര​വ​ത്കര​ണ​വും സാ​ങ്കേ​തി​കവ​ത്ക​ര​ണ​വും എ​ത്ര​ത്തോ​ളം വ​ള​ർ​ന്നാ​ലും ആലപ്പുഴ ​ന​ഗ​ര​ത്തി​ൽ ‘സി​ഗ്ന​ൽ ലൈ​റ്റു​ക​ൾ’​വാ​ഴി​ല്ല! ഗതാഗതം നിയന്ത്രിച്ച് ഇപ്പോഴും ട്രാഫിക് പോലീസ്

ആ​ല​പ്പു​ഴ: യ​ന്ത്ര​വ​ത്കര​ണ​വും സാ​ങ്കേ​തി​കവ​ത്ക​ര​ണ​വും എ​ത്ര​ത്തോ​ളം വ​ള​ർ​ന്നാ​ലും ആ​ല​പ്പു​ഴ ന​ഗ​ര​ത്തി​ലെ ഗ​താ​ഗ​ത നി​യ​ന്ത്ര​ണ​ത്തി​ൽ ഒ​രു പ​ങ്കു​മി​ല്ല. ന​ഗ​ര​ത്തി​ലെ തി​ര​ക്കേ​റി​യ ജം​ഗ്ഷ​നു​ക​ളി​ൽ ഇ​പ്പോ​ഴും ഗ​താ​ഗ​തം നി​യ​ന്ത്രി​ക്കു​ന്ന​ത് ട്രാ​ഫി​ക് പോ​ലീ​സ് ഉ​ദ്യോ​ഗ​സ്ഥ​രാ​ണ്.

ഒ​ന്ന​ര പ​തി​റ്റാ​ണ്ടു​മു​ന്പ് ഗ​താ​ഗ​തം നി​യ​ന്ത്രി​ക്കു​ന്ന​തി​നാ​യി ന​ഗ​ര​ത്തി​ലെ ജ​ന​റ​ൽ ആ​ശു​പ​ത്രി ജം​ഗ്ഷ​നി​ൽ ഓ​ട്ടോ​മാ​റ്റി​ക് സി​ഗ്്ന​ൽ ലൈ​റ്റു​ക​ൾ സ്ഥാ​പി​ച്ചെ​ങ്കി​ലും ഇ​ന്ന​ത് ഓ​ർ​മ​യാ​ണ്. നി​ല​വി​ൽ ഇ​വി​ടെ സി​ഗ്ന​ലു​ണ്ടെ​ങ്കി​ലും പ്ര​വ​ർ​ത്തി​പ്പി​ക്ക​ണ​മെ​ങ്കി​ൽ ട്രാ​ഫി​ക് ഉ​ദ്യോ​ഗ​സ്ഥ​ൻ വേ​ണം.

ആ​ദ്യം സ്ഥാ​പി​ച്ച സി​ഗ്ന​ൽ ലൈ​റ്റു​ക​ൾ വാ​ഹ​ന​മി​ടി​ച്ചു ത​ക​ർ​ത്ത​തോ​ടെ പി​ന്നീ​ട് വ​ർ​ഷ​ങ്ങ​ളോ​ളം ജ​ന​റ​ൽ ആ​ശു​പ​ത്രി ജം​ഗ്ഷ​നി​ൽ പൊ​രി​വെ​യി​ല​ത്തും മ​ഴ​യ​ത്തും ട്രാ​ഫി​ക് ഉ​ദ്യോ​ഗ​സ്ഥ​ർ കി​ണ​ഞ്ഞ് പ​രി​ശ്ര​മി​ച്ചാ​ണ് ഗ​താ​ഗ​ത​ക്കു​രു​ക്ക് അ​ഴി​ച്ചി​രു​ന്ന​ത്. ഏ​താ​നും വ​ർ​ഷ​ങ്ങ​ൾ​ക്ക് മു​ന്പ് വീ​ണ്ടും ഇ​വി​ടെ മാ​നു​വ​ലാ​യു​ള്ള ട്രാ​ഫി​ക് സി​ഗ്്ന​ൽ ലൈ​റ്റു​ക​ൾ വീ​ണ്ടും സ്ഥാ​പി​ക്കു​ക​യാ​യി​രു​ന്നു.

മാ​സ​ങ്ങ​ൾ​ക്ക് മു​ന്പ് വൈ​എം​സി​എ പാ​ല​ത്തി​ലെ ഗ​താ​ഗ​ത​ക്കു​രു​ക്ക് ഒ​ഴി​വാ​ക്കു​ന്ന​തി​നാ​യി ഇ​രു​ക​ര​ക​ളി​ലു​മാ​യി സി​ഗ്്ന​ൽ ലൈ​റ്റു​ക​ൾ സ്ഥാ​പി​ച്ചി​രു​ന്നു. ഇ​വ ഏ​ക​ദേ​ശം മൂ​ന്നാ​ഴ്ച​യോ​ളം പ്ര​വ​ർ​ത്തി​ച്ചെ​ങ്കി​ലും പി​ന്നീ​ട് ക​ണ്ണ​ട​ച്ചു. സി​ഗ്്ന​ൽ ലൈ​റ്റു​ക​ളെ ത​മ്മി​ൽ ബ​ന്ധി​പ്പി​ക്കു​ന്ന ഇ​ല​ക്ട്രി​ക് വ​യ​ർ രാ​ത്രി എ​ത്തി​യ ക​ണ്ടെ​യ്ന​ർ ലോ​റി പൊ​ട്ടി​ച്ച​തോ​ടെ​യാ​ണ് ലൈ​റ്റു​ക​ളു​ടെ പ്ര​വ​ർ​ത്ത​നം നി​ല​ച്ച​ത്.

ഇ​വ​യു​ടെ അ​റ്റ​കു​റ്റ​പ്പ​ണി​ക്ക് കൂ​ടു​ത​ൽ ചെ​ല​വ് വ​രി​ല്ലെ​ങ്കി​ലും ഇ​തി​നു​ള്ള ന​ട​പ​ടി​ക​ൾ അ​ധി​കൃ​ത​ർ സ്വീ​ക​രി​ക്കാ​തി​രു​ന്ന​തോ​ടെ വൈ​എം​സി​എ പാ​ല​ത്തി​ലെ ഗ​താ​ഗ​ത നി​യ​ന്ത്ര​ണം വാ​ഹ​ന​മോ​ടി​ക്കു​ന്ന​വ​രു​ടെ കൈ​ക​ളി​ലാ​ണെ​ന്ന​താ​ണ് അ​വ​സ്ഥ. പ​രാ​തി​ക​ൾ വ്യാ​പ​ക​മാ​യ​തോ​ടെ ഇ​ന്ന​ലെ അ​ധി​കൃ​ത​ർ സി​ഗ്ന​ൽ ലൈ​റ്റു​ക​ൾ പ്ര​വ​ർ​ത്തി​പ്പി​ക്കു​ന്ന​തി​നാ​വ​ശ്യ​മാ​യ അ​റ്റ​കു​റ്റ​പ്പ​ണി​ക​ൾ ആ​രം​ഭി​ച്ചി​ട്ടു​ണ്ട്.

ന​ഗ​ര​ത്തി​ലേ​ക്കു വ​ട​ക്കു​ഭാ​ഗ​ത്തു​നി​ന്നും പ്ര​വേ​ശി​ക്കു​ന്ന ശ​വ​ക്കോ​ട്ട പാ​ല​ത്തി​ലും സി​ഗ്്ന​ൽ ലൈ​റ്റു​ക​ൾ പ്ര​വ​ർ​ത്തി​ച്ചി​രു​ന്നു. രാ​വി​ലെ​യും വൈ​കു​ന്നേ​ര​വും ഏ​റെ ഗ​താ​ഗ​ത​ക്കു​രു​ക്ക് അ​നു​ഭ​വ​പ്പെ​ടു​ന്ന ഇ​വി​ടെ സ്ഥാ​പി​ച്ചി​രു​ന്ന സി​ഗ്്ന​ൽ ലൈ​റ്റു​ക​ളി​ൽ പ്ര​ധാ​ന​പ്പെ​ട്ട​ത് ലോ​റി​യി​ടി​ച്ചു ത​ക​ർ​ത്ത​തോ​ടെ​യാ​ണ് ശ​വ​ക്കോ​ട്ട​പാ​ല​ത്തി​ലെ സി​ഗ്്ന​ൽ ലൈ​റ്റ് സം​വി​ധാ​നം ഓ​ർ​മ​യാ​യ​ത്.

ക​ള​ർ​കോ​ട് ജം​ഗ്ഷ​നി​ലും സി​ഗ്ന​ൽ ലൈ​റ്റു​ക​ൾ പ്ര​വ​ർ​ത്തി​ച്ചി​രു​ന്നെ​ങ്കി​ലും ഇ​തും വാ​ഹ​ന​മി​ടി​ച്ച് ത​ക​ർ​ന്ന​തോ​ടെ ട്രാ​ഫി​ക് പോ​ലീ​സ് ഉ​ദ്യോ​ഗ​സ്ഥ​ർ ത​ന്നെ റോ​ഡി​ലി​റ​ങ്ങി ഗ​താ​ഗ​തം നി​യ​ന്ത്രി​ക്കേ​ണ്ട അ​വ​സ്ഥ​യാ​ണ്. ജി​ല്ലാ കോ​ട​തി പാ​ല​ത്തി​ലെ ഗ​താ​ഗ​ത നി​യ​ന്ത്ര​ണ​ത്തി​നാ​യി ട്രാ​ഫി​ക് സി​ഗ്്ന​ൽ ലൈ​റ്റു​ക​ൾ സ്ഥാ​പി​ച്ചെ​ങ്കി​ലും ഇ​വ​യി​ലേ​ക്കു​ള്ള വൈ​ദ്യു​തി ക​ണ​ക്ഷ​ന​ട​ക്ക​മു​ള്ള​വ ന​ൽ​കി​യി​രു​ന്നി​ല്ല.

ഇ​തി​നി​ട​യി​ൽ ക​ഴി​ഞ്ഞ​ദി​വ​സം സി​ഗ്്ന​ൽ ലൈ​റ്റു​ക​ളി​ൽ ഒ​ന്നി​ൽ വാ​ഹ​ന​മി​ടി​ച്ച് സാ​ര​മാ​യ കേ​ടു​പാ​ടു​ണ്ടാ​കു​ക​യും ചെ​യ്തു. ജി​ല്ല​യി​ലെ മ​റ്റ് ന​ഗ​ര​ങ്ങ​ളി​ൽ ട്രാ​ഫി​ക് സി​ഗ്ന​ൽ ലൈ​റ്റു​ക​ൾ ഉ​പ​യോ​ഗി​ച്ച് ഗ​താ​ഗ​ത നി​യ​ന്ത്ര​ണം കാ​ര്യ​ക്ഷ​മ​മാ​യി ന​ട​ത്തു​ന്പോ​ഴാ​ണ് ല​ക്ഷ​ങ്ങ​ൾ ചി​ല​വ​ഴി​ച്ച് ന​ഗ​ര​ത്തി​ൽ നി​ർ​മി​ച്ച ട്രാ​ഫി​ക് ലൈ​റ്റു​ക​ൾ നി​സാ​ര ത​ക​രാ​റു​ക​ളു​ടെ പേ​രി​ൽ അ​റ്റ​കു​റ്റ​പ​ണി​ക​ൾ ന​ട​ത്താ​തെ ന​ശി​പ്പി​ക്കു​ന്ന​ത്.