ആലപ്പുഴ: മുല്ലയ്ക്കലിലെ നൂറ്റാണ്ട് പഴക്കമുള്ള എതിരേല്പ് ആൽ സമീപത്തെ ജ്വല്ലറിക്ക് മുകളിലേക്ക് മറിഞ്ഞു. പ്രസിദ്ധമായ മുല്ലയ്ക്കൽ ചിറപ്പ് മഹോത്സവത്തിലും ക്ഷേത്രത്തിലെ മറ്റു ആചാരാനുഷ്ഠാനങ്ങളിലും ഏറെ പ്രാധാന്യം കൽപ്പിക്കപ്പെട്ടിരുന്ന ആലാണ് ഇത്. അടിഭാഗം ദ്രവിച്ചു തുടങ്ങിയിരുന്ന ആൽ ഇന്നലെ വൈകുന്നേരം അഞ്ചോടെ മറിയുകയായിരുന്നു. ജനത്തിരക്കേറിയ മുല്ലയ്ക്കൽ തെരുവിലെ റോഡിലേക്ക് വൃക്ഷം വീഴാതിരുന്നത് വൻ ദുരന്തം ഒഴിവാക്കി. അപകടസാധ്യത ഒഴിവാക്കുന്നതിന് മാസങ്ങൾക്ക് മുന്പ് വൃക്ഷത്തിന്റെ ശിഖരങ്ങൾ വെട്ടിമാറ്റിയിരുന്നു. കഴിഞ്ഞ ദിവസം വൃക്ഷം അപകടാവസ്ഥയിലാണെന്നു കാണിച്ച് സമീപത്തെ ജ്വല്ലറി ഉടമ ക്ഷേത്രം ഭാരവാഹികൾക്ക് പരാതിയും നൽകിയിരുന്നു. വൃക്ഷം വീണതിനെത്തുടർന്ന് ജ്വല്ലറി കെട്ടിടത്തിന്റെ മുകൾഭാഗത്തിനു സാരമായ കേടുപാടുകൾ സംഭവിച്ചു. റോഡിലേക്ക് വീഴാതെ ജ്വല്ലറി കെട്ടിടത്തിനു സമീപത്തെ ഇലക്ട്രിക് ലൈനുകളിലും തങ്ങി നിന്നതിനാലാണ് അപകടം ഇല്ലാതായത്. പിന്നീട് കെഎസ്ഇബി അധികൃതർ എത്തി ഇലക്ട്രിക് ലൈനുകൾ വേർപെടുത്തി. വൃക്ഷം മറിഞ്ഞ ഉടനെ ഫയർഫോഴ്സ് സ്ഥലത്തെത്തിയിരുന്നു. പോലീസും…
Read MoreCategory: Alappuzha
ചെങ്ങന്നൂരിൽ കേരളാ കോണ്ഗ്രസ് എങ്ങോട്ട്? ജോസ് കെ. മാണി പങ്കെടുക്കുന്ന നിർണായക യോഗം ഇന്ന്; ഒറ്റയ്ക്ക് മത്സരിച്ച് ചെങ്ങന്നൂരിൽ ശകതി തെളിയിക്കണമെന്ന് ഒരു വിഭാഗം കേരളാ കോൺഗ്രസ്
മാന്നാർ: ഉപതെരെഞ്ഞെടുപ്പിന്റെ കാഹളം ഉയരുന്ന ചെങ്ങന്നൂരിൽ ശക്തിതെളിയിക്കാൻ കേരളാകോണ്ഗ്രസും രംഗത്തിറങ്ങുന്നു. മുന്നണികളിലൊന്നും ഇല്ലാതെ നിൽക്കുന്ന കേരളാകോണ്ഗ്രസിനെ കൂടെ കൂട്ടുവാൻ ചെങ്ങന്നൂരിൽ മുന്നണികൾ തമ്മിൽ മത്സരിക്കുന്നതിനിടയിലാണ് ചെങ്ങന്നൂർ നിയോജകമണ്ഡലം കണ്വൻഷൻ ഇന്ന് ചേരുന്നത്. വൈകുന്നേരം നാലിന് ലയണ്സ് ക്ലബ് ഹാളിൽ ചേരുന്ന കണ്വൻഷനിൽ ജോസ് കെ.മാണി എംപി പങ്കെടുക്കുന്നുണ്ട്. ചെങ്ങന്നൂർ മണ്ഡലത്തിൽ എല്ലാ മുണികളും തെരെഞ്ഞെടുപ്പ് പ്രചാരണം ആരംഭിച്ച് കഴിഞ്ഞു. ചെങ്ങന്നൂർ മണ്ഡലത്തിൽ വ്യക്തമായ സ്വാധീനമുള്ള കേരളകോണ്ഗ്രസ് ഇന്നത്തെ കണ്വൻഷനിലൂടെ ശക്തി തെളിയിച്ച് മുന്നണികളെ ശക്തി അറിയിക്കുവാനാണ്് ശ്രമിക്കുന്നത്. എന്നാൽ ഒറ്റയ്ക്ക് മത്സരിച്ച് ചെങ്ങന്നൂരിൽ ശകതി തെളിയിക്കണമെന്ന് വാദിക്കുന്ന ഒരു വിഭാഗവും ഇവിടെയുണ്ട്.വെണ്മണിയിൽ നടന്ന ബ്ലോക്ക് പഞ്ചായത്ത് ഉപതെരെഞ്ഞെടുപ്പിൽ എൽഡിഎഫിനാണ് കേരളാകോണ്ഗ്രസ് പിന്തുണ പ്രഖ്യാപിച്ചത്. വലിയ ഭൂരിപക്ഷത്തിൽ എൽഡിഎഫ് വിജയിക്കുകയും ചെയ്തിരുന്നു. യുഡിഎഫിന്റെ സിറ്റിംഗ് സീറ്റാണ് കേരളാകോണ്ഗ്രസിന്റെ പിന്തുണയോടെ എൽഡിഎഫ് നേടിയത്.ചെങ്ങന്നൂരിൽ കോണ്ഗ്രസും,സിപിഎം,ബിജെപി എന്നൂ പ്രധാന പാർട്ടികൾ കഴിഞ്ഞാൽ…
Read Moreമകന്റെ അടിയേറ്റ് പിതാവ് മരിച്ചു; മദ്യപിച്ചെത്തിയ മകൻ ചെല്ലപ്പനെ മർദിച്ച് അവശനാക്കി; പരിക്കേറ്റ് കിടന്ന ഭർത്താവിനെ ആശുപത്രിയിൽ കൊണ്ടുപോകാൻ സമ്മതിച്ചില്ല; മകൻ പുറത്ത് പോയ സമയത്ത്ആ ശുപത്രിയിലെത്തിച്ചെങ്കിലും രക്ഷിക്കാനായില്ല
പത്തനംതിട്ട: പിതാവ് അടിയേറ്റു മരിച്ചു. സംഭവവുമായി ബന്ധപ്പെട്ട് മകൻ ദീപനെ (26) പോലീസ് കസ്റ്റഡിയിൽ എടുത്തു. പത്തനംതിട്ട മേലേവെട്ടിപ്രം ചാഞ്ഞപാറയ്ക്കൽ വീട്ടിൽ ചെല്ലപ്പനാണ് (62) മരിച്ചത്. ഞായറാഴ്ച രാത്രിയിലാണ് സംഭവം. ചെല്ലപ്പനും ദീപനും മാത്രമാണ് ഈ സമയം വീട്ടിലുണ്ടായിരുന്നത്. ചെല്ലപ്പന്റെ ഭാര്യ പൊന്നമ്മ വീട്ടുജോലിക്കായി മറ്റൊരു വീട്ടിലായിരുന്നു. മദ്യപിച്ചെത്തിയ മകൻ ചെല്ലപ്പനെ മർദിക്കുകയായിരുന്നെന്ന് പോലീസ് പറഞ്ഞു. ബഹളവും വഴക്കും പതിവായിരുന്നതിനാൽ അയൽവാസികൾ അവിടേക്ക് പോയിരുന്നില്ല.പൊന്നമ്മ ഇന്നലെ രാവിലെ വീട്ടിലെത്തിയപ്പോൾ ചെല്ലപ്പനെ അവശനായി കാണപ്പെട്ടു. പിതാവിനെ ആശുപത്രിയിൽ കൊണ്ടുപോകാൻ ദീപൻ സമ്മതിച്ചില്ല. ഇന്നലെ ഉച്ചയോടെ ചെല്ലപ്പൻ അബോധാവസ്ഥയിലായി. ദീപൻ വീട്ടിൽ നിന്നു പോയപ്പോൾ പൊന്നമ്മ അയൽവാസികളെ വിളിച്ചുവരുത്തി. വൈകുന്നേരം നാലോടെ പത്തനംതിട്ട ജനറൽ ആശുപത്രിയിലെത്തിച്ചപ്പോഴേക്കും മരണം സംഭവിച്ചിരുന്നതായി ആശുപത്രി അധികൃതർ പറഞ്ഞു. മൃതദേഹം കോട്ടയം മെഡിക്കൽ കോളജ് ആശുപത്രിയിൽ പോസ്റ്റുമോർട്ടത്തിനു ശേഷം ബന്ധുക്കൾക്കു വിട്ടുകൊടുക്കും. ചെല്ലപ്പനും ദീപനും കൂലിപ്പണിക്കാരാണ്.…
Read Moreതുരുമ്പെടുത്ത് നശിക്കുന്നത് ലക്ഷങ്ങൾ..! നഗരസഭയുടെ ഉപയോഗ ശൂന്യമായ വാഹനങ്ങൾ തുരുമ്പെടുത്ത് നശിക്കുന്നു; അധികൃതരുടെ അനാസ്ഥയിൽ നഗരസഭയ്ക്ക് നഷ്ടം ലക്ഷങ്ങൾ
കായംകുളം: നഗരസഭയുടെ ഉപയോഗ ശൂന്യമായ വാഹനങ്ങൾ തുരുന്പെടുത്ത് നശിച്ചിട്ടും ലേലം ചെയ്തു മുതൽ കൂട്ടാൻ നടപടിയില്ല. വാഹനങ്ങൾ യഥാസമയം ലേലം ചെയ്തു നൽകാത്തത് കാരണം നഗരസഭയ്ക്കു ലക്ഷങ്ങളുടെ നഷ്ടമാണ് സംഭവിക്കുന്നത്. കാലപ്പഴക്കത്താലും അറ്റകുറ്റപ്പണികൾ സമയോചിതമായി നടത്താത്തത് മൂലം ഉപയോഗിക്കാൻ കഴിയാതെ നഗരസഭാവക സ്ഥലത്ത് ഉപേക്ഷിച്ചിരിക്കുന്ന മൂന്നു ഗാർബേജ് ലോറികളും ഒരു അംബാസിഡർ കാറും ഒരു ട്രാക്ടറുമാണ് ലേലം ചെയ്യാതെ മാലിന്യ കൂന്പാരത്തിലേക്കു മാസങ്ങളായി മാറ്റിയിട്ടിരിക്കുന്നത്. നഗരസഭാ സൗന്ദര്യവത്കരണ പ്രവർത്തനങ്ങളുടെ ഭാഗമായി പോലീസ് സ്റ്റേഷനു സമീപമുള്ള ലോറി സ്റ്റാൻഡിനു പിറകിലേക്കാണ് ഈ വാഹനങ്ങൾ തള്ളിയിരിക്കുന്നത്. വാഹനങ്ങൾ യഥാസമയം ലേലം ചെയ്തിരുന്നുവെങ്കിൽ രണ്ടാംവിലയായി ലക്ഷങ്ങൾ നഗരസഭയ്ക്കു ലഭിക്കുമായിരുന്നു. എന്നാലിപ്പോൾ തുരുന്പ് വിലപോലും ലഭിക്കാതെ ഈ വാഹനങ്ങൾ നശിച്ചുകൊണ്ടിരിക്കുകയാണ്. നഗരസഭാധികൃതരുടെ അനാസ്ഥമൂലമാണ് ലക്ഷങ്ങൾ ലഭിക്കേണ്ടിയിരുന്ന വാഹനങ്ങൾ ലേലം ചെയ്യാതിട്ടിരിക്കുന്നതെന്നാണ് ആക്ഷേപം. ഉപയോഗശൂന്യമായ വാഹനങ്ങൾ ഉടൻ ലേലം ചെയ്യണമെന്ന് ആവശ്യപ്പെട്ട് നഗരസഭാ സെക്രട്ടറിക്ക്…
Read Moreഒരുങ്ങിയിറങ്ങിയാൽ കള്ളിയാണെന്ന് പറയുകയില്ല..! ഉത്സവ സ്ഥലത്തെ തിരക്കിനിടയിൽ വീട്ടമ്മയുടെ മാല മോഷ്ടിച്ച യുവതിയെ പോലീസ് കൈയോടെ പൊക്കി; മല്ലികയുടെ മോഷണക്കഥകൾ സിനിമയെ വെല്ലുന്നത്
ചാരുംമൂട്: ഉത്സവ സ്ഥലത്തെ തിരക്കിനിടയിൽ വീട്ടമ്മയുടെ കഴുത്തിൽ നിന്നും മാല മോഷ്ടിച്ച യുവതിയെ പോലീസ് നിമിഷങ്ങൾക്കുള്ളിൽ പൊക്കി. തമിഴ്നാട് സ്വദേശിനിയായ യുവതിയാണ് പോലീസ് പിടിയിലായത്. തമിഴ്നാട് കോയന്പത്തൂർ സിങ്കനല്ലൂർ മാരിയമ്മൻ തെരുവിൽ ഡോർ നന്പർ പത്തിൽ മല്ലിക (21) നെയാണ് നൂറനാട് പോലീസ് കഴിഞ്ഞ ദിവസം രാത്രി പിടികൂടിയത്. നൂറനാട് എരുമക്കുഴി മംഗളാകുറ്റിയിൽ നാരായണന്റെ ഭാര്യ കൗസല്യയുടെ കഴുത്തിൽ കിടന്ന മൂന്നു പവന്റെ മാലയാണ് ഇവർ അപഹരിച്ചത്. നൂറനാട് മറ്റപ്പള്ളി കരിമാൻകാവ് ക്ഷേത്രത്തിലെ ഉത്സവത്തിരക്കിനിടയിൽ കഴിഞ്ഞ ദിവസമാണ് സംഭവം. രാത്രി പത്തോടെ ക്ഷേത്രത്തിലെ ശ്രീകോവിലിനു മുന്പിൽ തൊഴുതു നിന്ന കൗസല്യയുടെ മാല സമീപത്തു നിന്ന മല്ലിക അതി വിദ്ഗദ്ധമായി പൊട്ടിച്ചെടുക്കുകയായിരുന്നു. തൊഴുതു കഴിഞ്ഞപ്പോൾ കൗസല്യ കഴുത്തിൽ ശ്രദ്ധിച്ചപ്പോഴാണ് മാല നഷ്ടപ്പെട്ട വിവരം അറിഞ്ഞത്. ഉടൻ തന്നെ ക്ഷേത്ര ഭാരവാഹികളെ വിവരമറിയിക്കുകയും തുടർന്ന് വിവരമറിഞ്ഞ് പോലീസ് സ്ഥലത്ത് എത്തുകയുമായിരുന്നു.…
Read Moreആശിർവദിക്കൂ, വിജയിപ്പിക്കൂ..! ചെങ്ങന്നൂർ ഉപതെരഞ്ഞെടുപ്പിൽ എൽഡിഎഫിനൊപ്പം; രാഷ്ട്രീയത്തിൽ മാന്യതയും ആദർശവും നഷ്ടപ്പെടുകയാണെന്ന് പിള്ള
കണ്ണൂർ: വരാനിരിക്കുന്ന ചെങ്ങന്നൂർ ഉപതെരഞ്ഞെടുപ്പിൽ എൽഡിഎഫിനൊപ്പമാണെന്ന് വ്യക്തമാക്കി കേരള കോൺഗ്രസ്-ബി ചെയർമാൻ ആർ. ബാലകൃഷ്ണപിള്ള. ഇടതു സ്ഥാനാർഥിയെ വൻഭൂരിപക്ഷത്തോടെ വിജയിപ്പിക്കാനുള്ള പ്രവർത്തനങ്ങൾ പ്രവർത്തകർ നടത്തണമെന്ന് അദ്ദേഹം പറഞ്ഞു. കേരള കോൺഗ്രസ്-ബിയുടെ സംസ്ഥാന ക്യാമ്പ് ഉദ്ഘാടനം ചെയ്തു പ്രസംഗിക്കുകയായിരുന്നു അദ്ദേഹം.രാഷ്ട്രീയത്തിൽ മാന്യതയും ആദർശവും നഷ്ടപ്പെടുകയാണ്. ഇതു വീണ്ടെടുക്കാനുള്ള സാഹചര്യം യുവാക്കൾ സൃഷ്ടിക്കണം. തെറിപറഞ്ഞു പലരും ഫേസ്ബുക്കിൽ പ്രത്യക്ഷപ്പെടുന്നു. എകെജി, ഉമ്മൻ ചാണ്ടി, രാഹുൽ ഗാന്ധി, സോണിയ ഗാന്ധി തുടങ്ങിയവരുമായി ചില കാര്യങ്ങളിൽ അഭിപ്രായവ്യത്യാസമുണ്ട്. അതിന്റെ പേരിൽ വ്യക്തിഹത്യ നടത്തരുത്. പ്രതികരണശേഷി നഷ്ടപ്പെട്ട സമൂഹമാണോ കേരളത്തിലുള്ളതെന്നും പിള്ള ചോദിച്ചു.
Read Moreഉഗ്രശബ്ദത്തോടെ സ്ഫോടനം! ആചാരവെടി എല്ലാവരും അറിഞ്ഞ്; അനുമതിയില്ലായിരുന്നെന്ന് അധികൃതർ; കിലോമീറ്ററുകൾക്കപ്പുറത്ത് നടുക്കം
തിരുവല്ല: ഉഗ്രസ്ഫോടനത്തിന്റെ പ്രകന്പനത്തിൽ നാട് നടുങ്ങി. ഇന്നലെ രാവിലെ 9.15 ഓടെ പ്രത്യക്ഷ രക്ഷാദൈവസഭയുടെ ഇരവി പേരൂരിലുള്ള ആസ്ഥാനമന്ദിരത്തിലുണ്ടായ വെടിക്കെട്ട് അപകടത്തിൽ ഏഴ്കിലോമീറ്റർ ചുറ്റളവിൽ വരെ വലിയ ശബ്ദം കേട്ടിരുന്നു. ഇരവിപേരൂരിലെ ആചാരവെടിയെക്കുറിച്ച് പ്രദേശവാസികൾക്ക് അറിയാമായിരുന്നതിനാൽ അതായിരിക്കുമെന്ന് ആദ്യം കരുതി. എന്നാൽ അപകടവാർത്ത പരക്കുകയും ഒട്ടേറെപേർക്ക് ജീവഹാനി സംഭവിച്ചതായി അഭ്യൂഹങ്ങൾ ഉണ്ടാകുകയും ചെയ്തതോടെ നാട് മുഴുവൻ പൊയ്കകയിൽപ്പടിയിലേക്ക് ഒഴുകി. മരിച്ചവരും പരിക്കേറ്റവരും ആരെന്നറിയാതെ ശ്രീകുമാരദേവന്റെ ജന്മദിനാഘോഷത്തിൽ പങ്കെടുക്കാനെത്തിയ വിശ്വാസികൾ അലമുറയിട്ടുകൊണ്ട് മന്ദിരത്തിന് ചുറ്റം കറങ്ങി. ചിലർ തിരുവല്ലയിലെ വിവിധ ആശുപത്രികളിലെത്തി തങ്ങളുടെ ബന്ധുക്കളാണോയെന്ന് അന്വേഷിക്കുന്നത് കാണാമായിരുന്നു. അപകടം നടന്ന സ്ഥലത്തിന്റെ സമീപത്തുള്ള നിരവധി വീടുകൾക്ക് കേടുപാടുകൾ സംഭവിച്ചതും നാട്ടുകാരെ കൂടുതൽ പരിഭ്രാന്തരാക്കി. 140 വർഷത്തെ ആഘോഷത്തിനിടെ ആദ്യത്തെ അനിഷ്ട സംഭവം ആയതിനാൽ ഭരണസമിതിയും എന്ത് ചെയ്യണമെന്നറിയാതെ പകച്ചു. വെളളിയാഴ്ച വൈകുന്നേരം നടന്ന ഘോഷയാത്രയിലും തുടർന്ന് കലാപരിപാടിയിലും ആയിരക്കണക്കിന്…
Read Moreആ മൊഴി രാഷ്ട്രീയ പ്രേരിതം! പ്രമുഖ രാഷ്ട്രീയ കക്ഷികളുടെ നേതാക്കന്മാര് പ്രതിഭാഗം സാക്ഷികളായി എത്തിയിട്ടും ഫലമുണ്ടായില്ല; ഒമ്പതുവയസുകാരിയെ പീഡിപ്പിച്ച യുവാവിന് കഠിനതടവ്
പത്തനംതിട്ട: ഒന്പതുവയസുള്ള സ്കൂൾ വിദ്യാർഥിനിയെ ലൈംഗികമായി പീഡിപ്പിച്ച കേസിൽ ഏനാദിമംഗലം മാരൂർ കുറുന്പുകര ബാബുവിലാസത്തിൽ വിനീഷിനെ (25) പത്തനംതിട്ട പോക്സോ സ്പെഷൽ കോടതി ജഡ്ജി എൻ. ഹരികുമാർ ശിക്ഷിച്ചു. ഏഴുവർഷം കഠിനതടവും 25,000 രൂപ പിഴയും അടയ്ക്കാനാണ് വിധി. പിഴ ഒടുക്കാത്ത പക്ഷം ആരുമാസം കഠിനതടവ് കൂടി അനുഭവിക്കണം. പിഴയായി ഒടുക്കുന്ന തുക ഇരയായ പെൺകുട്ടിക്ക് നൽകാനും കോടതി ഉത്തരവായി.2013 നവംബർ അഞ്ചിന് വൈകുന്നേരം 5.30നാണ് കേസിനാസ്പദമായ സംഭവം. കുട്ടിയെ തന്റെ വീട്ടിലേക്ക് വിളിച്ചുവരുത്തി മുറിക്കകത്തുകൊണ്ടുപോയി പീഡിപ്പിച്ചെന്നാണ് കേസ്. ഏനാത്ത് എസ്ഐ ആയിരുന്ന ജയകുമാർ രജിസ്റ്റർ ചെയ്ത കേസിൽ കുട്ടിയുടെ മാതാവ് കുട്ടിയോടൊപ്പം സ്റ്റേഷനിലെത്തി മൊഴി നൽകിയിരുന്നു. പ്രമുഖ രാഷ്ട്രീകക്ഷികളുടെ നേതാക്കൻമാർ പ്രതിഭാഗം സാക്ഷികളായി കോടതി മുന്പാകെ മൊഴി നൽകിയിരുന്നുവെങ്കിലും അവരുടെ മൊഴി അവിശ്വസനീയമാണെന്നും രാഷ്ട്രീയപ്രേരിതമാണെന്നും കോടതി കണ്ടെത്തി. പ്രോസിക്യൂഷനുവേണ്ടി സ്പെഷൽ പബ്ലിക് പ്രോസിക്യൂട്ർ പി.എ. ഹൻസലാഹ്…
Read Moreകഞ്ചാവ് വിൽപനയ്ക്ക് ഭാര്യയുടെ ബന്ധുവായ യുവതിയെ ഉപയോഗിച്ചു; അടുത്തയിടെ ഇരുവരും പിണങ്ങിയതോടെ കഞ്ചാവ് കച്ചവടം പുറത്താകുമെന്ന ഭയത്താൽ യുവതിയെ ഭീഷണിപ്പെടുത്തി; 22കാരിയുടെ മരണത്തിൽ പുറത്തുവരുന്ന കഥകൾ ഞെട്ടിക്കുന്നത്
മാന്നാർ കുട്ടന്പേരുർ മുട്ടേലിൽ യുവതി തൂങ്ങിമരിച്ച സംഭവത്തിൽ അയൽവാസിയും ബന്ധുവുമായ യുവാവിനെ മാന്നാർ പോലീസ് അറസ്റ്റ് ചെയ്തു. മുട്ടേൽ കരിയിൽ വീട്ടിൽ രവിയുടെ ഏകമകൾ വന്ദന (22) ആത്മഹത്യ ചെയ്ത കേസിൽ പ്രേരണാ കുറ്റം ചുമത്തിയാണ് കരിയിൽ കളത്തിൽ വീട്ടിൽ സുരേഷ് കുമാറി(36)നെ അറസ്റ്റ് ചെയ്തത്. സുരേഷ് കുമാറിന്റെ ഭാര്യയുടെ ബന്ധുവായ വന്ദനയും സുരേഷ്കുമാറുമായി അടുപ്പത്തിലായിരുന്നുവെന്നും കഞ്ചാവ് വില്പനയുൾപ്പെടെ നിരവധി കേസുകളിൽ പ്രതിയായിട്ടുള്ള ഇയാൾ വില്പനയ്ക്കായി വന്ദനയേയും ഉപയോഗിച്ചിരുന്നുവെന്നും പോലീസ് പറഞ്ഞു. എന്നാൽ, അടുത്ത നാളിൽ ഇരുവരും അകന്നതോടെ സുരേഷിനു വൈരാഗ്യമായി. ശിവരാത്രി ദിനത്തിൽ എറണാകുളത്ത് നടന്ന പരിപാടിയിൽ പങ്കെടുത്തു തിരികെ വരുന്ന വഴി പ്രതി യുവതിയെ ഫോണിൽ വിളിച്ച് ഭീഷണിപ്പെടുത്തുകയും, ഞാൻ തിരികെ അവിടെ എത്തുന്നതിനു മുൻപേ നീ മരിച്ചിരിക്കണമെന്നു പറയുകയും ചെയ്തുവെന്നും പോലീസ് പറഞ്ഞു. അല്ലെങ്കിൽ മാതാപിതാക്കളുൾപ്പെടെ മൂവരെയും ഇല്ലാതാക്കുമെന്നു മുന്നറിയിപ്പും നൽകിയത്രേ. പ്രതി…
Read Moreകറിക്കത്തി കൊലക്കത്തിയാക്കി..! സ്വത്തുതർക്കത്തെ തുടർന്ന് ഭർതൃസഹോദരൻ യുവതിയെ കുത്തിക്കൊന്നു; ശാരീരിക ന്യൂനതയുള്ള പ്രതി കൊലനടത്തിയശേഷം പോലീസ് സ്റ്റേഷനിലെത്തി കീഴടങ്ങി; സംഭവത്തെപ്പറ്റി നാട്ടുകാർ പറയുന്നതിങ്ങനെ…
മങ്കൊന്പ്: വീടിനുള്ളിൽ യുവതിയെ കുത്തേറ്റു മരിച്ച നിലയിൽ കണ്ടെത്തി. സംഭവവുമായി ബന്ധപ്പെട്ട് ഭർതൃസഹോദരൻ പരിക്കേറ്റ നിലയിൽ പോലീസിൽ കീഴടങ്ങി. കൈനകരി സ്വദേശി ബിജുവിന്റെ ഭാര്യ റോസി(30) ആണ് മരിച്ചത്. ബിജുവിന്റെ ജ്യേഷ്ഠ സഹോദരൻ ശാരീരിക ന്യൂനതയുള്ള ബോണി (45) ആണ് പോലീസിൽ കീഴടങ്ങിയത്. ഇരുകൈകളിലും മുറിവേറ്റ ഇയാളെ കോട്ടയം മെഡിക്കൽ കോളജ് ആശുപത്രിയിൽ പ്രവേശിപ്പിച്ചു. ഇന്നലെ ഉച്ചയ്ക്ക് പന്ത്രണ്ടോടെയായിരുന്നു സംഭവം. സംഭവത്തെപ്പറ്റി പോലീസും നാട്ടുകാരും പറയുന്നതിങ്ങനെ: ബിജുവും കുടുംബവും പ്രതി ബോണിയും ഒരേ വീട്ടിലായിരുന്നു താമസിച്ചിരുന്നത്. സംഭവസമയത്ത് കൊല്ലപ്പെട്ട റോസി മാത്രമായിരുന്നു വീട്ടിലുണ്ടായിരുന്നത്. സമീപത്തെ വീടുകളിലും ആരുമുണ്ടായിരുന്നില്ല. ഭർത്താവ് ബിജു ജോലിക്കു പോയിരിക്കുകയായിരുന്നു. മൂത്തകുട്ടി റോസിയുടെ കുടുംബവീട്ടിലും ഇളയകുട്ടി അങ്കണവാടിയിലുമായിരുന്നു. 12ഓടെ ഇളയ കുട്ടിയെ വിളിക്കാൻ റോസി അങ്കണവാടിയിലെത്താതിരുന്നതിനെ തുടർന്ന് അധ്യാപിക കുട്ടിയുമായി ഇവരുടെ വീട്ടിലെത്തി. വാതിലിനടുത്തെത്തിയപ്പോൾ രക്തക്കറ ശ്രദ്ധയിൽപ്പെട്ടതിനെ തുടർന്ന് നാട്ടുകാരെ വിവരമറിയിച്ചു. വിവരമറിഞ്ഞെത്തിയ നാട്ടുകാരാണ്…
Read More