വടകര: താലൂക്കിന്റെ വിവിധ ഭാഗങ്ങളിൽ സിപിഎമ്മും ബിജെപിയും നടത്തുന്ന അക്രമങ്ങൾക്കെതിരെ കെപിസിസി പ്രസിഡന്റ് മുല്ലപ്പള്ളി രാമചന്ദ്രൻ ഉപവാസം തുടങ്ങി. സ്വസ്ഥം വടകര എന്ന പേരിൽ കോട്ടപ്പറന്പിൽ രാവിലെ തടുങ്ങിയ ഉപവാസം പ്രതിപക്ഷ നേതാവ് രമേശ് ചെന്നിത്തല ഉദ്ഘാടനം ചെയ്തു. കെ.മുരളീധരൻ എംഎൽഎ മുഖ്യാതിഥി ആയി. ഡിസിസി പ്രസിഡന്റ് ടി.സിദ്ദീഖ് സ്വാഗതം പറഞ്ഞു. അഞ്ചുവിളക്ക് ജംഗ്ഷനിലെ ഗാന്ധിപ്രതിമയിൽ പുഷ്പാർച്ചന നടത്തിയ ശേഷം നേതാക്കളും പ്രവർത്തകരും ജാഥയായി ഉപവാസകേന്ദ്രത്തിൽ എത്തുകയായിരുന്നു. ഉപവാസം വൈകുന്നേരം അഞ്ചു വരെ നീളും. സമാപന സമ്മേളനത്തിൽ യുഡിഎഫ് കണ്വീനർ ബെന്നിബെഹനാൻ മുഖ്യാതിഥിയാവും. വടകര നഗരത്തിലും പരിസരത്തും വ്യാപകമായ ബോംബാക്രമണങ്ങളാണ് സിപിഎമ്മും ബിജെപിയും നടത്തിയത്. ഇരുട്ടിന്റെ മറവിൽ പരസ്പരം അക്രമം നടത്തിയവരെ നിയമത്തിന് മുന്നിൽ കൊണ്ടുവരാൻ പോലീസിന് കഴിഞ്ഞിട്ടില്ല. സർവകക്ഷി യോഗത്തിൽ പ്രതിഷേധ പ്രകടനങ്ങളും പൊതുയോഗങ്ങളും പാടില്ലെന്നു തീരുമാനിക്കുന്പോൾ പോലും അക്രമത്തിനു കുറവില്ല. ഭരിക്കുന്ന പാർട്ടി തന്നെ…
Read MoreCategory: Kozhikode
ടാങ്കർ ലോറികളിൽ രണ്ടു ഡ്രൈവർമാരുണ്ടോയെന്നു ഉറപ്പാക്കാൻ പോലീസിനു നിർദേശം നൽകി
മലപ്പുറം: ചേളാരിയിലെ ഇന്ത്യൻ ഓയിൽ കോർപ്പറേഷന്റെ (ഐഒസി) ബോട്ട്ലിംഗ് പ്ലാന്റിന്റെ സുരക്ഷിതത്വം ഉറപ്പാക്കുന്നതിനു വിവിധ വകുപ്പുകളും ഏജൻസികളും നൽകിയ എല്ലാ രേഖകളും പരിശോധിക്കുമെന്നു ജില്ലാ കളക്ടർ അമിത് മീണ അറിയിച്ചു. പ്ലാന്റിന്റെ പ്രവർത്തനവുമായി ബന്ധപ്പെട്ടു ജില്ലാ കളക്ടറുടെ അധ്യക്ഷതയിൽ കളക്ടറേറ്റിൽ ചേർന്ന ജനപ്രതിനിധകളുടെയും ഉദ്യോഗസ്ഥരുടെയും പരിസരവാസികളുടെയും യോഗത്തിലാണ് ഇക്കാര്യം അറിയിച്ചത്. യോഗത്തിൽ പങ്കെടുത്ത പ്രതിനിധികൾ പ്ലാന്റിന്റെ സുരക്ഷയുമായി ബന്ധപ്പെട്ട സർട്ടിഫിക്കറ്റുകളും മറ്റും കൃത്രിമവും വ്യാജവുമാണെന്നു ആരോപണമുന്നയിച്ചതിന്റെ പശ്ചാത്തലത്തിലാണിത്. പാൻറ് സുരക്ഷിതമാണെന്ന് ഉറപ്പാക്കുന്നതിനു സർക്കാർ വകുപ്പുകളും ഏജൻസികളും നൽകിയ സർട്ടിഫിക്കറ്റുകളും രേഖകളും അടിയന്തിരമായി ലഭ്യമാക്കാൻ ഐഒസി പ്രതിനിധികൾക്കു കളക്ടർ നിർദേശം നൽകി . പ്ലാന്റ് പ്രവർത്തിക്കുന്നതു സുരക്ഷിതമായിട്ടാണോയെന്ന കാര്യം പരിശോധിക്കുന്നതിനു വിദഗ്ധ ടീം രൂപീകരിക്കുന്ന കാര്യം പരിശോധിക്കും. ടാങ്കർ ലോറികളിൽ രണ്ടു ഡ്രൈവർമാരുണ്ടോയെന്നു ഉറപ്പു വരുത്തുന്നതിനു പോലീസിനു നിർദേശം നൽകി. ഏതാനും ദിവസങ്ങൾക്കു മുന്പ് പാണന്പ്രയിലുണ്ടായ ടാങ്കർ അപടകടത്തിനു…
Read Moreപ്രഖ്യാപനം കഴിഞ്ഞിട്ട് അഞ്ചുമാസം; കുപ്പിവെള്ളവില ഇപ്പോഴും കുപ്പിയില് തന്ന
മുക്കം: പ്രഖ്യാപനം നടന്ന് അഞ്ചു മാസം കഴിഞ്ഞങ്കിലും കുപ്പിവെള്ളത്തിന് വില കുറക്കുമെന്ന സർക്കാർ പ്രഖ്യാപനം ജലരേഖയായി.കുപ്പിവെള്ളത്തിന് അമിതലാഭമീടാക്കുന്നതായി പരാതി ഉയർന്ന സാഹചര്യത്തിലായിരുന്നു ഒരു ലിറ്റർ വെളളത്തിന്റെ വില 20 രൂപയിൽ നിന്ന് 15 രൂപയാക്കുമെന്ന് സർക്കാർ അറിയിച്ചിരുന്നത്. വിലകുറയ്ക്കാൻ ഓർഡിനൻസ് കൊണ്ടുവരുമെന്ന സർക്കാർ പ്രഖ്യാപനവും ഇതുവരെയും നടപ്പായില്ല. അതേസമയം വില പുതുക്കിനിശ്ചയിക്കാനുള്ള പ്രത്യേക സമിതിക്ക് ഇതുവരെ അന്തിമരൂപമായിട്ടില്ല. ഇതാണു വില കുറയാത്തതിന്റെ കാരണം.മാർച്ച് 22-നാണ് വിലകുറക്കുന്നതിനായി കുപ്പിവെള്ള നിർമാണ കമ്പനികളുടെ സംഘടനയായ കേരള ബോട്ടിൽഡ് വാട്ടർ മാനുഫാചേഴ്സ് അസോസിയേഷൻ തീരുമാനിച്ചത്. കുപ്പിവെള്ളത്തിന്റെ വില 12 രൂപയായി കുറയ്ക്കാൻ നിർമാതാക്കൾ തീരുമാനിച്ചെങ്കിലും വ്യാപാരികളുടെ എതിർപ്പിനെ തുടർന്ന് നടപ്പായിരുന്നില്ല.ഈ സാഹചര്യത്തിലാണു വില കുറയ്ക്കാൻ നടപടി സ്വീകരിക്കുമെന്നുള്ള സർക്കാർ പ്രഖ്യാപനം ഉണ്ടായത്.മെയ് മാസത്തിൽ കുപ്പിവെള്ളം അവശ്യസാധനങ്ങളുടെ പട്ടികയിൽ സർക്കാർ ഉൾപ്പെടുത്തിയതിനെതുടർന്നായിരുന്നു ഇത്. ഇതിനായി ഉടൻ വിജ്ഞാപനം ഇറക്കുമെന്നും ഭക്ഷ്യമന്ത്രി പറഞ്ഞിരുന്നു. കേരളത്തിലെ…
Read Moreകരുവാരകുണ്ട് വനമേഖലയിൽ വൻ സ്ഫോടനത്തോടെ പാറക്കെട്ടുകൾ തകർന്ന സംഭവം അന്വേഷിക്കണമെന്ന്
കരുവാരകുണ്ട്: കരുവാരകുണ്ട് കൽകുണ്ട് മണലിയാംപാടം വനമേഖലയിൽ വൻ സ്ഫോടനത്തോടെ പാറക്കെട്ടുകൾ തകർന്ന് നിലംപതിച്ച സംഭവത്തിൽ ജിയോളജി വകുപ്പ് സ്ഥലപരിശോധന നടത്തണമെന്ന് കർഷകർ ആവശ്യപ്പെട്ടു. ഞായറാഴ്ച ഉച്ച സമയത്താണ് പ്രദേശവാസികളെ ഭീതിയിലാക്കിയ സംഭവം നടന്നത്. മണലിയാംപാടം കാർഷിക മേഖലയിൽ നിന്നും 500 മീറ്ററോളം അകലെ സൈലന്റ്വാലി സോണിലാണ് പാറക്കെട്ടുകൾ തകർന്ന് മലയിടിച്ചിൽ ഉണ്ടായത്. ഇതോടൊപ്പം പുകപടലവും ദുർഗന്ധത്തോടു കൂടിയ മലവെള്ളപാച്ചിൽ അനുഭവപ്പെട്ടതായും പ്രദേശവാസികൾ പറഞ്ഞു. ഉൾവനത്തിൽ ഭൂമി കുലുക്കവും അതോടൊപ്പം മേഘസ്ഫോടനവും നടന്നതായും അഭ്യൂഹവുമുണ്ട്. മൂന്നു മിനിറ്റോളം സമയം മുഴക്കം അനുഭവപ്പെട്ടു. മണലിയാം പാടം കള്ള മുക്കത്തിയിൽ വെട്ടിക്കാട്ടിൽ ജോയിച്ചന്റെ കൃഷിയിടത്തിലേക്കാണ് വനത്തിൽ നിന്ന് പാറക്കെട്ടുകൾ വന്നടിഞ്ഞത്. ഈ സമയം മൂടി കെട്ടിയ അന്തരീക്ഷമായിരുന്നു. മഴയില്ലാതിരുന്നതു കൊണ്ട് വൻ ദുരന്തമാണ് ഒഴിവായത്. വിവരമറിഞ്ഞ് കരുവാരകുണ്ട് ഗ്രാമപഞ്ചായത്ത് പ്രസിഡന്റ് പി.ഷൗക്കത്തലി, എസ്ഐ പി.ജ്യോതീന്ദ്രകുമാർ, ഗ്രാമ പഞ്ചായത്തംഗം ഷീനാ ജിൽസ്, നാട്ടുകാർ…
Read Moreശബരിമല ; മാധ്യമപ്രവര്ത്തകരെ മാറ്റിയതിന് പിന്നില് ഗൂഢാലോചനയെന്ന് എ.എന്. രാധാകൃഷ്ണന്
കോഴിക്കോട്: ശബരിമലയില് അപകടകരമായ സാഹചര്യമാണ് സര്ക്കാര് സൃഷ്ടിച്ചു കൊണ്ടിരിക്കുന്നതെന്ന് ബിജെപി സംസ്ഥാന ജനറല്സെക്രട്ടറി എ.എന്. രാധാകൃഷ്ണന്. മാധ്യമപ്രവര്ത്തകരെ അടിയന്തരമായി ശബരിമലയില് നിന്ന് മാറ്റിയതിന് പിന്നില് സര്ക്കാരിന്റെ ഗൂഢാലോചനയാണെന്നും രാധാകൃഷ്ണന് വാര്ത്താസമ്മേളനത്തില് പറഞ്ഞു. മാധ്യമപ്രവര്ത്തകര്ക്കെതിരെ അക്രമം നടക്കാനിടയുണ്ടെന്ന വാര്ത്ത അദ്ദേഹം നിഷേധിച്ചു. മഫ്തിയിലെത്തിയ പോലീസുകാരാണ് ശബരിമലയില് മാധ്യമപ്രവര്ത്തകരെ ആക്രമിച്ചത്. പൂങ്കാവനത്തിന്റെ പരിശുദ്ധി തകര്ക്കാനുള്ള ശ്രമമാണ് സര്ക്കാറിന്റെ ഭാഗത്തു നിന്നുണ്ടാവുന്നത്. ശബരിമലയിലെ അനിഷ്ടസംഭവങ്ങളുടെ പൂര്ണ ഉത്തരവാദിത്തം മന്ത്രി കടകംപള്ളി സുരേന്ദ്രനാണ്. വിശ്വാസത്തെയും ആചാരങ്ങളെയും തകര്ക്കാനുള്ള ശ്രമമാണ് നടക്കുന്നത്. ആക്ടിവിസ്റ്റുകളായ സ്ത്രീകളെ കടത്തിവിട്ട് ആചാര ലംഘനം നടത്താനാണ് നീക്കം. ജനാധിപത്യത്തിന്റെ കണ്ണിയായ മാധ്യമങ്ങളെ ശബരിമലയില് നിന്നകറ്റുന്ന സര്ക്കാര് തീരുമാനത്തെ എതിര്ക്കണമെന്നും അദ്ദേഹം ആവശ്യപ്പെട്ടു.
Read Moreവന്യമൃഗശല്യം കാരണം ജീവിക്കാൻ വയ്യ; കൃഷിഭൂമി ഏറ്റെടുക്കണമെന്നു കർഷകർ
സ്വന്തം ലേഖകൻ പേരാമ്പ്ര: മണ്ണിൽ പണിയെടുത്തു വരുമാനമുണ്ടാക്കി ജീവിക്കാമെന്ന സ്വപ്നം ഇനി നടക്കില്ലെന്ന തിരിച്ചറിവും ബോധ്യവും വന്ന പേരാമ്പ്ര ചക്കിട്ടപാറ മലയോരത്തെ കർഷകർ കിടപ്പാടം വിട്ടു കുടിയിറങ്ങാൻ തയാറെടുക്കുന്നു. തങ്ങളുടെ കൃഷിയിടങ്ങൾ ഏറ്റെടുക്കണമെന്ന ആവശ്യം101 കർഷകർ സർക്കാരിനു മുമ്പിൽ സമർപ്പിച്ചു കഴിഞ്ഞു. ചക്കിട്ടപാറ ഗ്രാമപഞ്ചായത്തിലെ പൂഴിത്തോട് മേഖലയിൽ പെട്ട രണ്ടാം ചീളി താളിപ്പാറ കരിങ്കണ്ണി മല നിരകളിൽ പെട്ട കർഷകരാണു ഫലഭൂയിഷ്ടമായ തങ്ങളുടെ മണ്ണ് വില നിശ്ചയിച്ചു ഏറ്റെടുക്കണമെന്നു സർക്കാരിനോട് ആവശ്യപ്പെട്ടിരിക്കുന്നത്. പെരുവണ്ണാമൂഴി ഫോറസ്റ്റ് റേഞ്ച് ഓഫീസ് വഴിയാണു അപേക്ഷ സർക്കാരിന്റെ പരിഗണനയ്ക്കായി സമർപ്പിച്ചിരിക്കുന്നത്. ഇതിൻമേൽ പ്രഥമ റിപ്പോർട്ട് കോഴിക്കോട് ഡിഎഫ്ഒ വഴി വനം വകുപ്പിന്റെ ഉന്നത തലങ്ങളിൽ എത്തിയിട്ടുണ്ട്. 101 പേരുടെ അഞ്ചു സെന്റ് മുതൽ അഞ്ച് ഏക്കർ വരെയുള്ള മൊത്തം 160 ഏക്കർ സ്ഥലമാണ് വില നൽകി ഏറ്റെടുക്കണമെന്നു ഉടമകൾ ആവശ്യപ്പെട്ടിരിക്കുന്നത്. വന വിസ്തൃതി…
Read Moreവയനാടൻ വനത്തിൽ അപൂർവ ഓർക്കിഡ് കണ്ടെത്തി; ഇതിനകം 185 ഇനം വന്യ ഓർക്കിഡുകൾ കണ്ടെത്തിയിട്ടുണ്ടെന്നു സലിം പിച്ചൻ
കൽപ്പറ്റ: ഓർക്കിഡ് കുടുംബത്തിൽപ്പെട്ട ലിപ്പാരിസ് ചാങ്ങ്ഗി സസ്യത്തെ വയനാട്ടിൽ കണ്ടെത്തി.പൂത്തൂർവയൽ ഡോ.എം.എസ്. സ്വാമിനാഥൻ സാമൂഹിക കാർഷിക ജൈവവൈവിധ്യ കേന്ദ്രത്തിലെ സലിം പിച്ചൻ, ജയേഷ് പി. ജോസഫ്, എം. ജിതിൻ, ആലപ്പുഴ എസ്ഡി കോളജ് ലക്ചറർ ഡോ.ജോസ് മാത്യു, സൗത്ത് വയനാട് ഡിഎഫ്ഒ ആയിയുന്ന പി. ധനേഷ്കുമാർ എന്നിവരടങ്ങുന്ന സംഘം വയനാട് വന്യജീവി സങ്കേതത്തിലെ മുത്തങ്ങ റേഞ്ചിൽപ്പെട്ട പൊൻകുഴിയിൽ നടത്തിയ നിരീക്ഷണത്തിലാണ് സസ്യം ശ്രദ്ധയിൽപ്പെട്ടത്. ചൈന, വിയറ്റ്നാം എന്നിവിടങ്ങളിൽ നേരത്തേ കണ്ടെത്തിയ ലിപ്പാരിസ് ചാങ്ങ്ഗിയുടെ സാന്നിധ്യം ഇന്ത്യയിൽ ആദ്യമായാണ് സ്ഥിരീകരിക്കുന്നത്. നിലംപറ്റി വളരുന്ന ഈ സസ്യത്തിന് ഹൃദയാകാരത്തോടുകൂടിയ രണ്ട് ഇലയും വെള്ള നിറമുള്ള ചെറിയ കിഴങ്ങും ഹരിതവർണത്തിലുള്ള പൂക്കളുമാണുള്ളത്. ലിപ്പാരിസ് ചാങ്ങ്ഗി സസ്യത്തെ വയനാട്ടിൽ കണ്ടെത്തിയതു സംബന്ധിച്ച റിപ്പോർട്ട് ഇന്ത്യൻ ഫോറസ്റ്ററിന്റെ കഴിഞ്ഞ ലക്കത്തിൽ പ്രസിദ്ധീകരിച്ചു. വന്യ ഓർക്കിഡ് വൈവിധ്യത്തിനു പ്രസിദ്ധമാണ് വയനാടൻ വനം. പശ്ചിമഘട്ടത്തിന്റെ ഭാഗമായ ജില്ലയുടെ…
Read Moreവഴി തെറ്റി വന്നതാ..! വാഹനങ്ങൾ തടഞ്ഞു നിർത്തി വാനരന്റെ വിളയാട്ടം
ചിറ്റൂർ: വഴിതെറ്റി വന്ന വാനരൻ റോഡിലിരുന്നു വാഹനങ്ങളെ തടഞ്ഞത് യാത്രക്കാർക്ക് വിനയായി. ഇന്നലെ കാലത്ത് ആറിന് അയ്യപ്പൻ കാവ് ബസ് സ്റ്റോപ്പിലാണ് വലിയ കുരങ്ങനെ കണ്ടത്. തെരുവു നായകൾ ശല്യം ചെയ്യാൻ തുനിഞ്ഞതോടെ റോഡിനു നടുവിലുടെ വില്ലൻ റോളിൽ നടന്നു നീങ്ങി. എതിരെ വരുന്ന വാഹനങ്ങൾ നിർത്തുന്പോഴാണ് വഴിമാറികൊടുക്കുന്നതും പിന്തുടരുന്നതും. വണ്ടിത്താവളം ടൗണിലെത്തിയതോടെ ഇലക്ടിക് പോസ്റ്റിനു താഴെയുള്ള പ്രാദേശിക ചാനൽ കേബിളിൽ കയറി സാഹസ പ്രകടനം നടത്തി. കേബിളിലൂടെ നടന്നു നിങ്ങിയ ശേഷം വൈദ്യുതി ട്രാൻസ്ഫോർമറിനു സമീപത്ത് എത്തിയപ്പോൾ കുറച്ചു നേരം ലൈനുകളിൽ നോക്കിയ ശേഷം അപകടാവസ്ഥ മനസ്സിലാക്കിയ മട്ടിൽ താഴെയിറങ്ങി റോഡിലൂടെ മുലത്തറ ഇടതു കനാൽ ബണ്ടിലൂടെ നടന്നകന്നു. പിന്തുടർന്നു വന്ന തെരുവുനായകളെ തന്റെ വർഗ്ഗ ചേഷ്ടയോടെ വിരട്ടിയോടിക്കുകയും ചെയ്തു.
Read Moreപെറ്റമ്മമാര് ഉപേക്ഷിച്ചു പോകുന്ന പിഞ്ചു കുഞ്ഞുങ്ങളുടെ എണ്ണം വര്ധിക്കുന്നു; മലപ്പുറത്ത് അഞ്ചു വര്ഷത്തിനകം ദത്ത് നല്കിയത് നൂറോളം കുഞ്ഞുങ്ങളെ
മഞ്ചേരി: പെറ്റമ്മമാർ ഉപേക്ഷിച്ചു പോകുന്ന പിഞ്ചു കുഞ്ഞുങ്ങളുടെ എണ്ണം വർധിക്കുന്നു. ഇന്നലെ രണ്ട് കുഞ്ഞുങ്ങളെയാണ് ഉപേക്ഷിച്ച നിലയിൽ മഞ്ചേരിയിലെ ചൈൽഡ് വെൽഫെയർ കമ്മിറ്റി മുന്പാകെ എത്തിച്ചത്. ഒരാഴ്ചയ്ക്കകം അഞ്ചു കുട്ടികളാണ് ഉപേക്ഷിക്കപ്പെട്ടത്. ഇന്നലെ പൊന്നാനി സ്വദേശിയായ മാതാവ് ഏഴു ദിവസം പ്രായമായ പെണ്കുഞ്ഞിനെ കുറ്റിപ്പുറം തവനൂരിലെ ശിശു ക്ഷേമ സമിതി ഓഫീസിൽ ഏൽപ്പിക്കുകയായിരുന്നു. തൃശൂർ മെഡിക്കൽ കോളജ് ആശുപത്രിയിൽ പ്രസവിച്ച പെണ്കുഞ്ഞിനെ വളർത്താനാകില്ലെന്നു പറഞ്ഞു യുവതിയായ മാതാവ് ഓഫീസിൽ നേരിട്ടെത്തിയാണ് കൈമാറിയത്. കാമുകനാൽ വഞ്ചിക്കപ്പെട്ട മറ്റൊരു യുവതി പ്രസവിച്ചു മൂന്നു മാസം കഴിഞ്ഞാണ് കുഞ്ഞിനെ മഞ്ചേരിയിലെത്തി സിഡബ്ല്യുസിക്ക് കൈമാറിയത്. രണ്ടു കുഞ്ഞുങ്ങളെയും ചൈൽഡ് വെൽഫെയർ കമ്മിറ്റി രണ്ടത്താണിയിലെ ശാന്തിഭവനിൽ ഏൽപ്പിച്ചു. നേരത്തെ ലഭിച്ച മൂന്നു കുഞ്ഞുങ്ങളെ മലപ്പുറം മൈലപ്പുറത്തുള്ള ശിശുഭവനിൽ ഏൽപ്പിച്ചിരുന്നു. മൂന്നും ആണ്കുഞ്ഞുങ്ങളായിരുന്നു. തിങ്കളാഴ്ചയാണ് ഒരു കുട്ടിയെ മഞ്ചേരി മെഡിക്കൽ കോളജ് ആശുപത്രിയോടനുബന്ധിച്ചുള്ള അമ്മത്തൊട്ടിലിൽ ഉപേക്ഷിക്കപ്പെട്ട…
Read Moreകൊറ്റില്ലത്ത് വേട്ടക്കാർ പക്ഷികളെ കൊന്നൊടുക്കുന്നു; വലയിൽ കുടുങ്ങുന്നത് പത്തും, ഇരുപതും കൊക്കുകൾ; കൂടാതെ ദേശാടന പക്ഷികളും
പനമരം: പക്ഷികളെ കെണി വച്ച് പിടിക്കുന്നവർ പനമരം കൊറ്റില്ലത്തിന് ഭിഷണിയാകുന്നു. നിരവധി പക്ഷികളെയാണ് ഇവർ പിടിച്ചത്. പക്ഷികളെ രക്ഷിക്കാൻ നടപടി വേണമെന്ന് നാട്ടുകാർ ആവശ്യപ്പെട്ടു. പനമരം കൊറ്റില്ലത്തിൽ ആയിരക്കണക്കിന് വിവിധ തരത്തിലുള്ള കൊക്കുകളാണുള്ളത്. കൊക്കുകളെ പിടിക്കാനായി നാടോടികളിൽ ചിലർ കൊറ്റില്ലത്തിന്റെ പരിസരത്ത് തങ്ങുകയാണ്. വലവിരിച്ച് ചെറുതവളകളെ ഇരയായി വച്ചാണ് കൊക്കുകളെ ആകർഷിക്കുന്നത്. പത്തും, ഇരുപതും കൊക്കുകൾ ഒന്നിച്ചാണ് വലയിൽ കുടുങ്ങുന്നത്. ഇങ്ങനെ പിടിക്കുന്ന കൊക്കുകളെ കൂടാതെ ദേശാടന പക്ഷികളെയും ഈ കൂട്ടർ പിടിക്കുന്നുണ്ട്. കഴിഞ്ഞ ദിവസം പനമരം ചെറിയപാലത്തിനു സമീപമുള്ള ഇല്ലിക്കൂട്ടത്തിൽ നിന്ന് നാടോടികൾ പത്ത് വെള്ളകൊക്ക്, അരണ്ട തുടങ്ങിയവയെ പിടികൂടി. ഇത് നാട്ടുകാരുടെ ശ്രദ്ധയിൽപ്പെട്ടതിനെത്തുടർന്ന് സംഘം പക്ഷികളെ ഉപേക്ഷിച്ച് കടന്ന് കളഞ്ഞു. പകൽ സമയത്ത് കൊക്കുകൾ പനമരത്തും പരിസരത്തെ വയലുകളിലുമാണ് ഇരതേടാൻ എത്തുന്നത്. ഇവിടെയാണ് നാടോടികൾ വലവിരിച്ച് കൊക്കുകളെ പിടിക്കുന്നത്. കൊറ്റില്ലത്ത് നൂറുകണക്കിന് കൊക്കുകൾ എപ്പോഴുമുണ്ടാകും.…
Read More