ചിങ്ങവനം: കോവിഡിൽ വിറങ്ങലിച്ച് ചിങ്ങവനം പോലീസ് സ്റ്റേഷൻ. 45 ഉദ്യോഗസ്ഥർ ഡ്യൂട്ടിയിലുള്ള സ്റ്റേഷനിൽ ഇതിനോടകം ഏഴുപേർക്ക് കോവിഡ് സ്ഥിരീകരിച്ചിട്ടുണ്ട്. ടെസ്റ്റിന് വിധേയമാകാത്ത ബാക്കിയുള്ളവരിൽ പലർക്കും പലവിധ അസ്വസ്ഥതകളും ഉള്ളതായി പോലീസുകാർ പറയുന്നു. ഈ സാഹചര്യത്തിൽ ഇന്നു മുതൽ ഇലക്ഷൻ ഡ്യൂട്ടിക്കായി നിയോഗിച്ചിട്ടുള്ള ഉദ്യോഗസ്ഥർ രാവിലെ തന്നെ പുറപ്പെട്ടു. നേരത്തെ മൂന്നു പേർക്കാണ് രോഗം സ്ഥിരീകരിച്ചിരുന്നത്. എന്നാൽ രോഗ ലക്ഷണങ്ങൾ കണ്ടതിനെ തുടർന്ന് ഇന്നലെ നടത്തിയ ടെസ്റ്റിലാണ് ബാക്കിയുള്ളവർക്കും രോഗം സ്ഥിരീകരിച്ചത്. ഇന്നലത്തെ ടെസ്റ്റിൽ പോസീറ്റീവായവരിൽ ഒരാൾ ഇന്ന് കൊല്ലത്തക്ക് ഡ്യൂട്ടിക്ക് നിശ്ചയിച്ചിരുന്നതാണ്. ഒരുമിച്ച് ജോലി ചെയ്തിരുന്നതിനാൽ കൂടുതൽ പേരിലേക്ക് രോഗം പകരാൻ സാധ്യതയുള്ളതിനാൽ ഉദ്യോഗസ്ഥർ ആശങ്കയിലാണ്. പ്രശ്നം ഗുരുതരമായിട്ടും ആരോഗ്യവകുപ്പ് വേണ്ടത്ര പരിഗണന നൽകിയിട്ടില്ലെന്നാണ് പോലീസുകാർ പരാതിപ്പെടുന്നത്.
Read MoreCategory: Kottayam
ലോഡ്ജിൽ മുറിയെടുത്തശേഷം ഒന്നിച്ചിരുന്നു മദ്യപിച്ചു; പൂസായപ്പോൾ സുഹൃത്തിന്റെ പണവും ബൈക്കുമായി മുങ്ങിയ കേസിൽ ഒരാൾ പിടിയിൽ
കോട്ടയം: ലോഡ്ജിൽ മുറിയെടുത്തു മദ്യപിച്ചശേഷം സുഹൃത്തിന്റെ പഴ്സ്, മൊബൈൽ ഫോണ്, ബൈക്ക് എന്നിവ മോഷ്്ടിച്ച രണ്ടംഗ സംഘത്തിലെ ഒരാളെ കോട്ടയം വെസ്റ്റ് പോലീസ് അറസ്റ്റ് ചെയ്തു. പുതുപ്പള്ളി ആലപ്പാട്ട് ഷിനു കൊച്ചുമോനെ(32)യാണ് പിടികൂടിയത്. ഇയാളുടെ സുഹൃത്താണ് പിടിയിലാകാനുള്ളത്. തിരുവഞ്ചൂർ സ്വദേശിയേയാണ് ഇയാൾ തട്ടിപ്പിനിരയാക്കിയത്. കഴിഞ്ഞ നവംബർ 13നാണ് കേസിനാസ്പദമായ സംഭവം. തിരുവഞ്ചൂർ സ്വദേശിയും ഷിനു കൊച്ചുമോനും തമ്മിൽ പരിചയമുണ്ടായിരുന്നു. ഇവർ തമ്മിൽ കോട്ടയം നഗരത്തിൽ വച്ചു കണ്ടുമുട്ടി. ഈ സമയം ഷിനുവിന്റെ സുഹൃത്തും ഒപ്പമുണ്ടായിരുന്നു. തുടർന്നു മൂവരും ചേർന്നു നഗരത്തിലെ ലോഡ്ജിൽ മുറിയെടുത്ത് മദ്യപിച്ചു. പിന്നീട് ഷിനുവും സുഹൃത്തും ചേർന്നു തിരുവഞ്ചൂർ സ്വദേശിയുടെ പഴ്സും ബൈക്കും മൊബൈൽ ഫോണും മോഷ്്ടിച്ചു മുങ്ങുകയായിരുന്നു. തുടർന്ന് ഇയാൾ കോട്ടയം വെസ്റ്റ് പോലീസിൽ പരാതി നല്കി. കോട്ടയം വെസ്റ്റ് എസ്എച്ച്ഒ എം.ജെ. അരുണിന്റെ നേതൃത്വത്തിലുള്ള സംഘമാണ് പ്രതിയെ പിടികൂടിയത്.
Read Moreഅഷ്ടമിയെ വരവേൽക്കാനൊരുങ്ങി വൈക്കം; ഓണ്ലൈനായി ബുക്കു ചെയ്തവർക്ക് മാത്രം പ്രവേശനം
വൈക്കം: അഷ്ടമിയെ വരവേൽക്കാൻ വൈക്കം മഹാദേവ ക്ഷേത്രമൊരുങ്ങി. എട്ടിനാണ് ചരിത്രപ്രസിദ്ധമായ വൈക്കത്തഷ്ടമി. അഷ്ടമി ദിവസം വെളുപ്പിന് 4.30 മുതൽ ഉച്ചകഴിഞ്ഞു ഒന്നുവരെയും വൈകുന്നേരം 4.30 മുതൽ 7.30 വരെയും ഭക്തർക്ക് ക്ഷേത്രദർശനം നടത്താം. അഷ്ടമി വിളക്ക് സമയത്ത് നടക്കുന്ന വലിയ കണിക്കയിൽ രാത്രി 9.30 മുതൽ പതിനൊന്നു വരെ ദർശനം നടത്താം. ഓണ്ലൈനായി ബുക്കു ചെയ്തവർക്ക് മാത്രമേ പ്രവേശനത്തിന് അനുമതിയുള്ളു. 10ന് താഴെ പ്രായമുള്ളവർക്കും 65 വയസിന് മുകളിലുള്ളവർക്കും പ്രവേശനമില്ല. അഷ്ടമി ദർശനത്തിനുള്ള ബുക്കിംഗ് ആരംഭിച്ചു. ക്ഷേത്ര ദർശനത്തിനെത്തുന്നവർ കിഴക്കേ ഗോപുരം വഴി നാലന്പലത്തിൽ പ്രവേശിച്ച് വടക്കേ ഗോപുരം വഴി പുറത്തേക്ക് പോകണം. വലിയ കാണിക്ക സമയത്ത് ഭകതർ വടക്കേ ഗോപുരം വഴി ക്ഷേത്രത്തിൽ പ്രവേശിച്ച് അഷ്ടമി വിളക്ക് തൊഴുത് തെക്കേ ഗോപുരനടയിലുടെ പുറത്തു പോകണം. വൈക്കത്തഷ്ടമി വിളക്കിന് വൈക്കത്തപ്പനെയും ഉദയനാപുരത്തപ്പനെയും കൂടാതെ ഏഴു ദേശ ദേവതമാരുടെ…
Read Moreപറ്റിപ്പോയി, ഏതു പോലീസുകാരനും ഒരബദ്ധം പറ്റും..! മദ്യലഹരിയിൽ എസ്ഐയുടെ ഭാര്യയെ അസഭ്യം പറഞ്ഞ എഎസ്ഐയ്ക്കെതിരെ പരാതി; എഎസ്ഐക്കെതിരേ സമാപന രീതിയിൽ നേരത്തെയും പരാതിയുണ്ടായിട്ടുണ്ട്
കോട്ടയം: മദ്യലഹരിയിൽ എസ്ഐയുടെ ഭാര്യയെ അസഭ്യം പറഞ്ഞ ജില്ലാ രഹസ്യാന്വഷണ വിഭാഗം എഎസ്ഐയ്ക്കെതിരെ പരാതി. കുമരകം സ്റ്റേഷനിലെ രഹസ്യാന്വഷണ വിഭാഗം ഉദ്യോഗസ്ഥനെതിരെയാണ് അയൽവാസിയായ എസ്ഐയുടെ ഭാര്യ കോട്ടയം ഈസ്റ്റ് പോലീസിൽ പരാതി നൽകിയിരിക്കുന്നത്. കോട്ടയം എആർ ക്യാന്പിനു സമീപമാണ് രണ്ട് ഉദ്യോഗസ്ഥരും കുടുബസമേതം താമസിക്കുന്നത്. കഴിഞ്ഞദിവസം മദ്യപിച്ചെത്തിയ എഎസ്ഐ അസഭ്യം പറയുകയായിരുന്നുവെന്നാണ് എസ്ഐയുടെ ഭാര്യയുടെ പരാതി. അച്ചടക്ക നടപടി ഭയന്നു പരാതി ഒത്തു തീർപ്പാക്കാനുള്ള ശ്രമങ്ങളും തുടങ്ങിയിട്ടുണ്ട്. നേരത്തെയും ഈ ഉദ്യോഗസ്ഥനെതിരെ സമാന പരാതികൾ ഉയർന്നിരുന്നു.
Read Moreഅർബുദത്തെ തോൽപ്പിച്ചു, ഇനി തെരഞ്ഞെടുപ്പ് പോരാട്ടം
ടി.പി.സന്തോഷ്കുമാർ തൊടുപുഴ: ശരീരത്തെ കീഴടക്കാനെത്തിയ അർബുദത്തോടായിരുന്നു സജിയുടെ ആദ്യ മൽസരം. ഇപ്പോൾ സജി ചെന്പകശേരിൽ കുമാരമംഗലം പഞ്ചായത്ത് 12-ാം വാർഡിലെ യുഡിഎഫ് സ്ഥാനാർഥിയാണ്. തെരഞ്ഞെടുപ്പ് പ്രചാരണത്തിനിടയിൽ വീണ് കൈയ്ക്ക് പരിക്കേറ്റെങ്കിലും പ്ലാസ്റ്ററിട്ട കൈയുമായി സജി പ്രചാരണ തിരക്കിലാണ്. കോണ്ഗ്രസ് തൊടുപുഴ ബ്ലോക്ക് സെക്രട്ടറിയാണ് സജി ചെന്പകശേരിൽ. മൂന്നു വർഷം മുന്പ് കൈയുടെ മസിലിലാണ് അർബുദം പിടിപെട്ടത്. അർബുദ രോഗത്തെതുടർന്ന് കൈകൾ വളഞ്ഞു പോയി. തുടർന്ന് ശ്വാസകോശത്തെയും ബാധിച്ചു. തിരുവനന്തപുരം ആർസിസിയിലെ ഏറെ നാളത്തെ ചികിൽസയെ തുടർന്ന് രോഗത്തിന് ശമനമുണ്ടായി. ഇപ്പോഴും മരുന്നുകൾ തുടരുന്നുണ്ടെങ്കിലും രോഗം ഇപ്പോൾ സജിയെ അലട്ടുന്നില്ല. എന്നാൽ ആർസിസിയിൽ എത്തുന്ന കാൻസർ രോഗികൾ നേരിടുന്ന ബുദ്ധിമുട്ടുകൾ സജിയുടെ ഉള്ളുലച്ചു. പിന്നീടാണ് കാൻസർ രോഗികളെ സഹായിക്കാനുള്ള സന്നദ്ധത ഏറ്റെടുത്തു തുടങ്ങിയത്. ചികിൽസ ആവശ്യമുള്ളവരെ വീട്ടിൽ നിന്നും വാഹനത്തിൽ ആർസിസിയിൽ എത്തിച്ച് ചികിൽസയും താമസവും ഭക്ഷണവുമെല്ലാം ഉറപ്പാക്കി…
Read Moreകോവിഡ് വരുത്തിയ മാറ്റങ്ങൾ..! വീഡിയോ അഭ്യർഥനയുമായി മുന്നണി നേതാക്കൾ; ഏറ്റെടുത്ത് പൊതുജനം
കോട്ടയം: കോണ്ഗ്രസ്, സിപിഎം, സിപിഐ, ബിജെപി സ്ഥാനാർഥികൾക്കായി പ്രമുഖ നേതാക്കൾ വീഡിയോ അഭ്യർഥനയുമായി രംഗത്തെത്തി. കോവിഡ് സുരക്ഷാ സംവിധാനത്തിന്റെ ഭാഗമായി പൊതു സന്പർക്കമില്ലാതെ വോട്ടറെ തേടി നേതാക്കൾ എത്തുന്നതിനോട് ജനങ്ങൾക്കും മികച്ച പ്രതികരമാണ് എങ്ങും. തങ്ങളുടെ സ്ഥാനാർഥിയെ വിജയിപ്പിക്കണമെന്ന ചിഹ്നത്തോടെയുള്ള അഭ്യർഥന നേതാക്കന്മാർ സമൂഹ മാധ്യമങ്ങളിൽ പോസ്റ്റ് ചെയ്യും. ഇതു സ്ഥാനാർഥിയും അണികളും പങ്കുവെച്ചു വോട്ടറുടെ അടുക്കലേക്ക് എത്തിക്കുകയാണ്. പ്രമുഖ നേതാക്കന്മാരുടെ വീഡിയോ അഭ്യർഥനയ്ക്കു മികച്ച സ്വീകരണമാണ് ജനങ്ങളും നൽകുന്നത്. കോണ്ഗ്രസ് സ്ഥാനാർഥികൾക്കു വേണ്ടി ഉമ്മൻ ചാണ്ടി, രമേശ് ചെന്നിത്തല, എ.കെ. ആന്റണി എന്നിവരും വനിതാ സ്ഥാനാർഥികൾക്കായി ആലത്തൂർ എംപി രമ്യാ ഹരിദാസ്, മഹിളാ കോണ്ഗ്രസ് സംസ്ഥാന പ്രസിഡന്റ് ലതികാ സുഭാഷുമാണ് വീഡിയോ പങ്കുവെച്ചിരിക്കുന്നത്. സിപിഎം സ്ഥാനാർഥികൾക്കായി മുഖ്യമന്ത്രി പിണറായി വിജയനും മന്ത്രി എം.എം. മണി, എ. വിജയകുമാർ, എം.എ. ബേബി തുടങ്ങിയവരാണ് അഭ്യർഥനയുമായി സമൂഹ മാധ്യമങ്ങളിലെത്തിയത്.…
Read Moreവോട്ടുകൾ പൊക്കിയെടുക്കാൻ…ക്രെയിൻ ഡ്രൈവറുടെ സീറ്റിൽനിന്ന് വോട്ടറുടെ മുന്നിൽ
കോട്ടയം: ക്രെയിൻ ഡ്രൈവറിൽനിന്ന് 22-ാം വയസിൽ ജനവിധി തേടുന്ന സ്ഥാനാർഥിയാകുന്പോൾ പാലാ സ്വദേശി അമൽ ഷാജിയ്ക്കു പ്രതീക്ഷ വാനോളം. കരൂർ പഞ്ചായത്ത് നാലാം വാർഡായ അന്ത്യാളത്താണ് യുഡിഎഫ് സ്ഥാനാർഥിയായി അമൽ ഷാജി മത്സരിക്കുന്നത്. ഗോദയിൽ മാറ്റുരയ്ക്കാനെത്തുന്നവരേക്കാൾ ജൂനിയറായ ഷാജി ബിരുദ പഠനം പൂർത്തിയാക്കിയശേഷം പാലായിലെ സ്വകാര്യ ടിംബർ കന്പനിയിലെ ക്രെയിൻ ഡ്രൈവറായി ജോലി ചെയ്യുകയായിരുന്നു. കേരള കോണ്ഗ്രസ് ജോസഫ് വിഭാഗത്തിന്റെ സീറ്റിൽ ചെണ്ട ചിഹ്നത്തിലാണ് അമൽ മത്സരിക്കുന്നത്. വളയം പിടിച്ച കൈകകളിൽ നിന്നും തൊഴു കൈകളോടെ വോട്ടറുടെ മുന്നിലേക്കെത്തുകയാണ്. തെരഞ്ഞെടുപ്പ് പ്രചാരണ തിരക്കുകൾ കാരണം ഇപ്പോൾ ക്രെയിൻ ഓടിക്കാൻ പോകുന്നില്ല. മുഴുവൻ സമയവും വീടുകയറിയുള്ള പ്രചാരണമാണെന്ന് അമൽ പറയുന്നു. അന്ത്യാളം വട്ടക്കുന്നേൽ ഷാജിയുടെയും ജെയിനിയുടെയും മകനായ അമൽ തെരഞ്ഞെടുപ്പിൽ വലിയ ശുഭാപ്തി വിശ്വാസത്തിലാണ്. ഇത്ര ചെറുപ്പത്തിൽ തന്നെ വലിയ വാഹനങ്ങൾ ഓടിക്കുവാനുള്ള ലൈസൻസ് ലഭിച്ച അമലിനു സ്വന്തമായി…
Read Moreസ്പെഷൽ തപാൽ വോട്ട്; പിപിഇ കിറ്റ് ധരിച്ചുള്ളയാത്ര ശാരീരികമായും മാനസികമായും ബുദ്ധിമുട്ട് സൃഷ്ടിക്കുന്നതായി ഉദ്യോഗസ്ഥർ
കോട്ടയം: സ്പെഷൽ തപാൽ വോട്ട് ഇന്നലെ ജില്ലയിൽ ആരംഭിച്ചപ്പോൾ വലഞ്ഞത് ഉദ്യോഗസ്ഥർ. രണ്ടു സ്പെഷൽ പോളിംഗ് ഓഫീസർമാരും ഒരു പോലീസ് ഉദ്യോഗസ്ഥനുമടങ്ങുന്ന ടീമാണ് ബാലറ്റുമായി വോട്ടറെ തേടി വീട്ടിലെത്തിയത്. സെപ്ഷൽ പോളിംഗ് ഓഫീസർമാർ പിപിഇ കിറ്റ് ധരിച്ചാണ് രഹസ്യ ബാലറ്റിൽ വോട്ടു രേഖപ്പെടുത്താൻ വോട്ടർമാരെ സമീപിച്ചത്. കോവിഡ് സ്ഥിരീകരിക്കപ്പെട്ടവരും ക്വാറന്റൈനിൽ കഴിയുന്നവരുമാണ് വോട്ട് രേഖപ്പെടുത്തുന്നത്. നിരീക്ഷണത്തിൽ കഴിയുന്നവരുടെ വിശദ വിവരങ്ങൾ ശേഖരിച്ചതിനു ശേഷം വീട്ടുകാരെ ഫോണ് ചെയ്ത് അറിയിച്ചതിനു ശേഷമാണ് സ്പെഷൽ പോളിംഗ് ഓഫീസർമാരുടെ ടീം വീടുകളിലേക്ക് എത്തുന്നത്. ഇന്നലെ ഉച്ച കഴിഞ്ഞ് ആരംഭിച്ച വോട്ടിംഗ് സംവിധാനത്തിനായി പല ടീമുകളായി തിരിഞ്ഞാണ് സ്പെഷൽ പോളിംഗ് ഓഫീസർമാർ വീടുകളിലേക്കെത്തിയത്. എന്നാൽ കൃത്യമായ വിവരങ്ങൾ നൽകാഞ്ഞത് ആദ്യം തന്നെ ഇവരെ വലച്ചു. കിലോമീറ്ററുകളോളം നടന്നാണ് പല ടീമുകളും കോവിഡ് സ്ഥിരീകരിക്കപ്പെട്ടവരുടെയും ക്വാറന്റൈനിൽ കഴിയുന്നവരുടെയും വീടുകളിലേക്കെത്തിയത്. സ്ഥലത്ത് എത്തിയതിനു ശേഷമാണ് പലടിയങ്ങളിലും…
Read Moreബിനോയിക്കു ഫ്ളക്സില്ല, ബാനറില്ല, പോസ്റ്ററില്ല…ആകെയുള്ളത് നോട്ടീസ് രൂപത്തില് അച്ചടിച്ച അഭ്യര്ഥന മാത്രം!
കടുത്തുരുത്തി: ഫ്ളെക്സില്ല, ബാനറില്ല, പോസ്റ്ററുകളില്ല… ആകെയുള്ളത് നോട്ടീസ് രൂപത്തില് അച്ചടിച്ച അഭ്യര്ത്ഥന മാത്രം. അതും വീടുകളില് നേരിട്ടെത്തി വോട്ടര്മാരുടെ കൈകളില് കൊടുക്കും. ഇതാണ് ബിനോയ് ഇമ്മാനുവേലിന്റെ തെരഞ്ഞെടുപ്പ് പ്രചരണം. മാഞ്ഞൂര് പഞ്ചായത്ത് ഒമ്പതാം വാര്ഡ് കോതനല്ലൂരിലെ യുഡിഎഫ് സ്ഥാനാര്ത്ഥിയാണ് ബിനോയി. ചെലവു ചുരുക്കാനല്ലചെലവ് ചുരുക്കാനെന്നുമല്ല ബിനോയി തെരഞ്ഞെടുപ്പ് പ്രചരണത്തിന് ഈ മാതൃക സ്വീകരിച്ചത്. പ്രകൃതി സനേഹിയായ ബിനോയി തന്റെ തെരഞ്ഞെടുപ്പ് പ്രചരണരീതിയിലും ഈ മാതൃക സ്വീകരിക്കുകയായിരുന്നു. കോവിഡ് കാലമായതിനാല് പലപ്പോഴും തനിച്ചാണ് ബിനോയിയുടെ പ്രചരണമെന്ന പ്രത്യേകതയുമുണ്ട്. കഴിഞ്ഞ തവണ മത്സരിച്ചു വിജയിച്ചപ്പോഴും ബിനോയിയുടെ തെരഞ്ഞെടുപ്പ് പ്രചരണം ഇതേ രീതിയിലായിരുന്നു. ഫ്ളെക്സും ബാനറും പോസ്റ്ററുമെല്ലാം തെരഞ്ഞെടുപ്പ് കഴിഞ്ഞാല് പ്രകൃതിക്കു ദോഷമായി അവശേഷിക്കുമെന്നാണ് ബിനോയി പറയുന്നത്. അന്നത്തെ വിജയി2010ല് ഇതേ വാര്ഡില് നിന്നും ഇടത്, വലത് മുന്നണി സ്ഥാനാര്ത്ഥികളെ മികച്ച ഭൂരിപക്ഷത്തില് തോല്പിച്ച ബിനോയി, 2015ല് തന്റെ വാര്ഡ്്്…
Read Moreപ്രചാരണം ആവേശത്തിന്റെ നാലാം റൗണ്ടിലേക്ക്; മണർകാട് പിടിച്ചെടുക്കാൻ ആംആദ്മി പാർട്ടിയും
മണർകാട്: പഞ്ചായത്തിൽ തെരഞ്ഞെടുപ്പ് പോരാട്ടത്തിൽ മുന്നണികൾ നാലാം റൗണ്ടിലേക്ക്. തുടർ ഭരണത്തിനായി യുഡിഎഫും ഭരണം തിരിച്ചു പിടിക്കാൻ എൽഡിഎഫും അട്ടിമറി സൃഷ്ടിക്കാൻ എൻഡിഎയും രംഗത്തുണ്ട്. വിവിധ വാർഡുകളിൽ പോസ്റ്ററുകളും ബോർഡുകളും എത്തിച്ചു പ്രചരണം ആവേശത്തിലാണ്. 17 വാർഡുള്ള പഞ്ചായത്തിൽ എല്ലാ വാർഡുകളിലും യുഡിഎഫ് മത്സരിക്കുന്നുണ്ട്. ആം ആദ്മി അഞ്ച് വാർഡുകളിൽആംആദ്മി പാർട്ടിയും അഞ്ചു വാർഡുകളിൽ മത്സരിക്കുന്നു. പ്രമുഖരെയാണ് മുന്നണികൾ മത്സര രംഗത്ത് ഇറങ്ങിയിരിക്കുന്നത്. പഞ്ചായത്തിലെ 17 വാർഡുകളിൽ 10 വാർഡുകളിലും ത്രികോണ മത്സരമാണ് നടക്കുന്നത്. ഒന്നാം വാർഡിൽ യുഡിഎഫിലെ ശ്രീനിവാസൻ കടായിയും സിപിഎമ്മിലെ ജെ.ആർ. രാജീവും ബിജെപി സ്ഥാനാർഥിയായി അക്ഷര രാജുവും മത്സരിക്കുന്നു. രണ്ടാം വാർഡിൽ മുൻ ബ്ലോക്ക് പഞ്ചായത്ത് അംഗം സാബു ചെറിയാൻ കോണ്ഗ്രസ് സ്ഥാനാർഥിയായും ജോയിമോൻ വാളാട്ട് സിപിഐ സ്ഥാനാർഥിയായും സിന്ധു അനിൽ കുമാർ ബിജെപി സ്ഥാനാർഥി യായും മത്സര രംഗത്തുണ്ട്. 14-ാം വാർഡിൽ…
Read More