മുത്തോലി: മീനച്ചിലാറ്റിൽ മുത്തോലിക്കടവിൽ അജ്ഞാത മൃതദേഹം കണ്ടെത്തി. ഇന്നു രാവിലെ മുത്തോലിക്കടവിലെ പാലത്തിനു താഴെയാണ് ഒരാഴ്ചയോളം പഴക്കമുള്ള പുരുഷന്റെ മൃതദേഹം കണ്ടെത്തിയത്. പ്രദേശത്ത് രൂക്ഷമായ ദുർഗന്ധം അനുഭവപ്പെട്ടതോടെ നാട്ടുകാർ നടത്തിയ തെരച്ചിലിലാണ് മൃതദേഹം കണ്ടെത്തിയത്. മൃതദേഹം അഴുകി തുടങ്ങിയിട്ടുണ്ട്. നാട്ടുകാർ വിവരമറിയിച്ചതോടെ പാലാ പോലീസ് സ്ഥലത്തെത്തി മേൽനടപടികൾ ആരംഭിച്ചു. ഇൻക്വസ്റ്റ് നടപടികൾ പൂർത്തിയാക്കി മൃതദേഹം കോട്ടയം മെഡിക്കൽ കോളജിലേക്കു മാറ്റി. പാലാ എസ്എച്ച്ഒ അനൂപ് ജോസിന്റെ നേതൃത്വത്തിലുള്ള പോലീസ് സംഘം അന്വേഷണം ആരംഭിച്ചു.
Read MoreCategory: Kottayam
വോട്ടെടുപ്പിന് ഏതാനും മണിക്കൂറുകൾ മാത്രം…കേരള കോൺഗ്രസ് മുന്നണിമാറ്റം ആർക്ക് വോട്ടാവും?
കടുത്തുരുത്തി: തദേശ തെരഞ്ഞെടുപ്പ ് വോട്ടെടുപ്പിന് ഏതാനം മണിക്കൂറുകള് മാത്രം ശേഷിക്കെ പ്രാദേശിക രാഷ്ട്രീയ നേതാക്കള്ക്കിടയില് അങ്കലാപ്പിന്റെയും ആശ്വാസത്തിന്റെയും സമ്മിശ്ര വികാരം. മുന്കാലങ്ങളില് നിന്നും വ്യത്യസ്തമായി ഇക്കുറി മുന്നണി സംവിധാനത്തില് വന്ന മാറ്റം തെരഞ്ഞെടുപ്പില് ഏങ്ങനെ പ്രതിഫലിക്കുമെന്നറിയാനുള്ള ആകാംഷയിലാണ് നേതാക്കളും അണികളും വോട്ടര്മാരുമെല്ലാം. മുമ്പ് എല്ഡിഎഫിലുണ്ടായിരുന്ന കേരളാ കോണ്ഗ്രസ് ജോസഫ്് ഗ്രൂപ്പ് ഇക്കുറി യൂഡിഎഫിലും, യൂഡിഎഫിലെ ഘടകകക്ഷിയായിരുന്ന കേരളാ കോണ്ഗ്രസ് എം വിഭാഗം ഇക്കുറി എതിര്ചേരിയിലുമാണെന്ന പ്രത്യേകത തന്നെയാണ് ഈ പ്രാവശ്യത്തെ തദേശ തെരഞ്ഞെടുപ്പിന്റെ ഫലത്തിനായുള്ള കാത്തിരിപ്പിലെ ആകാംഷ വര്ദ്ധിപ്പിക്കുന്നത്. പരസ്പരം പോരടിക്കുന്പോൾപതിറ്റാണ്ടുകളായി ഒരേ മുന്നണിയില് തോളോട് തോള് ചേര്ന്ന്്് പ്രവര്ത്തിച്ചിരുന്നവര് പലരും ഇക്കുറി വിരുദ്ധ മുന്നണികളുടെ ഭാഗമായി പരസ്പരം പോരടിക്കുന്ന കാഴ്ച്ചയാണ് ഇത്തവണത്തെ തെരഞ്ഞെടുപ്പിനെ വിത്യസ്തമാക്കുന്നത്. ജയവും തോല്വിയുമെല്ലാം പലരുടെയും രാഷ്ട്രീയ ഭാവിയെ തന്നെ സ്വാധീനിക്കുമെന്നത്് ഇത്തവണത്തെ മത്സരത്തിന് വീറും വാശിയുമുണ്ടാക്കുന്നു. തങ്ങള്ക്കാണ് ശക്തി…
Read Moreതെരഞ്ഞെടുപ്പിന് കോട്ടയം റെഡി! 5432 സ്ഥാനാർഥികൾ; സാമൂഹിക അകലം പ്രധാനം
കോട്ടയം: തെരഞ്ഞെടുപ്പിനു സജ്ജമായി കോട്ടയം. തെരഞ്ഞെടുപ്പിനു മണിക്കൂറുകൾ മാത്രം ബാക്കി നിൽക്കേ സംസ്ഥാന തെരഞ്ഞെടുപ്പ് കമ്മീഷന്റെ നിർദേശപ്രകാരമുള്ള തയാറെടുപ്പുകൾ പൂർത്തിയാക്കി. പോളിംഗ് സാമഗ്രികളുടെ വിതരണം വിവിധ ബ്ലോക്ക്, മുനിസിപ്പൽ തലങ്ങളിലെ 17 കേന്ദ്രങ്ങളിൽ ആരംഭിച്ചു കഴിഞ്ഞു. 5432 സ്ഥാനാർഥികൾജില്ലയിൽ ജില്ലാ, ബ്ലോക്ക്, ഗ്രാമപഞ്ചായത്തുകളിലേക്കും മുനിസിപ്പാലിറ്റികളിലുമായി 1512 നിയോജക മണ്ഡലങ്ങളിലായി 5432 സ്ഥാനാർഥികളാണ് മത്സര രംഗത്തുള്ളത്. ജില്ലാ പഞ്ചായത്ത്-22, ബ്ലോക്ക് പഞ്ചായത്തുകൾ-146, ഗ്രാമപഞ്ചായത്തുകൾ-1140, മുനിസിപ്പാലിറ്റികൾ-204 ഡിവിഷനുകളുണ്ട്. ജില്ലാ പഞ്ചായത്ത്-89, ബ്ലോക്ക് പഞ്ചായത്തുകൾ-491 ഗ്രാമപഞ്ചായത്തുകൾ-4118, മുനിസിപ്പാലിറ്റികൾ-734 സ്ഥാനാർഥികൾ മത്സരരംഗത്തുണ്ട്. 16,13,594 വോട്ടർമാരാണ് ജില്ലയിലാകെയുള്ളത്. 8,33,032 സ്ത്രീകളും 7,80,551 പുരുഷൻമാരും മറ്റുവിഭാഗത്തിൽപെടുന്ന 11 പേരുമുണ്ട്. ഗ്രാമപഞ്ചായത്തുകളിൽ 2079 ഉം മുനിസിപ്പാലിറ്റി-253 ഉം അടക്കം 2332 പോളിംഗ് ബൂത്തുകളാണുള്ളത്. സാമൂഹിക അകലം പ്രധാനംകോവിഡ് പ്രതിരോധത്തിനായി ഓരോ പോളിംഗ് ബൂത്തിലും പ്രത്യേക സജ്ജീകരണങ്ങളാണ് ഒരുക്കിയിട്ടുള്ളത്. ഏഴു ലിറ്റർ സാനിറ്റൈസർ, 18 മാസ്കുകൾ, 12 കയ്യുറകൾ,…
Read Moreഅതിരന്പുഴയിൽ കൊട്ടിക്കലാശത്തിനിടെ സംഘർഷം; പരിക്കേറ്റ സ്ഥാനാർഥി ചികിത്സയിൽ; മർദനത്തിൽ ദീപിക ഫോട്ടോഗ്രാഫർക്കും പരിക്ക്
ഏറ്റുമാനൂർ: വാക്കേറ്റം സംഘർഷത്തിൽ കലാശിച്ചു. അതിരന്പുഴയിൽ കൊട്ടിക്കലാശം അവസാനിച്ചത് കയ്യാങ്കളിയിൽ. സ്ഥാനാർഥിക്കും മാധ്യമപ്രവർത്തകനും പരിക്ക്. ഇന്നലെ വൈകുന്നേരം ആറോടെയാണ് സംഭവം നടന്നത്. പരസ്യ പ്രരചരണത്തിന്റെ അവസാനത്തോടെ കൊട്ടികലാശത്തിനിടയിൽ എൽഡിഎഫ്-യുഡിഎഫ് പ്രവർത്തകർ തമ്മിൽ സംഘർഷമുണ്ടാവുകയായിരുന്നു. യുഡിഎഫ് സ്ഥാനാർഥി പ്രഫ. റോസമ്മ സോണി, ദീപിക ഫോട്ടോഗ്രാഫൻ ടോജോ പി. ആന്റണി എന്നിവർക്കാണു പരിക്കേറ്റേത്. ഇരുവരും ചികിത്സ തേടി. അതിരന്പുഴ പള്ളി ജംഗ്ഷനിൽനിന്നും മാർക്കറ്റ് ജംഗ്ഷനിലെത്തിയ എൽഡിഎഫ് സ്ഥാനാർഥിയുടെ പര്യടനം അതിരന്പുഴയിലെത്തുകയും നേതാക്കൾ പ്രസംഗിക്കുകയായിരുന്നു. ഇതിനിടയിൽ ചന്തക്കുളം ഭാഗത്തുനിന്നും റോസമ്മ സോണിയുടെ പ്രകടനവും അതിരന്പുഴയിലെത്തി. റോസമ്മ സോണിയുടെ കൂടെ ഉണ്ടായിരുന്ന മേളക്കാർ ചെണ്ട കൊട്ടിയതുമായി ബന്ധപ്പെട്ട് ഉണ്ടായ തർക്കമാണു വാക്കേറ്റത്തിലും സംഘർഷത്തിലും കലാശിച്ചത്. മൂക്കിന് അടിയേറ്റുസംഘർഷത്തിനിടയിൽപെട്ടുപോയ റോസമ്മ സോണിയുടെ മൂക്കിനാണ് അടിയേറ്റത്. മൂക്കിൽനിന്നും ചോരവാർന്നു വാർന്ന് അവശതയിലായ റോസമ്മ സോണിയെ കൂടെ ഉണ്ടായിരുന്ന ഭർത്താവ് സോണിയും മറ്റുപ്രവർത്തകരും ചേർന്ന് ആശുപത്രിയിലിലെത്തിച്ചു.…
Read Moreകോട്ടയത്ത് കോവിഡ് കുതിക്കുന്നു! ജില്ലയിൽ 695 പേർക്ക് രോഗബാധ; ജില്ലയില് ഇതുവരെ റിപ്പോര്ട്ട് ചെയ്യപ്പെട്ട ഏറ്റവും ഉയര്ന്ന സംഖ്യ
കോട്ടയം: ജില്ലയില് പുതിയതായി 695 പേര്ക്ക് കോവിഡ് സ്ഥിരീകരിച്ചു. പ്രതിദിന രോഗസ്ഥിരീകരണത്തില് ജില്ലയില് ഇതുവരെ റിപ്പോര്ട്ട് ചെയ്യപ്പെട്ട ഏറ്റവും ഉയര്ന്ന സംഖ്യയാണിത്. 694 പേർക്കും സമ്പര്ക്കം മുഖേനയാണ് വൈറസ് ബാധിച്ചത്. സംസ്ഥാനത്തിനു പുറത്തു നിന്നെത്തിയ ഒരാൾ രോഗബാധിതനായി. പുതിയതായി 5685 പരിശോധനാഫലങ്ങളാണ് ലഭിച്ചത്. രോഗം ബാധിച്ചവരില് 333 പുരുഷന്മാരും 292 സ്ത്രീകളും 70 കുട്ടികളും ഉള്പ്പെടുന്നു. 60 വയസിനു മുകളിലുള്ള 107 പേര്ക്ക് കോവിഡ് സ്ഥിരീകരിച്ചിട്ടുണ്ട്. 460 പേർ പുതിയതായി രോഗമുക്തരായി. 4805 പേരാണ് നിലവിൽ ചികിത്സയിലുള്ളത്. ഇതുവരെ ആകെ 39365 പേര് കോവിഡ് ബാധിതരായി. 34450 പേര് രോഗമുക്തി നേടി. ജില്ലയില് ആകെ 12392 പേര് ക്വാറന്റൈനില് കഴിയുന്നുണ്ട്. രോഗം ബാധിച്ചവരുടെ തദ്ദേശഭരണ സ്ഥാപന അടിസ്ഥാനത്തിലുള്ള വിവരം ചുവടെ. കോട്ടയം 42തൃക്കൊടിത്താനം 30ചങ്ങനാശേരി 29കാഞ്ഞിരപ്പള്ളി 22 പനച്ചിക്കാട്, ചിറക്കടവ്, എരുമേലി20ഈരാറ്റുപേട്ട, മുണ്ടക്കയം, വിജയപുരം 19 എലിക്കുളം18…
Read Moreമാസ്ക്, ഫേസ് ഷീൽഡ്, കൈയുറ, സാനിറ്റൈസർ, സാമൂഹികഅകലം! വൈവിധ്യങ്ങളില് നിറഞ്ഞ് കോവിഡ് കാല വോട്ടെടുപ്പ്
പത്തനംതിട്ട: മുഖാവരണം ധരിച്ച വോട്ടര്മാര്. മുഖാവരണം കൂടാതെ ഫെയ്സ് ഷീല്ഡും കൈയുറയും ധരിച്ച് ഉദ്യോഗസ്ഥര്. കയറുമ്പോഴും ഇറങ്ങുമ്പോഴും സാനിറ്റൈസര് ഉപയോഗം. ഒപ്പിടാന് സ്വന്തം പേന. സാമൂഹിക അകലം പാലിച്ച് ക്യൂ….. ഇങ്ങനെ പോകുന്നു കോവിഡ് കാലത്തെ തെരഞ്ഞെടുപ്പ് ബൂത്തിലെ പ്രത്യേകതകള്. കോവിഡ് കാല വോട്ടെടുപ്പ് മുന്കാലങ്ങളില് നിന്നു വ്യത്യസ്തമാണ്. ഇന്നു രാവിലെ വോട്ടെടുപ്പ് ആരംഭിക്കുന്നതിനു മുമ്പേ പല പോളിംഗ് ബൂത്തുകള്ക്കു മുമ്പിലും വോട്ടര്മാര് ക്യൂവില് എത്തിയതും കോവിഡ് ഭീതി കാരണമാകാം. രാവിലെതന്നെ പോളിംഗ്ബൂത്തിലെത്തി മടങ്ങാനുള്ള തിരക്ക് അധികവും സ്ത്രീകളുടേതായിരുന്നു. സ്ഥാനാര്ഥികളുടേതായ ബൂത്തുകളിലും കോവിഡ് മാനദണ്ഡങ്ങള് പാലിക്കാന് കര്ശന നിര്ദേശം നല്കിയിട്ടുണ്ട്. എല്ലാ ബൂത്തുകളിലും പരമാവധി രണ്ടുപേരില് കൂടുതല് പാടില്ലെന്നാണ് നിര്ദേശം. എല്ലാവരും മാസ്ക് ധരിക്കാനും നിര്ദേശിച്ചിട്ടുണ്ട്. ആള്ക്കൂട്ടങ്ങള് ഒഴിവാക്കി വോട്ടെടുപ്പ് പ്രക്രിയയില് പങ്കാളികളാകാനാണ് നിര്ദേശം.
Read Moreപണി പാളി ; തെരഞ്ഞെടുപ്പ് ദിവസം അടിപൊളിയാക്കാൻ കൊണ്ടുവന്ന മദ്യം പിടിച്ചെടുത്ത് എക്സൈസ് സംഘം
പൊൻകുന്നം: തെഞ്ഞെടുപ്പ് ദിവസങ്ങളിൽ അനധികൃത വില്പന നടത്താനായി സൂക്ഷിച്ചിരുന്ന 50 ലിറ്റർ മദ്യം പിടിച്ചെടുത്തു. പൊൻകുന്നം പുതുപ്പറന്പിൽ പി.ജെ.മനോജി(44)നെയാണ് 100 കുപ്പികളിലായി സൂക്ഷിച്ചിരുന്ന മദ്യവുമായി എക്സൈസ് പിടികൂടിയത്. ഇന്നലെ ഉച്ചകഴിഞ്ഞ് ആനിവേലി-തന്പലക്കാട് റോഡിൽ വാഹനപരിശോധനയ്ക്കിടെയാണ് ഇയാൾ പിടിയിലായത്. കാറിൽ എത്തിയ മനോജിനെ എക്സൈസ് അധികൃതർ പരിശോധിച്ചതോടെയാണ് കാറിൽ സൂക്ഷിച്ചിരുന്ന മദ്യ കുപ്പികൾ കണ്ടെത്തിയത്. മദ്യം ലഭിക്കാതെ വരുന്ന തെരഞ്ഞെടുപ്പ് ദിനങ്ങളിൽ കൂടിയ വിലയ്ക്കു വിൽപ്പന നടത്താനായി സൂക്ഷിച്ചിരുന്നതാണ് മദ്യമെന്ന് എക്സൈസ് അധികൃതർ പറഞ്ഞു. അര ലിറ്ററിന്റെ നൂറു കുപ്പിയാണ് കാറിലുണ്ടായിരുന്നത്. കാറും കസ്റ്റഡിയിലെടുത്തു. പൊൻകുന്നം എക്സൈസ് സർക്കിൾ ഇൻസ്പെക്ടർ സഞ്ജീവ്കുമാർ, പ്രിവന്റീവ് ഓഫീസർ ജെയ്സണ് ജേക്കബ്, സിവിൽ എക്സൈസ് ഓഫീസർമാരായ ശ്രീലേഷ്, നിമേഷ്, റോയ് വർഗീസ, ഡ്രൈവർ ഷാനവാസ് എന്നിവർ ചേർന്നാണ് പ്രതിയെ പിടികൂടിയത്. കാഞ്ഞിരപ്പള്ളി കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Read Moreകോട്ടയം, എറണാകുളം, തൃശൂർ, പാലക്കാട്, വയനാട്ജില്ലകളിലെ പരസ്യ പ്രചാരണം ഇന്ന് അവസാനിക്കുന്നു ; 10ന് വോട്ടെടുപ്പ്
കോട്ടയം: പരസ്യപ്രചാരണം ഇന്ന് അവസാനിക്കുന്പോൾ വോട്ട് ഉറപ്പിക്കാനുള്ള അവസാന ശ്രമത്തിലാണ് സ്ഥാനാർഥികൾ. നിശബ്ദ പ്രചാരണ ദിവസമായ നാളെയും സ്ഥാനാർഥികൾ പരമാവധി വോട്ടർമാരെ നേരിൽ കാണും. ഇതിനൊപ്പം വോട്ടുകളുടെ അവസാനവട്ട കണ്ക്കെടുപ്പും നടത്തും. പരമാവധി വോട്ടർമാരെ ബൂത്തിലെത്തിക്കാനുള്ള ശ്രമങ്ങളും പ്രവർത്തകർ നടത്തുന്നുണ്ട്. കഴിഞ്ഞ രണ്ടു ദിവസങ്ങളിലായി മാതൃകാ ബാലറ്റിന്റെയും സ്ലിപ്പുകളുടെയും വിതരണം പൂർത്തിയാക്കി വരികയാണ്. ഓരോ വോട്ടുകളും നിർണായകമാണെന്ന കണക്കുകൂട്ടലിൽ വിശ്രമമില്ലാതെ സ്ഥാനാർഥികൾ ഓട്ടത്തിലാണ്. നേരിട്ടുള്ള അഭ്യർഥനയ്ക്കു പുറമേ സോഷ്യൽ മീഡിയയിലൂടെയുള്ള വോട്ട് അഭ്യർഥനകളും തുടരുന്നുണ്ട്. അവസാനനിമിഷം പോരായ്മകൾ നികത്തി ജയമുറപ്പിക്കാനാണ് നേതാക്കൾ പരിശ്രമിക്കുന്നത്. കോവിഡ് കാലത്ത്് എല്ലാ വീടുകളിലും വോട്ടർമാർ കാണുമെന്നുള്ള വിശ്വാസത്തിൽ പരമാവധി വീടുകൾ കയറി ഇറങ്ങാൻ സ്ഥാനാർഥികൾ ശ്രമിച്ചിട്ടുണ്ട്. വീടുകളിൽ ഒന്നിനു പിറകെ ഒന്നായി പല മുന്നണികളുടെയും സ്ഥാനാർഥികളും പ്രവർത്തകരും എത്തി. കോവിഡും മഴയും ഇടവിട്ടു നിൽക്കുന്നതിനാൽ പോളിംഗ് നിരക്കിൽ നേരിയ കുറവുണ്ടാകുമെന്ന് ആശങ്കയുമുണ്ട്.…
Read Moreഫലം വരുമ്പോൾ രണ്ടില കരിഞ്ഞുപോകും, ചെണ്ട കൊട്ടിക്കയറും; ഇടുക്കിയിൽ യുഡിഎഫ് വൻ വിജയം നേടുമെന്ന് പി.ജെ. ജോസഫ്
തൊടുപുഴ: തദ്ദേശ തെരഞ്ഞെടുപ്പിൽ കേരള കോണ്ഗ്രസും യുഡിഎഫും വൻ വിജയം നേടുമെന്നു പി.ജെ. ജോസഫ്. ഫലം വരുന്പോൾ രണ്ടില കരിഞ്ഞുപോകുമെന്നും ചെണ്ട കൊട്ടിക്കയറുമെന്നും ജോസഫ് പറഞ്ഞു. ഇടുക്കിയിൽ യുഡിഎഫ് വൻ വിജയം നേടും. ഇടുക്കി ജില്ലാ പഞ്ചായത്തിലെ അഞ്ചു സീറ്റുകളിലും വിജയിക്കും. കൈപ്പത്തിയും ചെണ്ടയും തമ്മിൽ അഭേദ്യമായ ബന്ധമാണുള്ളത്. അതുകൊണ്ടു തന്നെ ഒരു ഘട്ടത്തിലും മുന്നണിയിൽ തർക്കമുണ്ടായിട്ടില്ലെന്നും തൊടുപുഴ പുറപ്പുഴ സ്കൂളിൽ വോട്ട് രേഖപ്പെടുത്തിയശേഷം ജോസഫ് പറഞ്ഞു. യഥാർഥ കേരള കോണ്ഗ്രസിന്റെ വിലയിരുത്തലാവും തെരഞ്ഞെടുപ്പ്. രണ്ടില ചിഹ്നം നഷ്ടമായതു ജയസാധ്യതയെ ഒരു തരത്തിലും ബാധിക്കില്ല. ചിഹ്നം മാറിയതുകൊണ്ടു വോട്ടർമാർക്ക് ആശയക്കുഴപ്പമുണ്ടാകില്ലെന്നും അദ്ദേഹം കൂട്ടിച്ചേർത്തു.
Read Moreജില്ലയിൽ ഇന്നലെയുണ്ടായ രണ്ട് അപകടങ്ങളിൽ രണ്ട് മരണം; സാരമായി പരിക്കേറ്റ രണ്ട് പേർ ആശുപത്രിയിൽ
കോട്ടയം: ജില്ലയിൽ ഇന്നലെയുണ്ടായ രണ്ട് അപകടങ്ങളിലായി രണ്ടു പേർ മരിച്ചു. മുണ്ടക്കയം മുപ്പത്തിയൊന്നാം മൈലിൽ കാറും ബസും കൂട്ടിയിടിച്ചു കാർ യാത്രക്കാരനായ പാലാ മൂന്നാനി സ്വദേശി മണിയാക്കുപാറയിൽ ആഷിഷ് ജോസ് (27), മേലുകാവ് മുട്ടം റോഡിൽ ഓട്ടോറിക്ഷ മറിഞ്ഞുണ്ടായ അപകടത്തിൽ മേലുകാവ് കാഞ്ഞിരംകവല ചെന്പൻപ്ലാക്കൽ ചാൾസ് (32) എന്നിവരാണ് മരിച്ചത്. ഇന്നലെ രാത്രി 8.45ന് ദേശീപാതയിൽ മുപ്പത്തിയൊന്നാം മൈലിലെ വേ ബ്രിഡ്ജിനു സമീപമാണ് കാറും ബൈക്കും കൂട്ടിയിടിച്ചത്. ഈ അപകടത്തിൽ കാറിലുണ്ടായിരുന്ന പൊടിമറ്റം പരിന്തിരിക്കൽ ബിബിൻ ബോസ്(25), പാലാ തറക്കുന്നേൽ ഉണ്ണി(35) എന്നിവർക്കും ഗുരുതരമായി പരിക്കേറ്റിരുന്നു. ബിബിനെ കോട്ടയം മെഡിക്കൽ കോളജാശുപത്രിയിലും ഉണ്ണിയെ ഇരുപത്തിയാറാം മൈലിലെ സ്വകാര്യ ആശുപത്രിയിലും പ്രവേശിപ്പിച്ചിരിക്കുകയാണ്. മരണപ്പെട്ട ആഷിഷിന്റെ ഉടമസ്ഥതയിൽ കഴിഞ്ഞ തിങ്കളാഴ്ചയാണ് പാലായിൽ പുത്തൻ സൂപ്പർ മാർക്കറ്റ് ആരംഭിച്ചത്. ആഷിഷും സുഹൃത്തുക്കളും ചേർന്ന് ബിസിനസ് ആവശ്യങ്ങൾക്കു പോകുന്പോഴാണ് അപകടമുണ്ടായത്. ഇന്നലെ മേലുകാവ്…
Read More