കോഴിക്കോട്: വടകരയിലെ സ്വതന്ത്ര സ്ഥാനാർഥിയും മുൻ സിപിഎം നേതാവുമായിരുന്ന സി.ഒ.ടി നസീറിനെ ആക്രമിച്ച് പരിക്കേൽപ്പിച്ച സംഭവത്തിൽ പി. ജയരാജനെതിരേ കെ. മുരളീധരൻ. നസീറിനെതിരായ ആക്രമണം ഗൗരവമേറിയതെന്നും ജയരാജന്റെ അറിവോടെയാണ് ആക്രമണം നടന്നിരിക്കുന്നതെന്നും മുരളീധരൻ പറഞ്ഞു. സിപിഎം നേതാക്കളുടെ പർദ്ദ പരാമർശത്തിനെതിരേയും മുരളീധരൻ രംഗത്തെത്തി. പര്ദ ധരിച്ചെത്തുന്നവരെ വോട്ട് ചെയ്യിക്കരുതെന്ന സിപിഎം നേതാക്കളുടെ പ്രസ്താവന അപലപനീയം. പർദ ധരിക്കരുതെന്ന് സംഘികൾ പോലും പറയില്ല. ചുവപ്പിൽ കാവി കലരുന്നുവെന്നും മുരളീധരൻ പരിഹസിച്ചു.
Read MoreCategory: Kozhikode
ലോട്ടറി ഏജന്റിന്റെ വീടിന്റെ ഗൃഹ പ്രവേശനത്തിന് ഭാഗ്യക്കുറി ടിക്കറ്റ് മാതൃകയിൽ വേറിട്ടൊരു ക്ഷണക്കത്ത്
വടകര: ഗൃഹപ്രവേശനത്തിനു ഭാഗ്യക്കുറി ടിക്കറ്റ് മാതൃകയിൽ വേറിട്ടൊരു ക്ഷണക്കത്ത് തയാറാക്കി ലോട്ടറി ഏജന്റ്. പതിയാരക്കരയിലെ സി.ടി.കെ.സജിത്താണ് ഏവരേയും ആകർഷിക്കുന്ന ക്ഷണക്കത്ത് തയാറാക്കിയിരിക്കുന്നത്. പാലയാട്ട്നടയിൽ മണിയൂർ ഹൈസ്കൂളിനു സമീപം കണാരചെട്ട്യാന്റ പറന്പിൽ നിർമിച്ച തേജാവർണം എന്ന വീടിന്റെ പ്രവേശന ചടങ്ങ് ജൂണ് ഒന്പതിനാണെന്ന് അറിയിച്ചുള്ള ക്ഷണക്കത്ത് പൂർണമായും കേരള ഭാഗ്യക്കുറി മാതൃകയിലാണ്. ഒറ്റനോട്ടത്തിൽ നാലു കോടി രൂപയുടെ സമ്മാനം നിശ്ചയിച്ച ടിക്കറ്റാണെന്നേ തോന്നൂ. നാല് കോടി എന്നു വലുതായി എഴുതിയിട്ടുണ്ടെങ്കിലും അതിനോടൊപ്പം അത്രയും സ്നേഹാശംസകളോടെ എന്നു ചേർത്തിരിക്കുന്നു. ബാർ കോഡിനു മീതെ ടിക്കറ്റ് നന്പറിന്റെ സ്ഥാനത്ത് സജിത്തിന്റെ ഫോണ് നന്പറാണ് നൽകിയിരിക്കുന്നത്. മറക്കാതിരിക്കാൻ സേവ് ദി ഡേറ്റ് എന്നും രേഖപ്പെടുത്തിയിട്ടുണ്ട്. ഗൃഹപ്രവേശനത്തോടനുബന്ധിച്ച് ഒരുക്കുന്ന സ്നേഹവിരുന്നിൽ താങ്കളെ കുടുംബ സമേതം ക്ഷണിക്കുന്നുവെന്നും ഇതിലുണ്ട്. കേരള ലോട്ടറി ടിക്കറ്റാണെന്നു തോന്നിപ്പിക്കുന്ന ചേരുവകളെല്ലാം ഇതിൽ ചേർത്തിരിക്കുന്നു. ചോറോട് കൈനാട്ടിയിൽ ലോട്ടറി സ്റ്റാളുള്ള സജിത്ത്…
Read Moreമദ്യലഹരിയില് വീട്ടമ്മയെ അപമാനിച്ച കേസില് പ്രതി അറസ്റ്റില്; ലോക്കപ്പില് തലയിടിച്ച് പൊട്ടിച്ച് പ്രതിയുടെ പരാക്രമം
നാദാപുരം: മദ്യലഹരിയില് വീട്ടില് കയറി അസംഭ്യം പറയുകയും വീട്ടമ്മയെ മാനഹാനിപ്പെടുത്തുകയും ചെയ്ത കേസില് പ്രതി അറസ്റ്റില്. കല്ലാച്ചി പെരുവങ്കര സ്വദേശി ചങ്ങരം കണ്ടിയില് കുമാരന് (62)നെയാണ് നാദാപുരം പോലീസ് അറസ്റ്റ് ചെയ്തത്. കസ്റ്റഡിയിലെടുത്ത പ്രതി ലോക്കപ്പില് തലയിടിച്ച് പരിക്കേല്പ്പിച്ച് പരിഭ്രാന്തി പരത്തി.കഴിഞ്ഞ ദിവസമാണ് പ്രതി മദ്യപിച്ച് ലക്ക് കെട്ട് വീടിന് സമീപത്തെ വീട്ടില് കയറി അറുപത് കാരിയെ അസംഭ്യം പറയുകയും മാനഹാനി വരുത്തിയതായും പരാതി ലഭിച്ചത്. തുടര്ന്ന് വ്യാഴാഴ്ച രാത്രിയോടെ പ്രതിയെ പോലീസ് കസ്റ്റഡിയിലെടുത്ത് അറസ്റ്റ് രേഖപ്പെടുത്തി. അതേസമയം അറസ്റ്റ് ചെയ്ത് ലോക്കപ്പിലിട്ട പ്രതി രാത്രി പന്ത്രണ്ടരയോടെ ലോക്കപ്പിന്റെ ഗ്രില്ലില് തലയിടിച്ച് സ്വയം പരിക്കേല്പ്പിച്ചു .തലയ്ക്ക് പരിക്കേറ്റ കുമാരനെ നാദാപുരം ഗവ ആശുപത്രിയില് ചികിത്സ നല്കി.നാദാപുരം കോടതിയില് ഹാജരാക്കിയ പ്രതിയെ രണ്ടാഴ്ച്ചത്തേക്ക് റിമാൻഡ് ചെയ്തു.
Read Moreകോഴിക്കോട് മെഡിക്കൽകോളജില് ചികിത്സയ്ക്കിടെ രോഗി മരിച്ചു;ചികിത്സാപിഴവ് മൂലമെന്ന് ബന്ധുക്കള് ; അന്വേഷിക്കാന് പ്രത്യേകസമിതി
കോഴിക്കോട്: മെഡിക്കല് കോളജില് ശസ്ത്രക്രിയയ്ക്ക് വിധേയനായ രോഗി ചികിത്സാ പിഴവ് മൂലം മരിച്ചെന്ന് ആരോപണം. ചേമഞ്ചേരി തൂവക്കോട് കൊയമ്പുറത്ത് താഴം ബൈജു (38) ആണ് ഇന്ന് പുലര്ച്ചെ മൂന്നോടെ മരിച്ചത്. ചികിത്സാ പിഴവ് ആരോപിച്ച് ബന്ധുക്കള് മൃതദേഹം പോസ്റ്റ്മോര്ട്ടത്തിന് വിട്ടു നല്കാത്തത് ഏറെ പ്രതിഷേധത്തിനിടയാക്കി. തുടര്ന്ന് ആര്ഡിഒ സ്ഥലത്തെത്തി ബന്ധുക്കളുമായി സംസാരിച്ച ശേഷമാണ് പോസ്റ്റ്മോര്ട്ടം നടപടികള് ആരംഭിച്ചത്. സംഭവത്തെ കുറിച്ച് എട്ടംഗ സമിതി അന്വേഷിക്കാനും തീരുമാനമായി. നാല് ഡോക്ടര്മാരും രണ്ട് പൊതുപ്രവര്ത്തകരും രണ്ട് ബന്ധുക്കളുമാണ് സമിതിയിലുള്ളത്. കഴിഞ്ഞ ഏപ്രില് ഒന്പതിനാണ് പിത്താശയക്കല്ല് നീക്കം ചെയ്യാന് ശസ്ത്രക്രിയക്കായി ബൈജുവിനെ മെഡിക്കല്കോളജ് ആശുപത്രിയില് പ്രവേശിപ്പിച്ചത്. തുടര്ന്ന് ഏപ്രില് 13ന് താക്കോല് ദ്വാര ശസ്ത്രക്രിയയിലൂടെ പിത്താശയത്തിലെ കല്ല് നീക്കം ചെയ്തു. രണ്ട് ദിവസത്തിനകം ആശുപത്രി വിടാമെന്നും ഡോക്ടര്മാര് അറിയിച്ചു. എന്നാല് ഒരാഴ്ച കഴിഞ്ഞപ്പോഴേക്കും രോഗി ഗുരുതരാവസ്ഥയിലായി. ശസ്ത്രക്രിയയ്ക്ക് ശേഷം പിത്താശയത്തിലെ നീര്…
Read Moreമത്സ്യബന്ധനത്തെ ചൊല്ലിയുള്ള സംഘർഷത്തിൽ മത്സ്യത്തൊഴിലാളി മരിച്ച സംഭവം; 19 വർഷത്തിന് ശേഷം പിടികിട്ടാപ്പുള്ളികൾ പിടിയിൽ
തിരൂർ: പടിഞ്ഞാറേക്കരയിൽ നിന്നു തമിഴ്നാട് കുളച്ചൽ സ്വദേശികൾ കടലിൽ പോയി മീൻ പിടിക്കുന്നതുമായി ബന്ധപ്പെട്ടുണ്ടായ സംഘർഷത്തിൽ തിരൂർ കൂട്ടായി സ്വദേശി മരിച്ച കേസിൽ കോടതി പിടികിട്ടാപ്പുള്ളികളായി പ്രഖ്യാപിച്ച രണ്ടു പേർ പിടിയിൽ. പൊന്നാനി സ്വദേശികളായ ഈസ്പാനകത്ത് റഹീം (40), ആലിമാക്കാനകത്ത് ഹംസ (58) എന്നിവരാണ് പിടിയിലായത്. 2000ത്തിലാണ് കേസിനാസ്പദമായ സംഭവം.തമിഴ്നാട് സ്വദേശികൾ മത്സ്യബന്ധനം നടത്തുന്നതുമായി ബന്ധപ്പെട്ടു ഇരു പ്രദേശവാസികൾ ചേരിതിരിഞ്ഞു തർക്കം ഉണ്ടാവുകയായിരുന്നു. തുടർന്ന് പൊന്നാനിയിൽ നിന്നു ഒരു സംഘം ആളുകൾ പടിഞ്ഞാറേക്കരയിൽ വരികയും കുളച്ചൽ സ്വദേശികളും കൂട്ടായി സ്വദേശികളുമായി സംഘർഷം ഉണ്ടാവുകയും സംഘർഷത്തിൽ കൂട്ടായി സ്വദേശി ഹമീദ് മരണപ്പെടുകയും ചെയ്തു. കേസിൽ കോടതി പിടികിട്ടാപുള്ളികളായി പ്രഖ്യാപിച്ച പ്രതികളിൽ രണ്ടു പേരെ പൊന്നാനി ഹാർബറിൽ നിന്നു തിരൂർ സർക്കിൾ ഇൻസ്പെക്ടർ പത്മരാജൻ, എസ്.ഐ കെ.കെ ജിനേഷ് എന്നിവരുടെ നേതൃത്വത്തിലുള്ള സംഘം ഇന്നലെ ഉച്ചയോടെയാണ് അറസ്റ്റ് ചെയ്തത്. പ്രതികൾക്കെതിരെ…
Read Moreഅധ്യാപകൻ വിദ്യാർഥികളുടെ പരീക്ഷ എഴുതിയ സംഭവം; യൂത്ത് ലീഗിന്റെ പ്രതിഷേധ മാർച്ചിൽ നിന്നും വിട്ടുനിന്ന സെക്രട്ടറിക്ക് സസ്പെൻഷൻ
മുക്കം : നീലേശ്വരം ഗവ: ഹയർ സെക്കന്ഡറി സ്കൂളിൽ അധ്യാപകൻ വിദ്യാർഥികളുടെ പരീക്ഷ എഴുതിയ സംഭവത്തിൽ യൂത്ത് ലീഗ് നിയോജക മണ്ഡലം കമ്മിറ്റി നടത്തിയ മാർച്ചിൽ നിന്ന് വിട്ടു നിന്ന യൂത്ത് ലീഗ് നേതാവിനെതിരെ നടപടി. പാർട്ടി അച്ചടക്കം ലംഘിച്ചതായി ആരോപിച്ച് അന്വേഷണ വിധേയമായി പാർട്ടിയുടെ പ്രാഥമികാംഗത്വത്തിൽ നിന്ന് നഗരസഭ യൂത്ത് ലീഗ് ജനറൽ സെക്രട്ടറി എം.കെ.യാസറിനെ സസ്പെന്റ് ചെയ്യുകയായിരുന്നു. യുത്ത് ലീഗ് സംസ്ഥാന കമ്മിറ്റിയാണ് അച്ചടക്ക നടപടിയെടുത്തത്. അതേ സമയം മാർച്ചിൽ നിന്ന് വിട്ടു നിന്ന മറ്റ് 20 ഓളം പ്രവർത്തകർക്കെതിരെ നടപടി സ്വീകരിച്ചിട്ടില്ല. കഴിഞ്ഞ ദിവസം മുക്കം എഇഒ ഓഫീസിലേക്ക് നടത്തിയ മാർച്ചിൽ നിന്നാണ് യൂത്ത് ലീഗ് നഗരസഭ സെക്രട്ടറി എം.കെ.യാസറിന്റെ നേതൃത്വത്തിൽ ഒരു വിഭാഗം പ്രവർത്തകർ വിട്ടുനിന്നത്. സംഭവത്തിൽ അധ്യാപകരെ സസ്പെന്റ് ചെയ്യുകയും വിദ്യാഭ്യസ വകുപ്പ് അന്വേഷണം നടത്തുകയും ചെയ്യുന്ന സാഹചര്യത്തിൽ നടത്തിയ…
Read Moreവളർത്തുനായയെ റോഡിൽ തള്ളി മുങ്ങിയ യുവാക്കൾ അറസ്റ്റിൽ; നായയെ റോഡിലുപേക്ഷിക്കാനുള്ള കാരണത്തെക്കുറിച്ച് യുവാക്കൾ പറയുന്നതിങ്ങനെ…
നാദാപുരം: വളർത്തുനായയെ കാറിൽ കൊണ്ട് വന്ന് റോഡിലുപേക്ഷിച്ച് മുങ്ങിയ യുവാക്കൾ അറസ്റ്റിൽ. പുറമേരി പഞ്ചായത്തിലെ അരൂർ സ്വദേശികളായ മൂന്ന് യുവാക്കളെയാണ് നാദാപുരം പോലീസ് അറസ്റ്റ് ചെയ്തത്. ബുധനാഴ്ച്ച രാത്രി ഒമ്പത് മണിയോടെയാണ് അരൂർ മാണിക്കോത്ത് മുക്കിൽ കെ എൽ 18 എം 1847 നമ്പർ വാഗണർ കാറിലെത്തിയ സംഘം ജർമ്മൻ ഷപ്പേഡ് ഇനത്തിൽപ്പെട്ട നായയെ കാറിൽ നിന്ന് റോഡിലിറക്കി വിടുകയും കാർ അതിവേഗതയിൽ ഓടിച്ച് പോയത്. നായ കാറിന് പിന്നാലെ ഓടിയതോടെ സംഭവം നാട്ടുകാരുടെ ശ്രദ്ധയിൽ പെട്ടു. ഇതിനിടെ നായയെ ഇടിച്ച് സ്ക്കൂട്ടർ യാത്രക്കാരൻ അപകടത്തിൽപ്പെട്ട് പരിക്കേൽക്കുകയും ചെയ്തു. നാട്ടുകാർ കാറിന്റെ നമ്പർ സഹിതം പോലീസിൽ പരാതിപ്പെട്ടതോടെ പോലീസെത്തി കാർ യാത്രക്കാരെയും പട്ടിയുടെ ഉടമസ്ഥനെയും, ഇവർ സഞ്ചരിച്ച കാറും കസ്റ്റഡിയിലെടുത്ത് സ്റ്റേഷനിലെത്തിച്ചു. അരൂരിലും പരിസരങ്ങളിലും ഭീതി പരത്തി ഓടിയ നായയെ വ്യാഴാഴ്ച്ച ഉച്ചയോടെ പിടിച്ച് കെട്ടിയതോടെയാണ് നാട്ടുകാർക്ക്…
Read Moreനിരോധനം കാറ്റില്പറത്തി മിഠായിത്തെരുവില് തെരുവുകച്ചവടം പൊടിപൊടിക്കുന്നു
കോഴിക്കോട്: കോഴിക്കോട് മിഠായിത്തെരുവില് വിലക്കുകള് ലംഘിച്ചും തെരുവോരകച്ചവടം തകൃതി. മിഠായിത്തെരുവിലേക്ക് പ്രവേശിക്കുന്നതിന് സമീപത്തായിതന്നെയാണ് തെരുവോരകച്ചവടവും പൊടിപൊടിക്കുന്നത്. ഇതുകാരണം കാല് നടയാത്രപോലും ബുദ്ധിമുട്ടാകുന്ന അവസ്ഥയാണ്. റമദാന് കാലമായതോടെ മിഠായിത്തെരുവില് തിരക്കേറുകയാണ്. ഈ ഒരു അവസരത്തിലാണ് തെരുവോരകച്ചവടവുമായി പലരും രംഗത്തെത്തിയിരിക്കുന്നത്. മിഠായിത്തെരുവ് നവീകരണ വേളയില് തന്നെ തെരുവിലൂടെയുള്ള വാഹന നിരോധനവും ഫൂട്ട് പാത്തിലെ തെരുവ് കച്ചവടവും കര്ശനമായി നിരോധിച്ചിരുന്നു. തെരുവ് കച്ചവടക്കാര്ക്കായി പ്രത്യേകസ്ഥലങ്ങളും ഏര്പ്പെടുത്തിയിരുന്നു. ഇതിനിടെയാണ് കടകള്ക്ക് മുന്നില് തന്നെയുള്ള തെരുവുകച്ചവടം. ഇതിനെതിരേ വ്യാപാരികളില് ഒരു വിഭാഗം രംഗത്തെത്തിയിട്ടുണ്ട്.
Read Moreനോമ്പുകാലവും ചില്ലറക്ഷാമവും ;യാത്രക്കാര്കുറവ്: ബസ് സര്വീസുകള്ക്ക് പ്രതിസന്ധിയുടെ ബെല്ലടി
സ്വന്തംലേഖകന് കോഴിക്കോട്: കൊടും ചൂടും നോമ്പുകാലവും ആള്ക്ഷാമവുംമൂലം സിറ്റിബസുകള് ‘കാലി’യായിഓടുന്നു.വരുമാനമില്ലാത്തതിനാല് ബസുകള്ഇടക്കിടെ ട്രിപ്പുകള്മുടക്കുന്നതും പതിവായി.സ്വതവേ തിരക്കേറിയ മെഡിക്കല്കോളജ്റൂട്ടുകളില്പോലും പലപ്പോഴും യാത്രക്കാരില്ലാത്തഅവസ്ഥ. തിരക്കേറേണ്ട രാവിലെയും വൈകുന്നേരവും യാത്രക്കാരുടെ എണ്ണം വളരെ കുറവാണെന്ന്ബസ്ഓപ്പറേറ്റേഴ്സ് അസോസിയേഷന് ഭാരവാഹികളും പറയുന്നു. മെഡിക്കൽ കോളജ്, വെള്ളിമാടുകുന്ന്, ഫറോക്ക്, ബേപ്പൂർ, ചെറുകുളം, കുണ്ടുപറന്പ്, പുതിയാപ്പ, വെസ്റ്റ്ഹിൽ, പന്തീരാങ്കാവ്, തുടങ്ങി സിറ്റി ബസുകളിൽ വൈകുന്നേരങ്ങളിൽ പോലും യാത്രക്കാർ കുറവാണ്. ഇതരസംസ്ഥാന തൊഴിലാളികൾകൂടി ഇല്ലായിരുന്നെങ്കിൽ എന്നേ സർവീസ് നിർത്തിവച്ചേനെയെന്ന് ബസ്ജീവനക്കാർ പറയുന്നു. കഴിഞ്ഞദിവസം സിവിൽസ്റ്റേഷൻ വഴിയുള്ള മെഡിക്കൽ കോളജ് ബസ് മൂന്നു യാത്രക്കാരുമായാണ് നഗരത്തിൽനിന്ന് പുറപ്പെട്ടത്. ചില്ലറക്ഷാമവും ഇതുമൂലം യാത്രക്കാരുമായി ഉണ്ടാകുന്ന ചെറിയ വാക്കേറ്റങ്ങളും പ്രതിസന്ധി സൃഷ്ടിക്കുന്നുണ്ട് . വിദ്യാർഥികളില്ലാത്തതിനാൽ ഒന്നും-രണ്ടും രൂപാ നാണായങ്ങൾ കണികാണാനില്ല. എട്ടുരൂപയുടെ മിനിമം ചാർജ് ടിക്കറ്റെടുത്താൽ ബാക്കി കൊടുക്കുന്നതുമായി ബന്ധപ്പെട്ടാണ് തർക്കങ്ങൾ ഉടലെടുക്കുക. പലബസുകളിലും ഓട്ടോമാറ്റിക് ഡോര്സംവിധാനത്തിലേക്ക് മാറിയതിനാല് ക്ലീനറെ വയ്ക്കാറില്ല. മുന്വശത്തെ…
Read Moreപട്ടയപ്രശനം; വില്ലേജ് ഓഫീസിനു മുന്നിലെ പാപ്പച്ചന്റെ സമരത്തിന് തീരുമാനമായി; പ്രശ്നത്തിന് പരിഹാരമുണ്ടാക്കാമെന്ന് തഹസില്ദാര് തീരുമാനം എഴുതി നല്കി
പേരാമ്പ്ര: സ്വന്തം സ്ഥലത്തിനു പൂര്ണ്ണമായി പട്ടയം അനുവദിക്കണമെന്ന ആവശ്യമുന്നയിച്ചു മുതുകാട്ടിലെ വളയത്ത് പാപ്പച്ചന് എന്ന വി. ജോസഫ് ചക്കിട്ടപാറ വില്ലേജ് ഓഫീസിനു മുമ്പില് നടത്തിയ കുത്തിയിരിപ്പു സമരം അവസാനിപ്പിച്ചു. പ്രശ്നം തീര്ന്നില്ലെങ്കില് ഇന്നലെ വൈകീട്ടു അഞ്ചു മണിക്കു സ്വയം പെട്രോളൊഴിച്ചു ജീവത്യാഗം ചെയ്യുമെന്നു പ്രഖ്യാപിച്ചാണു സമരം തുടങ്ങിയത്. ജില്ലാ കളക്ടറുടെ നിര്ദ്ദേശാനുസരണം കൊയിലാണ്ടി തഹസില്ദാര് ബി.പി അനി, ഡപ്യൂട്ടി തഹസില്ദാര് എ. സുനീഷ് കുമാര് എന്നിവര് ഉച്ചകഴിഞ്ഞ് രണ്ടരയോടെ സ്ഥലത്തെത്തി പാപ്പച്ചനുമായി ചര്ച്ച നടത്തി. വര്ഷങ്ങളായി ഉദ്യോഗസ്ഥരും സര്ക്കാരുകളും ന്യായമായ ആവശ്യങ്ങള് നടപ്പാക്കാതെ പാവപ്പെട്ടവരെ സ്ഥിരമായി വിഷമിപ്പിക്കുന്ന കാര്യം പാപ്പച്ചന് തഹസില്ദാരുടെ മുമ്പില് നിരത്തി. രോഗിയായ ഭാര്യയും ശയ്യാവലംബിയും ബുദ്ധിമാന്ദ്യവുമുള്ള മകളുമാണു കൂടെയുള്ളത്. സാമ്പത്തികമായി കുടുംബം തകര്ന്നു നില്ക്കുകയാണ്. കൈവശഭൂമിയുടെ രേഖകള് നേരെയാക്കി സ്ഥലം വിറ്റ് സുരക്ഷിത ജീവിതത്തിനു വേണ്ടിയാണു സ്ഥലത്തിനു പട്ടയം വേണമെന്നു പറയാൻ കാരണമെന്നു…
Read More