പെരിന്തൽമണ്ണ: ശബരിമലയിൽ സന്ദർശനം നടത്തിയ കനകദുർഗ കനത്ത പോലീസ് കാവലിൽ ജോലിയിൽ പ്രവേശിച്ചു. സപ്ലൈകോയുടെ അങ്ങാടിപ്പുറത്തുള്ള താലൂക്ക് ഡിപ്പോയിലാണ് ഇവർ ജോലിക്കെത്തിയത്. ശബരിമല സന്ദർശനത്തിനു ശേഷം ആദ്യമായാണ് ഇവർ ജോലിക്കെത്തുന്നത്. ഇതുവരെ ആനമങ്ങാട് മാവേലി സ്റ്റോറിലാണ് അസി.സെയിൽസ് വിമൻ ആയി ജോലി ചെയ്തിരുന്നത്. എന്നാൽ പ്രതിഷേധ സാധ്യത കണക്കിലെടുത്തു ഇവരെ അങ്ങാടിപ്പുറത്തേക്കു മാറ്റുകയായിരുന്നു. അസി.സെയിൽസ്വുമണ് തസ്തികയിൽ നിലവിൽ താലൂക്ക് ഡിപ്പോയിൽ ഒഴിവില്ല. എന്നാൽ പ്രത്യേക സാഹചര്യം കണക്കിലെടുത്തു ഇവരെ ജോലിക്കു പ്രവേശിപ്പിക്കുകയായിരുന്നു. ഓഫീസിനു പുറത്ത് വൈകിട്ട് ജോലി കഴിയുന്നതുവരെ പോലീസ് കാവൽ നിന്നു. വൈകിട്ട് പോലീസ് സുരക്ഷയിൽത്തന്നെ പെരിന്തൽമണ്ണയിലെ സംരക്ഷണ കേന്ദ്രത്തിലെത്തിച്ചു. ഭർതൃവീട്ടിൽ പ്രവേശിപ്പിക്കണമെന്നും കുട്ടികളോടൊപ്പം കഴിയാൻ സാഹചര്യം വേണമെന്നുമാവശ്യപ്പെട്ട് കനകദുർഗ നൽകിയ ഹർജി പുലാമന്തോൾ ഗ്രാമന്യായാലയം നാലിനു പരിഗണിക്കും.
Read MoreCategory: Kozhikode
വിജിലന്സ് കേസില് പ്രതിയായ ഉദ്യോഗസ്ഥന് അതേ പഞ്ചായത്തില് വീണ്ടും നിയമനം; ചിലകരാറുകാരുടെ താൽപര്യമാണ് നിയമനത്തിന് പിന്നിലെന്ന് ആരോപണം
നാദാപുരം: വാണിമേല് ഗ്രാമപഞ്ചായത്തില് ഓവര്സിയറായിരിക്കെ വിജിലന്സ് കേസില് പ്രതിയായ ഉദ്യോഗസ്ഥനെ അതേ പഞ്ചായത്തില് വീണ്ടും ഓവര്സിയറായി നിയമിച്ചത് വിവാദമാകുന്നു.പഞ്ചായത്തില് ഫസ്റ്റ് ഗ്രേഡ് ഓവര്സിയറായി ആറ് വര്ഷക്കാലം ജോലി ചെയ്യുകയും രണ്ട് വിജിലന്സ് കേസില് രണ്ടാം പ്രതിയായി നിയമ നടപടികള് നേരിടുകയും ചെയ്യുന്ന പ്രസന്നകുമാറിനെയാണ് വീണ്ടും ഓവര്സിയറായി നിയമനം നടത്തിയത്. കഴിഞ്ഞ നവംബര് 13 നാണ് ചീഫ് എന്ജിനീയര് ഇത് സംബന്ധിച്ച് ഉത്തരവ് പുറപ്പെടുവിച്ചത്.2014-15 കാലയളവില് പഞ്ചായത്തിലെ കൂളിക്കുന്ന് അംഗന് വാടിയുടെ നിര്മാണ പ്രവര്ത്തനത്തിലും,ചിറ്റാരിയില് വോളിബോള് കോര്ട്ട് നിര്മ്മിച്ചതുമായി ബന്ധപ്പെട്ട കേസിലും രണ്ടാം പ്രതിയാണ് പ്രസന്നകുമാര്. കോഴിക്കോട് വിജിലന്സ് സംഘം മേല് നിര്മാണ പ്രവര്ത്തനങ്ങളില് ക്യുക്ക് വെരിഫിക്കേഷന് നടത്തി ചെയ്യാത്ത പ്രവൃത്തികള്ക്കായി ഫണ്ട് കൈപ്പറ്റിയതായി കണ്ടെത്തിയിരുന്നു. ഓവര്സിയര്ക്കെതിരെ നാട്ടുകാരുടെ ഭാഗത്ത് നിന്നും നിരവധി പരാതികള് ഇതേ കാലത്ത് ഉയര്ന്നിരുന്നു.കേസില് ഉള്പ്പെട്ടതിനെ തുടര്ന്ന് സര്ക്കാര് ഇയാളുടെ പ്രമോഷന് ഉള്പ്പെടെയുള്ളവ തടയുകയും…
Read Moreതെരഞ്ഞെടുപ്പുതന്ത്രവുമായി ബിജെപി; ആയുഷ്മാന് ഭാരതിനായി കത്തുകള് “പറക്കുന്നു’; വികസനനേട്ടങ്ങള് വീടുകളിലേക്ക്
കോഴിക്കോട്: തെരഞ്ഞെടുപ്പ് അടുത്തതോടെ കേന്ദ്രസര്ക്കാരിന്റെ വികസന നേട്ടങ്ങളുമായികത്തുകള് വീടുകളില് എത്തിക്കാന് ബിജെപി. നിലവില് ബിജെപിയ്ക്ക് വലിയ വേരോട്ടം ഇല്ലാത്ത സംസ്ഥാനങ്ങളില് പ്രത്യേകം പ്രവര്ത്തനം നടത്താനാണ് തീരുമാനം. ഇതില് ഏറ്റവും കൂടുതല് ശ്രദ്ധകേന്ദ്രീകരിക്കുന്നത് ആരോഗ്യ ഇന്ഷൂറന്സ് പദ്ധതിയായ ആയുഷ്മാന് ഭാരതിന്റെയും പിഎംജെഎവൈയുടെയും പേരിലാണ്. ഇതുമായി ബന്ധപ്പെട്ട പ്രവര്ത്തനങ്ങള് താഴെതട്ടിലെത്തിക്കാന് സംസ്ഥാന നേതാക്കള്ക്ക് നിര്ദേശം നല്കികഴിഞ്ഞു. ഏപ്രില് ഒന്നുമുതല് ആരംഭിക്കാനിരിക്കുന്ന പദ്ധതിയില് നിങ്ങളെയും കുടുംബത്തെയും ഉള്പ്പെടുത്തിയിരിക്കുന്നുവെന്ന് അറിയിച്ചുകൊണ്ട് മോഡിയുടെ ബഹുവര്ണ ചിത്രത്തോടെ ഇതിനകം കത്ത് അയച്ചുതുടങ്ങിയിട്ടുണ്ട്. എന്ഡിഎ സര്ക്കാര് നടപ്പിലാക്കിയ മറ്റുപദ്ധതികളും കത്തില് വിവരിക്കുന്നു. തപാല് വകുപ്പ് മുഖേനയാണ് ആയുഷ്മാന് ഭാരതിന്റെ പ്രചാരണം നടക്കുന്നത്. പോസ്റ്റ് ഓഫീസ് വഴി എത്ര കത്ത് അയക്കുന്ന എന്ന കാര്യവും അന്വേഷിക്കുന്നുണ്ട്. പ്രവര്ത്തകര് വീടുകള് കയറി ഇറങ്ങി പദ്ധതികളെകുറിച്ച് വിവരിക്കുന്നതിന് പകരമായി സര്ക്കാറ സംവിധാനത്തെ തന്നെ പൂര്ണമായും ഇതിനായി ഉപയോഗിക്കാന് തന്നെയാണ് തീരുമാനം. നേരത്തെ…
Read Moreസത്യചന്ദ്രന് പൊയില്ക്കാവിനെതിരായ പരാമര്ശം; നടന് ശ്രീനിവാസന് കോടതിയില്
കൊയിലാണ്ടി: കഥയുമായി ബന്ധപ്പെട്ട കേസില് നടനും സംവിധായകനുമായ ശ്രീനിവാസന് കൊയിലാണ്ടി കോടതിയില് ഹാജരായി. സത്യചന്ദ്രന് പൊയില്ക്കാവിനെ ഒരു അഭിമുഖത്തില് അപമാനിച്ചു എന്നാരോപിച്ച് നല്കിയ കേസിലാണ്ശ്രീനിവാസന് കൊയിലാണ്ടി കോടതിയില് ഹാജരായത്. 2007ല് ആണ് ഇത് സംബന്ധിച്ച് കേസ് നല്കിയത്. “കഥ പറയുമ്പോള്’ എന്ന സിനിമയുടെ കഥ സത്യചന്ദ്രന്റെതാണെന്നായിരുന്നു അവകാശവാദം. ഇത് സംബന്ധിച്ച് ഒരു സിനിമാ വാരികയിയ്ക്ക്നല്കിയ അഭിമുഖത്തിലാണ് മാനസിക രോഗിയായ വ്യക്തിയാണ് അവകാശവാദം ഉന്നയിക്കുന്നതെന്ന് ശ്രീനിവാസന് പറഞ്ഞത്. ഇന്നലെ ഉച്ചയ്ക്കാണ് ശ്രീനിവാസന് കോടതിയില് എത്തി മൊഴി നല്കിയത്. വാരികയുടെ എഡിറ്ററും ഇന്നലെ കോടതിയില് ഹാജരായി.
Read Moreഅടച്ചുപൂട്ടാനിരിക്കുന്ന വിദ്യാലയത്തിനു ചുറ്റുമതിൽ; ഒഴിഞ്ഞുപോകുന്ന ആദിവാസി കോളനിയിലേക്കു റോഡ്..! നൂൽപ്പുഴ പഞ്ചായത്തിലെ ധനദുർവിനിയോഗം വിവാദത്തിൽ
കൽപ്പറ്റ: അടച്ചുപൂട്ടാനിരിക്കുന്ന വിദ്യാലയത്തിനു ചുറ്റുമതിലും ഒഴിഞ്ഞുപോകാൻ കുടുംബങ്ങൾ തയാറെടുക്കുന്ന ആദിവാസി കോളനിയിലേക്കു റോഡും നിർമിച്ചു ധനദുർവിനിയോഗം. സ്വയംസന്നദ്ധ പുനരധിവാസ പദ്ധതി നിർവഹണം അന്തിമഘട്ടത്തിലെത്തിയ ചെട്ട്യാലത്തൂർ വനഗ്രാമത്തിൽ നൂൽപ്പുഴ പഞ്ചായത്താണ് ധനദുർവിനിയോഗം നടത്തുന്നത്. ജനോപകാരപ്രദമാകില്ലെന്നു ആളുകൾ ചൂണ്ടിക്കാട്ടിയിട്ടും പ്രവൃത്തികളുമായി മുന്നോട്ടുപോകുകയാണ് പഞ്ചായത്ത്. വയനാട് വന്യജീവി സങ്കേതത്തിൽ മുത്തങ്ങ റേഞ്ചിലാണ് ചെട്ട്യാലത്തൂർ. സ്വയംസന്നദ്ധ പുനരധിവാസ പദ്ധതിയിൽ ഉൾപ്പെട്ട ഗ്രാമത്തിലെ 100 കുടുംബങ്ങൾ കുടിയൊഴിഞ്ഞു. 40 ആദിവാസി കുടുംബങ്ങളുടെ പുനരധിവസം ഫെബ്രുവരി അവസാനത്തോടെ പൂർത്തിയാകും. പുനരധിവാസ പദ്ധതിയിൽ ഉൾപ്പെടാത്ത പൊതുവിഭാഗത്തിൽപ്പെട്ട അഞ്ചും പ്രാക്തനഗോത്ര വിഭാഗത്തിൽപ്പെട്ട 20ൽ താഴെ കാട്ടുനായ്ക്ക കുടുംബങ്ങളുമാണ് ഗ്രാമത്തിലുള്ളത്. ഇവരെ വനത്തിനു പുറത്തേക്കു മാറ്റുന്നതിനുള്ള പാക്കേജും സർക്കാർ തയാറാക്കി വരികയാണ്. ചെട്ട്യാലത്തൂരിലെ ഗവ.എൽപി സ്കൂളിൽ രജിസ്റ്റർ പ്രകാരം 19 കുട്ടികളാണ് നിലവിൽ. അഞ്ച് അധ്യാപകരും രണ്ട് അനധ്യാപക ജീവനക്കാരും വിദ്യാലയത്തിലുണ്ട്. മുഴുവൻ കുടുംബങ്ങളും ഗ്രാമം വിടുന്നതോടെ സ്കൂളിൽ പഠിതാക്കൾ…
Read Moreബൈക്കില് പിന്നില് ഇരിക്കുന്ന സ്ത്രീകള് ശ്രദ്ധിക്കൂ.. .ഒരു നിമിഷത്തെ അശ്രദ്ധയെക്കുറിച്ച് ഓർമിപ്പിച്ച് കേരള പോലീസ്
കോഴിക്കോട്: ഒരു നിമിഷത്തെ അശ്രദ്ധ ഒരു പക്ഷേ എത്തിക്കുന്നത് വലിയ ദുരന്തത്തിലേക്കായിരിക്കാം…ഇരുചക്രവാഹനങ്ങളില് യാത്രചെയ്യുമ്പോള് പിന്നിലിരുന്നു യാത്രചെയ്യുന്ന സ്ത്രീകളുടെ സുരക്ഷയും ഉറപ്പുവരത്തണമെന്ന് നിര്ദേശിക്കുകയാണ് കേരള പോലീസ്. ‘ഭര്ത്താവിനോടൊപ്പം യാത്ര ചെയ്ത യുവതിയുടെ ഷാള് ബൈക്കിന്റെ ചക്രത്തില് കുരുങ്ങി ദാരുണാന്ത്യം എന്ന വാര്ത്ത നമ്മള് ഇടയ്ക്കിടെ മാധ്യമങ്ങളില് കാണാറുണ്ട്. യാത്ര തിരിക്കുന്നതിന് മുന്പ് ഒരു ചെറിയ മുന്കരുതല് എടുക്കുന്നതില് അശ്രദ്ധ കാണിക്കുന്നതിന്റെ ഫലമാണ് ഇത്തരം അപകടങ്ങള് എന്ന് പോലീസ് ഫേസ് ബുക്ക് പേജില് ചൂണ്ടിക്കാട്ടുന്നു. ഇരുചക്രവാഹനങ്ങളില് യാത്ര ചെയ്യുമ്പോള് പിന്നിലിരുന്ന് യാത്ര ചെയ്യുന്ന സ്ത്രീകളുടെ സാരിയും ചുരിദാര് ഷാളും അലസമായി നീട്ടിയിടാതിരിക്കാന് ശ്രദ്ധിക്കുക.സാരിയുടെയോ ഷാളിന്റെയോ അറ്റം പിന്ചക്രത്തില് കുരുങ്ങി അപകടങ്ങള് ഉണ്ടാകുന്ന സംഭവങ്ങള് ആവര്ത്തിക്കുകയാണ്. കഴുത്തില് ഷാള് ചുറ്റിക്കെട്ടിയിടാതിരിക്കുക. അബദ്ധത്തില് എവിടെയെങ്കിലും കുരുങ്ങിയാല് അപകടം ദാരുണമായിരിക്കും. യാത്ര തുടങ്ങുന്നതിന് മുമ്പ് ഈവക മുന്കരുതലുകള് ഉറപ്പു വരുത്തുക. യാത്രക്കിടയിലും ശ്രദ്ധിക്കണമെന്ന് പോലീസ്…
Read Moreചെറുവണ്ണൂര് സ്റ്റീല് കോംപ്ലക്സ് അടച്ചുപൂട്ടല് ഭീഷണിയില് ; സര്ക്കാര് പ്രഖ്യാപനം നടപ്പിലായില്ല
കോഴിക്കോട്: ചെറുവണ്ണൂര് സെയില് എസ് സി എല് കേരള ലിമിറ്റഡ്(ചെറുവണ്ണൂര് സ്റ്റീല് കേംപ്ലക്സ്) അടച്ചുപൂട്ടല് ഭീഷണിയില് . നഷ്ടത്തിലായ കമ്പിനിയെ കരകയറ്റുന്നതിനായി പൊതുമരാമത്ത് വകുപ്പിന്റെ പ്രവൃത്തികള്ക്ക് ഇവിടെ ഉല്പാദിപ്പിക്കുന്ന വാര്ക്ക കമ്പികള് വാങ്ങുമെന്ന് സര്ക്കാര് 2018ല് ഉത്തരവിറക്കിയിരുന്നു. കഴിഞ്ഞ ജൂണില് മുഖ്യമന്ത്രിയുടെ നേതൃത്വത്തില് യോഗം വിളിച്ചതല്ലാതെ ഒരു നടപടിയും ഇതുമായി ബന്ധപ്പെട്ട് ഉണ്ടായിട്ടില്ല. കേന്ദ്രം പ്രഖ്യാപിച്ച സാമ്പത്തിക സഹായവും പാസാക്കാന് നടപടിയാകാത്തതോടെ കമ്പിനി അടച്ചുപൂട്ടുമെന്ന കടുത്ത ആശങ്കയിലാണ് തൊഴിലാളികള്. 2017 മുതല് സ്റ്റീല് കോംപ്ലക്സിന് സാമ്പത്തിക സഹായങ്ങള് നല്കേണ്ടെന്ന നിലപാടിലാണ് സെയില്. ഇതോടെ സെയില്- എസ് സി എല് സംയുക്ത സംരംഭം തന്നെ ഇല്ലാതാവുമെന്ന ആശങ്കകളാണ് ഉയരുന്നത്. വ്യവസായ വകുപ്പും പൊതുമരാമത്തും കേന്ദ്രസര്ക്കാരും തമ്മിലുള്ള വടംവലിയുടെ ഇടയില് കിടന്ന് ശ്വാസം മുട്ടുകയാണ് 65 ലധികം സ്ഥിരം തൊഴിലാളികളും മറ്റു താല്കാലിക തൊഴിലാളികളും. കമ്പിനിയോടുള്ള കേന്ദ്രസംസ്ഥാന സര്ക്കാരുകളുടെ അവഗണനകള്ക്കെതിരെ…
Read Moreഭീഷണിപ്പെടുത്തി പണവും ആഭരണങ്ങളും കവര്ച്ച നടത്തുന്ന അഞ്ചംഗസംഘം പിടിയിൽ; മലപ്പുറം, കോഴിക്കോട് ജില്ലകളില് നിരവധി കവര്ച്ചകള് പ്രതികൾ നടത്തിയതായി പോലീസ്
സ്വന്തം ലേഖകന് കോഴിക്കോട്: ഭീഷണിപ്പെടുത്തി പണവും ആഭരണങ്ങളും കവര്ച്ച നടത്തുന്ന അഞ്ചംഗസംഘം പിടിയിലായതോടെ നിരവധികേസുകള്ക്ക് തുമ്പാകും. മാനാഞ്ചിറ കേന്ദ്രീകരിച്ചു പ്രവര്ത്തിച്ച് സ്വവര്ഗരതിക്കായി ആളുകളെ വിളിച്ചുവരുത്തയാണ് പണം കവരുന്നത്. കോട്ടപറമ്പിനു സമീപത്തെ ലോഡ്ജുകള് കേന്ദ്രീകരിച്ചാണ് ഇവരുടെ പ്രവര്ത്തനം. പ്രതികളെ ചോദ്യം ചെയ്തതില് നിന്ന് സ്ഥിരമായി ഇത്തരത്തില് കവര്ച്ച നടത്താറുണ്ടെന്ന് പോലീസിന് വ്യക്തമായി. തിരൂര് സ്വദേശി ഷെഫീഖാണ് ആളുകളെ പ്രലോഭിപ്പിച്ച് കെണിയില് വീഴ്ത്തുന്നത്. കോഴിക്കോട്, വഴിക്കടവ്, താനൂര് , കുറ്റിപ്പുറം എന്നിവിടങ്ങളില് നിന്നെല്ലാം സമാനമായ രീതിയില് കവര്ച്ച നടത്തിയിട്ടുണ്ടെന്ന് പ്രതികള് മൊഴി നല്കി. നിരവധിപേര് ഇവരുടെ വലയില് കുരുങ്ങിയിട്ടുണ്ട്. നിരവധിപേരെ ഹോട്ടല് റൂമില് വിളിച്ചു വരുത്തുകയും പിന്നീട് സദാചാര ഗുണ്ടകളായി എത്തി ഭീഷണിപ്പെടുത്തി പണം വാങ്ങാറുണ്ടെന്നും പോലീസ് പറഞ്ഞു. പലരും മാനഹാനി ഭയന്നാണ് പരാതി നല്കാത്തത്. മലപ്പുറം സ്വദേശികളായ തിരൂര് വാണിയന്നൂര് അമ്പയത്ത് വീട്ടില് ഷെഫീഖ് (19) , തിരൂര്…
Read Moreസാമ്പാർ തെറിച്ച് കുട്ടിക്ക് പൊള്ളലേറ്റ സംഭവം; സ്കൂളിനെതിരെ പ്രതിഷേധം വ്യാപകമാകുന്നു
വടകര: അഴിയൂർ പഞ്ചായത്തിലെ കല്ലാമല യുപി സ്കൂളിൽ മൂന്നാം ക്ലാസുകാരന്റെ ദേഹത്ത് ചൂടുള്ള സാന്പാർ തെറിച്ച് പൊള്ളലേറ്റ സംഭവത്തിൽ സ്കൂൾ അധികൃതർക്കെതിരെ പ്രതിഷേധം. ഉത്തരവാദപ്പെട്ടവർക്കെതിരെ നടപടി വേണമെന്ന ആവശ്യം ഉയർന്നു. ഭക്ഷണ പദാർഥങ്ങൾ കുട്ടികൾ ചുമക്കുന്നത് വിദ്യാലയങ്ങളിൽ വ്യാപകമാണെന്ന് കല്ലാമല യുപിയിലെ സംഭവം വ്യക്തമാക്കുന്നു. ചൂടേറിയ സാന്പാറാണ് കൊച്ചുകുട്ടിയായ മൂന്നാം ക്ലാസുകാരനെ ചുമക്കാൻ ഏൽപിച്ചത്. മുകളിലത്തെ നിലയിലേക്ക് കൊണ്ടുപോവുന്പോൾ സാന്പാർ തെറിച്ച് ദേഹത്ത് പൊള്ളലേൽക്കുകയായിരുന്നു. ചെവിക്കും നെഞ്ചിനും കഴുത്തിനുമാണ് പൊള്ളലേറ്റത്. വലതുകൈക്കും പൊള്ളലേറ്റു. യഥേഷ്ടം അധ്യാപകരുള്ള വിദ്യാലയത്തിലാണ് ഇത്തരമൊരു സംഭവം. കുട്ടിയെ കോഴിക്കോട് സ്വകാര്യ ആശുപത്രിയിൽ പ്രവേശിപ്പിക്കുകയും ചികിത്സക്കു ശേഷം വീട്ടിൽ എത്തിക്കുകയും ചെയ്തിരിക്കുകയാണ്. പ്രശ്നം പുറത്തറിയാതിരിക്കാൻ സ്കൂൾ അധികൃതർ പരമാവധി ശ്രമിച്ചു. ഇക്കാരണത്താൽ ഉത്തരവാദപ്പെട്ടവർക്ക് പരാതി നൽകാൻ വൈകി. എങ്കിലും പിന്നീട് ചൈൽഡ് ലൈൻ അധികൃതർക്കു പരാതി കിട്ടി. റവല്യൂഷണറി യൂത്ത് ചോന്പാല എഇഒവിനു പരാതി…
Read Moreമായംചേർക്കലിൽനിന്ന് രക്ഷപ്പെടാൻ ഹോട്ടലുടമകൾ; സ്വന്തം പരിശോധനാ സംവിധാനം ഏർപ്പെടുത്തണമെന്ന് എം.കെ.രാഘവൻ എംപി
കോഴിക്കോട്: മായംചേർത്ത ഭക്ഷ്യപദാർഥങ്ങൾ വിൽക്കുന്നു എന്ന ദുഷ്പേരിൽ നിന്ന് രക്ഷപെടാൻ കേരളത്തിലെ ഹോട്ടലുടമകളുടെ നേതൃത്വത്തിൽ പരിശോധനാ സംവിധാനം ഏർപ്പെടുത്തണമെന്ന് എം.കെ.രാഘവൻ എംപി. ഹോട്ടലുകളിൽ ഭക്ഷണങ്ങൾക്കാവശ്യമായ അസംസ്കൃത വസ്തുക്കൾ വിതരണം ചെയ്യുന്നവരിൽ പലരും മായം ചേർക്കുന്നുണ്ട്. അവരുടെ കുറ്റത്തിന് പലപ്പോഴും നിരപരാധികളായ ഹോട്ടലുടമകൾ ശിക്ഷിക്കപ്പെടുന്നു. ഇതിനു പരിഹാരമായി ഹോട്ടലുടമകളുടെ നേതൃത്വത്തിൽ ഓരോ പ്രധാന കേന്ദ്രങ്ങളിലും പരിശോധനാ സംവിധാനം ഏർപ്പെടുത്തിയാൽ മായം ചേർക്കുന്നവരെ നിലയ്ക്കുനിർത്താനാവും- കേരള ഹോട്ടൽ ആന്റ് റസ്റ്റാറന്റ് അസോസിയേഷന്റെ 54-ാം സംസ്ഥാനസമ്മേളനത്തോടനുബന്ധിച്ച് നടന്ന പ്രതിനിധി സമ്മേളനം എരഞ്ഞിപ്പാലം കെ.കുര്യാക്കോസ് നഗറിൽ ഉദ്ഘാടനം ചെയ്യുകയായിരുന്നു എംപി. ഹോട്ടൽ നടത്തിപ്പ് വൻകിട വ്യവസായമല്ല. ഈ വ്യവസായത്തെ ചെറുകിട വ്യവസായത്തിന്റെ പട്ടികയിൽ ഉൾപ്പെടുത്താൻ നടപടി ഉണ്ടാവണം. ഹോട്ടലുകളെ മൈക്രോ,സ്മാൾ ആന്റ് മീഡിയം എന്റർപ്രൈസസ് എന്ന എംഎസ്എംഇയിൽ ഉൾപ്പെടുത്തണമെന്ന ആവശ്യം അടുത്തുചേരുന്ന പാർലമെന്റ് സമ്മേളനത്തിൽ അവതരിപ്പിക്കും. ഹോട്ടലുകൾക്ക് ഏർപ്പെടുത്തിയ ജിഎസ്ടിയുടെ കാര്യത്തിലും പുനഃപരിശോധന…
Read More