ചാത്തന്നൂർ: ഫീസ് നല്കാത്തതിന് രണ്ടാം വർഷ നഴ്സിംഗ് വിദ്യാർഥിനിയെ കോളേജ് നടത്തിപ്പുകാരായ ദമ്പതികൾ തല്ലിച്ചതച്ചതായി പരാതി.പാരിപ്പള്ളി കോട്ടക്കേറത്ത് വാടകവീട്ടിൽ കഴിയുന്ന ശ്രീജയുടെ മകളും ബാംഗ്ലൂർ ഫെയ്ത്ത് ഇൻസ്റ്റിറ്റൂട്ട് ഒാഫ് നഴ്സിംഗിലെ രണ്ടാംവർഷ വിദ്യാർഥിനിയുമായ അനുശ്രീക്കാണ് മർദനമേറ്റത്. കഴിഞ്ഞ വർഷമാണ് അനുശ്രീ കോളേജിൽ ബിഎസ് സി നഴ്സിംഗിന് ചേർന്നത്. ഭൂമിയില്ലാത്തതിനാൽ ബാങ്കുകൾ ലോൺ നല്കാൻ തയാറായില്ലെന്നും അതിനാൽ 29,000രൂപ ഫീസ് കുടിശികയുണ്ടായിരുന്നെന്നും മാതാവ് പറഞ്ഞു. ഇതിൽ പ്രകോപിതരായാണ് കോളേജ് നടത്തിപ്പുകാരും കൊട്ടാരക്കര സ്വദേശികളുമായ ഡേവിഡ്, ഭാര്യ മിനിഡേവിഡ് എന്നിവർ ചേർന്ന് മുറിയിൽ പൂട്ടിയിട്ട് വിദ്യാർഥിനിയെ ക്രൂരമായി തല്ലിച്ചതക്കുകയും ഷൂസ് കൊണ്ട് വയറ്റിൽ ചവിട്ടുകയും ചെയ്തതായാണ് പരാതി. ആക്രമണത്തിൽ വിദ്യാർഥിയുടെ കൈകാലുകൾക്കും തലക്കും സാരമായി പരിക്കേറ്റു. സഹപാഠികൾ അറിയിച്ചതനുസരിച്ച് കഴിഞ്ഞ നാലിന് മാതാവ് ശ്രീജ മകളെ നാട്ടിലെത്തിച്ച് പാരിപ്പള്ളി മെഡിക്കൽകോളേജിൽ പ്രവേശിപ്പിച്ചു. പീഡനത്തിനെതിരെ പരാതിയില്ലെന്ന് എഴുതി നല്കാൻ കോളേജ് അധികൃതർ…
Read MoreCategory: Kollam
ഒടുവിൽ സുഗതന്റെ വർക്ക്ഷോപ്പിന് പഞ്ചായത്തിന്റെ അനുമതി; സിപിഐയുടെ എതിർപ്പ് മറികടന്ന് സിപിഎം ഭരിക്കുന്ന പഞ്ചായത്ത് അനുമതി നൽകുകയായിരുന്നു
കൊല്ലം: സിപിഐ യുവജന സംഘടനയായ എഐവൈഎഫിന്റെ കൊടികുത്തൽ സമരത്തെത്തുടർന്ന് ജീവനൊടുക്കിയ സുഗതന്റെ കുടുംബത്തിന് വർക്ക്ഷോപ്പ് തുടങ്ങാൻ പഞ്ചായത്തിന്റെ അനുമതി. സിപിഐ അംഗങ്ങളുടെ എതിർപ്പ് മറികടന്നാണ് അനുമതി നൽകിയത്. എതിർപ്പിനേത്തുടർന്ന് നടന്ന വോട്ടെടുപ്പിൽ സിപിഎം അംഗങ്ങൾ ഒന്നാകെ വർക്ക്ഷോപ്പിന് അനുമതി നൽകണം എന്ന നിലപാടാണ് സ്വീകരിച്ചത്. നേരത്തെ, മുഖ്യമന്ത്രിയെ സന്ദർശിച്ച സുഗതന്റെ മക്കൾ ഈ ആവശ്യം മുന്നോട്ട് വച്ചിരുന്നു. ഇക്കാര്യം അനുഭാവപൂർവം പരിഗണിക്കാമെന്ന് മുഖ്യമന്ത്രി ഉറപ്പു നൽകുകയും ചെയ്തിരുന്നു. ഇതിനു പിന്നാലെയാണ് സിപിഎം ഭരിക്കുന്ന പഞ്ചായത്ത് ഭരണ സമിതി വർക്ക്ഷോപ്പിന് അനുമതി നൽകിയത്.
Read Moreമലയോര ജനപക്ഷ യാത്രാദിവസം ആര്യങ്കാവിൽ ബിജെപി നേതാക്കളുടെ രാജി; മണ്ഡലം നേതൃത്വവുമായി യോജിച്ച് പോകാൻ കഴിയാത്തത്തിനാലാണ് രാജിയെന്ന് ബി ഉത്തമൻ
തെന്മല: ബിജെപിയുടെ മലയോര ജനപക്ഷ യാത്ര ആര്യങ്കാവിൽ നിന്ന് പര്യടനം തുടങ്ങിയ ദിവസം തന്നെ ആര്യങ്കാവ് പഞ്ചായത്തിലെ ബി ജെ പി നേതാക്കൾ രാജിവച്ചു. ബിജെപി ആര്യങ്കാവ് പഞ്ചായത്ത് സമിതി പ്രസിഡന്റ് ബി ഉത്തമനും പഞ്ചായത്ത് കമ്മിറ്റി ജനറൽ സെക്രട്ടറി ബിനീഷ് വിജയനുമാണ് രാജിവച്ചത്. പുനലൂർ നിയോജക മണ്ഡലം സമിതിയിലെ നേതൃത്വവുമായി യോജിച്ച് പോകാൻ കഴിയാത്ത വിധമാണ് ഇപ്പോഴത്തെ പ്രവർത്തനങ്ങളെന്നാണ് ബി ഉത്തമൻ പറയുന്നത്. ദീർഘകാലമായി ബിജെപി പ്രവർത്തകരാണിവർ. ബിജെപി പുനലൂർ പത്തനാപുരം നിയോജക മണ്ഡലം കമ്മിറ്റിയുടെ നേതൃത്വത്തിലാണ് മലയോര ജനപക്ഷ യാത്ര ഇന്നലെ വൈകുന്നേരം ആര്യങ്കാവിൽ നിന്ന് തുടങ്ങിയത്. ജാഥ തുടങ്ങിയിടത്ത് തന്നെ നേതാക്കളുടെ രാജി ബിജെപിക്ക് നാണക്കേടായി.
Read Moreപതിനേഴുകാരിക്ക് നേരെ ആക്രമണം; യുവാവിനെതിരേ പോലീസിൽ പരാതി നൽകിയതിന് യുവാവിന്റെ ബന്ധുക്കൾ ഭീഷണിപ്പെടുത്തി; മനോവിഷമത്തിൽ ആത്മഹത്യക്ക് ശ്രമിച്ച കുട്ടി നില ഗുരുതരം
ചവറ: വീടിനു വെളിയിൽ ഉറങ്ങുകയായിരുന്നു 17 കാരിയെ അയൽവാസിയായ യുവാവ് കടന്നുപിടിക്കാൻ ശ്രമിച്ചു. പോലീസിൽ പരാതി നൽകിയ പെൺകുട്ടിയെ യുവാവിന്റെ മാതാവും ബന്ധുക്കളും ചേർന്ന് ഉപദ്രവിച്ചു. ആത്മഹത്യാശ്രമം നടത്തിയ പെൺകുട്ടി ജില്ലാ ആശുപത്രിയിൽ ചികിത്സയിൽ. നീണ്ടകരയിൽ അപ്പുപ്പന്റെയും അമ്മുമ്മയുടെയും സംരക്ഷണയിൽ കഴിയുന്ന പെൺകുട്ടിക്ക് നേരെ കഴിഞ്ഞ ബുധനാഴ്ച പുലർച്ചെയായിരുന്നു സംഭവം. തകർന്ന വീടായതിനാൽ വീടിനു പുറത്താണ് കുട്ടിയും വീട്ടിലുള്ളവരും കിടന്ന് ഉറങ്ങാറുള്ളത്. സമീപവാസിയായ യുവാവ് കടന്നുപിടിക്കുകയായിരുന്നെന്ന് യുവതി ചവറ പോലീസിന് നൽകിയ പരാതിയിൽ പറയുന്നു. ഇതേ തുടർന്ന് യുവാവിന്റെ മാതാവും രണ്ട് ബന്ധുക്കളും ഇവരുടെ വീട്ടിലെത്തുകയും പെൺകുട്ടിയെ ഭീഷണിപ്പെടുത്തുകയും, ഉപദ്രവിക്കുകയും ചെയ്തിരുന്നു. ഇതിന്റെ മനോവിഷമത്തിലാണ് പെൺകുട്ടി ആത്മഹത്യാ ശ്രമം നടത്തിയത്. പെൺകുട്ടിയുടെയും വീട്ടുകാരുടെയും പരാതിയിൽ നാലുപേർക്കെതിരെ ചവറ പോലിസ് കേസെടുത്തു
Read Moreകുടിവെള്ള ക്ഷാമം രൂക്ഷം; ജനകീയ പരിഹാരവുമായി പ്രദേശവാസികൾ; ജലലഭ്യതയുള്ള സ്ഥലത്ത് തൊഴിലുറപ്പ് തൊഴിലാളികളുടെ സഹായത്തോടെ കുളം നിർമ്മിച്ച് പരിഹാരം കണ്ടെത്തി പ്രദേശവാസികൾ
പത്തനാപുരം: പട്ടാഴി ശരണംമുകൾ നിവാസികൾക്ക് വേനലെന്നാൽ ദുരിതകാലമാണ്. ജലം കിട്ടാക്കനി. കിലോമീറ്റർ അപ്പുറം കല്ലടയാറിൽ നിന്നു വരെ ദിനവും വാഹനങ്ങൾ വിളിച്ച് ജലം കൊണ്ടുവരികയാണ് പ്രദേശവാസികൾ.എന്തെങ്കിലും വിശേഷങ്ങൾ വീടുകളിൽ നടന്നാൽ ആയിരങ്ങൾ മുടക്കി ജലം പുറത്തുനിന്ന് എത്തിക്കേണ്ട ഗതികേടിലാണ് വീട്ടുകാർ. കനാൽ ജലവിതരണ സംവിധാനം ഈ മലയോര മേഖലയിൽ ലഭ്യമല്ലാത്തതിനാൽ കൃഷിയിടങ്ങൾ വരണ്ടുണങ്ങി കൃഷി നശിച്ചിട്ട് കാലമേറെയായി. വേനൽ തുടങ്ങിയതോടെ തന്നെ കിണറുകൾ വറ്റിവരണ്ടു ഉപയോഗ ശൂന്യമായി. നിരന്തര ആവശ്യത്തെ തുടര്ന്ന് പഞ്ചായത്തംഗത്തിന്റെ പരിശ്രമത്താൽ പുറത്തു നിന്നും വാഹനങ്ങളിൽ വെള്ളം എത്തിക്കുന്നുണ്ടെങ്കിലും ജനങ്ങൾക്കു നിത്യാവശ്യത്തിനുള്ള ജലം ലഭിക്കുന്നില്ല. കുടിവെള്ള പദ്ധതികൾക്ക് ജനങ്ങൾ അപേക്ഷ സമർപ്പിച്ചെങ്കിലും കുന്നിന് പ്രദേശമായതിനാൽ പദ്ധതികൾക്ക് കാലതാമസം നേരിടും.മറ്റു കുടിവെള്ള പദ്ധതികളെ ശരണം മുകളുമായി ബന്ധിപ്പിക്കാനും ശ്രമം നടന്നു വന്നിരുന്നു. എന്നാൽ ഭാരിച്ച ചിലവാണ് ഇതിനായി പ്രതീക്ഷിക്കുന്നത്. ഈ അവസരത്തിൽ പ്രദേശവാസികൾ ജനകീയ പരിഹാരവുമായി…
Read Moreഅന്യന്റെ ദുഃഖത്തിന് ആശ്വാസം പകരുമ്പോഴാണ് യഥാർഥ മനുഷ്യത്വം ജന്മമെടുക്കുന്നത്; പച്ചപ്പിനെ ഇല്ലാതാക്കുന്ന ദുരമൂത്ത മനസാണ് ഇന്നുള്ള ആളുകൾക്കെന്ന് ലക്ഷ്മികുട്ടിയമ്മ
കൊട്ടാരക്കര: സമൂഹത്തിൽ വേദനകളുടെ താഴ്വരയിൽ കഴിയാൻ വിധിക്കപെട്ടവർക്കും ദുഃഖകളുടെ കരിനിഴലിൽ കഴിയുന്നവർക്കും ആശ്വാസത്തിന്റെ കൈത്താങ്ങു നൽകുമ്പോഴാണ് മനുഷ്യത്വം എന്ന വാക്ക് അർഥവത്താകുന്നതെന്നു കെ. ലക്ഷ്മികുട്ടിയമ്മ. കലയപുരം ആശ്രയ സങ്കേതത്തിൽ നടന്ന അന്താരാഷ്ട്ര വനിതാദിനം ഉദ്ഘാടനം ചെയ്തു പ്രസം ഗിക്കുകയായിരുന്നു അവർ. സഹജീവി സ്നേഹം ഏറ്റവും മഹത്തരമായി കാണുന്ന ജനസമൂഹമാണ് ഞങ്ങൾ കാടിൻറെ മക്കൾക്കുള്ളത്. എന്നാൽ കാടിന്റെ മനസറിഞ്ഞു ജീവിക്കുന്ന ഞങ്ങളെ അവിടെനിന്നും തുരത്തി ആർത്തിമൂത്ത വികസനത്തിന്റെ പദ്ധതികളാൽ പച്ചപ്പിനെ ഇല്ലാതാക്കുന്ന ദുരമൂത്ത മനസാണ് ഇന്ന് ബഹുപൂരിപക്ഷം ആളുകൾക്കും ഉള്ളത്. അതുണ്ടാക്കുന്ന ദുരന്തം ഈ നാടിന്റെ നാശമായിരിക്കുമെന്നും അവർ ഓർമിപ്പിച്ചു. ആശ്രയ പ്രസിഡന്റ് കെ. ശാന്തശിവന്റെ അധ്യക്ഷതയിൽ ചേർന്ന സമ്മേളനത്തിൽ ജില്ലാ സാമൂഹ്യനീതി ഓഫീസർ സബീന ബീഗം വിശിഷ്ട അതിഥിയായിരുന്നു. ആർ . രശ്മി, ചന്ദ്രകുമാരി ടീച്ചർ, സൂസമ്മ ബേബി, റെവ. ഫാ . എബ്രഹാം അയ്യന്തിയിൽ ഒഐസി,…
Read Moreപ്രവാസിയുടെ ആത്മഹത്യ; കേരളത്തിന്റെ യശസിന് കളങ്കം ഉണ്ടാക്കി; നാട്ടിൽ കഠിനാധ്വാനം ചെയ്ത് ജീവിക്കാൻ കഴിയാത്ത അവസ്ഥയെന്ന് കുമ്മനം രാജശേഖരൻ
പുനലൂർ: പ്രവാസിആത്മഹത്യ ചെയ്യാൻ ഇടയായ സാഹചര്യം കേരളത്തിന്റെ യശസിന് കളങ്കം ചാർത്തിയ സംഭവമെന്ന് ബിജെപി സംസ്ഥാന അധ്യ ക്ഷൻ കുമ്മനം രാജശേഖരൻ അഭിപ്രായപ്പെട്ടു. ആത്മഹത്യ ചെയ്ത പ്രവാസി സുഗതന്റെ വീട് സന്ദർശിച്ച ശേഷം പ്രതികരിക്കുകയായിരുന്നു അദ്ദേഹം. ഈ നാട്ടിൽ കഠിനാധ്വാനം ചെയ്ത് ജീവിക്കാൻ കഴിയാത്ത അവസ്ഥയാണ് ഉള്ളതെന്ന് ഈ സംഭവത്തിലൂടെ തെളിയുന്നത്. സർക്കാരിന്റെ നയവൈകല്യം മൂലം കേരളത്തിൽ നിക്ഷേപവും തൊഴിൽ സംരഭവും തുടങ്ങാൻ കഴിയില്ല. നിലം നികത്തി എന്നതാണ് പ്രശ്നമെങ്കിൽ അതിന് ഉത്തരം പറയേണ്ടത് കൃഷിമന്ത്രിയാണ്. തണ്ണീർതട നീർത്തന പദ്ധതിയിൽ വെള്ള ചേർത്തിയതും ഈ സർക്കാർ വന്നതിന് ശേഷം നിയമങ്ങൾ ദുർബലമായി. തൊഴിൽ എടുത്ത് ജീവിക്കാൻ കഴിയാത്ത അവസ്ഥ ഈ കുടുംബത്തോട് കാട്ടിയവർ ഗുരുതരമായ നിന്ദയും, ക്രൂരതയുമാണ് ഇതിലൂടെ ചെയ്തത്. ഇന്ന് കേരളത്തിലെ രാഷ്ട്രീയം മലീമസമായതായും ഒന്നോ രണ്ടോ പേരുടെ അറസ്റ്റുകൊണ്ട് തീരില്ല. ഇവർക്ക് ഏറ്റ…
Read Moreപരീക്ഷ എഴുതാന് പോയ വിദ്യാർഥിനികളെ ഓട്ടോ ഡ്രൈവർ തട്ടിക്കൊണ്ടുപോകാൻ ശ്രമം; ഓട്ടോയിൽവച്ച് ഡ്രൈവർ നഗ്നതകാട്ടിയതായും പരാതി
കൊല്ലം: കൊല്ലത്ത് പത്താം ക്ലാസ് പരീക്ഷ എഴുതാന് സ്കൂളിലേക്ക് ഓട്ടോയില് പോയ വിദ്യാര്ഥിനികളെ ഓട്ടോറിക്ഷകാരന് തട്ടികൊണ്ടു പോകാന് ശ്രമിച്ചതായി പരാതി.ഡ്രൈവര് കുട്ടികളോട് നഗ്നത പ്രദര്ശിപ്പിച്ചതിനെ തുടര്ന്ന് കുട്ടികള് ഓട്ടോയില് നിന്ന് ചാടി രക്ഷപെടുകയായിരുന്നുവെന്ന് പോലീസ് പറഞ്ഞു. നാട്ടുകാര് ഓടിയെത്തിയപ്പോഴേക്കും ഓട്ടോകാരന് രക്ഷപ്പെട്ടു. ഈസ്റ്റ് പോലീസെത്തിയാണ് കുട്ടികളെ പരീക്ഷയെഴുതാന് സ്കൂളിലെത്തിച്ചത്. ഇന്നലെ രാവിലെ 11.45 നായിരുന്നു സംഭവം. കൊല്ലം മുണ്ടയ്ക്കലിന് സമീപം വെടികുന്നിന് അടുത്ത് നിന്ന് അഞ്ച് കുട്ടികളെ നഗരത്തിലെ ഹൈസ്കൂളില് പരീക്ഷ എഴുതാന് ഒരു കുട്ടിയുടെ അമ്മ ഓട്ടോയില് കയറ്റി വിടുകയായിരുന്നു. മുണ്ടക്കല് റെയില്വേ ഗേറ്റ് അടഞ്ഞു കിടക്കുകയാണെന്നറിയിച്ച ഓട്ടോറിക്ഷ ഓടിച്ച മധ്യവയസ്കന് കുട്ടികള കപ്പലണ്ടി മുക്കിന് സമീപത്തു കൊണ്ടു പോകുന്നതിനിടെ നഗ്നത പ്രദര്ശിപ്പിക്കുകയായിരുന്നുവത്രെ. തുടര്ന്ന് കുട്ടികള് ഓടികൊണ്ടിരുന്ന വാഹനത്തില് നിന്ന് ചാടയെന്ന് ദൃക്സാക്ഷികള് പറഞ്ഞു. 11.45 ന് കൊണ്ടേത്ത് പാലത്തിനു സമീപം കിടന്ന ഓട്ടോയിലാണ് കുട്ടികളെ…
Read Moreപോലീസ് തണലിൽ എസ്എഫ്ഐ പ്രവർത്തകരുടെ അഴിഞ്ഞാട്ടം; പരാതി നൽകാൻ എത്തിയ ആളെ സ്റ്റേഷൻ വളപ്പിൽ പോലീസുകാർ നോക്കി നിൽക്കേ എസ്എഫ്ഐക്കാർ ആക്രമിച്ചു
കൊല്ലം: പരാതി നൽകാൻ എത്തിയ ആളെ സ്റ്റേഷൻ വളപ്പിൽ പോലീസുകാർ നോക്കി നിൽക്കേ എസ്എഫ്ഐക്കാർ ആക്രമിച്ചു. കൊല്ലം ഈസ്റ്റ് പോലീസ് സ്റ്റേഷൻ വളപ്പിലാണ് ഭരണത്തണലിൽ എസ്എഫ്ഐക്കാർ അഴിഞ്ഞാട്ടം നടത്തിയത്. സിഐ ഉൾപ്പടെ 50 ഓളം പോലീസുകാരാണ് മർദ്ദനത്തിന് കാഴ്ചക്കാരായത്. രാവിലെ 11 ഓടെയാണ് സംഭവം. സ്റ്റേഷനിൽ പരാതി നൽകാൻ എത്തിയ എബിവിപി പ്രവർത്തകൻ അജിത്തിനെ എസ്എഫ്ഐക്കാർ സംഘം ചേർന്ന് ആക്രമിക്കുകയായിരുന്നു. ഇയാളുടെ തലയ്ക്ക് അക്രമികൾ കല്ലിനിടിക്കുകയായിരുന്നു. പരിക്കേറ്റ വിദ്യാർഥിയെ ആശുപത്രിയിൽ എത്തിക്കാൻ പോലും പോലീസുകാർ തയാറായില്ല. പിന്നീട് ഇരുചക്ര വാഹനത്തിലാണ് ഇയാളെ ആശുപത്രിയിൽ പ്രവേശിപ്പിച്ചത്. പരിക്ക് സാരമുള്ളതല്ലെന്നാണ് ആശുപത്രി അധികൃതർ അറിയിച്ചിരിക്കുന്നത്.
Read More‘പാഠം ഒന്ന് ഒരു മദ്യപാനിയുടെ ആത്മകഥ’ കാണികളുടെ കൈയടി നേടി വേദികളിൽ നിന്നും വേദികളിലേക്ക് മുന്നേറുന്നു; അരങ്ങിൽ തകർത്ത് അഭിനയിക്കുന്നതാകട്ടെ കൊല്ലം ജനമൈത്രി പോലീസ് സേനാംഗങ്ങളും
സന്തോഷ് പ്രിയൻ കൊല്ലം: സ്റ്റേജിന് മുന്പിലെ ലൈറ്റ് ഓഫ് ആകുന്പോൾ വേദിയിൽ പ്രഫഷണൽ നാടകകലാകാരന്മാരുടെ മികവോടെ കഥാപാത്രങ്ങളായി എത്തുന്നത് പോലീസ് ഓഫീസർമാരാണെന്ന് വിശ്വസിക്കാൻ കാണികൾക്ക് ആദ്യം പ്രയാസം. പിന്നീട് കർഷകനായും വീട്ടമ്മയായും മകനായും അച്ഛനായും അയൽക്കാരനായും വഴിയാത്രക്കാരിയായും രംഗത്ത് തകർപ്പൻ അഭിനയം കാഴ്ചവയ്ക്കുന്നത് പോലീസ് സേനയിലെ അംഗങ്ങളാണെന്ന് അറിയുന്പോൾ ആസ്വാദകരുടെ മുഖത്ത് വിരിയുന്നത് വിസ്മയവും. കൊല്ലം ജനമൈത്രി പോലീസ് ബോധവത്കരണത്തിന്റെ ഭാഗമായി അവതരിപ്പിക്കുന്ന പാഠം ഒന്ന് ഒരു മദ്യപാനിയുടെ ആത്മകഥ എന്ന നാടകമാണ് കാണികളുടെ കൈയടി നേടി വേദികളിൽ നിന്നും വേദികളിലേക്ക് മുന്നേറുന്നത്. മദ്യപാനവും മറ്റ് മയക്കുമരുന്നുകളുടെ ഉപയോഗവും മൂലം ജീവിതവഴിത്താരയിൽ കാലിടറി വീഴുന്ന യുവത്വങ്ങളുടേയും കുടുംബങ്ങളുടേയും കണ്ണീരിന്റെ കഥയാണ് നാടകത്തിന്റെ ഇതിവൃത്തം. അത് സദസ്യർക്ക് മുഷിപ്പില്ലാതെ ഒരു മണിക്കൂർ രംഗപടമുൾപ്പെടെ സാങ്കേതിക മികവോടെ അവതരിപ്പിക്കുകയാണ്. നാടകത്തിനിടെ തന്റെ മാല പൊട്ടിച്ചുവെന്ന് ഉറക്കെ നിലവിളിച്ചുകൊണ്ട് കാണികൾക്കിടയിൽനിന്ന് സ്റ്റേജിലേക്ക്…
Read More