പയ്യന്നൂര്: മോഷണക്കേസിൽ പ്രതിയെ കോടതി കുറ്റക്കാരനല്ലെന്നു കണ്ടു വെറുതെ വിട്ടു. രാമന്തളി കക്കമ്പാറയിലെ വിനോദ് ചന്ദ്രനെന്ന നടവളപ്പില് ചന്ദ്രനെയാണ് (40) പയ്യന്നൂര് ജുഡീഷ്യല് ഒന്നാം ക്ലാസ് മജിസ്ട്രേറ്റ് കോടതി വെറുതെ വിട്ടത്. കേസിൽ പ്രതിയായ വിനോദ് ചന്ദ്രൻ കോടതിയിൽ അഭിഭാഷകന്റെ സഹായമില്ലാതെ സ്വയമായിരുന്നു കേസ് വാദിച്ചത്. 2012 മാര്ച്ച് 28ന് പഴയങ്ങാടി റെയില്വേ സ്റ്റേഷന് സമീപത്തെ ആസിയയുടെ വീട്ടില് നടന്ന കവര്ച്ചയായിരുന്നു കേസിനാസ്പദമായ സംഭവം. എഴേമുക്കാല് പവന്റെ സ്വര്ണാഭരണങ്ങളും 18,000 രൂപയുമാണ് അന്ന് ആസിയയുടെ വീട്ടില് നിന്നും കവര്ച്ച ചെയ്യപെട്ടത്. പഴയങ്ങാടി പോലീസ് രജിസറ്റർ ചെയ്ത കേസില് ദീര്ഘനാളത്തെ അന്വേഷണത്തിന് ശേഷം വിനോദ് ചന്ദ്രനെ അന്നത്തെ തളിപ്പറമ്പ് സിഐ പി.കെ.സുധാകരനായിരുന്നു അറസ്റ്റ് ചെയ്തത്. വിചാരണ വേളയില് അന്വേഷണ ഉദ്യോഗസ്ഥന് പ്രതിയായ വിനോദ് ചന്ദ്രന് തന്നെയാണെന്ന് കുറ്റകൃത്യം ചെയ്തതെന്ന് തെളിയിക്കാനോ വിനോദ് ചന്ദ്രന് തന്നെയാണ് നടവളപ്പില് ചന്ദ്രന് എന്ന്…
Read MoreCategory: Kannur
ഓണത്തിന് ഒരുമുറം പച്ചക്കറിയ്ക്കായി തരിശു ഭൂമിയിൽ വിളഞ്ഞത് നൂറുമേനി
മട്ടന്നൂർ: മട്ടന്നൂർ നഗരസഭയിലെ ഏളന്നൂർ മഞ്ചപറമ്പിൽ ഉപയോഗശൂന്യമായി കിടന്ന സ്ഥലത്തു ഇറക്കിയ പച്ചക്കറി കൃഷിയിൽ നൂറ് മേനി. പച്ചക്കറിയുടെ വിളവെടുപ്പ് ഉത്സവം നഗരസഭ ചെയർപേഴ്സൺ അനിത വേണു ഉദ്ഘാടനം ചെയ്തു. നഗരസഭയിലെ മഞ്ചപറമ്പിൽ 13 ഏക്കർ സ്ഥലത്താണ് സമൃതി പച്ചക്കറി ക്ലസ്റ്ററിന്റെ ആഭിമുഖ്യത്തിൽ ജൈവ പച്ചക്കറി കൃഷിയിറക്കിയത്. ഓണത്തിനു ഒരു മുറം പച്ചക്കറി കൃഷിയുടെ ഭാഗമായാണ് നഗരസഭയുടെയും കൃഷിഭവന്റെ സഹായത്തോടെ തരിശുഭൂമിയിൽ കൃഷിയിറക്കിയത്. എൻ.രാജീവൻ, കെ.ശ്രീനിവാസൻ, എൻ.അഷറഫ്, എം.മനോഹരൻ എന്നിവർ ചേർന്നാണു തരിശുഭൂമിയിൽ പച്ചക്കറി കൃഷിയിറക്കിയത്. ജനവാസം കുറഞ്ഞ പ്രദേശത്തു സ്വകാര്യ വ്യക്തിയുടെ സ്ഥലം പാട്ടത്തിനെടുത്താണ് പച്ചക്കറി കൃഷി ചെയ്യുന്നത്. വെള്ളരി, കക്കിരി, ചീര, തക്കാളി, വെണ്ട, പൊട്ടിക്ക, കുമ്പളം, പച്ചമുളക് തുടങ്ങിയ പച്ചക്കറികളാണ് കൃഷിയിറക്കിയത്. കനത്ത മഴ മറ്റു മേഖലകളിൽ പച്ചക്കറിയെ ബാധിച്ചിരുന്നുവെങ്കിലും മട്ടന്നൂർ നഗരസഭയിൽ പച്ചക്കറി വൻതോതിലാണ് വിളഞ്ഞത്. പച്ചക്കറിയുടെ വിളവെടുപ്പ് നഗരസഭ ചെയർപേഴ്സൺ…
Read Moreഎല്ലാം നഷ്ടപ്പെട്ടവരുടെ കണ്ണീർ കാണാതെ പോകാനായില്ല; വിൽക്കാൻ കൊണ്ടു വന്ന പുതപ്പുകൾ ദുരിതബാധിതർക്ക് നൽകി മധ്യപ്രദേശുകാരൻ വിഷ്ണു
ഇരിട്ടി: വിഷ്ണുവെന്ന മധ്യപ്രദേശുകാരൻ കേരളത്തിലെത്തിയത് കന്പിളിപുതപ്പുകൾ വിറ്റ് ഉപജീവനമാർഗം തേടാനാണ്. എന്നാൽ മഴക്കെടുതിയിൽ എല്ലാം നഷ്ടപ്പെട്ടവരുടെ കണ്ണീർ കാണാതെ പോകാൻ ഈ 28 കാരനു കഴിഞ്ഞില്ല. വില്പനയക്കായി കൊണ്ടു വന്ന പുതപ്പുകളിൽ ബാക്കിയുള്ളവ ദുരിതബാധിതർക്കു നൽകി വിഷ്ണു നാട്ടിലേക്ക് മടങ്ങുകയാണ്. വർഷങ്ങളോളും പതിവായി കന്പിളി പുതപ്പുമായി വില്പനയക്കു വന്ന മേഖലയിലെ ജനങ്ങൾ ഉരുൾപൊട്ടലിനും മഴക്കെടുതിക്കും മുന്നിൽ പകച്ചു നിൽക്കുന്നതാണ് ഇക്കുറി മധ്യപ്രദേശിൽ നിന്നുമെത്തിയ വിഷ്ണു കണ്ടത്. അയ്യന്കുന്ന്, ആറളം പഞ്ചായത്തില് ഉരുള്പൊട്ടി ആളുകളെ ദുരിതാശ്വാസ ക്യാമ്പിലെത്തിച്ചപ്പോള് ആദ്യസഹായം വിഷ്ണുവിന്റേതായിരുന്നു. തന്റെ കൈവശമുള്ള കമ്പിളി പുതപ്പുകള് ദാനം നല്കിയ ഈ മധ്യ പ്രദേശുകാരന്റെ കൈനീട്ടം ഇന്ന് കേരളം കടന്ന് ലോകമൊട്ടാകെ ഏറ്റെടുത്തു. വിഷ്ണുവിനെ ജില്ലാ ഭരണകൂടം ആദരിക്കുകയും ചെയ്തിരുന്നു. ഇന്ന് ഇരിട്ടി താലൂക്ക് ഓഫീസില് എത്തി തഹസില്ദാര് കെ.കെ.ദിവാകരനോടും മറ്റ് ജീവനക്കാരോടും വിഷ്ണു നാട്ടിലേക്കു പോകുന്നതിനു മുന്നോടിയായി യാത്ര…
Read Moreവിവാഹപന്തലിൽ നിന്നും ദുരിതാശ്വാസനിധിയിലേക്കു സ്വർണവള ഊരിനൽകി നവ ദമ്പതികൾ
പാപ്പിനിശേരി: വിവാഹപന്തലിൽ നിന്നും മുഖ്യമന്ത്രിയുടെ ദുരിതാശ്വാസനിധിയിലേക്ക് സ്വർണവള ഊരി നൽകി നവദമ്പതികൾ പാപ്പിനിശേരി പഞ്ചായത്തിൽ കരിക്കിൻ കുളത്തിനു സമീപം താമസിക്കുന്ന പി.ഇന്ദിര-കെ.കണ്ണൻ ദമ്പതികളുടെ മകൾ ഷിജിന സന്ദീപാണു മുഖ്യമന്ത്രിയുടെ ദുരിതാശ്വാസ നിധിയിലേയ്ക്കു വള നൽകിയത്. ജില്ലാ പഞ്ചായത്ത് വൈസ് പ്രസിഡന്റ് പി.പി.ദിവ്യ വള ഏറ്റുവാങ്ങി. ജില്ലാ പഞ്ചായത്ത് അംഗം ഷാജിർ, കണ്ണൂർ യൂണിവേഴ്സിറ്റി മുൻ സിൻഡിക്കേറ്റ് അംഗം പ്രഫ. പി. രാജീവൻ എന്നിവർ ചടങ്ങിൽ സന്നിഹിതരായി. ജവാൻ പി.ഷിജുവിന്റെ സഹോദരിയാണു ഷിജിന.
Read Moreപ്രളയ ബാധിതരെ സഹായിക്കാൻ സർവീസ് നടത്തി പാർവതി ബസ്; തങ്ങളുടെ ആറു ബസുകളുടെ ഒരു ദിവസത്തെ കളക്ഷൻ ദുരിതാശ്വാസ നിധിയിലേക്ക് നൽകും
മട്ടന്നൂർ: പ്രളയബാധിതർക്ക് സഹായം നൽകുന്നതിനു സ്വകാര്യ ബസ് സർവീസ് നടത്തി. കുട്ടുപുഴ- മട്ടന്നൂർ-കണ്ണൂർ, മട്ടന്നൂർ-ചക്കരക്കല്ല്-കണ്ണൂർ, കണ്ണൂർ-ഇരിക്കൂർ, കണ്ണൂർ-വേങ്ങാട്-കൂത്തുപറമ്പ് റൂട്ടിൽ സർവീസ് നടത്തുന്ന പാർവതിയുടെ ആറ് ബസുകളാണ് ഇന്നു കാരുണ്യ യാത്ര നടത്തിയത്. ഒരു ദിവസം ആറു ബസുകളിൽ നിന്നായി ലഭിക്കുന്ന കളക്ഷൻ മുഴുവനും മുഖ്യമന്ത്രിയുടെ ദുരിതാശ്വാസ നിധിയിലേക്ക് നൽകും. രാവിലെ മട്ടന്നൂർ ബസ് സ്റ്റാൻഡ് പരിസരത്തു നിന്നാരംഭിച്ച കാരുണ്യ യാത്രയുടെ ഉദ്ഘാടനം മട്ടന്നൂർ നഗരസഭ വൈസ് ചെയർമാൻ പി. പുരുഷോത്തമനും വേങ്ങാട് ടൗണിൽ നിന്നാരംഭിച്ച യാത്രയുടെ ഉദ്ഘാടനം മുഖ്യമന്ത്രിയുടെ പ്രതിനിധി ബാലനും നിർവഹിച്ചു. തലശേരി എംവിഐ എം.പി. റിയാസ്, എ.ബി. പ്രമോദ് തുടങ്ങിയവർ പങ്കെടുത്തു.
Read Moreകണ്ണൂരിൽ മഴ കുറഞ്ഞു, കണ്ണീരൊപ്പാൻ നാടൊന്നിച്ച്; ജില്ലയിൽ ഏഴു ദുരിതാശ്വാസ ക്യാമ്പുകളിലായി 1398 ആളുകളാണ് കഴിയുന്നത്
കണ്ണൂർ: കണ്ണൂർ ജില്ലയിൽ കനത്തമഴയ്ക്ക് ആശ്വാസമായതോടെ ദുരിതാശ്വാസ ക്യാന്പുകളിൽ കഴിയുന്നവർ വീടുകളിലേക്കു മടങ്ങിത്തുടങ്ങി. വെള്ളമിറങ്ങിയാലും മുൻകരുതൽ വേണമെന്നും ഒറ്റയ്ക്കു വീട്ടിലേക്കു മടങ്ങരുതെന്നും അധികൃതർ നിർദേശം നല്കിയിട്ടുണ്ട്. ജില്ലയിൽ ഏഴു ദുരിതാശ്വാസ ക്യാന്പുകളിലായി 1398 ആളുകളാണ് കഴിയുന്നത്. ശനിയാഴ്ച വരെ 12 ക്യാന്പുകൾ പ്രവർത്തിച്ചിരുന്നു. ഉരുൾപൊട്ടലും മണ്ണിടിച്ചിലും നാശംവിതച്ച കൊട്ടിയൂർ മേഖലയിലാണ് ഏറ്റവുമധികം ക്യാന്പുകളുള്ളത്.മംഗളൂരു-ഷൊർണൂർ റൂട്ടിൽ ട്രെയിൻ ഗതാഗതം ഭാഗികമായി പുനഃസ്ഥാപിച്ചു. വെള്ളമിറങ്ങിയതോടെ മലയോര പ്രദേശങ്ങളിൽ ഉൾപ്പടെ ഗതാഗതം സാധാരണനില കൈവരിക്കുകയാണ്. പ്രളയ ദുരിതബാധിതർക്ക് സഹായവുമായി കാരുണ്യത്തിന്റെ കരങ്ങളുമായി നാടൊന്നിക്കുന്ന കാഴ്ചയാണ് എങ്ങും. ഓണാഘോഷങ്ങൾ മാറ്റിവച്ച് ധനസഹായവും ഭക്ഷ്യവസ്തുക്കളുമായി വ്യക്തികളും സംഘടനകളും സ്ഥാപനങ്ങളും കൈകോർക്കുന്നു. ദുരിതാശ്വാസ ക്യാന്പുകളിൽ നിന്ന് മടങ്ങുന്നവരുടെ വീടുകൾ വൃത്തിയാക്കാൻ സന്നദ്ധരായി ആളുകളെത്തുന്നതും ആശ്വാസമായിട്ടുണ്ട്. അയൽജില്ലയായ വയനാട്ടിലേക്കും നിരവധിപേർ സഹായങ്ങളും സന്നദ്ധപ്രവർത്തനങ്ങളുമായി പോകുന്നുണ്ട്.
Read Moreമലബാറിൽ ട്രെയിൻ ഗതാഗതം ഭാഗികമായി പുനഃസ്ഥാപിച്ചു; ബംഗളൂരുവിൽനിന്നുള്ള യശ്വന്ത്പുര എക്സ്പ്രസും സർവീസ് തുടങ്ങി
കണ്ണൂർ: മംഗളൂരു-ഷൊർണൂർ റൂട്ടിൽ ട്രെയിൻ സർവീസ് ഭാഗികമായി പുനഃസ്ഥാപിച്ചു. സർവീസ് നിർത്തിവച്ച മിക്ക ട്രെയിനുകളും ഇന്നു വൈകുന്നേരത്തോടെ പൂർണമായി ഓടിത്തുടങ്ങുമെന്നാണു വിവരം. ഇന്നു രാവിലെ കണ്ണൂർ-കോയന്പത്തൂർ ഫാസ്റ്റ്, പരശുറാം, കുർള, മംഗള, ചെന്നൈ-മംഗളൂരു തുടങ്ങിയ എക്സ്പ്രസ് ട്രെയിനുകൾ സർവീസ് നടത്തി. ബംഗളൂരുവിൽനിന്നുള്ള യശ്വന്ത്പുര എക്സ്പ്രസും സർവീസ് തുടങ്ങിയിട്ടുണ്ട്. പരശുറാം എക്സ്പ്രസും കുർള എക്സ്പ്രസും മംഗള എക്സ്പ്രസും ഷൊർണൂർ വരെ ഓടിക്കാനാണ് നേരത്തെ റെയിൽവേ അറിയിച്ചതെങ്കിലും പരശുറാം നാഗർകോവിൽ വരെ തന്നെ സർവീസ് നടത്തും. കോഴിക്കോട്-ഷൊർണൂർ റൂട്ടിൽ ട്രെയിൻ ഗതാഗതം ഏറെക്കുറെ സാധാരണ നിലയിലായിട്ടുണ്ട്. ട്രെയിൻ ഗതാഗത സാധാരണ നിലയിലാകുമെന്ന അറിയിപ്പ് എത്തിയതോടെ ടിക്കറ്റ് റിസർവേഷനും നേരത്തെ എടുത്ത ടിക്കറ്റുകൾ കാൻസൽ ചെയ്യാനും കൗണ്ടറുകളിൽ തിരക്കും ഏറിയിട്ടുണ്ട്. മറ്റു ട്രെയിനുകൾ ഇല്ലാത്തതിനാൽ കഴിഞ്ഞ രണ്ടു ദിവസമായി കോഴിക്കോടിനും മംഗലാപുരത്തിനും ഇടയിൽ സർവീസ് നടത്തിയ സ്പെഷ്യൽ പാസഞ്ചർ ട്രെയിനുകൾ ഇന്നു…
Read Moreഎട്ടാം ക്ലാസ് വിദ്യാര്ഥിനിയെ വീട്ടില് ജോലിക്കു നിര്ത്തി പീഡനം: പ്രവാസിക്കും ഭാര്യയ്ക്കുമെതിരേ കേസ്
ബദിയഡുക്ക: എട്ടാം ക്ലാസ് വിദ്യാര്ഥിനിയെ വീട്ടില് ജോലിക്കു നിര്ത്തുകയും ലൈംഗികമായി പീഡിപ്പിക്കുകയും ചെയ്ത സംഭവത്തില് പ്രവാസിക്കും ഭാര്യയ്ക്കുമെതിരേ ബദിയഡുക്ക പോലീസ് പോക്സോ നിയമപ്രകാരം കേസെടുത്തു. പെൺകുട്ടിയെ വീട്ടു ജോലിക്കുനിര്ത്തിയ മാതാവിനെതിരേ ജുവനൈല് ആക്ട് പ്രകാരവും കേസെടുത്തു. അബൂബക്കര്(46)ഭാര്യ സുഹ്റാബി (39)എന്നിവര്ക്കെതിരേയാണ് പോക്സോ നിയമപ്രകാരം കേസെടുത്തത്. പതിമൂന്നു കാരിയായ പെണ്കുട്ടിയെ 2015 മുതലാണ് പ്രവാസിയുടെ വീട്ടില് ജോലിക്കാരിയാക്കിയത് . ഇതിനിടയില് അബൂബക്കര് വിദേശത്തിനിന്നെത്തി പെണ്കുട്ടിയെ ശാരീരികമായി പീഡിപ്പിക്കുകയായിരുന്നുവെന്ന് ചൈല്ഡ് ലൈന് ബദിയടുക്ക പോലീസില് നല്കിയ പരാതിയില് പറയുന്നു. സുഹ്റാബി പെണ്കുട്ടിയെ ഉപദ്രവിച്ചതായും പരാതിയില് പറയുന്നു. കുട്ടിയുടെ പെരുമാറ്റത്തില് സംശയംതോന്നിയ സ്കൂള് അധികൃതര് ചൈല്ഡ് ലൈനിനെ വിവരമറിയിക്കുകയും കുട്ടിയുടെ മൊഴിയെടുത്തപ്പോഴാണ് ദമ്പതികളുടെ പീഡന വിവരം പുറത്തായത്. പെണ്കുട്ടിയെ ജുവനൈല് ഹോമിലേക്ക് മാറ്റി.
Read Moreഅമ്പതു ദിവസം പിന്നിടുമ്പോൾ കണ്ണൂരിൽ 213.18 കോടിയുടെ നഷ്ടം; ജില്ലയിൽ 26 ജീവനുകൾ നഷ്ടപ്പെട്ടു; 62 വീടുകൾ പൂർണമായും 1138 വീടുകൾ ഭാഗികമായും തകർന്നു
കണ്ണൂർ: ജൂൺ 30 മുതൽ ഇന്നലെ വരെ കണ്ണൂർ ജില്ലയിലുണ്ടായ ആകെ നഷ്ടം 213,17,66,000 രൂപയാണ്. ജില്ലയിൽ ഇതുവരെ 62 വീടുകൾ പൂർണമായും 1138 വീടുകൾ ഭാഗികമായും തകർന്നു. ഇന്നലെ മാത്രം മൂന്നു വീടുകൾ പൂർണമായും ഏഴുവീടുകൾ ഭാഗികമായും തകർന്നിട്ടുണ്ട്. ഇതുവരെ പൂർണമായും തകർന്ന വീടുകൾക്ക് 2.48 കോടി രൂപയുടെയും ഭാഗികമായി തകർന്ന വീടുകൾക്ക് 5.69 കോടി രൂപയുടെയും നഷ്ടം കണക്കാക്കുന്നു. 926 ഹെക്ടർ സ്ഥലത്തെ കാർഷിക വിളകൾ നശിച്ചു. തെങ്ങ്, കമുക്, റബർ, കശുവണ്ടി, നെല്ല്, കുരുമുളക്, വാഴ തുടങ്ങിയ വിളകൾക്കാണ് നാശനഷ്ടമുണ്ടായത്. ഇതിന്റെ നഷ്ടം 24,53,66,000 രൂപയാണ്. ഇന്നലെ മാത്രം 196 ഹെക്ടർ സ്ഥലത്തെ കാർഷിക വിളകൾ നശിച്ചു. ഇതിന്റെ നഷ്ടം മാത്രം 1.47 കോടിയാണ്. ജില്ലയിൽ ഇതുവരെ 180, 47,00,000 രൂപയുടെ റോഡുകൾ തകർന്നു. 26 ജീവനുകളാണ് ഇതുവരെ പൊലിഞ്ഞത്. 23 പേർക്ക്…
Read Moreഭർത്താവിന്റെ അവിഹിത ബന്ധം ചോദ്യം ചെയ്തതിലുളള വൈരാഗ്യം ; കരിക്കോട്ടക്കരി അധ്യാപികയുടെ കൊലപാതകത്തിൽ പുറത്തുവരുന്നത് ഞെട്ടിക്കുന്ന വിവരങ്ങൾ
ഇരിട്ടി: കരിക്കോട്ടക്കരി സെന്റ് തോമസ് ഹൈസ്കൂളിലെ അധ്യാപിക എം.പി. മേരി (ലാലി) കൊലപാതകക്കേസിൽ അറസ്റ്റിലായ പ്രതികളെ ചരളിലെ വീട്ടിലെത്തിച്ച് തെളിവെടുത്തു. മേരിയുടെ ഭര്ത്താവ് ചരളിലെ പാംപ്ലാനി സാബു (48), കൂട്ടുപ്രതികളായ തമിഴ്നാട് ധര്മപുരി സ്വദേശികളായ രവികുമാര് (31), എന്. ഗണേശന് (27) എന്നിവരെയാണ് ഇന്നലെ രാവിലെ പത്തരയോടെ ചരളിലെത്തിച്ചത്. പ്രതികള് കൃത്യം നടത്തിയ രീതി പോലീസിന് കാണിച്ചുകൊടുത്തു. നാട്ടുകാര് ഉള്പ്പെടെ നിരവധി പേരാണ് തെളിവെടുപ്പുസമയത്ത് തടിച്ചുകൂടിയത്. ഇരിട്ടി സിഐ രാജീവന് വലിയവളപ്പിലിന്റെ നേതൃത്വത്തിലാണ് പോലീസ് പ്രതികളെ സ്ഥലത്തെത്തിച്ചത്. ചരളിലെ വീട്ടുകിണറ്റില് കഴിഞ്ഞ മാസം 28ന് അര്ധരാത്രിയാണ് മേരിയെ മരിച്ചനിലയില് കണ്ടെത്തിയത്. പോലീസ് നടത്തിയ അന്വേഷണത്തില് സാബു തനിക്കൊപ്പം ചെങ്കല്പ്പണയില് ജോലിചെയ്തിട്ടുള്ള തമിഴ്നാട്ടുകാരായ രവികുമാറിന്റെയും ഗണേശന്റെയും സഹായത്തോടെ കിണറ്റില് എടുത്തിട്ട് കൊലപ്പെടുത്തുകയായിരുന്നുവെന്ന് കണ്ടെത്തുകയായിരുന്നു. കിണറ്റില് എടുത്തിട്ടയുടൻ മോട്ടോറിന്റെ പൈപ്പിലൂടെ മുകളിലേക്ക് കയറി രക്ഷപ്പെടാന് അലറിവിളിച്ച മേരിയെ സാബു കത്തികൊണ്ട്…
Read More