കോഴിക്കോട്: സൈബര് ആക്രമണവുമായി ബന്ധപ്പെട്ട പരാതിയില് സമ്മര്ദ്ധങ്ങള്ക്ക് വഴങ്ങാതെ നിയമനടപടിയുമായി മുന്നോട്ടുപോയ യുവതിയെ വനിതാകമ്മീഷന് അഭിനന്ദിച്ചു. സ്വകാര്യ സ്ഥാപനത്തില് സെയില്സ് ഗേളായ യുവതിയുടെ ഫോട്ടോ സമൂഹമാധ്യമത്തില് പ്രചരിപ്പിച്ചതുമായി ബന്ധപ്പെട്ടുള്ള പരാതിയിലാണ് യുവതി നിലപാട് മാറ്റാതെ ഉറച്ചു നിന്നത്. പോലീസില് പരാതി നല്കിയിട്ടും നീതിലഭിക്കാന് കാലതാമസം നേരിട്ടതോടെയാണ് യുവതി വനിതാകമ്മീഷന് മുമ്പാകെ സമീപിച്ചത്. കമ്മീഷന് നിര്ദേശപ്രകാരം യുവതിയുടെ പരാതിയില് ഒരുമാസത്തിനു ശേഷം പോലീസ് കേസെടുക്കുകയും പ്രതിയെ അറസ്റ്റ് ചെയ്യുകയും ചെയ്തു. ഇപ്പോള് കോടതിയില് കുറ്റപത്രം സമര്പ്പിച്ചിരിക്കുകയാണ്. പോലീസ് അന്വേഷണത്തിനിടയിലും വനിതാകമ്മീഷന് പരാതി പരിഗണിക്കുന്ന കാലഘട്ടത്തിലുമെല്ലാം കേസ് ഒത്തുതീര്പ്പാക്കുന്നതിനായി പരാതിക്കാരിയെ പ്രതി നിരന്തരം ബന്ധപ്പെട്ടിരുന്നെങ്കിലും നിയമത്തിന്റെ നടപടികളില് നിന്ന് പിന്മാറാന് യുവതി തയാറാവാത്തത് ഏവര്ക്കും മാതൃകയാണെന്ന് വനിതാകമ്മീഷന് അംഗം എം.എസ്.താര പറഞ്ഞു. സാധാരണയായി കമ്മീഷന് മുമ്പാകെ എത്താറുള്ള തൊഴിലിടങ്ങളിലെ പരാതികള് ഇത്തവണ ഒന്നും തന്നെ എത്തിയിട്ടില്ലെന്നും കമ്മീഷന് അംഗങ്ങള് പറഞ്ഞു.
Read MoreCategory: Kozhikode
‘നില്ല് നില്ല്’… ടിക് ടോക് കളി കാര്യമാകുന്നു ; അപകടങ്ങളും സംഘർഷങ്ങളും വർധിപ്പിക്കുന്നു
ചങ്ങരംകുളം: ടിക് ടോക് എന്ന മൊബൈൽ ആപ്പ് വഴി ജനശ്രദ്ധ നേടുന്നതിന് ന്യൂജനറേഷൻ എടുക്കുന്ന ചലഞ്ചുകൾ അപകടങ്ങളും സംഘർഷങ്ങളും വർധിപ്പിക്കുന്നു. ആപ്പിൽ പോസ്റ്റുന്ന വീഡിയോയിലൂടെ കൂടുതൽ പേരുടെ ശ്രദ്ധയാകർഷിക്കുന്നതിനാണ് യുവാക്കൾ സാഹസികതകൾ മൊബൈലിൽ പകർത്തുന്നത്. കഴിഞ്ഞദിവസം തിരൂരിൽ ഇത്തരത്തിൽ നടന്ന വീഡിയോ പിടുത്തം സംഘർഷത്തിൽ അവസാനിക്കുകയും എട്ടോളം പേർക്ക് പരിക്കേൽക്കുകയും ചെയ്തിരുന്നു. സോഷ്യൽ മീഡിയ പ്ലാറ്റ് ഫോമായ ടിക് ടോക്കിലെ ‘നില്ല് നില്ല്’ ചലഞ്ചാണ് തിരൂരിൽ സംഘർഷത്തിൽ കലാശിച്ചത്. വിദ്യാർഥികളും നാട്ടുകാരും തമ്മിൽ ക്രിക്കറ്റ് ബാറ്റും സ്റ്റംപും കത്തിയും കുറുവടികളുമായി നടന്ന സംഘർഷത്തിൽ സ്ത്രീയടക്കം എട്ടുപേർക്കാണ് പരിക്കേൽപിച്ചത്. ഓടുന്ന വാഹനം തടഞ്ഞു നിർത്തി, മരച്ചില്ലകളും കൈയിലേന്തി, ’നില്ല് നില്ല് എന്ന പാട്ടിനൊപ്പം നൃത്തം ചെയ്യുന്നതാണ് ടിക് ടോക്കിലെ ചലഞ്ച്. വെള്ളിയാഴ്ച നഗരത്തിൽ ഓടുന്ന വാഹനം തടഞ്ഞു നിർത്തി നൃത്തം ചെയ്തതാണ് സംഘർഷത്തിന് കാരണമായത്. ഗതാഗതക്കുരുക്ക് വൻ ജനരോഷത്തിന്…
Read Moreപറമ്പായിയിലെ നിഷാദിന്റെ തിരോധാനം; ബംഗളുരു സ്ഫോടന കേസിലെ പ്രതിയെ ക്രൈംബ്രാഞ്ച് ചോദ്യം ചെയ്തു തുടങ്ങി
കൂത്തുപറമ്പ്: ബംഗളുരു സ്ഫോടന കേസിലെ പ്രതി പറമ്പായിയിലെ പി.എ.സലീമിനെ പറമ്പായിയിലെ നിഷാദിന്റെ തിരോധാന കേസിൽ കസ്റ്റഡിയിൽ വാങ്ങി നടത്തുന്ന പോലീസിന്റെ തെളിവെടുപ്പ് നടപടികൾ കേസിൽ നിർണായക തെളിവാകും. ബംഗളുരു സ്ഫോടന കേസിൽ ബംഗളുരു പരപ്പന അഗ്രഹാര ജയിലിൽ കഴിയുന്ന സലീമിനെ (41) കൂത്തുപറമ്പ് ജുഡീഷൽ ഒന്നാം ക്ലാസ് മജിസ്ട്രേറ്റ് കോടതിയുടെ പ്രൊഡക്ഷൻ വാറണ്ട് ഉത്തരവിനെ തുടർന്നാണ് നിഷാദ് തിരോധാന കേസിൽ സലീമിനെ ഇന്നലെ കൂത്തുപറമ്പ് കോടതിയിൽ ഹാജരാക്കിയത്. നിഷാദിന്റെ തിരോധാന കേസ് അന്വേഷിക്കുന്ന കണ്ണൂർ ക്രൈംബ്രാഞ്ച് സിഐ സനൽ ആണ് സലീമിനെ ഈ കേസിൽ കസ്റ്റഡിയിൽ വിട്ടുകിട്ടണമെന്ന ആവശ്യവുമായി അപേക്ഷ നല്കിയത്. പതിനാല് ദിവസമാണ് ഇതിനായി പോലീസ് ആവശ്യപ്പെട്ടതെങ്കിലും ഇന്നലെ മുതൽ പത്ത് ദിവസത്തേക്കാണ് സലീമിനെ കസ്റ്റഡിയിൽ വിട്ടത്. ബംഗളുരു സ്ഫോടന കേസിൽ ഇക്കഴിഞ്ഞ ഒക്ടോബറിലാണ് സലീമിനെ പറമ്പായിൽ വെച്ച് പോലീസ് അറസ്റ്റു ചെയ്തത്. ഈ കേസിൽ…
Read Moreകാൽപ്പന്തുകളിയിലെ മഞ്ഞക്കുപ്പായമണിഞ്ഞ മിന്നും താരങ്ങൾ എത്തി കൊച്ചുമിടുക്കരെ കാണാന്; താരങ്ങളെ കണ്ട് അത്ഭുതപ്പെട്ട് കുട്ടികളും
കൊയിലാണ്ടി: കാൽപ്പന്തുകളിയിലെ മഞ്ഞക്കുപ്പായമണിഞ്ഞ മിന്നും താരങ്ങൾ നിനച്ചിരിക്കാതെ കൺമുന്നിൽ കടന്നുവന്നപ്പോൾ പരിമിതികളേയും വൈകല്യങ്ങളേയും മറന്ന് അവരുടെ കുസൃതിക്കണ്ണുകൾ വിടർന്നു. പലരുടേയും കുഞ്ഞു മുഖങ്ങൾ സന്തോഷത്താൽ ചുവന്നു തുടുത്തു. ദൃശ്യമാധ്യമങ്ങളിൽ ശരവേഗത്തിൽ കാൽപ്പന്തുരുട്ടി തെന്നിമറയുന്ന ആ മഞ്ഞക്കുപ്പായക്കാരെ ഏറെനേരം കണ്ണിമക്കാതെ നോക്കി നിന്നൂ അവർ. ദൗർബല്യങ്ങളെ വകവെക്കാതെ തങ്ങളുടെ ഇഷ്ടതാരങ്ങൾക്കരിക് ചേർന്ന് ഒന്ന് തൊട്ടുഴിയാൻ പോലും ആ കുഞ്ഞിളം കൈകൾ പലതും നീളുന്നുണ്ടായിരുന്നു. പന്തലായനി ബിആർസിയുടെ ആഭിമുഖ്യത്തിൽ സംഘടിപ്പിച്ച ഭിന്നശേഷി വാരാഘോഷ പരിപാടിയുടെ വേദിയിലേക്കാണ് കഴിഞ്ഞ ദിവസം ഇന്ത്യർ ഫുട്ബോൾ ടീമിലെ കേരള ബ്ലാസ്റ്റേഴ്സ് കോച്ച് ഡേവിഡ് ജി. ജെയിംസ്, താരങ്ങളായ അനസ് എടത്തൊടിക, സി.കെ.വിനീത് കുമാർ, ധീരജ് സിംഗ്, വിദേശ താരങ്ങളായ കെസിടോ, മാത്തോജ് എന്നിവർ അപ്രതീക്ഷിതമായി കടന്നു വന്നത്. കോഴിക്കോട് ഒരു പരിപാടിയിൽ പങ്കെടുക്കാനെത്തിയതായിരുന്നു കളിക്കാർ. ഇതിനിടെ കൊയിലാണ്ടിയിൽ നടക്കുന്ന ഭിന്നശേഷി വാരാഘോഷത്തെപ്പറ്റി കേട്ടറിഞ്ഞതോടെ ഇവിടേക്ക്…
Read Moreകരിപ്പൂരിൽ വലിയ വിമാനങ്ങളുടെ സർവീസുകൾ നാളെ മുതൽ; വാട്ടർ സല്യൂട്ട് നൽകി സ്വീകരണം
കൊണ്ടോട്ടി: പ്രതിസന്ധികളും പ്രതിഷേധങ്ങൾക്കുമൊടുവിൽ കരിപ്പൂർ വിമാനത്താവളത്തിൽ നിന്നു നാളെ സൗദി എയർലെൻസിന്റെ വലിയ വിമാനം സർവീസ് ആരംഭിക്കും. മലബാറിന്റെ വികസ സ്വപ്നങ്ങൾക്കു വ്യോമയാന പാതയൊരുക്കുന്ന വലിയ വിമാനത്തെ ജനപ്രതിനിധികളും പ്രവാസികളും രാഷ്ട്രീയ, സാംസ്കാരിക സംഘടനകളും നാട്ടുകാരും ചേർന്നു സ്വീകരിക്കും. ജിദ്ദയിൽ നിന്നു പുലർച്ചെ മൂന്നിനു പുറപ്പെടുന്ന സൗദിയുടെ എസ്.വി 746 വിമാനം രാവിലെ 11.10 നാണ് കരിപ്പൂരിൽ വന്നിറങ്ങുക. ആദ്യസംഘത്തിൽ സൗദി എയർ ജനറൽ മാനേജർ, സൗദി കൗണ്സിൽ ജനറൽ എന്നിവരുമെത്തും. 298 പേർക്കു സഞ്ചരിക്കാൻ കഴിയുന്ന വിമാനത്തിൽ ഇന്നലെ വരെ 258 പേർ യാത്രക്കാരായുണ്ട്. ഇന്നത്തോടെ വിമാന സീറ്റുകൾ പൂർണമാകും. ബിസിനസ് ക്ലാസ് യാത്രക്കാർക്കു 32 കിലോയുടെ രണ്ടു ബാഗേജും ഒന്പതു കിലോയുടെ ഹാൻഡ് ബാഗും എക്കണോമിക്് യാത്രക്കാർക്കു 23 കിലോയുടെ രണ്ടു ബാഗുകളും ആറു കിലോ ഹാൻഡ് ബാഗേജും അനുവദിച്ചിട്ടുണ്ട്.17 ടണ് കാർഗോയാണ് വിമാനത്തിൽ…
Read Moreപ്രളയബാധിതര്ക്കുള്ള കിറ്റുകള് പൂഴ്ത്തി; പിടിക്കപ്പെട്ടപ്പോള് “തടിതപ്പല്’ വിശദീകരണം; സിപിഎം പ്രതിക്കൂട്ടിൽ
മുക്കം(കോഴിക്കോട്): പ്രളയബാധിതര്ക്ക് വിതരണം ചെയ്യാന് കൊണ്ടുവന്ന ദുരിതാശ്വാസ സാമഗ്രികള് പൂഴ്ത്തി വെച്ചതായി കണ്ടെത്തിയ സംഭവം മുക്കം കാരശ്ശേരിയില് പുതിയ രാഷ്ട്രീയ വിവാദത്തിന് തിരികൊളുത്തി. സ്വന്തക്കാര്ക്ക് നല്കാനാണ് ഒരു മാസത്തോളമായിട്ടും വിതരണം ചെയ്യാതെ പൂഴ്ത്തിത്തിവെച്ചതെന്ന് യുഡിഎഫ് ആരോപിക്കുമ്പോള് ആയിരത്തോളം പ്രളയബാധിതര്ക്കായി 200ല് താഴെ കിറ്റുകള് മാത്രം കിട്ടിയത് കൊണ്ടാണ് വിതരണം ചെയ്യാതെ പഞ്ചായത്ത് സാംസ്കാരിക നിലയത്തില് സൂക്ഷിച്ചതെന്നാണ് പഞ്ചായത്തധികൃതര് പറയുന്നത്. എന്നാല് ഇത് പഞ്ചായത്ത് അധികൃതരില് തന്നെ പലരും വിശ്വസിക്കുന്നില്ല. ഭക്ഷ്യവസ്തുക്കളും വസ്ത്രങ്ങളും പാത്രങ്ങളും ഉള്പ്പെടെയുള്ള സാധനങ്ങള് അടങ്ങിയ കിറ്റുകളാണ് കാരശേരി പഞ്ചായത്തിലെ രണ്ട് സാംസ്കാരിക നിലയങ്ങളില് പൂഴ്ത്തിവച്ചതായി കണ്ടെത്തിയത്. 175 ഓളം പെട്ടികളിലായാണ് കറുത്തപറമ്പിലെയും കാരശേരിയിലെയും സാംസ്കാരിക നിലയങ്ങളില് കിറ്റുകള് അടുക്കിവെച്ചിരിക്കുന്നത്. കഴിഞ്ഞ ദിവസം അര്ധരാത്രിയില് കറുത്ത പറമ്പിലെ സാംസ്കാരിക നിലയത്തില് വാര്ഡ് മെംബറേയും മറ്റൊരാളെയും കണ്ടതോടെ നടത്തിയ പരിശോധനയിലാണ് ഇവിടങ്ങളില് നിരവധി പെട്ടികളിലായി സൂക്ഷിച്ച കിറ്റുകള്…
Read Moreസര്ക്കാര് പദ്ധതികളൊന്നും ഫലം കാണുന്നില്ല; ചിറ്റാരിക്കാര്ക്ക് ആശ്രയം നീരുറവ തന്നെ
നാദാപുരം: വാണിമേൽ ചിറ്റാരിക്കാരുടെ കുടിവെള്ള പ്രശ്നത്തിന് പരിഹാരം കാണാനായി നിര്മിച്ച പദ്ധതികളൊക്കെയും പരാജയപ്പെടുമ്പോഴും നാട്ടുകാരുടെ കുടിവെള്ള പ്രശനത്തിന് പരിഹാരമാകുന്നത് സ്വകാര്യ വ്യക്തിയുടെ സ്ഥലത്തെ നീരുറവ. ഒരിക്കലും വറ്റാത്ത ഈ നീരുറവയില് നിന്നും നിത്യേന മുപ്പത് വീടുകളിലേക്കാണ് മുഴുവന് സമയം വെള്ളമെടുക്കുന്നത്. ഒരു വരള്ച്ചയിലുംവറ്റാത്ത അത്ഭുത നീരുറവ ജനങ്ങളില് ജിജ്ഞാസ ഉയര്ത്തുകയാണ്. ചിറ്റാരി ഗവ: എല്പി സ്കൂളിന്റെ സമീപത്തെ സ്വകാര്യ വ്യക്തിയുടെ സ്ഥലത്താണ് നീരുറവയുള്ളത്. സ്ഥലമുടമയായ വാണിമേല് സ്വദേശി നെല്ലിക്കുന്നുമ്മല് ഹമീദും കുടുംബവും ഈ നീരുറവ നാട്ടുകാര്ക്കായി സമര്പ്പിച്ചിരിക്കുകയാണിപ്പോള്. നിരവധി ആദിവാസി കുടുംബങ്ങള് താമസിക്കുന്ന ചിറ്റാരി പ്രദേശത്തിന്റെ കുടിവെള്ള പ്രശ്നം പരിഹരിക്കാനായി ഗ്രാമപഞ്ചായത്തും പട്ടികവര്ഗ വികസന വകുപ്പും നിരവധി കുടിവെള്ള പദ്ധതികള് നടപ്പിലാക്കിയിരുന്നു. എന്നാല് ഏറ്റവും ഒടുവിലായി നടത്തിയ പ്രവൃത്തിക്കായി ലക്ഷങ്ങള് ചെലവഴിച്ചിട്ടുണ്ടെങ്കിലും പദ്ധതി ഉപകാരപ്പെട്ടിട്ടില്ല. ചിറ്റാരിയില് കിണറും ടാങ്കും സ്ഥാപിച്ചിട്ടും പമ്പിംഗ് നടത്താന് സാധിക്കുന്നില്ല. ഉപയോഗശൂന്യമായ…
Read Moreഅഴിയൂരിലെ സിപിഎം-ലീഗ് സംഘർഷം; നാല് സിപിഎം പ്രവർത്തകർ അറസ്റ്റിൽ
വടകര: അഴിയൂരിൽ സിപിഎം-ലീഗ് സംഘർഷത്തിൽ ലീഗ് പ്രവർത്തകൻ കൊട്ടികൊല്ലൻ മുനാഫിറിനെ വെട്ടിയ കേസിൽ നാലു സിപിഎം പ്രവർത്തകരെ ചോന്പാല പോലീസ് അറസ്റ്റുചെയ്തു. ചോന്പാല പാറേമ്മൽ അഫ്നാസ് (24), അഴിയൂർ കല്ലറോത്ത് രമ്യതാ നിവാസിൽ രമീഷ് (26), കോറോത്ത് റോഡിലെ പുതിയോട്ടും താഴകുനി വി.കെ.ശരത്ത് (23), കോറോത്ത് റോഡിലെ മീത്തലെ പറന്പത്ത് രജിത്ത് (30) എന്നിവരെയാണ് എസ്ഐ പി.കെ. ജിതേഷ് അറസ്റ്റുചെയ്തത്. വടകര ജുഡീഷ്യൽ ഫസ്റ്റ് ക്ലാസ് മജിസ്ട്രേറ്റ് മുൻപാകെ ഹാജരാക്കിയ പ്രതികളെ 14 ദിവസത്തേക്ക് റിമാൻഡ് ചെയ്തു. ദിവസങ്ങൾക്കുമുൻപാണ് അഴിയൂർ ഹൈസ്കൂളിന് മുൻവശത്തുവെച്ച് മുനാഫിറിനെ വെട്ടിപ്പരിക്കേൽപ്പിച്ചത്. വെട്ടേറ്റ മുനാഫിറിനെ കോഴിക്കോട് സ്വകാര്യ ആശുപത്രിയിൽ അടിയന്തര ശസ്ത്രക്രിയയ്ക്ക് വിധേയമാക്കിയിരുന്നു. സംഘർഷത്തിൽ വേറേയും രണ്ട് ലീഗ് പ്രവർത്തകർക്ക് പരിക്കേറ്റിരുന്നു.
Read Moreവീണുകിട്ടിയ പേഴ്സ് ഉടമയ്ക്ക് അയച്ചു നൽകി മടങ്ങവേ സൈനികന്റെ പേഴ്സ് പോക്കറ്റടിച്ചു; വടകരക്കാരൻ അരുൺകുമാറിന് സംഭവിച്ച കഥയിങ്ങനെ…
വടകര: വീണു കിട്ടിയ പേഴ്സും രേഖകളും ഉടമക്ക് അയച്ച്കൊടുത്ത് സത്യസന്ധത പ്രകടിപ്പിച്ച് മടങ്ങവെ സൈനികന്റെ പേഴ്സ് പോക്കറ്റടിച്ചു. അവധി കഴിഞ്ഞ് ജോലി സ്ഥലമായ പശ്ചിമബംഗാളിലേക്ക് പോവുകയായിരുന്ന ബിഎസ്എഫ് ജവാനും ദേശീയ വോളിബോൾ താരവുമായ വടകര പതിയാരക്കര സ്വദേശി അരുണ്കുമാറിനാണ് ഈ അനുഭവം. വിമാനത്തിൽ കൊൽക്കത്തക്ക് പോകാൻ നെടുന്പാശേരി എയർപോർട്ടിൽ എത്തിയപ്പോഴാണ് വിലപ്പെട്ട രേഖകളും ആറായിരം രൂപയും അടങ്ങിയ പേഴ്സ് അരുണ്കുമാറിനു കിട്ടിയത്. സുപ്രിംകോടതി അഭിഭാഷകനും ഡൽഹി സ്വദേശിയുമായ ഉടമയെ ബന്ധപ്പെടാൻ ശ്രമിച്ചെങ്കിലും ഫോണ് സ്വിച്ച് ഓഫായതിനാൽ നടന്നില്ല. വാട്സ്ആപ്പ് സന്ദേശം നൽകിയ ശേഷം അരുണ്കുമാർ ഫ്ളൈറ്റിൽ യാത്രയായി. ഇതിനിടെ ഉടമ തിരികെ വിളിച്ചു. കൊൽക്കത്ത വിമാനത്താവളത്തിൽ ഇറങ്ങിയ ശേഷം അരുണ്കുമാർ പേഴ്സ് തപാൽ വഴി അയച്ച് മടങ്ങുന്പോഴാണ് അരുണ്കുമാറിന് തന്റെ പേഴ്സ് നഷ്ടപ്പെട്ടത്. ആൾതിരക്കിൽ റോഡ് മുറിച്ചുകടക്കവെ ബാഗിൽ നിന്ന് പണവും രേഖകളും അടങ്ങിയ പേഴ്സ് പോക്കറ്റടിക്കുകയായിരുന്നു.…
Read Moreഅക്കരയ്ക്ക് പറക്കാമെന്ന മോഹത്തിന് വിലങ്ങ് തടിയാകും; ബിജെപിയുടെ വഴിതടയൽ സമരത്തിന് യുവാക്കളെ കിട്ടാനില്ല; പ്രാദേശിക ഘടകം പറയുന്ന കാരണം ഇതൊക്കെ…
കോഴിക്കോട്: വഴിതടയല് സമരത്തിന് യുവാക്കള് പിന്മാറാന് കാരണം നിയമക്കുരുക്ക് ഭയന്ന്. സര്ക്കാര് ജോലിയും വിദേശയാത്രയും ഉള്പ്പെടെ അനിശ്ചിതത്വത്തിലാവുമെന്ന ഭീതിയെ തുടര്ന്നാണ് പലരും സമരത്തിനിറങ്ങാത്തത്. പോലീസുള്പ്പെടെയുള്ള മറ്റു യൂണിഫോം സേനയിലേക്ക് തെരഞ്ഞെടുക്കപ്പെടുമ്പോള് ക്രിമിനല്കേസുണ്ടെങ്കില് അത് പ്രതികൂലമായി ബാധിക്കും. വിദേശത്തേക്ക് ജോലിയ്ക്കുപോവാനും ഇത് തടസമാവും. ഇക്കാരണങ്ങളാണ് യുവാക്കളെ സമരത്തില്നിന്ന് പിന്വലിക്കാന് പ്രധാനകാരണം. കേസ് നടത്തിപ്പ് പൂര്ത്തിയാവാന് വര്ഷങ്ങളാണ് കാത്തിരിക്കേണ്ടത്. ഇതിനുള്ള പണച്ചിലവ് വേറെയും വേണ്ടിവരും. ഇതോടെ സമരവീര്യമെല്ലാം മനസില് സൂക്ഷിക്കുന്നുണ്ടെന്ന് വ്യക്തമാക്കിയാണ് സമരത്തിന് ക്ഷണിക്കാനെത്തിയ നേതാക്കളെ പലരും തിരിച്ചയയ്ക്കുന്നത്.
Read More