പയ്യോളി: കീഴൂര് കേന്ദ്രമായി പ്രവര്ത്തിക്കുന്ന കോണ്ഗ്രസ് നിയന്ത്രണത്തിലുള്ള സൊസൈറ്റി ബിജെപിക്ക് “വിറ്റ’തായി ആരോപണം. 2012 നു പയ്യോളി, തുറയൂര് പഞ്ചായത്തുകള് പ്രവര്ത്തന മേഖലയായി നിശ്ചയിച്ച് പ്രവര്ത്തനം തുടങ്ങിയ കീഴൂരിലെ അഗ്രികള്ചറല് ഇംപ്രൂവ്മെന്റ് സൊസൈറ്റിയാണ് കോണ്ഗ്രസ്സിന്റെ നിയന്ത്രണത്തില് നിന്ന് മാറി ബിജെപി നിയന്ത്രണ ഭരണസമിതിയുടെ കീഴിലായത്. ഈ ഇടപാടുമായി ബന്ധപ്പെട്ട് ലക്ഷങ്ങളുടെ അഴിമതി നടന്നതായി കോണ്ഗ്രസ് പ്രവര്ത്തകര് ആരോപണം ഉന്നയിക്കുന്നുണ്ട്. സംഭവത്തിന് പിന്നില് തിക്കോടിയിലെ കോണ്ഗ്രസ് ഗ്രാമപഞ്ചായത്ത് അംഗമാണെന്നാണ് പ്രധാന ആരോപണം. സൊസൈറ്റി രൂപീകരണകാലം മുതല് സജീവമായി പ്രവര്ത്തിക്കുന്ന ഇയാള് സൊസൈറ്റി ഭരണസമിതിയെ കബളിപ്പിച്ച് രഹസ്യമായി ബിജെപി പ്രവര്ത്തകര്ക്ക് അംഗത്വം നല്കി സൊസൈറ്റി കയ്യിലാക്കാന് ബിജെപിക്ക് ഒത്താശ ചെയ്തതായാണ് കോണ്ഗ്രസ്സ് പ്രവര്ത്തകരുടെ ആരോപണം. ഇത് സംബന്ധിച്ച് സൊസൈറ്റിയുടെ മുന് പ്രസിഡന്റ് കുറ്റിയില് ഗോപാലന് ജില്ലാ കോണ്ഗ്രസ്സ് നേതൃത്വത്തിന് രേഖാമൂലം പരാതി നല്കി. ബിജെപിയുടെ തുറയൂര്, പയ്യോളി മേഖലകളിലെ മുതിര്ന്ന…
Read MoreCategory: Kannur
കല്യാശേരിയിൽ കണ്ടെയ്നർ ലോറിക്ക് തീപിടിച്ചു; ബൈക്കിൽ പുറകേ വന്നയാൾ കണ്ടതിനാൽ വൻ ദുരന്തം ഒഴിവായി; തീപിടുത്തം ഉണ്ടായതിനെക്കുറിച്ച് പറയുന്നതിങ്ങനെ…
കണ്ണൂർ: ദേശീയ പാതയിൽ കല്യാശേരി വയക്കര പാലത്തിന് സമീപം ചരക്കുലോറിക്ക് തീപിടിച്ച് മണിക്കൂറുകളോളം പരിഭ്രാന്തി പരത്തി. ആർക്കും പരിക്കില്ല. ഡൽഹിയിൽ നിന്നും കൊച്ചിയിലേക്ക് സൈക്കിൾ സ്പെയർ പാർട്സുമായി പോകുകയായിരുന്ന ലോറിയിൽ നിന്ന് രാത്രി 10 മണിയോടെയാണ് പുക ഉയരുന്നത് കണ്ടത്. ഉടൻ തന്നെ പുറകിൽ യാത്ര ചെയ്യുകയായിരുന്ന ബൈക്ക് യാത്രികൻ ലോറിക്ക് കുറുകെ നിറുത്തി ഡ്രൈവറോട് കാര്യം പറഞ്ഞതോടെയാണ് ഡ്രൈവർ ലോറി നിറുത്തിയത്.ഉടൻ തന്നെ സമീപത്തുണ്ടായിരുന്ന തട്ടുകടക്കാരൻ കണ്ണപുരം പോലീസിലും അഗ്നിശമന സേനാവിഭാഗത്തേയും അറിയിച്ചു. അപ്പോഴേയ്ക്കും പ്രദേശമാകെ പുക കൊണ്ടുമൂടിയിരുന്നു. അര മണിക്കൂറിനുളളിൽ കണ്ണൂരിൽ നിന്നും, തളിപ്പറന്പിൽനിന്നുമായി രണ്ട് ടീം അഗ്നിശമന സേനാ വിഭാഗം എത്തിയാണ് വെള്ളം ചീറ്റി പുക നിയന്ത്രണ വിധേയമാക്കിയത്. ലോറി ഭാഗികമായി കത്തിനശിച്ചു. ലോറി ഡ്രൈവർ ഹരിയാന സ്വദേശി പാഞ്ചു, ക്ലീനർ എന്നിവർ പരിക്കേൽക്കാതെ രക്ഷപ്പെട്ടു. രാത്രി 12 മണിയോടെയാണ് ചരക്ക് ലോറിയിലെ…
Read Moreഉച്ചഭക്ഷണം ഒഴിവാക്കി വിദ്യാർഥികളുടെ ദുരിതാശ്വാസ സഹായം; നിർമലഗിരി കോളജിലെ മാത്തമാറ്റിക്സ് വിഭാഗം വിദ്യാർഥികളാണ് എല്ലാവർക്കും മാതൃകയായത്
കൂത്തുപറമ്പ്: ഉച്ചഭക്ഷണത്തിനായി കരുതിയ തുക പ്രളയബാധിതരെ സഹായിക്കാൻ മുഖ്യമന്ത്രിയുടെ ദുരിതാശ്വാസ നിധിയിലേക്ക് കൈമാറി വിദ്യാർഥികൾ മാതൃകയായി. നിർമലഗിരി കോളജിലെ മാത്തമാറ്റിക്സ് വിഭാഗം വിദ്യാർഥികളാണ് തുക കൈമാറിയത്. കഴിഞ്ഞ മാസം 30 നായിരുന്നു ഉച്ചഭക്ഷണം കഴിക്കാതെ ഇതിനായി കരുതിയ തുക വിദ്യാർഥികൾ സമാഹരിച്ചത്. പ്രളയബാധിതരെ സഹായിക്കാൻ ഇങ്ങിനെയൊരു ആശയം ഉയർന്നപ്പോൾ വിദ്യാർഥികൾ ഒന്നാകെ സമ്മതിക്കുകയായിരുന്നു. ദുരിതാശ്വാസ നിധിയിലേക്ക് നൽകാനുള്ള തുക വിദ്യാർഥികൾ കോളജ് പ്രിൻസിപ്പൽ ഡോ. കെ.വി. ഔസേപ്പച്ചന് കൈമാറി.
Read Moreഎംഎസ്എഫ് പ്രവർത്തകർക്ക് നേരേ ഇരുപതോളം എബിവിപി പ്രവർത്തകരുടെ അക്രമം; മൂന്ന് പേർക്ക് പരിക്ക്
കൂത്തുപറമ്പ്: ചെറുവാഞ്ചേരി പാട്യം ഗോപാലൻ മെമ്മോറിയൽ ഹയർ സെക്കൻഡറി സ്കൂളിൽ എംഎസ്എഫ് പ്രവർത്തകർക്ക് നേരെ അക്രമം. സഫൽ, സിനാൻ, റഫ്നാസ് എന്നിവർക്കാണ് പരിക്കേറ്റത്. ഇവർ തലശേരി ഇന്ദിരാ ഗാന്ധി സഹകരണാശുപത്രിയിൽ ചികിത്സ തേടി. ഇന്നലെ രാവിലെ 11.30 ഓടെ സ്കൂൾ വരാന്തയിൽ വച്ചാണ് സംഭവം. ഇരുപതോളം വരുന്ന എബിവിപി പ്രവർത്തകരാണ് അക്രമം നടത്തിയതെന്ന് എംഎസ്എഫ് ആരോപിച്ചു. കണ്ണവം പോലീസിൽ പരാതി നല്കി. ഈയിടെ ചീരാറ്റയിൽ സ്ഥാപിച്ച എംഎസ്എഫ് പതാകകൾ നശിപ്പിക്കുകയും ചെയ്തിരുന്നു. സംഭവത്തിൽ പാട്യം പഞ്ചായത്ത് മുസ്ലിം ലീഗ്, യൂത്ത് ലീഗ്, എം.എസ്.എഫ്. കമ്മിറ്റികൾ പ്രതിഷേധിച്ചു.
Read Moreതലയ്ക്ക് മുകളിൽ സൂര്യൻ കത്തിജ്വലിക്കുന്നു; ജോലിക്കിടെ യുവാവിന് സൂര്യാതപമേറ്റു
ബന്തടുക്ക(കാസർഗോഡ്): പറമ്പിൽ ജോലിക്കിടെ യുവാവിന് സൂര്യാതപമേറ്റു. ബന്തടുക്ക വീട്ടിയാടിയിലെ ജിയോ പടിഞ്ഞാറേയിലിനാണ് (27) സൂര്യാതപമേറ്റത്.രാവിലെ മുതൽ ജിയോ പറമ്പിൽ ജോലിയിലായിരുന്നു. രാത്രിയോടെ പുറമാകെ കുമിളകൾ വന്ന് തൊലി പൊട്ടി. വിയർക്കുമ്പോൾ കടുത്ത നീറ്റലുമുണ്ടായതായി ജിയോ പറഞ്ഞു. കഴിഞ്ഞ ദിവസങ്ങളിൽ വയനാട്ടിലും തെക്കൻ കേരളത്തിലും സൂര്യാതപമേറ്റ സംഭവങ്ങളുണ്ടായിരുന്നു. വടക്കൻ കേരളത്തിൽ മഴ മാറിയതോടെ കടുത്ത ചൂടാണ് അനുഭവപ്പെടുന്നത്.
Read Moreകുടിവെള്ള വിതരണം സുഗമമാക്കാനും പുഴകളിലെയും കിണറുകളിലെയും ജലവിതാനം ശരാശരിയില് നില നിർത്താനും പഴശി പദ്ധതിയുടെ ഷട്ടര് ഉടന് അടയ്ക്കണം ആവശ്യവുമായി മന്ത്രിയും എംഎൽഎയും
ഇരിട്ടി: പഴശി പദ്ധതിയുടെ ഷട്ടര് ഉടന് അടയ്ക്കണമെന്ന് ആരോഗ്യമന്ത്രി കെ.കെ. ശൈലജയും , സണ്ണി ജോസഫ് എംഎല്എയും കളക്ടറോട് ആവശ്യപ്പെട്ടു. ജില്ലയിലെ കുടിവെള്ള വിതരണം സുഗമമാക്കാനും മേഖലയിലെ പുഴകളിലെയും കിണറുകളിലെയും ജലവിതാനം ശരാശരിയില് നില നിർത്താനുമായി ഇന്ന് പഴശി പദ്ധതിയുടെ ഷട്ടര് അടക്കാന് അടിയന്തിര നടപടി തേടിയിരിക്കുന്നത്. ഉരുള്പൊട്ടലും പ്രളയവും കഴിഞ്ഞ് ഒന്നര ആഴ്ച വെയില് തെളിഞ്ഞപ്പോഴേക്കും മാര്ച്ച് – ഏപ്രില് മാസത്തേത് പോലെ പഴശിപദ്ധതി പ്രദേശത്തെ പുഴകളെല്ലം വറ്റി വരണ്ട് പുഴ വിണ്ട് കീറി. ഇതോടെ പ്രദേശത്തെ കിണറുകളിലെ ജലവിതാനവും കുത്തനെ താഴ്ന്നു. ഇപ്പോള് രണ്ട് ഷട്ടറുകള് മാത്രമാണ് അടച്ചിരിക്കുന്നത്. ആകെ 16 ഷട്ടറുകളാണ് ഉള്ളത്. ഇതില് രണ്ടെണ്ണം ഒഴിച്ച് ബാക്കിയുള്ളവ ഉടനിടും. തുലാവര്ഷം ശക്തമായാല് വേഗത്തില് ഷട്ടര് തുറക്കാന് സാധിച്ചില്ലങ്കില് ഇരിട്ടി ടൗണ് ഉള്പ്പെടെ നേരത്തെ ഉണ്ടായത് പോലെ വെള്ളത്തില് മുങ്ങും. ഇത് കൊണ്ടാണ്…
Read Moreപിണറായി കൂട്ടക്കൊലക്കേസിലെ രേഖകള് റെഡി; മതിയായ രേഖകൾ ഇല്ലെന്ന് പറഞ്ഞ് മടക്കിയ കുറ്റപത്രങ്ങള് വീണ്ടും കോടതിയിൽ
തലശേരി:പിണറായി കൂട്ടക്കൊല കേസിലെ പ്രതി വണ്ണത്താന് വീട്ടില് സൗമ്യക്കെതിരെയുള്ള മൂന്ന് കുറ്റപത്രങ്ങളും ടൗണ് പോലീസ് ഇന്ന് വീണ്ടും കോടതിയില് സമര്പ്പിക്കും. വേണ്ടത്ര രേഖകളില്ലെന്ന് ചൂണ്ടിക്കാട്ടി പോലീസ് സമര്പ്പിച്ച മൂന്ന് കുറ്റപത്രങ്ങളും തലശേരി ജുഡീഷല് ഫസ്റ്റ്ക്ലാസ് മജിസ്ട്രേറ്റ് കോടതി നേരത്തെ മടക്കിയിരുന്നു. പിണറായി പടന്നക്കരയിലെ കല്ലട്ടി വണ്ണത്താന് വീട്ടില് കുഞ്ഞിക്കണ്ണന്, ഭാര്യ കമല,പേരക്കുട്ടി ഐശ്വര്യ കിഷോര് എന്നിവരെ കൊലപ്പെടുത്തിയ കേസിന്റെ കുറ്റപത്രങ്ങളാണ് വേണ്ടത്ര രേഖകളില്ലെന്ന് ചൂണ്ടിക്കാണിച്ച് കോടതി മടക്കിയിരുന്നത്. കേസിലെ കോള്ഡാറ്റ റെക്കോര്ഡും മൂന്നു കേസുകളിലേയും എഫ്ഐആറിന്റെ സര്ട്ടിഫൈഡ് കോപ്പികളും ഉള്പ്പെടെ ടൗണ് സിഐ എം.പി ആസാദ് ഇന്ന് കുറ്റപത്രം സമര്പ്പിക്കും. വീണ്ടും കുറ്റപത്രം സമര്പ്പിക്കുകയും സൗമ്യയുടെ മരണ സര്ട്ടഫിക്കറ്റ് അധികൃതര് കോടതിയില് ഹാജരാക്കുകയും ചെയ്യുന്നതോടെ കൂട്ടക്കൊലക്കേസിലെ നടപടി ക്രമങ്ങള് കോടതി അവസാനിപ്പിക്കും. റിമാൻഡിൽ കഴിഞ്ഞിരുന്ന സൗമ്യ കണ്ണൂര് വനിതാ ജയിലിൽ ആത്മഹത്യ ചെയ്തിരുന്നു. ഈ സംഭവത്തില് ജയില്…
Read Moreകലുങ്കിന്റെ ഭിത്തി തകർന്നിട്ടും തിരിഞ്ഞു നോക്കാതെ അധികൃതർ ; ചുവന്ന ടീഷർട്ടും കുപ്പിയും വെച്ച് അപകട മുന്നറിയിപ്പ് നൽകി നാട്ടുകാർ
തളിപ്പറമ്പ്: കലുങ്കിന്റെ ഭിത്തി തകര്ന്നത് പൊതുമരാമത്ത് അധികൃതര് തിരിഞ്ഞുനോക്കിയില്ല. അപകടസൂചന നല്കാന് നാട്ടുകാരുടെ വക ചുവന്ന ടീഷര്ട്ടും കുപ്പികളും. തളിപ്പറമ്പ്-ഇരിട്ടി സംസ്ഥാനപാത 36 ല് കരിമ്പം ഫാമിനു സമീപത്തെ കലുങ്കിന്റെ പാര്ശ്വഭിത്തി തകര്ന്നത് അപകടഭീതി ഉയര്ത്തിയതിനെ തുടര്ന്നാണ് നാട്ടുകാര് സിഗ്നല് സ്ഥാപിച്ചത്. സംസ്ഥാനപാതയില് കരിമ്പം ഫാമിനുളളില് നിന്ന് ഒഴുകിയെത്തുന്ന തോടിന് കുറുകെ നിര്മിച്ച അരനൂറ്റാണ്ടിലേറെ പഴക്കമുളള കലുങ്കിന്റെ പാര്ശ്വഭിത്തിയാണ് തകര്ന്നത്. വളരെ വീതികുറഞ്ഞ കലുങ്ക് പാര്ശ്വഭിത്തി തകര്ന്നതോടെയാണ് കൂടുതല് അപകടത്തിലായത്. രണ്ടു ബസുകള് കഷ്ടിച്ചു കടന്നുപോകാനുളള വീതി മാത്രമേ ഇതിനുളളു. ഇവിടെ മുന്നറിയിപ്പു ബോര്ഡുകളൊന്നും സ്ഥാപിച്ചിട്ടില്ല. വീതിയുളള റോഡില് നിന്നും വാഹനങ്ങള് വീതികുറഞ്ഞ കലുങ്കിലേക്കു പ്രവേശിക്കുന്നതിനാല് നിരവധിതവണ അപകടം സംഭവിച്ചിരുന്നു. കാലപ്പഴക്കം കൊണ്ട് സ്ലാബുകള്ക്കും ബലക്ഷയം സംഭവിച്ചിട്ടുണ്ട്. കാടുമൂടി കിടന്നതിനാല് തകര്ന്ന പാര്ശ്വ ഭിത്തിയും റോഡും പാലവും തമ്മിലുളള വീതിവ്യത്യാസവും ആരുടെയും ശ്രദ്ധയില്പ്പെടില്ല. ഇത് വലിയ അപകടത്തിന്…
Read Moreനടുവിലിൽ സിപിഎം പ്രവർത്തകന് വെട്ടേറ്റു; സാരമായി പരിക്കേറ്റ പ്രജീഷിനെ ആശുപത്രിയിൽ പ്രവേശിപ്പിച്ചു; വടിവാള്, ഇരുമ്പ് ദണ്ഡ് എന്നിവ ഉപയോഗിച്ചാണ് അക്രമണം നടത്തിയത്
നടുവിൽ: നടുവിലിൽ സിപിഎം പ്രവർത്തകന് വെട്ടേറ്റു. സിപിഎം പ്രവർത്തകനും മത്സ്യത്തൊഴിലാളിയുമായ അമ്പഴത്തിനാല് പ്രജീഷിനാണ് (21) വെട്ടേറ്റത്. ഇന്നലെ രാത്രി പത്തോടെ നടുവിൽ ടൗണിലാണ് സംഭവം. നടുവില് ടൗണില് മത്സ്യവില്പന നടത്തുന്ന പ്രജീഷിനെ ഒരു സംഘം ആക്രമിക്കുകയായിരുന്നു. ഇതിനിടയിൽ ബൈക്കിൽ രക്ഷപ്പെട്ട പ്രജീഷിനെ പിന്തുടർന്നെത്തിയ സംഘം മണ്ടളം എസ്എന്ഡിപി മന്ദിരത്തിന് സമീപത്തു വച്ച് വെട്ടി പരിക്കേല്പിക്കുകയും ചെയ്തു. തലയ്ക്കും പുറത്തും വെട്ടു കൊണ്ട പ്രജീഷിനെ തളിപ്പറമ്പ് സഹകരണ ആശുപത്രിയില് പ്രവേശിപ്പിച്ചു. വടിവാള്, ഇരുമ്പ് ദണ്ഡ് എന്നിവ ഉപയോഗിച്ചാണ് അക്രമണം. ആർഎസ്എസ് പ്രവർത്തകരാണ് ആക്രമണത്തിന് പിന്നിലെന്ന് സിപിഎം ആരോപിച്ചു.സ്ഥലത്ത് വൻ പോലീസ് സംഘം ക്യാമ്പ് ചെയ്യുന്നുണ്ട്.
Read Moreജനവാസകേന്ദ്രത്തിൽ കാട്ടാനായുടെ അക്രമം; പോലീസ് മുന്നറിയിപ്പ് അവഗണിച്ച് ആനയ്ക്ക് മുന്നിൽ യുവാവിന്റെ സെൽഫി എടുക്കൽ; പോലീസ് പിടികൂടിയപ്പോൾ യുവാവ് പറഞ്ഞതിങ്ങനെ…
ഇരിട്ടി: വിളക്കോട് ചാക്കാട് കാട്ടാനയുടെ ഒപ്പം സെല്ഫിയെടുക്കാന് ശ്രമിച്ച യുവാവിനെതിരെ പോലീസ് മദ്യലഹരിയില് സാമൂഹ്യ വിരുദ്ധ ശല്യം ചെയ്യാന് ശ്രമിച്ചതിന് കേസെടുത്തു. വട്ട്യറ സ്വദേശി വി. സുരേഷി (36)നെതിരെയാണ് കേസെടുത്തത്. കാട്ടാന ജനവാസ കേന്ദ്രത്തിലിറങ്ങി വ്യാപക അക്രമം നടത്തുമ്പോള് ആരും ആനയുടെ അടുത്ത് പോകരുതെന്ന് പോലീസും വനംവകുപ്പ് ഉദ്യോഗസ്ഥരും പലതവണ മൈക്ക് പ്രചരണം നടത്തുന്നതിനിടയിലാണ് യുവാവ് ഉദ്യോഗസ്ഥരെ വെട്ടിച്ച് കാട്ടാനയുടെ മുന്നിലെത്തി സെല്ഫിയെടുക്കാന് ശ്രമിച്ചതെന്ന് മുഴക്കുന്ന് എസ്ഐ പി. വിജേഷ് പറഞ്ഞു. ആന യുവാവിനെ കണ്ട ഉടന് പിന്നാലെ ഓടിയെങ്കിലും തലനാരിഴക്ക് തുമ്പിക്കയ്യില് അകപെടാതിരിന്നതിനാല് ദുരന്തം വഴിമാറി. തുടര്ന്ന് പോലീസ് ഇയാളെ പിടികൂടിയപ്പോള് തന്റെ വിദേശത്തുളള സുഹൃത്തിന് ആനയുടെ സെല്ഫിയയക്കാനെന്നാണ് മൊഴി നല്കിയത്. ഹര്ത്താലായിട്ടും നിരവധി പേരാണ് കാട്ടാനയുടെ ചിത്രം പകര്ത്താനും കാണാനുമായി തടിച്ച് കൂടിയത്. ഇത് പലപ്പോഴും പോലീസും വനം വകുപ്പിനും കാട്ടാനയെ റോഡില് നിന്നും…
Read More