കുഞ്ഞിമംഗലം: കൊയപ്പാറയിൽ അറവു മാലിന്യം വ്യാപകമായി തള്ളുന്നു. കൊയപ്പാറയിലെ വയലുകളിലാണ് ഉച്ചനേരത്ത് ലോറികളിലെത്തി സാമൂഹ്യവിരുദ്ധർ അറവുമാലിന്യം തള്ളുന്നത്. നിരവധി വീടുകളുള്ള ഈ പ്രദേശത്തെ വയലുകളിൽ കോഴികളുടേയും പോത്തിന്റേയും അറവ് മാലിന്യങ്ങൾ കഴിഞ്ഞ കുറച്ചു ദിവസങ്ങളായി ഒഴുകിനടക്കുന്നത് ഇവിടത്തുകാരുടെ ശ്രദ്ധയിൽപ്പെട്ടിരുന്നു. ഇവ ആരാണ് നിക്ഷേപിക്കുന്നതെന്ന് ആർക്കും വ്യക്തമല്ലായിരുന്നു. എന്നാൽ കഴിഞ്ഞദിവസം വാഹനങ്ങളിൽ അറവ് മാലിന്യം തള്ളാനെത്തിയ രണ്ടുപേരെ പ്രദേശത്തുകാർ പിടികൂടിയിരുന്നു. സംഭവം സംബന്ധിച്ച് നാട്ടുകാർ പഞ്ചായത്ത് അധികൃതർക്ക് പരാതി നൽകി. മാലിന്യം തള്ളാനെത്തിയവരുടെ വീഡിയോയും വാഹനത്തിന്റെ നന്പറും ശേഖരിച്ച് പോലീസിൽ പരാതി നൽകാൻ ഒരുങ്ങുകയാണ് നാട്ടുകാർ.
Read Moreകുഞ്ഞിമംഗലം കൊയപ്പാറയിൽ അറവുമാലിന്യ നിക്ഷേപം വ്യാപകം; നാട്ടുകാർ സംഘം ചേർന്ന് മാലിന്യം ഇടുന്നവരെ പിടിച്ചു നൽകിയിട്ടും കണ്ണടച്ച് അധികൃതർ
