പരീക്ഷാചൂടുമായി ആ​ശ്ര​യ​യി​ലെ കു​രു​ന്നു​ക​ൾ; ഒ​റ്റ​പ്പെ​ട​ലി​ൽ നി​ന്നും ആ​ശ്ര​യ കൈ​പി​ടി​ച്ചു​യ​ർ​ത്തി​യ 17 കു​ട്ടി​ക​ളാ​ണ് പരീക്ഷാ ചൂടിൽ

കൊട്ടാരക്കര: ആ​ശ്ര​യ സ്നേ​ഹ​ത്ത​ണ​ലി​ൽ നി​ന്നും ശി​ശു​ഭ​വ​നി​ൽ കു​ട്ടി​ക​ൾ ഇ​നി പ​രീ​ക്ഷ ചൂ​ടി​ലേ​ക്ക്. വി​ധി സ​മ്മാ​നി​ച്ച ഇ​ല്ലാ​യ്മ​ക​ളു​ടെ ഒ​റ്റ​പ്പെ​ട​ലി​ൽ നി​ന്നും ആ​ശ്ര​യ കൈ​പി​ടി​ച്ചു​യ​ർ​ത്തി​യ 17 കു​ട്ടി​ക​ളാ​ണ് ഇ​ത്ത​വ​ണ എ​സ്എ​സ്എ​ൽസി., ​പ്ല​സ് ടു ​പ​രീ​ക്ഷ​ക​ൾ എ​ഴു​താ​ൻ പോ​കു​ന്ന​ത്.

മാ​താ​പി​താ​ക്ക​ൾ ഉ​പേ​ക്ഷി​ച്ചു​പോ​യ കൂ​ടെ​പ്പി​റ​പ്പു​ക​ളാ​യ നി​ഷാ​ന്ത്, ഐ​ശ്വ​ര്യ, മാ​താ​പി​താ​ക്ക​ൾ മ​ര​ണ​പ്പെ​ട്ടു​പോ​യ സ​ഹോ​ദ​ര​ങ്ങ​ളാ​യ രാ​ഹു​ൽ, രാ​കേ​ഷ്, പി​താ​വ് ജ​യി​ലി​ലാ​യ​തോ​ടെ മാ​താ​വ് ഉ​പേ​ക്ഷി​ച്ചു​പോ​യ ആ​മി​ന, മ​ദ്യ​പാ​നി​യാ​യ പി​താ​വി​ന്‍റെ ശ​ല്യം സ​ഹി​ക്കാ​തെ മാ​താ​വ് ആ​ത്മ​ഹ​ത്യ ചെ​യ്യു​ക​യും തു​ട​ർ​ന്ന് സ​ഹോ​ദ​ര​ങ്ങ​ളോ​ടൊ​പ്പം അ​നാ​ഥ​മാ​യ ഉ​മേ​ഷ്, മാ​താ​പി​താ​ക്ക​ൾ ഉ​പേ​ക്ഷി​ച്ചു​പോ​യ ഷെ​ബീ​ന, മാ​താ​പി​താ​ക്ക​ൾ​ക്ക് ശാ​രീ​രി​ക അ​വ​ശ​ത​ക​ൾ നി​മി​ത്തം സം​ര​ക്ഷി​ക്കാൻ ക​ഴി​യാ​തെ വ​ന്ന​തി​നെ​ത്തു​ട​ർ​ന്ന് ആ​ശ്ര​യ ഏ​റ്റെ​ടു​ത്ത ജെ​സ്സി എ​ന്നി​വ​ർ പ്ല​സ് ടു​വി​നും, മാ​താ​പി​താ​ക്ക​ൾ ഉ​പേ​ക്ഷി​ച്ചു​പോ​യ ജി​ബി, ചി​ന്നു, സൂ​ര്യ, ജി​ൻ​സി, സ​ഞ്ജ​ന എ​സ്., സം​ഗീ​ത എ​സ്., ശ്രീ​ല​ക്ഷ്മി ബി., ​നൗ​ഫി​യ കെ. ​എ​ൽ., ബി​ന്ദു കെ. ​എ​ന്നി​വ​ർ എ​സ്എ​സ്എ​ൽസി പരീക്ഷയും എ​ഴു​താൻ ഒരുങ്ങിക്കഴിഞ്ഞു.

ക​ല​യ​പു​രം ആ​ശ്ര​യ ശി​ശു​ഭ​വ​ൻ, പ​ത്ത​നം​തി​ട്ട ജി​ല്ല​യി​ലെ പ​റ​ന്ത​ൽ ആ​ശ്ര​യ ശി​ശു​ഭ​വ​ൻ, കോ​ന്നി ആ​ശ്ര​യ ഭ​വ​ൻ എ​ന്നീ സ്ഥാ​പ​ന​ങ്ങ​ളി​ലാ​യി​ട്ടാ​ണ് കു​ട്ടി​ക​ൾ ക​ഴി​ഞ്ഞു​വ​രു​ന്ന​ത്. ഒ​ന്നാം ക്ലാ​സ് മു​ത​ൽ മെ​ഡി​സി​ന് വ​രെ പ​ഠി​ക്കു​ന്ന നൂ​റോ​ളം കു​ട്ടി​ക​ളാ​ണ് ആ​ശ്ര​യ​യു​ടെ ത​ണ​ലി​ൽ നി​ന്നും സു​ന്ദ​ര​മാ​യൊ​രു ജീ​വി​ത​ത്തി​നാ​യു​ള്ള സ്വ​പ്ന സാ​ക്ഷാ​ത്കാ​ര​ത്തി​ന് വേ​ണ്ടി പ​ട​പൊ​രു​തു​ന്ന​ത്.