പത്തനംതിട്ട: വെള്ളപ്പൊക്കത്തിൽ നഷ്ടപ്പെട്ട വിവിധ സർട്ടിഫിക്കറ്റുകളും ആധാരം അടക്കമുള്ള വിവിധ രേഖകളും സൗജന്യമായി നൽകുന്നതിന് സർക്കാർ സംവിധാനം ഒരുക്കുമെന്ന് മന്ത്രി മാത്യു ടി തോമസ്. ഇതിനായി പ്രത്യേക അദാലത്തുകൾ സംഘടിപ്പിക്കും. തിരുവല്ല താലൂക്കിലെ വിവിധ ക്യാന്പുകളിൽ സന്ദർശനം നടത്തവേ ജനങ്ങൾ ഉന്നയിച്ച പരാതിയിലായിരുന്നു മന്ത്രിയുടെ മറുപടി. കേരളം കണ്ടിട്ടില്ലാത്ത സമാനതകളില്ലാത്ത ദുരന്തമാണ് ഉണ്ടായിട്ടുള്ളത്. എന്നാൽ, ജനങ്ങൾ ഒറ്റക്കെട്ടായി രക്ഷാപ്രവർത്തനത്തിൽ ഏർപ്പെട്ടതു കൊണ്ടാണ് വലിയ ആളപായം ഉണ്ടായില്ല. സംസ്ഥാനത്തിന്റെ വിവിധ പ്രദേശങ്ങളിൽ നിന്നും മറ്റ് സംസ്ഥാനങ്ങളിൽ നിന്നും ധാരാളം സഹായങ്ങൾ ലഭിക്കുന്നുണ്ട്. ഇത് മനുഷ്യ നന്മയുടെ പ്രത്യക്ഷ ഉദാഹരണമാണെന്നും മന്ത്രി പറഞ്ഞു. പത്തനംതിട്ടയിൽ സ്ഥിതിഗതികൾ ഏറെക്കുറെ നിയന്ത്രണ വിധേയമായിട്ടുണ്ട്. എന്നാൽ, ഇനിയും ഒറ്റപ്പെട്ടു കിടക്കുന്നവരെ രക്ഷിക്കാനുള്ള ശ്രമം തുടരുകയാണ്.
Read MoreCategory: Alappuzha
സർവ്വകക്ഷിയോഗം ഇന്ന്; ചെങ്ങന്നൂരിൽ രക്ഷാപ്രവർത്തനങ്ങൾ തുടരുന്നു ;30000 പേർ ഇപ്പോഴും പ്രളയമേഖലകളിൽ
തിരുവനന്തപുരം: പ്രളയക്കെടുതി സംബന്ധിച്ച് ചർച്ച ചെയ്യാൻ ഇന്ന് വൈകുന്നേരം നാലിന് മുഖ്യമന്ത്രിയുടെ അധ്യക്ഷതയിൽ സർവ്വകക്ഷിയോഗം ചേരും. പ്രധാനമന്ത്രിയെ നേരിട്ട് കാണുന്നതുൾപ്പെടെയുള്ള കാര്യങ്ങൾ ചർച്ച ചെയ്യും. കേന്ദ്ര സർക്കാറിൽ നിന്ന് കൂടുതൽ സഹായം ലഭിക്കാൻ വിശദമായ നിവേദനം സമർപ്പിക്കാനാണ് സർക്കാർ ശ്രമം. പ്രളയക്കെടുതിയിൽ വീടും മറ്റും നഷ്ടപ്പെട്ടവരുടെ പുനരധിവാസത്തെ സംബന്ധിച്ചും ഇന്ന് ചർച്ച ചെയ്യും.അതേസമയം ചെങ്ങന്നൂരിൽ ഒറ്റപ്പെട്ട സ്ഥലങ്ങളിൽ കുടുങ്ങിക്കിടക്കുന്നവരെ പുറത്തെത്തിക്കാനുള്ള ശ്രമങ്ങൾ തുടരുകയാണ്. രക്ഷാപ്രവർത്തനങ്ങൾ ഇപ്പോൾ അവസാനഘട്ടത്തിലാണ്. 30000 പേർ ഇപ്പോഴും പ്രളയമേഖലകളിലുണ്ട്. പ്രളയം ബാധിച്ച പല മേഖലകളിലും വെള്ളമിറങ്ങി തുടങ്ങിയെങ്കിലും അപ്പർ കുട്ടനാട് മേഖല ഇപ്പോളും വെള്ളത്തിലാണ്. സംസ്ഥാനത്താകെ 11,001 വീടുകളാണു തകർന്നത്. ഇതിൽ 699 എണ്ണം പൂർണമായും 10,302 എണ്ണം ഭാഗികമായും തകർന്നു.
Read Moreകുട്ടനാട്ടിൽനിന്ന് രണ്ടുലക്ഷത്തോളം ജനങ്ങൾ പലായനം ചെയ്തതായി വിവരം; ഭൂരിപക്ഷംപേരും ബന്ധുവീടുകളിൽ
ചങ്ങനാശേരി: കുട്ടനാടിന്റെ വിവിധ പ്രദേശങ്ങളിൽ ജലനിരപ്പ് താഴുന്നു. ഇടക്കിടക്ക്പെയുന്ന കനത്ത മഴ ഭീഷണിയാകുന്നു. കുട്ടനാട്ടിൽ നിന്നും രണടുലക്ഷത്തിലേറെപ്പേർ ബോട്ടുമാർഗവും വള്ളങ്ങളിലുമായും ദേശീയ ദുരന്തനിവാരണ സേനങ്ങളുടെ രക്ഷാബോട്ടുകളിലുമായി പലായനം ചെയ്തതായി റവന്യുവകുപ്പിന്റെ ഏകദേശവിവരം. ഇന്നലെയും ഇന്നുരാവിലേയുമായും നിരവധിയാളുകൾ ചങ്ങനാശേരിയിലെത്തിക്കൊണ്ടിരിക്കുകയാണ്. ആലപ്പുഴ, എടത്വാ മേഖലകളിലേക്കും ആളുകൾ കുടിയേറുന്നുണ്ട്. കുട്ടനാട് താലൂക്കിന്റെ വിവിധ പഞ്ചായത്തുകളിൽ നിന്നുമായി 90ശതമാനം പേരും ഒഴിഞ്ഞെന്നാണ് റനവ്യുവകുപ്പ് അധികൃതർ പറയുന്നത്. മഴക്ക് നേരിയ ശമനം കണ്ടതോടെ ചില മേഖലകളിൽ നിന്നും ആളുകൾ ഒഴിഞ്ഞുപോകാൻ വൈമനസ്യം കാട്ടിയിട്ടുണ്ട്. എന്നാൽ അപകട സാഹചര്യങ്ങൾ കണണക്കിലെടുത്ത് ഇവരും ഒഴിയണമെന്ന് പോലീസും റവന്യുവകുപ്പും കർശന നിർദേശം നൽകിയിട്ടുണ്ട്. എന്നാൽ ഇപ്പോഴും കുട്ടനാടിന്റെ ഉൾപ്രദേശങ്ങളിൽ വയോജനങ്ങൾപ്പെടെ നിരവധിപ്പേർ രക്ഷക്കായി കാതോർത്തു വെള്ളക്കെട്ടിൽ കഴിയുന്നുണ്ട്. ബോട്ടുമാർഗവും വള്ളങ്ങളിലുമായും ചങ്ങനാശേരി ബോട്ടുജെട്ടിയിലൂടെയും കിടങ്ങറ, രാമങ്കരി മേഖലകളിൽ നിന്നും ടോറസ്മാർഗവുമായി കഴിഞ്ഞ നാലുദിവസത്തിനിടെ ഒരു ലക്ഷത്തിനടുത്ത് ആളുകൾ ചങ്ങനാശേരിയിലെത്തിയതായാണ്…
Read Moreഅവധിയിലുള്ള ആരോഗ്യ ജീവനക്കാരെ തിരികെ വിളിക്കുമെന്ന് മന്ത്രി ശൈലജ
പത്തനംതിട്ട: പ്രളയക്കെടുതികളുടെ പശ്ചാത്തലത്തിൽ ജില്ലയിലെ ആരോഗ്യ സംരക്ഷണം, പകർച്ചവ്യാധി പ്രതിരോധം പ്രവർത്തനങ്ങൽ ഊർജിതമാക്കുമെന്ന് മന്ത്രി കെ.കെ. ശൈലജ .പ്രളയബാധിത പ്രദേശങ്ങളില് ചില ആരോഗ്യ കേന്ദ്രങ്ങള് വെള്ളത്തിലാണ്. ഇത്തരം കേന്ദ്രങ്ങളിലെ ഡോക്ടര്മാര് തൊട്ടടുത്തുള്ള ഏതെങ്കിലും കെട്ടി ടത്തില് താത്കാലിക സംവിധാനം ഏര്പ്പെടുത്തി പ്രവര്ത്തിക്കണം. ദുരിതാശ്വാസ പ്രവ ര്ത്തനങ്ങള് കാര്യക്ഷമമായ രീതിയില് നിര്വഹിക്കേണ്ടതിനാല് അവധിയിലുള്ള ജീവനക്കാരെ തിരിച്ചുവിളിക്കുന്നതിന് നിര്ദേശം നല്കിയിട്ടുണ്ട്. ദേശീയ ആരോഗ്യ ദൗത്യത്തിലെയും ആയുഷിലെയും ഡോക്ടര്മാരുടെ സേവനവും ക്യാമ്പുകളില് ഉപയോഗപ്പെടുത്തും. രക്ഷാ പ്രവര്ത്തനം പൂര്ത്തിയാകുന്നതോടെ പിന്നീട് ഏറ്റവും കൂടുത ല് ശ്രദ്ധിക്കേണ്ടത് പകര്ച്ചവ്യാധികള് പടര്ന്നുപിടിക്കാതിരിക്കാനും ജനങ്ങളുടെ ആരോഗ്യം വീണ്ടെടുക്കുന്നതിനുള്ള നടപടികളിലുമാണ്. മാലിന്യനിര്മാര്ജനമാണ് ഏറ്റവും ഗൗരവമായി കാണേണ്ട മറ്റൊരു പ്രശ്നം. വെള്ളപ്പൊക്കത്തില് മൃഗങ്ങള്ക്ക് ജീവഹാനി സംഭവിച്ചിട്ടുണ്ട്. ഇവയുടെ മൃതശരീരങ്ങള് വെള്ളം ഇറങ്ങുന്നതോടെ വിവിധ സ്ഥലങ്ങളില് അടിയും. ഇത് ശരിയായ രീതിയില് സംസ്കരിച്ചില്ലെങ്കില് ഗുരുതരമായ ആരോഗ്യപ്രശ്നങ്ങള്ക്ക് വഴിവയ്ക്കും. തദ്ദേശഭരണ സ്ഥാപനങ്ങുടെ ചുമതലയില്…
Read Moreകുട്ടനാട്ടിൽ മോഷണം നടക്കുന്നതായി ആശങ്ക; വളർത്തു മൃഗങ്ങൾ ഉൾപ്പെടെയുള്ള സാധനങ്ങൾ മോഷണം പോയതായി പരാതി; ആശങ്കവേണ്ടെന്ന് പോലീസ്
ചങ്ങനാശേരി: കുട്ടനാട്ടിലെ ഭൂരിപക്ഷം വീടുകളിൽനിന്നും ആളൊഴിഞ്ഞ സാഹചര്യത്തിൽ ചില വീടുകളിൽ മോഷണം നടക്കുന്നതായി ക്യാന്പുകളിൽ കഴിയുന്നവർക്ക് ആശങ്ക. ചങ്ങനാശേരിയിലെ ചില ക്യാന്പുകളിൽ കഴിയുന്നവരാണ് ഈ ആശങ്ക ഉയർത്തിയിരിക്കുന്നത്. രാമങ്കരി, വേഴപ്ര, പള്ളിക്കൂട്ടുമ്മ മേഖലകളിലെ ചില വീടുകളിൽ മോഷണം നടന്നതായാണ് ആളുകൾ പരാതി ഉന്നയിച്ചിരിക്കുന്നത്. ആട്, പശു തുടങ്ങിയ വളർത്തുമൃഗങ്ങൾ ഈ മേഖലകളിൽനിന്ന് മോഷണംപോയതായി ഇവർ പറയുന്നു. കുട്ടനാടിന്റെ ചില മേഖലകളിൽ തന്പടിച്ചിരിക്കുന്ന ചിലരാണ് ഇതിനു പിന്നിലെന്നും ഇവർ ആരോപിക്കുന്നുണ്ട്. വീടുകളിൽ ആളുകളില്ലാത്ത സാഹചര്യത്തിൽ കുട്ടനാടിന്റെ വിവിധ മേഖലകളിൽ ബോട്ടുകളിൽ പോലീസും സുരക്ഷാസേനയും പട്രോളിംഗ് നടത്തണമെന്ന് ക്യാന്പുകളിൽ കഴിയുന്നവർ ആവശ്യമുന്നയിച്ചിട്ടുണ്ട്. ഇക്കാര്യത്തിൽ ആശങ്കപ്പെടേണ്ട കാര്യമില്ലെന്ന് പോലീസ് അറിയിച്ചു.
Read Moreറാന്നി സാധാരണ നിലയിലേക്ക് കടകളിൽ സൂക്ഷിച്ചിരുന്ന സാധനങ്ങളെല്ലാം നശിച്ചു; കോടിക്കണക്കിന് രൂപയുടെ നഷ്ടം
റാന്നി: കടകൾക്ക് പൂർണനഷ്ടം. സാധനങ്ങൾ മുഴുവൻ വെള്ളമെടുത്തു. എല്ലാം നഷ്ടപ്പെട്ടവരുടെ കണ്ണീർക്കഥകളാണ് ഇന്നലെ റാന്നി ടൗണ് കണ്ടത്. പ്രളയക്കെടുതികൾക്കുശേഷം റാന്നിയിലെ കടകൾ തുറന്ന് വൃത്തിയാക്കാനെത്തിയവരെല്ലാം നെഞ്ചിടിപ്പോടെയാണ് സംസാരിച്ചത്. കോടി കണക്കിനു രൂപയുടെ നഷ്ടമാണ് പ്രളയം റാന്നി ടൗണിനു മാത്രമുണ്ടാക്കിയത്. വ്യാപാരസ്ഥാപനങ്ങളിൽ മുഴുവൻ വെള്ളം കയറിയ ഒരു അനുഭവം ഇതിനു മുന്പ് ആരുടെയും ഓർമയിൽ ഇല്ല. മുന്പൊക്കെ വെള്ളം കയറുമായിരുന്നെങ്കിലും ഇത്തരത്തിൽ ഒരു അനുഭവം ആദ്യമാണ്. ചൊവ്വാഴ്ച രാത്രി മുന്നറിയിപ്പില്ലാതെ ഒഴുകിയെത്തിയ വെള്ളമാണ് ഇവരുടെ ജീവിതം തകർത്തത്. വെള്ളം കയറിയതറിഞ്ഞ് പലരും കടകൾ തുറക്കാനെത്തിയെങ്കിലും ഒന്നും എടുത്തുമാറ്റാൻ ആകുമായിരുന്നില്ല. കടകളുടെ ഒന്നാംനില പൂർണമായി മുങ്ങി. വെള്ളം കയറിവരുന്ന ഭീതിയിൽ കടയ്ക്കകത്തു കയറിയവർ തന്നെ പ്രാണഭയം കൊണ്ട് രക്ഷപെട്ടു. പലരെയും ബോട്ടുകളിലെത്തിയാണ് രക്ഷപെടുത്തിയത്. ഓണവ്യാപാരം പ്രതീക്ഷിച്ച് ഇറക്കിവച്ച സാധനങ്ങൾ അടക്കം നഷ്ടമായി. എല്ലാത്തരം വ്യാപാരകേന്ദ്രങ്ങൾക്കും നഷ്ടമുണ്ട്. വെള്ളം കയറി നഷ്ടപ്പെട്ട…
Read Moreകക്കി ഡാമിന്റെ ഷട്ടറുകൾ കൂടുതൽ ഉയർത്തി: പമ്പാ തീരത്ത് ജാഗ്രത
പത്തനംതിട്ട: കനത്ത മഴയെ തുടർന്നു ജലനിരപ്പ് ക്രമാതീതമായി ഉയർന്നതോടെ കക്കി അണക്കെട്ടിന്റെ ഭാഗമായ ആനത്തോട് അണക്കെട്ടിന്റെ ഷട്ടറുകൾ കൂടുതൽ ഉയർത്തി. മൂന്ന് ഷട്ടറുകളാണ് വീണ്ടും ഉയർത്തിയത്. പമ്പാ തീരത്തുള്ളവർ ജാഗ്രത പാലിക്കണമെന്ന് ജില്ലാ കളക്ടർ നിർദേശം നൽകി. ഇന്ന് രാവിലെ വരെ ആനത്തോട് അണക്കെട്ടിൽനിന്നും 6.8 ലക്ഷം ലിറ്റർ വെള്ളമാണ് സെക്കൻഡിൽ പുറത്തേക്ക് ഒഴുക്കിയിരുന്നത്. പിന്നീട് ഇത് 2.81 ലക്ഷം ലിറ്ററായി കുറച്ചിരുന്നു. ഇതോടെ വീണ്ടും അണക്കെട്ടിലെ ജലനിരപ്പ് ഉയർന്നു. ഇതിനു പിന്നാലെയാണ് ഷട്ടറുകൾ വീണ്ടും ഉയർത്തിയത്.
Read Moreസംസ്ഥാനത്ത് വീണ്ടും കനത്ത മഴ: രക്ഷാപ്രവർത്തനങ്ങൾ ദുഷ്കരമാകുന്നു; രക്ഷാപ്രവർത്തനത്തിനായി കരസേനയുടെ 25 ബോട്ടുകൾ എത്തുന്നു
തിരുവനന്തപുരം/പത്തനംതിട്ട: പ്രളയക്കെടുതിയിൽപ്പെട്ട് സംസ്ഥാനത്തിന്റെ വിവിധ ഭാഗങ്ങളിൽ ഒറ്റപ്പെട്ടവരെ രക്ഷപ്പെടുത്തുന്നതിനായുള്ള രക്ഷാപ്രവർത്തനങ്ങൾക്ക് തടസം സൃഷ്ടിച്ച് വീണ്ടും കനത്ത മഴ. തിരുവനന്തപുരം, ചെങ്ങന്നൂർ, തിരുവല്ല, ആലപ്പുഴ ജില്ലയുടെ വിവിധ പ്രദേശങ്ങൾ, എറണാകുളം ജില്ലയുടെ ചില പ്രദേശങ്ങൾ, കോട്ടയം തുടങ്ങിയ ഇടങ്ങളിലാണ് പുലർച്ചെ മുതൽ വീണ്ടും മഴ കനത്തത്. രാവിലെ വിവിധയിടങ്ങളിൽ രക്ഷാപ്രവർത്തനങ്ങൾ പുനഃരാരംഭിച്ചങ്കിലും കാലാവസ്ഥ വീണ്ടും പ്രതികൂലമായതോടെ പ്രവർത്തനങ്ങൾ കൂടുതൽ ദുഷ്കരമാവുയാണ്. എറണാകുളം ജില്ലയിൽ ആലുവ യുസി കോളജിൽ പ്രവർത്തിച്ചിരുന്ന ദുരിതാശ്വാസ ക്യാമ്പ് വെള്ളം കയറിയതിനേത്തുടർന്ന് ഇവിടെ നിന്നും മാറ്റി. ആലുവയുടെ രണ്ട് കിലോമീറ്റർ ചുറ്റളവിലാണ് ഇവിടെ രക്ഷാപ്രവർത്തനങ്ങൾ നടക്കുന്നത്. അതിനിടെ പ്രളയ ബാധിത പ്രദേശങ്ങൾ സന്ദർശിക്കുന്നതിന് പ്രധാനമന്ത്രി നരേന്ദ്രമോദി തിരുവനന്തപുരത്തു നിന്നും പുറപ്പെട്ടു. മുഖ്യമന്ത്രി പിണറായി വിജയനും അദ്ദേഹത്തെ അനുഗമിക്കുന്നുണ്ട്.പ്രളയബാധിത പ്രദേശങ്ങൾ സന്ദർശിച്ച ശേഷം അദ്ദേഹം മുഖ്യമന്ത്രിയുടെ അധ്യക്ഷതയിൽ ചേരുന്ന അവലോകന യോഗത്തിലും പങ്കെടുക്കും. രാവിലെ രക്ഷാപ്രവർത്തനത്തിനായി കരസേനയുടെ…
Read Moreമൂന്നാംനാൾ റാന്നിയിൽനിന്നു വെള്ളം ഇറങ്ങിത്തുടങ്ങി; അപ്പർകുട്ടനാടും പന്തളവും മുങ്ങിത്തുടങ്ങി
പത്തനംതിട്ട: പന്പാതീരത്തെ പ്രളയത്തിന്റെ മൂന്നാംദിനത്തിൽ റാന്നിക്കു മോചനമായി തുടങ്ങി. ആറന്മുള ഇപ്പോഴും വെള്ളത്തിൽ. അച്ചൻകോവിലാർ കരകവിഞ്ഞെത്തി പന്തളത്തെ മുക്കി. പന്പ, അച്ചൻകോവിൽ, മണിമല നദികളിലെ പ്രളയജലം തിരുവല്ലയുടെ പടിഞ്ഞാറൻ മേഖലയെയും വെള്ളത്തിലാഴ്ത്തി. റാന്നിയിലെ വലിയ കെട്ടിടങ്ങളിൽ നിന്നു വെള്ളം ഇറങ്ങിയെങ്കിലും റോഡുകളിൽ വെള്ളം കെട്ടിനിൽക്കുന്നതിനാൽ വാഹനഗതാഗതം പുനഃസ്ഥാപിച്ചിട്ടില്ല. ആറന്മുള, കോഴഞ്ചേരി പ്രദേശങ്ങളിൽ നേരിയ തോതിൽ വെള്ളമിറങ്ങിത്തുടങ്ങിയിട്ടുണ്ട്. ഇവിടങ്ങളിൽ മൂന്നുദിവസമായി ആളുകൾ വീടുകളിൽ കുടുങ്ങിയിരിക്കുകയാണ്. ഇവരെ പുറത്തിറക്കാനുള്ള ശ്രമങ്ങൾ ഇന്നലെയും പൂർണമായിട്ടില്ല. പന്പയിലൂടെ നിറഞ്ഞൊഴുകിയ വെള്ളം തിരുവല്ല താലൂക്കിലെ പടിഞ്ഞാറൻ മേഖലയിലേക്കു വ്യാഴാഴ്ച രാത്രി മുതൽ കയറിത്തുടങ്ങി. ഇതോടെ ഈ പ്രദേശങ്ങളിലും നിരവധി ആളുകൾ ഒറ്റപ്പെട്ടു. റാന്നി, കോഴഞ്ചേരി, ആറന്മുള ഭാഗങ്ങളിലേതിനു സമാനമായ അന്തരീക്ഷമാണ് നിലവിൽ തിരുവല്ല താലൂക്കിലുള്ളത്. വീടുകൾക്കുള്ളിൽ കുടങ്ങിയവർ സഹായമഭ്യർഥനകളിലാണ്. പന്തളത്ത് അച്ചൻകോവിലാർ കരകവിഞ്ഞെത്തിയ വെള്ളമാണ് പ്രളയത്തിനു കാരണമായത്. പന്തളം ടൗണ് അടക്കമുള്ള പ്രദേശങ്ങൾ മുങ്ങി.…
Read Moreരക്ഷാപ്രവർത്തകർക്ക് ഉൾപ്രദേശങ്ങളിലേക്ക് എത്തിച്ചേരാനായില്ല; കുട്ടനാട്ടിൽ ആയിരങ്ങൾ കുടുങ്ങിക്കിടക്കുന്നു
ചങ്ങനാശേരി: കുട്ടനാട്ടിലെ പ്രളയജലത്തിൽ ആയിരങ്ങൾ കുടുങ്ങിക്കിടക്കുന്നു. രക്ഷാപ്രവർത്തകർക്ക് ഉൾപ്രദേശങ്ങളിലേക്ക് ഇനിയും എത്തിച്ചേരാനായിട്ടില്ല. സർക്കാരിന്റെ രക്ഷാപ്രവർത്തനങ്ങളും ഇവിടെ പര്യാപ്തമായിട്ടില്ല. കൈനകരി മേഖലയിൽനിന്ന് കുറെയേറെ പേരെ രക്ഷപ്പെടുത്താൻ കഴിഞ്ഞിട്ടുണ്ട്. എന്നാൽ, മിത്രക്കരി, പുതുക്കരി, വേഴപ്ര, കൊടുപ്പുന്ന, ചന്പക്കുളം, രാമങ്കരി, കിടങ്ങറ, മുട്ടാർ, മുട്ടാർ വടക്ക്, കായൽപ്പുറം, വെളിയനാട്, ഉൗരുക്കരി, പച്ച, മരിയാപുരം, ചേന്നങ്കരി, ചാത്തങ്കരി, പുളിങ്കുന്ന്, കുട്ടമംഗലം മേഖലകളിലെ ഉൾപ്രദേശങ്ങളിലായി ആയിരക്കണക്കിനാളുകളാണ് കുടുങ്ങിക്കിടക്കുന്നത്. കൈനകരിയിലും രക്ഷാപ്രവർത്തകർ എത്താത്ത സ്ഥലങ്ങളുണ്ട്. ചെറിയ ബോട്ടുകളും വള്ളങ്ങളുമാണ് ഈ ഭാഗങ്ങളിൽ കൂടുതലും രക്ഷാപ്രവർത്തനത്തിനു വേണ്ടത്. വെള്ളം പൊങ്ങിയതിനാൽ പല തോടുകളിലൂടെയും വലിയ വള്ളങ്ങളോ ബോട്ടുകളോ പോകാത്ത സ്ഥിതിയാണ്. വീടുകളിലും കെട്ടിടങ്ങളുടെ മുകളിലും കഴിയുന്ന ഇവർക്ക് ആഹാരവും വെള്ളവും പോലും ലഭ്യമാകുന്നില്ല. സർക്കാർ സഹായം എത്തുന്നതു കാത്തിരുന്നിട്ട് ഒന്നും ലഭിച്ചില്ലെന്ന് ഇവർ ബന്ധുക്കളെ ഫോണ്സന്ദേശങ്ങളിൽ അറിയിക്കുന്നുണ്ട്. ആറിന്റെ തീരങ്ങളിലൂടെ സർക്കാർ സംവിധാനങ്ങളുമായി ബോട്ടുകളെത്തുന്നുണ്ടെങ്കിലും കൈത്തോടുകളുടെ വശങ്ങളിലേക്കു…
Read More