തലശേരി: ബിജെപി പ്രവര്ത്തകനും ലോറി ക്ലീനറുമായിരുന്ന വടക്കുമ്പാട് പാറക്കെട്ടിലെ മാലയാട്ട് നിഖിലി(23) നെ വെട്ടിക്കൊലപ്പെടുത്തിയ കേസില് അഞ്ചുപേരെ തലശേരി അഡീഷണല് ജില്ലാ സെഷന്സ് കോടതി കുറ്റക്കാരെന്നു കണ്ടെത്തി. ഇവർക്കുള്ള ശിക്ഷ 25 നു വിധിക്കും. സിപിഎം പ്രവര്ത്തകരായ എരഞ്ഞോളി വടക്കുമ്പാട് തെക്കേ കണ്ണോളി വീട്ടില് ശ്രീജിത്ത് ( 39), വടക്കുമ്പാട് ഗുംട്ടി ചാലില് വീട്ടില് വിനോയ് (31), എരഞ്ഞോളി റസീന മന്സിലില് കെ.പി മനാഫ് (40), എരഞ്ഞോളി ജയരാജ് ഭവനില് സുനില്കുമാര് (50), നിട്ടൂര് കളത്തില് വീട്ടില് മര്സൂഖ് (33) എന്നിവരാണ് കുറ്റക്കാർ. നാലാംപ്രതി നിട്ടൂര് ഉമ്മാലില് യു. ഫിറോസ് (36), ഏഴാം പ്രതി എരഞ്ഞോളി നടുവോതിയില് വല്സന് എന്ന വല്സന് വയനാന് (55) എന്നിവരെ കുറ്റക്കാരല്ലെന്നു കണ്ട് വെറുതെവിട്ടു. കേസില് വിസ്തരിച്ച 44 സാക്ഷികളില് ദൃക്സാക്ഷികളുള്പ്പെടെ 13 പേർ കൂറുമാറിയിരുന്നു. വിദേശത്തുണ്ടായിരുന്ന രണ്ടാംസാക്ഷി നിട്ടൂര് കൈതേരിപറമ്പത്ത്…
Read MoreCategory: Kannur
വിദ്യാർഥികളുടെ ചാർജ് വർദ്ധന; മാഹി ട്രാൻസ്പോർട്ട് ബസുകൾ പോലീസ് സുരക്ഷയിൽ ഓടിതുടങ്ങി
മാഹി: മാഹി -പന്തക്കൽ റൂട്ടിൽ സർവീസ് നടത്തുന്ന സഹകരണ മേഖലയിലെ മാഹി ട്രാൻസ്പോർട്ട് ബസുകൾ വിദ്യാർഥികളുടെ നിരക്ക് വർദ്ധിപ്പിച്ച തീരുമാനത്തോടെ ഇന്ന് രാവിലെ മുതൽ ഓടിത്തുടങ്ങി. കഴിഞ്ഞ 13 ന് ബസുകൾ എൻഎസ്യു പ്രവർത്തകർ ചാർജ് വർദ്ധനയെ തുടർന്ന് തടഞ്ഞതു മുതൽ എട്ടു ദിവസമായി ഓട്ടം നിർത്തി വച്ചിരുന്നു. ഒരു രൂപയിൽ നിന്ന് രണ്ടു രൂപയാക്കി സഹകരണ ബസുകൾ മാത്രം ചാർജ് വർധിപ്പിച്ചതോടെയാണ് വിദ്യാർഥികൾ ബസ് തടഞ്ഞത്. എന്നാൽ ഇതേ റൂട്ടിൽ ഓടുന്ന പുതുച്ചേരി സർക്കാറിന്റെ പിആർടിസി ബസുകൾ ഒരു രൂപ തന്നെയാണ് ഈടാക്കിയിരുന്നത്. പിആർടിസി ബസുകളും ഉടൻ വിദ്യാർഥികളുടെ യാത്രാക്കൂലി വർദ്ധിപ്പിക്കുവാൻ തീരുമാനമെടുക്കുന്നതായാണ് സൂചന. ഇന്നലെ റീജിയണൽ അഡ്മിനിസ്ട്രേറ്റർ എസ്.മാണിക്ക ദീപൻ വിളിച്ച ചേർത്ത സർവകക്ഷി യോഗത്തിലാണ് തീരുമാനമായത്. രാഷ്ട്രീയ പാർട്ടി നേതാക്കളായ വടക്കൻ ജനാർദ്ദനൻ, സുനിൽ കുമാർ ,കെ.മോഹനൻ, ബഷീർ ഹാജി, രാജീവൻ, ഭാസ്കരൻ…
Read Moreസ്വകാര്യ ബസിൽ പ്രായപൂർത്തിയാകാത്ത വിദ്യാർഥിക്ക് നേരെ ശാരീരികാക്രമണം; 55 കാരൻ അബൂട്ടിയെ നാട്ടുകാർ പിടികൂടി പോലീസിലേൽപ്പിച്ചു
മട്ടന്നൂർ: സ്വകാര്യ ബസിൽ വച്ച് പ്രായപൂർത്തിയാകാത്ത സ്കൂൾ വിദ്യാർഥിയെ ശല്യം ചെയ്ത 55 കാരനെ മട്ടന്നൂർ പോലീസ് അറസ്റ്റ്ചെയ്തു. കൂത്തുപറമ്പ് പുറക്കളത്തെ പി.പി. അബൂട്ടിയെ (55) യാണ് മട്ടന്നൂർ എസ്ഐ ശിവൻ ചോടോത്തും സംഘവും അറസ്റ്റ്ചെയ്തത്. ഇന്നലെ വൈകുന്നേരമായിരുന്നു സംഭവം. സ്കൂൾ വിട്ട് വിദ്യാർഥി വീട്ടിലേക്ക് ബസിൽ യാത്ര ചെയ്യുന്നതിനിടെയാണ് അബൂട്ടി ശല്യം ചെയ്തത്. വിദ്യാർഥി ബഹളം വച്ചതിനെ തുടർന്നു യാത്രക്കാർ അബൂട്ടിയെ പിടികൂടി പോലീസിൽ ഏൽപ്പിക്കുകയായിരുന്നു. പോസ്കോ നിയമപ്രകാരമാണ് പ്രതിയെ പോലീസ് അറസ്റ്റ്ചെയ്തത്. ഇയാളെ ഇന്നു മട്ടന്നൂർ ജുഡീഷ്യൽ ഒന്നാംക്ലാസ് മജിസ്ട്രേറ്റ് കോടതിയിൽ ഹാജരാക്കും.
Read Moreസർക്കാർ നിയന്ത്രണത്തിലുള്ള റെയ്ഡ്കോ കറിപൗഡറുകൾക്ക് എതിരേ വ്യാജപ്രചാരണം: കക്കാട് സ്വദേശി അറസ്റ്റിൽ
കണ്ണൂർ: കേരള സർക്കാരിന്റെ നിയന്ത്രണത്തിലുള്ള റെയ്ഡ്കോ കറിപൗഡറുകളിൽ മാരകവിഷം കലർന്നിട്ടുണ്ടെന്ന വ്യാജവാർത്ത സാമൂഹ്യമാധ്യമങ്ങളിലൂടെ പ്രചരിപ്പിച്ചയാൾ അറസ്റ്റിൽ. കക്കാട് ബി.പി. ഹൗസിലെ മുഹമ്മദ് കുഞ്ഞിയെ (60) യാണ് ടൗൺ എസ്ഐ ശ്രീജിത്ത് കൊടേരിയുടെ നേതൃത്വത്തിലുള്ള പോലീസ് സംഘം അറസ്റ്റ്ചെയ്തത്. റെയ്ഡ്കോയുടെ ഉത്പന്നങ്ങളായ മുളകുപൊടി, മഞ്ഞൾപൊടി, സാന്പാർപൊടി തുടങ്ങിയ കറി പൗഡറുകളിൽ മാരകവിഷം കലർന്നിട്ടുണ്ടെന്നും ഉപഭോക്താക്കൾ ജാഗ്രത പുലർത്തണമെന്നും കാണിച്ച് കക്കാട് പ്രതികരണവേദിയുടെ പേരിൽ സമൂഹമാധ്യമങ്ങളിൽ വ്യാജപ്രചാരണം നടത്തിയത്. പോലീസ് ആക്ട് പ്രകാരം പൊതുജനങ്ങൾക്ക് ഭീതിയുണ്ടാകുന്ന രീതിയിൽ സമൂഹമാധ്യമങ്ങളിലൂടെ അസത്യപ്രചാരണങ്ങൾ നടത്തിയതിനാണ് പോലീസ് കേസെടുത്തത്. ഇന്നു രാവിലെ കോടതിയിൽ ഹാജരാക്കിയ ഇയാളെ റിമാൻഡ് ചെയ്തു.
Read Moreഇതൊന്ന് പൊളിച്ചു നീക്കാമോ; മട്ടന്നൂർ ബസ്സ്റ്റാൻഡിൽ കാത്തിരിക്കുന്നത് ദുരന്തം; ശോചനീയാവസ്ഥയിലായ കെട്ടിടം ഉടൻ പൊളിച്ചു നീക്കി അപകടം ഒഴിവാക്കണമെന്നാണ് ജനങ്ങൾ
മട്ടന്നൂർ: മട്ടന്നൂർ ബസ്സ്റ്റാൻഡിലെ ശോചനീയാവസ്ഥയിലായ ഷോപ്പിംഗ് കോംപ്ലക്സ് കെട്ടിടം പൊളിച്ചുനീക്കാത്തത് അപകടഭീഷണി ഉയർത്തുന്നു. രണ്ടു മാസം മുമ്പേ കെട്ടിടം പൊളിക്കാൻ നഗരസഭ കരാർ നൽകിയെങ്കിലും കെട്ടിടം പൊളിക്കുന്നത് നീളുകയാണ്. വർഷങ്ങൾ പഴക്കമുള്ള നഗരസഭയുടെ ഷോപ്പിംഗ് കോംപ്ലക്സിന്റെ കോൺക്രീറ്റ് അടർന്നു വീഴുന്നത് പതിവ് സംഭവമായിരുന്നു. ചോർച്ചയും സീലിംഗ് അടർന്നു വീഴുന്നതും കാരണം കെട്ടിടത്തിലെ 15 ഓളം വ്യാപാരികളെ ഒഴിപ്പിക്കുകയായിരുന്നു. പത്തുമാസം മുമ്പേ കെട്ടിടത്തിലെ മുഴുവൻ വ്യാപാരികളെയും ഒഴിപ്പിച്ചു സമീപത്തെ നഗരസഭയുടെ കെട്ടിടത്തിൽ തന്നെ പുനരധിവാസം നൽകിയിരുന്നു. ഏതു നിമിഷവും കെട്ടിടം തകർന്നു വീഴുമെന്ന അവസ്ഥയിലെത്തിയതോടെയാണ് വ്യാപാരികളെ ഒഴിപ്പിച്ചു കെട്ടിടം പൊളിച്ചുമാറ്റാൻ നഗരസഭ കൗൺസിൽ യോഗം തീരുമാനിച്ചത്. ഇതേതുടർന്നു ടെൻഡർ നടപടികൾ നടത്തുകയും 87,000 രൂപയ്ക്കു കെട്ടിടം പൊളിക്കാൻ ടെൻഡർ നൽകുകയും ചെയ്തു. രണ്ടു മാസം മുമ്പേ കരാർ ഏറ്റെടുക്കുകയും ജൂൺ 10 നുള്ളിൽ പൊളിച്ചുമാറ്റണമെന്നും നിർദ്ദേശമുണ്ടായിരുന്നു. ഒരാഴ്ച മുമ്പ്…
Read Moreഇന്ത്യൻ സ്വാതന്ത്ര്യസമര ചരിത്രത്തിൽ ഇടംനേടി, രുചിയുടെ നൂറാണ്ടും കടന്ന് കോമളവിലാസം ; കൊങ്ങിണിപ്പലഹാരത്തിന്റെ രുചി കണ്ണൂരിന് പകർന്നു നൽകിയ കോമളവിലാസത്തിന്റെ ചരിത്രത്തിലൂടെ…
കണ്ണൂർ: കണ്ണൂർ നഗരത്തിൽ ഒരു ജനതയ്ക്ക് രുചി വിളന്പി തൃപ്തിപ്പെടുത്തിയതിന്റെ നൂറാം വാർഷികത്തിന്റെ നിറവിൽ ഒരു ഹോട്ടൽ. മറ്റൊരു ഭക്ഷണശാലകൾക്കും നേടാനാവാത്ത തിളക്കമാർന്ന നേട്ടം. കൊങ്ങിണിപ്പലഹാരത്തിന്റെ മാസ്മരികത കണ്ണൂരിന്റെ രുചിലോകത്ത് കൊണ്ടുവന്ന കോമളവിലാസം വെജിറ്റേറിയൻ ഹോട്ടൽ ശതാഭിഷേകത്തിന്റെ നിറവിലാണ്. കണ്ണൂർ റെയിൽവേ സ്റ്റേഷനടുത്ത ബല്ലാർഡ് റോഡ് മുഖകവാടത്തിലാണ് ഈ ഹോട്ടൽ. ഇവിടെ ഒരിക്കലെങ്കിലും കയറി ഭക്ഷണം കഴിക്കാത്തവർ നഗരത്തിൽ ചുരുക്കം. ആ ഹോട്ടൽ കണ്ണൂർ നഗരത്തിൽ ഭക്ഷണം വിളന്പിയിട്ട് ഒരു നൂറ്റാണ്ട് പിന്നിടുന്നു.1918 മെയ് 22 നാണ് കെ. നാഗേന്ദ്രപ്രഭു എന്നയാൾ കണ്ണൂരിൽ കൊങ്ങിണിപ്പലഹാരക്കട തുടങ്ങിയത്. അന്ന് നഗരത്തിൽ വിരലിലെണ്ണാവുന്ന നാടൻ പലഹാരകടകളും ഉൗണ് കടകളും മാത്രം. അവയെല്ലാം പിന്നീട് ഇല്ലാതായെങ്കിലും നാഗേന്ദ്രപ്രഭു കണ്ണൂരിൽ സ്ഥാപിച്ച ഹോട്ടൽ ഇന്നും തുടരുന്നു. സിറ്റി പാലമഠത്തിന് സമീപമായിരുന്നു ആദ്യം കൊങ്ങിണിപ്പലഹാരക്കടയെന്ന പേരിൽ നാഗേന്ദ്ര പ്രഭു കട തുടങ്ങിയത്. കണ്ണൂരിലെ ഹോട്ടലുകളിൽ…
Read Moreസുരക്ഷിതത്വമേർപ്പെടുത്തുന്നതിൽ റവന്യു അധികൃതർക്ക് വീണ്ടും വീഴ്ച; കവ്വായി കായലിൽ തോണിയാത്ര പേടിയാത്ര
വലിയപറന്പ്: ആഴമേറിയ കവ്വായി കായലിൽ മാടക്കാൽ തൃക്കരിപ്പൂർ കടപ്പുറം വടക്കേവളപ്പ്കടവിലെ തോണിയാത്രക്ക് സുരക്ഷിതത്വമേർപ്പെടുത്തുന്നതിൽ റവന്യു അധികൃതർക്ക് വീണ്ടും വീഴ്ച. ഇന്നലെയും കടവിൽ ഉപയോഗിച്ചത് ആർഡിഒ നിരോധിച്ച കടത്ത്തോണി. തിങ്കളാഴ്ച വലിയപറന്പ് പഞ്ചായത്തിൽ ആർഡിഒ യുടെ നേതൃത്വത്തിൽ നടന്ന ചർച്ചയിൽ തീരുമാനമെടുക്കാൻ കഴിയാതിരുന്നതാണ് പ്രശ്നമായത്. നിലവിൽ നാട്ടുകാരെ കടത്തിക്കൊണ്ട് പോകുന്ന തോണി കഴിഞ്ഞ മാസം അപകടത്തിൽ പെട്ടതിനെത്തുടർന്നാണ് ഈ തോണിയിലെ കടത്ത് നിരോധിച്ചു തിങ്കളാഴ്ച വൈകുന്നേരം വീണ്ടും നോട്ടീസ് പതിച്ചത്. എന്നാൽ പകരം സംവിധാനം ഏർപ്പെടുത്തുന്നതിന് റവന്യു അധികൃതരും പഞ്ചായത്തും തയ്യാറായില്ല. നിലവിലുള്ള തോണിക്ക് ഏഴായിരം രൂപയാണ് പഞ്ചായത്ത് വാടക നൽകുന്നത്. ഇവിടെ കടത്തിന് ഫിറ്റ്നസുള്ള തോണി നാട്ടുകാർ ഏർപ്പെടുത്തിയാൽ വാടക നൽകാൻ പഞ്ചായത്ത് തയ്യാറാണെന്നാണ് പഞ്ചായത്ത് പ്രസിഡന്റ് പറയുന്നുണ്ടെങ്കിലും തോണിക്ക് ആവശ്യമായ തുക ആര് നൽകും എന്നത് ആശങ്കയിലാണ്. തൂക്കുപാലം തകർന്നപ്പോൾ ജില്ലാ കലക്ടറുടെ നേതൃത്വത്തിൽ നടന്ന…
Read Moreവീട്ടിൽ ആരുമില്ലാത്താ സമയം നോക്കി മധ്യവയസ്കയായ വീട്ടമ്മയെ പീഡിപ്പിക്കാൻ ശ്രമം; രക്ഷപ്പെട്ട പ്രതിയെ പോലീസ് അറസ്റ്റു ചെയ്തു
പരിയാരം: വീട്ടമ്മയോട് അതിക്രമം കാണിച്ച യുവാവിനെ പരിയാരം പോലീസ് അറസ്റ്റ് ചെയ്തു. പരിയാരം തൊണ്ടന്നൂരിലെ അരയാല് തറമ്മല് സന്തോഷിനെയാണ് (45) ഇന്നലെ രാത്രി പ്രിന്സിപ്പല് എസ്ഐ വി.ആര്.വിനീഷിന്റെ നേതൃത്വത്തില് പിടികൂടിയത്. ഇന്നലെ ഉച്ചയ്ക്കാണു ഭര്ത്താവ് ജോലിയ്ക്കു പോയസമയത്തു വീട്ടില് തനിച്ചു കഴിയുകയായിരുന്ന 59 കാരിയെ സന്തോഷ് അതിക്രമിച്ചുകയറി കടന്നുപിടിച്ചത്. വീട്ടമ്മ ബഹളംവച്ചപ്പോള് ഇയാള് ഓടിരക്ഷപ്പെടുകയായിരുന്നു. വൈകുന്നേരം ഭര്ത്താവ് എത്തിയശേഷമാണു പരിയാരം മെഡിക്കല് കോളജ് പോലീസ് സ്റ്റേഷനില് പരാതി നല്കിയത്. വീട്ടമ്മയെ തളിപ്പറമ്പ് താലൂക്ക് ആശുപത്രിയില് വൈദ്യപരിശോധനയ്ക്കു വിധേയയാക്കി. പ്രതിയെ ഇന്നു പയ്യന്നൂര് കോടതിയില് ഹാജരാക്കും.
Read Moreരമേശൻ മാസ്റ്റർ വധം; നാലാം പ്രതി അറസ്റ്റിൽ ; കർണാടകയിലെ ബൽഗാമിൽ എയർ ഫോഴ്സ് കേന്ദ്രത്തിൽ നിന്നുമാണ് അറസ്റ്റ് ചെയ്തത്
ചീമേനി: ആലന്തട്ടയിലെ പി.ടി. രമേശൻ മാസ്റ്ററെ തലയ്ക്കടിച്ച് കൊലപ്പെടുത്തിയ സംഭവത്തിൽ നാലാം പ്രതിയും പിടിയിലായി. ആലന്തട്ടയിലെ അഭിജിത്ത്(26)നെയാണ് കർണാടകയിലെ ബൽഗാമിൽ എയർ ഫോഴ്സ് കേന്ദ്രത്തിൽ നിന്നും ചീമേനി പോലീസ് നേതൃത്വത്തിലാണ് അറസ്റ്റ് ചെയ്തത്. പരിശീലനത്തിനിടയിൽ പ്രതിയായ അഭിജിത്തിനെ അറസ്റ്റ് ചെയ്യുന്നതിലെ നൂലാമാലകളാണ് പോലീസ് നടപടി വൈകിപ്പിച്ചതെന്ന് അധികൃതർ അറിയിച്ചു. ഹൊസ്ദുർഗ് കോടതിയിൽ നിന്നുള്ള അറസ്റ്റ് വാറണ്ട് പ്രകാരം പോലീസ് ബൽഗാമിൽ നിന്നും നാലാം പ്രതിയായ അഭിജിത്തിനെ ഇന്ന് രാവിലെ ചീമേനി സ്റ്റേഷനിൽ എത്തിച്ചു വൈകുന്നേരം കോടതിയിൽ ഹാജരാക്കും. കഴിഞ്ഞ മാർച്ച് 3ന് രാത്രിയിൽ വീട്ടിലേക്ക് നടന്നു പോകുന്പോഴാണ് രമേശൻ മാസ്റ്ററെ തലയ്ക്കടിച്ച് വീഴ്ത്തിയത്. പിന്നീട് 7ന് മംഗളൂരുവിലെ സ്വകാര്യ ആശുപത്രിയിലാണ് മരിച്ചത്.
Read Moreവീട്ടിലേക്ക് നടന്നു പോകുകയായിരുന്ന സ്ത്രീയെ ബൈക്കിൽ പിടിച്ചു കയറ്റാൻ ശ്രമിച്ചയാൾ അറസ്റ്റിൽ
മട്ടന്നൂർ: വീട്ടിലേക്ക് നടന്നു പോകുകയായിരുന്ന സ്ത്രീയെ ബൈക്കിൽ പിടിച്ചു കയറ്റാൻ ശ്രമിച്ചതുമായി ബന്ധപ്പെട്ടു ഒരാളെ മട്ടന്നൂർ പോലീസ് അറസ്റ്റ് ചെയ്തു. നരയമ്പാറയിലെ റിയാസിനെ (27) യാണ് മട്ടന്നൂർ എസ്ഐ ശിവൻ ചോടോത്തും സംഘവും ചേർന്നു അറസ്റ്റ് ചെയ്തത്. കഴിഞ്ഞ ദിവസം വൈകുന്നേരം ആറോടെ ചാവശേരി കൂരൻ മുക്കിലായിരുന്നു സംഭവം. പെരുന്ത്രച്ചാൽ സ്വദേശിനിയായ 46 കാരിയെയാണ് റിയാസ് അപമാനിക്കാൻ ശ്രമിച്ചത്. കൂരൻ മുക്കിൽ ബസ് ഇറങ്ങി വീട്ടിലേക്ക് നടന്നു പോകുകയായിരുന്ന സ്ത്രീയുടെ അടുത്ത് ബൈക്കുമായി എത്തിയ റിയാസ് സ്ത്രീയോട് ബൈക്കിൽ കയറാൻ ആവശ്യപ്പെടുകയും കയറാതിരുന്നപ്പോൾ പിടിച്ചു കയറ്റാൻ ശ്രമിക്കുകയായിരുന്നുവത്രെ. ഇതിനിടെ വീണു സ്ത്രീക്കു പരിക്കേറ്റിരുന്നു. സ്ത്രീ ബന്ധുക്കളെ വിവരമറിയിച്ചതിനാൽ ബന്ധുക്കളെത്തി റിയാസിനെ ചോദ്യം ചെയ്തതോടെ തമ്മിൽ അടിപിടിയും നടന്നി രുന്നു. ഏറെ സമയം പ്രദേശത്തു സംഘർഷാവസ്ഥയുണ്ടായിരുന്നു. മട്ടന്നൂർ ജുഡീഷൽ ഒന്നാം ക്ലാസ് മജിസ്ട്രേറ്റ് കോടതിയിൽ ഹാജരാക്കിയ റിയാസിനെ റിമാൻഡ്…
Read More