കോട്ടയം: കട തുറക്കാനുള്ള നിർദേശങ്ങളിൽ വ്യക്തതയില്ല, ആകെ വലഞ്ഞ് വ്യാപാരി സമൂഹം. വിവിധ വ്യാപാര ശാലകൾ തുറക്കുന്നതുമായി ബന്ധപ്പെട്ടു സർക്കാർ നിർദേശങ്ങളിൽ സമയക്രമം, നടത്തിപ്പ് എന്നിവയിൽ വ്യക്തതയില്ലാത്തതിനാൽ ഉദ്യോഗസ്ഥ സംഘം പരിശോധനയ്ക്കു എത്തുന്പോൾ വ്യാപാരികൾ പിഴ നല്കേണ്ട അവസ്ഥയിലാണ്. ടെക്സ്റ്റൈൽ, ഫുട്വെയർ, ജ്വല്ലറി, തുടങ്ങിയ സ്ഥാപനങ്ങളിൽ സാധനങ്ങൾ വാങ്ങാനെത്തുന്ന ഉപയോക്താക്കളുടെ കൈവശം വിവാഹ ക്ഷണക്കത്ത് വേണമെന്ന ചീഫ് സെക്രട്ടറിയുടെ ഉത്തരവ് പിൻവലിക്കണമെന്ന് കേരള വ്യാപാരി വ്യവസായി ഏകോപന സമിതി കോട്ടയം ജില്ലാ കമ്മിറ്റി ആവശ്യപ്പെട്ടു. ഉത്തരവ് അപ്രായോഗികവും, വ്യാപാര വിരുദ്ധവുമാണെന്ന് സംഘടന കുറ്റപ്പെടുത്തി. 2018 മുതൽ വിവിധ കാരണങ്ങളാൽ ദുരിതമനുഭവിക്കുന്ന വ്യാപാരിസമൂഹത്തെ ദ്രോഹിക്കുന്ന ഇത്തരം പ്രസ്താവനകളും, നിലപാടുകളും തിരുത്താൻ അധികാരികൾ തയാറാകണം. വ്യാപാര മേഖലയില പലവിഭാഗം വ്യാപാരികൾക്കും, ഫർണിച്ചർ, വീട്ടുപകരണങ്ങൾ ഉൾപ്പെടെയുള്ള സ്ഥാപനങ്ങൾക്ക് തുറക്കാൻ അനുമതി ഇല്ലാതിരിക്കെ വളരെ വ്യക്തമായ ഓർഡറോടുകൂടി ഓണ്ലൈൻ വ്യാപാരം പോഷിപ്പിക്കുകയാണ്. ഹോട്ടലുകൾ,…
Read MoreCategory: Kottayam
ജില്ലയിൽ വ്യാജ വാറ്റ് സജീവം;മിന്നൽ പരിശോധനയുമായി ലഹരി വിരുദ്ധ സ്ക്വാഡ്; അഞ്ച് ദിവസത്തിനിടെ പിടികൂടി നശിപ്പിച്ചത് 300 ലിറ്റർ കോട
കോട്ടയം: ജില്ലയിലെ രണ്ടിടങ്ങളിൽ നിന്നായി വാറ്റു ചാരായവും കോടയും വാറ്റു ഉപകരണങ്ങളും പിടികൂടി.ഒരാളെ അറസ്റ്റ് ചെയ്തു. ചാമംപതാൽ വടക്കേ ചുഴിക്കുന്നേൽ ഷാജി (58) ആണ് പിടിയിലായത്. ലഹരി വിരുദ്ധ സ്ക്വാഡ് പള്ളിക്കത്തോട് ചാമംപതാലിൽ നിന്നും മണിമല പൊന്തൻപുഴയിൽ നിന്നുമാണ് മൂന്ന് ലീറ്റർ ചാരായവും 150 ലീറ്റർ കോടയും പിടികൂടിയത്. ജില്ലയുടെ വിവിധ പ്രദേശങ്ങളിൽ വ്യാജ വാറ്റ് നടക്കുന്നതായി ജില്ലാ പോലീസ് ചീഫ് ഡി. ശില്പയ്ക്കു രഹസ്യ വിവരം ലഭിച്ചിരുന്നു.തുടർന്നു നാർകോട്ടിക് സെൽ ഡിവൈഎസ്പി ബി. അനിൽകുമാറിന്റെ നിർദേശപ്രകാരം ലഹരി വിരുദ്ധ സ്ക്വാഡ് അംഗങ്ങൾ വിവിധ സ്ഥലങ്ങൾ കേന്ദ്രീകരിച്ചു നിരീക്ഷണം നടത്തിവരികയായിരുന്നു. പള്ളിക്കത്തോട് ചാമംപതാലിലും പൊന്തൻപുഴയിലും വാറ്റ് നടക്കുന്നതായി വിവരം ലഭിക്കുകയും പോലീസ് പരിശോധനയ്ക്ക് എത്തുകയുമായിരുന്നു. അറസ്റ്റിലായ ഷാജിയുടെ പക്കൽ മൂന്ന് ലീറ്റർ ചാരായവും 30 ലീറ്റർ കോടയും വാറ്റ് ഉപകരണങ്ങളുമുണ്ടായിരുന്നു. പൊന്തൻപുഴ വനത്തിൽ നടത്തിയ റെയ്ഡിലാണ് 120…
Read Moreഭരണപരിഷ്ക്കാര കമ്മീഷൻ സ്ഥാനം ഏറ്റെടുക്കുന്നതു ആലോചനയിലില്ലെന്ന് ജോസ്. കെ. മാണി
കോട്ടയം: ഭരണപരിഷ്ക്കാര കമ്മീഷൻ സ്ഥാനം ഏറ്റെടുക്കുന്നതു ആലോചനയിൽ ഇല്ലെന്ന് ജോസ് കെ. മാണി. വ്യാഴാഴ്ച രാവിലെ പാലായിലെ വസതിയിൽ മാധ്യമ പ്രവർത്തകരോട് സംസാരിക്കുകയായിരുന്നു അദേഹം. ഭരണപരിഷ്ക്കാര കമ്മീഷൻ സ്ഥാനം ഏറ്റെടുക്കുന്നതു സംബന്ധിച്ചു ഒരു ചർച്ചയും നടന്നിട്ടില്ല. അതിനാൽ ഇത്തരത്തിലൊരു കാര്യം ഉയർന്നുവരുന്നില്ല. അതിനൊരു സാധ്യതയുമില്ലെന്നും ജോസ്. കെ. മാണി പറഞ്ഞു. ജനപിന്തുണയുള്ള സ്വാധീനമുള്ള നേതാക്കള് യുഡിഎഫില് നിന്ന് എല്ഡിഎഫിലേക്ക് വരും. കോണ്ഗ്രസിലെ നിരവധി നേതാക്കൾ തനിക്കൊപ്പം വരുമെന്നും പലരും താനുമായി നേരിട്ടു ചർച്ച നടത്തിയിട്ടുണ്ടെും ജോസ്. കെ.മാണി പറഞ്ഞു.
Read Moreഒരു പായ്ക്കറ്റ് ഹാൻസിന് 80 രൂപ; പോലീസ് പിടിക്കുമ്പോൾ കബീറിന്റെ ശരീരത്തിൽ ഒളിപ്പിച്ച നിലയിൽ പായ്ക്കറ്റുകൾ
കുമരകം: ഇല്ലിക്കല് കവല കേന്ദ്രീകരിച്ച് നിരോധിത പുകയില ഉത്പന്നമായ ഹാന്സ് കച്ചവടം സ്ഥിരമാക്കിയാളെ കുമരകം പോലീസ് പിടികൂടി. അറുപറ മച്ചാന് ലൈല മനസ്സില് കബീര് (54) നെയാണ് കുമരകം എസ്ഐ എസ്. സുരേഷും സംഘവും ഇന്നലെ വൈകുന്നേരം ആറിന് അറുപറ പാലത്തിന് സമീപത്തു നിന്നു പിടികൂടിയത്. തമിഴ്നാട്ടില് അഞ്ചു രുപ വിലയുള്ള ഒരു പായ്ക്കറ്റ് ഹാന്സ് 80 രൂപാ നിരക്കിലാണ് ഇയാള് വില്പന നടത്തിയിരുന്നതെന്ന് എസ്ഐ അറിയിച്ചു. ഇതിനു മുമ്പും പല തവണ ഇയാളെ ഹാന്സുമായി പിടികൂടുകയും സ്കൂട്ടറും ഫോണും എല്ലാം കോടതിയില് ഹാജരാക്കിയതുമാണ്. ഇല്ലിക്കല് കവലയില് കോവിഡ് നിയന്ത്രണങ്ങളടെ ഭാഗമായി പോലീസ് പരിശോധനയുള്ളതിനാലാണ് മറ്റു സ്ഥലങ്ങള് തേടിയത്. 20 പായ്ക്കറ്റുകള് വീതം ശരീരത്തില് ഒളിപ്പിച്ച് മൊബൈലിലൂടെ ബസപ്പെട്ടാണ് കച്ചവടം. ഇയാളുടെ ഫോണ് കോള് ഹിസ്റ്ററി പരിശോധിച്ച് ഇയാള്ക്ക് ഹാന്സ് എത്തിക്കുന്നവരെയും ഇയാളില് നിന്നു വാങ്ങുന്നവരെയും കണ്ടെത്തുമെന്ന്…
Read Moreഓൺലൈൻ പഠനത്തിന് നെനെറ്റ്വർക്ക് തടസമാകുന്നു; കിഴക്കൻ മേഖലയിൽ സിഗ്നൽ പോലും കിട്ടാത്തയിടങ്ങൾ; ഓണ്ലൈന് പഠനസൗകര്യമില്ലാത്ത കുട്ടികൾ മൂവായിരത്തോളം
കോട്ടയം: ഓണ്ലൈന് പഠനം വളരെ സുഗമമായി ജില്ലയില് നടക്കുന്നുണ്ടെങ്കിലും മൊബൈല് ഫോണുകളുടെ നെറ്റ് വര്ക്ക് തകരാര് ജില്ലയില് പലയിടത്തും പഠനത്തിനു തടസം സൃഷ്ടിക്കുന്നു.നിലവില് ജില്ലിയില് മൂവായിരത്തോളം വിദ്യാര്ഥികള്ക്കും ഓണ്ലൈന് പഠനസൗകര്യം ഇപ്പോഴുമില്ലെന്നാണ് കണക്ക്. മലയോര മേഖലയിലാണ് ഈ പ്രശ്നം കൂടുതലും. തീക്കോയി, തലനാട്, മേലുകാവ്, മൂന്നിലവ് പ്രദേശങ്ങളിലെ ചിലയിടങ്ങളില് സിഗ്നല് പോലും ലഭിക്കാത്ത സ്ഥലങ്ങളുണ്ട്. ഇങ്ങനെയുള്ള സ്ഥലങ്ങളില് പൊതുവായ കേന്ദ്രങ്ങള് തുറന്ന് വിദ്യാര്ഥികള്ക്ക് പഠന സൗകര്യം ഒരുക്കേണ്ടതുണ്ട്. കഴിഞ്ഞ വര്ഷം പഞ്ചായത്തും വിദ്യാഭ്യാസ വകുപ്പും സംയുക്തമായി ഇതിനുള്ള നടപടികള് എടുത്തിരുന്നു.ഓണ്ലൈന് പ്രവേശനോത്സവം ഇന്നലെ കഴിഞ്ഞതോടെ ഇന്നു മുതല് ഓണ്ലൈനിലും ടിവിയിലും ക്ലാസുകള് ക്രമീകരിക്കാനാണ് സ്കൂളുകളുടെ തീരുമാനം. ഇത്തവണ വിക്ടേഴ്സ് ചാനലിലെ ക്ലാസുകള്ക്കു പുറമേ വിദ്യാര്ഥികളുമായി നേരിട്ട് സംവദിക്കാന് കഴിയുംവിധം ഓണ്ലൈന് ക്ലാസുകള് സര്ക്കാര് സ്കൂളുകളിലും നടത്തും.പത്ത്, പ്ലസ് വണ് ക്ലാസുകളിലായിരിക്കും ആദ്യ ഘട്ടത്തില് ഓണ്ലൈന് പരീക്ഷണം. ഓണ്ലൈന്…
Read Moreകൈയേറ്റക്കാർക്കുവേണ്ടി തോട്ടിലെ നീരൊഴുക്ക് ഗതിമാറ്റി വിടുന്നു; എല്ലാത്തിനും കൂട്ടുനിൽക്കുന്ന ഉദ്യോഗസ്ഥർക്കെതിരേ പരാതിയുമായി നാട്ടുകാർ
കോട്ടയം: തോട് കൈയേറ്റക്കാര്ക്കുവേണ്ടി പൊതുമരാമത്ത് ഉദ്യോഗസ്ഥര് നീരൊഴുക്ക് എതിര് ദിശയിലേക്കു തിരിച്ചുവിടുന്നതായി ആക്ഷേപം.മീനച്ചിലാറ്റില്നിന്നും പിറയാര് മുണ്ടകപ്പാടത്തേക്കുള്ള ലിഫ്റ്റ് ഇറിഗേഷന് കനാല് മേക്കാട് തോടില്നിന്നു 300 മീറ്റര് കിടങ്ങൂര്-അയര്ക്കുന്നം റോഡിനടിയിലൂടെ കുറുകെയാണു പോകുന്നത്. കനാലിന്റെ ഉള്ഭാഗത്ത് ചിലഭാഗത്ത് രണ്ടടിയില് താഴെ മാത്രമാണു വീതിയുള്ളത്. തെക്കോട്ടൊഴുകി മേക്കാട് തോടിലെത്തിയിരുന്ന വെള്ളം വടക്കോട്ടൊഴുക്കി ഇറിഗേഷന് കനാലിലേക്കു തിരിച്ചുവിടാനാണു പൊതുമരാമത്ത് വകുപ്പിലെ ചില ഉദ്യോഗസ്ഥര് ഇപ്പോള് കാന ഉണ്ടാക്കുന്നതെന്നാണ് ആക്ഷേപം. രണ്ടടി പോലും വീതിയില്ലാത്തതും കൃഷിക്കുവേണ്ടി വെള്ളം കൊണ്ടുപോകാന് മാത്രം ഉണ്ടാക്കിയതുമായ ചെറു കനാലിലേക്കാണ് 20 മീറ്റര്വരെ വീതിയുള്ള തോട്ടിലേക്ക് ഒഴുകിയിരുന്ന വെള്ളം തിരിച്ചൊഴുക്കാന് ശ്രമിക്കുന്നത്. വെള്ളപ്പൊക്കം തടയാനെന്നപേരില് തോട് നേരത്തെതന്നെ അടച്ചുകെട്ടിയതും തോട്ടിലേക്കുള്ള ഒഴുക്കെല്ലാം വഴി തിരിച്ചുവിടുന്നതും മേക്കാട്തോട് പൂര്ണമായി കൈയേറി നികത്താനുള്ള നീക്കമാണെന്നും പ്രദേശവാസികള് ആരോപിക്കുന്നു. ഇറിഗേഷന് കനാല് ചെളിനിറഞ്ഞ് ഉപയോഗശൂന്യമായാല് പിറയാര് മുണ്ടകപ്പാടത്ത് കൃഷി അസാധ്യമാകും. കിടങ്ങൂരില് മീനച്ചിലാറിനേയും…
Read More400 രൂപ വില വരുന്ന മദ്യത്തിന് 1000 രൂപ! ലോക് ഡൗൺ മൂലം അടച്ചു പൂട്ടിയ മുണ്ടക്കയത്തെ ബിവറേജസ് ഔട്ട്ലെറ്റില് അനധികൃത മദ്യവിൽപ്പന; പൂട്ടി സീൽ ചെയ്തു
മുണ്ടക്കയം: അനധികൃതമായി മദ്യവിൽപ്പന നടത്തിയെന്ന ആരോപണത്തെ തുടർന്ന് ബിവറേജ് കോർപ്പറേഷന്റെ മുണ്ടക്കയം ഔട്ട് ലെറ്റ് എക്സൈസ് സംഘമെത്തി സീൽ ചെയ്തു. എക്സൈസ് കോട്ടയം ഡപ്യൂട്ടി കമ്മീഷണർ സുൽഫിക്കറിന്റെ നിർദേശ പ്രകാരം എക്സൈസ് സർക്കിൾ ഇൻസ്പെക്ടർ സജീവ് കുമാറിന്റെ നേതൃത്വത്തിലാണ് എക്സൈസ് സംഘമെത്തി സീൽ ചെയ്തത്. ലോക് ഡൗൺ മൂലം അടച്ചു പൂട്ടിയ ഔട്ട് ലറ്റിൽ നിന്നു നൂറുകണക്കിന് ലിറ്റർ വിദേശ മദ്യം കടത്തുന്നതായാണ് ആക്ഷേപം ഉയർന്നിരിക്കുന്നത്. സമീപത്തെ റബർ തോട്ടത്തിൽ അനധികൃതമായി സൂക്ഷിച്ച മദ്യം ഇടനിലക്കാർ വഴി വിവിധ പ്രദേശങ്ങളിൽ കച്ചവടം നടത്തിയതായാണ് ആക്ഷേപം ഉയരുന്നത്. 400 രൂപ വില വരുന്ന മദ്യം 1000 രൂപയ്ക്കായിരുന്നു വിൽപ്പന. ഡപ്യൂട്ടി കമ്മീഷണറുടെ നിർദേശ പ്രകാരം ഔട്ട് ലെറ്റിൽ എത്തിയ അന്വേഷണ സംഘം ജീവനക്കാരിൽ നിന്നു മൊഴിയെടുത്തു. തുടർന്ന് ഔട്ട് ലെറ്റ് പൂട്ടി സീൽ വച്ചു. ലോക് ഡൗണിനു ശേഷം…
Read Moreനെടുങ്കണ്ടം കസ്റ്റഡി മരണം: പ്രതികളായ ആറ് പോലീസുകാരെ പിരിച്ചുവിടും
ഇടുക്കി: നെടുങ്കണ്ടം കസ്റ്റഡി മരണക്കേസിൽ പ്രതികളായ ആറ് പോലീസുകാരെ പിരിച്ചുവിടാൻ തീരുമാനം. പ്രതികളായ എസ്ഐ സാബു, എഎസ്ഐ റോയ്, ഡ്രൈവർ നിയാസ്, സിപിഒ ജിതിൻ, റെജിമോൻ, ഹോംഗാർഡ് ജെയിംസ് എന്നിവരെയാണ് പിരിച്ചുവിടുക. ഇവരെ പ്രോസിക്യൂട്ട് ചെയ്യാനും നിർദേശം നൽകി. പോലീസുകാരെ സർവീസിൽ നിന്നു പിരിച്ചുവിടാൻ ഡിജിപിക്ക് നിർദേശം നൽകിയതായും സർക്കാർ നിയമസഭയിൽ അറിയിച്ചു. കേസിൽ ഉൾപ്പെട്ട അഞ്ച് പോലീസുകാർക്കെതിരേ വകുപ്പുതല നടപടിയും സ്വീകരിക്കും. ജസ്റ്റീസ് നാരായണകുറുപ്പ് കമ്മീഷൻ റിപ്പോർട്ടിന്റെ അടിസ്ഥാനത്തിലാണ് നടപടി. 2019ലാണ് രാജ്കുമാർ പോലീസ് കസ്റ്റഡിയിൽ ക്രൂരമർദനമേറ്റ് കൊല്ലപ്പെട്ടത്. രാജ്കുമാറിന്റെ ബന്ധുക്കൾക്കും ഇരകൾക്കുമായി 45 ലക്ഷം രൂപ നഷ്ടപരിഹാരം നൽകാനും തീരുമാനമായി. കുറ്റക്കാരെന്ന് കണ്ടെത്തിയ മൂന്ന് ഡോക്ടർമാർക്കെതിരേ അച്ചടക്ക നടപടിയെടുക്കുമെന്നും സർക്കാർ വ്യക്തമാക്കി.
Read Moreവലിയ വില കൊടുക്കേണ്ടി വരും; ലോക്ഡൗണിൽ പച്ചമീൻ കിട്ടാതായി; ഉള്ളതിനാകടടെ പൊന്നിന്റെ വിലയും
കടുത്തുരുത്തി: കോവിഡ് വ്യാപനത്തെയും ലോക്ഡൗണിനെയും തുടര്ന്ന് മീന് കിട്ടാതായി. പ്രാദേശികമായി ലഭിക്കുന്ന മത്സ്യത്തിനാകട്ടെ തീ വിലയും. ഇടത്തരം കൊഞ്ചിന് കിലോയ്ക്ക് 400 രൂപയാണ് വില. ഇടത്തരം അയലയ്ക്ക് 300, ചെറിയ കിളിമീന് 250 എന്നിങ്ങനെയാണ് വില. ഇതും ഒരേ സ്ഥലത്തെ തന്നെ പല വില്പന ശാലകളിലും വിത്യസ്ത വിലയാണ്. ആവശ്യക്കാരേറെയുള്ള മത്തിക്ക് 300 – 400 വരെയാണ് വില. അടുത്ത ദിവസങ്ങളിലായി മത്തി ലഭ്യമല്ലെന്ന് വില്പ്പനക്കാര് പറയുന്നു. അയല് സംസ്ഥാനങ്ങളില് നിന്ന് ഏജന്റുമാര് എത്തിക്കുന്ന മീനാണ് ഇപ്പോള് അപൂര്വമായെങ്കിലും വില്പ്പനയ്ക്കുള്ളത്. ഇത്തവണ ലോക്ഡൗണിന് മുമ്പ് തന്നെ മീന്പിടിത്ത യാനങ്ങള് കടലില് പോകുന്നതിന് നിയന്ത്രണം ഏര്പ്പെടുത്തിയിരുന്നു. തുടര്ന്ന് പ്രധാന ഹാര്ബറുകളും മത്സ്യ വിപണനകേന്ദ്രങ്ങളും പൂട്ടുകയുംചെയ്തു. പ്രതികൂല കാലാവസ്ഥ കാരണം കടലില് പോകുന്നതിന് കാലാവസ്ഥാ നിരീക്ഷണ കേന്ദ്രത്തില് നിന്ന് തുടര്ന്നും വിലക്കുണ്ടായി. ജൂണ് ഒമ്പത് മുതല് ജൂലൈയ് 31 വരെ…
Read Moreകുമരകം നിവാസികളുടെ ദീര്ഘനാളത്തെ സ്വപ്നം യാഥാര്ഥ്യത്തിലേക്ക്..! 6,85,96,000 രൂപയുടെ ഫണ്ട് അനുവദിച്ചു
കുമരകം: കുമരകത്തിന്റെ ഗതാഗത കരുക്കഴിക്കാന് കോണത്താറ്റ് പാലം വീതി കൂട്ടി നിര്മിക്കണമെന്ന കുമരകം നിവാസികളുടെ ദീര്ഘനാളത്തെ സ്വപ്നം യാഥാര്ഥ്യത്തിലേക്ക്. കിഫ്ബി പദ്ധതിയില്പ്പെടുത്തി നിര്മിക്കുന്ന പാലത്തിന് 6,85,96,000 രൂപയുടെ ഫണ്ട് അനുവദിച്ചു. പാലം വീതി കൂട്ടുന്നതിന് നിലവിലുള്ള പാലത്തിന്റെ വടക്ക് വശത്തായി 10.6 സെന്റ് സ്ഥലം ഏറ്റെടുക്കാനുള്ള നടപടികള് ലാന്ഡ് അക്യൂസിഷന് തഹസില്ദാര് ആരംഭിച്ചു. കേരള റോഡ് ഫണ്ട് ബോര്ഡിനാണു പാലത്തിന്റെ നിര്മാണ ചുമതല. കോട്ടയം-പത്തനംതിട്ട ഡിവിഷന് എന്ജിനീയര് ഓഫീസാണ് മേല്നോട്ടം വഹിക്കുന്നത്. മന്ത്രി വി.എന്. വാസനും നിര്മാണച്ചുമതലയുള്ള എന്ജിനീയര്മാരുടെ സംഘവും ഇന്നലെ ഉച്ചയോടെ സ്ഥലം സന്ദര്ശിച്ചു. പ്രകടനപത്രികയിലും കഴിഞ്ഞദിവസം നടന്ന ഏറ്റുമാനൂര് മണ്ഡലത്തിലെ വികസന ചര്ച്ചയിലും മന്ത്രി കോണത്താറ്റ് പാലം വീതി കൂട്ടി പുനര്നിര്മിക്കുമെന്ന് ഉറപ്പ് നല്കിയിരുന്നു. ഇതിന്റെ ഭാഗമായിട്ടായിരുന്നു ഇന്നലത്തെ സന്ദര്ശനം. 14 മീറ്റര് വീതിയിലാണു പാലം നിര്മിക്കുന്നത്. ഇതില് 10.5 മീറ്റര് വാഹനഗതാഗതത്തിനും രണ്ടു…
Read More