കാസർഗോഡ് (കുണ്ടംകുഴി): ബേഡഡുക്ക പഞ്ചായത്തിലെ സിപിഎം ബീംബുങ്കാൽ ലോക്കൽ കമ്മിറ്റി സെക്രട്ടറിയും പഞ്ചായത്ത് അംഗവുമായ എം. സുകുമാരനെ (48) വീട്ടിനടുത്ത പറന്പിൽ തൂങ്ങി മരിച്ച നിലയിൽ കണ്ടെത്തി. കഴിഞ്ഞ ദിവസം രാവിലെ വീട്ടിൽ നിന്നും ഇറങ്ങിയ സുകുമാരനെ തിരിച്ചെത്താത്തതിനെ തുടർന്നു അന്വേഷിച്ചുവെങ്കിലും ഇന്നു രാവിലെയാണ് വീട്ടിനടുത്തുള്ള പറന്പിലെ മരത്തിൽ തൂങ്ങി മരിച്ച നിലയിൽ കണ്ടത്. ബേഡകം പോലീസ് മൃതദേഹം പോസ്റ്റുമോർട്ടത്തിനായി കാസർഗോഡ് ജനറൽ ആശുപത്രിയിലേക്കു മാറ്റി. ബീംബുങ്കാൽ അഞ്ചാം വാർഡ് അംഗമായ സുകുമാരൻ ആരോഗ്യവിദ്യാഭ്യാസ സ്റ്റാൻഡിംഗ് കമ്മിറ്റി ചെയർമാൻ കൂടിയാണ്. പായത്തെ പരേതനായ എം.ഗോപാലൻ നായർ – അമ്മാളു അമ്മ ദന്പതികളുടെ മകനാണ്. ഭാര്യ: ഗിരിജ. മക്കൾ: അഭിമന്യു, തേജസ്.
Read MoreCategory: Kannur
കണ്ണൂരിൽ ഫുട്ബോൾ പരിശീലനത്തിന്റെ മറവിൽ പീഡനം; യുവാവിനെതിരേ രണ്ട് കേസുകൾ കൂടി രജിസ്റ്റർ ചെയ്തു
കണ്ണൂർ: ഫുട്ബോൾ പരിശീലനത്തിന്റെ മറവിൽ 15ഓളം ആൺകുട്ടികളെ പ്രകൃതിവിരുദ്ധ പീഡനത്തിനിരയാക്കിയ യുവാവിനെതിരേ രണ്ട് കേസുകൾ കൂടി ടൗൺ പോലീസ് രജിസ്റ്റർ ചെയ്തു. കണ്ണൂരിലെ പതിനാലുകാരന്റെ പരാതിയിൽ കോഴിക്കോട് ഒളവണ സ്വദേശി ഫസൽ റഹ്മാൻ (30) നെതിരേ പോക്സോ പ്രകാരം കേസെടുത്ത് അറസ്റ്റ് ചെയ്തിരുന്നു. ഇയാൾ ഇപ്പോൾ റിമാൻഡിലാണ്. ഇതിനിടെയാണ് രണ്ട് കുട്ടികളുടെ രക്ഷിതാക്കൾ കൂടി പരാതിയുമായി എത്തിയത്. മൂന്ന് പരാതിയുടെയും അടിസ്ഥാനത്തിൽ പോക്സോ പ്രകാരം കേസെടുത്തു. നിരവധി കുട്ടികളെ ഇയാൾ പീഡനത്തിനിരയാക്കിയതിന്റെ കൂടുതൽ തെളിവുകൾ പുറത്തുവന്നുകൊണ്ടിരിക്കുകയാണ്. തെക്കിബസാറിലെ അൽജസീറ ഫുട്ബോൾ ക്ലബ് പരിശീലകനായി നവമാധ്യമങ്ങളിലൂടെ പ്രചരിപ്പിച്ചാണ് കുട്ടികളെ വശത്താക്കിയത്. ഫുട്ബോൾ പരിശീലനത്തിനിടെ ഇയാളുടെ വാടകവീട്ടിൽ എത്തിച്ചാണ് കുട്ടികളെ പീഡിപ്പിച്ചത്. പീഡന ദൃശ്യങ്ങൾ പകർത്തി പെൻഡ്രൈവിൽ സൂക്ഷിച്ചുവെക്കും. ഇത്തരത്തിലുള്ള 200ഓളം ദൃശ്യങ്ങൾ പോലീസ് കണ്ടെടുത്തിട്ടുണ്ട്. ഫസൽ റഹ്മാൻ നേരത്തെ തലശേരിയിലും ഇതേരീതിയിൽ ആൺകുട്ടികളെ വലയിലാക്കിയിട്ടുണ്ട്. ധർമടം പോലീസിന്റെ പിടിയിലായ…
Read Moreപതിനഞ്ച് സെന്റ് സ്ഥലവും എംപി പെൻഷനും ദുരിതാശ്വാസത്തിന് നൽകി എ.പി. അബ്ദുള്ളക്കുട്ടി
കണ്ണൂർ: പ്രളയക്കെടുതിയിൽ ദുരിതമനുഭവിക്കുന്നവർക്ക് 15 സെന്റ് സ്ഥലവും എംപി പെൻഷനായി ലഭിക്കുന്ന ഒരുമാസത്തെ തുകയും നൽകി എ.പി.അബ്ദുള്ളക്കുട്ടി. പ്രളയദുരിതത്തിൽ അകപ്പെട്ട ആയിരം പേർക്ക് വീട് നിർമിച്ചുനൽകുന്ന കെപിസിസിയുടെ ആയിരം വീട് പദ്ധതിയിലേക്ക് സ്വന്തം ഉടമസ്ഥതയിൽ മലപ്പട്ടത്തുള്ള സ്ഥലം നൽകുന്നതിനാണ് അബ്ദുള്ളക്കുട്ടി സന്നദ്ധതയറിയിച്ചത്. മുൻ എംപിയെന്ന നിലയിൽ ലഭിക്കുന്ന ഒരു മാസത്തെ പെൻഷനായ 25,700 രൂപ മുഖ്യമന്ത്രിയുടെ ദുരിതാശ്വാസ നിധിയിലേക്ക് ഇന്നു രാവിലെ കണ്ണൂർ ജില്ലാ കളക്ടർ മിർ മുഹമ്മദലിക്ക് കൈമാറുകയും ചെയ്തു.
Read Moreസൗമ്യയുടെ ആത്മഹത്യ: ജയിൽ ഡിഐജി തെളിവെടുപ്പ് നടത്തി; പുറം ജോലിക്ക് നിയോഗിക്കുമ്പോൾ പുലർത്തേണ്ട ജാഗ്രത പാലിച്ചില്ലെന്ന് ചൂണ്ടിക്കാട്ടി ജയിൽ ജീവനക്കാർ
കണ്ണൂർ: പിണറായി കൂട്ടക്കൊല കേസിലെ പ്രതി സൗമ്യ ജയിലിനുള്ളിൽ ജീവനൊടുക്കിയ സംഭവത്തിന്റെ അന്വേഷണവുമായി ബന്ധപ്പെട്ട് ജയിൽ ഡിഐജി എസ്. സന്തോഷ് തെളിവെടുപ്പ് നടത്തി. കണ്ണൂർ സെൻട്രൽ ജയിലിന്റെ പരിസരങ്ങളിലാണ് തെളിവെടുപ്പ്; സംഭവ സമയം ഡ്യൂട്ടിയിലുണ്ടായിരുന്നവർക്കെതിരേ നടപടിക്ക് സാധ്യത സംഭവത്തെക്കുറിച്ച് അന്വേഷിച്ച റീജണൽ വെൽഫെയർ ഓഫീസർ കെ.വി. മുകേഷ് കഴിഞ്ഞദിവസം ഡിഐജിക്ക് റിപ്പോർട്ട് കൈമാറിയിരുന്നു. ഈ റിപ്പോർട്ടിന്റെ അടിസ്ഥാനത്തിലാണ് ഇന്ന് തെളിവെടുപ്പ് നടത്തുന്നത്. സംഭവസമയം ഉദ്യോഗസ്ഥരടക്കം നാലു ജീവനക്കാരാണ് ഡ്യൂട്ടിയിൽ ഉണ്ടായിരുന്നത്. ഇവർക്കെതിരേ നടപടിയുണ്ടാകുമെന്നാണ് സുചന. ജയിൽ സൂപ്രണ്ട്. കെ. ശകുന്തള അവധിയിലായിരുന്നതിനാൽ അസിസ്റ്റന്റ് സൂപ്രണ്ട് കെ. രമയ്ക്കായിരുന്നു ചുമതല. കണ്ണൂർ വനിതാ ജയിലിൽ 20 തടവുകാർക്കായി 23 ജീവനക്കാരുണ്ട്. മുന്പും ആത്മഹത്യാ പ്രേരണ കാണിച്ചിട്ടുള്ള സൗമ്യ ജയിലിനുള്ളിൽ തൂങ്ങി മരിച്ചത് സുരക്ഷാ വീഴ്ചയാണെന്ന വിമർശനം ഉയർന്നിട്ടുണ്ട്. കൂട്ടക്കൊലക്കേസിലെ പ്രതിയായിട്ടും ജയിൽ ഉദ്യോഗസ്ഥർ മതിയായ ശ്രദ്ധ കൊടുത്തില്ലെന്നാണ് ആക്ഷേപം.…
Read Moreഅഞ്ച് ജില്ലകളിൽ എലിപ്പനി മുന്നറിയിപ്പ്; ശുചീകരണത്തിലേർപ്പെടുന്നവർ പ്രതിരോധമരുന്ന് ഒഴിവാക്കരുതെന്നു നിർദേശം; സ്വയം ചികിത്സപാടില്ലെന്ന് ആരോഗ്യവകുപ്പ്
തിരുവനന്തപുരം: പ്രളയക്കെടുതി നേരിടുന്ന അഞ്ച് ജില്ലകളിൽ ആരോഗ്യവകുപ്പിന്റെ എലിപ്പനി മുന്നറിയിപ്പ്. തൃശൂർ, പാലക്കാട്, മലപ്പുറം, കോഴിക്കോട്, കണ്ണൂർ ജില്ലകൾക്കാണു മുന്നറിയിപ്പ് നൽകിയിട്ടുള്ളത്. പ്രതിരോധമരുന്നുകൾ കഴിക്കാൻ എല്ലാവരും തയാറാകണമെന്നും ആരോഗ്യവകുപ്പ് അറിയിച്ചു. വെള്ളപ്പൊക്കം കാരണം ഈ രോഗാണുക്കൾ എല്ലാ വെള്ളക്കെട്ടുകളിലും എത്താനുള്ള സാധ്യതയുണ്ട്. ശുചീകരണ പ്രവർത്തനം ഉൾപ്പെടെ വെള്ളവുമായി സന്പർക്കത്തിൽ വരുന്ന ജോലികളിൽ ഏർപ്പെടുന്നവരുടെ ശരീരത്തിലെ നേർത്ത പോറലുകളിലും മുറിവുകളിലും കൂടി ഈ രോഗാണുക്കൾ ശരീരത്തിൽ പ്രവേശിക്കും. പനി ലക്ഷണം കണ്ടാൽ സ്വയം ചികിത്സ നടത്താതെ ആരോഗ്യ കേന്ദ്രങ്ങളുമായി ബന്ധപ്പെടണമെന്നും ആരോഗ്യവകുപ്പ് നിർദേശിക്കുന്നു. പ്രളയത്തിനുശേഷം രക്ഷാപ്രവർത്തനത്തിലും ശുചീകരണപ്രവർത്തനങ്ങളിലും ഏർപ്പെടുന്നവർക്കു നേരത്തെ തന്നെ എലിപ്പനി മുന്നറിയിപ്പും പ്രതിരോധമരുന്നും നൽകിയിരുന്നു. പ്രളയബാധിത പ്രദേശങ്ങളിലെ വെള്ളക്കെട്ടുകളിൽ ശുചീകരണത്തിന് ഇറങ്ങുന്നവർ എലിപ്പനി തടയുന്നതിന് ഡോക്സിസൈക്ലിൻ ഗുളിക ഉപയോഗിക്കണമെന്ന് മെഡിക്കൽ ഓഫീസർമാർ നിർദേശിച്ചിട്ടുണ്ട്.
Read Moreദുരിതബാധിതര്ക്ക് വേണ്ടി പാടാന് ചെന്നൈ പി. ഉണ്ണികൃഷ്ണന് തളിപ്പറമ്പിൽ
തളിപ്പറമ്പ്: പ്രശസ്ത ഗായകന് ചെന്നൈ പി. ഉണ്ണികൃഷ്ണന് ദുരിതബാധിതര്ക്ക് വേണ്ടിപാടാന് തളിപ്പറമ്പില്. തളിപ്പറമ്പിലെ സംഗീത കൂട്ടായ്മയായ പെരുംചെല്ലൂര് സംഗീതസഭയാണ് പരിപാടി സംഘടിപ്പിക്കുന്നത്. അദ്ദേഹത്തിന്റെ പരിപാടി നേരത്തെ സംഗീതസഭ ബുക്ക് ചെയ്തിരുന്നെങ്കിലും പ്രളയത്തെ തുടർന്ന് അടുത്തമാസം രണ്ടിലേക്ക് മാറ്റിവെക്കുകയായിരുന്നു. പ്രതിഫലം പൂര്ണമായും പ്രളയദുരിതാശ്വാസത്തിന് നൽകാൻ സന്നദ്ധനായാണ് ഉണ്ണികൃഷ്ണന് വരുന്നത്. ഇതറിഞ്ഞ് പക്കമേളക്കാരും പ്രതിഫലം ഉപേക്ഷിച്ചു. സ്പതംബര് രണ്ടിന് വൈകുന്നേരം 6.30 മുതല് 9.30 വരെ രാജരാജേശ്വര ക്ഷേത്രത്തിന് സമീപത്തെ നീലകണ്ഠയ്യര് സ്മാരക ഹാളിലാണ് കച്ചേരി നടക്കുന്നത്. സംഗീതപരിപാടിയിലൂടെ സ്വരൂപിക്കുന്ന തുക കണ്ണൂര് ജില്ലയിലെ ദുരിതബാധിതപ്രദേശത്ത് സംഗീതസഭ തന്നെ നേരിട്ട് ചെലവഴിക്കും. കച്ചേരിയുമായി ബന്ധപ്പെട്ട് പ്രവര്ത്തിക്കുന്ന മറ്റ് മേഖലകളില് ഉള്ളവരും തങ്ങളുടെ പ്രതിഫലം ഉപേക്ഷിക്കാന് സന്നദ്ധത പ്രകടിപ്പിച്ചിട്ടുണ്ടെന്ന് വിജയ് നീലകണ്ഠന്, പി.വി. രാജശേഖരന്, ഡോ.കെ.വി. വല്സലന്, വിനോദ് അരിയേരി എന്നിവര് പത്രസമ്മേളനത്തില് അറിയിച്ചു.
Read Moreപ്രളയദുരിതബാധിതരോട് ഐക്യദാർഢ്യം പ്രകടിപ്പിച്ച് വിവാഹ ചെലവു ചുരുക്കി ദുരിതാശ്വാസ നിധിയിലേക്ക്
കൂത്തുപറമ്പ്: വിവാഹ ചെലവ് ചുരുക്കി പ്രളയദുരിതബാധിതരോട് ഐക്യദാർഢ്യം പ്രകടിപ്പിച്ച് യുവാവ് മാതൃകയായി. കിണവക്കൽ നൂർമഹലിൽ യു.വി.സുഹൈർ ആണ് തന്റെ വിവാഹത്തിന്റെ ചെലവുകൾ ചുരുക്കി മുസ്ലിം ലീഗ് സ്വരൂപിക്കുന്ന ദുരിതാശ്വാസ നിധിയിലേക്ക് നല്കിയത്. കൂത്തുപറമ്പ് മണ്ഡലം മുസ്ലിം ലീഗ് ജനറൽ സെക്രട്ടറി വി.നാസർ മാസ്റ്റർ സുഹൈറിൽ നിന്നും തുക ഏറ്റുവാങ്ങി. ചടങ്ങിൽ നേതാക്കളായ ബഷീർ കൂറാറ, ശാഹുൽ ഹമീദ്, യു.വി.മൂസഹാജി, ടി.പി.ഇബ്രാഹിം, യു.വി. അഹമ്മദ് കുട്ടി, ടി.പി.അബ്ദുറഹിമാൻ ഹാജി,അഷ്റഫ് കിണവക്കൽ, സി.കെ. ബഷീർ, പി.നിസാർ, ടി.പി.സിയാദ്, ഇസ്മായിൽ എന്നിവർ സംബന്ധിച്ചു.
Read Moreഇരിക്കൂറിൽ നാലു പേർക്ക് തെരുവ് നായയുടെ ആക്രണം; കടിയേറ്റ് യുവാവിന്റെ കൈയുടെ എല്ല് തകർന്നു; തെരുവ്നായ ശല്യം രൂക്ഷമായിട്ടും നടപടിയെടുക്കാതെ പഞ്ചായത്ത്
ശ്രീകണ്ഠപുരം(കണ്ണൂർ): ഇരിക്കൂറിൽ തെരുവ്നായ ശല്യം രൂക്ഷം. ഇന്ന് പുലർച്ചെ നാലുപേർക്ക് കടിയേറ്റു. ഇരിക്കൂർ ടൗണിലെ സഫ ഹോട്ടൽ തൊഴിലാളി നിടുവള്ളൂരിലെ തെക്കുംഭാഗത്ത് മായിൻ (48), ഇരിട്ടിയിലെ ഹോട്ടൽ തൊഴിലാളി കുട്ടാവിലെ മുല്ലോളി താജുദീൻ (40), പത്രവിതരണം നടത്തുന്ന ഇരിക്കൂർ ടൗണിലെ താഴലെപുരയിൽ സാമിൽ (17), കോളോട്ടെ വിജയന്റെ ഭാര്യയും മാമാനം ക്ഷേത്രജീവനക്കാരിയുമായ ടി. ഷീല (45) എന്നിവർക്കാണ് കടിയേറ്റത്. എല്ലാവരെയും കണ്ണൂർ ജില്ലാ ആശുപത്രിയിൽ പ്രവേശിപ്പിച്ചു. താജുദീന്റെ പുറത്തും കൈക്കും, മായിന്റെ കൈക്കും സാമിലിന്റെ തുടയ്ക്കും ഷീലയുടെ കൈക്കുമാണ് കടിയേറ്റത്. കടിയേറ്റ് മായിന്റെ കൈയുടെ എല്ല് തകർന്നു. പുലർച്ചെ അഞ്ചിന് ഹോട്ടലിലേക്ക് പോകുന്നതിനിടെ ഡയനാമോസ് ഗ്രൗണ്ടിൽ വച്ച് മായിനാണ് ആദ്യം നായയുടെ കടിയേറ്റത്. ഇതേ നായ തന്നെയാണ് സംസ്ഥാനപാതയിൽ കളങ്ങര പള്ളിക്ക് സമീപം വച്ച് താജുദീനെയും സാമിലിനെയും കടിച്ചത്. രാവിലെ ക്ഷേത്രത്തിലേക്ക് പോകുന്നതിനിടെ കോളോട് വച്ചാണ് ഷീലയ്ക്ക്…
Read Moreതളിപ്പറന്പിലെ പെണ്കെണി! ഉന്നതന്മാരെ കുടുക്കാനായി കൂട്ടുനിന്ന കാസര്ഗോഡ് സ്വദേശിനി യെ ചോദ്യം ചെയ്യും
തളിപ്പറമ്പ്: ഉന്നതന്മാരെ പെണ്കെണിയില് കുടുക്കാനായി കൂട്ടുനിന്ന കാസര്ഗോഡ് സ്വദേശിനിയെ ചോദ്യം ചെയ്യുമെന്ന് പോലീസ്. ഇവരോട് തളിപ്പറമ്പ് സ്റ്റേഷനില് ഹാജരാകാന് ആവശ്യപ്പെട്ടിട്ടുണ്ട്. യുവതിയെ ചോദ്യം ചെയ്യുന്നതോടെ കൂടുതല് കാര്യങ്ങള് വ്യക്തമാകൂവെന്നാണ് പോലീസ് പറയുന്നത്. നിരവധി പേരെ ഈ യുവതിയോടൊപ്പം നിര്ത്തി ഫോട്ടോകളും വീഡിയോകളും പ്രതികള് ചിത്രീകരിച്ചതായി തെളിഞ്ഞിട്ടുണ്ട്. ഗള്ഫുകാരന്റെ ഭാര്യയായ ഈ യുവതിയേയും വീഡിയോ ബ്ലാക്ക് മെയിലിങ്ങിലൂടെയാണോ സംഘം ഇരയാക്കിയതെന്ന സംശയവും ബലപ്പെട്ടിട്ടുണ്ട്. നാലുപേര് അറസ്റ്റിലായതോടെ തളിപ്പറമ്പിലെ പല ഉന്നതന്മാരും ഇപ്പോള് അങ്കലാപ്പിലായിരിക്കയാണ്. ചില വ്യാപാരികളും പ്രവാസികളുമുള്പ്പെടെ നിരവധിയാളുകള് ഈ സംഘത്തിന്റെകെണിയില് അകപ്പെട്ടതായി പോലീസിന് വിവരം ലഭിച്ചിട്ടുണ്ട്. വീഡിയോ ക്ലിപ്പുകള് കാണിച്ച് ഇവരില് നിന്നൊക്കെ അറസ്റ്റിലായ സംഘം പണം തട്ടിയെടുത്തിട്ടുണ്ട്. എന്നാല് മാതമംഗലത്തെ കുഴിക്കാട്ട് വീട്ടില് ഭാസ്കരന് (62) എന്നയാള് മുസ്തഫയ്ക്കും വയനാട് സ്വദേശികളായ അബദുള്ള, അന്വര് എന്നിവര്ക്കെതിരേ പരാതി നല്കിയതിനെ തുടര്ന്ന് പോലീസ് കേസെടുത്തു. 2017 ഡിസംബറില്…
Read Moreബന്ധുക്കൾ ഏറ്റുവാങ്ങിയില്ല; സൗമ്യയുടെ മൃതദേഹം ജയിൽ അധികൃതർ സംസ്കരിച്ചു
കണ്ണൂർ: പിണറായി കൂട്ടക്കൊലക്കേസ് പ്രതി സൗമ്യയുടെ മൃതദേഹം ബന്ധുക്കൾ ഏറ്റുവാങ്ങാതിരുന്നതോടെ ജയിൽ വകുപ്പ് അധികൃതർ അനാഥ മൃതദേഹമായി പരിഗണിച്ച് സംസ്കാരം നടത്തി. പയ്യാന്പലം പൊതുശ്മശാനത്തിൽ പ്രത്യേക തയാറാക്കിയ സ്ഥലത്ത് 11.30 ഓടെയാണ് സംസ്കാരം നടന്നത്. ബന്ധുക്കൾ മൃതദേഹം ഏറ്റുവാങ്ങുമെന്ന് പ്രതീക്ഷിച്ച് ജയിൽ വകുപ്പ് അധികൃതർ മൂന്ന് ദിവസം കാത്തിരുന്നു. സൗമ്യ ജയിലിൽ ആത്മഹത്യ ചെയ്തതിൽ അസ്വഭാവികത ഉണ്ടെന്ന് ബന്ധുക്കൾ ആരോപിച്ചിരുന്നു. അതിനാൽ ഭാവിയിൽ വീണ്ടും പരിശോധനയ്ക്ക് മൃതദേഹം പുറത്തെടുക്കേണ്ടി വരുമെന്ന നിഗമനത്തിലാണ് പ്രത്യേക സ്ഥലത്ത് സംസ്കാരം നടത്തിയത്. പോസ്റ്റ്മോർട്ടത്തിനു ശേഷം പരിയാരം മെഡിക്കൽ സൂക്ഷിച്ചിരിക്കുന്ന മൃതദേഹം നടപടി ക്രമങ്ങൾ പൂർത്തിയാക്കി രാവിലെ പത്തോടെയാണ് പോലീസ് ഏറ്റുവാങ്ങിയത്. തുടർന്ന് ജയിൽ ആബുലൻസിൽ പയ്യാന്പലം പൊതുശ്മശാനത്തിൽ എത്തിക്കുകയായിരുന്നു.
Read More