തിരുവനന്തപുരം: മന്ത്രി തോമസ് ചാണ്ടിയുടെ ഉടമസ്ഥതയിലുള്ള റിസോർട്ടിന്റെ ആലപ്പുഴയിലെ കായൽ കൈയേറ്റം സ്ഥിരീകരിക്കുന്ന ജില്ലാ കളക്ടറുടെ റിപ്പോർട്ട് അട്ടിമറിക്കാൻ മന്ത്രിയുടെ നീക്കം. കളക്ടറുടെ റിപ്പോർട്ട് കോടതിയലക്ഷ്യമാണെന്നു ചൂണ്ടിക്കാട്ടി റവന്യൂ സെക്രട്ടറിക്കു മന്ത്രിയുടെ ഉടമസ്ഥതയിലുള്ള വാട്ടർവേൾഡ് കന്പനി കത്തുനൽകി. റിപ്പോർട്ടിൻമേൽ സർക്കാർ നടപടിയെടുക്കാനൊരുങ്ങവെയാണു മന്ത്രിയുടെ നീക്കം. കളക്ടറുടെ റിപ്പോർട്ടിന്റെ പകർപ്പ് തനിക്കു നൽകിയില്ലെന്ന വിചിത്ര വാദവും മന്ത്രി കത്തിൽ ഉയർത്തുന്നു. മാർത്താണ്ഡം കായൽ കൈയേറ്റ വിഷയം കോടതിയുടെ പരിഗണനയിലാണെന്ന വാദമുയർത്തുന്ന മന്ത്രി, ആലപ്പുഴ കളക്ടറുടെ റിപ്പോർട്ടിൻമേൽ നടപടിയെടുക്കരുതെന്നും നടപടിയെടുത്താൽ അത് കോടതി അലക്ഷ്യമാവുമെന്നും വാദമുയർത്തുന്നു. കളക്ടർ സ്വാഭാവിക നീതി നിഷേധിച്ചെന്നും കത്തിൽ ആരോപണമുണ്ട്. മന്ത്രിയുടെ കായൽ കൈയേറ്റം സ്ഥിരീകരിച്ച് ജില്ലാ കളക്ടറുടെ റിപ്പോർട്ട് സർക്കാരിനു സമർപ്പിച്ചിരുന്നു. മാർത്താണ്ഡം കായൽ മണ്ണിട്ടു നികത്തി പാർക്കിംഗ് പ്രദേശമാക്കിയെന്നും പൊതുവഴി കൈയേറി മന്ത്രിയുടെ ഉടമസ്ഥതയിലുള്ള ഭൂമിയിൽ ലയിപ്പിച്ചെന്നും ആലപ്പുഴ ജില്ലാ കളക്ടർ ടി.വി.…
Read MoreCategory: Alappuzha
മുഖ്യമന്ത്രിയുടെ ശബരിമല സന്ദർശനത്തിൽ സുരക്ഷാ ഡ്യൂട്ടിക്കു പോകാതിരുന്ന പോലീസുകാരന് സസ്പെൻഷൻ
പത്തനംതിട്ട: മുഖ്യമന്ത്രിയുടെ ശബരിമല സന്ദർശനത്തോടനുബന്ധിച്ച സുരക്ഷാ ഡ്യൂട്ടിക്കു നിയോഗിക്കപ്പെട്ട പോലീസുകാരൻ മുങ്ങിയ സംഭവത്തിൽ നടപടി. മുൻകൂർ അനുമതിയില്ലാതെ ഡ്യൂട്ടിക്ക് ഹാജരാകാതിരുന്ന എആർ ക്യാന്പിലെ സിവിൽ പോലീസ് ഓഫീസർ പന്തളം സ്വദേശി താജുദ്ദീനെ ജില്ലാ പോലീസ് മേധാവി സർവീസിൽ നിന്നു സസ്പെൻഡ് ചെയ്തു. പന്പ സിഐ എം.കെ. വിജയന്റെ റിപ്പോർട്ടിന്റെ അടിസ്ഥാനത്തിലാണ് നടപടി.16നു രാത്രി പന്പയിലെത്തിയ മുഖ്യമന്ത്രിക്ക് അധികസുരക്ഷയ്ക്കായി 10 പോലീസുകാരെയാണ് നിയോഗിച്ചിരുന്നത്. ഡിവൈഎസ്പി കെ.എ. വിദ്യാധരനായിരുന്നു ഏകോപനച്ചുമതല. താജുദ്ദീനെ വിളിച്ച് സന്നിധാനത്ത് എത്താൻ ആവശ്യപ്പെട്ടെങ്കിലും പന്പയിൽ ഡ്യൂട്ടിയിലാണെന്നായിരുന്നു മറുപടി. പിന്നീട് വിളിച്ചപ്പോൾ ഫോണിൽ കിട്ടിയില്ല. തുടർന്ന് പന്പ സിഐ നടത്തിയ അന്വേഷണത്തിൽ താജുദ്ദീന്റെ ഭാഗത്തു വീഴ്ചയുള്ളതായി കണ്ടെത്തി. തുടർന്നാണ് നടപടിക്കു ശിപാർശ ചെയ്തത്.
Read Moreഹരിപ്പാട് കെഎസ്ആർടിസി ബസുകൾ കൂട്ടിയിച്ച് 53 പേർക്ക് പരിക്ക്; മറ്റൊരു വാഹനത്തിനെ മറികടക്കുന്നതിനിടെ ബസുകൾ തമ്മിൽ കൂട്ടിയിടിക്കുകയായിരുന്നു
ഹരിപ്പാട് : താമല്ലാക്കൽ ജംഗ്ഷന് സമീപം ഇന്ന് രാവിലെ ഒന്പതോടെ രണ്ട് കെഎസ്ആർടിസി സൂപ്പർ ഫാസ്റ്റുകൾ കൂട്ടിയിടിച്ചു. 53 പേർക്ക് പരിക്ക്. അങ്കമാലിയിൽ നിന്നും തിരുവനന്തപുരത്തേക്ക് പോകുകയായിരുന്നു അങ്കമാലി ഡിപ്പോയുടെ സൂപ്പർ ഫാസ്റ്റ് ബസും തിരുവനന്തപുരത്തുനിന്നും മലപ്പുറത്തേക്ക് പോകുകയായിരുന്ന മലപ്പുറം ഡിപ്പോയുടെ സൂപ്പർ ഫാസ്റ്റു ബസുമാണ് കൂട്ടിയിടിച്ചത്. അങ്കമാലിയിൽ നിന്നും തിരുവനന്തപുരത്തേക്ക് പോകുകയായിരുന്നു ബസ് മറ്റൊരു വാഹനത്തിനെ ഓവർടേക്ക് ചെയ്തു മലപ്പുറം ബസിൽ ഇടിക്കുകയായിരുന്നു. മഴ പെയ്ത് റോഡ് വെള്ളമായിരുന്നതിനാൽ ബ്രേക്ക് ചെയ്തെങ്കിലും റോഡിൽ തെന്നി ഇരുബസിന്റെയും ഡ്രൈവർ സൈഡുകൾ ഇടിക്കുകയായിരുന്നു. പരിക്കേറ്റവരെ ഹരിപ്പാട് ഗവണ്മെന്റ് ആശുപത്രിയിൽ പ്രവേശിപ്പിച്ചു. ആരുടെയും പരിക്ക് ഗുരുതരമല്ല.
Read Moreചെങ്ങന്നൂരിനു സമീപമുണ്ടായ വാഹനാപകടത്തിൽ മൂന്നു മരണം; നാലുപേരിൽ ഒരാളെയും ബൈക്കും ഇതുവരെ കണ്ടുകിട്ടിയിട്ടില്ല
മാവേലിക്കര: ചെങ്ങന്നൂരിൽ ബൈക്കും കാറും കൂട്ടിയിടിച്ച് മൂന്നു യുവാക്കൾ മരിച്ചു. കോട്ടയം ഏറ്റുമാനൂർ സ്വദേശികളായ അഖിൽ സ്റ്റീഫൻ (20), മിഥുൻ (23), കോട്ടയം സ്വദേശിയായ നിധിൻ മോഹൻ (22) എന്നിവരാണ് മരിച്ചത്. കാരക്കാട് വെട്ടിപിടിക ജംഗ്ഷന് സമീപം ഇന്നലെ രാത്രി 11.15 ഓടെയാണ് അപകടമെന്ന് പറയപ്പെടുന്നു. ഇവർ സഞ്ചരിച്ചിരുന്നു രണ്ട് പൾസർ ബൈക്കുകൾ എതിരെ വന്ന് എത്തിയോസ് ടൊയോട്ട കാറുമായി കൂട്ടിയിടിക്കുകയായിരുന്നു. രണ്ട് ബൈക്കുകളിലായി നാലുപേരടങ്ങുന്ന സംഘം പന്തളത്തുള്ള സുഹൃത്തിന്റെ വീട്ടിലേക്കെത്തിയതാണെന്ന് പോലീസ് സ്ഥിരീകരിച്ചിട്ടുണ്ട്. രണ്ടുപേർ ചെങ്ങന്നൂരിലെ സ്വകാര്യ ആശുപത്രിയിലും മിഥുൻ (23) രാവിലെ ഒന്പതോടുകൂടി വണ്ടാനം മെഡിക്കൽ കോളജിലും മരണമടയുകയായിരുന്നു. അതേസമയം ഇവരോടൊപ്പമുണ്ടായിരുന്നു എന്നു കരുതുന്ന നാലാമനും ബൈക്കിനും വേണ്ടി രാത്രിയിൽ തന്നെ പോലീസ് തെരച്ചിൽ നടത്തിയെങ്കിലും ഇതുവരെ കണ്ടുകിട്ടിയിട്ടില്ല. ഇയാളുടെ പേരോ മേൽവിലാസമോ ഒന്നും തന്നെ ലഭ്യമായിട്ടില്ലെന്നും പോലീസ് അറിയിച്ചു.
Read Moreഹർത്താൽ ദിവസം യുവാവിന് പോലീസിന്റെ ക്രൂരമർദനം; സിഐ നേരിട്ട് ഹാജരായി വിശദീകരണം നൽകാൻ മനുഷ്യാവകാശ കമ്മീഷൻ ഉത്തരവ്
ആലപ്പുഴ: ഹരിപ്പാട് കുമാരപുരം സർവീസ് സഹകരണബാങ്ക് ഉദ്യോഗസ്ഥനെ കഴിഞ്ഞ ദിവസത്തെ ഹർത്താൽ ദിനത്തിൽ ഹരിപ്പാട് പോലീസ് കസ്റ്റഡിയിലെടുത്ത് മർദിച്ച സംഭവത്തിൽ ഹരിപ്പാട് സിഐ ടി. മനോജിനെ സംസ്ഥാന മനുഷ്യാവകാശ കമ്മീഷൻ വിളിച്ചു വരുത്തും. നവംബർ 13ന് ആലപ്പുഴ ഗവ. ഗസ്റ്റ്ഹൗസിൽ നടക്കുന്ന സിറ്റിംഗിൽ നേരിൽ ഹാജരായി വിശദീകരണം സമർപ്പിക്കാനാണ് സിഐക്കു കമ്മീഷൻ ആക്ടിംഗ് അധ്യക്ഷൻ പി. മോഹനദാസ് ഉത്തരവ് നൽകിയത്. സംഭവം ഡിവൈഎസ്പി റാങ്കിൽ കുറയാത്ത ഒരു ഉദ്യോഗസ്ഥൻ അന്വേഷിച്ച് മൂന്നാഴ്ചയ്ക്കകം റിപ്പോർട്ട് ഫയൽ ചെയ്യണമെന്ന് കമ്മീഷൻ ജില്ലാ പോലീസ് മേധാവിക്ക് നിർദേശം നൽകി. കാർത്തികപ്പള്ളി കുമാരപുരം താമല്ലായ്ക്കൽ തെക്കുംമുറിയിൽ അശ്വതി സമർപ്പിച്ച പരാതിയിലാണ് ഉത്തരവ്. അശ്വതിയുടെ ഭർത്താവ് അരുണിനെയാണ് പ്രത്യേക കാരണങ്ങൾ കൂടാതെ ഹരിപ്പാട് സ്റ്റേഷനിലെ സിവിൽ പോലീസ് ഓഫീസർ അഞ്ജുനാഥ് അരുണിൻറെ വീട്ടിൽനിന്നും കസ്റ്റഡിയിലെടുത്തത്. ജോലിയിൽ പ്രവേശിക്കുന്നതിനു മുന്പ് പൊതുപ്രവർത്തകനായിരുന്നു അരുണ്. ഹരിപ്പാട് എസ്ഐ…
Read Moreതട്ടിയെടുക്കുന്നത് വൻ തുകകൾ..! അവധി ദിവസങ്ങളിലെ ചെക്ക് ക്ലിയറിംഗ്: ബാങ്കുകൾ നടത്തുന്നത് പകൽക്കൊള്ളയെന്ന് വ്യാപാരികൾ
ആലപ്പുഴ: ബാങ്കുകളിൽ അവധി ദിവസങ്ങളിൽ നടത്തുന്ന ക്ലിയറിംഗ് പകൽകൊള്ളയെന്ന് വ്യാപാരി വ്യവസായി ഏകോപന സമിതി. ബാങ്ക് അവധി ദിവസങ്ങളിൽ അക്കൗണ്ടിൽ പണമടയ്ക്കാൻ സാധാരണഗതിയിൽ ഉപഭോക്താക്കൾക്ക് സൗകര്യങ്ങളില്ല. എന്നാൽ അവധി ദിവസങ്ങളിൽ ചെക്കുകൾ ക്ലിയറിംഗിനയച്ച് ആവശ്യത്തിനു ബാലൻസ് തുക ഇല്ലാതെ വരുന്പാൾ ഇരു ഭാഗത്തു നിന്നും പിഴ ഈടാക്കുകയാണ്. ഇങ്ങിനെ ഭീമമായ തുകയാണ് ബാങ്കുകൾക്ക് ലഭിച്ചു കൊണ്ടിരിക്കുന്നത്. മുൻകാലങ്ങളിൽ ബാങ്ക് അവധി ദിവസങ്ങളിൽ ക്ലിയറിംഗ് നടത്താറില്ല. നഗ്നമായ ഈ പകൽക്കൊള്ള അവസാനിപ്പിച്ചില്ലെങ്കിൽ ബാങ്കുകളിലേക്ക് പ്രതിഷേധ മാർച്ച് ഉൾപ്പടെയുള്ള സമരപരിപാടികൾ സംഘടിപ്പിക്കുമെന്ന് കേരള വ്യാപാരി വ്യവസായി ഏകോപനസമിതി ജില്ലാ ജനറൽ സെക്രട്ടറി വി. സബിൽരാജ്, വൈസ്പ്രസിഡൻറ് കെ.എസ്. മുഹമ്മദ് എന്നിവർ ഒരു പ്രസ്താവനയിൽ അറിയിച്ചു.
Read Moreസ്റ്റേഷനിലെ നരനായാട്ടു തുടരുന്നു..! യുവാവിനെ വീട്ടിൽ നിന്നും വിളിച്ചിറക്കി എസ്ഐയും പോലീസും ചേർന്ന് ക്രുരമായി മർദിച്ചു
ഹരിപ്പാട്: യുവാവിനെ വീട്ടിൽനിന്നും വിളിച്ചിറക്കി പോലീസ് മർദിച്ചതായി പരാതി. ഹരിപ്പാട് താമല്ലാക്കൽ കന്നേപ്പറന്പിൽവീട്ടിൽ ശിവാനന്ദന്റെ മകൻ അരുണ് ശിവാനന്ദനെ(29)യാണ് ഹരിപ്പാട് പോലീസ് മർദിച്ചത്. കഴിഞ്ഞദിവസം ഉച്ചയോടെ പിതൃസഹോദരന്റെ വീട്ടിൽനിന്നും മഫ്തിയിലും അല്ലാതെയുമെത്തിയ ആറോളം പോലീസുകാർ ചേർന്നു സ്വകാര്യ വാഹനത്തിൽ കയറ്റിക്കൊണ്ടുപോവുകയായിരുന്നു. ഹർത്താൽ ദിനത്തിൽ കെഎസ്ആർടിസി ബസിന്റെ പിന്നിലെ ഗ്ലാസ് എറിഞ്ഞുടച്ചു എന്ന കുറ്റം ആരോപിച്ചാണ് ഇയാളെ പോലീസ് മർദിച്ചതെന്നു പറയുന്നു. ഹരിപ്പാട് സിഐയുടെ സാന്നിധ്യത്തിൽ എസ്ഐയും കണ്ടാലറിയാവുന്ന അഞ്ചോളം പോലീസുകാരും ചേർന്നാണ് മർദിച്ചതെന്നും മറ്റു പോലീസുകാർ ചേർന്ന് വലയം സൃഷ്ടിച്ച് അതിനുള്ളിലിട്ടായിരുന്നു മർദനം നടത്തിയതെന്നും, താൻ കുറ്റമൊന്നും ചെയ്തിട്ടില്ലായെന്നും അരുണ് പറഞ്ഞതായി കുടുംബാംഗങ്ങൾ പറയുന്നു. താനും രണ്ടുവയസുള്ള കുഞ്ഞും, കണ്ണിനു കാഴ്ച ഇല്ലാത്ത പിതാവും, മാനസികാസ്വസ്ഥ്യമുള്ള അമ്മയും അടങ്ങുന്ന കുടുംബത്തിന്റെ ഏക ആശ്രയമാണ് അരുണെന്ന് ഭാര്യ അശ്വതി പത്രസമ്മേളനത്തിൽ പറഞ്ഞു. കേരളത്തിൽ ലോക്കപ്പ് മർദനം ഹൈക്കോടതി നിരോധിച്ച…
Read Moreകൈക്ക് സ്വാധീമില്ലാ സാർ..! കൈയേറ്റ റിപ്പോർട്ട് സമർപ്പിക്കാനിരിക്കേ തോമസ് ചാണ്ടി അവധിയിൽ പ്രവേശിക്കുന്നു
തിരുവനന്തപുരം: ഗതാഗത മന്ത്രി തോമസ് ചാണ്ടി അവധിയിൽ പ്രവേശിക്കുന്നു. ആരോഗ്യ പ്രശ്നങ്ങൾ ചൂണ്ടിക്കാട്ടിയാണ് മന്ത്രി അവധിയിൽ പ്രവേശിക്കുന്നത്. ഈ മാസം അവസാനം മുതൽ അവധിയെടുക്കാനാണ് നീക്കം. അവധിയിൽ പ്രവേശിക്കുന്നത് സംബന്ധിച്ച് മുഖ്യമന്ത്രിയുമായി തോമസ് ചാണ്ടി സംസാരിച്ചതായാണ് സൂചന. വ്യാഴാഴ്ച നടക്കുന്ന മന്ത്രിസഭ യോഗത്തിൽ ഇതുസംബന്ധിച്ച തീരുമാനം ഉണ്ടാകുമെന്നാണ് സൂചന. തോമസ് ചാണ്ടിക്കെതിരായ കൈയേറ്റവുമായി ബന്ധപ്പെട്ട് ആലപ്പുഴ കളക്ടർ വ്യാഴാഴ്ച റവന്യു മന്ത്രിക്ക് റിപ്പോർട്ട് സമർപ്പിക്കാനിരിക്കെയാണ് തോമസ് ചാണ്ടി അവധിയിൽ പോകുന്നത്. തോമസ് ചാണ്ടിയുടെ ഉടമസ്ഥതയിലുള്ള ലേക് പാലസ് റിസോർട്ട് കായൽ സ്ഥലം മണ്ണിട്ടു നികത്തിയാണ് നിർമിച്ചതെന്ന് കളക്ടറുടെ റിപ്പോർട്ടിൽ കണ്ടെത്തിയിരുന്നു. കൈയ്ക്കു സ്വാധീന കുറവുണ്ടെന്നും ഇതിന്റെ ചികിത്സയ്ക്കായി അടുത്ത മാസം ആദ്യം വിദേശത്ത് പോകുന്നതിനാണ് മന്ത്രി അവധിയിൽ പ്രവേശിക്കുന്നതെന്നാണ് അദ്ദേഹത്തിന്റെ ഓഫീസുമായി ബന്ധപ്പെട്ട വൃത്തങ്ങൾ നൽകുന്ന വിവരം.
Read Moreഅമ്പട ഷുക്കൂറേ..! വിവാദ റോഡിന് എം പി ഫണ്ടിനായി ശിപാർശ ചെയ്തത് എ.എ.ഷുക്കൂർ; തള്ളാനും കൊള്ളാനുമാകാതെ കോണ്ഗ്രസ് നേതൃത്വം
ആലപ്പുഴ: ഗതാഗത മന്ത്രി തോമസ് ചാണ്ടി യുടെ ഉടമസ്ഥതയിലുള്ള ലേക്ക് പാലസ് റിസോർട്ടിന് സമീപത്ത് കുടി പാടം നികത്തി നിർമിച്ച റോഡിന് എം.പി.ഫണ്ട് ലഭിക്കാൻ ശിപാർശ ചെയ്തത് മുൻ ഡി.സി.സി പ്രസിഡൻറും എം എൽ എ യുമായിരിന്ന എ.എ.ഷുക്കൂർ. റോഡിന് ഫണ്ട് അനുവദിക്കണമെന്നാവശ്യപ്പെട്ട് ഷുക്കൂർ നൽകിയ കത്ത് സ്വകാര്യ ചാനൽ ഇന്നലെ പുറത്ത് വിട്ടതോടെ തോമസ് ചാണ്ടിക്കെതിരേ സമരമുഖം ശക്തമാക്കിയ കോണ്ഗ്രസ് നേതൃത്വം വെട്ടിലായി. 2009 സെപ്റ്റംബറിലാണ് റോഡിന് ഫണ്ട് അനുവദിക്കാൻ പ്രഫ.പി.ജെ.കുര്യന് ഷുക്കൂർ കത്ത് നൽകിയത്. റിസോർട്ടിന് സമീപത്തെ കരുവേലി പാടശേഖരത്തിന്റെ മധ്യത്തിലൂടെ നിർമ്മിച്ചിരിക്കുന്ന വലിയകുളം- സീറോജെട്ടി റോഡിനായി 60 ലക്ഷത്തിലധികം രൂപയാണ് ചെലവഴിച്ചത്. പ്രഫ.പി.ജെ.കുര്യൻ, കെ.ഇ.ഇസ്മയിൽ എന്നീ രാജ്യ സഭാ എം.പിമാരുടെ പ്രാദേശിക വികസന ഫണ്ടിൽ നിന്നുള്ള പണം റോഡ് നിർമ്മാണത്തിന് ലഭിച്ചിരിന്നു. നെൽ വയൽ തണ്ണീർതട സംരക്ഷണ നിയമം ലംഘിച്ചാണ് റോഡ് നിർമിച്ചിരിക്കുന്നതെന്ന…
Read Moreകറന്റ് കട്ടിന് വിട..! പത്തനംതിട്ടയിലെ ഏഴാമത്തെ ജലവൈദ്യുതി പദ്ധതിയായ പെരുന്തേനരുവി ജലവൈദ്യുതി പദ്ധതി 23നു നാടിനു സമർപ്പിക്കും
റാന്നി: പത്തനംതിട്ട ജില്ലയിലെ ഏഴാമത്തെ ജലവൈദ്യുത പദ്ധതിയായ പെരുന്തേനരുവി ചെറുകിട ജലവൈദ്യുത പദ്ധതി പ്രവര്ത്തന സജ്ജമായി. 23ന് ഉച്ചകഴിഞ്ഞു മൂന്നിന് മുഖ്യമന്ത്രി പിണറായി വിജയന് പദ്ധതി നാടിന് സമര്പ്പിക്കും. മന്ത്രി എം. എം. മണി അധ്യക്ഷത വഹിക്കും.ആറ് മെഗാവാട്ട് വൈദ്യുതിയാണ് ഇവിടെ ഉത്പാദിപ്പിക്കാന് കഴിയുന്നത്. കഴിഞ്ഞ മൂന്നരമാസം കൊണ്ട് ഒന്പത് മില്യണ് യൂണിറ്റ് വൈദ്യുതി ഉത്പാദിപ്പിച്ചു. തുടര്ച്ചയായി മഴ ലഭിച്ചതിനാല് ദിവസേന ശരാശരി 1,40,000 യൂണിറ്റ് വൈദ്യുതി ഉത്പാദിപ്പിക്കാനായി. 2011ലാണ് പദ്ധതിയുടെ നിർമാണം ആരംഭിച്ചത്. 36 കോടി രൂപ സിവില് ജോലികള്ക്കും 13 കോടി രൂപ ഇലക്ട്രിക്കല് ജോലികള്ക്കുമായി ചെലവഴിച്ചു. പമ്പാനദിയിലെ പെരുന്തേനരുവി വെള്ളച്ചാട്ടത്തിന് മുകളില് അഞ്ഞൂറോളം മീറ്റര് ദൂരത്തിലാണ് പദ്ധതിയുടെ തടയണ നിര്മിച്ചിരിക്കുന്നത്. നാറാണംമൂഴി വെച്ചൂച്ചിറ പഞ്ചായത്തുകളെ തമ്മില് ബന്ധിപ്പിച്ചാണ് തടയണയും പാലവും നിർമിച്ചിരിക്കുന്നത്. ഇത് ഉദ്ഘാടനം ചെയ്യുന്നതോടെ കുരുമ്പന്മൂഴി നിവാസികള്ക്ക് നാറാണംമൂഴി പഞ്ചായത്ത് ആസ്ഥാനത്തേക്ക്…
Read More