തൊടുപുഴ: മലയോര ജില്ലയായ ഇടുക്കിയിൽ നിന്നും മികച്ച ഫുട്ബോൾ താരങ്ങളെ വാർത്തെടുക്കാൻ വെങ്ങല്ലൂർ അച്ചൻകവലയിൽ ഒരുക്കുന്ന പരിശീലന മൈതാനം നിർമാണത്തിന്റെ അവസാന ഘട്ടത്തിൽ. മുന്പും എൻ.പി. പ്രദീപിനെപോലെയുള്ള മികച്ച താരങ്ങൾ ഫുട്ബോൾ രംഗത്ത് ഉദയം ചെയ്തെങ്കിലും നല്ലൊരു കളിക്കളമില്ലാത്തതിന്റെ കുറവ് ഇവരുടെ പരിശീലനത്തിനു തടസമായിരുന്നു. ഇതിനു പരിഹാരമെന്ന നിലയിൽ സ്പോർട്സ് ആന്റ് ഗെയിംസ് വെൽഫെയർ അസോസിയേഷനാണ് മൈതാന നിർമാണത്തിനു നേതൃത്വം നൽകിയത്. മുൻ സന്തോഷ് ട്രോഫി താരവും അസോസിയേഷൻ സെക്രട്ടറിയുമായ പി.സലിംകുട്ടിയുടെ ഏറെ നാളത്തെ പരിശ്രമമാണ് ഇതോടെ സഫലമാകുന്നത്. ജില്ലയുടെ പ്രവേശന കവാടമായ അച്ചൻകവലയ്ക്കും വെങ്ങല്ലൂരിനുമിടയിൽ 2.10 ഏക്കറിലാണ് ഫുട്ബോൾ മൈതാനം യാഥാർഥ്യമാകുന്നത്. 100 മീറ്റർ നീളത്തിലും 60 മീറ്റർ വീതിയിലുമാണ് ഇതിന്റെ നിർമാണം. അഞ്ചു വയസു മുതൽ 15 വരെ പ്രായമുള്ള കുട്ടികൾക്ക് ഇവിടെ പരിശീലനം നൽകാനാണ് ലക്ഷ്യമിടുന്നത്. ഇവർക്ക് മികച്ച പരിശീലനം നൽകുന്നതിലൂടെ രാജ്യാന്തര…
Read Moreഅച്ചൻകവല മാടിവിളിക്കുന്നു! ഫുട്ബോൾ താരങ്ങളുടെ സ്വപ്നം സഫലമാകുന്നു
