കൊല്ലം: ചെങ്ങന്നൂരില് ആർഎസ്എസിന്റെ ഒഴികെ ആരുടെ വോട്ടും സ്വീകരിക്കുമെന്ന സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്റെ നിലപാട് തള്ളി സിപിഐ. ആർഎസ്എസ് വോട്ട് ചെയ്താലും സ്വീകരിക്കുമെന്ന് സിപിഐ സംസ്ഥാന സെക്രട്ടറി കാനം രാജേന്ദ്രന് പറഞ്ഞു. എന്നാൽ, കേരള കോണ്ഗ്രസ് എമ്മിന്റെ കാര്യത്തില് മുന് നിലപാടില് മാറ്റമില്ലെന്ന് ആവർത്തിച്ച കാനം, ആര്ക്കാണ് വോട്ട് ചെയ്യുകയെന്ന് ഇതുവരെ പറയാത്ത പാര്ട്ടിയാണ് കേരള കോണ്ഗ്രസെന്നും പരിഹസിച്ചു. ചെങ്ങന്നൂര് ഫലം സര്ക്കാരിന്റെ തൊപ്പിയിലെ പൊന്തൂവലാകുമെന്നും കാനം പറഞ്ഞു. വ്യാഴാഴ്ചയാണ്, ചെങ്ങന്നൂർ ഉപതെരഞ്ഞെടുപ്പിൽ ആർഎസ്എസിന്റെ ഒഴികെ ആരുടെ വോട്ടും സ്വീകരിക്കുമെന്ന് കോടിയേരി പറഞ്ഞത്. ബിഡിജെഎസിനും കേരള കോണ്ഗ്രസ്-എമ്മിനും ഇടതുമുന്നണിക്ക് വോട്ട് ചെയ്യാമെന്നും അദ്ദേഹം പറഞ്ഞിരുന്നു. ഈ നിലപാടുകളെയെല്ലാം കാനം പാടെ തള്ളുകയായിരുന്നു.
Read MoreCategory: Kollam
വിസ തട്ടിപ്പ്; പ്രധാന പ്രതി അറസ്റ്റിൽ; നിരവധി പേരിൽ നിന്നും അറുപത് ലക്ഷത്തിലധികം രൂപയാണ് തട്ടിയെടുത്തത്
ചവറ: വിദേശത്ത് ജോലി വാഗ്ദാനം നൽകി നിരവധി പേരിൽ നിന്നും അറുപത് ലക്ഷത്തിലധികം രൂപ തട്ടിയെടുത്ത കേസിൽ ഉൾപ്പെട്ട പ്രധാന കണ്ണി അറസ്റ്റിൽ ആയി . ചിറയിൻകീഴ് ആഴൂർ വില്ലേജിൽ പെരുമാതുറ, മാടൻവിള, കാട്ടുവിളാകം വീട്ടിൽ സുൽഫിക്കർ അഷ്റഫ് (42) ആണ് ചവറ പോലീസിന്റെ പിടിയിലായത്. ചവറ എസ് ഐ മാരായ സുഖേഷ് എസ്, ജോസഫ് രാജു, സിപിഒ ഹരിജിത് എന്നിവർ ചേർന്നാണ് സുൽഫിക്കറിനെ അറസ്റ്റ് ചെയ്തത്. ജില്ലയിലെ ചവറ , ശക്തികുളങ്ങര , കിഴക്കെ കല്ലട, കടവൂർ, കിളികൊല്ലൂർ തുടങ്ങി വിവിധ പ്രദേശങ്ങളിൽ നിന്നായി 60 ഓളം പേരുടെ കൈയിൽ നിന്നുമാണ് സംഘം പണം വാങ്ങി വിസ നൽകാതിരുന്നത്. ബ്രൂണോ എന്ന രാജ്യത്ത് തൊഴിൽ നൽകാമെന്ന ഉറപ്പിലാണ് സംഘം പണം കൈക്കൽ ആക്കിയത്. തെക്കുംഭാഗം പോലീസ് സ്റ്റേഷനിലും സമാനമായ കേസിലെ പ്രതിയാണ് ഇയാളെന്ന് ചവറ പോലീസ്…
Read Moreസ്ത്രീകള്ക്ക് 1515 ലേക്ക് വിളിക്കാം; പിങ്ക് കണ്ട്രോള് റൂം സജീവം; സ്ത്രീകളുടെ കോളുകളില് അതിവേഗ നടപടിയാണ് ലക്ഷ്യമിടുന്നതെന്ന് കമ്മീഷണര്
കൊല്ലം: സ്ത്രീകള്ക്കെതിരെയുള്ള അതിക്രമങ്ങള് തടയുന്നതിന് സംസ്ഥാന സര്ക്കാര് തുടങ്ങിയ പിങ്ക് പോലീസ് പട്രോള് സംവിധാനം സജീവമാക്കി കൊല്ലം സിറ്റി പോലീസ്. അടിയന്തര സാഹചര്യങ്ങളില് സ്ത്രീകള്ക്ക് സഹായത്തിനും വിവരങ്ങള് അറിയിക്കുന്നതിനും സജ്ജമാക്കിയ 1515 നമ്പരിന്റെ സേവനം ആധുനിക സാങ്കേതിക വിദ്യയുടെ പിന്ബലത്തിലൂടെ കൊല്ലത്ത് കൂടുതല് കാര്യക്ഷമമാക്കുകയാണ്. പിങ്ക് കണ്ട്രോള് റൂമിലെത്തുന്ന ഫോണ് വിളികള് കേസ് റെക്കോര്ഡ് മാനേജ്മെന്റ് എന്ന സോഫ്റ്റ്വെയറിലൂടെയാകും ഇനി ക്രോഡീകരിക്കുക. വിളിക്കുന്ന വ്യക്തിയുടെ സ്ഥലം ജിഐഎസ് മാപ്പിംഗിലൂടെ തത്സമയം ലഭിക്കും. പരാതിക്കാര് അറിയിക്കുന്ന വിവരങ്ങള് സോഫ്റ്റ്വെയറിന്റെ കാള് ടേക്കര് വിഭാഗത്തില് രേഖപ്പെടുത്തും. പൂര്ണമായി റെക്കോര്ഡ് ചെയ്യുന്ന സംഭാഷണം തുടര് ആവശ്യങ്ങള്ക്കായി സേര്ച്ച് കീവേര്ഡുകള് മുഖേന ഉപയോഗിക്കാനും കഴിയും. കണ്ട്രോള് റൂമിലെ കമ്പ്യൂട്ടര് നിയന്ത്രിത ഡിസ്പാച്ചറില് നിന്ന് ആവശ്യമായ സന്ദേശങ്ങള് സംഭവ സ്ഥലത്തിന് ഏറ്റവുമടുത്തുള്ള പിങ്ക് പട്രോള് വാഹനങ്ങളിലെ മൊബൈല് ഡാറ്റ ടെര്മിനലുകള്ക്ക് ലഭിക്കും. പരാതിക്കാര്ക്ക്…
Read Moreനൂറുമേനിയിൽ തിളങ്ങി കലയപുരം ആശ്രയ; കുട്ടികളുടെ അഭിരുചിക്കും ആഗ്രഹത്തിനും അനുസരിച്ചുള്ള ഉപരിപഠനത്തിന് പാതയൊരുക്കുമെന്ന് ആശ്രയ
കൊട്ടാരക്കര : ആശ്രയയുടെ കീഴിലുള്ള ശിശുഭവനുകളിൽ നിന്നും പത്താം ക്ലാസിൽ പരീക്ഷ എഴുതിയ മുഴുവൻ പേരും വിജയിച്ചു. കലയപുരം ആശ്രയ ശിശുഭവൻ, കോന്നി തെങ്ങുംകാവ് ആശ്രയ ഭവൻ എന്നീ സ്ഥാപനങ്ങളിലെ കുട്ടികളാണ് ജീവിത സ്വപ്നങ്ങളുടെ ആദ്യ കടമ്പ കടന്നത്. ജിബി വർഗീസ് , സൂര്യ , ചിന്നു , ജെൻസി , സഞ്ജന.എസ്, സംഗീത .എസ്, ശ്രീലക്ഷ്മി .ബി, നാഫിയ.കെ.എൽ, ബിന്ദു. കെ , അനുപമ ബിനു എന്നിവരാണ് പത്താം ക്ലാസിൽ വിജയിച്ചത് . മാതാപിതാക്കൾ നഷ്ടപ്പെട്ട ജിബി, സൂര്യ, ചിന്നു എന്നിവർ വർഷങ്ങൾക്ക് മുൻപ് ആശ്രയയുടെ തണലിൽ എത്തപ്പെട്ടവരാണ് . രോഗങ്ങൾ മൂലമുള്ള ശാരീരിക അവശതകളും സാമ്പത്തിക ബുദ്ധിമുട്ടുകളും നിമിത്തം മതിയായ സംരക്ഷണവും വിദ്യാഭ്യാസവും നൽകാൻ കഴിയാതെ വന്നതോടെയാണ് ജെൻസി , സഞ്ജന.എസ്, സംഗീത .എസ്, ശ്രീലക്ഷ്മി .ബി, നാഫിയ.കെ.എൽ, ബിന്ദു. കെ, അനുപമ ബിനു…
Read Moreയുവാവിനെ ചവിട്ടി കൊലപ്പെടുത്തിയ കേസ്; പ്രതികൾക്ക് ജീവപര്യന്തം കഠിനതടവും പിഴയും
കൊല്ലം: യുവാവിനെ ചവിട്ടി കൊലപ്പെടുത്തിയ കേസിൽ ഒന്നും മൂന്നും പ്രതികൾക്കു ജീവപര്യന്തം കഠിനതടവും 50,000 രൂപാവീതം പിഴയും. രണ്ടാം പ്രതിക്കു ഏഴുവർഷം കഠിനതടവും 50,000 രൂപ പിഴയും കൊല്ലം സെക്കൻഡ് അഡീഷണൽ സെഷൻസ് ജഡ്ജ് ആഷ് കെ. ബാൽ ശിക്ഷ വിധിച്ചു. അലയമണ് മൂങ്ങോട് പുല്ലാഞ്ഞിയോട് ലക്ഷംവീട് നന്പർ-എട്ടിൽ താമസിച്ചിരുന്ന ഉണ്ണിയെ ചവിട്ടി കൊലപ്പെടുത്തിയ കേസിലാണ് വിധി. ഒന്നാംപ്രതി അലയമണ് കരുകോണ് കല്ലുകുന്നുംപുറത്തു വീട്ടിൽ കീരി നസീർ എന്നുവിളിക്കുന്ന നസീർ, മൂന്നാം പ്രതിയായ മൂങ്ങോട് കരുകോണ് പുല്ലാഞ്ഞിയോട് ചരുവിള പുത്തൻവീട്ടിൽ ചോള ബൈജു എന്നുവിളിക്കുന്ന ബൈജു എന്നിവരെയാണു ജീവപര്യന്തം കഠിനതടവിനും 50,000 രൂപാവീതം പിഴയും ശിക്ഷിച്ചത്. രണ്ടാംപ്രതി അലയമണ് കരുകോണ് പുല്ലാഞ്ഞിയോട് തോട്ടുംകര പുത്തൻവീട്ടിൽ അദ്വാനിയെന്നു വിളിക്കുന്ന അൻസറിനെയാണ് ഏഴുവർഷം കഠിനതടവിനും 50,000 രൂപ പിഴയും ശിക്ഷിച്ചത്. കേസിനാസ്പദമായ സംഭവം നടന്നത് 2014 ഒക്ടോബർ ഒൻപതിനായിരുന്നു. അഞ്ചൽ…
Read Moreവീട്ട്പറമ്പിലെ കടന്നൽ കൂട് ഭീഷണിയാകുന്നു; കടന്നലിന്റെ ആക്രമണത്തിൽ സമീപവാസികളായ മൂന്ന് സ്ത്രീകൾക്ക് പരിക്ക്
ചവറ: പറമ്പിലെ പുളിമരത്തിലെ കൂട് കൂട്ടിയ കടന്നലുകൾ വീട്ടുകാർക്കും പരിസരവാസികൾക്കും ഭീഷണിയാകുന്നു. കടന്നലിന്റെ ആക്രമണത്തിൽ സമീപവാസികളായ മൂന്ന് സ്ത്രീകൾക്ക് കുത്തേറ്റു. പന്മന ആക്കൽ പുളിമൂട്ടിൽ വീട്ടിൽ മൈതീൻകുഞ്ഞിന്റെ വീടിനോട് ചേർന്നാണ് കടന്നൽ കൂട് കൂട്ടിയിരിക്കുന്നത്. ഏകദേശം നാലു മാസമായി ഭയത്തോടെ താമസിക്കുന്ന സമീപവാസികളായ സ്ത്രീകൾക്ക് ഇതിനകം തന്നെ കടന്നലിന്റെ ആക്രമണമുണ്ടായി. പന്മന ആക്കൽ കിഴക്കേകണ്ണൻകോട്ട് കുമാരി, ഹൻഷാ മൻസിലിൽ ലൈലാബീവി, നടുവില മുറിയിൽ സുധാ ദേവി എന്നിവർക്കാണ് കുത്തേറ്റത്. ദിവസങ്ങൾ കഴിയുന്തോറും കൂട് വലുതായി മാറുകയാണ്. ഇതോടെ സ്ത്രീകളും കുട്ടികളുമുൾപ്പെടെയുള്ളവർ ഭീതിയോടെയാണ് കഴിയുന്നത്. ബന്ധപ്പെട്ടവരോട് പരാതി പറഞ്ഞിട്ടും യാതൊരു നടപടിയുമുണ്ടാകാത്ത സ്ഥിതിയാണുള്ളത്. രാത്രി സമയങ്ങളിലാണ് കടന്നലിന്റെശല്യം വർധിക്കുന്നതെന്ന് നാട്ടുകാർ പറയുന്നു. വലിയ കടന്നൽ കൂട്ടിൽ നിന്നും വീടുകളിലെ ലൈറ്റുകൾക്ക് സമീപത്തായി കൂട്ടമായി പറന്നെത്തുന്ന കടന്നലുകൾ കിണറുകളിലും ആഹാര സാധനങ്ങളിലുമായി വന്ന് വീഴുകയാണ്. പുളിമരത്തിന് മുകളിലായി കൂട് കൂട്ടിയ…
Read Moreജില്ലയിൽ അപകടം കുറയ്ക്കുന്നതിൽ ട്രാക്കിന്റെ പങ്ക് വലുതെന്ന് മന്ത്രി കെ.രാജു
കൊല്ലം : അപകടം കുറയ്ക്കുന്നതിൽ ട്രാക്കിന്റെ പങ്ക് വലുതാണെന്ന് മന്ത്രി കെ.രാജു അഭിപ്രായപ്പെട്ടു. ട്രാക്ക് ലൈഫ് മെമ്പർ ഷീല ആന്റണി സമ്മാനിച്ച ആംബുലൻസിന്റെ ഫ്ളാഗ്ഓഫ് നിർവഹിച്ചു പ്രസംഗിക്കുകയായിരുന്നു മന്ത്രി. അമിതവേഗത, ലൈറ്റ് ഡിം ചെയ്യാതിരിക്കൽ, ലഹരിമരുന്നുപയോഗിച്ചുള്ള ഡ്രൈവിംഗ്, അശ്രദ്ധയോടെയുള്ള വാഹനമോടിക്കലും കാൽനടയാത്രയും അപകടങ്ങൾ വർധിക്കുന്നതിന് കാരണമാണ് . ഇതിനൊരു പരിഹാരം ബോധവൽക്കരണമാണ്. ഇവിടെയാണ് ട്രാക്കിന്റെ പ്രവർത്തനങ്ങളുടെ മഹത്വമെന്നും മന്ത്രി രാജു പറഞ്ഞു. അപകടരക്ഷാ വർഷാചരണത്തിലൂടെ ജില്ലയിൽ അപകടങ്ങൾ വർധിക്കുന്നതിനെ പിടിച്ചുനിർത്തുവാൻ ട്രാക്കിന് കഴിഞ്ഞുവെന്നും അദ്ദേഹം പറഞ്ഞു. ട്രഷറർ റിട്ട.ആർ ടി ഓ സത്യൻ പി എ അധ്യക്ഷത വഹിച്ചു. യോഗത്തിൽ മേയർക്കുവേണ്ടി ട്രാക്കിൽ നിന്നു അപകടരക്ഷ പരിശീലനം ലഭിച്ച അയ്യായിരം അംഗങ്ങളുടെ പ്രഖ്യാപനവും ജോർജ് എഫ് സേവ്യർ വലിയവീട് എഴുതി ജോസ്ഫിൻ ജോർജ് വലിയവീട് സംഗീതം നിർവഹിച്ചു ആലപിച്ച സ്നേഹം എന്ന കവിതയുടെ യൂട്യൂബ് പ്രകാശനവും ഡെപ്യൂട്ടി…
Read Moreഅന്തരിച്ച കഥകളി ആചാര്യൻ മടവൂർ വാസുദേവൻ നായരുടെ വേഷവിധാനങ്ങൾ ഇനി പ്രിയ ശിഷ്യൻ രവികുമാറിന്
കൊല്ലം: അന്തരിച്ച കഥകളി ആചാര്യൻ മടവൂർ വാസുദേവൻ നായരുടെ വേഷവിധാനങ്ങൾ പ്രിയ ശിഷ്യന് ഇനി സ്വന്തം. മടവൂരിന്റെ ശിഷ്യനായ രവികുമാറിനാണ് അദ്ദേഹത്തിന്റെ ഭാര്യ സാവിത്രി അമ്മ വേഷവിധാനങ്ങൾ സമ്മാനിച്ചത്. മടവൂരിന്റെ സ്ഥിരം വേഷമായിരുന്ന അരയന്നത്തിന്റെ ചുണ്ടും മോതിരവുമാണ് രാമൻകുളങ്ങരയിലെ വീട്ടിൽ വച്ച് പ്രിയ ശിഷ്യന് സമ്മാനിച്ചത്. രവികുമാർ ആശാന്റെ പ്രിയപ്പെട്ട കത്തി വേഷങ്ങൾ തന്മയത്വത്തോടെ അരങ്ങിലെത്തിച്ച് തെക്കൻ ചിട്ടയുടെ കാവലാളായി നിലകൊണ്ടതാണ് വേഷവിധാനങ്ങൾ നൽകാൻ പ്രേരിപ്പിച്ചതെന്ന് സാവിത്രി അമ്മ പറഞ്ഞു. ആശാൻ അവസാനം അവതരിപ്പിച്ച് പൂർത്തിയാക്കാതെ പോയ രാവണവിജയത്തിലെ രാവണൻ കഴിഞ്ഞ മാർച്ച് 25ന് മാവേലിക്കരയിൽ അനുസ്മര ചടങ്ങിൽ രവികുമാർ അവതരിപ്പിച്ചിരുന്നു. ഇതും വേഷവിധാനങ്ങൾ രവികുമാറിന് നൽകാൻ പ്രേരണയായതായി സാവിത്രിയമ്മ പറഞ്ഞു.
Read Moreക്ലാസ് മുറികൾക്കൊപ്പം പാഠ്യപദ്ധതിയും ആധുനികവൽക്കരിക്കണം : കെ.സോമപ്രസാദ് എം പി
ചവറ: ക്ലാസ് മുറികൾക്കൊപ്പം പാഠ്യ പദ്ധതിയും ആധുനിക വൽക്കരിക്കണമെന്ന് കെ.സോമപ്രസാദ് എം പി പറഞ്ഞു. കോയിവിള അയ്യൻ കോയിക്കൽ സർക്കാർ സ്കൂളിലെ ആധുനികവൽക്കരിച്ച ക്ലാസ് മുറികളുടെ ഉദ്ഘാടനം നിർവഹിച്ചു പ്രസംഗിക്കുകയായിരുന്നു അദ്ദേഹം. ലോകത്തിലേറ്റവും മികച്ച വിദ്യാഭ്യാസം നൽകുന്ന സംസ്ഥാനമാണ് കേരളം. വിദ്യാലയങ്ങൾ ഹൈടെക്കാകുന്നതോടെ വരുന്ന മാറ്റങ്ങൾ വിദ്യാഭ്യാസ രീതികൾ പരിഷ്കരിക്കുന്നതോടെ കൂടുതൽ ഗുണകരമാകുമെന്നും എം പി പറഞ്ഞു. എൻ.വിജയൻ പിള്ള എംഎൽഎ അധ്യക്ഷത വഹിച്ചു. വേനൽ പറവകൾ ശില്പശാല ചവറ ബ്ലോക്ക് പഞ്ചായത്ത് പ്രസിഡന്റ് കെ.തങ്കമണി പിള്ളയും ലിറ്റിൽ കൈറ്റ്സ് എന്ന കുട്ടികളുടെ ഐടി കൂട്ടായ്മ ജില്ലാ പഞ്ചായത്തംഗം ബി.സേതുലക്ഷ്മിയും ഉദ്ഘാടനം ചെയ്തു. ഗ്രാമ പഞ്ചായത്ത് പ്രസിഡന്റ് ജോസ് ആന്റണി എസ്പിസി സമ്മർ ക്യാമ്പ് ഉദ്ഘാടനം ചെയ്തു. ഗ്രാമ പഞ്ചായത്തംഗം എം. ഇസ്മയിൽ കുഞ്ഞ്, ശ്രീകല, പി.ഓമനക്കുട്ടൻ, കെ.മോഹനക്കുട്ടൻ, ടി.എസ് വത്സലകുമാരി, പ്രിൻസിപ്പൽ ജി.കൃഷ്ണകുമാർ പ്രഥമാധ്യാപിക വി.പ്രീതാകുമാരിയമ്മ…
Read Moreകൊട്ടാരക്കര ഡിജിറ്റൽ ആകുമ്പോഴും മാലിന്യം നിറഞ്ഞ് നഗരം; ടൗണിലെ മാലിന്യ നീക്കം നിലച്ചിട്ട് ഒരു വർഷം
കൊട്ടാരക്കര: നഗരസഭ ഇൻഡ്യയിലെ രണ്ടാമത്തെ ഡിജിറ്റൽ നഗരസഭയായി മാറാനുള്ള തയാറെടുപ്പുകൾ പുരോഗമിക്കുന്പോൾ നഗരം മാലിന്യം നിറഞ്ഞ് ദുഷിച്ച് നാറുന്നു. മാലിന്യ നീക്കം നിലയ്ക്കുകയും സംസ്ക്കരണ പ്ലാന്റ് നിർമാണം എങ്ങും എത്താതെയുമായതോടെയാണ് നഗരം മൊത്തത്തിൽ മാലിന്യകൂന്പാരമായി മാറിയത്. ടൗണിലെ മാലിന്യ നീക്കം നിലച്ചിട്ട് ഒരു വർഷത്തിലധികമായി. സേവനവേതന വർധനവില്ലാത്തതിനാൽ തൊഴിലാളികളിൽ നല്ലൊരു വിഭാഗം ജോലി ഉപേക്ഷിക്കുകയും ചെയ്തു. ഉഗ്രംകുന്നിലെ പഴയ മാലിന്യ പ്ലാന്റിന്റെ പ്രവർത്തനം നിലച്ചിട്ട് 10 വർഷത്തിലധികമായി. നഗരത്തിലെ മാലിന്യം ഉഗ്രം കുന്നിൽ എത്തിച്ച് കത്തിക്കുകയായിരുന്നു ചെയ്തിരുന്നത്. മാലിന്യ നീക്കം നിലച്ചതോടെ ഇപ്പോൾ ഇത് നടക്കുന്നില്ല. നഗരത്തിലെ പ്രധാന റോഡരുകുകളിലും ഇടറോഡുകളിലുമെല്ലാം മാലിന്യം നിറഞ്ഞ് കിടക്കുകയാണ്. വ്യാപാര സ്ഥാപനങ്ങളിൽ നിന്നും ഹോട്ടലുകളിൽ നിന്നും മാലിന്യം രാത്രി കാലങ്ങളിൽ പൊതു നിരത്തുകളിലേക്ക് വലിച്ചെറിയാറുണ്ട്. ഇറച്ചി മാലിന്യം ഉൾപ്പടെ തോടുകളിലും ജലാശയങ്ങളിലും ഇടറോഡുകളിലും വലിച്ചെറിയുന്നു. ടൗണിലെ പല ഭാഗങ്ങളിലും പൊതുനിരത്തുകളിൽ…
Read More