ആലപ്പുഴ: ശബരിമലയിൽ സ്ത്രീ പ്രവേശനം നിരോധിച്ചിട്ടില്ലന്നും പത്തിനും 50നു ഇടയിൽ പ്രായമുള്ളവർക്ക് മാത്രമാണ് ശബരിമലിലേക്കുള്ള പ്രവേശനത്തിനു തടസമുള്ളതെന്നും തിരുവിതാംകൂർ ദേവസ്വം ബോർഡ് പ്രസിഡന്റ് പ്രയാർ ഗോപാലകൃഷ്ണൻ. കോട്ടയം തിരുനക്കരയിൽ നടക്കുന്ന അഖിലകേരള ഗുരുനാരായണ ദർശനവിചാരസത്ര വേദിയിൽ ഉയർത്താനുള്ള പതാകയുടെ സമർപ്പണ സമ്മേളനം കിടങ്ങാംപറന്പ് ക്ഷേത്ര ഓഡിറ്റോറിയത്തിൽ ഉദ്ഘാടനം ചെയ്യുകയായിരുന്നു അദ്ദേഹം. പത്തിനും 50നും ഇടയിൽ പ്രായമുള്ള സ്ത്രീകൾക്ക് ശബരിമലയിൽ കയറാൻ സാധിക്കാത്തത് അവരുടെ പുണ്യവും മാഹാത്മ്യവും കൊണ്ടാണ്.വെള്ളാപ്പള്ളി നടേശൻ നന്പൂതിരി മുതൽ നായാടിവരെയുള്ള ജനവിഭാഗങ്ങളെ ഒരു കുടക്കീഴിൽ കൊണ്ടുവരാനും വലിയ മാറ്റങ്ങൾ സൃഷ്ടിക്കാനുമുള്ള ശ്രമങ്ങൾ നടത്തിക്കൊണ്ടിരിക്കുകയാണ്. രാഷ്ട്രീയ വ്യത്യാസമില്ലാതെ നായരെന്നോ നന്പൂതിരിയെന്നോ ഈഴവനെന്നോ വിശ്വകർമജനെന്നോ വ്യത്യാസമില്ലാതെ ഒരു മുകുളത്തിന് വേണ്ടിയുള്ള ശ്രമമാണ് നടത്തുന്നത്. ലോകത്തിന് ശ്രേഷ്ടമായ ദർശന സായൂജ്യം നൽകിയ ഋഷീശ്വരാരാണ് ശ്രീനാരായണ ഗുരുദേവനും ചട്ടന്പി സ്വാമികളും. പരസ്പര സ്നേഹബന്ധത്തിന്റെയും വിശ്വാസത്തിന്റെയും അറിവിന്റെയും ഔന്നിത്യം സൃഷ്ടിച്ചവരാണ് ഇരുവരും.…
Read MoreCategory: Alappuzha
പ്ലസ് ടു വിദ്യാർഥിയുടെ മരണം; രാഷ്ട്രീയവൈരാഗ്യമാണെന്ന എൽഡിഎഫ് ആരോപണം നിഷേധിച്ച് പോലീസ്; സംഭവവുമായി ബന്ധപ്പെട്ട് 10 പേരെ പോലീസ് കസ്റ്റഡിയിലെടുത്തു
ചേർത്തല: പ്ലസ് ടു വിദ്യാർഥിയുടെ മരണം രാഷട്രീയ വൈരാഗ്യമാണെന്ന് എൽഡിഎഫിന്റെ ആരോപണം പോലീസ് നിഷേധിച്ചത് അവർക്ക് ക്ഷീണമായി. വയലാർ രാമവർമ്മ മെമ്മോറിയൽ ഗവ.ഹയർസെക്കൻഡറി സ്കൂളിലെ പ്ലസ്ടു വിദ്യാർത്ഥി പട്ടണക്കാട് ഗ്രാമപഞ്ചായത്ത് പത്താം വാർഡ് കളപുരക്കൽ നികർത്തിൽ അശോകന്റെ(ബിഎസ്എൻഎൽ ജിവനക്കാരൻ) മകൻ അനന്തു അശോക് (17) അണ് കഴിഞ്ഞദിവസം മർദ്ദനമേറ്റ് മരിച്ചത്. സംഭവവുമായി ബന്ധപ്പെട്ട് 10 പേരെ ചേർത്തല പോലീസ് കസ്റ്റഡിയിലെടുത്തു. ഇതിൽ നാലുപേർ 18 വയസിൽ താഴെയുള്ളവരാണ്. വയലാർ സ്വദേശികളായ അതുൽ (19),സംഗീത് (19),മിഥുൻ(19),അനന്തു (20),രാഹുൽ (20),ഹരികൃഷ്ണൻ എന്നിവരുടെ അറസ്റ്റ് പോലീസ് രേഖപ്പെടുത്തിയിട്ടുണ്ട്. വയലാർ നീലിമംഗലത്തെ ഒരു ക്ഷേത്രത്തിലെ ഉത്സവത്തിൽ പങ്കെടുക്കാൻ സുഹത്തക്കളോടൊപ്പം എത്തിയതായിരുന്നു അനന്തു. ക്ഷേത്രത്തിനുസമീപമുള്ള റോഡിൽവച്ച് അക്രമി സംഘം അനന്തുവിനെയും കൂട്ടുകാരെയും ആക്രമിക്കുകയായിരുന്നു. എന്നാൽ കൂട്ടുകാർ ഓടി രക്ഷപെട്ടു. പിന്നീട് ഇവർ നാട്ടുകാരെ സംഘടിപ്പിച്ചെത്തിയപ്പോഴെക്കും അക്രമികൾ കടന്നുകളഞ്ഞു. അക്രമികളുടെ ചവിട്ടും മർദ്ദനവുമേറ്റ് അബോധാവസ്ഥയിലായ അനന്തുവിനെ…
Read Moreമദ്യവിൽപ്പനശാല തുറന്ന് മണിക്കൂറുകൾക്കുള്ളിൽ വിറ്റത് 16 ലക്ഷത്തിന്റെ മദ്യം; ആലപ്പുഴ, അമ്പലപ്പുഴ, കുട്ടനാട് തുടങ്ങിയ സ്ഥലങ്ങളിൽ നിന്നുമാണ് മദ്യം വാങ്ങാനായെത്തിയത്
അന്പലപ്പുഴ: മാറ്റി സ്ഥാപിച്ച വിദേശമദ്യ വില്പനശാലയിൽ മണിക്കൂറുകൾക്കകം വിറ്റത് 16 ലക്ഷത്തിന്റെ മദ്യം. ആലപ്പുഴയിൽ നിന്നും പറവൂരിലേക്ക് തിങ്കളാഴ്ച രാവിലെ മാറ്റി സ്ഥാപിച്ച മദ്യവില്പനശാലയിലേക്ക് മണിക്കൂറുകൾക്കുള്ളിൽ വിവിധ സ്ഥലങ്ങളിൽ നിന്നും ആയിരങ്ങളാണ് മദ്യം വാങ്ങാനെത്തിയത്. ആലപ്പുഴ, അന്പലപ്പുഴ, കുട്ടനാട് തുടങ്ങിയ സ്ഥലങ്ങളിൽ നിന്നടക്കമുള്ളവരാണ് മദ്യം വാങ്ങാനായെത്തിയത്. മദ്യവിൽപ്പനശാല പ്രവർത്തനം ആരംഭിച്ചതിനെതിരെ സമരപ്പന്തലിൽ മുദ്രാവാക്യം വിളി ഉയർന്നപ്പോൾ മറുചേരിയിൽ മദ്യപാനികളായ നൂറുകണക്കിനു പേരും സംഘടിച്ചിരുന്നു. റോഡിനിരുവശവുമായി നിന്ന് പരസ്പരം മുദ്രാവാക്യം വിളിയുമുണ്ടായി. സമരപ്പന്തലിലേക്കു കടക്കാൻ ശ്രമിച്ച് മദ്യം വാങ്ങാനെത്തിയവരെ പോലീസ് നീക്കം ചെയ്തു. ജനകീയ സമരസമിതിയുടെ നേതൃത്വത്തിൽ സമരപ്പന്തൽ കെട്ടി ശക്തമായ പ്രതിഷേധ സമരം ആരംഭിച്ചതിനെ തുടർന്ന് മദ്യവില്പനശാല താൽക്കാലികമായി അടച്ചു. സംഘർഷാവസ്ഥ നിലനിൽക്കുന്നതിനാൽ പോലീസും സ്ഥലത്ത് നിലയുറപ്പിച്ചിട്ടുണ്ട്.
Read Moreവ്യാപക പ്രതിഷേധം..! വിദേശ മദ്യ വില്പനശാലയുടെ വരവ് തുറവൂരിൽ നാട്ടുകാർ ഒന്നിച്ച് ചേർന്ന് തടഞ്ഞപ്പോൾ അമ്പലപ്പുഴയിൽ പോലീസ് സഹായത്തോടെ തുടങ്ങി
തുറവൂർ/അമ്പലപ്പുഴ: ബിവറേജസ് കോർപ്പറേഷന്റെ ചില്ലറ വില്പന ശാലകൾ മാറ്റിസ്ഥാപിക്കുന്നതിനെ ചൊല്ലി ജില്ലയുടെ വിവിധ ഭാഗങ്ങളിൽ പ്രതിഷേധം ശക്തം. തുറവൂരിൽ ബിവറേജസ് കോർപ്പറേഷന്റെ ചില്ലറ മദ്യവില്പനശാല മാറ്റി സ്ഥാപിക്കുവാനുള്ള നീക്കം നാട്ടുകാർ തടഞ്ഞപ്പോൾ അമ്പലപ്പുഴയിൽ നാട്ടുകാരുടെ പ്രതിഷേധത്തിനിടയിലും പോലീസ് സഹായത്തോടെ വിദേശമദ്യ വില്പനശാല പ്രവർത്തനം തുടങ്ങി. തുറവൂർ കവലയ്ക്ക് തെക്കുഭാഗത്ത് ദേശിയ പാതയോരത്ത് പ്രവർത്തിച്ചിരുന്ന മദ്യ വില്പനശാല പുത്തൻചന്തയ്ക്ക് പടിഞ്ഞാറു ഭാഗത്തായി വള്ളത്തറ ഭാഗത്തേക്ക് മാറ്റി സ്ഥാപിക്കുവാനുള്ള നീക്കമാണ് നാട്ടുകാർ തടഞ്ഞത്.ഇന്നലെ ഉച്ചയോടെ ലോറിയിലെത്തിച്ച മദ്യം ഇവിടെ മുമ്പ് വളം ഡിപ്പോയായി പ്രവർത്തിച്ചിരുന്ന കെട്ടിടത്തിലേക്ക് ഇറക്കുവാനുള്ള നീക്കമാണ് നാട്ടുകാർ തടഞ്ഞത്. നാട്ടുകാരുടെ പ്രതിഷേധം നേരിടാൻ കുത്തിയതോട്, പട്ടണക്കാട് എസ്ഐമാരുടെ നേതൃത്വത്തിൽ വൻ പോലീസ് സന്നാഹവും ഉണ്ടായിരുന്നു. സമ രത്തിനു മദ്യനിരോധന സമിതി ആലപ്പുഴ രൂപത ഡയറക്ടർ ഫാ. എഡ് വേർഡ് പുത്ത ൻപുര യ്ക്കൽ, ഫാ. ജോർജ് മാവും…
Read Moreഅമ്പളിയുടെ മരണം ക്രൈംബ്രാഞ്ചിന്..! പുല്ലൂപ്രം ബാലികാസദനത്തിലെ വിദ്യാർഥിനിയുടെ ദുരൂഹമരണത്തിൽ ക്രൈംബ്രാഞ്ച് അന്വേഷണം തുടങ്ങി
റാന്നി: പുല്ലൂപ്രത്ത് സ്വകാര്യ ബാലികാസദനത്തിൽ അന്തേവാസിയായിരുന്ന പുതുശേരിമല സ്വദേശിനി അന്പിളി (20)യുടെ ദുരൂഹമരണവുമായി ബന്ധപ്പെട്ട് ക്രൈംബ്രാഞ്ച് പോലീസ് അന്വേഷണം തുടങ്ങി. ക്രൈംബ്രാഞ്ച് ഡിവൈഎസ്പി എം. ഇക്ബാലിന്റെ നേതൃത്വത്തിലുള്ള അന്വേഷണസംഘം ഇന്നലെ ആരോപണവിധേയരെ രഹസ്യകേന്ദ്രത്തിൽ വിളിച്ച് ചോദ്യം ചെയ്തു.മരിച്ച അന്പിളിയുടെ ബന്ധു അനു മുഖ്യമന്ത്രിക്കു നൽകിയ പരാതിയേ തുടർന്നാണ് ക്രൈംബ്രാഞ്ച് അന്വേഷണം ഏറ്റെടുത്തത്. മുഖ്യമന്ത്രിയുടെ പൊളിറ്റിക്കൽ സെക്രട്ടറി എം.വി.ജയരാജൻ അടക്കമുള്ളവരും സംഭവം അന്വേഷിക്കണമെന്ന് നിർദേശിച്ചിരുന്നു. കഴിഞ്ഞദിവസം അന്പിളിയുടെ ജന്മനാടായ പുതുശേരിമല തേവരുപാറയിലെത്തിയ സംഘം ബന്ധുക്കൾ, ആക്ഷൻ കൗൺസിൽ പ്രസിഡന്റ് രഞ്ജിത് എന്നിവരിൽ നിന്നും മൊഴികൾ രേഖപ്പെടുത്തിയിരുന്നു. 2015 ഫെബ്രുവരി അഞ്ചിനാണ് ബാലികാസദനത്തിൽ അന്തേവാസിയായിരുന്ന അന്പിള മരിച്ചത്. കുഴഞ്ഞുവീണ അന്പിളിയെ ആദ്യം റാന്നിയിലെ സ്വകാര്യ ആശുപത്രിയിലും പിന്നീട് കോട്ടയം മെഡിക്കൽ കോളജിലുമെത്തിച്ചെങ്കിലും മരിച്ചു. ഹൃദ്രോഗത്തേ തുടർന്നാണ് മരണമെന്നായിരുന്നു ബാലികാസദനം നടത്തിപ്പുകാരും ലോക്കൽ പോലീസും പറഞ്ഞിരുന്നത്. എന്നാൽ അടുത്തസമയത്ത് പോസ്റ്റുമോർട്ടം റിപ്പോർട്ട്…
Read Moreനീതികിട്ടുമോ..! മണൽ മാഫിയയും പോലീസും ചേർന്ന് കുടുംബത്തെ പീഡിപ്പിക്കുന്നെന്ന് പരാതി; പോലീസിന്റെ പ്രവർത്തിയെക്കറിച്ച് ബാബു പറയുന്നതിങ്ങനെ…
ആലപ്പുഴ: മണൽ കടത്തിനെ എതിർത്തതിന്റെ പേരിൽ മണൽ മാഫിയയും പോലീസും ചേർന്ന് കുടുംബത്തെ പീഡിപ്പിക്കുന്നതായി പരാതി. കഞ്ഞിക്കുഴി പഞ്ചായത്ത് 13ാം വാർഡ് കണ്ണേവെളി ബാബുവും കുടുംബവുമാണ് മണൽമാഫിയായ്ക്കും മാരാരിക്കുളം പോലീസിനുമെതിരേ പരാതിയുമായി രംഗത്തെത്തിയത്. സംഭവത്തെക്കുറിച്ച് ബാബു പറയുന്നതിങ്ങനെ: വീടിനു സമീപത്തുനിന്നും പ്രദേശവാസികളായ സഹോദരങ്ങൾ മണൽ കടത്തുന്നതിനെതിരേ പോലീസിൽ പരാതി നൽകിയിരുന്നു. കഴിഞ്ഞ മാസവും ലോറിയിൽ മണൽ കടത്താനുള്ള ശ്രമം ബാബുവിന്റെ മകൻ അജേഷ് തടസപ്പെടുത്തിയിരുന്നു. തുടർന്ന് കഴിഞ്ഞ 13നു വൈകുന്നേരം മൂന്നോടെ ആറംഗസംഘം വീട്ടിൽക്കയറി അജേഷിനെയും ഭാര്യ ശരണ്യയെയും മർദിക്കുകയായിരുന്നു. അബോർഷൻ കഴിഞ്ഞു വിശ്രമത്തിലായിരുന്ന ശരണ്യയ്ക്കു ആക്രമണത്തിൽ ബോധക്ഷയമുണ്ടായി. ശബ്ദംകേട്ടെത്തിയ ബന്ധുക്കൾ ഇരുവരെയും ആശുപത്രിയിലേക്കു കൊണ്ടുപോകാൻ ശ്രമിക്കുന്നതിനിടെ സ്ഥലത്തെത്തിയ മാരാരിക്കുളം പോലീസ് സ്റ്റേഷനിലെ സിവിൽ പോലീസ് ഓഫീസർ അജേഷിനെ താൻ ഹോസ്പിറ്റലിൽ കൊണ്ടുപോയ്ക്കൊള്ളാമെന്നു പറഞ്ഞ് ബൈക്കിൽ കയറ്റിക്കൊണ്ടുപോകുകയും ചെയ്തു. പിന്നീട് അജേഷിനെതിരെ വിവിധ കേസുകൾ ചുമത്തി റിമാൻഡു…
Read Moreഞങ്ങളുടെ സമയം..! ഷാപ്പുകൾ സംരക്ഷിക്കാൻ മതിലുകൾ വളച്ചും ഗേറ്റുകൾ മാറ്റി സ്ഥാപി പ്പിച്ചും എക്സൈസ് ഉദ്യോഗസ്ഥർ; പണമുണ്ടാ ക്കാനുള്ള അവസരമായി എക്സൈസ്
തുറവൂർ: സുപ്രീം കോടതി വിധിയുടെ അടിസ്ഥാനത്തിൽ അടച്ചു പൂട്ടേണ്ട കള്ളുഷാപ്പുകളെ സംരക്ഷിക്കാൻ എക്സൈസ് ഉദ്യോഗസ്ഥരുടെ കള്ളക്കള്ളി. ദേശിയ പാതയിൽനിന്നും സംസ്ഥാന പാതയിൽനിന്നും 500 മീറ്റർ ദൂരപരിധിക്കുള്ളിലെ മദ്യശാലകൾ അടച്ചു പൂട്ടണമെന്ന ഉത്തരവ് മറികടക്കാൻ ഉദ്യോഗസ്ഥർ അളവിൽ തട്ടിപ്പ് കാണിക്കുന്നതായാണ് ആരോപണം. 500 മീറ്റർ പരിധിക്കുള്ളിലെ കള്ളുഷാപ്പുകളുടെ ഗേറ്റ് മാറ്റി സ്ഥാപിച്ചും, സംരക്ഷണ മതിലുകൾ വളച്ചുകെട്ടിയും നിയമം മറികടക്കുവാനുള്ള വഴിയാണ് ഉദ്യോഗസ്ഥർ ന ൽകു ന്നത്. തുറവൂർ കവലയ്ക്ക് കിഴക്കുഭാഗത്തായി 400 മീറ്ററിനുള്ളിൽ പ്രവർത്തിക്കുന്ന ഒരു കള്ള് ഷാപ്പ് അടച്ചുപൂട്ടാതിരിക്കാൻ എക്സൈസ് ഉദ്യോഗസ്ഥരും ഷാപ്പ് ഉടമകളും പെടാപ്പാട് പെടുകയാണ്. ദേശിയ സംസ്ഥാന പാതയിൽനിന്ന് 500 മീറ്റർ പരിധിക്കുള്ളിലെ മുഴുവൻ മദ്യശാലകളും അടച്ചു പൂട്ടുന്നതിന് പകരം ദേശിയ പാതാ യും മദ്യശാലയുടെ ഗേറ്റുമായുള്ള ദൂരം അളന്ന് നിയമം മറികടക്കുവാനുള്ള നീക്കമാണ് ഉദ്യോഗസ്ഥരുടെ ഒത്താശയോടെ നടക്കുന്നത്. സുപ്രിം കോടതിവിധിഎക്സൈസ് ഉദ്യോഗസ്ഥർക്ക് വൻതോതിൽ…
Read Moreതിരുവല്ലയ്ക്ക് ചരക്കില്ല..! വിവാദങ്ങളിൽ കുടുങ്ങി തിരുവല്ലയുടെ ചരക്കിറക്കു ഗതാഗത സാധ്യത കുറഞ്ഞു; പകരം സംവി ധാനം തേടി റെയിൽവേ ചങ്ങനാശേരിക്ക്
തിരുവല്ല: റെയിൽവേ സ്റ്റേഷൻ വികസനവുമായി ബന്ധപ്പെട്ട ചരക്കുഗതാഗതത്തിനുള്ള സാധ്യത കുറയുന്നു. വിവാദങ്ങളിലകപ്പെട്ട് ചരക്കിറക്കുമായി ബന്ധപ്പെട്ട നടപടികൾ കുടുങ്ങിയതോടെ സമീപ സ്റ്റേഷനുകളിൽ ചരക്കിറക്ക് സാധ്യതകൾ തേടുകയാണ് റെയിൽവേ. കായംകുളത്തുനിന്ന് ചങ്ങനാശേരിവരെയുള്ള പാത ഇരട്ടിപ്പിക്കൽ സാധ്യത പൂർത്തിയായതോടെ ചങ്ങനാശേരി റെയിൽവേ സ്റ്റേഷനിലെ ചരക്കിറക്കു സാധ്യത വികസിപ്പിക്കാനുള്ള തീരുമാനമായിട്ടുണ്ട്. ചങ്ങനാശേരിയിലെ നാലാം പ്ലാറ്റ്ഫോം പൂർണമായി ചരക്കു ട്രെയിനുകൾക്കായി മാറ്റിയിട്ടിരിക്കുകയാണ്. റെയിൽവേ സ്റ്റേഷനു സമീപത്തുകൂടി ഗുഡ്സ് ഷെഡ് റോഡിന്റെ നിർമാണവും നടന്നുവരുന്നു. ചരക്കു തീവണ്ടികൾ നാലാം പ്ലാറ്റ്ഫോമിൽ നിർത്തി അവിടെനിന്ന് വാഹനമാർഗം ചരക്കുനീക്കം നടത്താനാകും. എഫ്സിഐ ഗോഡൗണുകളിലേടക്കമുള്ള ചരക്കുകൾ സുഗമമായി ഇവിടെനിന്നു നീക്കാനാകും. തിരുവല്ലയിലും നാലാം പ്ലാറ്റ്ഫോം ചരക്കുഗതാഗതത്തിനുവേണ്ടി നിർമിച്ചിരുന്നെങ്കിലും വിവാദങ്ങൾ വിട്ടുമാറിയില്ല. തിരുവല്ലയിൽ റെയിൽവേ സിമന്റ് യാർഡ് തുടങ്ങുന്നുവെന്ന പേരിൽ വിവാദം കോടതി കയറിയിരിക്കുകയാണ്. ഇതുമായി ബന്ധപ്പെട്ട തീരുമാനം വൈകിയതോടെ റെയിൽവേയും പിന്തിരിഞ്ഞ മട്ടാണ്. സ്റ്റേഷന്റെ വരുമാനത്തിലും ഇതുവഴി വികസന പ്രവർത്തനങ്ങളിലും…
Read Moreമുഖ്യമന്ത്രിയെ വള്ളപ്പാട് പിൻതള്ളി..! 19 അംഗ മന്ത്രിസഭയിൽ നാലു മന്ത്രിമാരുമായി മുന്നിലുണ്ടായിരുന്ന കണ്ണൂരിനെ പിൻതള്ളി തോമസ് ചാണ്ടിയുമായി ആലപ്പുഴ ഒന്നാമത്
ആലപ്പുഴ: കുട്ടനാട് എംഎൽഎ തോമസ് ചാണ്ടി കൂടി മന്ത്രിസഭയിലേക്ക് എത്തുന്നതോടെ മന്ത്രിമാരുടെ എണ്ണത്തിൽ ആലപ്പുഴ ഒന്നാമത്. ധനമന്ത്രി ഡോ.ടി.എം. തോമസ് ഐസക്, പൊതുമരാമത്ത് മന്ത്രി ജി. സുധാകരൻ, ഭക്ഷ്യമന്ത്രി പി. തിലോത്തമൻ എന്നിവരാണു നിലവിൽ ആലപ്പുഴയിൽനിന്നുള്ള മന്ത്രിമാർ. എ.കെ. ശശീന്ദ്രൻ രാജിവച്ച ഒഴിവിലേക്ക് എൻസിപിയുടെ പ്രതിനിധിയായാണു തോമസ് ചാണ്ടി എത്തുന്നത്. ഐക്യകേരള രൂപീകരണത്തിനു ശേഷം കുട്ടനാടൻ മേഖലയ്ക്കു ലഭിക്കുന്ന ആദ്യ മന്ത്രിസ്ഥാനം കൂടിയാകും തോമസ് ചാണ്ടിയുടേത്. 19 അംഗ മന്ത്രിസഭയിൽ നാലു മന്ത്രിമാരുമായി മുഖ്യമന്ത്രിയുടെ ജില്ലയായ കണ്ണൂരായിരുന്നു ഒന്നാമത്. വ്യവസായമന്ത്രിയായിരുന്ന ഇ.പി. ജയരാജൻ രാജിവച്ചതോടെ മന്ത്രിമാരുടെ എണ്ണത്തിൽ കണ്ണൂരും ആലപ്പുഴയും ഒപ്പത്തിനൊപ്പമായി. അപ്രതീക്ഷിതമായുണ്ടായ രാഷ്ട്രീയ സാഹചര്യത്തിൽ തോമസ് ചാണ്ടി മന്ത്രിസ്ഥാനത്തേക്കെത്തിയതോടെ ആലപ്പുഴയ്ക്കായി മേൽക്കോയ്മ. സമീപ മണ്ഡലങ്ങളിലെ നാലു ജനപ്രതിനിധികൾ ഒരേ മന്ത്രിസഭയിൽ ഉൾപ്പെടുകയെന്ന അപൂർവ റിക്കാർഡും ആലപ്പുഴ ഇതോടെ നേടി. ചേർത്തല, ആലപ്പുഴ, അന്പലപ്പുഴ, കുട്ടനാട് മണ്ഡലങ്ങളിലെ…
Read More90 വയസുകാരിയെ അജ്ഞാതൻ പീഡിപ്പിച്ചു; സാരമായി പരിക്കേറ്റ വൃദ്ധയെ ആശുപത്രി യിൽ പ്രവേശിപ്പിച്ചു; സംഭവ സ്ഥലത്തുനിന്ന് മൊബൈൽ ഫോണ് കിട്ടിയതായി നാട്ടുകാർ
മാവേലിക്കര: 90 വയസുകാരിയെ അജ്ഞാതനായ യുവാവ് പീഡിപ്പിച്ചു. മാവേലിക്കര കണ്ടിയൂരിൽ ഇന്നലെ രാത്രിയിലാണ് സംഭവം. അമ്മയും മകളും ഒന്നിച്ചു താമസിച്ചു വരികയായിരുന്നു. ഇന്നലെ ചെട്ടികുളങ്ങര ക്ഷേത്രത്തിലെ അശ്വതി മഹോത്സവം കാണാനായി മകൾ പോയി ഇന്ന രാവിലെ തിരികെ എത്തിയപ്പോഴാണ് പീഡന വിവരം പുറത്തറിയുന്നത്. ഇവരുടെ മുഖത്തും ജനനേന്ദ്രിയ ഭാഗത്തും സാരമായ മുറിവുകൾ ഏൽപ്പിച്ചിട്ടുണ്ട്. അബോധാവസ്ഥയിലായിരുന്ന ഇവരെ മാവേലിക്കര ജില്ലാ ആശുപത്രിയിൽ പ്രവേശിപ്പിച്ചു. മാവേലിക്കര പോലീസ് കേസെടുത്ത് അന്വേഷണം ആരംഭിച്ചു. സംഭവസ്ഥലത്തു നിന്നും അക്രമിയുടേതെന്ന് സംശയിക്കുന്ന ഒരു മൊബൈൽ ഫോണ് ലഭിച്ചിട്ടുണ്ടെന്നും അത് പോലീസിനെ ഏൽപ്പിച്ചതായും പ്രദേശവാസികൾ പറഞ്ഞു. മൊബൈലിന്റെ ഉടമസ്ഥനെ പോലീസ് അറസ്റ്റ് ചെയ്തു.
Read More