കോട്ടയം: ജിഎസ്ടി പരിഷ്കാരം പ്രാബല്യത്തില് വന്നതോടെ രോഗികള്ക്ക് ആശ്വാസം. ജീവന് രക്ഷാമരുന്നുകള് ഉള്പ്പെടെ അവശ്യമരുന്നുകള്ക്കും മെഡിക്കല് ഉപകരണങ്ങള്ക്കും മെഡിക്കല് സംബന്ധമായ ഉത്പന്നങ്ങള്ക്കും വില കുറയും. ഇതോടെ ചികിത്സാച്ചെലവില് ഗണ്യമായ കുറവുവരും. പ്രമേഹമരുന്നുകള്, ഹിമോഫീലിയ മരുന്നുകള്, ഗുരുതര ശ്വാസകോശ രോഗത്തിനുള്ള മരുന്നുകള് എന്നിവയ്ക്കു വില കുറയുന്നത് രോഗികള്ക്കു വലിയ ആശ്വാസമാകും. മരുന്നുകളുടെ ജിഎസ്ടി 12 ശതമാനത്തില്നിന്ന് അഞ്ചു ശതമാനമായിട്ടാണ് കുറച്ചത്. മെഡിക്കല് ഉത്പന്നങ്ങളുടെ ജിഎസ്ടി 18 ശതമാനത്തില്നിന്ന് അഞ്ചു ശതമാനമാക്കി. കാന്സര് രോഗത്തിനുള്ള 33 മരുന്നുകളുടെയും പരിശോധന കിറ്റുകളുടെയും ജിഎസ്ടി എടുത്തുകളഞ്ഞതും രോഗികള്ക്ക് വലിയ ആശ്വാസമാണ്. ആയുര്വേദ, യുനാനി, ഹോമിയോമരുന്നുകള്ക്കു പുറമെ വെറ്ററിനറി മരുന്നുകളുടെയും നികുതി അഞ്ചു ശതമാനമായി കുറയും. പക്ഷിമൃഗപരിപാലകര്ക്ക് ഇത് വലിയ ആശ്വാസമായി. മുമ്പ് വെറ്റിറിനറി മരുന്നുകള്ക്ക് വലിയ വിലയായിരുന്നു. തെര്മോ മീറ്റര്, ഗ്ലൂക്കോമീറ്റര്, ടെസ്റ്റ് സ്ട്രിപ്പുകള് ഉള്പ്പെടെ രോഗനിര്ണയ ഉപകരണ വിലയിലും കുറവു വരും.…
Read Moreജിഎസ്ടി പരിഷ്കരണം; മരുന്നിൽ വലിയ ആശ്വാസം; വിജിലന്സുമായി ചേര്ന്ന് ഡ്രഗ്സ് കണ്ട്രോള് വിഭാഗത്തിന്റെ പരിശോധന
