ആലപ്പുഴ: പ്രളയാനന്തരം കുട്ടനാട്ടിൽ ആരംഭിച്ച മഹാശുചീകരണ യജ്ഞത്തിൽ പങ്കാളികളായി ആയിരങ്ങൾ. ജീവിതത്തിന്റെ നാനാതുറകളിലുള്ളവർ ശുചീകരണത്തിൽ പങ്കെടുത്തു. കൈലിയും മുണ്ടും ഉടുത്തിറങ്ങിയ ജനക്കൂട്ടത്തിനിടയിൽ അതേ വേഷത്തിൽ മന്ത്രിമാരും ജനനേതാക്കളും, ഉദ്യോഗസ്ഥരുമൊക്കെ അണിനിരന്നു. നാലുദിവസം മുന്പാണ് ഇത്തരമൊരു പദ്ധതി ആസൂത്രണം ചെയ്തത്. കാസർഗോഡ് മുതൽ പാറശാലവരെയുള്ളവർ ശുചീകരണത്തിൽ പങ്കെടുത്തു. കഴിഞ്ഞദിവസം പെയ്ത കനത്തമഴ കാര്യങ്ങൾ വീണ്ടും അവതാളത്തിലാക്കുമോ എന്ന ആശങ്ക ഉയർത്തിയിരുന്നു. ശുചീകരണ യജ്ഞത്തിന്റെ പ്രഖ്യാപനത്തോടൊപ്പം തന്നെ സന്നദ്ധസേവകർക്കായി ഓണ്ലൈൻ രജിസ്ട്രേഷനും തുടങ്ങിയിരുന്നു. നവമാധ്യമങ്ങളിൽ സന്ദേശം വൈറലായതോടെ സമൂഹത്തിന്റെ വിവിധമേഖലകളിൽനിന്നുള്ളവർ കുട്ടനാടിനായി കൈകോർക്കാൻ സന്നദ്ധത അറിയിച്ചിരുന്നു. മലയാളി സഹപാഠികളിൽനിന്ന് വിവരമറിഞ്ഞ് ഇതര സംസ്ഥാന വിദ്യാർഥികളുൾപ്പെടെയുള്ളവർ ശുചീകരണ യജ്ഞത്തിൽ പങ്കാളികളായി. ശുചീകരണത്തിൽ പങ്കെടുക്കുന്നതിനായി തിങ്കളാഴ്ച രാത്രി മുതലേ ദൂരെ നിന്നുള്ളവർ നഗരത്തിലെത്താൻ തുടങ്ങിയിരുന്നു. രജിസ്റ്റർ ചെയ്തവർ ഇന്നലെ രാവിലെ ഏഴുമുതൽ തന്നെ നിശ്ചയിച്ച കേന്ദ്രങ്ങളിലേക്ക് പോകാനായി പുന്നമട ഫിനിഷിംഗ് പോയിന്റിലും കെഎസ്ആർടിസി…
Read MoreCategory: Alappuzha
റോഡിലെ വെള്ളക്കെട്ടും ഗട്ടറുകളും എസി റോഡിലെ യാത്ര ദുഷ്കരം; ക്യാമ്പിൽ നിന്നും മടങ്ങുന്നവർക്കു ബോട്ടുകളിൽ നാളെക്കൂടി യാത്രാസൗജന്യം
ചങ്ങനാശേരി: ചങ്ങനാശേരി-ആലപ്പുഴ റോഡിൽ മങ്കൊന്പ് ബ്ലോക്ക് മുതൽ നെടുമുടിവരെയുള്ള വിവിധ സ്ഥലങ്ങളിലെ കനത്തവെള്ളക്കെട്ടും റോഡിന്റെ തകർച്ചയും ഗതാഗതം അപകടകരമാക്കുന്നു. മങ്കൊന്പ് ബ്ലോക്ക്, മങ്കൊന്പ് ജംഗ്ഷൻ, ഒന്നാംകര, നസ്രത്ത്, നെടുമുടി ഭാഗങ്ങളിലാണ് റോഡിൽ ജലനിരപ്പുള്ളത്. ചങ്ങനാശേരി കെഎസ്ആർടിസി ഡിപ്പോയിൽ നിന്നും ബസുകൾ മങ്കൊന്പ് ബ്ലോക്ക് ജംഗ്ഷൻ വരേയും ആലപ്പുഴ ഡിപ്പോയിൽ നിന്നും നെടുമുടിവരേയുമാണ് ബസുകൾ സർവീസ് നടത്തുന്നത്. ഇതിനിടയിൽ വെള്ളക്കെട്ടുള്ള ഭാഗങ്ങളിൽ ട്രാക്ടർ സർവീസുകളെയാണ് ജനങ്ങൾ യാത്രക്കായി ആശ്രയിക്കുന്നത്. മുപ്പതോളം ട്രാക്ടറുകളാണ് ഈ ഭാഗത്ത് സർവീസ് നടത്തുന്നത്. വെള്ളക്കെട്ടുകളിലെ റോഡിന്റെ തകർച്ചയും യാത്രക്കാർക്ക് ഏറെ ഭീഷണിയാണ്. പുളിങ്കുന്ന്, കൈനടി, കൃഷ്ണപുരം, വടക്കൻ വെളിയനാട് റൂട്ടുകളിലും ബസുകൾ സർവീസ് നടത്തുന്നുണ്ട്. റോഡിന്റെ തകർച്ചയും റോഡിൽ പോള തിങ്ങിയതും വെള്ളക്കെട്ടും രാത്രകാലങ്ങളിൽ വെളിച്ചമില്ലാത്തതും ബസുകളുടെ സുഗമമായ സഞ്ചാരത്തിനു പ്രതിസന്ധികൾ സൃഷ്ടിക്കുന്നുണ്ട്. ആലപ്പുഴയിലേയും ചങ്ങനാശേരിയിലേയും വിവിധ ദുരിതാശ്വാസ ക്യാന്പുകളിൽ നിന്നും എത്തുന്ന യാത്രക്കാരുടെ…
Read Moreപുളിക്കീഴിന് ആശ്വാസമായി കുടുംബശ്രീ വനിതകൾ ; ശുചീകരണത്തിനായി എത്തിയത് 46757 കുടുംബശ്രീ വനിതകൾ
തിരുവല്ല: പ്രളയക്കെടുതിയില് നട്ടം തിരിയുന്ന പുളിക്കീഴ് ബ്ലോക്കിലെ വീടുകള് ശുചീകരിക്കുന്നതിന് 6757 കുടുംബശ്രീ വനിതകളാണ് എത്തിയിട്ടുള്ളത്. രണ്ടു ദിവസം കൊണ്ട് ബ്ലോക്കിലെ എല്ലാ വീടുകളും വൃത്തിയാക്കാനാണ് ലക്ഷ്യമിടുന്നത്. ജില്ലാ കളക്ടര് പി.ബി.നൂഹിന്റെ നിര്ദേശപ്രകാരം വിവിധ വകുപ്പുകളുമായി ചേര്ന്ന് രണ്ട് ദിവസം കൊണ്ട് 4000 പേരടങ്ങുന്ന സംഘത്തിന്റെ ശുചീകരണമാണ് ലക്ഷ്യമിട്ടതെങ്കിലും 6757 പേര് ശുചീകരണത്തിനെത്തി. പെരിങ്ങര, നിരണം, നെടുമ്പ്രം, കുറ്റൂര്, കടപ്ര എന്നീ പഞ്ചായത്തുകളിലെയും തിരുവല്ല നഗരസഭപ്രദേശത്തെയും സാധാരണക്കാരുടെ വീടുകളാണ് ആദ്യദിനം വൃത്തിയാക്കിയത്. ശുചീകരണത്തിന് ആവശ്യമായ ഡെറ്റോള്, ലോഷന്, ഫിനോയില്, ബ്ലീച്ചിംഗ് പൗഡര് എന്നിവയും എത്തിച്ചിരുന്നു. ജില്ലയില് കുടുംബശ്രീയുടെ നേതൃത്വത്തില് ഇത്രയും ബൃഹത്തായ ഒരു ക്യാമ്പയിന് ആദ്യമായാണ് നടക്കുന്നത്. കലഞ്ഞൂര്, നെടുമ്പ്രം, ഏനാദിമംഗലം, കടമ്പനാട്, ഏഴംകുളം, പെരിങ്ങര, കൊടുമണ്, അടൂര്, തിരുവല്ല, പള്ളിക്കല്, ഏനാത്ത്, കടപ്ര, നിരണം, പന്തളം, കുറ്റൂര്, കോന്നി എന്നിവിടങ്ങളില് നിന്നുള്ള കുടുംബശ്രീ പ്രവര്ത്തകരാണ് ശുചീകരണത്തിനായി…
Read Moreഅവധികൾക്കു ശേഷം നാളെ സ്കൂൾ തുറക്കും ; 3120 കുട്ടികൾ ക്യാമ്പുകളിൽ; കുട്ടികളെ എങ്ങനെ സ്കൂളിലേക്ക് അയയ്ത്തുമെന്ന ആശങ്കയിൽ രക്ഷിതാക്കൾ
പത്തനംതിട്ട: പ്രളയക്കെടുതികൾക്കും ഓണാവധിക്കുംശേഷം ജില്ലയിലെ സ്കൂളുകൾ നാളെ തുറക്കും. ആറന്മുള ജലോത്സവം ഉപേക്ഷിച്ച സാഹചര്യത്തിൽ നാളത്തെ പ്രാദേശികാവധി റദ്ദാക്കിയതോടെ വിദ്യാലയങ്ങളിൽ നാളെ ക്ലാസുകൾ പുനരാരംഭിക്കണം. എന്നാൽ പ്രളയദുരിതം ഇനി വിട്ടുമാറാത്ത പ്രദേശങ്ങളിൽ കുട്ടികളെ എങ്ങേനെ സ്കൂളുകളിലേക്ക് അയയ്ക്കുമെന്ന ആശങ്കയിലാണ് രക്ഷിതാക്കൾ. തന്നെയുമല്ല, ഏറെ ദുരിതാശ്വാസ ക്യാന്പുകളും വിദ്യാലയങ്ങളിലാണ്. പ്രളയത്തിൽ മുങ്ങിയ വിദ്യാലയങ്ങളുടെ സ്ഥിതി വേറെയും.88 ക്യാന്പുകളാണ ്ജില്ലയിലുള്ളത്. ഇതിൽ 4354 കുടുംബങ്ങളിലെ 16,638 ആളുകളെയാണ് മാറ്റി പാർപ്പിച്ചിരിക്കുന്നത്. ഇതിൽ 3120 കുട്ടികളുണ്ട്. 1585 ആണ്കുട്ടികളും 1535 പെണ്കുട്ടികളും ക്യാന്പുകളിലാണ്. പ്രളയബാധിത മേഖലകളി ലെ കുട്ടികളിൽ നല്ലൊരു പങ്കിനും പഠനോപകരണങ്ങൾ നഷ്ടപ്പെട്ടു. പാഠപുസ്തകങ്ങളും നോട്ട്ബുക്കുകളും അടക്കമുള്ളവ നഷ്ടപ്പെട്ട കുട്ടികൾ അതിന്റെ മനോവ്യഥയിലാണ്. പ്രളയബാധിത പ്രദേശങ്ങളിൽ ഒട്ടുമിക്ക സ്കൂളുകളിലും വെള്ളം കയറിയിരുന്നു. സ്കൂളുകൾ ശുചീകരിക്കുന്ന ജോലികൾ ശ്രമദാനമായി നടന്നുവരികയാണ്. ഇത് ഇന്നു പൂർത്തീകരിക്കാനാകുമെന്നാണ് പ്രതീക്ഷ. നാളെത്തന്നെ സ്കൂളുകൾ തുറക്കണമെന്ന മുഖ്യമന്ത്രിയുടെയും…
Read Moreദുരിതാശ്വാസ ക്യാന്പുകളിൽ ഐക്യദാർഢ്യവുമായി താരപ്പട; ദുരിതബാധിതരെ ജീവിതത്തിലേക്ക് തിരികെ കൊണ്ടുവരാന് തങ്ങളാല് ആവുന്നത് ചെയ്യുമെന്ന് താരങ്ങള്
പത്തനംതിട്ട: ജില്ലയിലെ ദുരിതാശ്വാസ ക്യാമ്പുകളില് കഴിയുന്നവരോട് ഐക്യദാർഢ്യം പ്രകടിപ്പിച്ച് സിനിമാതാരങ്ങൾ.റിമ കല്ലിങ്കല്, രമ്യ നമ്പീശന്, പാര്വതി, ദര്ശന രവീന്ദ്രന്, റോഷന് മാത്യു, സിദ്ധാര്ഥ് ശിവ തുടങ്ങിയവരാണ് വല്ലന ടികെഎംഎംആര് സ്കൂളില് ഇന്നലെ വീണാ ജോർജ് എംഎൽഎയ്ക്കൊപ്പം എത്തിയത്. ഇന്നലെ രാവിലെ കളക്ടറേറ്റില് എത്തിയ താരങ്ങള് ജില്ലാ കളക്ടര് പി.ബി. നൂഹുമായും സംസ്ഥാന ബാലാവകാശ കമ്മീഷന് ചെയര്പേഴ്സണ് സി.ജെ. ആന്റണിയുമായും കൂടിക്കാഴ്ച നടത്തി. ബാലാവകാശ കമ്മീഷന്റെയും ജില്ലാ ശിശുസംരക്ഷണ യൂണിറ്റിന്റെയും ദിശ എന്ന സന്നദ്ധ സംഘടനയുടെയും സംയുക്താഭിമുഖ്യത്തിലാണ് ക്യാമ്പുകളില് കഴിയുന്നവര്ക്ക് സാന്ത്വനമേകാന് സിനിമാ താരങ്ങളെത്തിയത്. ദുരന്തഭീതിയില് അകപ്പെട്ട കുട്ടികള്ക്കും മുതിര്ന്നവര്ക്കും മാനസിക ഉല്ലാസം പകര്ന്നു നല്കുകയെന്ന ലക്ഷ്യത്തോടെയാണ് സിനിമാ താരങ്ങള് എത്തിയത്. കലയിലൂടെ സ്നേഹവും പ്രതീക്ഷയും നല്കി ദുരിതബാധിതരെ ജീവിതത്തിലേക്ക് തിരികെ കൊണ്ടുവരാന് തങ്ങളാല് ആവുന്നത് ചെയ്യുമെന്ന് താരങ്ങള് പറഞ്ഞു. നാടന് പാട്ടുകള് പാടി താരങ്ങള് ചുവടു വച്ചതോടെ…
Read Moreആലപ്പുഴയിലെ മുഴുവൻ സ്കൂളുകളും ബുധനാഴ്ച തുറക്കില്ലെന്ന് തോമസ് ഐസക്; വെള്ളത്തിൽ മുങ്ങിയ സ്കൂളുകളുടെ ഫിറ്റ്നസ് പരിശോധിക്കും
ആലപ്പുഴ: പ്രളയക്കെടുതിയിൽ മുങ്ങിയിരിക്കുന്ന ആലപ്പുഴ ജില്ലയിലെ പകുതി സ്കൂളുകളിൽ മാത്രമേ ബൂധനാഴ്ച അധ്യായനം തുടങ്ങൂ എന്ന് ധനമന്ത്രി തോമസ് ഐസക്. ദുരിതാശ്വാസ ക്യാന്പുകളായി പ്രവർത്തിക്കുന്ന പകുതിയോളം സ്കൂളുകളിലും ബുധനാഴ്ച ക്ലാസുകൾ തുടങ്ങാൻ കഴിയില്ല. ക്യാന്പുകൾക്ക് മറ്റ് സ്ഥലം കണ്ടെത്തി ഓഗസ്റ്റ് 31ന് മുൻപ് മുഴുവൻ സ്കൂളുകളും തുറന്നു പ്രവർത്തിക്കുമെന്നും തോമസ് ഐസക് കൂട്ടിച്ചേർത്തു. വെള്ളത്തിൽ മുങ്ങിയ സ്കൂളുകളുടെ ഫിറ്റ്നസ് പരിശോധിക്കും ആലപ്പുഴ: കുട്ടനാട്ടിലെ വെള്ളം നിന്ന എല്ലാ സ്കൂളുകളുടേയും ഫിറ്റ്നസ് സർട്ടിഫിക്കറ്റ് പിഡബ്ല്യുഡി കെട്ടിട വിഭാഗം പരിശോധിച്ച് സ്കൂൾ തുറക്കുന്നതിന് മുന്പ് നൽകണമെന്ന് ജില്ലാ കളക്ടർ നിർദേശിച്ചു. 29നു സ്കൂൾ തുറക്കണമെന്ന മുഖ്യമന്ത്രിയുടെ നിർദേശപ്രകാരമാണ് കാര്യങ്ങൾ മുന്നോട്ടു പോകുന്നത്. എന്നാൽ ചിലയിടങ്ങളിലെങ്കിലും ഇതിനു സാധിക്കാതെ വരുമെന്ന് ജില്ലാ ഭരണകൂടം സർക്കാരിനെ അറിയിച്ചിട്ടുണ്ട്. ഇതു കൂടുതലും ബാധിക്കുക കുട്ടനാട്ടുകാരേയായിരിക്കും. ഇതിനുള്ള ബദൽ സംവിധാനം ജില്ല ഭരണകൂടത്തിന്റെ നേതൃത്വത്തിൽ നടത്താൻ…
Read Moreആയിരങ്ങൾ കൈകോർത്തു; കുട്ടനാട്ടിൽ മഹാശുചീകരണം തുടങ്ങി; കുട്ടനാട്ടിലെ വിവിധ പഞ്ചായത്തുകളിലെ 178 വാർഡുകളിലാണ് ശൂചീകരണം
ആലപ്പുഴ: പ്രളയത്തിൽ മുങ്ങിയ കുട്ടനാട്ടിൽ നിന്നും പലായനം ചെയ്തവരെ വീടുകളിൽ തിരികെയെത്തിക്കുന്നതിനു മുന്നോടിയായി ജില്ലാ ഭരണകൂടത്തിന്റെ നേതൃത്വത്തിൽ സംഘടിപ്പിച്ചിരിക്കുന്ന മഹാശൂചീകരണമാരംഭിച്ചു. കുട്ടനാട്ടിലെ വിവിധ പഞ്ചായത്തുകളിലെ 178 വാർഡുകളിലാണ് ശൂചീകരണം നടത്തുന്നത്. വീടുകളും പരിസരവും വൃത്തിയാക്കിയും അറ്റകുറ്റപ്പണികൾ നടത്തി താമസയോഗ്യമാക്കുക എന്ന ലക്ഷ്യത്തോടെ സംഘടിപ്പിച്ചിരിക്കുന്ന പരിപാടിയിൽ കുട്ടനാട്ടുകാർക്കൊപ്പം ആയിരക്കണക്കിന് സന്നദ്ധപ്രവർത്തകരുമുണ്ട്. ജില്ലയ്ക്ക് പുറത്ത് നിന്നുള്ള അയ്യായിരത്തോളം സന്നദ്ധ പ്രവർത്തകർ ശുചീകരണത്തിൽ പങ്കെടുക്കുന്നുണ്ട്. അഞ്ഞൂറിലധികം വള്ളങ്ങളും ഹൗസ് ബോട്ടുകളും ജലഗതാഗത വകുപ്പിന്റെ ബോട്ടുകളിലുമായാണ് ശുചീകരണ സേനാംഗങ്ങളെ രാവിലെ മുതൽ കുട്ടനാടിന്റെ വിവിധ ഭാഗങ്ങളിലെത്തിച്ചത്. ശുചിയാക്കൽ പരിപാടികൾ നിയന്ത്രിക്കുന്നതിനും വിവരങ്ങൾ കൈമാറുന്നതിനും കളക്ടറേറ്റിൽ കണ്ട്രോൾ റൂം ആരംഭിച്ചിട്ടുണ്ട്. ശുചീകരണമാരംഭിച്ച 22 പഞ്ചായത്തുകളിലായുള്ള 178 വാർഡുകളിലും 178 ഭക്ഷണ കേന്ദ്രങ്ങളും തുടങ്ങിയിട്ടുണ്ട്. ശുചീകരണത്തിന് വരുന്നവർക്ക് ഉൾപ്പടെ ഇവിടെ ഭക്ഷണം നൽകാൻ എല്ലാ സൗകര്യവും ചെയ്തിട്ടുണ്ട്. ഓരോ വാർഡിലും 500 ബോട്ടിൽ വീതം വെള്ളക്കുപ്പികൾ…
Read Moreക്യാമ്പ് കല്യാണമണ്ഡപമായി, ബിനു മീരയുടെ കൈപിടിച്ചു; വിവാഹം നടന്ന പഴവീട് ഗവൺമെന്റ് യുപി സ്കൂളിലെ പൂർവ വിദ്യാർഥികളാണ് ഇരുവരും
ജോണ്സണ് നൊറോണ ആലപ്പുഴ: ദുരിതാശ്വാസ ക്യാന്പായിരുന്ന സ്കൂൾ കല്ല്യാണമണ്ഡപമായി. ബിനു മീരയുടെ കൈപിടിച്ചു. പ്രളയക്കെടുതിക്കിരയായ രണ്ടു കുടുംബങ്ങളിലെ രണ്ടുപേർ പുതിയ ജീവിതത്തിലേക്കു ഒന്നായപ്പോൾ അതിനു സാക്ഷികളായി ബന്ധുക്കളോടൊപ്പം അന്തേവാസികളും ക്യാന്പ് ലീഡർ ഹൗസിംഗ് കോളനി വാർഡ് കൗണ്സിലർ സജേഷും, മറ്റ് അഞ്ച് കൗണ്സിലർമാരും. പഞ്ചാബിൽ എയർഫോഴ്സ് ഉദ്യോഗസ്ഥനും കൈതവന കണ്ണാട്ടുകുളം ബിജു-ബിന്ദു ദന്പതികളുടെ മകനുമായ ബിനു(21)വും, കൈനകരി തോട്ടുവാത്തല തയ്യിൽ പ്രഭുത്തമൻ-മേരിമ്മ ദന്പതികളുടെ മകൾ മീര(21)യുമാണ് ക്യാന്പിൽ വിവാഹിതരായത്. പഴവീട് ഗവ. യുപി സ്കൂളിലായിരുന്നു വിവാഹം. മറ്റൊരു പ്രത്യേകത ദന്പതികൾ ഇരുവരും സ്കൂളിലെ പൂർവവിദ്യാർഥികളായിരുന്നു. ബിജുവിന്റെ കൈതവനയിലുള്ള വീടിനകത്തു മുഴുവൻ വെള്ളം കയറിയതോടെ മാതാപിതാക്കൾ പഴവീട് സ്കൂളിൽ അഭയം തേടുകയായിരുന്നു. കൈനകരിയിലെ വീട്ടിൽ വെള്ളം കയറിയതോടെ മീരയുടെ മാതാപിതാക്കൾ പുന്നപ്ര പറവൂരിലെ ബന്ധുവീട്ടിലുമായിരുന്നു കഴിഞ്ഞിരുന്നത്. ഇന്നലെ രാവിലെ 11.50നുള്ള മുഹൂർത്തത്തിൽ ക്യാന്പ് ലീഡറുടെ അനുമതിയോടെ ഇവർ വിവാഹിതരാകുകയായിരുന്നു.…
Read Moreപ്രളയബാധിതർക്കുള്ള അവശ്യസാധനങ്ങളുമായി എത്തവേയാണ് തോമസ് മാർ അത്താനാസിയോസ് അപകടത്തിൽപ്പെട്ട് മരണമടഞ്ഞത്; അരമനയിലേക്ക് ജനപ്രവാഹം
ചെങ്ങന്നൂർ: സാധാരണ ഗതിയിൽ ഗുജറാത്തിലേക്കുള്ള യാത്ര തനിച്ചായിരുന്നു നടത്തിയിരുന്നത് ഇത്തവണയും ആപതിവ് തെറ്റിച്ചില്ല. ട്രെയിനിൽ ആലുവ അരമനയിൽ ഇറങ്ങിയശേഷം അവിടെ വിശ്രമിച്ച് ചെങ്ങന്നൂരിൽ നിന്നും എത്തുന്ന കാറിൽ ഓതറ ദയറയിൽ എത്തിയതിനുശേഷമായിരിക്കും ചെങ്ങന്നൂർ അരമനയിൽ എത്തുക. അങ്ങനെയെങ്കിൽ ഉച്ചയ്ക്ക് മുന്പ് ചെങ്ങന്നൂരിൽ എത്തിച്ചേരേണ്ട തിരുമേനിയുടെ വിയോഗ വാർത്തയാണ് ഭദ്രാസനത്തെ തേടിയെത്തിയത്. ഇത്തവണ വെള്ളപ്പൊക്ക ദുരിതം അനുഭവിക്കുന്നവർക്ക് നൽകാനായി ഗുജറാത്തിൽ നിന്നും അവശ്യസാധനങ്ങളുമായാണ് എത്തിയത്. അത് വിതരണം ചെയ്യുന്നത് കാണുവാനുള്ള ഭാഗ്യം തിരുമേനിക്ക് ഉണ്ടായില്ല. ഏതാനും വർഷങ്ങൾക്ക് മുന്പ് നാടിനെ ചിക്കുൻ ഗുനിയ ഗ്രസിച്ചപ്പോൾ ഗുജറാത്തിൽ നിന്നുള്ള ചില പ്രത്യേക മരുന്നുകൾ ആശ്വാസമായി തിരുമേനി ചെങ്ങന്നൂരിൽ വിതരണം ചെയ്തത്. നാട്ടുകാർ നന്ദിയോടെ ഓർക്കുന്നുണ്ട്. അരമനയിലേക്ക് ജനപ്രവാഹം ചെങ്ങന്നൂർ: ഇന്ന് രാവിലെ കാലം ചെയ്ത മലങ്കര ഓർത്തഡോക്സ് സഭയുടെ ചെങ്ങന്നൂർ ഭദ്രാസനാധിപൻ തോമസ് മാർ അത്താനാസിയോസിന്റെ വേർപാട് രാവിലെ 6.30…
Read Moreഎല്ലാവരും ഒരു കുടുംബമായി കഴിയണം; പേരും വിശേഷങ്ങളും ചോദിച്ച് മുഖ്യമന്ത്രി; അത്ഭുതം മാറാതെ അന്നാമരിയ
ആലപ്പുഴ: ലജ്നത്തുൽ മുഹമ്മദീയ സ്കൂളിലെ ക്യാന്പിൽ മുഖ്യമന്ത്രി വന്നതോടെ എങ്ങും തിക്കും തിരക്കും. തിരക്കിനിടയിൽപ്പെട്ട തന്നെ മുഖ്യമന്ത്രി തിരിച്ചുവിളിച്ചതിന്റെയും പേരും വിശേഷങ്ങളും ചോദിച്ചറിഞ്ഞതിന്റെയും അത്ഭുതത്തിലാണ് ക്യാന്പംഗവും യുകെജി വിദ്യാർഥിയുമായ അന്നാമരിയ. പുളിങ്കുന്ന് സ്വദേശി അന്നാമരിയയുടെ കുടുംബം ക്യാന്പിലാണ്. വെള്ളം കയറിയപ്പോൾ കിട്ടിയതെല്ലാമെടുത്ത് ക്യാന്പിലേക്ക് പോന്നത്. പന്നുകുന്നം മേരിമാത എൽപിഎസിലെ വിദ്യാർഥിനിയായ അന്നയ്ക്കൊപ്പം രക്ഷിതാക്കളായ തോമസ്, ആൻസ് മേരി എന്നിവരും ക്യാന്പിലുണ്ട്. അമ്മൂമ്മയ്ക്കൊപ്പം നിന്നിരുന്ന അന്ന തിക്കിൽപ്പെട്ട് അകലേക്ക് മാറിയത് ശ്രദ്ധിച്ച മുഖ്യമന്ത്രി ഹാളിലെ അന്തേവാസികളോട് കുശലം പറഞ്ഞ് പുറത്തേക്കിറങ്ങിയപ്പോൾ ഇവരെ പ്രത്യേകം അന്വേഷിക്കുകയായിരുന്നു. അന്നയോട് പേര് അന്വേഷിച്ചതോടെ ക്യാന്പിലെ മറ്റ് സ്ത്രീകളും കുട്ടികളും മുഖ്യമന്ത്രിയുടെ ചുറ്റുംകൂടി. പലരും വീട് പൂർണമായി മുങ്ങിയതും സാധനസാമഗ്രികൾ നഷ്ടപ്പെട്ടതുമാണ് മുഖ്യമന്ത്രിയുടെ ശ്രദ്ധയിൽ പെടുത്തിയത്. ക്യാന്പിലെ സ്ഥിതിഗതികൾ മന്ത്രിമാർ മുഖ്യമന്ത്രിക്ക് വിശദീകരിച്ചു. കൂടിനിന്ന എല്ലാവരുടെയും പരാതികൾ കേട്ട് പരിഹരിക്കാമെന്ന ഉറപ്പും നൽകിയാണ് മുഖ്യമന്ത്രി…
Read More