പത്തനംതിട്ട: നഗരസഭാ ചെയര്പേഴ്സണ് രജനി പ്രദീപിന്റെ നേതൃത്വത്തില് നഗരസഭാ ഹെല്ത്ത് സ്ക്വാഡ്, ലേബര് ഓഫീസ് എന്നിവയുടെ സംയുക്താഭിമുഖ്യത്തില് ഇതരസംസ്ഥാന തൊഴിലാളികളെ താമസിപ്പിക്കുന്ന ലേബര് ക്യാന്പുകളില് പരിശോധന നടത്തി. ക്യാന്പുകള് പ്രവര്ത്തിക്കുന്നത് യാതൊരുവിധ ശുചിത്വ മാനദണ്ഡങ്ങളും പാലിക്കാതെയാണെന്ന് കണ്ടെത്തി. ആവശ്യത്തിന് ശുചിമുറികളും കുളിമുറികളുമില്ലെന്ന് പരിശോധനയില് വ്യക്തമായി. കുമ്പഴയില് 15 തൊഴിലാളികളെ പാര്പ്പിച്ചിരിക്കുന്നിടത്ത് ഒരു ശൗചാലയം പോലുമില്ല. ഇവിടെ താമസിക്കുന്നവര് സമീപത്തെ പുഴയുടെ തീരം പ്രാഥമിക ആവശ്യങ്ങള്ക്ക് ഉപയോഗിക്കുന്നതായി കണ്ടെത്തിയതിനെ തുടര്ന്ന് ക്യാന്പ് അടച്ചു പൂട്ടാന് നടപടി സ്വീകരിച്ചു. ഇത് സംബന്ധിച്ച് ക്യാന്പ് ഉടമകളായ ജോര്ജ്കുട്ടി, അഷ്റഫ് എന്നിവര്ക്ക് നോട്ടീസ് നല്കി. കുമ്പഴയില് വലിയ തോതില് ആക്രി സാധനങ്ങള് കൂട്ടിയിട്ടിരിക്കുന്നത് കണ്ടെത്തിയതിനെ തുടര്ന്ന് സ്ഥാപനത്തിന്റെ ഉടമ മോഹന് ജോസിനും നോട്ടീസ് നല്കി. പത്തനംതിട്ട നഗരസഭാ പ്രദേശത്ത് കൊതുകുജന്യ രോഗങ്ങള് കൂടുതലായി കണ്ട് വരുന്നതിനെത്തുടര്ന്നായിരുന്നു പരിശോധന. നഗരസഭാ വൈസ് ചെയര്മാന് പി.…
Read MoreCategory: Alappuzha
ചെങ്ങന്നൂർ ഉപതെരഞ്ഞെടുപ്പ്; പെരുമാറ്റച്ചട്ടം നിലനിൽക്കെ കണ്സ്യൂമർ ഫെഡിൽ സ്ഥലംമാറ്റ ഉത്തരവ്; വിവാദമായതോടെ പിൻവലിച്ചു
ആലപ്പുഴ: ചെങ്ങന്നൂർ ഉപതെരഞ്ഞെടുപ്പുമായി ബന്ധപ്പെട്ട പെരുമാറ്റചട്ടം നിലവിലിരിക്കെ കണ്സ്യൂമർ ഫെഡിൽ സ്ഥലം മാറ്റ ഉത്തരവ്. റീജണൽ മാനേജരുടെ നടപടി വിവാദമായതോടെ തിങ്കളാഴ്ച വൈകുന്നേരം ഉത്തരവ് പിൻവലിക്കുകയും ചെയ്തു. കഴിഞ്ഞ നാലിനാണ് കണ്സ്യൂമർ ഫെഡ് ആലപ്പുഴ റീജിയണൽ ഓഫീസിന് കീഴിലെ 14 ജീവനക്കാരെ വിവിധ കണ്സ്യൂമർ ഫെഡ് സ്ഥാപനങ്ങളിലേക്ക് മാറ്റിക്കൊണ്ട് ഉത്തരവായത്. സ്ഥിരം ജീവനക്കാരും കണ്സോളിഡേറ്റഡ് ജീവനക്കാരും ഉൾപ്പെടെയുള്ളവരെയാണ് സ്ഥലം മാറ്റിയത്. റീജയണൽ മാനേജരുടെ സ്ഥലം മാറ്റം ഉത്തരവിനെതിരെ വ്യാപക പ്രതിഷേധം ജീവനക്കാരുടെ ഇടയിൽ ഉയർന്നിരുന്നു. ഇതോടൊപ്പം നടപടി പെരുമാറ്റചട്ട ലംഘനമാണെന്ന ആക്ഷേപവുമുയർന്നു. മാനേജരുടെ ഉത്തരവ് കണ്സ്യൂമർ ഫെഡിന്റെ ഉന്നത ഉദ്യോഗസ്ഥരുടെ ശ്രദ്ധയിൽപ്പെട്ടതോടെയാണ് അടിയന്തിരമായി സ്ഥലം മാറ്റ ഉത്തരവ് റദ്ദാക്കിയത്. വിവാദ ഉത്തരവിൽ കണ്സ്യൂമർ ഫെഡ് ആലപ്പുഴ റീജിയണിന് കീഴിലെ പ്രധാന സ്ഥാപനത്തിന്റെ ചുമതലക്കാരനായി സ്ഥിരം ജീവനക്കാരനെ മാറ്റി കണ്സോളിഡേറ്റഡ് ജീവനക്കാരനെ നിയോഗിച്ചതടക്കമുള്ള നടപടികളാണുണ്ടായിരുന്നത്.
Read Moreകോടികളുടെ സ്വത്തുക്കൾക്ക് ഉടമയായ യുവതിയുടെ തിരോധാനം: കേസ് അട്ടിമറിക്കാൻ നീക്കമെന്ന് സൂചന
ചേർത്തല: കോടികളുടെ സ്വത്തുക്കൾക്ക് ഉടമയായ യുവതിയുടെ തിരോധാനവുമായി ബന്ധപ്പെട്ട് വസ്തു ഇടനിലക്കാരനെ പോലീസ് ചോദ്യം ചെയ്തു. അമ്മാവൻ എന്ന വിളിപ്പേരിലറിയപ്പെടുന്ന ഇയാളുടെ മൊഴി ഡിവൈഎസ്പി എ.ജി ലാലിന്റെ നേതൃത്വത്തിലുള്ള അന്വേഷണസംഘമാണ് രേഖപ്പെടുത്തിയത്. ചേർത്തല കടക്കരപ്പള്ളി ആലുങ്കൽ പത്മാനിവാസിൽ ബിന്ദു പത്മനാഭനെ (44) നാലുവർഷമായി കാണാനില്ലെന്നുകാട്ടി ഇറ്റലിയിലുള്ള സഹോദരൻ പി.പ്രവീണ്കുമാർ ആണ് പരാതി നൽകിയിരിക്കുന്നത്.ഇവരുടെ പേരിലുള്ള കോടികൾ വിലമതിക്കുന്ന സ്വത്തുക്കൾ കൈമാറ്റം ചെയ്തിരിക്കുന്നത് വ്യാജരേഖകളുണ്ടാക്കിയാണെന്നാണ് ആക്ഷേപം. കാണാതാകുന്നതിനു മുന്പ് ബിന്ദു റിയൽ എസ്റ്റേറ്റ് ബിസിനസിൽ ഏർപ്പെട്ടിരുന്നതായി ബന്ധക്കളോടു പറഞ്ഞിരുന്നു. പള്ളിപ്പുറം സ്വദേശിയായ വസ്തു ഇടനിലക്കാരനുമായി ചേർന്നായിരുന്നു ഇടപാടുകൾ.ഡ്രൈവറായിരുന്ന ഇയാൾ പിന്നീട് വസ്തു ഇടപാടുകാരനായി മാറുകയായിരുന്നു. ബിന്ദുവിന്റെ കൈകളിലെത്തിയ സ്വത്തുക്കളുടെ ഇടപാടുകൾ നടത്തിയിരുന്നത് ഇയാൾ വഴിയാണെന്നാണ് പ്രാഥമിക അന്വേഷണത്തിൽ കണ്ടെത്തിയിരിക്കുന്നത്. അടുത്തകാലത്തായി ഇയാൾ സാന്പത്തികമായി വലിയനേട്ടങ്ങളുണ്ടാക്കിയത് നാട്ടിൽ ചർച്ചാവിഷയമാണ്. ഇക്കാര്യങ്ങളും പോലീസ് പരിശോധിക്കുന്നുണ്ട്. 2003ലെ വസ്തു ഇടപാടുകൾ സംബന്ധിച്ച വിവരങ്ങൾ…
Read Moreപട്ടാപ്പകൽ ബൈക്ക് മോഷണം: കൗമാരക്കാരനെ കുടുക്കിയത് സിസിടിവി
ആലപ്പുഴ: പട്ടാപ്പകൽ ജനത്തിരക്കേറിയ സ്ഥലത്തുനിന്നും ബൈക്ക് കവർന്ന കൗമാരക്കാരനെ കുടുക്കിയത് സിസിടിവി. കലവൂർ ഓട്ടോ സ്റ്റാൻഡിന് സമീപത്തുനിന്നും കഴിഞ്ഞ ശനിയാഴ്ച ബൈക്ക് കവർന്ന സംഭവത്തിലാണ് കൗമാരക്കാരൻ സിസിടിവിയിൽ കുടുങ്ങിയത്. ബൈക്ക് പാർക്ക് ചെയ്തിരുന്ന സ്ഥലത്തിനുസമീപത്തെ സ്വകാര്യ സ്ഥാപനത്തിന്റെ സിസിടിവിയിൽ പതിഞ്ഞ ദൃശ്യത്തിൽ നിന്നുമാണ് കൗമാരക്കാരനെ പോലീസ് തിരിച്ചറിഞ്ഞു പിടികൂടിയത്. മണ്ണഞ്ചേരി സരിത നിവാസിൽ ശരത്തിന്റെ ബൈക്കാണ് മോഷണം പോയത്. കള്ളത്താക്കോൽ ഉപയോഗിച്ച് ബൈക്ക് മോഷ്ടിച്ച കൗമാരക്കാരൻ ബൈക്കിൽ കറങ്ങുകയും പെട്രോൾ തീർന്നതോടെ വീടിന് സമീപത്തെ ആളൊഴിഞ്ഞ പുരയിടത്തിൽ വാഹനം സൂക്ഷിക്കുകയുമായിരുന്നു. മണ്ണഞ്ചേരി എസ്ഐ ലൈസാദ് മുഹമ്മദിന്റെ നേതൃത്വത്തിലുള്ള പോലീസ് സംഘം പിടികൂടിയ കൗമാരക്കാരനെ ജുവനൈൽ കോടതിയിൽ ഹാജരാക്കി.
Read Moreകയർമേഖലയിലെ കുരുക്കഴിയുന്നില്ല: പ്രക്ഷോഭവുമായി സിപിഐ അനുകൂല സംഘടന
ആലപ്പുഴ: കയർ മേഖലയിലെ പ്രതിസന്ധി പരിഹരിക്കണമെന്ന് ആവശ്യപ്പെട്ട് ചെറുകിട കയർഫാക്ടറി ഉടമകൾ പ്രക്ഷോഭത്തിലേയ്ക്ക്. ഇതിൻറെ ഭാഗമായി കേരളാ സ്റ്റേറ്റ് സ്മാൾ സ്കെയിൽ കയർ മാനുഫാക്ചേഴ്സ് ഫെഡറേഷൻറെ നേതൃത്വത്തിൽ ഒന്പതിന് ചേർത്തല ഷിപ്പേഴ്സ് കൗണ്സിൽ ഓഫിസിന് മുന്നിൽ കൂട്ടധർണ നടത്തുമെന്ന് ഭാരവാഹികൾ പത്രസമ്മേളനത്തിൽ പറഞ്ഞു. ചകിരിയുടേയും കയറിൻറെയും വില അനിയന്ത്രിതമായി വർധിച്ചതു മൂലം ചെറുകിട കയർഫാക്ടറി ഉടമകൾ ദുരിതത്തിലാണ്. ഉല്പാദന ചെലവ് അമിതമായി വർധിച്ചതുമൂലം നിർമാണം നിർത്തിവയ്ക്കേണ്ട അവസ്ഥയിലാണ്. ഒരുകിലോ ചകിരിക്ക് 16.30 രൂപയും വൈക്കം കയറിനു 36 രൂപയും പരിഗണിച്ചുള്ള വിലയാണ് നിലവിൽ കയർ ഉല്പന്നങ്ങൾക്കുള്ളത്. എന്നാൽ ഇപ്പോൾ ചകിരിയുടെ വില 31.75 രൂപയും വൈക്കം കയറിൻറെ വില സബ്സിഡി കൂടാതെ 52 രൂപയായും വർധിച്ചു. കൂടാതെ കയർ ഇതര ഉല്പാദന മേഖലയിലെ സർവീസ് ചാർജും പുതുക്കി തീരുമാനിച്ചിട്ടില്ല. കയർ വ്യവസായത്തിലെ 75 ശതമാനത്തോളം വരുന്ന തടുക്ക്…
Read Moreപട്ടാപ്പകൽ ബൈക്ക് മോഷണം; കൗമാരക്കാരനെ കുടുക്കിയത് സിസിടിവി; പിടികൂടിയ കൗമാരക്കാരനെ ജുവനൈൽ കോടതിയിൽ ഹാജരാക്കി
ആലപ്പുഴ: പട്ടാപ്പകൽ ജനത്തിരക്കേറിയ സ്ഥലത്തുനിന്നും ബൈക്ക് കവർന്ന കൗമാരക്കാരനെ കുടുക്കിയത് സിസിടിവി. കലവൂർ ഓട്ടോ സ്റ്റാൻഡിന് സമീപത്തുനിന്നും കഴിഞ്ഞശനിയാഴ്ച ബൈക്ക് കവർന്ന സംഭവത്തിലാണ് കൗമാരക്കാരൻ സിസിടിവിയിൽ കുടുങ്ങിയത്. ബൈക്ക് പാർക്ക് ചെയ്തിരുന്ന സ്ഥലത്തിനുസമീപത്തെ സ്വകാര്യ സ്ഥാപനത്തിന്റെ സിസിടിവിയിൽ പതിഞ്ഞ ദൃശ്യത്തിൽ നിന്നുമാണ് കൗമാരക്കാരനെ പോലീസ് തിരിച്ചറിഞ്ഞ് പിടികൂടിയത്. മണ്ണഞ്ചേരി സരിത നിവാസിൽ ശരത്തിന്റെ ബൈക്കാണ് മോഷണം പോയത്. കള്ളത്താക്കോൽ ഉപയോഗിച്ച് ബൈക്ക് മോഷ്ടിച്ച കൗമാരക്കാരൻ ബൈക്കിൽ കറങ്ങുകയും പെട്രോൾ തീർന്നതോടെ വീടിന് സമീപത്തെ ആളൊഴിഞ്ഞ പുരയിടത്തിൽ വാഹനം സൂക്ഷിക്കുകയുമായിരുന്നു. മണ്ണഞ്ചേരി എസ്ഐ ലൈസാദ് മുഹമ്മദിന്റെ നേതൃത്വത്തിലുള്ള പോലീസ് സംഘം പിടികൂടിയ കൗമാരക്കാരനെ ജുവനൈൽ കോടതിയിൽ ഹാജരാക്കി.
Read Moreകോടികളുടെ ഉടമയായ യുവതിയുടെ തിരോധാനം;പോലീസ് അന്വേഷണം ഉൗർജിതമാക്കി; സംഭവത്തിനുപിന്നിൽ വൻ റാക്കറ്റെന്ന് സൂചന
ചേർത്തല: വ്യാജരേഖകൾ ചമച്ച് കോടികളുടെ സ്വത്തുക്കൾ കൈക്കലാക്കിയ ശേഷം യുവതിയെ കൊലപ്പെടുത്തിയെന്ന് സംശയിക്കുന്നുവെന്ന പ്രവാസിയായ സഹോദരന്റെ പരാതിയിൽ ചേർത്തല പോലിസ് അന്വേഷണം ഉൗർജിതമാക്കി. സംഭവത്തിനുപിന്നിൽ വൻ മാഫിയസംഘം ഉണ്ടെന്നാണ് സൂചന. കോടികൾ കൈക്കലാക്കിയശേഷം മാഫിയസംഘം യുവതിയെ കൊലപ്പെടുത്താനുള്ള സാധ്യതയും പോലീസ് തള്ളിക്കളയുന്നില്ല. ഇറ്റലിയിലുള്ള കടക്കരപ്പള്ളി ആലുങ്കൽ ജംഗ്ഷന് സമീപം പത്മനിവാസിൽ പി.പ്രവീണ്കുമാറാണ് കാണാതായ സഹോദരി ബിന്ദു(44)വിന്റെ തിരോധാനം സംബന്ധിച്ച് ആഭ്യന്തരവകുപ്പിന് പരാതി നൽകിയത്. ചേർത്തല ഡിവൈഎസ്പി എ.ജി ലാലിന്റെ നേതൃത്വത്തിലുള്ള പ്രത്യേകസംഘമാണ് അന്വേഷിക്കുന്നത്. അച്ഛനും അമ്മയോടും ഒപ്പമാണ് ബിന്ദു താമസിച്ചിരുന്നത്. ജോലി സംബന്ധമായ ആവശ്യത്തിന് പ്രവീണ് വിദേശത്തേക്ക് പോയപ്പോൾ ബിന്ദു എംബിഎ പഠനത്തിന് ബംഗ്ളുരുവിലേക്ക് പോയി. പഠിക്കുന്ന സ്ഥലത്തിന്റെ വിവരമോ ഫോണ് നന്പരോ ബിന്ദു ആർക്കും നൽകിയില്ല. അച്ഛനും അമ്മയും ജീവിച്ചിരിക്കുന്പോൾ തന്നെ രണ്ടുമക്കൾക്കുമായി സ്വത്തുക്കൾ വിൽപത്രത്തിലൂടെ വീതിച്ചിരുന്നു. 2002 സെപ്തംബർ എട്ടിന് അമ്മയും ഇതേവർഷം നവംബർ…
Read Moreമഴക്കെടുതിയിൽ ജില്ലയൊട്ടാകെ വൈദ്യുതി മുടക്കം; സമയബന്ധിതമായി പരിഹരിക്കാനുള്ള നെട്ടോട്ടത്തിൽ തൊഴിലാളികൾ
പത്തനംതിട്ട: വേനൽമഴ കെഎസ്ഇബി തൊഴിലാളികൾക്ക് പൊല്ലാപ്പായി. വൈദ്യുതിതടസം സംബന്ധിച്ച പരാതികൾ വിവിധ കോണുകളിൽ നിന്നുയരുന്പോൾ സമയബന്ധിതമായി ഇതു പരിഹരിക്കാനുള്ള നെട്ടോട്ടത്തിലാണ് തൊഴിലാളികൾ. കഴിഞ്ഞ ഏതാനും ദിവസമായി ജില്ലയുടെ പല ഭാഗങ്ങളിലും വേനൽമഴയ്ക്കൊപ്പം ഇടിമിന്നലും കാറ്റും ഉണ്ടായതോടെയാണ് വൈദ്യുതി തകരാറുകൾ വ്യാപകമായത്. തകരാറുകൾ പരിഹരിക്കാനാവശ്യമായ ജീവനക്കാർ പലയിടത്തും ഡ്യുട്ടിയിലുണ്ടായിരുന്നില്ല. വൈകുന്നേരവും രാത്രിയിലും മഴയ്ക്കൊപ്പം വീശിയടിച്ച കാറ്റിൽ വൈദ്യുതി ലൈനുകൾ പൊട്ടിവീണാണ് തകരാറുകൾ ഏറെയുണ്ടായത്. വൈദ്യുതി പോസ്റ്റുകൾ പലിയിടത്തും ഒടിഞ്ഞുവീണു. സമയബന്ധിതമായി ഇവയ്ക്കൊക്കെ പരിഹാരം കാണാനുള്ള ശ്രമങ്ങൾ പരാജയപ്പെട്ടു. പരമാവധി വേഗത്തിൽ വൈദ്യുതി ബന്ധം പുനഃസ്ഥാപിക്കാനുള്ള ശ്രമമാണ് സെക്ഷൻ ഓഫീസുകൾ കേന്ദ്രീകരിച്ച് നടന്നത്. വൈദ്യുതി ലൈനുകളിൽ കടപുഴകിയ മരങ്ങൾ വെട്ടിമാറ്റി ലൈനുകൾ പുനഃസ്ഥാപിക്കുന്ന ഭാരിച്ച ജോലി പലയിടത്തും ഏറ്റെടുത്തത്. ഇതിനിടെ പരാതികൾ വീണ്ടും കൂടിയതോടെ പല സെക്ഷൻ ഓഫീസുകളിലും ഫോണ് എടുക്കാൻ ആളില്ലെന്ന പരാതി വ്യാപകമായുണ്ടായി. സെക്ഷൻ ഓഫീസുകളിൽ ഫോണ്…
Read Moreവീരേന്ദ്രകുമാറിനെ ഒഴിവാക്കാൻ യുഡിഎഫിനു മടി; പത്തനംതിട്ടയിൽ നാളെ യുഡിഎഫ് നേതൃത്വത്തിൽ നടക്കുന്ന കളക്ടറേറ്റ് മാർച്ചിന്റെ ഫ്ളക്സ് ബോർഡുകളിൽ വീരേന്ദ്രകുമാറിന്റെ ചിത്രവും
പത്തനംതിട്ട: എം.പി. വീരേന്ദ്രകുമാറും ജനതാദളും യുഡിഎഫ് വിട്ടുവെങ്കിലും അദ്ദേഹത്തെ ഒഴിവാക്കാൻ ജില്ലയിലെ യുഡിഎഫുകാർക്ക് താത്പര്യമില്ല. നാളെ നടക്കുന്ന കളക്ടറേറ്റ് മാർച്ചിന്റെ പ്രചാരണത്തിനു സ്ഥാപിച്ചിരിക്കുന്ന എല്ലാ ബോർഡുകളിലും യുഡിഎഫ് സംസ്ഥാന നേതാക്കളുടെ ചിത്രങ്ങളോടൊപ്പം എം.പി. വീരേന്ദ്രകുമാറുമുണ്ട്.
Read Moreചെങ്ങന്നൂർ ഉപതെരഞ്ഞെടുപ്പ്; ആവേശമായി സജിചെറിയാൻ, ആരവമുയർത്തി വിജയകുമാർ, ആദരവോടെ ശ്രീധരൻ പിള്ള
മാന്നാർ: ഉപതെരഞ്ഞടുപ്പിന്റെ ആരവും ആവേശവും അരങ്ങത്ത് ഉയർത്തി മുന്നണി സ്ഥാനാർഥികൾ ഏറെ സജീവമായി. സ്ഥാനാർഥികൾക്കൊപ്പം നേതാക്കളും അണിനിരന്നതോടെ അണികൾക്കും ആവേശമായി. ബൂത്ത് കമ്മറ്റികളിൽ പോലും സംസ്ഥാന നേതാക്കൾ പങ്കെടുത്തുള്ള അവലോകന യോഗങ്ങളാണ് ഇപ്പോൾ തകൃതിയായി നടക്കുന്നത്. ഇനിയുള്ള മൂന്നാഴ്ചക്കാലം കൈയ്യും മെയ്യും മറന്ന് പ്രവർത്തിക്കണമെന്ന ആഹ്വാനത്തോടെയാണ് ബൂത്തുതല അവലോകനം. സ്ഥാനാർത്ഥികൾ എല്ലാവരും പ്രധാന ജംഗ്ഷനുകളിലും വ്യാപാരസ്ഥാപനങ്ങളിലും വോട്ടുതേടുന്നത് മൂന്നാം തവണയാണ്. തുടക്കത്തിൽ മണ്ഡലത്തിലെ സമുദായ നേതാക്കൾ, സഭാ പിതാക്കൻമാർ, പൗരപ്രമുഖർ എന്നിവരെ കണ്ട് ആശിർവാദം വാങ്ങിക്കലും പിന്തുണ അഭ്യർത്ഥിക്കലും നടത്തിയാണ് പ്രചാരണത്തിന് തുടക്കം കുറിച്ചത്. പിന്നീട് വോട്ട് തേടൽ പൊതു സ്ഥലങ്ങളിലായിരുന്നു. കല്യാണ-മരണ വീടുകൾ, ആരാധനാലയങ്ങൾ ഉത്സവ സ്ഥലങ്ങൾ എന്നിവിടങ്ങളിലായിരുന്നു പ്രചാരണം.എന്നാൽ തെരഞ്ഞെടുപ്പ് പ്രഖ്യാപിച്ചതോടെ വീടുകളിലും വ്യാപാര സ്ഥാപനങ്ങളിലും വോട്ട് അഭ്യർത്ഥന നടത്തി തുടങ്ങി. ഇപ്പോൾ പര്യടന പരിപാടികളും തുടങ്ങി. എൽഡിഎഫ് മുൻകൂട്ടി തന്നെ പ്രചാരണ പരിപാടികൾ…
Read More