പയ്യന്നൂര്: പയ്യന്നൂരിലെ ജ്വല്ലറി കവര്ച്ചയുമായി ബന്ധപ്പെട്ട് അന്വേഷണത്തിന്റെ ഭാഗമായി റൂറൽ ബാങ്കിലെ സിസിടിവി ദൃശ്യങ്ങള് അന്വേഷണസംഘം സൂക്ഷ്മ പരിശോധന നടത്തുന്നു. ബാങ്കിന്റെ തകര്ക്കപ്പെട്ട നിരീക്ഷണ കാമറയില്നിന്നു ലഭിച്ച ദൃശ്യങ്ങളാണു പോലീസ് പരിശോധന നടത്തുന്നത്. താഴെനിന്നും കൈ ഉയര്ത്തി കാമറ തകര്ക്കുന്ന ആളുടെ രൂപം കാമറയില് പതിഞ്ഞിട്ടുണ്ടെങ്കിലും പ്രകാശ കുറവുമൂലം ദൃശ്യം അവ്യക്തമാണ്. ഇതിനാലാണു ദൃശ്യം സൂക്ഷ്മ പരിശോധനയ്ക്കു വിധേയമാക്കുന്നത്.സംഭവവുമായി ബന്ധപ്പെട്ട് ഇന്നലെ പോലീസ് രണ്ടുപേരെ കസ്റ്റഡിയിലെടുത്തിരുന്നു. തുടർന്നു വിശദമായ ചോദ്യം ചെയ്യലിനു ശേഷം കുറ്റക്കാരല്ലെന്നു കണ്ടു ഇവരെ വിട്ടയക്കുകയും ചെയ്തു. പയ്യന്നൂര് പഴയ ബസ് സ്റ്റാൻഡിനു സമീപത്തെ ശ്രീലക്ഷ്മി ജ്വല്ലറിയില് നിന്നും 10,000 രൂപയോളം വില വരുന്ന വെള്ളിയാഭരണങ്ങള് കവര്ച്ചയില് നഷ്ടപ്പെട്ടിരുന്നു. പയ്യന്നൂര് കോ-ഓപ്പറേറ്റീവ് റൂറല് ബാങ്ക് കെട്ടിടത്തിലും ഇതേ കെട്ടിടത്തിലെ കൈരളി ഹോട്ടലിലും നടത്തിയ കവര്ച്ചാ ശ്രമം നടത്തിയെങ്കിലും പരാജയപ്പെടുകയായിരുന്നു. ബുധനാഴ്ച രാത്രി 11.30 ഓടെയാണു…
Read MoreCategory: Kannur
വിവാഹ വാഗ്ദാനം നൽകി യുവതിയെ പീഡിപ്പിച്ച കേസിൽ സിപിഎം നേതാവ് അറസ്റ്റിൽ
തൃക്കരിപ്പൂർ: പത്തുവർഷത്തോളം പലയിടങ്ങളിലായി ലൈംഗികമായി പീഡിപ്പിച്ചുവെന്ന യുവതിയുടെ പരാതിയിൽ സിപിഎം നേതാവ് അറസ്റ്റിൽ. സിപിഎം തൃക്കരിപ്പൂർ ഏരിയ കമ്മിറ്റി അംഗം കൂടിയായഡിവൈഎഫ് ഐ തൃക്കരിപ്പൂർ ബ്ലോക്ക് സെക്രട്ടറി വലിയപറമ്പ് സെൻട്രലിലെ രതീഷ് കുതിരുമ്മലി(33)നെയാണ് ചന്തേര പോലീസ് അറസ്റ്റ് ചെയ്തത്. യുവതിയുടെ പരാതിയിൽ ബലാത്സംഗം, വിവാഹ വാഗ്ദാനം നൽകി വഞ്ചിക്കൽ തുടങ്ങിയ കുറ്റങ്ങൾക്കാണ് പോലീസ് കേസെടുത്തത്. വലിയപറമ്പിലെ മാടക്കാൽ സ്വദേശിനിയായ 23 കാരി യുവതിയാണ് പരാതി നൽകിയത്. തനിക്കു 13 വയസുള്ള 2008 മുതൽ വിവാഹ വാഗ്ദാനം നൽകി പലയിടങ്ങളിലും കൊണ്ടുപോവുകയും രതീഷിന്റെ വീട്ടിൽ വെച്ചും യുവതിയുടെ വീട്ടിൽ വെച്ചും ലൈംഗികമായി പീഡിപ്പിച്ചുവെന്നാണ് യുവതിയുടെ പരാതി. യുവ സിപിഎം നേതാവ് കാഞ്ഞങ്ങാട് ക്ഷേമനിധി ഓഫീസിൽ ജീവനക്കാരനാണ്. അറസ്റ്റിലായ രതീഷിനെ ചന്തേര പോലീസ് ഹോസ്ദുർഗ് കോടതിയിൽ ഹാജരാക്കി. കോടതി സെപ്റ്റംബർ 13 വരെ റിമാൻഡ് ചെയ്തു.
Read Moreകണ്ടാൽ സുന്ദരി, ചെന്നാൽ “തരികിട’; കണ്ണൂരിൽ “സുന്ദരി’മാരുടെ പിടിച്ചുപറി സംഘം; സുന്ദരികളായി എത്തി തട്ടിപ്പു നടത്തുന്നത് യുവാക്കൾ
സ്വന്തം ലേഖകൻ കണ്ണൂർ: സ്ത്രീകളുടെ വേഷംകെട്ടി കണ്ണൂർ നഗരത്തിൽ പിടിച്ചുപറി സംഘം. രാത്രി 10 കഴിഞ്ഞാൽ കണ്ണൂർ നഗരത്തിൽ എത്തുന്നവരാണ് ഇവരുടെ ആക്രമണത്തിന് ഇരയാകുന്നത്. കഴിഞ്ഞ രണ്ടു മാസത്തിനിടെ കണ്ണൂർ ടൗൺ സ്റ്റേഷനിൽ ആറോളം കേസുകളാണ് ഇത്തരത്തിൽ രജിസ്റ്റർ ചെയ്തിരിക്കുന്നത്. എറണാകുളം, തൃശൂർ, മലപ്പുറം, കോഴിക്കോട്, കാസർഗോഡ് എന്നിവടങ്ങളിൽ നിന്നുള്ള 25 ഓളം പേർ പിടിച്ചുപറി സംഘത്തിലുണ്ടെന്നാണ് പോലീസിനു ലഭിച്ചിരിക്കുന്ന സൂചന. കണ്ണൂർ റെയിൽവേ സ്റ്റേഷനിൽനിന്ന് കണ്ണൂർ പഴയ ബസ് സ്റ്റാൻഡിലേക്ക് നടന്നുപോകുന്ന യാത്രക്കാരെ ലക്ഷ്യമാക്കിയാണ് ഇവരുടെ മോഷണം. കൂടാതെ ആൾക്കാരെ വശീകരിച്ച് കൊണ്ടുപോയി പണം പിടിച്ചുവാങ്ങിയ സംഭവവും ഉണ്ടായിട്ടുണ്ട്. മുനീശ്വരൻകോവിൽ റോഡ്, താളിക്കാവ്, കണ്ണൂർ റെയിൽവേ സ്റ്റേഷൻ കേന്ദ്രീകരിച്ചാണ് ഇവരുടെ പ്രവർത്തനം. ചിലപ്പോൾ സംഘടിച്ച് നിന്ന് കൂട്ടമായി പോകുന്ന യാത്രക്കാരുടെ നേരെ അസഭ്യവർഷവും നടത്താറുണ്ട്. റെയിൽവേ സ്റ്റേഷൻ പരിസരത്തുള്ള ഒരു ലോഡ്ജ് കേന്ദ്രീകരിച്ചാണ് സംഘം പ്രവർത്തിക്കുന്നത്.…
Read Moreസ്കൂൾ വിദ്യാർഥിനിയെ ചവിട്ടിയിറക്കിയ സംഭവം: കണ്ടക്ടർ അറസ്റ്റിൽ
ചെറുപുഴ: ചെറുപുഴ സെന്റ് മേരീസ് ഹൈസ്കൂൾ എട്ടാം ക്ലാസ് വിദ്യാർഥിനിയെ സ്വകാര്യ ബസിൽ നിന്ന് ചവിട്ടി ഇറക്കിയ സംഭവത്തിൽ കണ്ടക്ടർ അറസ്റ്റിൽ. ചെറുപുഴ-പുളിങ്ങോം റൂട്ടിലോടുന്ന ജാനവി ബസ് കണ്ടക്ടർ മുളപ്രയിലെ തെക്കനാട്ട് സൂരജി (28)നെയാണ് ചെറുപുഴ പോലീസ് അറസ്റ്റ് ചെയ്തത്. പിന്നീട് ഇയാളെ ആൾ ജാമ്യത്തിൽ വിട്ടയച്ചു. ബുധനാഴ്ച വൈകുന്നേരമായിരുന്നു കേസിനാസ്പദമായ സംഭവം. സ്കൂൾ വിട്ട് കാക്കയംചാലിലെ സ്കൂൾ ബസ് സ്റ്റോപ്പിൽ നിന്ന് ബസിൽ കയറാൻ ശ്രമിക്കവെ കണ്ടക്ടർ വിദ്യാർഥിനിയെ ചവിട്ടിയെന്നാണ് കേസ്. കുട്ടിയുടെ പിതാവ് നൽകിയ പരാതിയിലാണ് പോലീസ് കേസ് രജിസ്റ്റർ ചെയ്തത്. ചൈൽഡ് ലൈൻ പ്രവർത്തകർ സ്ഥലത്തെത്തി കുട്ടിയുടെ മൊഴി രേഖപ്പെടുത്തി. ബസിൽ യാത്ര ചെയ്യുന്ന വിദ്യാർഥികളോട് ബസ് ജീവനക്കാർ അപമര്യാദയായി പെരുമാറുന്നത് ശ്രദ്ധയിൽപ്പെട്ടിട്ടുണ്ടെന്നും ഇത്തരക്കാർക്കെതിരെ ശക്തമായ നടപടിയുണ്ടാകുമെന്നും ചെറുപുഴ എസ്ഐ എം.എൻ. ബിജോയ് പറഞ്ഞു.
Read Moreട്യൂഷൻ സെന്റർ പീഡനം: സമ്മർദങ്ങളെ അതിജീവിച്ച പോലീസിന്റെ വിജയം
കാഞ്ഞങ്ങാട്: ട്യൂഷൻ സെന്ററിൽ വിദ്യാർഥിനികളെ പീഡിപ്പിച്ച കേസിൽ പ്രതി ഡോ. മുഹമ്മദ് അഷ്കറിന് ശിക്ഷ വാങ്ങിക്കൊടുത്തതിന്റെ നേട്ടം പോലീസിന്. പരാതിക്കാർ രംഗത്തുവരാതിരിക്കുകയും കേസൊതുക്കാൻ ഭരണതലങ്ങളിൽ നിന്നുവരെ സമ്മർദമുണ്ടാവുകയും ചെയ്തപ്പോഴും ഒരാളുടെ മാത്രം മൊഴിയിൽ പോലീസ് സ്വമേധയാ കേസെടുക്കുകയുമായിരുന്നു. അന്നു ഹൊസ്ദുർഗിൽ സിഐയായിരുന്ന തളിപ്പറമ്പ് ഡിവൈഎസ്പി കെ.വി. വേണുഗോപാലിന്റെ നിശ്ചയദാർഢ്യമാണ് പ്രതിക്ക് അർഹമായ ശിക്ഷ വാങ്ങിക്കൊടുത്തത്.പരിയാരം മെഡിക്കൽ കോളജിൽ രണ്ടാം വർഷ വിദ്യാർഥിയായിരിക്കെയാണ് മുഹമ്മദ് അഷ്കർ കേസിൽ പ്രതിയാകുന്നത്. ആറു കേസുകളായിരുന്നു ഹൊസ്ദുർഗ് പോലീസ് രജിസ്റ്റർ ചെയ്തിരുന്നത്. ഇതിൽ നാലു പരാതിക്കാരെ പ്രതി സ്വാധീനിച്ച് മൊഴി മാറ്റിപ്പറയിച്ച് രക്ഷപ്പെട്ടുവെന്നാണ് കരുതുന്നത്. എന്നാൽ ഇതിനു തയാറാകാതിരുന്ന പെൺകുട്ടിക്കെതിരേ അഷ്കർ പോസ്റ്റർ പതിച്ച് അപമാനപ്പെടുത്താൻ ശ്രമിച്ചു. ഇതിന്റെ പേരിലും കേസുണ്ടായിരുന്നു. ഒടുവിൽ ആദ്യ പരാതിക്കാരി കേസിൽ ഉറച്ചുനിന്നത് പോലീസിനു പിടിവള്ളിയായി. ഇതിനിടയിൽ സിഐ കേസ് കെട്ടിച്ചമച്ചതാണെന്നാരോപിച്ച് അഷ്കർ ഹൈക്കോടതിയെ സമീപിച്ചിരുന്നു. എന്നാൽ…
Read Moreവിചാരണ തടവുകാരിയുടെ തൂങ്ങിമരണം; ഉദ്യോഗസ്ഥർക്കെതിരേ നടപടി ആവശ്യപ്പെട്ട് ഡിജിപിക്ക് റിപ്പോർട്ട്
കണ്ണൂർ: കണ്ണൂർ സെൻട്രൽ ജയിൽ കോന്പൗണ്ടിലെ വനിതാ ജയിലിൽ വിചാരണ തടവുകാരി പിണറായി പടന്നക്കരയിലെ സൗമ്യ തൂങ്ങിമരിച്ച സംഭവത്തിൽ ജയിൽ ഡിഐജി തയാറാക്കിയ റിപ്പോർട്ട് ഡിജിപിക്ക് കൈമാറും. ജയിൽ ഡിഐജി എസ്.സന്തോഷ് ഇന്നലെ കണ്ണൂർ വനിതാ ജയിലിൽ സന്ദർശനം നടത്തിയിരുന്നു. സംഭവത്തെക്കുറിച്ച് ആദ്യം അന്വേഷിച്ച റീജണൽ വെൽഫെയർ ഓഫീസർ കെ.വി. മുകേഷ് കഴിഞ്ഞദിവസം ഡിഐജിക്ക് റിപ്പോർട്ട് കൈമാറിയിരുന്നു. ഈ റിപ്പോർട്ടിന്റെ അടിസ്ഥാനത്തിലായിരുന്നു ജയിൽ ഡിഐജിയുടെ സന്ദർശനം. ഉദ്യോഗസ്ഥർക്കെതിരേയുള്ള നടപടി സംബന്ധിച്ച് ജയിൽ ഡിജിപിയാണ് അന്തിമതീരുമാനം എടുക്കേണ്ടത്. ജയിലിലെ അന്തേവാസി കൊല്ലപ്പെട്ടാലും ആത്മഹത്യ ചെയ്താലും അത് ഉദ്യോഗസ്ഥരുടെ വീഴ്ച തന്നെയാണെന്ന് ജയിൽ ഡിഐജിയുടെ ഇന്നലെ പറഞ്ഞിരുന്നു. ഉദ്യോഗസ്ഥർക്കെതിരേ നടപടി ആവശ്യപ്പെട്ടുകൊണ്ടുള്ള റിപ്പോർട്ടാണ് ഡിജിപിക്ക് നല്കിയിട്ടുള്ളത്.
Read Moreസുപ്രീംകോടതി വിധി ലംഘിച്ചു മുത്തലാഖ് ചൊല്ലിയ സംഭവത്തില് വനിതാ കമ്മീഷന് കേസെടുത്തു
പയ്യന്നൂര്: ആദ്യ ഭാര്യയെ മുത്തലാഖ് ചൊല്ലി ഒഴിവാക്കിയ സംഭവത്തില് വനിതാ കമ്മീഷന് കേസെടുത്തു. സുപ്രീം കോടതി നിരോധിച്ച മുത്തലാഖ് നടപ്പാക്കിയതായി ശ്രദ്ധയില്പ്പെട്ടതിനെ തുടര്ന്നാണു സ്വമേധയാ കേസെടുത്തതെന്നു സംസ്ഥാന വനിതാ കമ്മീഷന് അധ്യക്ഷ എം.സി. ജോസഫൈന് രാഷ്ട്രദീപികയോട് പറഞ്ഞു. ഭര്ത്താവിനും രണ്ടാം ഭാര്യക്കും ബന്ധുക്കള്ക്കുമെതിരെയുള്ള യുവതിയുടെ പരാതി ഫയലില് സ്വീകരിച്ച പയ്യന്നൂര് ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതി കഴിഞ്ഞ ദിവസം പ്രതികള്ക്കു നോട്ടീസയച്ചതിനു പിന്നാലെയാണു വനിതാ കമ്മീഷന് കേസെടുത്തത്. ഇതിന്റെ റിപ്പോര്ട്ട് ഉടന് ഡിജിപിക്കു കൈമാറുമെന്നും വനിതാ കമ്മീഷന് അധ്യക്ഷ പറഞ്ഞു. കഴിഞ്ഞ മാസം 13 നാണു പരാതിക്ക് ആസ്പദമായ സംഭവം. കാങ്കോല് ന്യൂഹൗസില് താമസിക്കുന്ന അബ്ദുള് സലാമിന്റെ മകള് ആരിഫയെ (23) ഭര്ത്താവ് പയ്യന്നൂര് പെരുമ്പ എസ്.കെ ഹൗസില് താമസിക്കുന്ന ലിയാക്കത്ത് അലിഖാന് (35) മൂന്ന് തലാഖും ഒന്നിച്ചുചൊല്ലി ബന്ധം വേര്പ്പെടുത്തിയതെന്നാണു പരാതി. 2013 മാര്ച്ച്…
Read Moreമുസ്ലിംലീഗ് കമ്മിറ്റി ഓഫീസ് സ്ഫോടനം: നിഷ്പക്ഷ അന്വേഷണം നടത്തണമെന്നു യുഡിഎഫ്
ഇരിട്ടി: ഇരിട്ടി ടൗണ് മുസ്ലിംലീഗ് കമ്മിറ്റി ഓഫീസ് കെട്ടിടത്തില് നിന്നും കഴിഞ്ഞ ദിവസം നടന്നുവെന്നു പറയുന്ന സ്ഫോടനത്തെ കുറിച്ചും ബോംബ് ശേഖരവും ആയുധവും പിടികൂടിയ സംഭവത്തിലും നിഷ്പക്ഷ അന്വേഷണം നടത്തണമെന്നു യുഡിഎഫ് ജില്ലാ ചെയര്മാന് പ്രഫ. എ.ഡി. മുസ്തഫ ആവശ്യപ്പെട്ടു. ഓഫീസ് സന്ദര്ശിച്ച ശേഷം ഇരിട്ടിയില് മാധ്യമ പ്രവര്ത്തകരോടു സംസാരിക്കുകയായിരുന്നു അദ്ദേഹം. മേഖലയില് സമീപകാലത്തെങ്ങും ഒറ്റപ്പെട്ട അക്രമസംഭവത്തില് പോലും മുസ്ലിംലീഗ് പങ്കാളിയായിട്ടില്ലെന്നിരിക്കെ പൊതുസമൂഹത്തില് മുസ്ലിംലീഗിനെയും യൂഡിഎഫിനെയും അപകീര്ത്തിപ്പെടുത്താനുള്ള ഉന്നതതല രാഷ്ടിയ-പോലീസ് ഗൂഡാലോചനയുടെ ഭാഗമാണോ ഇതിനുപിന്നിലെന്നു സംശയിക്കുന്നു. സംഭവം നടന്നു പോലീസ് അന്വേഷിക്കുംമുമ്പു സ്ഫോടനം നടത്തിയതു മുസ്ലിംലീഗ് ഓഫീസില് നിന്നാണെന്ന രീതിയില് സാമൂഹ്യമാധ്യമങ്ങളില് പ്രചാരണം നടത്തിയതു ദുരൂഹത ഉയര്ത്തുന്നതാണ്. സംഭവത്തെ കുറിച്ചു സമഗ്രവും നിഷ്പക്ഷവുമായ അന്വേഷണം നടത്തി കുറ്റവാളികളെ നിയമത്തിനു മുന്നില് കൊണ്ടുവരണമെന്നും അദ്ദേഹം ആവശ്യപ്പെട്ടു. യുഡിഎഫ് നിയോജകമണ്ഡലം ചെയര്മാന് പി.കെ.ജനാര്ദനന്, കണ്വീനര് ഇബ്രാഹിം മുണ്ടേരി, കെ.പി.പ്രഭാകരന്, സി.അബ്ദുള്ള…
Read Moreകണ്ണൂർ സർവകലാശാല ടീച്ചിംഗ് അസിസ്റ്റന്റ് ഇന്റർവ്യൂവിനെതിരേ യൂത്ത് കോൺഗ്രസ് പ്രതിഷേധം
കണ്ണൂർ: കണ്ണൂർ സർവകലാശാലയിലെ പഠന വകുപ്പുകളിലേക്ക് ടീച്ചിംഗ് അസിസ്റ്റന്റുമാരെ നിയമിക്കുന്നതിനായി നടത്തിയ വാക്ക്-ഇൻ-ഇന്റർവ്യൂവിനെതിരേ യൂത്ത് കോൺഗ്രസ് പ്രതിഷേധം. ഇന്നു രാവിലെ പത്തിനാണ് സർവകലാശാലയുടെ താവക്കര കാന്പസിൽ വച്ച് വാക്ക്-ഇൻ-ഇന്റർവ്യു നടത്തിയത്. സർവകലാശാല ആദ്യമിറക്കിയ പത്രക്കുറിപ്പിൽ പറഞ്ഞിരുന്നത് പിജി പാസായവരെ ക്ഷണിച്ചുകൊണ്ടുള്ള അറിയിപ്പായിരുന്നു. എന്നാൽ ഇന്നലെ യോഗ്യത വീണ്ടും തിരുത്തിയതിനെതിരേയായിരുന്നു യൂത്ത് കോൺഗ്രസിന്റെ പ്രതിഷേധം. സർവകലാശാല പഠന വകുപ്പുകളിൽനിന്നും സർവകലാശാലയ്ക്ക് കീഴിലെ ഗവൺമെന്റ്, എയ്ഡഡ്, അൺ എയ്ഡഡ് കോളജുകളിൽനിന്നും 2015-17 ബാച്ചിൽ ആദ്യ മൂന്ന് റാങ്ക് കരസ്ഥമാക്കിയ ഉദ്യോഗാർഥികളെ മാത്രമാണ് പരിഗണിക്കുന്നതെന്ന് കാണിച്ച് സർവകലാശാല ഇന്നു പത്രങ്ങളിൽ അറിയിപ്പ് നൽകിയിരുന്നു. ഇതിനെതിരേയാണ് യൂത്ത് കോൺഗ്രസ് പ്രതിഷേധം. സിപിഎം നേതാക്കളുടെ മക്കൾക്ക് ജോലികിട്ടുവാൻ കണ്ണൂർ സർവകലാശാല ഉണ്ടാക്കിയ പ്രത്യേക മാനദണ്ഡമാണിതെന്നാണ് യൂത്ത് കോൺഗ്രസിന്റെ ആരോപണം. അഭിമുഖത്തിനെത്തിയ ഉദ്യോഗാർഥികളെ സർവകലാശാലയുടെ പിൻവാതിലിലൂടെ രാവിലെ പത്തോടെ തന്നെ കയറ്റിയിരുന്നു. സർവകലാശാലയിൽ നടന്ന പ്രതിഷേധത്തിന്…
Read Moreഇരിട്ടിയിൽ ലീഗ് ഓഫീസ് കെട്ടിടത്തിൽ സ്ഫോടനം; പൊട്ടിയത് ഉഗ്രശേഷിയുള്ള ബോംബ്; പരിശോധനയ്ക്ക് സയന്റിഫിക് വിദഗ്ധർ എത്തുന്നു
ഇരിട്ടി: ഇരിട്ടി പുതിയ സ്റ്റാൻഡിലെ മുസ്ലിംലീഗ് ഓഫീസ് കെട്ടിടത്തിനുള്ളില് ഉഗ്രശേഷിയുള്ള ബോംബ് സ്ഫോടനം നടന്നതിനെക്കുറിച്ചുള്ള അന്വേഷണം ഊര്ജിതം. സയന്റിഫിക് വിദ്ഗധര് ഇന്നെത്തും. സ്ഫോടനം നടന്ന ബോംബ് ഏത് തരത്തിലുള്ളതാണെന്ന് കണ്ടെത്താനാണ് സയന്റിഫിക് വിദഗ്ധര് എത്തുന്നതെന്ന് ഡിവൈഎസ്പി പ്രജീഷ് തോട്ടത്തില് പറഞ്ഞു. ബോംബ് സ്ക്വാഡിന് ഏതുതരം ബോംബാണ് പൊട്ടിയതെന്ന് സ്ഥിരീകരിക്കാനാവാത്തതിനാലാണ് സയന്റിഫിക് വിദഗ്ധരെ പോലീസ് ആവശ്യപ്പെട്ടത്. ഐസ്ക്രീം ബോംബാണ് പൊട്ടിയെതെന്നാണ് പോലീസിന്റെ പ്രാഥമിക നിഗമനം.സ്ഫോടനത്തെ തുടര്ന്ന് നടത്തിയ അന്വേഷണത്തില് ലീഗ് ഓഫീസിന്റെ കോണ്ഫറന്സ് ഹാളിനു സമീപത്തു നിന്നും ഉഗ്രശേഷിയുള്ള മൂന്ന് നാടന് ബോംബുകളും മൂന്ന് വടിവാളും ആറ് ഇരുമ്പു ദണ്ഡുകളും രണ്ട് പട്ടിക കഷ്ണങ്ങളും പ്രത്യേക അന്വേഷണസംഘം പിടികൂടിയിരുന്നു. ബോംബ് സ്ക്വാഡ് നടത്തിയ പരിശോധനയില് സ്ഫോടനം നടന്നത് ലീഗ് ഓഫീസ് കെട്ടിടമായ സിഎച്ച് സൗധത്തില് നിന്നാണെന്നു പോലീസ് സ്ഥിരീകരിച്ചു. ഇന്നലെ ഉച്ചയ്ക്ക് 1.30 ഓടെയാണ് നഗരത്തെ നടുക്കിയ വൻ…
Read More