കോട്ടയം: കോട്ടയം ജില്ലാ പഞ്ചായത്തിലെ മൂന്നു സിറ്റിംഗ് സീറ്റുകളിൽ തിരിച്ചടി നേരിടുമെന്ന് ആശങ്കയിൽ ജില്ലയിലെ സിപിഎം നേതൃത്വം. സിപിഎമ്മിന്റെ സിറ്റിംഗ് സീറ്റുകളായി കുമരകം, വെള്ളൂർ, തലയാഴം ഡിവിഷനുകളിലാണ് അപ്രതീക്ഷിത തിരിച്ചടിയുണ്ടാകുമെന്ന ആശങ്ക സിപിഎം ജില്ലാ നേതൃത്വത്തിനു തലവേദനയായിരിക്കുന്നത്. കുമരകത്തെ പ്രശ്നംസിപിഎമ്മിന്റെ ശക്തി കേന്ദ്രമായ കുമരകത്തുണ്ടായിരിക്കുന്ന വിഭാഗീയതയാണ് സിപിഎമ്മിനു വലിയ തലവേദന സൃഷ്ടിച്ചിരിക്കുന്നത്. പഞ്ചായത്തിലും തിരിച്ചടി നേരിട്ടേക്കുമെന്നും ആശങ്കയുണ്ട്. ഇതു ജില്ലാ പഞ്ചായത്ത് സ്ഥാനാർഥിയെയും പ്രതികൂലമായി ബാധിച്ചേക്കും. ഇവിടുത്തെ എസ്എൻഡിപി നേതൃത്വം നടത്തുന്ന ഇടപെടലുകളും ഇടതുപക്ഷത്തിന് വിനയായേക്കുമെന്നും നേതാക്കൾ കണക്ക് കൂട്ടുന്നു. വെള്ളൂരിൽ മുൻ ജില്ലാ പഞ്ചായത്തംഗമായ സിപിഎം വനിതാ നേതാവിനു പാർട്ടിയിലുണ്ടായ ചില പ്രശ്നങ്ങൾ കാരണം വികസന പ്രവർത്തനത്തിന് അനുവദിച്ച 10 കോടി രൂപ മണ്ഡലത്തിൽ ലാപ്സായതും വെള്ളൂർ സഹകരണ ബാങ്ക് അഴിമതിയും തിരിച്ചടിയാകുന്ന സാഹചര്യമാണ്. ഏറ്റെടുക്കാതെ പ്രവർത്തകർതലയാഴത്ത് സിപിഎം സ്ഥാനാർഥിയെ പ്രവർത്തകർ ഏറ്റെടുത്തിട്ടില്ലെന്നും പറയപ്പെടുന്നു. ഇതു…
Read MoreCategory: Kottayam
വ്യാജ ആധാർ കാർഡ് നല്കി മുക്കുപണ്ടം തട്ടിപ്പ്; കോട്ടയത്ത് ഇടുക്കിക്കാരനായ യുവാവ് പോലീസ് പിടിയിൽ
കോട്ടയം: ജില്ലയിലെങ്ങും മുക്കുപണ്ടം പണയംവച്ചു പണം തട്ടുന്ന സംഭവങ്ങൾ വർധിക്കുന്നു. കോട്ടയം നഗരത്തിലെ സ്വകാര്യ ധനകാര്യ സ്ഥാപനത്തിൽ മുക്കുപണ്ടം പണയംവച്ചു പണം തട്ടിയയാളെ ഇന്നലെ പോലീസ് അറസ്റ്റു ചെയ്തിരുന്നു. ഇടുക്കി വാകത്താനത്ത് ബോബി ഫിലിപ്പ് (43) ആണ് അറസ്റ്റിലായത്. ഇയാൾ കൂടുതൽ സ്ഥലങ്ങളിൽ ഇത്തരത്തിലുള്ള തട്ടിപ്പുകൾ നടത്തിയിട്ടുണ്ടോയെന്നും ഇയാളുടെ സംഘത്തിൽ കൂടുതൽ ആളുകൾ ഉൾപ്പെട്ടിട്ടുണ്ടോയെന്നും പോലീസ് അന്വേഷിച്ചു വരികയാണ്. ഇത്തരം സംഘങ്ങൾ വ്യാജ ആധാർ കാർഡുകൾ നല്കിയാണ് തട്ടിപ്പുകൾ നടത്തുന്നത്. സിസിടിവി ദൃശ്യങ്ങളുടെ അടിസ്ഥാനത്തിലാണ് പോലീസ് പ്രതിയെ പിടികൂടിയത്. നാലു മാസം മുന്പ് നഗരത്തിലെ സ്വകാര്യ ധനകാര്യ സ്ഥാപനത്തിൽ ഇയാൾ നാലു വളകൾ പണയം വച്ചു 1.12 ലക്ഷം രൂപ വാങ്ങി. കഴിഞ്ഞ ദിവസം സ്ഥാപനത്തിലെ അധികൃതർ സ്വർണ്ണം പരിശോധിച്ചപ്പോഴാണ് മുക്കുപണ്ടമാണെന്ന് ബോധ്യപ്പെട്ടത്. ഇതോടെ ഇയാൾ നല്കിയ ആധാർ കാർഡും മേൽവിലാസവും മൊബൈൽ നന്പറും പരിശോധിച്ചെങ്കിലും ഇവയെല്ലാം…
Read More‘ഈ കള്ളൻ നേർച്ചപ്പെട്ടി കണ്ടാൽ വിടില്ല’; കമ്പിക്കഷ്ണവും ച്യൂയിംഗവുമുണ്ടെങ്കിൽ ജോഷിക്ക് മോഷണം പുഷ്പം പോലെ…
ഈരാറ്റുപേട്ട: നേർച്ചപ്പെട്ടിയിൽ നിന്നും പണം മോഷ്്ടിക്കുന്നതിൽ വിരുതനാണ് ഈരാറ്റുപേട്ട പോലീസ് പിടികൂടിയ വിളക്കുമാടം സ്വദേശി ജോസഫ് (ജോഷി- 46). കന്പിക്കഷ്ണവും ച്യൂയിംഗവുമുണ്ടെങ്കിൽ ജോഷി ഏതു നേർച്ചപ്പെട്ടിയിൽ നിന്നും നിഷ്പ്രയാസം മിനിറ്റുകൾക്കുള്ളിൽ പണം മോഷ്്ടിക്കും. കേറ്ററിംഗ് ജോലികൾക്കായി പോകുന്ന ജോഷി ജോലിക്കിടയിൽ നേർച്ചപ്പെട്ടികൾ നോക്കിവച്ചശേഷം പിന്നീടെത്തി മോഷണം നടത്തുകയാണ് ചെയ്യുന്നത്. ഇയാൾ പാലായ്ക്കും പരിസര പ്രദേശത്തുമുള്ള നിരവധി പള്ളികളുടെ നേർച്ചപ്പെട്ടികളിൽ നിന്നും പണം മോഷ്്ടിച്ചതായാണ് പോലീസിനു വിവരം ലഭിച്ചിരിക്കുന്നത്. തീക്കോയി സെന്റ് മേരീസ് ഫൊറോന പള്ളിയിലെ നേർച്ചപ്പെട്ടിയിൽ നിന്നും പണം മോഷ്്ടിച്ച കേസിലാണ് ഇയാളെ ഈരാറ്റുപേട്ട പോലീസ് പിടികൂടിയത്. ദിവസങ്ങൾക്കു മുന്പ് ഇവിടെ കേറ്ററിംഗ് ജോലിക്ക് എത്തിയ ജോഷി പിന്നീട് ഇവിടെയെത്തി മോഷണം നടത്തുകയായിരുന്നുവെന്ന് പോലീസ് പറഞ്ഞു. വഴക്കമുള്ള ചെറിയ കന്പിക്കഷണത്തിൽ ച്യൂയിംഗം തേച്ചുപിടിപ്പിച്ച ശേഷം നേർച്ചപ്പെട്ടിക്കുള്ളിൽ കടത്തി പണം അപഹരിക്കുന്നതാണ് പ്രതിയുടെ രീതി. മോഷണത്തിനുപയോഗിക്കുന്ന ടെലിഫോണ് കേബിൾ…
Read Moreബുറേവി: കോട്ടയം ജില്ലയും അതീവ ജാഗ്രതയിൽ; വിവിധ താലൂക്കുകളിലായി 163 ദുരിതാശ്വാസ ക്യാന്പുകൾ
കോട്ടയം: ബുറേവി ചുഴലിക്കാറ്റ് ഉണ്ടാകാനുള്ള സാധ്യത കണക്കിലെടുത്ത് അതീവ ജാഗ്രതയിലാണ് കോട്ടയം ജില്ല. ദുരിതാശ്വാസ പ്രവർത്തങ്ങൾക്കു നേതൃത്വം നല്കുന്നതിനായി 21 അംഗ ദേശീയ ദുരന്ത പ്രതികരണ സേനയും ജില്ലയിൽ എത്തിയിട്ടുണ്ട്. വിവിധ സ്ഥലങ്ങളിൽ അപകടകരമായി നില്ക്കുന്ന മരങ്ങൾ മുറിച്ചു മാറ്റുന്നതും ശിഖരങ്ങൾ വെട്ടിമാറ്റുന്ന നടപടികളും പുരോഗമിക്കുകയാണ്. അടിയന്തര സാഹചര്യമുണ്ടായാൽ ആളുകളെ മാറ്റി പാർപ്പിക്കുന്നതിന് ജില്ലയിലെ വിവിധ താലൂക്കുകളിലായി 163 ദുരിതാശ്വാസ ക്യാന്പുകൾ സജ്ജീകരിച്ചിട്ടുണ്ട്. ചില സ്ഥലങ്ങളിൽ ആളുകളെ ബോധവത്കരിക്കുന്നതിനായി മൈക്ക് അനൗണ്സ്മെന്റുകളും നടത്തുന്നുണ്ട്. അതിവർഷം, മണ്ണിടിച്ചിൽ, മിന്നൽപ്രളയം, ഇടിമിന്നൽ, ചുഴലിക്കാറ്റ് എന്നിവയ്ക്ക് സാധ്യതയുള്ളതിനാൽ ഇന്നും നാളെയും ജില്ലയിൽ യെല്ലോ അലർട്ട് പ്രഖ്യാപിച്ചിട്ടുണ്ട്. മണിമല, പന്പ, അഴുത, മീനച്ചിൽ നദികളിൽ ജലനിരപ്പുയർന്നേക്കാം. പ്രളയസാധ്യതയുണ്ടായാൽ പന്പ ഡാമിന്റെ ഷട്ടറുകൾ ഉയർത്താനും നിർദേശമുണ്ട്. ജില്ലയിലെ ഒന്പതു പഞ്ചായത്തുകളിലുടെ കാറ്റ് വീശാൻ സാധ്യയുണ്ടെന്നാണ് ദുരന്ത നിവാരണ അതോറിട്ടിയുടെ മുന്നറിയിപ്പ്. എരുമേലി, കാഞ്ഞിരപ്പള്ളി, മുക്കണ്ടയം,…
Read Moreകോവിഡ് മൂലം തുടർപഠനം മുടങ്ങി! കോവിഡ് കാലത്ത് കുടുംബം പുലർത്താൻ പച്ചക്കറി വില്പനയുമായി വിദ്യാർഥികൾ…
കടുത്തുരുത്തി: കോവിഡ് കാലത്ത് കുടുംബം പുലർത്താൻ പച്ചക്കറി വില്പനയുമായി വിദ്യാർഥികൾ. തലയോലപ്പറന്പ് സ്വദേശികളും സുഹൃത്തുക്കളുമായ ഹരിയും അനന്തുവുമാണ് കടുത്തുരുത്തി ട്രേഡേഴ്സ് കോ ഓപ്പറേറ്റിവ് സൊസൈറ്റിക്കു സമീപം പച്ചക്കറി വിൽപന നടത്തുന്നത്. പച്ചക്കറികൾ നിറച്ചു കിറ്റുകളാക്കിയാണ് വിൽപന നാല് കിലോയോളം വരുന്ന പച്ചക്കറി കിറ്റിൽ തക്കാളി, കുക്കുന്പർ, ചേന, വെണ്ടയ്ക്കാ, പയർ, വഴുതനങ്ങ, മത്തങ്ങ, പടവലം, വെള്ളരി, പച്ചമുളക്, ഇഞ്ചി, കറിവേപ്പില തുടങ്ങി ഒട്ടനവധി സാധനങ്ങളുമുണ്ട്. നൂറ് രൂപയാണ് കിറ്റിന്റെ വില. വിദ്യാർഥികളായ ഇരുവരും കോവിഡ് കാലത്ത് തുടർപഠനം മുടങ്ങിയതോടെ വീട്ടുചെലവിനു പണികൾ അന്വേഷിച്ചെങ്കിലും ഒന്നും ലഭിക്കാതെ വന്നതോടെയാണ് പച്ചക്കറി വിൽപന ആരംഭിച്ചത്. തലയോലപ്പറന്പ് മാർക്കറ്റിൽ നിന്നു ഹോൾസെയിലായി പച്ചക്കറി വാങ്ങി കിറ്റാക്കുകയാണ് ചെയ്യുന്നത്. ദിവസം അന്പതോളം കിറ്റുകൾ വിൽക്കാൻ കഴിയുന്നുണ്ടെന്നും ഇരുവരും പറയുന്നു. രാവിലെ വാഹനത്തിൽ കിറ്റുകൾ ഇവിടെയെത്തിക്കും. വൈകൂന്നേരം വരെ ഇരുന്നാണ് കച്ചവടം നടത്തുന്നത്. രണ്ട്…
Read Moreഅനൗണ്സ്മെന്റ് മാറി, സംഗതി പുലിവാലായി! വിചിത്രമായ അനൗണ്സ്മെന്റ് വോട്ടർമാരെ ആശയക്കുഴപ്പത്തിലാക്കി
തൊടുപുഴ: വിചിത്രമായ അനൗണ്സ്മെന്റ് വോട്ടർമാരെ ആശയക്കുഴപ്പത്തിലാക്കി. സ്ഥാനാർഥി നിർണയത്തിലൂടെ വിവാദമായ ന്യൂമാൻ കോളജ് വാർഡിലാണ് സംഭവം. കേരളത്തെ അനുദിനം പുരോഗതിയിലേക്ക് നയിക്കുന്ന എൽഡിഎഫ് സർക്കാരിന്റെ ഭരണ നേട്ടത്തിന് നിങ്ങളുടെ അംഗീകാരമായി യുഡിഎഫ് സ്ഥാനാർഥിയെ വോട്ടുചെയ്തു വിജയിപ്പിക്കൂ.… നമ്മുടെ സ്ഥാനാർഥി ഇതാ ഈ വാഹനത്തിനു പിന്നാലെ വരുന്നു, അനുഗ്രഹിക്കൂ, ആശീർവദിക്കൂ… എന്നിങ്ങനെയായിരുന്നു അനൗണ്സ്മെന്റ്. ന്യൂമാൻ കോളേജ് ഉൾപ്പെടുന്ന 21-ാം വാർഡിലെ വോട്ടർമാരാണ് വിചിത്രമായ അനൗൺസ്മെന്റ കേട്ട് ഉൗറിച്ചിരിച്ചത്. ഇന്നലെ രാവിലെ 8.30-നാണ് ഈസ്റ്റ് വിജ്ഞാന മാതാ പള്ളിക്ക് സമീപം വിചിത്രമായ അനൗണ്സ്മെന്റ് നടത്തിയത്. എന്തായാലും എൽഡിഎഫ് സർക്കാരിന് അംഗീകാരം നൽകൂ എന്ന വാക്ക് വന്നതോടെ ശബ്ദം നിലച്ചു. സ്ഥാനാർഥിയുടെ പേര് പറഞ്ഞ ശേഷം റിക്കാർഡ് ചെയ്ത ഭാഗം ഇടുകയായിരുന്നു. തലേ ദിവസം ഇടതുമുന്നണിക്ക് ഉപയോഗിച്ച റിക്കാർഡ് ഉപയോഗിച്ചതാണ് അബദ്ധം പറ്റാൻ കാരണമെന്നറിയുന്നു. സ്ഥാനാർഥി നിർണയത്തെ ചൊല്ലി യുഡിഎഫ് അനുയായികൾ…
Read Moreഉപജീവനമാർഗവും ചിഹ്നവും ഒന്നുതന്നെ; ദീപ ഹാപ്പിയാണ്! വാർഡിലെ ഓരോ വീടും വഴിയും സുപരിചിതം
ചെറുതോണി: സ്വന്തം ചിഹ്നത്തിലെത്തി വോട്ടുചോദിക്കുന്ന വനിതാ സ്ഥാനാർഥി ഏവരുടെയും ശ്രദ്ധാകേന്ദ്രമായിരിക്കയാണ്. കഞ്ഞിക്കുഴി പഞ്ചായത്ത് വരിക്കമുത്തൻ വാർഡിലെ ദീപ സുഭാഷാണ് ചിഹ്നത്തിലെത്തി വോട്ടുതേടുന്നത്. ഓട്ടോറിക്ഷ ഡ്രൈവറായ ഇവരുടെ തെരഞ്ഞെടുപ്പ് ചിഹ്നവും ഓട്ടോറിക്ഷ തന്നെയാണ്. 17-ാം വാർഡിലെ എൻഡിഎ സ്ഥാനാർഥിയായാണ് ഇവർ ജനവിധി തേടുന്നത്. വർഷങ്ങളായി സ്റ്റാൻഡിൽ ഓട്ടോറിക്ഷ ഓടിക്കുന്ന ഇവർക്ക് വാർഡിലെ ഓരോ വീടും വഴിയും സുപരിചിതമാണ്. സ്ഥാനാർഥിയായതോടെ ഓട്ടോറിക്ഷ ഓട്ടമൊന്നും പോകാറില്ല. പകരം രാവിലെതന്നെ പ്രവർത്തകരുമൊത്ത് വാർഡിലെ വോട്ടർമാരെ നേരിൽകണ്ട് വോട്ട് ചോദിക്കാനിറങ്ങും. തന്റെ ജീവിതമാർഗമായ ഓട്ടോ തന്നെ തെരഞ്ഞെടുപ്പ് ചിഹ്നമായി ലഭിച്ചതിന്റെ സന്തോഷവും ദീപ പങ്കുവയ്ക്കുന്നുണ്ട്്. ഭർത്താവ് കിടാരത്തിൽ സുഭാഷ് കട്ടപ്പന കെഎസ്ആർടിസി ഡിപ്പോയിലെ ഡ്രൈവറാണ്. ആദിത്യൻ, അഭിനന്ദ് എന്നിവരാണ് മക്കൾ. പി.ആർ. രമ്യയാണു യുഡിഎഫ് സ്ഥാനാർഥി. ജിഷാ സുരേന്ദ്രൻ എൽഡിഎഫ് ടിക്കറ്റിലും മത്സരിക്കുന്നു.
Read Moreവില്ലനായി കേബിൾ കുഴി! കാർ കൊക്കയിലേക്കു മറിഞ്ഞു; യാത്രക്കാർ അദ്ഭുതകരമായി രക്ഷപ്പെട്ടു
ചെറുതോണി: ബസിനു സൈഡു കൊടുക്കുന്നതിനിടെ കേബിൾ കുഴിയിൽ ചാടിയ കാർ കൊക്കയിലേക്കു മറിഞ്ഞു. കാറിലുണ്ടായിരുന്ന അമ്മയും മകളും അദ്ഭുതകരമായി രക്ഷപ്പെട്ടു. ഇന്നലെ രാവിലെ ഒന്പതിനാണു സംഭവം. പടമുഖം സ്വദേശികളായ അമ്മയും മകളുമാണ് കാറിലുണ്ടായിരുന്നത്. ഇവർ പൈനാവിലേക്കു വരികയായിരുന്നു. പതിനാറാംകണ്ടം സ്കൂളിനുസമീപം മുരിക്കാശേരിയിലേക്കു വരികയായിരുന്ന സ്വകാര്യ ബസിനു സൈഡു കൊടുക്കുന്പോഴാണ് കേബിൾകുഴിയിൽ കാർ വീണത്. നാളുകളായിട്ടും മൂടാതെകിടന്ന കുഴിയിലാണ് കാർ വീണത്. കുഴിയിൽ കാർ വീണതോടെ റോഡിന്റെ വശം ഇടിഞ്ഞ് കൊക്കയിലേക്ക് മറിയുകയായിരുന്നു. കേബിളിടാൻവേണ്ടി എടുത്ത കുഴിയിൽ മഴവെള്ളം നിറഞ്ഞുകിടക്കുകയായിരുന്നു. ഇത് തിരിച്ചറിയാൻ പറ്റാതിരുന്നതാണ് അപകടത്തിനു കാരണമായത്. 250 അടിയോളം താഴ്ചയിലേക്കാണു കാർ മറിഞ്ഞതെങ്കിലും ഇടയ്ക്കുള്ള റബർമരത്തിൽ തട്ടിനിന്നതിനാൽ യാത്രക്കാർ കാര്യമായ പരിക്കുകളില്ലാതെ രക്ഷപ്പെട്ടു. എതിരെവന്ന സ്വകാര്യ ബസിലെ യാത്രക്കാർ കാറിന്റെ ചില്ലുതകർത്താണ് അമ്മയെയും മകളെയും പുറത്തിറക്കിയത്. ഇവരെ മറ്റൊരു വാഹനത്തിൽ കയറ്റിവിട്ടു.
Read Moreമലരിക്കലിൽ തെരഞ്ഞെടുപ്പ് വസന്തം! സ്ഥാനാര്ഥികള് പറയുന്നത് ഇങ്ങനെ…
കോട്ടയം: ആന്പൽപൂക്കൾ വസന്തം തീർത്ത് ലോകശ്രദ്ധ നേടിയ മലരിക്കലിൽ ഇപ്പോൾ ആന്പൽ പൂക്കൾ ഇല്ലെങ്കിലും തെരഞ്ഞെടുപ്പു പ്രചാരണത്തിന്റെ വസന്തമാണുള്ളത്. തിരുവാർപ്പ് പഞ്ചായത്തിലെ 13-ാം വാർഡാണ് മലരിക്കൽ. വിസ്തൃതികൊണ്ടും ജനസംഖ്യകൊണ്ടും പഞ്ചായത്തിലെ ഏറ്റവും വലിയ വാർഡാണിത്. വേന്പനാട്ടു കായലിനോടു ചേർന്നു കിടക്കുന്ന പ്രദേശമാണ് ഒന്നാം വാർഡ്. യുഡിഎഫ് സ്ഥാനാർഥിയായി എം.എ. വേലുവും എൽഡിഎഫ് സ്ഥാനാർഥിയായി ഒ.എസ്. അനീഷ് കുമാറും എൻഡിഎ സ്ഥാനാർഥിയായി സതീഷ് കാഞ്ഞിരവുമാണ് മലരിക്കലിലെ പോരാളികൾ. മൂന്നുവർഷമായി ഇവിടെ ആന്പൽ ഫെസ്റ്റ് നടക്കുന്നുണ്ടെങ്കിലും സഞ്ചാരികൾക്ക് യാതൊരു വിധ സൗകര്യവും ഇല്ല. സഞ്ചാരികൾക്ക് അടിസ്ഥാന സൗകര്യമൊരുക്കുന്നതിനായിരിക്കും തന്റെ പ്രഥമ പരിഗണനയെന്ന് യുഡിഎഫ് സ്ഥാനാർഥി വേലു പറഞ്ഞു. 1979-ൽ പശുവും കിടാവും ചിഹ്നത്തിൽ കോൺ ഗ്രസ് സ്ഥാനാർഥിയായി ഇദ്ദേഹം ഇ വിടെ മത്സരിച്ചിരുന്നു. ആന്പൽ ഫെസ്റ്റുമായി ബന്ധപ്പെടുത്തി പ്രദേശവാസികൾക്ക് തൊഴിൽ നൽകുന്നതിനുള്ള നടപടികൾക്ക് മുൻതൂക്കം നൽകുമെന്ന് എൽഡിഎഫ് സ്ഥാനാർഥി അനീഷ്കുമാർ…
Read Moreനിലത്തു പത്രം വിരിച്ച് കൊതുകിന്റെ കടിയേറ്റ് ഇനി കിടന്നുറങ്ങേണ്ട; കെഎസ്ആർടിസി ജീവനക്കാർക്ക് വിശ്രമിക്കാൻ എസി സൗകര്യമൊരുക്കി കോട്ടയത്തെ കെഎസ്ആർടിസി ഡിപ്പോ
കോട്ടയം: പൊട്ടിപ്പൊളിഞ്ഞ കെട്ടിടത്തിൽ നിലത്തു പത്രം വിരിച്ച് കൊതുകിന്റെ കടിയേറ്റ് കെഎസ്ആർടിസി ജീവനക്കാർ ഇനി കിടന്നുറങ്ങേണ്ട. ജീവനക്കാർക്ക് വിശ്രമിക്കാൻ കോട്ടയത്ത് കെഎസ്ആർടിസി ബസിൽ സൗകര്യം ഒരുക്കി. കാലപ്പഴക്കം ചെന്ന ബസ് എയർ കണ്ടീഷൻ ചെയ്ത് 16 ബർത്തുകളാണു ക്രമീകരിച്ചിരിക്കുന്നത്. രാത്രി ഈ ബസുകളിൽ ഉറങ്ങി രാവിലെ ജീവനക്കാർക്ക് സർവീസ് തുടരാം. വിദൂര ജില്ലകളിൽനിന്ന് നിലവിൽ കോട്ടയത്തു വരുന്ന ജീവനക്കാർക്ക് ഉറങ്ങാൻ സൗകര്യമില്ലാത്ത സാഹചര്യത്തിലാണ് സ്റ്റേ ബസ് ക്രമീകരിച്ചിരിക്കുന്നത്. ശബരിമല സീസണിലും ഇത് പ്രയോജനപ്പെടും. കോട്ടയം ഡിപ്പോയിലെ ജീവനക്കാർക്ക് നിലവിലുള്ള വിശ്രമഹാളിൽ ഉറങ്ങേണ്ടിവരും. വിനോദസഞ്ചാരികൾക്ക് മൂന്നാറിൽ സമാനമായ രണ്ടു ബസുകളിൽ സംവിധാനം കെഎസ്ആർടിസി ഒരുക്കിയിട്ടുണ്ട്. ഒരു ബർത്തിന് 100രൂപ നിരക്ക് ഈടാക്കുന്നു. രണ്ടു ബസുകളും ഹൗസ് ഫുള്ളായതിനാൽ ഒരു ബസ് കൂടി രാത്രി ഉറക്കത്തിനായി ക്രമീകരിക്കുകയാണ്. 16 കിടക്കകളാണു മൂന്നാറിലെ ബസുകളിലുമുള്ളത്. ആവശ്യമെങ്കിൽ 1600രൂപ ഒരുമിച്ചു നൽകി ഒരാൾക്കോ…
Read More