തിരൂരങ്ങാടി: വോട്ടർ സ്ലിപ്പുകളിൽ ഡിവൈഎഫ്ഐ ലാൻഡ് മാർക്ക് കണ്ടെത്തിയതിനെ തുടർന്നു വിവാദം. തിരൂരങ്ങാടി നിയോജക മണ്ഡലത്തിലെ നന്നന്പ്ര പഞ്ചായത്ത് കാളംതിരുത്തി ബൂത്തിൽ വിതരണം ചെയ്ത സ്ലിപ്പുകളിലാണ് ഡിവൈഎഫ്ഐ ലാൻഡ് മാർക്കുള്ളത്. ഇതു ശ്രദ്ധയിൽപ്പെട്ടതിനെ തുടർന്നു യുഡിഎഫ് നേതൃത്വം തെരഞ്ഞെടുപ്പ് കമ്മീഷനു പരാതി നൽകി. സംഭവത്തിൽ കളക്ടർ റിപ്പോർട്ട് ആവശ്യപ്പെട്ടു. കാളംതിരുത്തി പ്രദേശത്തെ 93ാം നന്പർ ബൂത്തിൽ വിതരണം ചെയ്ത സ്ലിപ്പുകളിലാണ് പോളിംഗ് സ്റ്റേഷനു പുറമെ ഡിവൈഎഫ്ഐ ചീർപ്പിങ്ങൽ എന്നു രേഖപ്പെടുത്തിയിരിക്കുന്നത്. കാളംതിരുത്തി പ്രദേശത്തെ ബൂത്ത് മദ്രസയിലാണെന്നിരിക്കെ ലൊക്കേഷൻ മാപ്പിൽ ഡിവൈഎഫ്ഐ എന്നു രേഖപ്പെടുത്തിയതു വോട്ട് മറിക്കാനാണെന്നു യുഡിഎഫ് നേതൃത്വം ആരോപിച്ചു. വെള്ളിയാഴ്ച്ച ഉച്ചയോടെ ബൂത്ത് ലവൽ ഓഫീസർ പ്രദേശത്തെ എല്ലാ വീടുകളിലും ഈ സ്ലിപ്പ് വിതരണം ചെയ്തിരുന്നു. സ്ലിപ്പിൽ രേഖപ്പെടുത്തിയത് മുഴുവൻ പരിശോധിച്ചപ്പോഴാണ് ഡിവൈഎഫ്ഐ ചീർപ്പിങ്ങൽ എന്നു രേഖപ്പെടുത്തിയത് ശ്രദ്ധയിൽപ്പെട്ടത്. ഇത്തരത്തിൽ രേഖപ്പെടുത്തിയിടത്തു മറ്റൊന്നും രേഖപ്പെടുത്തിയിട്ടില്ലെന്നതിനാൽ സ്ലിപ്പ്…
Read MoreCategory: Kozhikode
മാവോയിസ്റ്റ് ഭീഷണി; ബൂത്തുകളിൽ ജില്ലാ കളക്ടർ സന്ദർശനം നടത്തി
നാദാപുരം: ലോക് സഭാ തിരഞ്ഞെടുപ്പിൽ മാവോയിസ്റ്റ് ഭീഷണി നിലനിൽക്കുന്ന വളയം പോലീസ് സ്റ്റേഷൻ പരിധിയിൽ പെട്ട ബൂത്തുകളിൽ ജില്ലാ കളക്ടറും, ഉന്നത പോലീസ് ഉദ്യോഗസ്ഥരും സന്ദർശനം നടത്തി. വളയം കണ്ടി വാതുക്കൽ ഗവ വെൽഫയർ സ്ക്കൂൾ, വിലങ്ങാട് സെന്റ് ജോർജ് ഹൈസ്ക്കൂൾ എന്നിവിടങ്ങളിലാണ് ജില്ലാ കളക്ടർ എസ്.സാംബശിവറാവു, ജില്ലാ പോലീസ് മേധാവി യു. അബ്ദുൾ കരീം, ആന്റി നക്സൽ സ്ക്വാഡിലെ അംഗങ്ങൾ എന്നിവർ സന്ദർശനം നടത്തിയത്. കണ്ണൂർ ജില്ലയിലെ കണ്ണവം വന മേഖലയോട് ചേർന്ന് കിടക്കുന്ന കണ്ടി വാതുക്കൽ സ്ക്കൂൾ മാവോയിസ്റ്റ് ഭീഷണി നില നിൽക്കുന്ന പ്രദേശമാണ്.സ്കൂളിൽ ഒരു ബൂത്ത് മാത്രമാണ് ഉള്ളത്. വിലങ്ങാട് സെന്റ് ജോർജ് ഹൈസ്ക്കൂളിലെ നാല് ബൂത്തുകളും മാവോവാദി ഭീഷണി നിലനിൽക്കുന്ന ബൂത്തുകളാണ്. കണ്ടി വാതുക്കൽ ഉൾപെടെയുള്ള അഞ്ച് ബൂത്തുകളിലും തിരഞ്ഞെടുപ്പ് സുരക്ഷക്കായി തണ്ടർ ബോൾട്ടിനെയും, ഇന്തോ ടിബറ്റർ ബോർഡർ പോലീസ് സേനാംഗങ്ങളെയും…
Read Moreതെരഞ്ഞെടുപ്പ്; എക്സൈസ് ജാഗ്രതയിൽ, 46 കുപ്പി മദ്യവുമായി യുവാവ് പിടിയിൽ
വടകര: തെരഞ്ഞെടുപ്പ് പ്രമാണിച്ച് മാഹിയിൽ നിന്നു മദ്യക്കടത്ത് വർധിക്കാനുള്ള സാധ്യത കണക്കിലെടുത്ത് എക്സൈസ് ജാഗ്രതയിൽ. 46 കുപ്പി മദ്യവുമായി ഒരാളെ പിടികൂടി.കോഴിക്കോട് മാവൂരിൽ ചെറൂപ്പ അത്തിക്കോട് മീത്തൽ രാകേഷിനെയാണ് (26) അറസ്റ്റ് ചെയ്തത്. കെടിഎം ഡ്യൂക്ക് ടൂവീലറിൽ കടത്തിയ മദ്യവുമായി പോവുന്പോൾ എക്സൈസ് കൈകാണിച്ചെങ്കിലും നിർത്തിയില്ല. പിന്തുടർന്നു പിടികൂടുകയായിരുന്നു. വടകര എക്സൈസ് റേഞ്ചിലെ പ്രിവന്റീവ് ഓഫീസർ കെ.എം.സോമസുന്ദരന്റെ നേതൃത്വത്തിൽ പ്രിവന്റീവ് ഓഫീസർ എം.ഹാരിസ്, സിവിൽ എക്സൈസ് ഓഫീസർമാരായ രാജേഷ് കുമാർ, ഉനൈസ്, സനു, ഷിജിൻ, സന്ദീപ്, രഞ്ജിനി എന്നിവർ റെയിഡിൽ പങ്കെടുത്തു. കോഴിക്കോട് ഐബിയിലെ പ്രിവന്റീവ് ഓഫീസർ റിമേഷിന് ലഭിച്ച രഹസ്യ വിവരത്തിന്റെ അടിസ്ഥാനത്തിലാണ് വാഹന പരിശോധന നടത്തിയത്. പ്രതിയെ കോടതി വടകര സബ് ജയിലിൽ റിമാന്റ് ചെയ്തു.
Read Moreദൈവത്തിന്റെ മുന്നിലും കോടതിക്ക് മുന്നിലും താൻ കുറ്റക്കാരനാവില്ല; വിധി എതിരായാൽ പൊതുപ്രവർത്തനം അവസാനിപ്പിക്കുമെന്ന് പി.എസ്. ശ്രീധരൻപിള്ള
കോഴിക്കോട്: തനിക്കെതിരായ കേസിന് പിന്നിൽ വൻ ഗൂഢാലോചന നടന്നിട്ടുണ്ടെന്ന് ബിജെപി സംസ്ഥാന പ്രസിഡന്റ് പി.എസ്. ശ്രീധരൻപിള്ള. ഉന്നത സിപിഎം നേതാക്കളും, തെരഞ്ഞെടുപ്പ് ഉദ്യോഗസ്ഥനും ഇതിനു പിന്നിലുണ്ട്. കേസിനെ നിയമപരമായും രാഷ്ട്രീയപരമായും നേരിടുമെന്നും അദ്ദേഹം ആരോപിച്ചു. ആറ്റിങ്ങലിൽ നടത്തിയ മുസ്ലിംവിരുദ്ധ പ്രസംഗവുമായി ബന്ധപ്പെട്ടാണു ശ്രീധരൻപിള്ളയ്ക്കെതിരേ കേസെടുത്തത്. എന്നാൽ പ്രസംഗത്തിൽ മതസ്പർധ വളർത്തുന്ന ഒരു വാക്ക് പോലും ഇല്ലെന്ന് ബിജെപി അധ്യക്ഷൻ പറഞ്ഞു. ഒരു മതത്തെ കുറിച്ചും പരാമർശമില്ല. ദൈവത്തിന്റെ മുന്നിലും കോടതിക്ക് മുന്നിലും താൻ കുറ്റക്കാരനാവില്ലെന്നും അദ്ദേഹം പറഞ്ഞു. കേസിൽ കോടതി വിധി എതിരായാൽ പൊതുപ്രവർത്തനം അവസാനിപ്പിക്കും. എന്നാൽ ആരോപണം തെറ്റെന്ന് തെളിഞ്ഞാൽ പരാതി നൽകിയ വി.ശിവൻകുട്ടി പൊതുപ്രവർത്തനം അവസാനിപ്പിക്കുമോയെന്നും ശ്രീധരൻപിള്ള ചോദിച്ചു.
Read Moreശ്രീധന്യയ്ക്കും കുടുംബത്തിനുമൊപ്പം ഉച്ചഭക്ഷണം കഴിച്ച് രാഹുൽഗാന്ധി
സുൽത്താൻ ബത്തേരി: തെരഞ്ഞെടുപ്പു പ്രചാരണത്തിനു ബത്തേരിയിലെത്തിയ രാഹുൽ ഗാന്ധി ഉച്ചഭക്ഷണം കഴിച്ചത് സിവിൽ സർവീസ് പരീക്ഷയിൽ 410-ാം റാങ്ക് നേടിയ പൊഴുതനയിലെ പട്ടികവർഗ യുവതി ശ്രീധന്യയ്ക്കൊപ്പം. സെന്റ് മേരീസ് കോളജിലെ വിശാലമായ മുറികളിൽ ഒന്നിലായിരുന്നു രാഹുലിനു ഉച്ചയൂണ്. കോണ്ഗ്രസ് നേതാക്കളും ശ്രീധന്യയും കുടുംബാംഗങ്ങളും അടക്കം 12 പേരാണ് രാഹുലിനൊപ്പം ഉച്ചഭക്ഷണത്തിനിരുന്നത്. ചപ്പാത്തിയും ചോറും പായസവും അടങ്ങിയ സദ്യയാണ് അതിഥികൾക്കായി സംഘാടകർ ഒരുക്കിയത്. വയനാട്ടിലെ കുറിച്യ സമുദായത്തിൽനിന്നുള്ള ആദ്യ സിവിൽ സർവീസ് പരീക്ഷാ വിജയിയാണ് ശ്രീധന്യ. പരീക്ഷയിൽ ശ്രീധന്യ മികച്ച വിജയം നേടിയതു അറിഞ്ഞയുടൻ ഉപഹാരം വീട്ടിലെത്തിച്ചുനൽകാൻ രാഹുൽ ഗാന്ധി ഡിസിസി പ്രസിഡന്റ് ഐ.സി. ബാലകൃഷ്ണനെ ചുമതലപ്പെടുത്തിയിരുന്നു. രാഹുൽ നിർദേശിച്ചതിനുസരിച്ച് കോണ്ഗ്രസ് നേതാക്കൾ ക്ഷണിച്ചതിനെത്തുടർന്നാണ് ശ്രീധന്യ കുടുംബാംഗങ്ങൾക്കൊപ്പം ബത്തേരിയിലെത്തിയത്. ഉൗണിനിടെ രാഹുൽഗാന്ധി ശ്രീധന്യയുമായി ദേശീയ, അന്തർദേശീയ വിഷയങ്ങൾ ചർച്ചചെയ്തു. തന്റെ ജീവിത സാഹചര്യങ്ങളെക്കുറിച്ച് വിശദീകരിച്ച ശ്രീധന്യ ഭാവിയെക്കുറിച്ചുള്ള പ്രതീക്ഷകളും…
Read Moreവേനൽ മഴ: വാഴക്കർഷകർക്ക് “കണ്ണീർ മഴ’; 10 ലക്ഷം രൂപയുടെ നാശം സംഭവിച്ചതായി കർഷകർ
മുക്കം : കഴിഞ്ഞ ദിവസമുണ്ടായ ശക്തമായ കാറ്റിലും മഴയിലും, വ്യപക കൃഷിനാശം.വേനൽ മഴയോടൊപ്പം ഉണ്ടായ ശക്തമായ കാറ്റിലാണ് പുൽപറമ്പ് ഭാഗത്ത് ആയിരകണക്കിന് വാഴകൾ ഒടിഞ്ഞ് വീണത്. കുലച്ച് പാകമാവാറായ വാഴകളാണ് മിക്ക ഇടങ്ങളിലും നശിച്ച് പോയത് .റംസാൻ വിപണി ലക്ഷ്യം വെച്ച് കൃഷി ചെയ്ത വാഴകൾ നശിച്ചത് കർഷകരെദുരിതത്തിലാഴ്ത്തിയിരിക്കുകയാണ്. ഈ പ്രദേശത്ത് മാത്രം 10 ലക്ഷം രൂപയുടെ കൃഷി നാശം ഉണ്ടായിട്ടുണ്ടെന്നാണ് കർഷകരുടെ വിലയിരുത്തൽ. 2000 ത്തോളം വാഴകളാണ് പല കർഷകരുടേതുമായി നശിച്ചത് . അബ്ദുല്ല പുൽപറമ്പിൽ,പറമ്പിൽ സമദ് , അത്തിക്കോട്ടുമ്മൽ അബുബക്കർ ,പാമ്പാട്ടുമ്മൽ അബ്ദുല്ല, കുറുമ്പ്ര മഹ്മൂദ്, ബഷീർ, മുഹമ്മദ് മണി മുണ്ടയിൽ, റഷീദ് പറമ്പാടുമ്മൽ ,പെരുവാട്ടിൽ ഷഫീഖ്, ബാബു പൊറ്റശ്ശേരി ,റഷീദ് ബംഗ്ലവിൽ ,കുഞ്ഞാമു അമ്പലത്തിങ്ങൽ ,കുട്ടൻ തുടങ്ങിയവരുടെ വാഴകൃഷിയാണ് കുടുതലായി നശിച്ചിട്ടുള്ളത് .
Read Moreഅവസാനലാപ്പില് പ്രവര്ത്തകര് കൂട്ടത്തോടെ തലസ്ഥാനത്തേക്കും പത്തനംതിട്ടയിലേക്കും; വിജയസാധ്യതയുള്ള മണ്ഡലങ്ങളില് ക്ലൈമാക്സ് ‘പൊളിക്കാന്’ ബിജെപി
സ്വന്തം ലേഖകന് കോഴിക്കോട്: തെരഞ്ഞെടുപ്പ് പ്രചാരണം അവസാനലാപ്പില് എത്തിയതോടെ വിജയസാധ്യതയുള്ള മണ്ഡലങ്ങളിലേക്ക് മാത്രം കൂടുതല് ശ്രദ്ധകേന്ദ്രീകരിച്ച് ബിജെപി. ഈ മണ്ഡലങ്ങളിലേക്ക് മറ്റിടങ്ങളില് നിന്നും കൂടുതല് പ്രവര്ത്തകരെ എത്തിച്ച് പ്രചാരണം കൊഴുപ്പിക്കാനാണ് ശ്രമം. പത്തനംതിട്ട, തിരുവനന്തപുരം, തൃശൂര് എന്നിവിടങ്ങളിലെ കൊട്ടികലാശവും മറ്റു പ്രവര്ത്തനങ്ങളും വന് പ്രവര്ത്തകപങ്കാളിത്തത്തോടെ ഊര്ജിതമാക്കാനാണ് തീരുമാനം. കേരളത്തില് നിന്നും അഞ്ചുസീറ്റ് വരെ നേടാന് കഴിയുമെന്ന് കഴിഞ്ഞദിവസം കേരളത്തില് എത്തിയ അമിത്ഷാ പറഞ്ഞത് സംസ്ഥാന നേതൃത്വം നല്കിയ കണക്കുപ്രകാരമാണ്. ഈ മണ്ഡലങ്ങള്ക്കൊപ്പം പാലക്കാടും ആറ്റിങ്ങലും ബിജെപി ശക്തമായ മുന്നേറ്റം പ്രതീക്ഷിക്കുന്നു. ശക്തിയുള്ള മണ്ഡലങ്ങളില് വര്ധിത വീര്യത്തോടെ പൊരുതുകയും വലിയ സാധ്യത ഇല്ലാത്തമണ്ഡലങ്ങളില് അതിനനുസരിച്ച് പ്രവര്ത്തിക്കുകയും ചെയ്യുക എന്നതാണ് ലൈന് . കോഴിക്കോടും വടകരയിലും സിപിഎമ്മിന്റെ പരാജയം ഉറപ്പാക്കാന് സംഘപരിവാര് നിര്ദേശമുള്ളതായാണ് പ്രവര്ത്തകരില് നിന്നും ലഭിക്കുന്ന വിവരം. പി.ജയരാജനും എ. പ്രദീപ് കുമാറും ഒരിക്കലും വിജയിച്ചുവരുന്ന സാഹചര്യം ഉണ്ടാകരുതെന്നും…
Read Moreമുന്നറിയിപ്പുമായി കേരള പോലീസ് ; അപകടങ്ങള് വര്ധിക്കുന്നു; കിണറിലിറങ്ങുമ്പോള് സൂക്ഷിക്കൂ…
സ്വന്തം ലേഖകന് കോഴിക്കോട്: കിണറ്റിലിറങ്ങുമ്പോൾ സൂക്ഷിക്കണമെന്ന മുന്നറിയിപ്പുമായി കേരളപോലീസ്. വേനലിൽ കുടിവെള്ളക്ഷാമം രൂക്ഷമായതോടെ പലരും മതിയായ മുന്നൊരുക്കമില്ലാതെ കിണർ വൃത്തിയാക്കാനിറങ്ങുകയും അപകടം സംഭവിക്കുകയും ചെയ്യുന്നു. കിണര് അപകടമരണങ്ങള് നാൾക്കുനാള് വര്ധിച്ചുവരുന്ന സാഹചര്യത്തിലാണ് ബോധവത്കരണവുമായി കേരള പോലീസ് രംഗത്തെത്തിയത്. മുന്കരുതലുകള് ഇല്ലാതെ കിണറ്റില് ഇറങ്ങുന്നതും അപകട സാധ്യതയെക്കുറിച്ചുള്ള അജ്ഞതയുമാണ് മിക്ക ദുരന്തങ്ങള്ക്കും കാരണമെന്ന് പോലീസ് പറയുന്നു. കയറും തൊട്ടിയും ഉപയോഗിച്ച് കിണറ്റില്നിന്ന് വെള്ളം കോരുന്നതിനുപകരം മോട്ടോറുകള് സ്ഥാപിച്ച് ജലം പമ്പുചെയ്യാന് തുടങ്ങിയതോടെയാണ് കിണറുകള്ക്കുള്ളില് ശുദ്ധവായുവിനു പകരം വിഷവാതകം നിറയാന് തുടങ്ങിയത്. ദിവസവും വെള്ളം കോരുന്ന കിണറ്റില് തൊട്ടി മുകളിലേക്കും താഴേക്കും ചലിക്കുന്നതിനാല് വായുസഞ്ചാരം സ്ഥിരമായി നിലനില്ക്കുകയും ഓക്സിജന്റെ സാന്നിധ്യം ഉണ്ടാവുകയും ചെയ്യും. എന്നാല് ഒരു ചലനവുമില്ലാത്ത കിണറ്റില് ഭൂമിക്കടിയില്നിന്ന് ഉണ്ടാകുന്ന വിഷവാതകങ്ങള് പുറത്തുപോകാതെ തങ്ങിനില്ക്കും. ഇതാണു കിണറ്റിലിറങ്ങുന്നവര് ഓക്സിജന് ലഭിക്കാതെ അപകടത്തിൽപ്പെടാന് കാരണം. ഇറങ്ങുന്നതിനു മുമ്പായി ഓക്സിജന് സാന്നിധ്യം…
Read Moreവിഷ്ണുമംഗലം പുഴ വറ്റി; ഏഴ് പഞ്ചായത്തുകളിൽ ജലവിതരണം നിലച്ചു
നാദാപുരം: വിഷ്ണുമംഗലം പുഴ പൂര്ണ്ണമായി വറ്റി വരണ്ടു. വടകര ബീച്ച് ഭാഗത്തേക്കും ഒഞ്ചിയം, ഏറാമല, പുറമേരി,അഴിയൂര് ഉള്പ്പെടെ വിവധ ഭാഗങ്ങളിലേക്കുള്ള ജല വിതരണം നിലച്ചു. ചൊവ്വാഴ്ച്ച ചുരുങ്ങിയ സമയം മാത്രമേ പമ്പിംഗ് നടന്നുള്ളൂ. പുഴയില് ജല വിതാനം കുറഞ്ഞ് തുടങ്ങിയതോടെ മാസങ്ങള്ക്ക് മുമ്പ് തന്നെ പുഴയിലെ ബണ്ട് അടച്ചിരുന്നു. ചൂട് ശക്തമായതോടെ വെള്ളം പെട്ടെന്ന് കുറയുകയായിരുന്നു. വേനല് മഴ ലഭിച്ചില്ലെങ്കില് സ്ഥിതി ഗുരുതരമാകും. പുഴയ്ക്ക് സമീപമുള്ള കിണറുകളും വറ്റി തുടങ്ങി. പമ്പ് ഹൗസ് പരിസരത്തെ ചെളി മാറ്റിയിരുന്നെങ്കില് കുറേ വെള്ളം സംഭരിക്കാന് കഴിയുമായിരുന്നു. പുഴയിലെ ചെളി നീക്കാന് സര്ക്കാര് ഒരു കോടി അനുവദിച്ചിരുന്നെങ്കിലും അതിന്റെ നടപടി ക്രമങ്ങൾ എവിടെയുമെത്തിയിട്ടില്ല. അധികൃതരെത്തി പരിശോധിക്കുകയും എസ്റ്റിമേറ്റ് കണക്കാക്കുകയും ചെയ്തിരുന്നു. ചെളിയെടുക്കുന്നത് സംബന്ധിച്ച് ജനങ്ങളില് നിന്ന് ചില അഭിപ്രായങ്ങള് ഉയര്ന്നിരുന്നു. അത് സംബന്ധിച്ച് ഒരു തീരുമാനവുമായില്ല. ഇനി മഴ ലഭിച്ചാല് ചെളിയെടുക്കാന്…
Read Moreമുക്കത്തും പരിസര പ്രദേശങ്ങളിലും ആവേശം പ്രചരണ ബോര്ഡുകള് നശിപ്പിക്കുന്നതിലേക്ക്…
മുക്കം: മുക്കത്തും പരിസര പ്രദേശങ്ങളിലും പ്രചരണ ബോര്ഡുകള് വ്യാപകമായി നശിപ്പിക്കുന്നതായി പരാതി. വയനാട് മണ്ഡലം എല്ഡിഎഫ് സ്ഥാനാര്ഥി പി.പി.സുനീറിന്റെ തിരഞ്ഞെടുപ്പു പ്രചരണാര്ത്ഥം പ്രവര്ത്തകര് സ്ഥാപിച്ച ബോര്ഡുകള് പോസ്റ്ററുകള് കൊടിതോരണങ്ങള് തുടങ്ങിയ പ്രചരണ സാമഗ്രികള് കാരശേരി പഞ്ചായത്തിന്റെ വിവിധ ഭാഗങ്ങളില് കഴിഞ്ഞ ദിവസം നശിപ്പിച്ചു. വയനാട് മണ്ഡലത്തില്പ്പെട്ട കാരശേരിയില് രാഹുല് ഗാന്ധിയുടെ തിരഞ്ഞെടുപ്പ് പ്രചരണത്തിന് യുഡിഎഫ്143-ാം നവര് ബൂത്ത് കമ്മറ്റിയുടെ നേതൃത്വത്തില് സ്ഥാപിച്ച നിരവധി ബോര്ഡുകളും ബാനറുകളും കീറി നശിപ്പിച്ചു. ഇരുമുന്നണികളും പരാതിയുമായി രംഗത്തെത്തിയതോടെ ഇവിടങ്ങളില് പോലീസ് പരിശോധന കര്ശനമാക്കി. കാരമൂല, കളരിക്കണ്ടി ഭാഗങ്ങളിലാണ് എല്ഡിഎഫ് ബോര്ഡുകള് വ്യാപകമായി നശിപ്പിക്കപ്പെട്ടത്.പ്രചരണ പ്രവര്ത്തനങ്ങളില് ഏറെ മുന്നേറിക്കഴിഞ്ഞ എല്ഡിഎഫിന്റെ ശൈലിയില് അസൂയാലുക്കളായവരാണ് പ്രകോപനവും സംഘര്ഷവും സൃഷ്ടിച്ച് മുതലെടുപ്പ് നടത്താന് ശ്രമിക്കുന്നതെന്ന് എല്ഡിഎഫ് ഭാരവാഹികള് പറഞ്ഞു. കഴിഞ്ഞ തിരഞ്ഞെടുപ്പിനോടനുബന്ധിച്ചും കാര മൂലയില് യുഡിഎഫ് മനഃപൂര്വ്വം സംഘര്ഷവും സംഘട്ടനവും സൃഷ്ടിച്ച് മുതലെടുപ്പിന് ശ്രമിച്ചിരുന്നതായും മുന്കരുതല്…
Read More