തിരുവല്ല: സബ്ട്രഷറി മുനിസിപ്പൽ അതിർത്തിയിൽ നിന്നും മാറ്റി പഞ്ചായത്ത് അതിർത്തിയിലേക്ക് കൊണ്ടുപോരാൻ ശ്രമിക്കുന്നുവെന്ന വാർത്ത ഭാവനാ സൃഷ്ടിയെന്ന് മന്ത്രി മാത്യു ടി.തോമസ്. അതിന്റെ പേരിൽ തന്റെ ഓഫീസിലേക്ക് നടത്തിയ മാർച്ച് ഇടതുസർക്കാരിനെ പ്രതിരോധത്തിലാക്കാൻ ഉദ്ദേശിച്ച് സംഘടിപ്പിച്ച വിലകുറഞ്ഞ രാഷ്ട്രീയ തന്ത്രമാണെന്നും മന്ത്രി പറഞ്ഞു. സംസ്ഥാന ധനമന്ത്രിയും ട്രഷറി വകുപ്പും ഇങ്ങനെയൊരു നിർദ്ദേശം നടത്തിയിട്ടില്ലെന്നും വ്യക്തമാക്കി. തിരുവല്ലയ്ക്ക് ട്രഷറി പണിയാൻ അനുവദിച്ച നാലുകോടി രൂപ 2011 ൽ യുഡിഎഫ് നഗരസഭാ ഭരണസമിതി സ്ഥലം അനുവദിക്കാതെ റദ്ദ് ചെയ്തതോടെയാണ് നടക്കാതെ പോയത്. മുനിസിപ്പാലിറ്റി സ്ഥലം തന്നാൽ മുനിസിപ്പൽ പ്രദേശത്ത് തന്നെ പുതിയ ട്രഷറി നിർമാണം നടത്താനുള്ള ശ്രമമാണ് സർക്കാർ നടത്തുന്നതെന്നും മന്ത്രി പറഞ്ഞു.
Read MoreCategory: Alappuzha
കോടികളുടെ സ്വത്തുക്കളുടെ ഉടമയായ യുവതിയുടെ തിരോധാനം: ഇടനിലക്കാരിയെ തേടി പോലീസ്
ചേർത്തല: കോടികളുടെ സ്വത്തുക്കളുടെ ഉടമയായ യുവതിയെ കാണാതായ സംഭവത്തിൽ ബന്ധമുണ്ടെന്ന് സംശയിക്കുന്ന എരമല്ലൂർ സ്വദേശിയായ യുവതിയെക്കുറിച്ചുള്ള വിശദമായ അന്വേഷണത്തിലാണ് പോലീസ്. കടക്കരപ്പള്ളി ആലുങ്കൽ പത്മ നിവാസിൽ പി.പ്രവീണ്കുമാറാണു സഹോദരി ബിന്ദു(44)വിന്റെ നിരോധാനം അന്വേഷിക്കണമെന്നാവശ്യപ്പെട്ട് ആഭ്യന്തരവകുപ്പിന് പരാതി നൽകിയത്. ബിന്ദുവിന്റെ കുടുംബസ്വത്ത് ഉൾപ്പെടെ കോടിക്കണക്കിന് രൂപയുടെ വസ്തുക്കൾ വസ്തു ഇടനിലക്കാർ ചേർന്ന് കൈക്കലാക്കി ബിന്ദുവിനെ കൊന്നുകളഞ്ഞതായി സംശയിക്കുന്നതായാണ് പ്രവീണിന്റെ പരാതി. ചേർത്തല ഡിവൈഎസ്പി എ.ജി ലാലിന്റെ മേൽനോട്ടത്തിലുള്ള അന്വേഷണസംഘത്തിൽ കുത്തിയതോട് സർക്കിൾ ഇൻസ്പെക്ടർ എം. സുധിലാൽ ആണ് കേസന്വേഷണത്തിനു നേതൃത്വം നല്കുന്നത്. പ്രതികളുടെ ഫോണ് വിവരങ്ങൾ, സ്വത്തുവിവരങ്ങൾ, ആധാരം റജിസ്റ്റർ ചെയ്തതിന്റെ രേഖകൾ തുടങ്ങിയവ പോലീസ് ശേഖരിച്ചു. എറണാകുളത്തെ കോടികൾ വിലമതിക്കുന്ന വസ്തു വ്യാജ ആധാരം ചമച്ച് ആൾമാറാട്ടം നടത്തി വിറ്റതായും ഇടപ്പള്ളി സബ് രജിസ്ട്രാർ ഓഫിസിൽ തീറാധാരത്തിനു ഹാജരാക്കിയ പവർ ഓഫ് അറ്റോർണിയും ബിന്ദുവിന്റെ ഡ്രൈവിംഗ് ലൈസൻസും…
Read Moreഅറുപത്തിമൂന്നാം വയസിലും ഓട്ടോയോടിക്കുന്നത് നിർധനരും നിരാലംബരുമായവരെ സഹായിക്കുക എന്ന ഒറ്റ ക്ഷ്യത്തോടെ; സമൂഹത്തിന് മാതൃകയാകുന്ന അബ്ദുൾ ഖാദറിനെക്കുറിച്ചറിയാം
മുഹമ്മ: മണ്ണഞ്ചേരി ജാസ്മിൻ മൻസിലിൽ അബ്ദുൾ ഖാദർ (63) ഓട്ടോഡ്രൈവർ മാത്രമല്ല സമൂഹത്തിന് മാതൃക കൂടിയാണ്. മണ്ണഞ്ചേരി സ്റ്റാൻഡിലെ ഡ്രൈവറായ അബ്ദുൾ ഖാദർ ഓട്ടോ ഓടിക്കുന്നത് നിർധനരും നിരാലംബരുമായവരെ സഹായിക്കുക എന്ന ലക്ഷ്യവും കൂടി മുന്നിൽ കണ്ടാണ്. ആശുപത്രിയിൽ പോകാൻ പണമില്ലാതെ വലയുന്നവർക്കും അപകടത്തിൽ പെടുന്നവർക്കും അബ്ദുൾഖാദറിന്റെ ഓട്ടോയിൽ യാത്ര സൗജന്യമായിരിക്കും. മണ്ണഞ്ചേരി പഞ്ചായത്തിലെ നിർധനരായ ഭൂരിഭാഗം രോഗികളും അബ്ദുൾ ഖാദറിന്റെ മനസിന്റ ന· തൊട്ടറിഞ്ഞ വരുമാണ്. താൻ നൽകുന്ന സേവനവും ബന്ധപ്പെടുന്നതിനുള്ള ഫോണ് നന്പറുകളും രേഖപ്പെടുത്തിയ ബോർഡ് ഓട്ടോറിക്ഷയുടെ ഇരു സൈഡിലും ’ സ്ഥാപിച്ചിട്ടുമുണ്ട്. സേവനം ആവശ്വമുള്ളവർ ഫോണിൽ വിളിച്ചാൽ ഓട്ടോയുമായി അബ്ദുൾ ഖാദർ അവർക്കരികിലെത്തും. അഷ്ടിക്കു വക തേടിയുള്ള ഓട്ടത്തിനിടയിലും മറ്റൊരാളെ സഹായിക്കുന്നത് വലിയൊരു പുണ്യ പ്രവൃത്തിയായാണ് അബ്ദുൾ ഖാദർ കാണുന്നത്. കൊടുക്കുന്തോറും ഏറീടുമെന്ന ചൊല്ല് ശരിയാണെന്നും അബ്ദുൾ ഖാദർ വിശ്വസിക്കുന്നു. തൊഴിലിൽ നിന്നുള്ള…
Read Moreഗുജറാത്തിലെ അപകടമരണത്തിൽ ദുരൂഹത ; മൃതദേഹം വീണ്ടും ആലപ്പുഴ വണ്ടാനം മെഡിക്കൽ കോളേജ് ആശുപത്രിയിൽ പോസ്റ്റുമാർട്ടം നടത്തുമെന്ന് ബന്ധുക്കൾ
ഹരിപ്പാട്: ഗുജറാത്തിൽ അപകടത്തിൽ മരിച്ച മലയാളിയുടെ മരണത്തിലെ ദുരൂഹത കാരണം നാട്ടിലെത്തിച്ച മൃതദേഹം വീണ്ടും വണ്ടാനം മെഡിക്കൽ കോളേജ് ആശുപത്രിയിൽ പോലീസ് സർജന്റെ നേതൃത്വത്തിൽ ദേഹപരിശോധന നടത്തും. പുതിയവിള മല്ലിക്കാട്ട് കടവ് ഷിബുഭവനത്തിൽ ശശി-സതി ദന്പതികളുടെ മകൻ ഷാജി(42)യുടെ മൃതദേഹമാണ് വീണ്ടും പരിശോധന നടത്തുന്നത്. മരണത്തിൽ ദുരൂഹത പ്രകടിപ്പിച്ച് ബന്ധുക്കൾ പോലീസിൽ നല്കിയ പരാതിയുടെ അടിസ്ഥാനത്തിലാണ് പരിശോധന. ഗുജറാത്തിലെ മാൻഗ്രോറിലുളള മാരുതി കോൾഡ് സ്റ്റോറേജിൽ കഴിഞ്ഞ അഞ്ചുവർഷമായി പ്രൊഡക്ഷൻ മാനേജർ കം ഇൻ ചാർജായി ജോലി ചെയ്തു വരികയായിരുന്നു ഷാജി. വ്യാഴാഴ്ച ഉച്ചക്ക് ഇവിടെ സ്റ്റെയർ കേസിൽ നിന്ന് വീണു ഷാജി മരിച്ചതായാണ് കന്പനി അധികൃതർ അറിയിച്ചത്. കന്പനിയുടെ മുകളിലുള്ള ക്വാർട്ടേഴ്സിൽ ഷാജിയോടൊപ്പമാണ് ഭാര്യ സന്ധ്യയും മകൻ സിദ്ധാർഥും താമസിച്ചു വന്നത്. ഇവരും നാട്ടിലെത്തിയിട്ടുണ്ട്. ക്വാർട്ടേഴ്സിൽ നിന്ന് താഴേക്ക് ഇറങ്ങുന്പോൾ കാൽ തെറ്റി വീണ് പരിക്കേറ്റതായിട്ടാണ് ഭാര്യയെ…
Read Moreമുങ്ങിത്താണ അനുജനെ രക്ഷിച്ച് കരയ്ക്കെത്തിച്ചെങ്കിലും വിനോജ് വെള്ളത്തിൽ മുങ്ങിത്താഴുകയായിരുന്നു; നെയ്യാൽ മുങ്ങിമരിച്ച യുവാവിന്റെ മൃതദേഹം ഇന്ന് ബന്ധുക്കൾക്ക് വിട്ടുകൊടുക്കും
നെയ്യാറ്റിൻകര: നെയ്യാറിൽ മുങ്ങിമരിച്ച യുവാവിന്റെ മൃതദേഹം പോസ്റ്റുമോർട്ടത്തിനു ശേഷം ഇന്ന് ബന്ധുക്കൾക്ക് വിട്ടുകൊടുക്കുമെന്ന് നെയ്യാറ്റിൻകര പോലീസ് അറിയിച്ചു. കായംകളം തൃക്കുന്നപ്പുഴ ആറാട്ടുപുഴയിൽ വലിയഴീക്കൽപറന്പിൽ ധർമ്മരാജിന്റെയും ബിന്ദുവിന്റെയും മകൻ വിനോജ് (20) ആണ് ഇന്നലെ മാന്പഴക്കരയ്ക്കു സമീപം നെയ്യാറിലെ കടവിൽ മരണമടഞ്ഞത്. ഹരിപ്പാട് ജി- ടെക് കോളേജിൽ കംപ്യൂട്ടർ സോഫ്റ്റ് വെയർ വിദ്യാർഥിയായിരുന്നു വിനോജ്. സുഹൃത്ത് സ്കൂട്ടർ മെക്കാനിക്കായ സുജിത്തുമൊരുമിച്ച് പെരുങ്കടവിളയ്ക്ക് സമീപം തേരണിയിൽ വന്നതാണ് വിനോജും അനുജൻ ധനോജും. കായംകുളം സ്വദേശിയായ സുജിത്തിന്റെ ഭാര്യാഗൃഹം തേരണിയിലാണ്. ഗർഭിണിയായ തന്റെ ഭാര്യ മഞ്ജുവിനെ സന്ദർശിച്ച ശേഷം സുജിത്ത് കൂട്ടുകാരെയും കൂട്ടി നെയ്യാറിലെ കടവിൽ കുളിക്കാൻ പോയി. ഇവരോടൊപ്പം അരുണ്, ജെസിൻ എന്നീ സുഹൃത്തുക്കളുമുണ്ടായിരുന്നു. മാന്പഴക്കര കടവിലിറങ്ങിയ ധനോജ് ഒഴുക്കിൽ മുങ്ങിത്താഴുന്നത് കണ്ടാണ് വിനോജ് നദിയിലേയ്ക്ക് ചാടിയത്. അനുജനെ സാഹസികമായി കരയിലെ പാറപ്പുറത്ത് വലിച്ചു കയറ്റിയെങ്കിലും വിനോജ് വെള്ളത്തിൽ താഴ്ന്നു.…
Read Moreചെങ്ങന്നൂർ ഉപതെരഞ്ഞെടുപ്പ് ; വിവാദങ്ങളൊഴിയാതെ സജി ചെറിയാൻ; ബിഡിജെഎസ്, കേരള കോണ്ഗ്രസ് നിലപാടുകൾക്കായി വിജയകുമാറും ശ്രീധരൻ പിള്ളയും
ചെങ്ങന്നൂർ: ഉപതെരഞ്ഞെടുപ്പിന്റെ പ്രചാരണം ശക്തമായി മുന്നേറുന്പോഴും മൂന്ന് മുന്നണിസ്ഥാനാർഥികളും വിവിധ വിഷയങ്ങളിൽ പെട്ട് ഉഴലുന്നു. ഒാരോ സ്ഥാനാർഥിക്കും ഒാരോ പ്രശ്നങ്ങളുടെ പേരിലാണ് വിവാദങ്ങളും വിഷയങ്ങളും ഉണ്ടായിരിക്കുന്നത്. ഏറ്റവും അധികം വിവാദങ്ങളിൽ ചാടിയിരിക്കുന്നത് എൽഡിഎഫ് സ്ഥാനാർഥി സജി ചെറിയാനാണ്. നാമനിർദ്ദേശ പത്രിക സമർപണം മുതൽ തുടങ്ങിയ വിവാദം ഇനിയും വിട്ടൊഴിയുന്നില്ല. നാമനിർദ്ദേശ പത്രികാ സമർപണ വേളയിൽ അഞ്ച് പേരിൽ കൂടുതൽ വരണാധികാരിക്ക് മുന്പിൽ എത്തുവാൻ പാടില്ലെന്നാണ് ചട്ടം. എന്നാൽ പത്രികാ സമർപ്പണ വേളയിൽ 20ൽപരം പേർ പിന്നിലായി നിന്നത് വിവാദമായി. യഥാർഥത്തിൽ അഞ്ച് പേർ മാത്രമാണ് പത്രികാ സമർപ്പണത്തിനായി വരണാധികാരിയുടെ മുന്പിൽ എത്തിയത്. എന്നാൽ യാതൊരു കാര്യവും ഇല്ലാത്ത ചിലർ കാര്യങ്ങൾ അറിയാതെ ഓഫീസിനുള്ളിൽ പ്രവേശിച്ചതാണ് വിവാദങ്ങൾക്ക് കാരണമായത്. ഇത് സംബന്ധിച്ച് മറ്റ് സ്ഥാനാർഥികൾ കേന്ദ്ര തെരെഞ്ഞെടുപ്പ് കമ്മീഷന് പരാതി നൽകുകയും ചെയ്തു. തുടർന്ന് നാമനിർദ്ദേശ സമർപ്പണ വേളയിൽ…
Read Moreആലപ്പുഴയില് കോടികളുടെ സ്വത്തിന് ഉടമയായ ബിന്ദു അപ്രതൃക്ഷയായ കേസില് ഒരാള് പിടിയില്, ഊര്ജിതമായി പോലീസ്, പത്മനിവാസ് വീട്ടിലെ ദുരൂഹതയ്ക്ക് ഉത്തരമാകുമോ?
ചേർത്തല: കോടികളുടെ സ്വത്തിന് ഉടമയായ യുവതിയെ കാണാതായ സംഭവത്തിൽ പോലീസ് അന്വേഷണം ഉൗർജിതം. കേസിലെ പ്രധാനിയെന്ന് സംശയിക്കുന്നയാൾ പോലീസിന്റെ പിടിയിലായതായാണ് സൂചന. കള്ളപ്രമാണങ്ങൾ ഉണ്ടാക്കുന്നതിനും വ്യാജരേഖകൾ ചമച്ചുകൊടുക്കുന്നതിനും കൂട്ടുനിന്ന പട്ടണക്കാടുള്ള ഒരു ആധാരം എഴുത്തുകാരനും സംശയത്തിന്റെ നിഴലിലാണ്. ചേർത്തല ഡിവൈഎസ്പി എ.ജി ലാലിന്റെ മേൽനോട്ടത്തിലുള്ള അന്വേഷണസംഘത്തിൽ കുത്തിയതോട് സർക്കിൾ ഇൻസ്പെക്ടർ എം. സുധിലാൽ ആണ് കേസന്വേഷണത്തിനു നേതൃത്വം നല്കുന്നത്. സംഭവത്തിനുപിന്നിൽ വൻ മാഫിയസംഘം ഉണ്ടായിരുന്നുവെന്നാണ് സൂചന. കോടികൾ കൈക്കലാക്കിയശേഷം ഈ മാഫിയസംഘം യുവതിയെ കൊലപ്പെടുത്താനുള്ള സാധ്യതയും പോലീസ് തള്ളിക്കളയുന്നില്ല. ഇറ്റലിയിലുള്ള കടക്കരപ്പള്ളി ആലുങ്കൽ ജംഗ്ഷന് സമീപം പത്മനിവാസിൽ പി. പ്രവീണ്കുമാറാണ് കാണാതായ സഹോദരി ബിന്ദു(44)വിന്റെ തിരോധാനം സംബന്ധിച്ച് ആഭ്യന്തരവകുപ്പിന് പരാതി നൽകിയത്. ഇവരുടെ പേരിലുള്ള കോടികൾ വിലമതിക്കുന്ന സ്വത്തുക്കൾ കൈമാറ്റം ചെയ്തിരിക്കുന്നത് വ്യാജരേഖകളുണ്ടാക്കിയാണെന്നാണ് ആക്ഷേപം. പള്ളിപ്പുറം സ്വദേശിയായ വസ്തു ഇടനിലക്കാരനുമായി ചേർന്നായിരുന്നു ഇടപാടുകൾ. ഡ്രൈവറായിരുന്ന ഇയാൾ പിന്നീട്…
Read Moreനോട്ട് മാറാനെന്ന വ്യാജേന എത്തിയയാൾ വ്യാപാരിയെ കബളിപ്പിച്ച് ഒരു ലക്ഷം തട്ടിയതായി പരാതി
ആലപ്പുഴ: വ്യാപാരിയെ കബളിപ്പിച്ച് ഒരു ലക്ഷം രൂപ അപഹരിച്ചതായി പരാതി. പാതിരപ്പള്ളിയിലെ ബി ആൻഡ് ബി ഹാർഡ്വെയേഴ്സ് സ്ഥാപനത്തിലാണ് മോഷണം നടന്നത്. ബുധനാഴ്ച ഉച്ചകഴിഞ്ഞ് 1.30നായിരുന്നു സംഭവം. കടയുടമ ബാബുരാജിന്റെ ശ്രദ്ധ തിരിപ്പിച്ചതിനു ശേഷമായിരുന്നു മേശയ്ക്കുള്ളിൽ പണം സൂക്ഷിച്ചിരുന്ന ബാഗ് മോഷ്ടിച്ചത്. സംഭവത്തെക്കുറിച്ച് ഉടമ പറയുന്നതിങ്ങനെ: ബുധനാഴ്ച ഉച്ചയോടെ പ്ലംന്പിംഗ് ആവശ്യത്തിനുള്ള സാമഗ്രികൾ വാങ്ങിയ ആൾക്ക് അഞ്ഞൂറു രൂപ തന്നതിന്റെ ബാക്കി നൽകിയപ്പോൾ നൂറിന്റെ നോട്ടിനുപകരം ഇരുനൂറിന്റെ നോട്ടുകൾ ആവശ്യപ്പെട്ടു. ബാഗിൽ നിന്ന് ആവശ്യപ്പെട്ട നോട്ട് നൽകിയതിനുശേഷം തിരികെ മേശയ്ക്കകത്തുവെച്ചു പൂട്ടി. നിമിഷങ്ങൾക്കുള്ളിൽ മറ്റൊരാൾ വന്ന് അതേ സാധനം എണ്ണത്തിൽ കൂടുതൽ ആവശ്യപ്പെട്ടു. ഒറ്റയ്ക്ക്് ആയിരുന്നതിനാൽ സാധനം എടുക്കാൻ മുറിയിലേക്ക് പോയി. വാങ്ങാൻ വന്ന ആളും കൂടെ വന്നിരുന്നു. പണം നൽകി ആള് പോയ ശേഷം മേശയ്ക്കകം പരിശോധിച്ചപ്പോഴാണ് പണം അടങ്ങിയ ബാഗ് നഷ്ടപ്പെട്ട വിവരം അറിയുന്നത്.…
Read Moreജനറൽ ആശുപത്രിയിലെ സൂപ്പർ സ്പെഷ്യാലിറ്റി ബ്ലോക്ക്: ആരോഗ്യ വകുപ്പ് സെക്രട്ടറി സന്ദർശനം നടത്തി
ആലപ്പുഴ: ജനറൽ ആശുപത്രിയിൽ ആറു നിലയുള്ള സൂപ്പർ സ്പെഷാലിറ്റി ബ്ലോക്ക് നിർമിക്കുന്നതിന് മുന്നോടിയായി ആരോഗ്യ വകുപ്പ് സെക്രട്ടറി സന്ദർശിച്ചു. ഇന്നലെ രാവിലെയാണ് ആരോഗ്യ വകുപ്പ് സെക്രട്ടറി രാജീവ് സദാനന്ദൻ ജനറൽ ആശുപത്രിയിലെത്തിയത്. കിഫ്ബിയുടെ ഫണ്ട് ഉപയോഗിച്ച് ജനറൽ ആശുപത്രിയുടെ കിഴക്കു ഭാഗത്ത് ഒ.പി ബ്ലോക്ക് ഉൾപ്പെടെ ആറു നിലയുള്ള സൂപ്പർ സ്പെഷാലിറ്റി കെട്ടിടം നിർമിക്കുന്നത്. ഇതിൽ കാർഡിയോളജി, ന്യൂറോളജി, നെഫ്രോളജി വിഭാഗങ്ങളും ആരംഭിക്കും. ആശുപത്രിയിൽ രണ്ടു മാസത്തിനുള്ളിൽ പുതിയ ട്രോമാ കെയർ യൂണിറ്റ് പ്രവർത്തനം ആരംഭിക്കാനുള്ള നടപടിയും പൂർത്തിയായി വരുന്നതായി അദ്ദേഹം അറിയിച്ചു. തുടർന്ന് ആശുപത്രിയുടെ നവീകരണപ്രവർത്തനങ്ങളും ഉദ്യോഗസ്ഥരുമായി ചർച്ച ചെയ്തു. തുറവൂർ താലൂക്ക് ആശുപത്രി, മാവേലിക്കര ജില്ല ആശുപത്രി എന്നിവിടങ്ങളിലും സന്ദർശനം നടത്തി. ആരോഗ്യവകുപ്പ് സെക്രട്ടറിക്കൊപ്പം ജില്ലാ മെഡിക്കൽ ഓഫിസർ ഡി. വസന്തദാസുമുണ്ടായിരുന്നു.
Read More11 മാസം പ്രായമുള്ള കുട്ടിയെ കിണറ്റിലെറിഞ്ഞ സംഭവം: പോലീസ് വിശദീകരണത്തിനെതിരേ അമ്മ രംഗത്ത്
ഹരിപ്പാട്: പതിനൊന്ന് മാസം പ്രായമായ പെണ്കുഞ്ഞിനെ പിതാവ് കിണറ്റിലേക്ക് വലിച്ചെറിഞ്ഞ സംഭവവുമായി ബന്ധപ്പെട്ട പോലീസ് വിശദീകരണം വ്യാജമെന്ന് അമ്മ. കഴിഞ്ഞദിവസം സംഭവം സംബന്ധിച്ച പോലീസിന്റെ വിശദീകരണം ഒരു മാധ്യമത്തിൽ വന്നതിനെതിരെയാണ് അമ്മ രംഗത്തെത്തിയത്. കഴിഞ്ഞ ദിവസം രാവിലെ 11 ഓടെയുവതിയുടെ രാമപുരത്തെ വീട്ടിലായിരുന്നു സംഭവം നടന്നത്. വീട്ടിലെത്തി വഴക്കിനിടയിൽ മാതാവിനെ മർദിക്കുകയും അമ്മയുടെ ഒക്കത്തിരുന്ന പതിനൊന്ന് മാസം പ്രായമുള്ള കുട്ടിയെ പിതാവ് കിണറ്റിലേക്ക് വലിച്ചെറിയുകയായിരുന്നു. കിണറിന് വല കെട്ടിയിരുന്നതിനാലാണ് കുഞ്ഞ് കിണറ്റിനുള്ളിലേക്ക് വീഴാതിരുന്നതെന്ന് ബന്ധുക്കൾ പറഞ്ഞു. ഏറിന്റെ അഘാതത്തിൽ കിണറിനുള്ളിലെ അരഞ്ഞാണഭിത്തിയിൽ ഇടിച്ച് തലയ്ക്ക് പരിക്കേറ്റ കുഞ്ഞിനെയും മർദ്ദനമേറ്റ മാതാവിനെയും ഹരിപ്പാട് താലൂക്ക് ആശുപത്രിയിൽ പ്രവേശിപ്പിച്ചിരിക്കുകയാണ്. കുഞ്ഞിനെ സ്കാനിംഗിനു വിധേയമാക്കി. സംഭവം ഇതാണെന്നിരിക്കെ ക്രൂരത കാട്ടിയ പ്രതിയെ രക്ഷിക്കുവാൻ പോലീസ് ഒത്തുകളിക്കുകയാണെന്നാണ് യുവതിയുടെ ആക്ഷേപം. ഇത്രയും ഗൗരവമേറിയ കേസ് തേച്ചു മായ്ച്ചു കളയുവാനാണ് ശ്രമിക്കുന്നത്. ഞങ്ങൾക്ക് നീതി…
Read More