തി​രു​വ​ല്ല സ​ബ്ട്ര​ഷ​റി മാ​റ്റം ഭാ​വ​നാ സൃ​ഷ്ടി; അ​തി​ന്‍റെ പേ​രി​ൽ ത​ന്‍റെ  ഓഫീസിലേക്ക് നടത്തിയ മാർച്ച് വി​ല​കു​റ​ഞ്ഞ രാ​ഷ്ട്രീ​യ ത​ന്ത്ര​മായിപ്പോയെന്ന്  മ​ന്ത്രി മാ​ത്യു ടി.​തോ​മ​സ്

തി​രു​വ​ല്ല: സ​ബ്ട്ര​ഷ​റി മു​നി​സി​പ്പ​ൽ അ​തി​ർ​ത്തി​യി​ൽ നി​ന്നും മാ​റ്റി പ​ഞ്ചാ​യ​ത്ത് അ​തി​ർ​ത്തി​യി​ലേ​ക്ക് കൊ​ണ്ടു​പോ​രാ​ൻ ശ്ര​മി​ക്കു​ന്നു​വെ​ന്ന വാ​ർ​ത്ത ഭാ​വ​നാ സൃ​ഷ്ടി​യെ​ന്ന് മ​ന്ത്രി മാ​ത്യു ടി.​തോ​മ​സ്. അ​തി​ന്‍റെ പേ​രി​ൽ ത​ന്‍റെ ഓ​ഫീ​സി​ലേ​ക്ക് ന​ട​ത്തി​യ മാ​ർ​ച്ച് ഇ​ട​തു​സ​ർ​ക്കാ​രി​നെ പ്ര​തി​രോ​ധ​ത്തി​ലാ​ക്കാ​ൻ ഉ​ദ്ദേ​ശി​ച്ച് സം​ഘ​ടി​പ്പി​ച്ച വി​ല​കു​റ​ഞ്ഞ രാ​ഷ്ട്രീ​യ ത​ന്ത്ര​മാ​ണെ​ന്നും മ​ന്ത്രി പ​റ​ഞ്ഞു.

സം​സ്ഥാ​ന ധ​ന​മ​ന്ത്രി​യും ട്ര​ഷ​റി വ​കു​പ്പും ഇ​ങ്ങ​നെ​യൊ​രു നി​ർ​ദ്ദേ​ശം ന​ട​ത്തി​യി​ട്ടി​ല്ലെ​ന്നും വ്യ​ക്ത​മാ​ക്കി. തി​രു​വ​ല്ല​യ്ക്ക് ട്ര​ഷ​റി പ​ണി​യാ​ൻ അ​നു​വ​ദി​ച്ച നാ​ലു​കോ​ടി രൂ​പ 2011 ൽ ​യു​ഡി​എ​ഫ് ന​ഗ​ര​സ​ഭാ ഭ​ര​ണ​സ​മി​തി സ്ഥ​ലം അ​നു​വ​ദി​ക്കാ​തെ റ​ദ്ദ് ചെ​യ്ത​തോ​ടെ​യാ​ണ് ന​ട​ക്കാ​തെ പോ​യ​ത്.

മു​നി​സി​പ്പാ​ലി​റ്റി സ്ഥ​ലം ത​ന്നാ​ൽ മു​നി​സി​പ്പ​ൽ പ്ര​ദേ​ശ​ത്ത് ത​ന്നെ പു​തി​യ ട്ര​ഷ​റി നി​ർ​മാ​ണം ന​ട​ത്താ​നു​ള്ള ശ്ര​മ​മാ​ണ് സ​ർ​ക്കാ​ർ ന​ട​ത്തു​ന്ന​തെ​ന്നും മ​ന്ത്രി പ​റ​ഞ്ഞു.