കോട്ടയം: കോവിഡ് വാക്സിൻ വിതരണത്തിനെന്ന പേരിൽ എത്തി വീട്ടമ്മയെ തോക്കു ചൂണ്ടി ഭീഷണിപ്പെടുത്തി പട്ടാപകൽ സ്വർണം കവർന്ന സംഭവത്തിൽ പ്രതിയേ തേടി പോലീസ്്. ഇതുമായി ബന്ധപ്പെട്ട് അയർക്കുന്നം, പാന്പാടി പ്രദേശങ്ങളിലെ നൂറോലം സിസിടിവി കാമറകൾ പോലീസ് പരിശോധിച്ചു. ആളെക്കുറിച്ച് വ്യക്തമായ സൂചനയൊന്നും ലഭിച്ചിട്ടില്ലെന്നാണ് പോലീസ് പറയുന്നത്. അന്വേഷണം ഉൗർജിതമാക്കുന്നതിന്റെ ഭാഗമായി ജില്ലാ പോലീസ് ചീഫ് ഡി. ശില്പയുടെ നിർദേശാനുസരണം കോട്ടയം ഡിവൈഎസ്പി എം. അനിൽകുമാറിന്റെ നേതൃത്വത്തിൽ ഒന്പതംഗ അന്വേഷണ സംഘത്തെ കഴിഞ്ഞ ദിവസമാണ് നിയോഗിച്ചത്. ബുധനാഴ്ച ഉച്ചകഴിഞ്ഞ് രണ്ടിന് അയർക്കുന്നം ചേന്നാമാറ്റത്താണ് സംഭവം. പുത്തൻപുരയ്ക്കൽ ജോസിന്റെ ഭാര്യ ലിസമ്മ(66)നെ കെട്ടിയിട്ടാണ് 29 പവൻ കവർന്നത്. സംഭവവുമായി ബന്ധപ്പെട്ട സമീപത്തെ സിസിടിവി ദൃശ്യങ്ങൾ പോലീസ് പരിശോധിച്ചു. പരിശോധനയിൽ സംഭവ സമയം വീടിനു സമീപം ഒരു ബൈക്ക് പാർക്ക് ചെയ്യുന്നതായി കണ്ടെത്തിയിട്ടുണ്ട്. ഈ ബൈക്ക് കേന്ദ്രകരിച്ചാണ് അന്വേഷണം. എന്നാൽ ഇതുവരെ…
Read MoreCategory: Kottayam
കോവിഡിൽ വഴിമുട്ടി! വീട്ടുചെലവുകൾക്ക് അമ്മയുടെ വരുമാനം തികയാതെ വന്നു; അലങ്കാരമത്സ്യത്തിൽ ജീവിതച്ചൂണ്ടയെറിഞ്ഞ് കുട്ടികൾ
കടുത്തുരുത്തി: കോവിഡിൽ ജീവിതം വഴിമുട്ടിയ വിദ്യാർഥികൾ വീട്ടുചെലവിനായി വഴിയോരത്ത് അലങ്കാര മത്സ്യവിൽപ്പന നടത്തുന്നു. മുട്ടുചിറ മള്ളിയൂർ റോഡിന്റെ ആരംഭഭാഗത്താണ് മുട്ടുചിറ സ്വദേശിയായ ജോയലും (12) ബന്ധുവായ ജോഫിനും (10) അലങ്കാര മത്സ്യവിൽപ്പന നടത്തുന്നത്. ജോയൽ മുട്ടുചിറ സെന്റ് ആഗ്നസ് സ്കൂളിൽ ഏഴാം ക്ലാസിലും ബന്ധുവായ ജോഫിൻ മാന്നാനം സെന്റ് ജോസഫ് സ്കൂളിൽ അഞ്ചാം ക്ലാസിലുമാണ് പഠിക്കുന്നത്. മുത്തശിയും അമ്മയും സഹോദരിയും അടങ്ങുന്നതാണ് ജോയലിന്റെ കുടുംബം. ജോയലിന്റെ അമ്മയുടെ ജോലിയുടെ ബലത്തിലാണ് കുടുംബച്ചെലവുകൾ നടന്നിരുന്നത്. കോവിഡ് കാലത്ത് ദുരിതമേറിയപ്പോൾ വീട്ടുചെലവുകൾക്ക് അമ്മയുടെ വരുമാനം തികയാതെ വന്നതിനാലാണ് ജോയലും ബന്ധുവായ കുട്ടിയും മത്സ്യവിൽപ്പനയുമായി രംഗത്തെത്തിയത്. സമീപത്തെ ഫാമുകളിൽനിന്നും അലങ്കാര മത്സ്യക്കുഞ്ഞുങ്ങളെ വാങ്ങിയാണ് ഇവർ വഴിയരികിൽ കച്ചവടം നടത്തുന്നത്.
Read Moreകോവിഡ് കാലത്തെ വാടക കുടിശിക: ലൈസൻസ് പുതുക്കാനായി വ്യാപാരികൾ നെട്ടോട്ടത്തിൽ; പൂട്ടേണ്ടി വന്നാൽ തങ്ങളുടെ ജീവിത മാർഗം ഇല്ലാതാകുമെന്നാണ് വ്യാപാരികൾ
കോട്ടയം: നഗരസഭ, പഞ്ചായത്ത് സ്ഥാപനങ്ങളുടെ ഷോപ്പിംഗ് കോംപ്ലക്സിലും കെട്ടിടങ്ങളിലും കടമുറികൾ വാടകയ്ക്കെടുത്ത് കച്ചവടം നടത്തുന്ന വ്യാപാരികൾക്ക് വാടക കുടിശിക കാരണം ലൈസൻസ് പുതുക്കൽ പ്രതിസന്ധിയിൽ.കോവിഡ് മൂലം മാസങ്ങളോളം കട അടച്ചിട്ടിരിക്കുകയായിരുന്നു. പിന്നീട് ലോക്ഡൗണ് ഇളവുകൾ വന്നു കടകൾ തുറന്നപ്പോൾ കച്ചവടം ഇല്ലാതാകുകയും ചെയ്തതോടെയാണ് വാടക കുടിശിക അടയ്ക്കാൻ വ്യാപാരികൾക്ക് കഴിയാതെ വന്നത്. ഈ മാസം ലൈസൻസ് പുതുക്കേണ്ടതാണ്. വാടക കുടിശി അടയ്ക്കാത്തവരുടെ ലൈസൻസ് ഒരു കാരണവശാലും പുതുക്കില്ല. കച്ചവട മാന്ദ്യം അനുഭവപ്പെട്ടിട്ടും നഗരസഭ അധികൃതർ ഒരു ഇളവും വ്യാപാരികൾക്ക് അനുവദിക്കുന്നില്ല. കുടിശികയായ വാടകയ്ക്ക് പലിശയും പിഴപ്പലിയശും അടയ്ക്കണമെന്നാണ് നഗരസഭ, പഞ്ചായത്ത് അധികൃതർ പറയുന്നത്. വൻ തുകയാണ് പലർക്കും പിഴപലിശ ഉൾപ്പെടെ കുടിശിക വന്നിരിക്കുന്നത്. പലിശയും പിഴപലിശയും മാത്രം ആയിരക്കണക്കിനു രൂപയാണ് പലർക്കും വന്നിരിക്കുന്നത്. പലരും സ്വർണവും മറ്റും പണയം വച്ചും പലിശയ്ക്കു പണം കടം വാങ്ങിയും കുടിശിക…
Read Moreഐശ്വര്യ കേരള യാത്ര 14ന് കോട്ടയത്ത്; മാണി സി. കാപ്പന്റെ വരവും ജോസഫിന്റെ സീറ്റ് തർക്കവും; കോട്ടയത്തെ കോൺഗ്രസ് ചർച്ച ഇങ്ങനെ..
കോട്ടയം: സംശുദ്ധം -സദ്ഭരണം എന്ന മുദ്രാവാക്യമുയർത്തി പ്രതിപക്ഷ നേതാവ് രമേശ് ചെന്നിത്തല നയിക്കുന്ന ഐശ്വര്യ കേരളയാത്ര 14, 15 തീയതികളിൽ കോട്ടയം ജില്ലയിൽ പര്യടനം നടത്തും. 14നു രാവിലെ 9.30ന് ജില്ലാ അതിർത്തിയായ നെല്ലാപ്പാറയിലെത്തുന്ന യാത്രയെ ജില്ലയിലെ യുഡിഎഫ് നേതാക്കൾ സ്വീകരിക്കും. തുടർന്ന് 10നു പാലാ, 11നു പൂഞ്ഞാർ, ഉച്ചകഴിഞ്ഞ് മൂന്നിന് കറുകച്ചാൽ, നാലിനു പാന്പാടി, അഞ്ചിനു ചങ്ങനാശേരി എന്നിവിടങ്ങലിലെ പര്യടനത്തിനു ശേഷം വൈകുന്നേരം ആറിനു. കോട്ടയത്തു സമാപിക്കും. 15നു രാവിലെ 10നു ഏറ്റുമാനൂരിൽ നിന്നും ആരംഭിക്കുന്ന ജാഥാ പര്യടനം 11ന് കടുത്തുരുത്തിയിലെ സ്വീകരണത്തിനു ശേഷം ഉച്ചയ്ക്ക് 12ന് വൈക്കത്തെ പൊതുയോഗത്തോടു കൂടി ജില്ലയിലെ പര്യടനം പൂർത്തിയാക്കി അരൂർ വഴി ആലപ്പുഴ ജില്ലയിൽ കടക്കും. യാത്രയെ വരവേല്ക്കുവാൻ വിപുലമായ ഒരുക്കങ്ങൾ പൂർത്തിയായതായി യുഡിഎഫ് ജില്ലാ ചെയർമാൻ മോൻസ് ജോസഫ് എംഎൽഎയും ജില്ലാ കണ്വീനർ ജോസി സെബാസ്റ്റ്യനും അറിയിച്ചു.…
Read Moreകപ്പയ്ക്കു നല്ല കാലം വരുമോ? കോവിഡ് കിറ്റില് വാട്ടുകപ്പയും ഉള്പ്പെടുത്തണമെന്ന ആവശ്യം ശക്തമാകുന്നു
കോട്ടയം: വിലത്തകര്ച്ചയില് നട്ടം തിരിയുന്ന സംസ്ഥാനത്തെ മരച്ചീനി കര്ഷകരെ സഹായിക്കാനുള്ള ചെറുതെങ്കിലും ഫലപ്രദമായ നടപടി എന്ന നിലയില് കോവിഡ് റേഷന് കിറ്റില് രണ്ടു കിലോ ഉണക്കുകപ്പകൂടി ഉള്പ്പെടുത്തണമെന്ന ആവശ്യം ശക്തമായി. ഈ ആവശ്യവമുന്നയിച്ച് എംജി യൂണിവേഴ്സിറ്റി പ്രസിദ്ധീകരണ വിഭാഗം മുന് മേധാവി കുര്യന് കെ. തോമസ് സര്ക്കാരിനു നിര്ദേശം സമര്പ്പിച്ചു. ഇതുമായി ബന്ധപ്പെട്ട കാമ്പയിനുമായി കണമല സര്വീസ് സഹകരണ ബാങ്കും സജീവമായി രംഗത്തുണ്ട്. ബാങ്കിന്റെ നേതൃത്വത്തില് കപ്പ കൃഷിയും സജീവമാണ്. വിലയിടിവുമൂലം മരച്ചീനി കൃഷി രണ്ടു സീസണായി നഷ്ടത്തിലാണ്. വില കുത്തനെ ഇടിഞ്ഞ് പച്ചകപ്പക്ക് കിലോയ്ക്ക് പത്ത് രൂപയില് താഴെ മാത്രമാണ് കര്ഷകന് ലഭിക്കുന്നത്. കടകളില് വില്ക്കുന്നത് കിലോയ്ക്ക് പതിനഞ്ച് രൂപയില് താഴെയും. ഈ പ്രതിസന്ധി നേരിടാന് കര്ഷകര് ഇപ്പോള് വ്യാപകമായി കപ്പ വാട്ടി സംസ്കരിക്കുകയാണ്. ഏറെ അധ്വാനവും പണച്ചിലവുമുള്ള വാട്ടുകപ്പക്ക് ഇപ്പോള് ലഭിക്കുന്ന വില (കിലോ…
Read Moreവീട്ടമ്മയെ തോക്കു ചൂണ്ടി ഭീഷണിപ്പെടുത്തി പട്ടാപ്പകല് സ്വര്ണം കവര്ന്ന കേസ്; ബൈക്ക് കേന്ദ്രീകരിച്ച് അന്വേഷണം; കള്ളനെ കുടുക്കാൻ അന്വേഷണത്തിന് 9 അംഗ സംഘം
കോട്ടയം: കേവിഡ് വാക്സിന് വിതരണത്തിനെന്ന പേരില് എത്തി വീട്ടമ്മയെ തോക്കു ചൂണ്ടി ഭീഷണിപ്പെടുത്തി പട്ടാപ്പകല് സ്വര്ണം കവര്ന്ന സംഭവത്തില് പോലീസ് അന്വേഷണം ഊര്ജിതം. അന്വേഷണം ഊര്ജിതമാക്കുന്നതിന്റെ ഭാഗമായി ജില്ലാ പോലീസ് ചീഫ് ഡി. ശില്പയുടെ നിര്ദേശാനുസരണം കോട്ടയം ഡിവൈഎസ്പി എം.അനില്കുമാറിന്റെ നേതൃത്വത്തില് ഒമ്പതംഗ അന്വേഷണ സംഘം അന്വേഷണം ആരംഭിച്ചു. ഇന്നലെ ഉച്ചയ്ക്ക് അയര്ക്കുന്നം ചേന്നാമാറ്റത്താണ് സംഭവം. പുത്തന്പുരയ്ക്കല് ജോസിന്റെ ഭാര്യ ലിസിമ്മ(60)യെ കെട്ടിയിട്ടാണ് 29 പവന് കവര്ന്നത്. സംഭവവുമായി ബന്ധപ്പെട്ട സമീപത്തെ സിസിടിവി ദൃശ്യങ്ങള് പോലീസ് പരിശോധിച്ചു. പരിശോധനയില് സംഭവ സമയം വീടിനു സമീപം ഒരു ബൈക്ക് പാര്ക്ക് ചെയ്യുന്നതായി കണ്ടെത്തിയിട്ടുണ്ട്. ഈ ബൈക്ക് കേന്ദ്രീകരിച്ചാണ് അന്വേഷണം. എന്നാല് ഇതുവരെ ആരെയും കേന്ദ്രീകരിക്കാന് സാധിച്ചിട്ടില്ലെന്ന് പോലീസ് പറഞ്ഞു.വീട്ടുകാര് പറഞ്ഞ കാര്യങ്ങളിലെ അസ്വഭാവികത കണ്ടു സ്വര്ണം വീട്ടിലുണ്ടായിരുന്നോ എന്നുള്ള കാര്യങ്ങള് പോലീസ് അന്വേഷിച്ചു. അന്വേഷണത്തില് ബാങ്ക് ലോക്കറില് നിന്നും…
Read Moreശസ്ത്രക്രിയ നടത്താൻ കൈക്കൂലി ആവശ്യപ്പെട്ട ഗവൺമെന്റ് ഡോക്ടർ പിടിയിൽ; മികച്ച ഡോക്ടറായിരുന്നു പക്ഷേ….
വൈക്കം: ശസ്ത്രക്രിയ നടത്തുന്നതുമായി ബന്ധപ്പെട്ട് കൈക്കൂലി വാങ്ങുന്നതിനിടെ വിജിലന്സ് പിടിയിലായ വൈക്കം താലൂക്ക് ആശുപത്രിയിലെ സര്ജന് ഡോ. എസ്. ആര്. ശ്രീരാഗിനെ കോട്ടയം വിജിലന്സ് കോടതി 14 ദിവസത്തേക്ക് റിമാന്ഡ് ചെയ്തു. കഴിഞ്ഞ തിങ്കളാഴ്ച രാത്രി എട്ടോടെയായിരുന്നു കോട്ടയം വിജിലന്സ് ഡിവൈഎസ്പി വി.ജി. രവീന്ദ്രനാഥിന്റെ നേതൃത്വത്തിലുള്ള സംഘം ശ്രീരാഗിനെ കൊച്ചുകവലയിലെ സ്വകാര്യ പ്രാക്ടീസ് നടത്തുന്നിടത്തുനിന്നും അറസ്റ്റ് ചെയ്തത്. തലയാഴം സ്വദേശിയുടെ അപ്പെന്ഡിസൈറ്റിസ് ശസ്ത്രക്രിയ്ക്കായി ഡോക്ടര് 5000രൂപ ആവശ്യപ്പെട്ടെന്നും 2500രൂപ നല്കി ശസ്ത്രക്രിയ നടത്തിയെന്നും രോഗിയുടെ ബന്ധുക്കള് ആരോപിക്കുന്നു. പിന്നീട് വയറുവേദനയ്ക്ക് ശമനം ഉണ്ടാകാത്തതിനെ തുടര്ന്ന് ഒരു ശസ്ത്രക്രിയകൂടി ചെയ്യണമെന്നും അതിനായി 2500 രൂപ കൂടിനല്കണമെന്നും ഡോക്്ടര് ആവശ്യപ്പെട്ടതായി രോഗിയുടെ ബന്ധുക്കള് ആരോപിച്ചു. തുടര്ന്ന് രോഗിയുടെ ബന്ധുക്കള് വിജിലന്സില് പരാതി നല്കുകയായിരുന്നു. ഇതിന്റെ അടിസ്ഥാനത്തില് നടത്തിയ അന്വേഷണത്തിലാണ് രോഗിയുടെ ബന്ധുക്കള് നല്കിയ പണമടക്കം ഡോ. ശ്രീരാഗിനെ വിജിലന്സ് അറസ്റ്റു…
Read Moreഒളശ വീണ്ടും ഭീതിയുടെ നിഴലിൽ; കഞ്ചാവ് മാഫിയയെ ചോദ്യംചെയ്ത ഗൃഹനാഥന്ക്രൂര മർദനം; രാത്രികാലങ്ങളിൽ പ്രദേശത്ത് മാഫിയ സംഘങ്ങളുടെ വിളയാട്ടം
അയ്മനം: കഞ്ചാവ് മാഫിയയെ ചോദ്യംചെയ്ത ഗൃഹനാഥന് ആക്രമിക്കപ്പെട്ടതോടെ ഒളശ വീണ്ടും ഭീതിയില്.ഒളശ വെള്ളിയാന് റോബി ഏബ്രഹാമി(കുഞ്ഞുമോന്)നാണു പരിക്കേറ്റത്. തലയ്ക്കു പരിക്കേറ്റ റോബി ഏബ്രഹാം മെഡിക്കല് കോളജ് ആശുപത്രിയില് ചികിത്സയിലായിരുന്നു. ഏറെനാളായി പള്ളിക്കവല, കോഴിപുഞ്ച, എനാദി, ഇല്ലത്തുകവല പ്രദേശങ്ങളില് ലഹരി മാഫിയയുടെ അഴിഞ്ഞാട്ടമാണ്. രാത്രി കാലത്ത് യുവാക്കളുടെ സംഘം ബൈക്കുകളില് പ്രദേശത്ത് വിഹരിക്കുകയാണ്. കോഴിപുഞ്ചയില് ലഹരിയെ ചൊല്ലി പരസ്പരം കലഹിച്ച യുവാക്കളെ ചോദ്യം ചെയ്തപ്പോഴാണ് ആക്രമിക്കപ്പെട്ടത്. നേരത്തെ ഇല്ലത്തു കവലയ്ക്കുസമീപം രാത്രി വീടുകയറി ആക്രമിച്ചുവെങ്കിലും അധികൃതര് നടപടിയെടുത്തില്ലെന്നു പരാതിയുണ്ട്.ലഹരിമരുന്ന് ലോബിയുമായി ബന്ധപ്പെട്ടവരാണ് ആക്രമണത്തിനു പിന്നില്ലെന്ന് ആരോപണമുണ്ട്. അയ്മനം പഞ്ചായത്ത് അംഗങ്ങളായ അനു ശിവപ്രസാദ്, സുനിത അഭിഷേക് എന്നിവര് റോബിയെ സന്ദര്ശിച്ചു. ഏറെനാളായി പ്രദേശത്ത് ലഹരി മാഫിയ സംഘം വിളയാടുന്നതായി പരാതിയുണ്ട്. പോലീസില് പരാതി നല്കി.
Read Moreകാപ്പനൊപ്പം പീതാംബരൻ മാസ്റ്ററും യുഡിഎഫിലേക്ക്; ഔദ്യോഗിക പ്രഖ്യാപനം ഉടൻ
കോട്ടയം: യുഡിഎഫിലേക്കു പോകുന്ന മാണി സി. കാപ്പനൊപ്പം എന്സിപി സംസ്ഥാന പ്രസിഡന്റും. എ.കെ. ശശീന്ദ്രന് എന്സിപി വിഭാഗം ഇടതിനൊപ്പം നിലനിന്നാലും മാണി സി. കാപ്പന് യുഡിഎഫിലേക്കു പോകും.ഡല്ഹിയിലുള്ള മാണി സി. കാപ്പന് ശരത് പവാറുമായി ഇന്നു ചര്ച്ച നടത്തും. നിലവിലെ സ്ഥിതി അദ്ദേഹം കേന്ദ്ര നേതൃത്വത്തെ അറിയിക്കും. പ്രതിപക്ഷ നേതാവ് രമേശ് ചെന്നിത്തല നയിക്കുന്ന ഐശ്വര്യ കേരള യാത്ര ഞായറാഴ്ച പാലായിലെ യോഗത്തില് കാപ്പനും പങ്കെടുക്കും. എഐസിസി ജനറല് സെക്രട്ടറി ഉമ്മന് ചാണ്ടി, മുസ്ലിം ലീഗ് ജനറല് സെക്രട്ടറി പി.കെ. കുഞ്ഞാലിക്കുട്ടി, പി.ജെ. ജോസഫ് എന്നിവരും കാപ്പനെ സ്വീകരിക്കാനെത്തും. ഇന്നു വൈകുന്നേരത്തോടെ ഔദ്യോഗിക പ്രഖ്യാപനം ഉണ്ടായേക്കും. പാലായില് വിട്ടുവീഴ്ച ചെയ്യാനും എല്ഡിഎഫ് വിടേണ്ടെന്നും പവാര് തീരുമാനിച്ചാലും യുഡിഎഫില് ചേര്ന്നു പാലായില് മത്സരിക്കാനാണ് കാപ്പന്റെ തീരുമാനം. തന്റെ തീരുമാനത്തിനു പവാറിന്റെ അനുമതി വാങ്ങാനാണ് കാപ്പന്റെ ഉദ്ദേശ്യം. കാപ്പന് വേണമെങ്കില്…
Read Moreകൂലി ചോദിച്ച ഭിന്നശേഷിക്കാരനെ കരാറുകാരന് പത്തു മിനിറ്റോളം നഗ്നനാക്കി ‘പഞ്ഞിക്കിട്ടു’; പിന്നാലെ ഗുണ്ടാ സംഘം ആക്രമിച്ചതായി കരാറുകാരന്റെ പരാതി
കുടമാളൂര്: കൂലി ചോദിച്ച ഭിന്നശേഷിക്കാരനെ കരാറുകാരന് മര്ദിച്ചു. പിന്നാലെ ഗുണ്ടാ സംഘം ആക്രമിച്ചതായി കരാറുകാരന്റെ പരാതി. കുടമാളൂര് പള്ളിക്കുസമീപം താമസിക്കുന്ന കരാറുകാരന് ആന്റണി മഹേന്ദ്രനെതിരെ പോലീസ് കേസെടുത്തു. കുടമാളൂര് സ്വദേശിയും സംസാര ശേഷി കുറവുള്ളതുമായ മനു മോന് സെബാസ്റ്റിയ(28)നെ മര്ദിച്ച സംഭവത്തിലാണ് മഹേന്ദ്രനതിരെ കേസെടുത്തിരിക്കുന്നത്. ഇയാള്ക്കെതിരെ സമീപ വാസികളും പോലീസില് പരാതി നല്കിയിട്ടുണ്ട്. ഞായറാഴ്ചയാണ് യുവാവിനെ മര്ദിച്ച സംഭവമുണ്ടായത്. ജോലി ചെയ്തതിന്റെ കൂലി ചോദിച്ചതിന്റെ പേരിലാണ് മഹേന്ദ്രന് മനുവിനെ മര്ദിച്ചത്. കവലയില് ഉടുവസ്ത്രങ്ങള് വലിച്ചുകീറി പൂര്ണ നഗ്നനാക്കിയായിരുന്നു മര്ദനം. പത്തു മിനിറ്റോളം നഗ്നനാക്കി ഉപദ്രവിച്ചു. പ്രശ്നത്തില് ഇടപെട്ട സമീപവാസികളേയും ഇയാള് ഉപദ്രവിക്കാന് ശ്രമിച്ചു. സംഭവത്തിന്റെ ദൃശ്യങ്ങള് പോലീസ് ശേഖരിച്ചിട്ടുണ്ട്. ഇതിനു ശേഷമാണ് ആര്പ്പൂക്കര പനമ്പാലം കേന്ദ്രീകരിച്ചു ഗുണ്ടാ സംഘം അക്രമിച്ചതായി ആരോപിച്ചു ആന്റണി മഹേന്ദ്രന് പരിക്കുകളോടെ മെഡിക്കല് കോളജില് ചികിത്സയില് കഴിയുന്നത്.
Read More